𝗕𝗟𝗔𝗖𝗞 𝗦𝗬𝗠𝗣𝗛𝗢𝗡𝗬

{10 episode}

Havo har doimgidek sovuq va osmondagi bulutlar ham bir joyni egallashgandek hech quyoshga o'rnini bo'shatib bermas edi. Stulda o'tirib, ikki jajji kaftchalarini yuziga qo'ygan holda oshxonada bir nimalar qilayotgan qizni tomosha qilayotgan bola bugun dam olish kuni bo'lganligi uchun ham oyisi bilan o'tirgan edi. Oshxonada turgan qiz bo'lsa unga har xil hikoyalar aytish barobariga qo'lidagi qoshiq bilan tort kremini tayyorlash bilan band. Tepa qavatdagi zinalardan tushib oshxonaning eshigi tomondan kelayotgan kulgu toshuvlarini eshitgan yigit qadamlarini ham o'sha tomonga burdi. Eshik yoniga yetmasin ichkarida stol atrofida o'tirgan o'g'li va beliga taqilgan fartukli xotinini ko'rar ekan beixtiyor u ham ularning yoniga bordi. Kulib turgan qizning yuz ifodasi eshikdan kirgan yigitni ko'rishi bilan o'zgarar ekan qayta ishini davom ettiraverdi. Taehyung avval o'g'lining boshidan o'pib qo'yib, so'ng ko'ylagi egniga o'ralib, qomatini chiroyli qilib ko'rsatgan xotinining yoniga borib turdi. Bir qo'li bilan oshxona mebeliga suyanib qarshisidagi qizning ishini tomosha qilishga kirishdi.
Taehyung: demak, shirinlik tayyorlayapmiz deng?
Jay: oyim menga pishirib beryaptilar.
Taehyung: shunaqami?
Sekin astalik bilan qiz tomonga qadam tashlagan yigit o'rtada ozgina masofalar qolganida to'xtadi. Qiz esa unga qaramagan holda nari surulmoqchi bo'ldi-yu uddalay olmadi. Yigit uning ko'ylak etagidan ushlab qayta o'ziga yaqinlashtirib, quloqlari tomonga lablarini olib bordi.
Taehyung: menga-chi?
Shivirlab aytilgan bu so'zlar qizning tanasini seskantirib tashlar ekan bo'yniga urilgan qaynoq nafasni deb tanasi qizib ketardi. Taehyung uning bezovta bo'layotganini tushunib, qiz tomonga yanada yaqin bordi. Aera tayyor bo'lgan tort kremini mazasini bilish uchun tatib ko'rar ekan uning lablari yonida qolgan kremni ko'rgan yigit ortiga bir ko'z tashlab qo'ydi. Jay stul ustida bu safar o'yinchoq mashinasini o'ynab o'tirganini ko'rishi bilan tezda qizning bo'yin tarafidan ushlab o'ziga tortdi. Lablariga botirilgan tish va ularning chet qismidan ho'l tilni sezgan qiz bir muddat nima bo'lganini anglay olmadi. Yigit bu safar uning lablarini tezda erkalab undan uzoqlashdi. Aera avval unga so'ng stul ustida o'tirgan bolaga qarab qo'ydi. Jayning ko'zlari hamon boshqa joylarda ekanligini ko'rganidan so'ng qarshisida unga kulib qarab turgan yigitga sovuqlik bilan tikildi. Hech narsa demagan holda ishini davom ettirar ekan yana unga yaqin kelgan yigitni sezib ko'z osti bilan uni kuzatdi.
Taehyung: agar Jay bo'lmaganida...
Uning o'ynoqi so'zlari qizni yanada yomon ahvolga solib, jim turishdan narisiga o'tkazmayotgan edi. Taehyung bu gal uning hipcha belidan qo'lini aylantirib, o'ziga yanada yaqin tortganidan so'ng Aera undan o'zi bilmagan holda uzoqlashib ketdi. Qorachiqlari tez-tez harakatlanar, asabiy qo'li esa qaltirardi. Oradan bir soniya o'tmasidan eshitilgan ovoz sabab ikkisi ham ko'zlarini yerda o'tirib yig'lashga shay bo'lib turgan bolani ko'rishdi. Stuldan tushaman deb undan yiqilgan bolaning yoniga yigitdan oldin Aera tezda bordi. Bolani turg'azganidan so'ng uyer buyerini qarab hech narsa bo'lmaganini ko'rishi bilan chuqur xo'rsindi.
Aera: o'g'lim, ehtiyot bo'lishing kerak. Biror joyingga zarar teksa nima bo'lar edi?
"O'g'lim"! Qizning og'zidan chiqqan bu jumlalardan ajablanib qaragan yigit bolaning bo'yi qatori o'tirib, uni bag'riga bosgan qizni ko'rdi. Bu qisqa vaqt ichida qiz bolani qabul qilishi va uni "o'g'lim" deb atashi yigitning qalbida o'zgacha hissiyotni uyg'otar ekan hamon joyidan jilmagan holda ularga qarab qolgan edi. U bu so'zlarni eshitganidan xursand bo'lsinmi yoki hafa? Buni o'zi ham bilmaydi. Chunki uning birinchi rafiqasi ya'ni Mari hech qachon o'z bolasini "o'g'lim" deb atamagan. Eski xotiralar yana uning hayollarini egallab oldi. Albatta avvalgi rafiqasini eslaganidan so'ng. Avval uchrashishlar, to'y, farzandli bo'lish va oxiri xiyonat. Mari qornidagi bolani ya'ni Jayni dunyoga keltirganidan so'ng unga hattoki e'tibor bermadi ham.

Endigina tug'ilgan chaqaloqni och qoldirgan bu shavqatsiz ona bir oy ichida ham eriga va o'zining bolasiga ham xiyonat qilgan holda o'zga erkak bilan tong ottirgan. O'zi u ayolni "ona" deyish mumkinmi? Taehyung bu chirkin ishlarni bilganidan so'ng shu zahotiyoq Marini ham uning jazmanini ham yo'q qilgan edi. Keyin bilsa, bu avvaldan sodir bo'lgan ishlar, ya'ni Jay tug'ilishidan oldin ham uning rafiqasi o'zga erkak bilan uchrashib yurganini bilib qoldi. Lekin bir o'y! Uning miyyasini teshib yuboradigan birgina hayolni deb u telba bo'lishi oz qoldi. Jay ham uning farzand emas, aksincha, o'sha erkakdan bo'lsa-chi? Bu ishlarda so'ng u Jay va o'zining qonidan denka tahlilini o'tkaztirdi. Uning baxtiga, bola to'laqonlik Taehyungning farzandi bo'lib chiqdi. U mana shu kunlar, oy va yillardan so'ng hayotini faqatgina shu farzandiga bergan. Yigit Aerani shunchaki dushmaniga qarshi borib, uni yo'q qilish uchun foydalanmoqchi edi. Biroq hayotning bu hodisalarini deb u qizga shu qadar bog'lanib qolgan ediki, farzandiga qiz ona bo'lishi uchun ham unga uylandi. Mana hozirgi vaqtda bu qiz esa bolani "o'g'lim" deb atamoqda. Mari bilan uning orasida farq ham juda ulkan. O'z bolasiga bee'tibor bo'lgan ayolning farzandiga mana hozir o'zga bir qiz onalik qilmoqda edi. Hayollarini qayta jamlagan yigit ularga bir necha daqiqa qarab turgach eshikdan chiqib ketish barobariga Aeraga murojaat qildi.
Taehyung: pastki qavat, basseynda bo'laman. Menga sochiq bilan kiyim olib bor.

*
Jayning yoniga shirinliklarni qo'yib, o'zim tepa qavatga chiqib ketdim. Xonaga kirishim bilan javonning yoniga borib, undan futbolka va sochiq olganimdan so'ng qayta pastki qavatga tushdim. To'g'risi avval uyning bu qismiga o'tmagan ekanman. Zinalardan tushish barobarida qulog'imga suvning ovozlari eshitildi. Keng va deyarli xonaning butun bir qismini egallab olgan hovuz e'tiborimni tortdi. Xonada faqatgina ko'k chiroqlar yoniq turar, ularning nurlari esa suv aksini jilovlatardi. Kiraverishimda hovuz ichida suzib yurgan yigitni ko'rdim. Bir meyorda suzib, hovuzning boshi va oxiriga borib kelar edi. Men kelganimni payqadi yoki ko'rdi shekilli kiyimsiz tanasini suvdan chiqarib, hovuz chetiga borib men tomonga qaradi. Bu sovuq nigohlar. Qadamlarimni bosib qo'limdagi kiyim va sochiqni o'sha yerdagi stulga qo'yib, qayta ketmoqchi edim. Har bir harakatimni sinchiklab tekshirgan yigit esa ortimga o'girlishim bilan tilga kirdi.
Taehyung: to'xta - Ortimga qarashni istamasamda boshim u tomonga buruldi. Suv ichida turgan yigit meni boshdan oyoq kuzatar ekan pastki labini yalab keyingi so'zlarini aytdi - suvga tush!
Eshitgan gaplarimdan bir muddat u nima deganini tushunmay qoldim. Suvga tush dedimi? Qanaqasiga? Joyimdan jilmay, hamon jim turibman. U esa suv bo'ylab harakatlanib, men turgan joyga yaqin keldi. Ko'zlarimni uning qorachiqlaridan uza olmayapman. U ham meniga ko'zlarini bog'lab qo'lini hovuzning ustiniga chiqardi.
Taehyung: kiyimingni yechib, suvga tush Aera!
Aera: m..men suzishni bilmayman.
Taehyung: o'zim o'rgataman. Hovuz ichiga tush.
Aera: me..n haligi....Jayga qarashin kerak.
Bahona topa olmay og'zimga nima kelsa aytib tashlayotgan edim. Gaplarimdan so'ng yuzi tundlashgan yigit mendan ko'zlarini uzmagan holda bu safar sovuqqonlik bilan gapirdi.
Taehyung: kiyimingdan halos bo'lib hovuzga tush dedim Aera! O'zim yechsam kiyiming sog' qolmaydi.
Undan qo'rqaman. Shu oddiy gaplari ham yuragimga qo'rquv soladi. Qo'llarim qaltirab bazo'r barmoqlarimni kiyimim zamogiga olib bordim. U esa har bir qo'l harakatimni kuzatib, mamnun holda hovuz ustiniga suyandi. Lekin barmoqlarim ishlamayapti. Hech qanday harakat qila olmayotgan edim. Kiyim zamogim oxirigacha yechilganidan so'ng boshqa hech narsa qila olmadim. Men nima qilyapman o'zi? Uning qarshisida qanday qilib o'zim kiyimni yechib, butkul yalang'och qolishim mumkin axir? Yo'q. Bunday qila olmayman. Jim bo'lib qolganimni ko'rgan yigit hafsala bilan boshini pastga qaratib silkitdi. So'ng tezda suvdan chiqqan holda boshqa o'chakishib o'tirmay, bilagimdan ushlab meni suvga tortib ketdi.

Avval og'zimga kirgan suv va belimdan ushlab suv yuzasiga olib chiqqan qo'llarni sezdim. Suvdan boshim chiqishini bilib, o'pkamni to'ldirib havo yutar ekanman chirt yumulgan ko'zlarimni ochdim. Yuzi yuzimga juda yaqin turgan yigit meni hovuz burchagiga tirab o'zimga kelishimni kutib o'tirardi.
Aera: telbamisiz?
Jaxlim chiqib ketdi. Unga chinqirganimdan so'ng suvda suzishni bilmasligim esimga tushib, uning ikki mushakdor bilagidan qattiq ushlab oldim. Bu yigit aniq telba! Tentak! Ko'zlarimdan qorachiqlarini uzmay sekin belimdan olayotgan qo'llarini sezib jon holat ikki qo'lini yanada maxkam ushlab oldim. U ataylab qilyapti! Suvdan qo'rqishimni bilib turib, atayin shunday qilayotgan edi. Yaramas! Qilgan harakatimni bilgan yigit lablarini qimtib biroz kulganini ko'rishim bilan taxminlarim to'g'riligiga amin bo'ldim. U mendan ko'z uzmay bir qo'lini belimdan olib sonlarim tomon yo'naltirdi. Suv iliq. Biroq uning qo'llari va tanasi muzdek edi. Sonlarimda harakatlangan barmoqlarni deb tanam seskanib ketdi. U bir oyog'imni ko'tarib o'zining beliga aylantirganidan so'ng keyingi oyog'imni ham huddi shunday qilib, tanasiga jipslashtirdi. Endi unga yanada yaqin turar ekanman yuzimni yon tarafga burdim. Tezroq suvdan chiqishni, bu yerdan, uning oldidan ketishni xohlar edim. Iyagimdan ushlab yuzimni yana o'ziga qaratgan yigit yuzim tomonga juda yaqin keldi. Uning issiq nafasi yuzimga urilib meni ham nafas olishimni tezlashtirib yubordi. Bir qo'li sonimdan qattiq ushlab olgan, narigisini esa kiyimim orasiga suqib, yalang belim bo'ylab yuqoriga ko'tarar edi. Chala ochilgan kiyimim zamogini u bu gal butunlay pastga yuragazib, suv ichida bo'lishimizga qaramay egnimdan yulib oldi. Ichkiyimda qolgan tanam uning muzdek ko'ksiga tegib turar ekan birdan lablarimda iliqlikni sezdim. Hovuz chetiga yelkamni tirab mendan chanqoqlik hissi bilan bo'sa olayotgan yigit qo'llarini suvni deb nam bo'lgan sochlarimni yuzim oldidan olib tashladi. Qo'llarim hamon uning yelka va bo'yin qismida turar, pastki va tepa labimni shimib o'payotgan yigitni esa ko'zlari yumiq edi. Hech narsa qilmadim. Har doimgidek na unga jo'r bo'laman va na o'zimdan itaraman. Koshki undan halos bo'lish uchun menda kuch bo'lsa? Bo'ynimda turgan uning chap qo'li pastlab ko'krak qismimga kelganida to'xtadi. Ichkiyim*im ustidan ularni ezgan yigit meni ingratib yubordi. Lablarini bo'ynimga tushurganida esa avval o'pib tanamni seskantirgan bo'lsa, so'ng uning ketidagi kelgan og'riq va achishishni baqirib yubordim. Tezda kaftimni og'riq turgan qismimga qo'yib, ayyor tabassum bilan yuzimga tikilib turgan yigitga qaradim. U qayta lablarimga egilib ularni so'rayotganida zina tomondan kelgan qadam tovushlarini deb mendan istamay ajraldi. Menimcha, bu Jay. Taehyung meni ko'tarib suvdan olib chiqar ekan o'zi ham men baravar hovuzdan chiqdi. Ustimda tezda sochiqni o'rab o'sha yerda xonalardan biriga kirib ketmoqchi edim toki yonimdagi yigit bilagimdan qayta ushlamagunicha. Bir eshikka va bir unga sabrsizlik bilan qarab turarkanman qulog'im yoniga kelib qayta shivirlagan yigit haligina bo'ynimni achitgan joyini bosh barmog' bilan silab qo'ydi.
Taehyung: kechqurun davom ettiramiz.

*

Tik oyoqda osmondan yo'q bo'lib ketayotgan quyoshni kuzatmoqdaman. Ikki qo'limni ko'ksimda, ko'zlarim esa shafaqqa o'zining qizg'ish ranglarini bag'sh etgan quyoshda edi. Biz turgan kvartira juda balandda. Bu yerdan butun shahar ko'rinyapti. Mashinalarning harakatlanishi-yu, odamlarning allaqayerlarga shoshishi. Bugun birinchi marotaba o'zga xonadonda tong ottirdim. Oradan yetti yil o'tdi axir. O'n yoshar kichkina qizaloqdan o'n yetti yosh o'smir qizga aylandim. Ota-onam har doim hayollarimda. Ukam va meni tashlab ketgan ammam ham. Qiyinchilikda o'tgan kunlarim...qo'limda turgan telefonni ko'rishim bilan miyyamga kechagi bo'lib o'tgan ishlar yana aylandi va hamma voqealar aynan o'sha yigitga borib taqaladi. Nima uchun? Shunchaki oddiy tanishish bilan boshlangan bu kunlar shu vaqtgacha davom etib kelayotganiga o'zimni ishongim kelmaydi. U hozir menga yordam bermoq. Lekin bunga sabab nima? Oddiy odamgarchilikdanmi yoki....u yerini aytishga yuragim betlamaydi. Lekin shu vaqtgacha olinga bo'salar-chi? Tentaksan Jehan. Ahmoq qiz! Nimalarni o'ylayapman o'zi? Qo'limdagi telefonni divan ustiga qo'yib o'sha yerga omonatgina cho'kdim. Hayollarim tarqoq. Nega undan o'zgasiga o'ylay olmayapman. Bu nima? Har doim ko'z oldimga uning ko'zlari, qoshlari, lablaridagi mitti holcha va labining chetidagi temircha kelaveradi. Keyin mushakdor qo'liga chizdirilgan tatu. Telefonning o'chib yonishi hayollarimni tarqatib yubordi. Uni qayta yoqqanimda kelgan xabarni ko'rib, o'rnimdan qanday turganimni bilmayman. Ko'zlarim deraza tomonga qaraldi. Allaqachon quyosh yo'q bo'lib ketgan uning o'rnini esa oy egallab olgan edi. Sal o'tmasdan eshikning jiringlagani quloqlarim yonida jarangladi. Qadamlarimni o'sha tomonga yo'latib uning qulfini ochdim. Ko'z oldimda paydo bo'lgan yigit menga qarab kulib turgan holda ichkariga kirdi. Men ham uning ortidan yurar ekanman qo'liga olib kelgan paketdagi narsalarni oshxonaga olib kirib ketayotgan Jungkookni ko'rdim.
Jungkook: qornim och shuning uchun bugun menga nimadur tayyorlab berasan. Kelishdikmi?
U qayta yoninga kelib burnimdan chimchilab qo'yganidan so'ng paketdagi narsalarni olishga kirishishdi.
Jungkook: Sojun qayerda?
Jehan: u boyagina dars tayyorlab uxlab qoldi. Borib uyg'otib kelay.
Jungkook: shartmas. - u yo'limni to'sib, meni oshxona mebelllari yoniga olib bordi. - uyg'otma. Ovqat tayyor bo'lganida uyg'otarsan.
Men ham uning aytganini qilgan holda avval sabzavotlarni yuvishni boshladim. U esa stullardan biriga o'tirgan holda meni kuzatishda davom ettirdi. Keyin uning telefoniga yodimga tushar ekan ortimga qaramay turib gapirdim.
Jehan: telefoningiz Jungkook. U divan oldidagi tumbada turibdi.
Gaplarim javob qaytarmaganidan so'ng indamaslikni ma'qul ko'rib ishimda davom ettiraverdim. Sal o'tmasdan yonimga kelgan erkak kishining jismini aniq sezdim. Menga tanish bo'lib qolgan etir hidi bog'zimgacha urildi. Qo'llarim harakatdan to'xtab qoldi. Ko'zlarim esa ortimda turgan yigitning oyoq kiyimini ko'rishi bilan ularni tezda boshqa yerga ko'chirdim. Birdan belimdan o'ralgan ulkan kaftlardan seskanib ketar ekanman u kichik jussamni o'zining yirik tanasiga biriktirdi. Qo'limdagi pichoni qo'yib, bir soniya jimib qoldim. Uning issiq nafasi yuzimga urilishi bilan isib ketdim. Yengil futbolkada edim. Bo'ynimga tekkan iliq lablarni sezib ko'zlarimni chirt yumib oldim. Shunda ham sukutdaman. Nega qarshilik qilmayapsan ahmoq qiz? Ko'zlarim eshikda. Agar hozir ukam kelib qolsa....ho'l lablar bo'ynimdan sayr qilib quloqlarim yoniga kelganida, uning atrofidagi og'riqni sezib ortimdagi yigitdan uzoqlashmoqchi edim.
Jehan: Jungkook!
Jungkook: tshshsh........qimirlama!

Yaramas! Nima qildi? Qulog'imni tishlab oldimi? Bo'ynimdan o'pganidan zardalik qilib bo'lsa-da, undan ajraldim. Nafas olishim tezlashar, har havo yutib chiqarganimda esa ko'krak qismim yuqori va pastga tushib chiqardi. Ortimga o'girilib uning ko'zlariga qaradim. U esa menikiga. Ikkimizni nigohlarimiz to'qnashish barobariga yurak urishining ovozlari ham balandlashgandek tuyulardi.

Deyarli, tanasi meniki bilan bir bo'lib ketgan yigitning oldida ketmoqchi edim, biroq belimdan maxkam ushlab ortimdagi stulga meni o'tkazib qo'ygan yigit ikki oyog'imdan tortib tanasiga biriktirdi. Uyalganimdan yuzim qizarib ketdi. Bu aniq. U lablarim tomon egilayotganida tezda ko'rsatgich barmog'imni uning labiga qo'yib to'xtashiga ishora qildim. U ko'zlarimga qarab qoldi.
Jehan: bu ishlar xato....bu uchun insonlar haddan ziyod yaqin bo'lishi kerak.
Jungkook: biz shunday emasmizmi?
Shivirlab aytgan so'zlarimga huddi shunday qilib pichirlab javob qaytargan yigitning so'zlariga angrayib qoldim.
Jehan: hali biz degan so'z yo'q. Bunday hadeb o'paverish...
Jungkook: seni sevaman. Bu sabab bo'la oladi.
Uning aytgan gaplarini tahlil qilib ulgurmasimdan lablarimda qaynoqlik sezdim. Nima dedi? Sevgi? Lekin qachondan? Nega? U bir qo'lini yuzimga bosib bo'sani buzmay o'ziga yanada yaqin tortdi. Men esa jim bo'lganimcha qoldim. Lablarimni tinmay erkalagan yigit soniyalar ichida mendan ajralib yuzimga tushgan soch tolalarimni qulog'im ortiga o'tkazdi. Iyagimdan beozorgina tishlab olgan yigitning hirsiy harakatlari meni jinni qilay dedi. Uning ko'zlariga jimgina qarab turibman. Tezda o'zimni o'nglab olib stuldan uni nari surib tushdim. Menga qilingan birinchi sevgi izhori bo'lgani uchunmi bilmayman jinni insondek harakat qilib qadamlarim chalkashar ekan qanday qilib oshxonadan chiqib ketganimni sezmay ham qoldim. Jin ursin! Ikki yanog'im qizib ketdi.

*

Qo'liga sochiq ushlab olgan holda yuvinish xonasiga kirgan qiz avval ustidagi kiyimlardan halos bo'lib, so'ng iliq suvni yoqdi. Vannaga to'lgan ko'pikli suvga tushib ko'zlarini yumdi. Hayollariga kelgan turli xil o'ylarni birma-bir tahlil qilib chiqayotgan edi. Eshikning ochilib yopilishini ham eshitmagan qiz oyoqlari orasiga kirgan kaftni sezishi bilan chinqirib yuborgudek ko'zlari ochdi. Uning tepasida yuziga ayyorona tabassum bilan qaragan yigitni ko'rishi bilan eshikni qulflamagni yodiga tushib lablarini tishlagancha qoldi.
Taehyung: chala qolgan ishimizni bitkazamiz. Nima deysan?

~
Yoqimli mutolaa
Author: Jehan