Аминов Носиржон Хасанбаевич
@aminov0615
0 Followers
0 Following

18 май – “Халқаро музейлар куни”

18-май Халқаро музейлар куни. Ўзбек халқининг тарихи нақадар залворли, халқимизнинг ва айниқса ёш авлоднинг мавжуд урф-одатлар, анъаналар ҳамда қадимий ёдгорликларни ўрганишга ва сақлашга интилиши табиий. Бу борада эса музейларнинг ўрни беқиёс.

Кончилик ва металлургия саноати ходимлари куни.

Кончилар кунни тунга улаб, эл, Ватан, келажак ҳамда оиласи учун жавлон уриб меҳнат қилаётир. Бугунги кунда "Ўзбеккўмир" акциядорлик жамияти ана шундай фахрли касб эгаларини бир жойга жамлаган.

ДАРАХТ КЎЧАТЛАРИ ТАРҚАТИЛДИ.

Мамлакатимизда эпидемилогик вазият бўлишига қарамай, томорқа ер майдонларида кўкаламзорлаштириш, кўчатлар ўтқазиш ишлари изчил давом этаяпти. Ангрен шаҳри иқлим шароити, тоғли ҳудудда жойлашганлиги боис, кўчат ўтқазиш, экин билан боғлиқ ишлар бошқа туман, шаҳарларга нисбатан муддатида анча фарқ бор. Айни дамда Ангрен шаҳрида кўчат ўтқазиш ишлари бошланиб кетган. Ангрен шаҳар ҳокимининг ташаббуси билан ерли аҳоли хонадонларида, шаҳардаги кўп қаватли уйлар ён-атрофидаги бўш ер майдонларига мевали ва манзарали дарахт кўчатлари ўтқазилиб, боғ-роғлар ташкил этилаяпти. Шаҳар ҳокими Шукурулла Маҳмудовнинг ушбу ташаббусини Олий Мажлис Қонунчилик Палатаси депутати Носиржон Аминов ҳам қўллаб-қувватлади. Шу мақсадда Ангрен шаҳрига уч мингта мевали дарахт кўчатининг етказилишида амалий ёрдам кўрсатди. Ушбу жараёнга Тошкент тумани "Боғ ниҳол зиё файз" фермер хўжалиги раҳбари Абдурауф Рихсиев. Экопартия Марказий Кенгаш Ижроия девони бўлим раҳбари Шодиёр Азизовлар ҳам бош қўшдилар. Жумладан, шаҳримизга олма, шафтоли, нок каби олий навли дарахт кўчатларининг ажратилишида яқиндан ёрдам бердилар.
Ушбу дарахт кўчатлари Ободонлаштириш бошқармаси томонидан Ангрен шаҳрига келтирилди ва уч мингта кўчат энг аввало кам таъминланган ва эҳтиёжманд оилаларга ва томорқаси мавжуд хонадонларга ҳам тарқатилди.
– Мақсадимиз – Ангрен шаҳрида одамлар оиласига, қолаверса, шаҳарга иқтисодий фойда келтирадиган ўсимлик турларини кўпайтириш, фаровон турмуш барқарорлигини таъминлаш, - дейди Олий Мажлис Қонунчилик палатаси депутати Носиржон Аминов. - Шу боис аҳоли яшаш ҳудудлари атрофига экиш учун уч минг дона кўчат аҳолига тарқатилмоқда. Экиладиган кўчат турларини тўғри танланса ва экиш агротехникасига амал қилинса, мақсадга мувофиқ бўлар эди.
Амалга оширилаётган бундай хайрли амаллар ва бажарилаётган юмушлар Ангрен шаҳрида экологик муҳит барқарорлигига эришиш ва аҳоли фаровонлигининг янада ошишига хизмат қилади

Ангрен шаҳар Халқ қабулхонасида.

Бугун Ангрен шаҳар Халқ қабулхонасида ўтган фуқаролар қабулида шаҳар ҳокими Ш.Маҳмудов, Олий Мажлис Қонунчилик палатаси депутати Н. Аминов,
ҳоким ўринбосарлари ва секторларХалқ қабулхонаси мудири В.Ибрагимов, секторлар масъуллари, шаҳар Кенгаши депутати А. Назиров ҳамда мутасадди ташкилотлар раҳбарлари жисмоний шахслар мурожаатларини қабул қилдилар.
Кабулга келган эллик нафардан зиёд фкқароларнинг ҳар бир мурожаати тингланиб, масала ечимига эътибор қаратилди.
Жумладан, Ангрен шаҳрида дала ҳовлилар асосан фуқаролар томонидан доимий турар жойларга айлантирилган. Масала шундаки, дала ҳовлида истиқомат қилувчилар эгалик ҳуқуқи ва прописка бўйича ечим излаб, қачонлардан бери мурожаат қиладилар.
Бугунги қабулга "Роҳат" боғдорчилик жамиятида истиқомат қилаётган аҳоли номидан ўндан ортиқ фуқаро айнан яна шу масала юзасидан, қолаверса, дала ҳовлига маҳалла мақомини бериш бўйича мурожаат қилдилар. Нима бўлганда ҳам мурожаатга тўғри ва аниқ муносабат билдириш, масалага ечим топиш муҳимлигини қайд этган шаҳар ҳокими Ш.Маҳмудов ҳамда
Олий Мажлис Қонунчилик палатаси депутати Н.Аминовлар ушбу мурожаатни диққат билан тингладилар, сўнгра дала ҳовлиларга маҳалла мақоми ва эгалик ҳуқуқи беришнинг қонуний тартиби, тамойиллари тўғрисида батафсил тушунтирдилар. Дала ҳовли масаласига ижобий ечим топишга умид боғлаган фуқаролар депутат Н.Аминовга ёзма ариза тақдим қиладиган бўлдилар.
Қабул давомида фуқаролар асосан уй-жой, бандлик масаласи, моддий ёрдам кўрсатиш бўйича мурожаат қилдилар
Хонадонига қарздорлиги учун ҳисоблагич ускунасини қўйиб беришда амалий ёрдам сўраб келган фуқаронинг мурожаатини Ангрен ШЭТК раҳбари Ҳ.Ерназарова томонидан ижобий ҳал этилди
"Хаккарман-Янги Жигаристон" маҳалласидан келган фуқаро ноқонуний ер эгаллаб, боғ қилган, лекин турар жойга мослашмаган. У боғи бузилишидан ташвишланиб, мурожаат қилди.Ушбу мурожаатдаги масала жойига чиқиб ўрганиладиган бўл
Фуқароларнинг кўпчилиги уй-жой бўйича мурожаат қилишди. Уларга кредит асосида реконструкция қилинаётган кўп қаватли уйларни олиш тартиби тушунтирилди.
Красногорск қўрғонида ҳайвонот боғи очиш орқали тадбиркорлик қилиш истагини билдирган фуқарога ер майдони ажратиш масаласини шаҳар ҳокими Ш.Маҳмудов шу ернинг ўзида Оҳангарон Ўрмон хўжалиги раҳбарияти билан алоқа ўрнатиб, масалага ижобий ечим топди. Бугун бандлик бўйича қилинган мурожаатлар юзасидан Бандликка кўмаклашиш маркази раҳбарига ҳам бир қатор вазифалар берилди.
Бугунги қабулнинг самараси энг аввало кўплаб масалаларга ечим топилди. Яна бир жиҳати, Олий Мажлис Қонунчилик палатаси депутати Н.Аминов қабул давомида фуқароларга бугунги кунда парламент томонидан кўрилаётган қонун лойиҳалари ва юртимиздаги ислоҳотлар тўғрисида ҳам тушунчалар берди.