Меҳнаткашлар муносиб тақдирланди

@Yangiyer
Ховос тумани ғаллазорларида иш қизғин. Комбайнчилар кечани кеча, кундузни кундуз демай туман ғаллазорларида жавлон урмоқдалар.

Туманимизда етиштирилаётган ғаллани бекаму-кўст давлатимиз хирмонига топширишда қишлоқ ҳўжалиги вакилларининг меҳнатлари улкан хисобланади, улар ғаллани етиштириб, ўриб олиб қилган меҳнатлари самарасидан севинадилар. Ғалла мавсуми жадаллик билан бораётган бир пайтда уни етиштириб давлатимиз хирмонига топширишда туманимиз миқёсида улкан натижаларга эришаётган меҳнаткашлар туманда талайгина.
Жумладан;
21 отряд раҳбари Зариф Хаитов, комбайнчилар: Муқимжонов Носир, Мамарахимов Сарвар, Сулаймонов Жамшид, Умарқулов Жавлон жамоаси ажойиб ютуқларга эришмоқдалар, кунига 50 тонна сара дон маҳсулотини давлатимиз хирмонига топширмоқдалар.
Шу боисдан, туманимиздаги илғор меҳнаткашларини рағбатлантириш мақсадида туман ҳокими У.Камоловнинг ташаббуслари билан, туман ҳокимининг ўринбосари О.Донабоев томонидан уларга эсдалик совғалари топширилди.