НОГИРОНЛИГИ БЎЛГАН ШАХСЛАРГА ИШ ЎРНИ ЯРАТГАН ТАДБИРКОР УЧУН ИМТИЁЗЛИ ШАРТЛАРДА МИКРОКРЕДИТЛАР АЖРАТИЛАДИ

Жамиятда "тенгҳуқуқлилик" тамойили тобора ўзини намоён этмоқда. Шу кунга қадар алоҳида қатлам сифатида қараб келинган ногиронлиги бўлган шахсларнинг иш билан таъминланиши қонуний тарзда мустаҳкамлаб қўйилди.Эндиликда бундай кишиларга иш ўрни яратдиган ҳар бир тадбиркор рағбатлантирилади.

Президентнинг камбағалликни қисқартириш ва аҳолини иш билан таъминлашга оид қарори орқали бу тартиб амалда жорий этилмоқда.

2020 йилда аҳолининг ижтимоий эҳтиёжманд тоифалари, айниқса, ногиронлиги бўлган шахсларнинг иш билан бандлигини таъминлаш мақсадида тажриба тариқасида:

ногиронлиги бўлган шахслар учун иш ўринлари яратаётган тадбиркорларга Бандликка кўмаклашиш давлат жамғармаси маблағлари ҳисобидан тижорат банклари орқали ҳар бир яратилаётган иш ўрни учун базавий ҳисоблаш миқдори(БҲМ)нинг 25 бараваригача(5 млн 575 минг сўм), бироқ жами ҳар бир тадбиркоручун БҲМнинг 500 баравари(111 млн 500 минг сўм)дан ошмаган миқдорда 3 йил муддатга, бир йиллик имтиёзли давр билан Марказий банкнинг асосий ставкасида, яратилган иш ўрнида ногиронлиги бўлган шахсларнинг камида бир йил ишлаши шарти билан микрокредитлар ажратиш тартиби жорий этилади;

ишга лаёқатли ногиронлиги бўлган шахсларнинг электрон реестри шакллантирилади ва реестрга киритилган шахсларни бўш иш ўринларига жойлаштиришга кўмаклашилади;

тадбиркорларга иш ўринлари ва шароитларини ногиронлиги бўлган шахсларга мослаштириш учун Бандликка кўмаклашиш давлат жамғармаси маблағлари ҳисобидан ҳар бир мослаштирилаётган иш жойи учун БҲМнинг 40 бараваригача (8 млн 920 минг сўм)миқдорда субсидия ажратилади;

Навоий вилояти адлия бошқармаси

Ахборот хизмати