Оққўрғон туман адлия бўлими тарғибот тадбири

Жорий йилнинг 15 сентябрь куни туман адлия бўлими томонидан тумандаги 11-сон умумий ўрта таълим мактабининг катта мажлислар залида туман ҳокимининг Ёшлар сиёсати бўйича ўринбосари Ж.Жаниқулов, туман ХТБ мудири Б.Мирзақулов ва туман ХТБ тасарруфидаги барча умумтаълим мактаблари директорлари иштирокида Тошкент вилояти Юридик техникумига ўқувчиларни жалб қилиш юзасидан тарғибот тадбири ўтказилди.

Ўтказилган тадбирда юридик техникумга tehnikum.dtm.uz сайти орқали 25 сентябрга қадар ҳужжатлар электрон тарзда топшириш тартиби тушунтириб ўтилди.

Шунингдек, тадбир жараёнида умумтаълим мактаблари директорлари томонидан юридик техникумга ҳужжатлар топширилиши ва имтиёзлари тўғрисида катта қизиқиш билдирилиб, бугуннинг ўзида 20 га яқин битирувчилар томонидан онлайн ҳужжат топширилиши мактаб директорлари томонидан маълум қилинди.