СТИВ ЖОБСНИНГ УЧ ҲИКОЯСИ


Стив Жобснинг Стенфорд университети битирувчилари олдидаги нутқидан.

“Бугун дунёнинг энг яхши университетларидан бирининг диплом топшириш маросимида сизлар билан бирга бўлиш мен учун катта шараф. Мен институтни тугатмаганман. Бугун сизларга ҳаётимнинг уч ҳикоясини айтиб бермоқчиман. Шу холос. Ортиқча ҳашаматсиз. Оддийгина учта ҳикоя.

Биринчи ҳикоя – нуқталарнинг бирлашуви ҳақида. Мен Реэд Kоллеждаги таълимни биринчи 6 ойлик ўқишдан кейин ташаганман, лекин у ерда «меҳмон» сифатида 1,5 йилча яшаганман. Нима учун мен ўқишни тарк эттим? Ҳаммаси туғилишимдан олдин бошланган.

Менинг биологик онам ёш, турмушга чиқмаган аспирант бўлган ва мени асраб олишларига бериб юборишга қарор қилади. У мени олий маълумотли кишилар асраб олишлари учун ҳаракат қилади, шунинг учун менинг тақдиримга ҳуқуқшунос ва унинг хотини томонидан асраб олишлари битилган эди. Тўғриси, бу ёруғ дунёга келишимдан бир неча дақида олдин, улар қиз бола хоҳлашаётганини айтишган.

Шунинг учун уларга тунда қўнғироқ қилишиб, «Кутилмаганда ўғил бола туғилди. Шундай бўлса ҳам, уни асраб оласизларми?» деб сўрашади ва «Албатта» дея жавоб олишади. Кейинчалик биологик онам мени асраб олган онам коллежни, отам эса мактабни битирмаганлигини билиб қолади. Биологик онам асраб олишлик ҳақидаги шартномага имзо чекишдан бош тортади. Ва фақат бир неча ойдан сўнг асраб олган ота-онам мени албатта коллежга киришимга ваъда беришганларидан кейин, биологик онам рози бўлади. Ва 17 йил ўтиб, мен коллежга бордим. Лекин мен соддаларча коллежни танлаганман, чунки мазкур коллеж деярли Стенфорддай қиммат эди ҳамда ота-онамнинг барча жамғарган пуллари коллежга тайёрланишимга сарф бўлганди. Олти ойдан сўнг, мен ўқишимдан ҳеч қандай мазмун кўрмаганман. Мен ҳаётимда нима қилишни хоҳлашимни билмаганман ва қандай қилиб менга коллеж буни фаҳмлаб етишимга ёрдам беришлигини тушунмаганман.

Мана, ота-онамнинг бир умр йиққан пулларини беҳуда сарфлаб юборганман. Шунинг учун мен коллежни ташлашга ва ҳаммаси яхши бўлишига ишонишга қарор қилдим. Бошида бироз тушкунликка тушганман, лекин ҳозир ортга назар ташласам, бу ҳаётимдаги энг яхши қарорлардан бири бўлганлигини тушундим. Лекин ҳаммасиям кўнгилдагидай бўлмаган.

Ётоқхонада хонам бўлмаган, шунинг учун дўстларимнинг хонасининг полида ухлаганман, егулик сотиб олиш учун Кола ичимлигининг бўш шишаларини тўплаб, 5 сентдан сотар эдим ҳамда ҳар якшанба кечида бутун шаҳар бўйлаб 7 мил юриб, ҳафтада бир марта бўлсада, кришнаитлар ибодатхонасида яхшигина овқатланиб қайтар эдим. Бу менга ёқар эди. Ҳаммасидан кўра, ўзимнинг қизиққонлигим ва ички ҳис-туйғумга суянган ҳолда нималарга тўқнаш келганим аслида охирида бебаҳо бўлиб чиқди.

Мана сизга мисол: Реэд Коллежда доим каллиграфия (чиройли ҳусни-хат) бўйича энг яхши дарсларни ўтишган. Бутун коллеж ҳудуди (кампус) бўйича ҳар бир деворий қоғозлардаги ҳар бир белги қўлда чиройли ҳуснихат билан ёзилар эди. Ўқишдан бўшаган бўлсамда, лекин каллиграфия бўйича дарсларга ёзилган эдим. Мен сериф ва санс сериф ҳақида, ҳарфлар комбинацияларидаги ҳар хил оралиқлар ҳақида, типографияни қандай қилиб санъат даражасига кутариш ҳақида кўп нарсаларни ўргандим. Бу санъат шунчалик гўзал, тарихий, юксак даражага этказилган эдики, фан буни тушунишига қурби етмасди. Булардан ҳеч қайсиси ҳаётимда керак бўлмасдан қолмади. 10 йил ўтиб, биз биринчи Макинтошни ишлаб чиққанимизда, буларнинг ҳаммаси асқотди.

Ва Мак чиройли типографияни қўллаган биринчи компьютер бўлди. Агар мен бу каллиграфия курсларига қатнамаганимда, Макда ҳеч қачон бунақа шрифтлар бўлмаган бўлар эди. Агар мен коллеждаги ўқишдан воз кечмаганимда, каллиграфия курсларига қатнамаган, компютерларда ҳозиргидай ажойиб типография бўлмаган бўлар эди.

Албатта, ҳамма нуқталарни коллеждалигим вақтида бирлаштириш мумкин эмас эди. Лекин 10 йил ўтиб, ҳамма-ҳаммаси очиқ-ойдин бўлиб қолди. Яна қайтараман: сиз ҳеч қачон нуқталарни олдинга қараб бирлаштира олмайсиз; сиз уларни фақат ўтмишга қараб бирлаштира оласиз. Шунинг учун келажакда асқотиши мумкин бўладиган ушбу нуқталарга ишонишингизга тўғри келади. Сиз нимагадир умид боғлашингиз керак: характерингизга, тақдирингизга, ҳаётингизга, устун томонингизга – нима бўлса ҳаммасига. Бундай ёндашиш ҳеч қачон менга панд бермаган ва бу менинг ҳаётимни ўзгартирган.

Менинг иккинчи ҳикоям – муҳаббат ва йўқотиш ҳақида. Омадим боракан, ҳаётда бирон нимани анчайин эрта бажаришни яхши кўришимни англаб етгандим. 20 ёшлигимда Wоz билан биргаликда ота-онамнинг гаражида Apple компаниясига асос солдик. Биз жуда қаттиқ тер тўкиб меҳнат қилдик ва 10 йил ичида Apple компанияси гараждаги икки кишидан 2 млрд. АҚШ долларлик қийматли 4000 та ходимга эга компаниягача етди. Биз ўзимизнинг энг яхши маҳсулотимиз – Макинтошни йўлга қўйдик – ўшанда мен деярли 30 ёшга тўлай деб қолгандим. Ва кейин мени ишдан бўшатишди. Қандай қилиб сизни ўзингиз асос солган компаниядан бўшатишлари мумкин? Чунки, Apple компаниясининг йириклашганлиги сабабли компанияни бошқаришда менга ёрдам бериш учун иқтидорли одамларни ёллаган эдик ва биринчи беш йилда ҳаммаси кўнгилдагидай бўлди.

Аммо кейин бизнинг келажакка қарашларимиз айри тус олди ва охир-оқибат биз уришиб қолдик. Директорлар кенгаши унинг томонига ўтиб олди. Шунда 30 ёшимда мени бўшатишди. Яна оммавий тарзда. Балоғат ёшимдаги барча ҳаётим мазмуни юқотилган эди. Бир неча ой нима қилишни билмасдим. Мен олдинги авлод табдиркорларига панд бериб қўйганимни – менга эстафета таёқчасини беришганда тушуриб қўйганлигимни ҳис қилдим.

Мен Давид Паcкард ва Боб Нойcэлар билан учрашиб, қилиб қўйган ишларимдан кечирим сўрашга ҳаракат қилдим. Бу оммага маълум бўлган мағлубият эди ва узоқроққа қочиб кетишни ҳам ўйлаган эдим. Бироқ нимадир секин-секин менга аён бўла бошлади – мен ҳали ҳам қилган ишларимни севардим. Appleдаги воқеалар кетма-кетлиги оддийгина ҳаммасини ўзгартириб юборди.

Мен буриб юборилган эдим, лекин мен ҳамон ўз танлаган йўлимни, ишимни ёқтирардим. Ва, алал-оқибат, мен ҳаммасини бошидан бошлашга қарор қилдим. Ўшанда Apple компаниясидан бўшатилишим мен билан содир бўлиши мумкин бўлганларнинг яхшиси эканлигини тушунмаганман. Омадли кишининг оғир ташвишлари ўрнини бирон нимага унчалик ишончи комил бўлмаган янги кишининг енгил фикрлари эгаллади.

Мен эркин бўлган эдим ва ҳаётимнинг энг ижодли даврига қадам қўйгандим. Кейинги 5 йил давомида NeXT компаниясига, кейин Pixar номланмиш студияга асос солдим ҳамда ажойиб аёлга кўнгил қўйдим ва у менинг ягона аёлимга айланди.

Pixar энг биринчи компютер анимацияли фильм – «Ўйинчоқлар ҳикояси» («Toy story») ни яратди ва ҳозирда дунёда энг омадли анимация студияларидан бири ҳисобланади. Ҳайратлантирадиган ҳодисалардан бири, Apple компаниясининг NeXTни сотиб олиши, мени Appleга қайтарди. NeХТ компанияси томонидан ишлаб чиқилган технология Appleнинг кейинги тикланишида асосий роль ўйнади. Лаурене билан эса ажойиб оила қурдик.

Мен шунга ишончим комилки, агар мени Appleдан бўшатишмаганда булардан ҳеч қайсиси юз бермаган бўлур эди. Дори жуда аччиқ эди, лекин беморга бу ёрдам берган эди. Баъзан ҳаёт сизни бешавқат калтаклайди. Лекин ишончни юқотманг.

Шунга имоним комилки, ишимни давом эттиришимда ёрдам берган ягона нарса бу ўз ишимни севишим эди. Сиз нима қилишни ёқтиришингизни топишингиз керак. Ва бу иш учун ҳам тўғри бўлади ҳам муносабатлар учун. Сизнинг ишингиз ҳаётингизнинг катта қисмини тўлдиради ва тўлиқ ҳотиржамликнинг ягона йўли бу ўзингиз учун энг буюк ҳисобланган ишни қилиш керак. Ва буюк ишни қилишнинг ягона йўли бу нима қилаётганингизни севишингиз керак. Агар сиз ҳали ўзингизнинг ишингизни топмаган бўлсангиз, изланг. Тўхтаманг. Қачонки, ишингиз бутун қалбингиздан бўлса, топганингизни билиб оласиз. Ва, ҳар қандай яхши муносабатлар сингари, улар йиллар ўтган сари яхшиланиб боради. Шунинг учун қидиринг, токи топгунингизча. Тўхтаманг.

Учинчи ҳикоям – ўлим ҳақида. 17 ёшлигимда, бир иқтибосга кўзим тушган эди, мазмуни қуйидагича эди: «Агар сиз ҳар бир кунингизни худди охирги кунингиздай ўтказаётган бўлсангиз, қачондир сиз ҳақ бўлиб чиқасиз.» Мазкур иқтибос менга катта таассурот қолдирган ва ҳалигача, мана деярли 33 йил давомида ҳар куни ойнага қарайман ва ўзимдан сўрайман: «Агар бугунги кунинг ҳаётингнинг охиргиси бўлса, бугун қилмоқчи бўлган ишларимни қилар эдимми?» Бир неча кунлар давомида бу саволга жавоб «Йўқ» бўлаверганидан сўнг, мен нимадирни ўзгартиришим кераклигини тушунар эдим. Яқинда ўлишим ҳақидаги хотира – ҳаётимда менга мураккаб қарорларни қабул қилишга ёрдам берувчи энг муҳим восита ҳисобланади.

Чунки қолган ҳамма нарсалар – ўзгаларнинг фикри, бу ғурур, бу ҳижолатпазликдан ҳадиксираш ёки муваффақиятсизлик – буларнинг ҳаммаси ўлим олдида ҳеч қандай аҳамиятга эга бўлмай қолади, аксинча аслида энг муҳим нарсаларни унутишингиз мумкин. Ўлимни ёдда тутиш – йўқотишингиз мумкин бўлган нарсалар ҳақидаги ҳаёллардан қутулишнинг яхши йўли.

Сиз аллақачон яланғочсиз. Сизда қалбингиз даъватига қарши боришга бошқа баҳона йўқ. Бир йилча олдин менга диагноз қўйишди: саратон (рак). Ошқозоности безида хавфли ўсма тасвирланган рентген қоғозлари менга тонгда юборилган эди. Мен ҳатто ошқозоности бези нималигини билмасдим ҳам. Врачлар бу саратон турини тузатиб бўлмаслиги ва мен уч-олти ойдан ортиқ яшамаслигимни айтишди. Врачим менга уйга боришимлигини ва ишларимни тартибга келтиришимни (тўғрироғи, ўлимга тайёрланишимни) маслаҳат берди. Бу фарзандларимга кейинги ўн йилликда нималар дейишим мумкинлиги ўйлаб, уларга ҳозироқ ҳаммасини айтишга, ҳаммаси яхши бўлишлигини ишонтиришга ҳаракат қилишингни англатар эди. Бу алвидолашишни англатар эди. Мен бу диагноз билан кун бўйи яшадим. Кечга яқин мени биопсия қилишди – томоғимдан эндоскопни киргизишиб, ошқозон ва ичаклардан ўтказиб, ошқозоности безига игна тиқишиб, ўсимтадан бир неча ҳужайраларни олишди.

Мен ухлатилган эдим, лекин ўша ерда ёнимда бўлган аёлимнинг айтишича, врачлар ҳужайраларни микроскоп остида текширишганидан сўнг, улар бақириб юборишган эди, чунки менда ошқозоности бези ракининг ноёб тури аниқланган ва буни операция йўли билан даволаш мумкин эди. Мени операция қилишди ва ҳозир мен соппа-соғман. Ҳаммасидан кўра, ўлим менга яқин келганди. Буларни енгиб ўтиб, ҳозир шуни ишонч билан айтишим мумкинки, ҳеч ким ўлишни хоҳламайди. Ҳаттоки, жаннатга тушиши аниқ бўлсада, ўлишни хоҳлашмайди. Лекин барибир, ўлим билан барчамиз тўқнаш келамиз. Ҳеч ким ўлимдан қочиб қутулмаган. Шундай бўлгани ҳам яхши, чунки ўлим, менимча, ҳаётнинг энг яхши кашфиёти бўлса керак. У – ўзгаришга сабабдир.

У янгиларга йўл очиш учун ҳаётни эскилардан тозалайди. Ҳозирда янгилар бу – сиз, лекин қачондир (балки тезда, балки анчадан кейин) – сиз ҳам эскирасиз ва сизни ҳам тозалашади. Бунақа драматик гапим учун узр сўрайман, лекин бу ҳақиқат. Сизнинг вақтингиз чегараланган, шунинг учун уни кимнингдир ҳаётига сарфламанг. Бошқалар томонидан билдирилган фикр билан яшаманг ва ақидалар тузоғига тушиб қолманг. Ҳаммасидан муҳими, қалбингиз ва интуициянгизга эргашишингизга жасоратингиз етсин. Улар қандайдир маънода, сизнинг аслида ким бўлиб етишингизни билишади.

Қолган барчаси иккинчи даражали. Ёшлик вақтимда, мен тенгиларнинг асосий йўриқчи китобларидан бўлган Курраи Замин Каталоги («The Whole Earth Catalogue) номли ажойиб нашрни ўқиган эдим. Уни бу ердан унча узоқ бўлмаган Менло Паркда яшовчи Steward Brand исмли йигит ёзган эди. Ўшанда 60 йилларнинг охири, шахсий компютерлар ва ҳозиргидай нашриётлар мавжуд бўлмаган эди, шунинг учун у ёзув машинаси ва қайчида қилинган эди.

Худди Google қоғоз ҳолида эди, Googleгача 35 йил бор эди. Нашр ғоявий ва катта идеяларга тўла эди. Стеwарт ва унинг ҳамроҳлари Курраи Замин Каталогининг бир нечаси нашр этишган ва охир-оқибат, якуний қисмини нашр этишди. Бу 70 йилларнинг ўрталари эди ва мен сизнинг ёшингизда эдим. Нашрнинг охирги варағида бир расм ва шундай ёзув бор эди: «Оч ўтирсанг, ахмоқ бўлиб қолаверасан».

Бу уларнинг сўнги сўзи эди. Оч ўтирсанг, ахмоқ бўлиб қолаверасан. Ва мен доим шунга амал қилиб келганман. Stay hungry (Оч бўл). Stay foolish (Нодон бўл). Ҳаммага катта раҳмат.”

PS. Оч бўл — доим янгиликка ва янада кўпроғига, яхши натижаларга эришишга «оч» бўл. Нодон бўл — доим изланишда бўл, доим ўрган. Ҳеч қачон бир нарсани тўлиқ биламан деб ўйлама. Нодон бўлиб, ўқи, ўрган, ўқи!

March 7, 2019
by Business Club
0
34

БАЙРАМЛАРДА СОВҒАЛАРНИ ЕТКАЗИБ БЕРИШ ХИЗМАТИ

Таклиф қилмоқчи бўлган ушбу бизнес ғоямиз ҳам ўзгачалиги билан фарқ қилади. Яъни бу бизнес байрамларда совғалар етказиб беришдан иборат. Совғаларни уйларга, ишхоналарга, тайинланган жойларга, ҳуллас исталган буюртма қилинган жойларга етказиб бериш керак бўлади.

          Маълумки, байрам пайтлари бозорлар, махсус дўконларда одамлар тиқилинч бўлиб кетади.

          Бундай ҳолатларда истаган буюмни ё топиб бўлмайди, ё аллақачон тугаган, ё ранги мос эмас, ёки яна қандайдир кутилмаган ҳолатлар вужудга келади. Бундан ташқари топилган совғани чиройли қилиб ўратиш (упаковка) қилдириш керак. Камига, ҳар кимнинг ҳам байрам ёки тадбир олдидан ишлари қалашиб кетади, айниқса аёллар уйдаги пишир-куйдир ишларига ошиқадилар. Ўар қандай одамнинг сабри етмайдиган ушбу жараёнда сиз ёрдам қўлини чўзиш имкониятига эга бўласиз.

          Айнан шундай муҳим пайтда сизнинг фирмангиз ёрдамга шай бўлади. Исталган кўринишдаги, исталган ранг ва ўлчамдаги чиройли ўралган совғалар мижоз истаса вақтидан олдин ҳам буюртма асосида унга етказиб берилади. Бундай фирма, айниқса катта байрамлар пайтида мижозларга бой бўлади. Янги йил, 14-январ, 8-март, 21-март, 1-октабр, янги йил каби байрамлар шулар жумласидандир. Бундан ташқари туғилган кун ва юбилейлар, ишхонадаги тадбирларда ҳам совғалар доим талабгорларини топади.

          Фирмангиз ҳақида кўпроқ одам эшитиши учун, газета, сайт ва телеканалларда эълонлар беришингиз мумкин. Бундан ташқари брошюра ёки варақа (флаер) лар таёрлатиб, супермаркетларга, одам гавжум жойдаги, марказдаги дўконларга тарқатинг, уларни ҳаридорларга чек билан бирга тақдим қилишга келишиб олинг.

          Бундай бизнесни очиш учун катта маблағ талаб этилмайди. Кичик офис (ёки бошида ўз уйингизда) очасиз, бир неча ҳодим ёллайсиз, телефонга ўтириб ишни бошлайсиз. Йирик ташкилот ва фирмаларга қўнғироқ қилиб хизматингизни таклиф қиласиз (уларнинг рақамини маълумотнома ёки интернет саҳифалридан топишингиз ҳам мумкин). Айниқса катта байрамлар олдидан қўнғироқ қилсангиз кўп буюртмалар олишингиз мумкин. Фақат байрам пайтларида, мавсумий даромад эгаси эмас, доимий даромад эгаси бўлишингиз учун ҳонадонларга (туғилган кун, тўй-тадбирларда) совғалар етказиб беришдан ташқари кундалик рўзғорда ишлатиладиган нарсаларни ҳам етказиш билан шуғулланишингиз мумкин. Бунинг учун нархлар оқилона тарзда қўйилиши кераклигини эътиборга олинг.

          Совғаларни ўзингиз аввалдан турли хил қилиб тайёрлаб мижозларга танлов сифатида тақдим қилишингиз ёки айнан буюртма орқали тайинланган исталган совғани тайёрлашингиз мумкин. Шунингдек автомашинангизга ҳам маҳсус байрамона безак бериш мумкин.

          Иш бошлаган вақтингиз дарров катта даромад олишни кутманг, иш юришган сари, одамлар, ташкилотлар сиз ҳақингизда эшитишган сари мижозларингиз сони ортади.

💎 БИЗНЕС КЛУБ 💎

February 11, 2019
by Business Club
0
6

💎 TРАМПНИНГ БОЙЛИГИ ҚАНЧА ВА У ҚАЕРДАН ДАРОМАД ҚИЛАДИ?

У бир вақтлар 10 млрд доллар бойлиги борлигини эълон қилганди. Шунингдек, АҚШ президенти учун мўлжалланган йиллик 400 минг доллардан хайрия фойдасига воз кечиб, рамзий 1 доллар учун ишлайди. У тарихга АҚШнинг энг бой президенти сифатида кирган.


Бу таърифларнинг эгасини яхши биласиз – АҚШнинг амалдаги президенти, миллиардер Доналд Tрамп.


Жуда кўпчилик Tрампнинг муваффақият сирига қизиқади. Унинг ўзи муваффақият калити сифатида яхши оилада туғилиш ва вояга етишни кўрсатади. Лекин Доналд Tрампнинг оламшумул шуҳрат қозониши, «дунёдаги биринчи рақамли амал» дея таърифланувчи АҚШ президентлигини эгаллашига сабаб ўзини муносиб даражада ва ортиғи билан кўрсата олганида. Дунёда минглаб миллиардерлар, маблағи Tрампникидан ўнлаб баробар кўп бойваччалар бор.


Лекин Tрамп битта!


Президентлик ўз йўлига, бойлик ўз йўлига эканлигининг яққол исботини Tрамп бу амалда ўтказган илк йилидаёқ яхшигина англаб етди. Чунки бир йил ичида унинг пуллари 400 млн долларга камайди, Форбес рейтингида 10 ўрин пастлаб кетди, «бор йўғи» 3,1 млрд бойлиги қолди. Бунинг асосий сабаби шунда эдики, бир вақтлар барча ҳамкорлар унга бироз калондимоғлар бўлсада, узоқни кўра билувчи бизнесмен сифатида ёндашган бўлишса, энди унинг ёнига «АҚШ президенти» деган атама ҳам қўшилди. Сиёсат эса тусланишга мойил соҳа – бугун президент учун жонини беришга тайёр бўлганлар эртага уни ерга уриб ташлашдан ҳам тоймайдилар. Шундай экан, Tрамп номи билан боғлиқ ҳар қандай лойиҳа катта таваккалчиликка айланиб қолади.


Мисол учун, АҚШнинг турли бурчакларида Tрампга тегишли голф клублар фаолият юритади. Tрамп ғолибликни қўлга киритган штатларда ҳаммаси кўнгилдагидек – даромадлар барқарор ва қисман ўсган. Аммо Tрамп мағлуб бўлган штатларда тескариси – даромадлар 4-5 фоизга пасайган.


Нью-Йорк марказидаги 5-авенюда жойлашган Trump Tower осмонўпар биноси ва Tрампга тегишли бошқа иншоотлар баҳоси сўнгги йилларда анча пасайди. Биргина Trump Tower биносининг ўзи 41 млн. долларга арзонлашган. Иккинчи бинодаги ижарачилар ҳам шартномани узайтиришга шошилмаяпти. Уларнинг энг машҳури ва катта даромад келтираётгани Nike компаниясининг 6000 кв/м/ли дўкони эди. Аммо Nike интернет савдоси ўсиб бораётгани ортидан анъанавий дўконларни қисқартириш режасига кўра ижара шартномасини узайтирмасликка қарор қилган.


Бундай омиллар таъсир қилиб, президентга тегишли "The Trump Organization" компанияси баҳоси бир йил ичида 50 млн долларга арзонлашиб кетди. Вазият шу даражага бориб етдики, бу компанияга тегишли қатор бинолар, меҳмонхоналар пештоқидаги бир вақтлар мижозларни жалб қилишга хизмат қилган Tрамп номи ҳам суратлари олиб ташлана бошланди.


Шунга қарамай, президентга ҳамон яхшигина даромад келтираётган лойиҳалар талайгина. Tрамп берган ҳисоботларга кўра улар: кўчмас мулк ижараси (1,337 млрд доллар), голф клублар ва меҳмонхоналар ижараси (йилига 615 млн доллар), ўз номидан фойдаланиш, китоблардаги муаллифлик ҳуқуқлари (10 млн), узумзорлар (6 млн), қимматли қоғозлар (61 млн), самолётлар (58 млн), «Коинот гўзали» танлови (49 млн) кабилардир.


Гарчи бир вақтлар берган баёнотида 10 млрд долларга эга эканлиги ҳақиқатдан анча йироқлиги исботланган бўлсада, Доналд Tрамп ўша камайиб қолган 3,1 млрд доллар билан ҳам АҚШ тарихидаги энг бой президент бўлиб қолаверади.


💎 БИЗНЕС КЛУБ 💎

February 7, 2019
by Business Club
0
39

Камбағал ва бой одамлар орасидаги 10 та фарқ

1. Ўртаҳол одамлар қулай ҳаёт кечиради, бойлар эса ноқулайликларни қучоқ очиб кутиб олади.

"Хавфсиз” ишда ишлаш қулай. Бировга ишлаш қулай. Ўрта қатлам қулай яшашда бахтни кўрса, бойлар ноқулай вазиятлар шарофати билан турмушда ноодатий воқеалар бўлишига ишонади. Ўзингизнинг бизнесингизни юритишингиз таваккалчилик ҳисобланади. Таваккалчилик эса ҳеч ҳам қулай бўлмаган. Лекин шу таваккал орқасидан катта бойлик орттириш ва ҳавас қилса арзийдиган натижаларга эришиш мумкин.

Ўзингизнинг "комфорт ҳудудингиз”дан чиқиб кетинг. Барча йўлларга қараб кўринг. Агар бой бўлишни истасангиз бироз ноқулайликни бошдан ўтказишга мажбурсиз. Сиз муваффақиятсизликларга учрашингиз мумкин. Бу жуда яхши! Чунки муваффақиятсизлик таъмини тотмаяпсизми, демак кам ҳаракат қилаяпсиз. 


2. Ўрта қатлам вакиллари топганидан кўпроқ сарфлайди. Бойлар даромадидан кам харж қилади.

Ўртача миллионерлар орасида 100 минг долларли машинаси бор ёки ўта ҳашаматли уйи бор одамни тополмайсиз. Бойлар баракани учирадиган харажатлардан сақланади. Улар ўз пулини ақл билан, ўз маблағини кўпайтиришга ҳисса қўшадиган нарсаларга сарфлайди. АҚШда ўтказилган тадқиқот натижаларига кўра, ўртача ҳисобда бойлар янги автомобиль сотиб олгандан ишлатилган машиналарни ҳайдашни афзал кўрадилар. Янги уловни сотиб олишга пуллари етса ҳам, порлоқ келажак учун ўз нафсларини бошқара оладилар. 

Эсингизда сақланг, агар йилига 1 миллион доллар топиб, шунча сарф қилсангиз, барибир иқтисодий тангликка учрайсиз.


3. Ўрта қатлам каръера нарвонидан чиқишга уринади, бойлар эса ўша нарвонга эгалик қилади.

Ўрта қатлам биров учун ишлашга мойил бўлади. Уларнинг иши бор. Каръераси ҳам. Ўрта қаламдан юқоридагилар эса ўзларининг корхоналари бўлишига интилади. Улар ишга эгалик қилади. Бойлар эса ўз бизнесларига эга. Улар ўша ўрта қатлам шакллантирадиган каръера тизимига эгалик қилади. Улар кўп маблағ келтириши учун кўпроқ ишчиси бўлишини истайди. Бойлар бундай пассив даромаднинг фойдасини тушунади.


4. Ўрта қатлам вакиллар ҳамма билан дўст, бойлар эса эҳтиёткорлик билан дўст танлайди.

Бойлар муваффақиятли одамлар орасида бўлиш шахсий зафарларни таъминлашини тушунади. Аксинча, омади чопмаганлар орасида бўлиш билан улардан бирига айланиб қолиш мумкин. Статистик маълумотларга кўра, сизнинг даромадингиз учта энг яқин дўстингизнинг ўртача даромадига тенг. Агар кўп пул топишни истасангиз, даромади катта одамлар орасида бўлинг. Шунчаки ҳаётий қарашларингизни муваффақиятли одамларнинг фикрлашига тенлаштиринг. Хуллас, агар бой бўлишни хоҳласангиз, бойлардек ўйлашингиз зарур.


5. Ўрта қатлам пул топиш учун ишлайди, бойлар эса ўрганиш учун.

Ўрта қатлам кўпроқ ҳақ тўлаш ваъда қилинганида ўз ишларини ўзгартиришга осонликча рози бўлишади. Бойлар ишлашнинг, айниқса, ёшликдаги меҳнатнинг моҳияти пул эмаслигини яхши тушунишади. Ишлашдан мақсад бой бўлиш учун керак бўладиган билим ва кўникмаларни эгаллашдир. Масалан, савдода зафар қучиш учун савдогарлик қилиб кўриш керак. Ёки бугхалтерияни яхши тушуниш учун банкда ишлаш қўл келади. Агар бой бўлишни истасангиз, бойлик келтирадиган ҳунар — кўникмаларни эгаллаш даркор. Кўпчилик бой одамлар эришган манзилга элтувчи йўл катта мояна топишдан бошланмаган.


6. Ўрта қатламда буюмлар талай, бойларда-чи — киримлар.

Яна ҳашаматли машиналар ва катта уйларга қайтайлик. Мана ўрта қатлам ўз пулини қаерга сарфлайди. Бой бўлиш учун буюм орттиришга эмас, пул ёки пулга тенглаштирилган мол-мулклар орттиришга ҳаракат қилиш керак. Бу кулгули эшитилиши мумкин. Американинг энг бой шахсларидан бири Уоррен Баффет 1958 йилда сотиб олган уйида яшайди. Уй учун у атиги 31 500 доллар тўлаган.

Пулни йиғишга ёки пул келтирадиган бизнесларга сармоя киритишга одатланинг. Агар бирор нарса сотиб олмасдан туролмайдиган феълингиз бўлса, активлар харид қилинг. Масалан, кўй ва моллар сотиб олсангиз, бир неча йилдан кейин улар болалайди, семиради ва гўшт нархи кўтарилади. Буни "пулдан пул қилиш” дейдилар. 


7. Ўрта қатлам қанча йиға олишини ҳисоб-китоб қилади, бойлар эса қанча топа олишини.

Пул йиғиш муҳим. Сармоя қилиш муҳимроқ, аммо пул топиш икковининг ҳам асосидир. Сиз пул йиғишингиз ва сармоя киритишингиз кераклигини тушунасиз, аммо бунданда юксакроқ мақсадларга эришиш учун, аввало, кўпроқ пул ишлаб топишингиз керак. Буни тушунган бойлар пул топиш мумкин бўлган йўлларни қидириб топадилар ва ўзларида бор имкониятлардан фойдаланадилар. Ҳақиқатан бой бўлмоқчи бўлсангиз, пул ишлаб топиш қобилиятингизни кучайтиринг, пул йиғиш маҳоратингизни эмас.


8. Ўрта қатлам пул билан эмоционал муносабатда, бойлар эса манти��ий.

Ўзининг "Бойлар қандай ўйлайди?” китобини ёзиш учун 30 йил давомида 1200 нафардан ошиқ дунёнинг энг бадавлат инсонлари билан суҳбатлашади. Суҳбатларга асосланиб, у бой ва ўртаҳол инсонлар орасидаги 100 та фарқни баён қилади. Ўша фарқларнинг аосийларидан бири шу эдики, ўрта қатлам вакиллари пулга ҳиссиёт кўзлари билан қарайди, бойлар эса пул масаласига мантиқан ёндашади. Моддий масалаларда ҳиссиётга берилиб қарор қабул қилиш шахсий молиявий аҳволингизни хароб қилади. Ҳиссиётлар туфайли одамлар қимматга харид қиладилар ва арзонга сотиб юборадилар. Эмоциялар аралашган бизнес келишувлар ҳам инқирозга юз тутиши муқаррар. 


9. Ўрта қатлам ўз имкониятларига паст баҳо беради. Бойлар бўлса ўз олдига катта мақсадларни қўяди. 

Ўрта қатлам ўз олдига мақсадлар қўяди. Гоҳида. Мақсадларнинг салмоғи ўрта қатлам ва бой қатлам ўртасидаги фарқни кўрсатади. Ўртаҳол одамлар эришиш осон бўлган мақсадлар билан яшайди. Бойлар эса имкони йўқ, қийин ва телбанамо ниятлар билан. Лекин улар катта орзуга эришишга ишонадилар. Бу яна ўша ҳаётий қарашлар масаласи.

Олдингизга мақсад қўяр экансиз, ўзингиздан сўранг, бундан ҳам кўпроғига эришишни истармидингиз. Сизнинг қўлингиздан келгани бор йўғи шуми ёки бундан ҳам кўпроғига қодирмисиз? 


10. Ўрта қатлам машаққатли меҳнат самарасига ишонади. Бойлар таъсир ўтказиш кучига суянади.

Шубҳасиз, меҳнат заруратдир. Барча учун ҳам. Агар юқорига кўтарилмоқчи бўлмасангиз, ишлашингиз керак. Муаммо шундаки, меҳнатнинг ўзигина сизни бой қилиб қўймайди. "Бойлик йўлакчасида” сизга "ричаг кучи” ёрдам беради. Бу нима дегани? Сиз муваффақиятга эришиш учун ишга ташқаридан ишчилар жалб этасиз, ўзингиз қатнашмайдиган бизнес билан шуғулланасиз. Масалан, пул тўплаб унга дўкон сотиб олишингиз, уни эса ижарага бериб, ҳар ой маълум миқдорда пул олиб туришингиз мумкин. Бу эса ўзининг кучидан кўра сармояга кўпроқ ишониш самарасини намоён этади. Ўз ҳаётингиз учун кўпроқ вақт ажратишингизга ва янада унумли ишлашингизга хизмат қилади.

Бойлар ва ўртаҳоллар орасидаги баъзи фарқлар жуда катта, баъзилари эса оддий ва кичикроқ. Нима бўлганда ҳам бир ҳақиқатни тушуниш керак. Бой бўлмоқчи бўлсангиз, бойлардек ўйланг ва улар қилган ишларни қилинг!


Бизнес клубга аъзо бўлинг

February 6, 2019
by Business Club
0
13

ФЛОКЛИ ҚОПЛАМАЛАР ЯРАТИШ


Энг кам миқдордаги бошланғич қўйилмалар, тезда ўзини оқлаши, уйда ишлаш имконияти каби уй бизнесининг асосий мезонларига тўлиқ жавоб берувчи ғояни таклиф этамиз. Оқилона ёндошилганда, бизнесни келгусида ривожлантириш ва йириклаштириш имкони вужудга келади.

Флоклар билан қоплаш – бу бахмалга ўхшаш майин юзани хосил қилиш жараёнидир. Материалнинг юзасига флоклаш учун махсус елим – адгезив суртилади. Сўнгра бу юзага электростатик усулда флокатор ёрдамида флоклар пуркалади. Вертикал йўналишда харакатланаётган флок елим суртилган юзага келиб тушади. Натижада бахмалсифат юза хосил бўлади. Флок жуда турли-туман – у велюр, шиншилла, тери, замшга ўхшайди, аммо шу билан бирга, санаб ўтилган материаллардан анча арзон туради.

Флок – газламанинг махсус, калта кесилган толалари бўлиб, уларни тайёрлаб қўйилган юзага сепганимизда бахмалдек майин қопламага эга бўламиз. Флок одатда 0,3-2 дан 20 миллиметргача узунликда, турли қалинлик ва исталган рангда бўлади, ультрабинафша нурларда жилоланадиган “флуор” номли флок эса, реклама мақсадлари учун ишлатилади.

Флоклар ёриқ ва шикастлари бўлмаган исталган деталларга қопланиши мумкин. Хар қандай юзага ишлов бериш мумкин (шиша, ёғоч, металл, пластик, резина, бетон ва хоказо). Автомобиль, мотоцикл, самолёт, катер, яхта ва бошқа транспорт турларининг дизайн-тюнинги ва ташқи безаклари учун қўлланади. Шунингдек, заргарлик мақсадларида (ғилоф, зеб-зийнатлар учун қутича, таглик, подиум, стендлар ва хоказо) хамда эсдалик совғалари мақсадларида: хадя, Янги йил, юбилей, фирма ва бошқа байрам дизайни (шиша, ўрам, ручка ва бошқалар) фойдаланилади.

Иш бошлаётганда сизга флокаторнинг ўзи керак бўлади. Дастлабки вақтларда хатто қўлда ишлатиладиган модель, масалан, ФР-01 хам тўғри келади. Бу модель юқори вольтли генератор, бункер, бункер тўри ва электр тармоҚи учун адаптердан иборат бўлган мосламадир. Уни харид қилишга 600 доллар сарфлайсиз.

Сарфланма материал – флок хам керак бўлади. У бункерга солинади. Стандартларга кўра, бункер хажмининг 2/3 қисми тўлдирилади. Бир килограмм флок 5-6 кв.м. сатхга етади. Флокнинг фракцияси, ишлаб чиқарилган мамлакати ва харидлар хажмларига қараб, унинг хар бир килоси 20 дан 40 долларгача туради. Флоклаш учун елимнинг бир килоси 25 дан 30 долларгача бахода сотилади. Айтиб ўтиш жоизки, ускуналар ва тегишли материалларнинг шундай етказиб берувчилари борки, улардан ускуналарни харид қилсангиз, бу ишни бепул ўргатишади. Бу йўл, шубхасиз, иккала томон учун хам фойдалидир.

Кукунсимон ва лак-бўёқ моддаларни электростатик усулда қоплаш саноатда кўпдан бери қўлланилади ва ижобий натижа бермоқда.

Флокни электростатика ёрдамда бахмалсимон сиртни хосил қилиб қоплаш эса – ягона усулдир. Кичкина толалар бункерда заряд олиб, ундан учиб чиқади ва ерга уланган буюм томонга йўналиб, адгезивга аниқ тик холатда ёпишади, бу эса кейинчалик пайпаслаб кўрилганда майин ва чиройли юзани хосил қилади.

Флокланган қопламаларнинг ноёблиги шундаки, мижозга махсулотни сизгача хали хеч ким безамаган холатда таклиф этасиз!

Бу бизнес ғоя унчалик кенг тарқалмаган ва юриштирилмаган, аммо унга доим талаб катта бўлади.


Бизнес клубга аъзо бўлинг

February 5, 2019
by Business Club
0
13

Amalga oshirish uchun 2 million so’mdan kamroq xarajat talab etiladigan 5 ta biznes g’oya


Bugungi kunda ko’plab yoshlarimiz ko’p pul topishni xoxlashadi, va buning uchun tadbirlorlik bilan shug’ullanish kerakligini xam bilishadi. Ammo biron bir g’oyani amalga oshirish uchun albatta katta sarmoya talab etilishiga xam amin bo’lganmiz. Lekin shunday g’oyalar xam borki, ularni amalga oshirish uchun ko’p mablag’ ketmaydi. Biz sizga 2 million so’mgacha bo’gan pul bilan amalga oshirish mumkin bo’lgan 5 ta biznes g’oyalarni taklif etamiz.


№1. Uyda qo’lbola babochka va galstuklar tikish

Agar uyingizda tikuv mashinasi bo’lsa va ozgina bo’lsa xam mexnat qilishdan qochmasangiz unda bu g’oya sizga qo’l keladi. 200 ming so’mga barcha kerakli ashyolar va matoni sotib bo’ladi. Reklamani yo’lga qo’yishni xam unutmaymiz. Bunda bizga ijtimoiy tarmoqlardagi (odnoklassniki, facebook, instagram va boshqalar). Qolaversa maxsulotingizni maxsus saytlarda (bulavka.uz, amazon.com:)) xam reklama qilishingiz mumkin. Babochka va galstuklarni tikish juda xam oson. O’rganib olish uchun “Youtube” saytidan foydalansa bo’ladi. Taxminiy daromadingiz oyiga 600 ming so’m va undan yuqorini tashkil etishi mumkin. Talabalar va uy bekalari uchun yaxshi ish. 

Mexnat sarfi: buyurtmalar va reklamaning samarasiga qarab kuniga o’rtacha 4-8 soat.

Afzallik tomonlari: Ishni tez boshlash va daromadning stabilligi.

Kamchiligi: Raqobatning kuchliligi.


№2. Uyda yetib borib kompyuterlarga xizmat ko’rsatish va sozlab berish.


Windows ni o’rnatib bera olasizmi? Antivirus va boshqa dasturlar bilan yaxshi ishlay olasizmi? Printerni sozlab bera olasizmi (remont bo’lsa undanam yaxshi)? Unda siz bu kasb bilan shug’ullana olasiz. Agar noutbukingiz bo’lsa undanam yaxshi. Faqat o’z xaqingizda ko’proq axborot tarqatishdan erinmasangiz bo’ldi. Turli saytlarda (masalan olx.uz) va ijtimoiy tarmoqlarda ko’plab elonlar joylashtirishni unitmang. Yaqinlarigiz ishga solishingiz va o’z vizitkalaringizni tarqatishingiz xam mumkin.

Xar bir chaqiruv uchun sizga o’rtacha 50 mingdan 200 mingacha xaq to’lashadi. Asosiysi xech kimga rad javobini bermang, shu soxani yaxshi biluvchi og’aynilaringizni xam ishga soling. Bir oyda 2 milliongachan xaq topa olasiz.

Mexnat sarfi: buyurtmalar va reklamaning samarasiga qarab kuniga o’rtacha 3-9 soat.

Afzalligi: Sarmoya dearli rerak emas, buyurtmachilarning ko’pligi.

Kamchiligi: Raqobat, o’z ishining ustasi bo’lishingiz kerak.


№3. Ofislarga va tashkilotlarga tushlik etkazib berish.

Bu g’oya uchun sizning pazandalik maxoratingiz kerak bo’ladi. 150 ming so’mga 14-16 kishi tushlik qilishi uchun kerak bo’ladigan maxsulotlarni sotib olsa bo’ladi. Bir ofisda taxminan shuncha odam ishlaydi. Siz bir portsiyaning narxini o’rtacha 10 ming so’m atrofida ushlab qolishingiz kerak. Turli kafe va restoranlarda tushlik qilish odatda 15 mingdan qimmat turadi. Daromadingiz o’rtacha 2,5 – 3,5 million so’mni tashkil etishi mumkin. Qolaversa ovqat tayyorlashga do’stlaringiz va qarindoshlaringizni jalb qila olsangiz ayni muddao bo’ladi.

Mexnat sarfi: buyurtmalar soniga qarab kuniga o’rtacha 4-5 soat.

Afzalligi: Potensial mijozlarning ko’pligi.

Kamchiligi: Mijozlarni jalb qilish uchun kuchli reklama bilan shug’ullanish kerak.


№4. Shaxsiy fotograf

Sizning yaxshi fotoapparatingiz bormi va rasmga olishni yoqtirasizmi? Unda siz shaxsiy fotograf bo’lishingiz mumkin. Turli fotosessiyalar, fotosetlar, “love story”, to’ylarni rasmga olish va boshqalar sizga daromad olib keladi. Photoshop dasturini yaxshi bilsangiz ayni muddaodir. Bu ish umuman olganda ko’p qirralidir. Ba’zi bir mutaxasislar ommaviy axborot vositalari bilan xamkorlik qilmaslikni tavsiya etadilar. Sababi ular unchalik katta xaq to’lamaydilar. Agar o’zingiz ishlasangiz oylik daromadingiz 5 million so’mga yetishi mumkin.

Mexnat sarfi: kuniga 1 soatdan 12 soatgacha.

Afzalligi: Agar fotoapparatingiz bo’lsa sarmoya talab etilmaydi.

Kamchiligi: Tasvirga olish san’atini mukammal bilishingiz va estetik didga ega bo’lish kerak.


№5. Uy ishlari bo’yicha ko’makchi

Bugungi kunda ko’plab oilalar va uylarda uy jixozlarini ta’mirlash, santexnika uskunalarini sozlash, mebelni tuzatish, mayda ta’mirlash ishlari va uyni tozalash kabi xizmatlarga extiyoj sezmoqdalar. Ayniqsa bunday xizmatlar yangi qurib topshirilgan uylarda, ko’chish taradudidagi xonadonlarda va to’y qilishni rejalashtirayotgan yosh oilalar uchun juda xam kerak. Shuningdek xovlilarni chopiq qilib berish, ko’chatlar ekish va boshqalar sizga daromad olib kelishi mumkin. Faqat shuni etiborga olish kerakki siz mijozlaringizning ishonchiga sazovor bo’la olishingiz kerak. Buning uchun maxsus kiyimingiz va o’zingizning uskunalaringiz bo’lishi kerak. Yodingizda bo’lsin, bu ishda mijozlarning sizni o’zlarining do’stlariga va yaqinlariga tavsiya etishi g’oyatda muhim. Daromadingiz 2 million so’m atrofida bo’ladi.

Mexnat sarfi: kuniga 4-5 soatdan oshmasligi kerak.

Afzalligi: Sarmoya talab etilmaydi.

Kamchiligi: Ta’mirlash va sozlash ishlarini puxta bilishingiz kerak, ba’zi xollarda yollanma ishchilarni jalb etishga to’g’ri keladi.


Umuman olganda bularni katta daromad manbai deb bo’lmaydi. Lekin bu sizga o’z mexnatingiz va ozgina zexningizni ishga solib pul topish imkoniyatini beradi. Qolaversa goyalarni amalga oshirish jarayonidayoq siz nimalaga qodir ekanligingizni va qanchalar noodatiy, original fikrlash qobiliyatingizni yana xam kuchaytirish mumkinligini anglaysiz, yana chinakam badavlay xayot uchun yana bir qadam tashlagan bo’lasiz.


Бизнес клубга аъзо бўлинг

https://t.me/on_business

https://t.me/joinchat/AAAAAEJ9gD_kTW5F1wNOsA

February 1, 2019
by Business Club
0
85
Show more