Улуғбек МУҲАММАДИЕВ, ДХМ директори: "Биз учун энг муҳими — халқ ишончи!"
Барча оворагарчиликларга чек қўйилади
Вақтингиз ва нақдингиз тежалади
Давлатимиз раҳбарининг “Халқ давлат идораларига эмас, давлат идоралари халқимизга хизмат қилиши керак”, деган улуғвор ғоясини ҳаётга татбиқ этиш учун ташкил этилган Ўзбекистон Республикаси Адлия вазирлиги ҳузуридаги Давлат хизматлари агентлиги халқнинг ишончини қозониб улгурди.
Давлат хизматлари марказлари орқали 2018 йилгача бўлган даврда фақат тадбиркорлик субъектларига 37 турдаги давлат хизматлари кўрсатилган бўлса, бугунги кунда ушбу хизматлар сони 150 турга яқинлашди.
2017 йилда тадбиркорларга 170 мингдан ортиқ давлат хизматлари кўрсатилган бўлса, бугунги кунда жисмоний ва юридик шахсларнинг давлат хизматлари кўрсатиш бўйича 20 миллиондан ортиқ мурожаатлари қабул қилинди.
Давлат хизматларини кўрсатиш соҳасига доир 80 дан ортиқ қонун ҳужжатлари ишлаб чиқилди, давлат хизматлари кўрсатишга оид 60 дан ортиқ маъмурий регламентлар қабул қилинди. Натижада талаб этиладиган ҳужжатлар сони 164 тадан 78 тага камайтирилди, хизмат кўрсатиш муддати ҳам 415 кундан 217 кунга қисқартирилди.
Давлат хизматлари кўрсатиш учун экстерриториаллик тамойили йўлга қўйилди, тадбиркорлик субъектларини рўйхатдан ўтказиш жараёнида онлайн ҳисобрақам очиш имконияти яратилди, муҳр ва штампдан фойдаланиш талаби ва устав фондига қўйилган минимал талаблар бекор қилинди. ФҲДЁ органларининг мавжуд 60 миллионга яқин архив маълумотларининг 74,8 фоизи рақамлаштирилди. Ташриф буюрувчилар учун қулай шароитлар яратиш мақсадида Давлат хизматлари марказларининг 100 га яқин инновацион бинолари фойдаланишга топширилди, шунингдек, 68 та давлат хизмати марказлари филиаллари ташкил этилди.
Олис ҳудудда яшаётган аҳолига қулайлик яратиш мақсадида сайёр давлат хизматлари кўрсатиш йўлга қўйилди. Бунинг учун 189 та “Дамас” автомобиллари ва 20 та махсус жиҳозланган “Исузу” автобуслари ажратилиб, ҳозирги кунга қадар 500 мингга яқин сайёр хизматлар кўрсатилди.
Энг муҳими, агентлик тизимида коррупцияга йўл қўймаслик мақсадида тизимда фақатгина ҳалол ва пок ходимлар фаолият юритиши таъминланмоқда. Хусусан, республика бўйича 1438 нафар ДХМ ходими навбатдан ташқари аттестациядан ва қайта аттестациядан ўтказилиб, 260 нафар марказ ходими эгаллаб турган лавозимига нолойиқ, деб топилди ва улар билан тузилган меҳнат шартномалари бекор қилинди.
А ге н тл и к н и н г “ F a c e b o o k ” и ж т и моий тармоғида расмий саҳифаси очилди, “Ишонч телефони” (1148) ва @davxizmataloqa_bot қайта алоқа телеграм канали ташкил этилди. Биргина “1148” қисқа рақамли “Ишонч телефони” ва @davxizmataloqa_bot қайта алоқа телеграм канали орқали ўртача бир кунда 400-500 га яқин жисмоний ва юридик шахсларнинг мурожаатлари қабул қилиниб, реал вақт режимида тезкорлик билан муносабат билдирилмоқда.
Янги орзулар, янги истиқболли режаларимиз ҳам кўп.
Хорижий давлатларда илмий унвонлар олганлик тўғрисидаги ҳужжатларни тан олиш тартибини янада соддалаштириш бўйича таклифлар ишлаб чиқиш. Бугунги кунда хорижий давлатларда илмий унвонлар олганлик тўғрисидаги ҳужжатларни тан олиш бўйича талабгорлар узоқ масофадан Олий аттестация комиссиясига келиб кетишига тўғри келмоқда.
Расмий ҳужжатларни тан олиш ва уларга тан олинганлик белгисини қўйиш (апостиль) бўйича давлат хизматини янада такомиллаштириш, апостиль қўйиш тизимини ягона тармоққа бирлаштириш ҳамда апостиль қўйиш бўйича давлат хизматидан электрон фойдаланиш имкониятини яратиш.
Давлат хизматларини тартибга солувчи маъмурий регламентларни қайта кўриб чиқиш ва натижалари бўйича давлат хизматларини кўрсатишда талаб қилинадиган ҳужжатлар, хизмат кўрсатиш вақти, ваколатли органлар иштирокини қисқартириш, шунингдек, композит хизматларни жорий қилиш бўйича таклифлар тайёрлаш. Битта ариза билан бир нечта хизматларни олиш бўйича енгилликлар яратилади.
Экстерриториал тартибда кўрсатиладиган давлат хизматлари сонини босқичма-босқич кўпайтириш бўйича тегишли чора-тадбирларни амалга ошириш юзасидан таклифлар тайёрлаш, шунингдек, амалдаги қонун ҳужжатларини аҳолига давлат хизматларини тақдим қилишда фуқароларнинг доимий турган жойидан ёки вақтинча турган жойи бўйича кўрсатилишини таъминлашни жорий қилиш бўйича ҳукумат қарори лойиҳасини ишлаб чиқиш. Айни вақтда давлат хизматлари ягона реестридаги мавжуд 716 та хизматдан 140 таси экстерриториал тамойил асосида Давлат хизматлари марказлари орқали кўрсатилмоқда. Жисмоний ва юридик шахсларга бевосита давлат органлари томонидан кўрсатиладиган давлат хизматларини ҳам экстерриториал тартибда олиш имкониятларини яратиш лозим.
“Лицензия” ахборот тизимлари мажмуасини яратиш. Лицензиялаш ва рухсатнома бериш вазифаларини бажариш учун зарур бўлган маълумотларни тўплаш, сақлаш ва қайта ишлаш вазифаларини бажаради ҳамда жисмоний ва юридик шахсларга лицензия ва рухсатномаларни электрон, автоматлаштирилган, марказлашган ҳолда рўйхатдан ўтказиш давлат хизматларини кўрсатади.
ISO 9001 ва ISO 27001 халқаро стандартлари асосида агентликда интеграцияланган бошқарув тизимини жорий қилиш. Дунё ҳамжамиятида агентликда сифатни бошқариш тизими жорий қилинганлигини, қалтисликлар бошқарилаётганлигини, давлат хизматлари кўрсатилиши учун ресурслар (бино иншооти, инфраструктура, инсон капитали, автотранспорт, интернет ва бошқа алоқа воситалари) етарлилигини, фуқаролар мурожаатлари ўз вақтида кўриб чиқилишини ҳамда ахборот хавфсизлиги таъминланганлигини намоён қилади.
Давлат хизматлари кўрсатиш соҳасини тартибга солувчи давлат стандартларини ишлаб чиқиш. Мазкур давлат стандартларининг яратилиши ягона талаб асосида Давлат хизматлари кўрсатиш соҳасига тааллуқли бўлган ахборот тизимлари ва маълумотлар базаларини ишлаб чиқиш ва интеграция қилишга хизмат қилади.
“Ситуацион марказ” яратиш. Республика миқёсида давлат хизматлари марказлари фаолиятини назорат қилиш, электрон навбат тизими, марказ операторлари иш самарадорлиги, фуқароларда марказларда юзага келадиган муаммоларни ечишда, талаби юқори бўлган хизматларни аниқлаш, давлат хизматларини оптималлаштириш имконини беради.
“ФҲДЁ ягона электрон архиви” ахборот тизимининг блокчейн технологияси асосида модернизация қилиш. Мазкур лойиҳада блокчейн асосида яратилган модул ҳозирда фаолият юритаётган “ФҲДЁ ягона электрон архиви” ахборот тизимига қўшимча модул ҳисобланади ҳамда унинг асосий вазифаси ҳозирда ахборот тизимига хавфсиз киришни таъминловчи CISCO махсус қурилмаларидан фойдаланмасдан хавфсиз кириш имкониятини яратиш ва маълумотларни ўзгартиришда барча иштирокчилар билан келишишни таъминлашдан иборат.
Фуқаролар фойдаланишига қулайлик яратиш мақсадида аҳоли гавжум жойларда (аэропорт, вокзал, метро бекатлари, савдо-кўнгилочар масканлар) интерактив инфокиоскаларни ўрнатиш.
Ушбу инфокиоскларда бепул хизматлар билан бир қаторда, пуллик хизматлардан ҳам онлайн тарзда тўловни амалга ошириш имконияти яратилади.
Чин юракдан айтганда, биз учун энг муҳими — халқнинг ишончи. Ана шу ишонч учун ҳамиша хизматга тайёрмиз!