Тўрақўрғонда Регби спорт тури бўйича Ўзбекистон чемпионати ўтказилди

Наманган вилояти Тўрақўрғон тумани Ёшлик марказий ўйингохида 2021 йил 12-13 июнь кунлари Регби-7 (U-16) ёшлилар ўртасида Ўзбекистон чемпионати мусобақаси ўтказилди.

Ушбу нуфузли мусобақада Республиканинг барча вилоятларидан жамоалар иштирок этишди. Мусобақа юқори савияда ўтказилиб, иштирокчилар ғолиблик учун куч синашдилар. Мусобақа якунига кўра ўғил болалар жамоасидан 1-ўринни Фарғона вилояти, 2-ўринни Наманган вилояти, 3-ўринни Навоий вилояти спортчилари эгалладилар.

Қизлар жамоасидан 1-ўринни Қорақалпоғистон Республикаси Нукуc шаҳри, 2-ўринни Наманган вилояти, 3-ўринни Тошкент шаҳри жамоалари эгалладилар. Мусобақа ғолиб совриндорларини Наманган вилоят Туризм ва спорт бош бошқармаси бошлиғи Б.Нуриддинов ва Тўрақўрғон туман болалар-ўсмирлар спорт мактаби директори Н.Тўйчиевлар томонидан тақдирладилар. Мусобақада жами 300 нафардан зиёд ўғил ва қизлар иштирок этишди.

Наманган вилояти туризм ва спорт бош бошқармаси расмий саҳифасига аъзо бўлинг @namtursport