І словом і ділом
Доброго здоровля, честовані читачі. Нись пудоймеме непросту тему. Є в русинському сеґментови інтеренета давня „традиція“: абсолютна бӯлшина русинськых проектӯв, блоґӯв і т.д. держить ся на єдному – на ентузіазмови автора. Ісе ниє пӯдло вать добре, но часто русинськый проект „умирать“ лиш спозад того, ож його автор „выгорів“, стратив інтерес, не має уд свої часозатратної чинности ниякої уддачі, кроме, само-собов, критикы.
Завто туй збереме изпис русинськых проектӯв тай творцюв, котрых исьте годни пудпорити матеріально через донатні платформы Patreon, Buy me a coffee, вать иншым способом. І діло туй не у тому обы когось спонсоровати, а у мотивації. Важна хоть яка дрӯбля, лиш обы чилядник відів ож його роботу видять тай цінять. Даже кідь лиш ся двоє творцюв начнут пудпоровати взаємно тай уйдуть у "ноль", уже ся посунеме з міста.
Ісе перша вирсія изписа; надале, кідь исьте автор, давайте за ся знати тай заведіть профіль на донатнӯв платформі. Пудпорім свойых не лем словом, но і ділом!
📖 The Society for Rusyn Evolution / Общество про русинськый розвуй
Patreon https://www.patreon.com/srevolution
Сайт https://rusynsociety.com/
SRE/ОРР ото уже добре знама трансконтинентальна русинська орґанізація научно-популарного шора. Веде блоґы на соціальных сітках. На типир центральными інтересами ОРР є выдавательська чиннӯсть, диґіталізація книг, пудпора русинськых авторӯв, медіальноє дручаня шелиякых дискурзӯв у русинському кываньови. Має онлайн-бовт із книгами.
Patreon https://www.patreon.com/Karpatorusinska_NatsIya
Buy me a coffee https://buymeacoffee.com/rusiniyu
Facrbook https://www.facebook.com/karpatorusinska
Єден из майстаршых русинськыї блоґӯв, котрый мож найти на вшиткых основных соціальных сітках. Майбӯлш знамый по публікації історичных фотоґрафій, народної музикы, новинок із живота русинӯв по цілӯв Європі. Выділять ся многорӯчнов стабільнӯстьов.
PayPal [email protected]
Сайт https://www.lem.fm/
Lem.fm ото не лиш радіо, но і єдно із ключовых русинськых (лемкӯвськых) културно-політичный медій. Подає читачам новины із живота русинӯв у Карпатскому реґіоні, научно-популарні публікації, подкасты. Має свӯй онлайн-бовт із книжками тай музиков.
Buymeacoffee https://buymeacoffee.com/rueportal
Сайт https://www.rueportal.eu/
rueportal ото эден из майбӯлшых інтернет порталӯв на русинську тематику. Флаґманськыми субпроектами портала суть русинськый інтеренет-словник, книговниця тай збирька лінґвістичных мап.
Patreon https://www.patreon.com/podkarpatskarus
Facebook https://www.facebook.com/podkarpat.rus
Ачий майякосный русинськый фотоблоґ. Подає на ключовых соціальных сітках добре ушорені, часто колоризовані, історичні фотоґрафії з Карпатського реґіона. Нерідко ся публікувут і подобенкы колекціонерськых цінностюв.
Patreon https://www.patreon.com/trumbeta
Сайт (тай сама соцсітка) https://trumbeta.me/
Невелика русинська соціальна сітка на основі Mastodon. У сюв мікросоцсітці ся годни регістровати русины із цілого світа обы комуніковати тай публіковати дашто своє. Єствованя проекта ся держить на ентузіазмі адмінітсратора.
Patreon https://www.patreon.com/mi_koosh
Youtube https://www.youtube.com/@myhal-k
Популарный русинськый блоґер тай стрімер. Чинить широкый шор цифрового уміста: уд лінґвістикы тай етноґрафії до ґеймерства (Мигаль бавит) тай технолоґій (Інтерфийса).
Patreon https://www.patreon.com/betjar
Щи єден русинськый блоґер тай стрімер. Майбӯлш знамый за ушоріня русинського сервера у відео-бавці Minecraft тай шелиякі відео із одноіменної бавкы. Прикладать ся і до другых русинськых проектӯв.
👥 Молоді русины (Molodŷ Rusynŷ)
Сайт (Жителі Словенська годни орґанізацію пудпорити через 2% із данюв) https://www.molody.rusyny.org/
Орґанізація русинської моложавы на Словенську. Знама свойыми культурными тай забавными акціями про моложаву тай участьов на фестивалях.
Сайт https://www.rusynshop.sk/
Rusynshpo є успішный русинськый онлайн-бовт із Словенська, котрый продає мерч про русинӯв, но межи тым щи і книгы вадь крафтову продукцію.