Olimpiadada qo'lga kiritilgan medallarimiz haqida qiziq faktlar.....
O‘zbekiston hisobida barcha Olimpiada bahslarining jami 50 ta medali mavjud, shundan 1 tasi qishki Olimpiada, 49 tasi yozgi Olimpiada medali.
50 ta medalning 🥇19 tasi oltin, 🥈8 tasi kumush, 🥉23 tasi bronza medali.
Sport turlari bo‘yicha eng yaxshi ko‘rsatkich, shubhasiz — boksda!
🥊 Bokschilarimiz Olimpiada o‘yinlarida 🥇10 ta oltin, 🥈2 ta kumush va 🥉8 ta bronza, jami 20 ta medal olishgan. Bokschilarimiz shuningdek, Pekin-2008 ni hisobga olmasa, qolgan barcha Olimpiadada medal olishgani bilan ham ajralib turadi. Ya’ni deyarli har bir Olimpiadada ular bizni xursand qilishgan.
🤼 Keyingi o‘rinda erkin kurashchilarimiz turadi. Ular 🥇3 ta oltin, 🥈2 ta kumush va 🥉5 ta bronza, jami 10 ta medal olishgan. Shuningdek, erkin kurashchilarimizning 2 ta oltin, 1 ta kumush va 1 ta bronza medali keyinchalik bekor qilingan. Bu haqda sal pastroqda batafsil o‘qishingiz mumkin.
🏋🏻 Sifat bo‘yicha uchinchi o‘rinda — og‘ir atletika! Polvonlarimiz 🥇2 ta oltin, 🥈1 ta kumush va 🥉1 ta bronza, jami 4 ta medal olishgan.
🥋Keyingi o‘rinda — taekvondo! Uzoq yillar medal olish nasib qilmagan ushbu sport turida oxirgi 2 ta Olimpiadada Ulug‘bek Rashitov 🥇2 ta oltin va Svetlana Osipova 🥈1 ta kumush medal olishdi.
🥋 Dzyudochilarimiz garchi son jihatdan ancha ustun bo‘lsa-da, sifat jihatdan beshinchi o‘rinda. Dzyudochilarimiz 🥇1 ta oltin, 🥈2 ta kumush, 🥉7 ta bronza, jami 10 ta medalni qo‘lga kiritishgan.
🤸🏻♀️ Va nihoyat, gimnastikachilarimiz hisobida 🥉2 ta bronza medali bor. Ikkalasi ham Pekin-2008 da qo‘lga kiritilgan.
Qishki Olimpiadada esa yagona oltin medalimiz ⛷️fristayl musobaqalarida olingan.
Hozircha boshqa sport turidan medal olish nasib qilmagan.
Olimpiadadagi 4 ta medalimiz keyinchalik doping test natijasida bekor qilingan. Jumladan, Artur Taymazovning Pekin-2018 va London-2012 dagi 🥇🥇oltinlari hamda Soslan Tegiyevning Pekin-2018 dagi 🥈kumushi va London-2012 dagi 🥉bronzasi.
O‘z navbatida London-2012 bahslarida 5-o‘rinni olgan Ivan Yefremovga keyinchalik Olimpiya o‘yinlarining 🥉bronza medali taqdim etilgan. Chunki oltin medal olgan ukrainalik Aleksey Toroxtiy hamda 4-o‘rinni olgan Ruslan Nuriddinovning natijalari bekor qilingan.