Церковный календарь
June 20, 2021
Православный календарь 25 июня
События и памяти дня:
- Прп. Онуфрия Великого (IV) (Совершается служба на шесть)
- Прп. Петра Афонского (734).
- Прп. Арсения Коневского (1447).
Тропарь преподобных Онуфрия и Петра Боже отец наших,/ творяй присно с нами по Твоей кротости,/ не отстави милость Твою от нас,/ но молитвами их// в мире управи живот наш.
Тропарь преподобного Онуфрия Великого Желанием духовным пустыни достигл еси, богомудре Онуфрие,/ и яко безплотен в ней многолетне подвизался еси трудолюбне,/ соревнуя пророкам Илии и Крестителю:/ и от руку ангельску таин божественных насладився,/ ныне во свете Святыя Троицы купно с ними веселишеся./ Моли спастися нам, твою память почитающим.
Тропарь преподобного Петра Афонского Мир оставил еси, Петре, Господа ради своего/ и крест восприим на рамо свое,/ на гору достигл еси Афонскую,/ якоже древле фесвитянин Илия./ И в ней пребыв пощением, и молитвами, и бдением,/ Бога милостива творя,/ и Пречистую Богородицу Молебницу предлагая,/ сего ради вопием ти:/ моли Христа Бога, да спасет души наша.
Тропарь преподобнаго Арсения Коневского Божественною любовию возгоревся,/ мирская пристрастия от души отвергше,/ тесным путем постничества во след Христа/ невозвратным умом шествовал еси, Арсение всеблаженне,/ от Негоже и мзду трудов твоих на Небесех восприим,/ поминай нас, чтущих святую память твою и вопиющих:/ слава Давшему ти крепость,/ слава Венчавшему тя,/ слава Действующему тобою всем исцеления.