20-Navoiy viloyati saylov okrugidan 

20-Navoiy viloyati saylov okrugidan

Oliy Majlis Qonunchilik palatasi deputatligiga nomzod

Iba Kushjanovna Narizova 1961-yil 1-yanvarda Navoiy viloyati, Konimex tumanida tug‘ilgan.

Millati – o‘zbek. Ma’lumoti – oliy.

1985-yili Toshkent davlat pedagogika institutini tamomlagan. Ixtisosligi – qozoq tili va adabiyoti fani o‘qituvchisi.

2000-yildan Konimex tumani 5-son umumiy o‘rta ta’lim maktabi direktori vazifasida ishlab kelmoqda.

U siyosiy yetuk, yuksak salohiyatli, obro‘-e’tiborga ega rahbar. Xalq farovonligini ta’minlash yo‘lida astoydil ishlaydigan, muammolarni oldindan ko‘rib bilib, ularga yechim topa oladigan, tajribali, mas’uliyatli va jonkuyar inson.

2010-yili “Fidokorona xizmatlari uchun” va 2019-yili “Do‘stlik” ordenlari bilan taqdirlangan.

Oilali, to‘rt nafar farzandi bor.

Iba Narizova aholi farovonligini ta’minlashga qaratilgan quyidagi ishlarni amalga oshiradi:

– kuchli ijtimoiy siyosat orqali ijtimoiy barqarorlikni ta’minlash;

– nogironligi bo‘lgan shaxslarning huquq va manfaatlarini himoya qilish;

– pensiya va ijtimoiy nafaqalarni insonning hayotiy ehtiyojlarini to‘laqonli qondirishga erishish;

– ayollarga pensiya tayinlash uchun zarur bo‘lgan ish stajiga barcha bolasini parvarishlash ta’tilida bo‘lgan vaqtini to‘liq qo‘shib hisoblash;

– aholini arzon uy-joy bilan ta’minlash va sifatli kommunal xizmat ko‘rsatish;

– barchaga malakali tibbiy xizmat imkoniyatini yaratish;

– ijro hokimiyati tomonidan qarorlar qabul qilishda siyosiy partiyalar guruhlari bilan maslahatlashuvlar o‘tkazish institutini joriy etish;

– ishsizlik bo‘yicha majburiy ijtimoiy sug‘urta milliy modelini joriy etish.