МЕРЕКЕЛІК ШАРА ӨТТІ
Соңғы жылдары Отанымыздың өркендеуі мен оның әлеуетін арттыру, еңбексүйгіш халықтың әлеуметтік-экономикалық құқығы мен мүддесін қорғау және кәсіподақ ұйымдарының беделін одан әрі арттыру бойынша нәтижелі жұмыстар атқарылуда. Елімізде жүзеге асырылып жатқан жаңару мен өзгерулерге Жаңа Өзбекстанның Жаңа кәсіподақ ұйымдары да белсенді қатысып, реформаларды қолдапқуаттап, түрлі сала қызметкерлерінің әлеуметтік-экономикалық мүдделері мен еңбек саласындағы құқықтарын қорғау бойынша нәтижелі жұмыстарды жүзеге асыруда.
Мырза Ұлықбек атындағы Өзбекстан Ұлттық университетінде 11 ноябрь — “Өзбекстан кәсіподақ ұйымдары күні” мерекесіне орай марапаттау рәсімі мен концерттік бағдарлама өтті. Оған кәсіподақ ұйымдарынан келген қонақтар, университет басшылығы, профессор-оқытушылар, жұмысшы-қызметкерлер, ұйым ардагерлері мен белсенділер қатысты.
Мемлекет басшысының “Адамға қамқорлық және сапалы білім беру жылында” да адам қадірін арттыру бойынша жүргізілген ауқымды әрі жүйелі жұмыстар еліміз бен қоғам өркениетін түбегейлі жаңа басқышқа бағыттады деуге болады. Жаңа Өзбекстанның бұл реттегі қол жеткізген жетістіктері мен нәтижелері бүгін халықаралық аренада да мойындалуда. Жаңарулар, тұрғындардың түрлі санаты, әсіресе, қыз-келіншектер мен жастарға көрсетіліп жатқан қамқорлық пен оларды жан-жақты қолдап-қуаттау бойынша жүзеге асырылып жатқан жұмыстардың нәтижесінде Өзбекстан халқының әлеуметтік-саяси белсенділігі мен бастамашылдығы артып, жаңа жетістіктерге қарай алға ұмтылуда.
Жүзеге асырылған реформалардың қатарында соңғы жылдары Өзбекстан Ұлттық университетінде де нәтижелі істер жүзеге асырылуда. Мұндай жетістіктерге қол жеткізуде басқа қоғамдық ұйымдармен қатар Кәсіподақ ұйымдары комитеті де өз үлестерін қосуда.
Қазіргі күнде кәсіподақ ұйымдары комитеті өз құрамына 3500-ден астам кәсіподақ ұйымдары мүшелерін біріктірген. Кәсіподақ ұйымдары комитеті көптармақты ұйымдастырушылық құрамына ие болып, 17 факультет, Биофизика және биохимия институты, Жартылайөткізгіштер физикасы мен микроэлектроника әлеуметтік-зерттеу институты, Нанотехнологияларды дамыту орталығы, Әскери дайындық оқу орталығы, сондай-ақ Педагогикалық кадрларды қайта дайындау және олардың біліктілігін арттыру аумақтық орталығы, жалпы 29 бастауыш кәсіподақ ұйымы бар, олардың әрбіреуінде бастауыш кәсіподақ ұйымдары төрағалары жұмыс жүргізеді.
Салтанатты шарада білім беруде, ғылыми қызметте, рухани-ағартушылық, шаруашылық жұмыстарында белсенді профессор-оқытушы және жұмысшы-қызметкерлер Өзбекстан білім және ғылым қызметкерлері кәсіподақ ұйымдары Республикалық Кеңесі тарапынан бөлінетін бағалы естелік сыйлықтармен, мақтау қағазымен марапатталды. Сыйлықтарды Өзбекстан білім және ғылым қызметкерлері кәсіподақ ұйымдары Республика Кеңесінің ұйымдастырушылық жұмыстар бөлімінің меңгерушісі М.Худдиев тапсырды.
Бұдан тыс, шарада Өзбекстан білім және ғылым қызметкерлері Кәсіподақ ұйымдары Ташкент қалалық кеңесінің төрағасы А.Рахмоновқа сөз беріліп, ол “Өзбекстан кәсіподақ ұйымдары күні” мерекесінде университетте ұзақ жылдардан бері нәтижелі еңбек етіп жүрген профессор-оқытушылар мен жұмысшы-қызметкерлерге, кәсіподақ ұйымдары белсенділеріне естелік сыйлықтар, мақтау қағаздары мен санаторийлерге жолдамалар берді.
Оқу істері бойынша проректор Ш.Тошматов, университеттің кәсіподақ ұйымдарының төрағасы О.Худойназаров шара қатысушыларын мерекемен құттықтап, университетіміздің әр топ белсенді профессор-оқытушы және жұмысшы-қызметкерлеріне Өзбекстан Ұлттық университеті Кәсіподақ ұйымдары комитетінің естелік сыйлықтарын, университет ректорының мақтау қағазын тапсырды. Шара барысында атақты өнерпаздардың, эстрада өнімдерінің би ансамбльдерінің қатысуындағы концерттік бағдарлама көрермендердің назарына ұсынылды.
Өзбекстан Ұлттық университеті журналистика факультетінің 1-курс тірек докторанты.