ШЕКАРАЛЫҚ ЫНТЫМАҚТАСТЫҚ МӘСЕЛЕЛЕРІ ТАЛҚЫЛАНДЫ  

Өзбекстан кәсіподақ ұйымдары Федерациясының делегациясы Шымкент қаласында өткен Орталық Азия елдері кәсіподақ ұйымдарының шекаралық ынтымақтастығы бойынша аймақтық семинарға Қазақстан, Қырғызстан және Тәжікстанның ұлттық кәсіподақ ұйымдары орталықтарының өкілдері де қатысты.

Семинарда көші-қон үдерістерінің шекаралас аймақтардың әлеуметтік-экономикалық жағдайына әсері туралы мәселе қаралып, Орталық Азия мемлекеттері кәсіподақ ұйымдары Кеңесі аясындағы шекаралық ынтымақтастықтың бірлескен жоспары бойынша ұсыныстар жасалды. Халықаралық еңбек ұйымының Еуропалық және Орталық Азия секторының (ACTRAV/MOT) басшысы С.Гловацкас Халықаралық еңбек ұйымы атынан семинарға қатысушыларды құттықтап, әлеуметтік және еңбек саласындағы шекаралық ынтымақтастықты дамытудың маңыздылығын атап өтті.

— Орталық Азия аймағы Ұлы Жібек жолынан бері дәстүрлі түрде интеграцияланған аймақ болды. Орталық Азия елдерінің ортақ тарихы, мәдениеті және тамыры ортақ, — деді Халықаралық еңбек ұйымының Еуропа және Орталық Азия секторының (ACTRAV/MOT) басшысы С.Гловацкас. — Еңбек мигранттарының әлеуметтік қорғалуын қамтамасыз ету мәселесінде шекаралық ынтымақтастықтың маңызы зор, бұл мәселеде кәсіподақ ұйымдарының алатын орны ерекше.

Семинар барысында Орталық Азия елдерінде әлеуметтік-еңбек саласында жүргізіліп жатқан жұмыстар туралы таныстырылым болды.

Атап айтсақ, Өзбекстан кәсіподақ ұйымдары Федерациясы төрағасының орынбасары, халықаралық байланыстар бөлімінің меңгерушісі Е.Файзуллаев Өзбекстанда әлеуметтік-еңбек қатынас­тары саласында атқарылып жатқан жүйелі жұмыстар, Өзбекстан кәсіподақ ұйымдары Федерациясы қызметінің тұрақты бағыттары бойынша әлеуметтік серіктестік негізінде жүзеге асырылып жат­қан іс-шаралар туралы толыққанды мәліметтер берді.

Шекаралық ынтымақтастық тақырыбын Өзбекстан кәсіподақ ұйымдары Федерациясының Жызақ облыстық Кеңесінің төрағасы Н.Пардаев жалғастырып, семинар қатысушыларын Жызақ пен Түркістан кәсіподақ ұйымдарының тәжірибесімен таныстырды.

Семинарға қатысушылар аймақтық кәсіподақ ұйымдарының ынтымақтастығын нығайтуда Орталық Азия елдері кәсіподақ ұйымдары Кеңесі аясындағы өзара қарым-қатынастардың маңызы зор екенін атап өтті.

— Мұнай мен газды қамтитын Қазақстанның барлық аймағы Орталық Азия елдерімен шекаралас, сондықтан Орталық Азия мемлекеттері кәсіподақ ұйымдары Кеңесі аясында тиісті салалардың кәсіподақ ұйымдары арасындағы шекаралық ынтымақтастықты дамыту маңызды, — деді Қазақстан Республикасы кәсіподақ ұйымдары Федерациясы төрағасының орынбасары, Қазақстан мұнай және газ кәсіпорны, кешенді желілік кәсіподақ ұйымының төрағасы Сұлтан Қалиев.

Өз кезегінде сөз алған Түркістан облысы кәсіподақ ұйымдары аумақтық бірлестігі төрағасының орынбасары Айдар Бахтибоев осыдан екі жыл бұрын әкімшілік реформалардан кейін құрылған жаңа кәсіподақ ұйымдары бірлес­тігінің Өзбекстан Кәсіп­одақ ұйымдарымен шекаралық ынтымақтастықты дамытуға септігін тигізетінін атап өтті.

Бұдан кейін қатысушылар үш топқа бөлініп, Орталық Азия елдері кәсіподақ ұйымдары Кеңесі аясында еңбек мигранттарының мәселелерін шешу үшін шекаралық ынтымақтастықтың бірлескен жоспарына ұсыныстар әзірлеу бағытында жұмыстарын жал­ғастырды.

Аймақтық семинарға қатысушыларға Қазақстан, Қырғызстан, Тәжікстан және Өзбекстан ұлттық кәсіподақ ұйымдары орталықтарына, сондай-ақ Орталық Азия мемлекеттері кәсіподақ ұйымдары Кеңесіне және Халықаралық еңбек ұйымына: еңбек мигранттарын өздері жұмыс істейтін мемлекеттің кәсіп­одақ ұйымдарына мүшелікке қабылдау арқылы олардың құқықтары мен мүдделерін қорғау; шекаралас аймақтардың кәсіподақ ұйымдары бір­лестіктері арасында көші-қон саласындағы өзара ынтымақтастық мәселелері бойынша үш жақты меморандумдар жасау; Бас келісімге, сондай-ақ салалық және аумақтық келісімдерге еңбек мигранттарының әлеуметтік-экономикалық мүддесі мен еңбек құқығын қорғауды қамтамасыз ету жөніндегі өлшемдерін енгізу мәселесін қарастыру; еңбек мигранттарының жалпы еңбек өтіліне шетелде жұмыс істеген кезеңін қоса алғанда; еңбек мигранттарын олардың баратын еліндегі орналасқан жері мен жұмысқа орналасуына қарай тіркейтін интеграцияланған цифрлық платформа құру сияқты ұсыныстар мен ұсынымдар берілді.

Өзбекстан Кәсіподақ ұйымдары Федерациясының баспасөз қызметі.