“Quvvat” multseriali qahramonlari bolalar oromgohida
Davlatimiz rahbari ko‘magi bilan mamlakatimizda muqobil energiya manbalaridan unumli foydalanish, ishlab chiqarish hamda aholining energiya tejamkorlik darajasini oshirish bo‘yicha bir qator samarali ishlar amalga oshirilmoqda.
Bu borada yosh avlod o‘rtasida energoresurslarni tejash, ularda qayta tiklanadigan va ekologik toza energiya manbalariga qiziqishni uyg‘otish, atrof-muhitni muhofaza qilish, tabiiy resurslardan oqilona foydalanish tuyg‘usini yanada oshirish borasida targ‘ibot-tashviqot ishlarini kuchaytirish alohida ahamiyat kasb etmoqda.
“O‘zbekneftgaz” AJ tomonidan amalga oshirilgan “Quvvat” loyihasi ham bolajonlarning tejamkorlik haqidagi tushunchalarini kengaytirishga qaratilgan.
“Quvvat” animatsion multseriali har bir qismi yaratilishida eng avvalo, suv, gaz va elektr energiyasini tejash hamda ulardan unumli foydalanish bo‘yicha ibratli amaliy maslahatlarga e’tibor qaratilgan.
Joriy yilning 25 iyul kuni “Quyoshli” bolalar oromgohida multserialning targ‘ibot tadbiri bo‘lib o‘tdi.
Multserial qahramonlari bolajonlar bilan suhbatlashib, seriyalar haqidagi fikrlari bilan qiziqishdi. Ekofaollar ishtirokida ko‘ngilochar interaktiv o‘yinlar o‘tkazildi.
Bu esa, yosh avlodda energiya tejamkorlik bo‘yicha bilim va ko‘nikmalarni shakllantirish, tabiiy resurslardan oqilona foydalanish, uy, maktab va bog‘chalarda energiyani ortiqcha isrof qilmaslikni o‘rgatish imkonini beradi.