ЧИРОҚЧИ ТУМАНИ ҲОКИМИ МАКТАБ БИТИРУВЧИЛАРИГА ОЛТИН ВА КУМУШ МЕДАЛЛАР ТОПШИРДИ

2020-2021 ўқув йилида Чироқчи туманидаги умумий ўрта таълим мактабларини 7128 нафар ўқувчи битириб, мустақил хаётга қадам қўйишди. Мактаб битирувчиларининг 31 нафари олтин медаль олишган бўлса, 12 нафари кумуш медалга мактабни тамомлашди.

Мактабдаги дарс машғулотларини аъло баҳоларга ўзлаштириб, олтин ва кумуш мелаль билан тугатган ёшларга Чироқчи тумани ҳокими Хуррам Жураев, ДХХ туман бўлими бошлиғи Рустам Сапарбаев ва туман халқ таълими бўлими мудири Фарҳод Жумановлар томонидан олтин ва кумуш медаллар, ташаккурнома ва эсдалик совғалари топширилди. Туман ҳокими Хуррам Жураев ўқувчиларнинг устозлари ва ота- оналарига миннатдорчилик билдириб, катта хаёт остонасида турган ёшларнинг келгусидаги ўқишларига улкан зафарлар тилади.

Муҳтарам Президентимиз томонидан ёшларнинг билими ва ижодий қобилиятларини қўллаб-қувватлаш мақсадида амалга оширилаётган ислоҳотлар, албатта, ўзининг ижобий самарасини беришига ишонамиз. Ота-оналар фарзандларининг таълим-тарбияси учун фидойилик қилган мактаб ўқитувчиларига самимий миннатдорлик билдиришди.

- Бугун биз битирувчилар учун энг қувончли ва хаяжонли кун, - дейди Анора Мусурмонова 11-синф ўқувчиси. — Давлатимиз томонидан ёшларга қаратилаётган эътибор ва ғамхўрликлар бизни янада улкан марралар сари руҳлантирмоқда. Бу йил мактабимиздан 22 нафар ўқувчи аъло баҳоларга ўқиганлиги учун олтин медалга сазовор бўлишди. Албатта, устозларимизнинг бизга билдирган ишончини оқлаймиз. Жонажон Ватанимиз фаровонлиги учун бор куч- ғайратимизни аямаймиз!