Инсон ҳуқуқлари – олий қадрият
Мустақил демократик йўлдан дадил одимлаётган Ўзбекистоннинг энг улуғ мақсади, аввало, халқимиз манфаатлари кўзланган ислоҳотларни амалга оширишга қаратилгани билан эътиборлидир. Бу жиҳатлар Конституциямизда ҳам мустаҳкамлаб қўйилган. Жумладан, Бош Қомусимизнинг II боб 13 моддасида “Ўзбекистон Республикасида демократия умуминсоний принципларга асосланади, уларга кўра инсон, унинг ҳаёти, эркинлиги, шаъни, қадр-қиммати ва бошқа дахлсиз ҳуқуқлари олий қадрият ҳисобланади.
Ўзбекистон Республикаси Президентининг 2018 йил 13 апрелдаги ПҚ-3666-сонли Қарори билан тасдиқланган Ўзбекистон Республикаси Адлия вазирлиги тўғрисидаги Низомга асосан, инсон ҳуқуқларини ҳимоя қилиш бўйича чора-тадбирларни амалга ошириш Адлия идораларининг асосий вазифаларидан бири этиб белгиланган.
Қайд этиб ўтилган талаблардан келиб чиққан ҳолда Термиз шаҳар адлия бўлими томонидан, танлов асосида Термиз шаҳридаги “Ўзбекистон”, “Шодлик”, “Жайҳун”, “Авлоний”, “Дўстлик” ва “Мажнунтол” маҳалла фуқаролар йиғинларида мониторинг ўтказилди.
Ўтказилган мониторинг давомида аниқланишича “Мажнунтол” МФЙда жамоатчилик асосида ишловчи ишчи ходимлар Холиқова Наргиза Қурбоновна, Абдилова Гулхан Мамаюсуповна, Канакбаева Хадича, Сейтеновна, Хайдаров Усмонали Маматназаровичларнинг, “Авлоний” МФЙда жамоатчилик асосида ишловчи Хасанова Лола, Алиқулова Манзура, Эрмуратова Зулфия, Қўлдошева Гулбахор, Акбарова Манзура, Норбоева Ирода, Хаметова Халима, ойлик иш ҳақлари бугунги кунгача тўлаб берилмаганлиги маълум бўлди.
Ўрганишда, МФЙларнинг юқорида номлари қайд этилган ходимларга ойлик иш ҳақлари тўлаб берилиши лозим бўлган муддатдан 25 кун ўтган бўлишига қарамасдан, асоссиз берилмасдан келинганлиги аниқланди.
Аниқланган қонун бузилиш холатларини бартараф этиш юзасидан Термиз шаҳар ахоли бандликга кўмаклашиш марказига нисбатан шаҳар адлия бўлими томонидан Тақдимнома киритилиб, юқорида номлари келтирилган фуқароларнинг ойлик ва бошқа жамоатчилик асосида ишловчи ходимларнинг 108 000 000 сўм миқдордаги ойлик иш ҳақлари тўлаб берилишида амалий ёрдам кўрсатилди.