Olimlar Marsda yashay oladigan ikki bakteriya turini aniqladilar

Tadqiqot Chilining baland tog‘li ko‘llarining ekstremal muhitida o‘tkazildi.

Germaniya, Fransiya, Chili va boshqa mamlakatlardan bo‘lgan xalqaro olimlar guruhi Chilining baland tog‘li ko‘llarining ekstremal muhitida – Mars sayyorasini eslatuvchi sharoitlarda yashovchi ikkita yangi bakteriyani aniqladi. Tadqiqot Journal of Proteome Research (JPR)da chop etildi.

Mutaxassislar ekstremofil mikroblarni yangicha usul tufayli kashf qilishdi. Usul mikroorganizmlarning genetik materialini o‘rganishga emas, balki oqsil bo‘laklarini tahlil qilishga asoslangan.

Tadqiqotchilar o‘z qidiruvlarini 3,7 kilometrdan ortiq balandlikdagi beshta baland And ko‘llaridan suv namunalari bilan boshladilar. Olingan namunalardan olimlar 66 mikrobni etishtirishdi. Keyin ular peptid shablonlarini yaratish va kerakli xususiyatlarga ega mikroorganizmlarni qidirish uchun peptidlar deb nomlanuvchi maxsus oqsil bo‘laklarini o‘rganishdi.

Usul yordamida mutaxassislar ekstremofillarning ikkita potensial yangi turini aniqladilar.

Protein profilini qo‘llash orqali olimlar Yerdan tashqaridagi hayotni aniqlashlari va sayyoramizdagi biologik xilma-xillikni yaxshiroq tushunishlari mumkin, deydi olimlar jamoasi.