Kako tvoriti ankety za slovnikovu Družinu, instrukcija za moderatorov

Imaš dostup k dvom folderam "-šablony-" i "aktivny"

V folderu "-šablony-" sut, samorazumno, bazove šablony za tvorjenje anket. Možeš kopijovati jih ili stvoriti anketu od 0.

Interfejs za tvorjenje anket jest prozračny, ale stvorjenje dobryh pytanij i izbor dobryh tem - ne. Prěporučam take sověty:

Ne imamo dostatočno aktivnyh ljudij (obyčajno za male jezyky učestvujut 1-3 ljudij), normalna anketa ide priblizno sedmicu ili několiko, a analizovanje rezultatov trěbuje něktoroj raboty, zato rekomendujemo izbirati važne slova, ktore ljudi upotrěbjajut vsakodenno. Priměry: nema/nemaje, pogledati/pogleděti, ili/abo/albo.
Probujte dělati kontekst maksimalno razumlivym, v slučaje problema cěla anketa može idti do smětnika, i vy to uvidite jedino kogda tam uže odgovorila sotnja ljudij. Priměr: fraza "tuto/tamto je solnce" može byti srazuměna i kako "Sun is here/there", i kako "This/that is sun".
V tvorjenju priměrov izbiramo slova i gramatične konstrukcije, ktore sut vo vsih jezykah. Priměr: 100% razumliva forma glagola jest ženska minula (ona je stvorila).
Poněkogda imamo situacije kogda několiko slov sut dobre, ili někako slovo može byti falšivym prijateljem. Togda ima smysl dozvaljati v anketě izbor několiko variantov zajedno.

Često v anketah pytajemo o spisah falšivyh prijateljev ili pomočnyh/srodnyh slov, ktore pomogut srazuměti to slovo. T́uto jest opcionalno, zato čto trěbuje ručnogo a ne avtomatičnogo ocěnjanja.

Po stvorjenju ankety vy možete prosto prěměstiti anketu i svezanu s njeju tabelu v folder "aktivny", ako li vy jeste stvarjali anketu od 0. Prověrite, rabotaje li posylanje rezultatov i vključite "prijmati odgovory", ako li to jest potrěbno.

Ako li vy jeste stvarjali anketu, počinajuči od šablona, natisknite "administrovanje -> duplikovati" i dajte duplikujučemu programu vse potrěbne dozvoljenja.

Gotovo, možete posylati link na anketu. Takože bude dobro:

Dati v anketě dublovanje na kirilici i latinici
Pri publikaciji objasniti cělj ankety i dati ljudam link na tabelu rezultatov.