9-Andijon viloyati saylov okrugidan 

9-Andijon viloyati saylov okrugidan

Oliy Majlis Qonunchilik palatasi deputatligiga nomzod

Baxtiyor Abdusattarovich Ismoilov1964-yil 21-yanvarda Andijon viloyati, Paxtaobod tumanida tug‘ilgan.

Millati – o‘zbek. Ma’lumoti – oliy.

1985-yili Samarqand qishloq xo‘jalik institutini tamomlagan. Ixtisosligi – iqtisodchi.

2006-yildan Andijon viloyati Paxtaobod tumani "Sarvinoz parvoz" fermer xo‘jaligi rahbari lavozimida ishlab kelmoqda.

U yuksak salohiyat va tajribaga ega tashkilotchi sifatida aholini o‘ylantirib kelayotgan muammolarga yechim topishda fidoyilik ko‘rsatgan.

Qishloq xo‘jaligi sohasida katta tajribaga ega, mehnatkash rahbar. Ijtimoiy ko‘makka muhtoj oilalarni qo‘llab-quvvatlash orqali xalq orasida tanilgan saxovatli inson.

Oilali, to‘rt nafar farzandi bor.

Baxtiyor Ismoilov aholi farovonligini ta’minlashga qaratilgan quyidagi ishlarni amalga oshiradi:

– kuchli ijtimoiy siyosat orqali ijtimoiy barqarorlikni ta’minlash;

– nogironligi bo‘lgan shaxslarning huquq va manfaatlarini himoya qilish;

– pensiya va ijtimoiy nafaqalarni insonning hayotiy ehtiyojlarini to‘laqonli qondirishga erishish;

– ayollarga pensiya tayinlash uchun zarur bo‘lgan ish stajiga barcha bolasini parvarishlash ta’tilida bo‘lgan vaqtini to‘liq qo‘shib hisoblash;

– aholini arzon uy-joy bilan ta’minlash va sifatli kommunal xizmat ko‘rsatish;

– barchaga malakali tibbiy xizmat imkoniyatini yaratish;

– ijro hokimiyati tomonidan qarorlar qabul qilishda siyosiy partiyalar guruhlari bilan maslahatlashuvlar o‘tkazish institutini joriy etish;

– ishsizlik bo‘yicha majburiy ijtimoiy sug‘urta milliy modelini joriy etish.