“Ўзбекнефтгаз”: Тизим корхоналари ёшлари ўртасида “Заковат” интеллектуал ўйини ўтказилди

Бош саҳифа Русский

Тошкент шаҳридаги "Ўзэкспомарказ" да “Ўзбекнефтгаз” АЖ Бошқарув раиси Меҳриддин Абдуллаев ташаббуси билан ёшларнинг билим ва салоҳиятини ошириш, дунёқарашини ҳар томонлама кенгайтириш мақсадида “Заковат” интеллектуал ўйини турнири ўтказилди.

“Заковат интеллектуал клуби” билан ҳамкорликда ташкил этилган мусобақа клуб президенти Абдурасул Абдуллаев томонидан олиб борилди.

Ўйин қоидаларига кўра, жамоалар баллари тўғри берилган жавобларга қараб ҳисоблаб чиқилди. Турнирни очиқ ва шаффоф ўтказиш, жамоаларни кузатиб туриш мақсадида, бетараф назоратчилар танлаб олинди.

Иштирокчиларга ҳар бир савол учун 60 сониядан вақт ажратилди. Турнирнинг биричи кунида акциядорлик жамиятининг департамент ва мустақил бўлимлари ўртасида ўтказилган саралаш ўйини натижалирига кўра, Трансформация ва операцион самарадорлик департаменти ходимлари ғолиб бўлишди.

Турнирнинг финал босқичида жами бўлиб 17 та жамоа қатнашди. Қизғин баҳс ва мунозараларга бой бўлган финал ўйинида биринчи ўринни “Uz-Kor Gas Chemical” МЧЖ ҚКси, иккинчи ўринни Муборак газни қайта ишлаш заводи, учинчи ўринни “Шўртан газ кимё мажмуаси” МЧЖ жамоалари эгаллашди.

Мусобақа якунида, Жамият Ёшлар иттифоқи кенгаши раиси барча иштирокчиларга фаоллиги учун миннатдорчилик билдириб, уларннг келгусидаги ўқиш ва ишларига улкан муваффақиятлар тилади.

Ғолиб жамоаларга “Ўзбекнефтгаз” АЖ Бошқаруви раиси номидан қимматбаҳо совғалар – биринчи ўринни эгаллаган жамоа аъзоларига - ноутбук, иккинчи ўрин ғолибларига – уяли телефон ва учинчи ўрин ғолибларига – планшетлар топширилди.

Келгусида ходимларнинг билим савияси ва даражасини ошириш, дунёқарашини кенгайтириш мақсадида, бундай тадбирларни доимий ўтказилиши мақсад қилиб олинди.

“Ўзбекнефтгаз” АЖ Матбуот хизмати

#нефть #газ #энергия #скважин #инвестиция #добыча #углеводород #экономика #завод #нефтебаза #қудуқ #кон #иқтисод #аёқш