"ЖОЛ" каналы тууралуу

Заманбап технологиялар адамдын жашоосун кыйла жеңилдетти. Мурда элестетүү да мүмкүн болбогон эбегейсиз мүмкүнчүлүктөрдү берди. Алардын баарын санабай эле коёюн – баарыбыз жакшы билебиз.

Бирок аны менен катар технологиялардын өнүгүүсү көп маселелерди да жаратты. Жаңы чыгып жаткан аспаптарга, программаларга, тиркемелерге, ыкмаларга такай назар салып турбасаң, аларды колдонгонду жакшы билбесең бүгүн ишиңде ийгиликке жетүү мүмкүн болбой калды. Жетсең да башкаларга салыштырмалуу көбүрөөк тер төгүүгө туура келет.

Ошондуктан телеграмда "ЖОЛ" деген канал ачып, анда мен адамдын жумушунда пайдалуу болгон, эмгегинин натыйжалуулугун жогорулаткан айрым аспаптарга, программаларга жана ыкмаларга сереп кылып турмакчымын. Көбүбүздүн капчыгыбыз калың эмес, ошондуктан АКЫСЫЗ колдонууга мүмкүн болгон аспаптар менен программаларга басым кылынат. Баамымда, алардын мүмкүнчүлүктөрү көп учурда жетиштүү.

Бул каналга жумасына 2-3төн пайдалуу серепти такай жарыялап турганга аракет кылам.

Ал эми кайсы бир аспапты, программаны же ыкманы жакшыраак өздөштүргүңөр келсе, менин “Жол VIP” жабык каналыма жазылыңаздар. Андагы материалдар менен таанышуу үчүн акы төлөө керек. Баасы жана жазылуу шарттары менен бул жерден кенен тааныша аласыздар.