Акча
September 26, 2018
Тимер юлда арзанрак йөрү сере
Кассы белән кондуктор аша алынган тимер юл билет бәясенә 25% өстәленгәне турында белми идеңдер әле моңа кадәр. Билетларны арзанрак итеп сатып алу серен ачып бирәм сиңа алайса.
Смартфон өчен "Пригород" дигән Android-кушымта куеп, тимер юл билетларын арзанрак сатып алып була. Мәсәлән, Казан-Кукмара билетын кассы аша сатып алганда, 214 сум тора ул. Шул кушымта аша исә бәясе 171,20 сум булып кала. Аермасы 42,80 сум.
Тәртибе шундый:
- Google Play кибетендә "Пригород" дигән бушлай кушымта куясы;
- Кайсы тукталыштан утырып, кайсы тукталышка кадәр барасын сайлыйсың да, кемгә билет аласын кеше исеме белән документ номерын кертәсе;
- Ахырда банк-картының реквизитын кертеп, гадәти онлайн-түләү үткәрәсең дә, электрон-билет бирелә.
- Кондуктор тикшергәндә, турникет аша узып чыкканда электрон билетның штрих-кодын телефон дисплеена чыгарып күрсәтәсе кала.
Берничә өстәмә киңәш:
- Кушымта эчендә гадәти теркәү эшен узсаң, утырып баручы кешеләрнең исемнәрен, кайсы тукталышка кадәр гадәттә йөргәнеңне кушымтадагы сайланма эченә кертеп булачак. Киләчәктә билет алу эшен тизләтеп була.
- Беренче тапкыр билет алганда, түләр өчен кулланылган банк-картының реквизитын саклап калдырып та, киләчәктә билет алу эшен тизләтеп була.
- Кушымта эчендә теркәү эшен узганнан соң, элек сатып алынган билетларны кушымта эчендәгә "История заказов" дигән бүлектә күреп, башка көне "Повторить покупку" төймәсенә басып, кабат сатып алып булачак. Җайлы. Тиз :)
- Тимер юлда утырып барасы кеше исемен, документ номерын да алдан кертеп калдырсаң, киләчәктә билет алу эшен тизләтеп була.
- Банк арасында билет өчен түләүләр 4111 MCC-код белән уза. Кайбер картыда ул код белән үткән түләүләргә кэшбек да бар. АкБарс банкының Generation дигән картыда мәсәлән, түләнгән билет бәясенең 10% кадәр кэшбек булып кайта, димәк билет бәясе тагын да арзанрак булып чыга, 171,20 сумнан 17,12 сумы кире кайтса, Казан-Кукмара билетының бәясе 154.08 сум булып кала :)
- Истә тотасы моны: телефон аккумуляторы буш булмаска тиеш, алынган электрон билет кулланырлык булсын өчен :)
- Яше булган әбиеңә дә электрон билет сатып алыйм дисәң, аны принтер аша бастырып кулына тоттырып биреп була.
- Электрон билетны тикшереп алыр өчен кондуктырларда махсус җиһаз булырга тиш тә, әмма дә ләкин алар аны тиз генә күз белән укып ала да китә, әлегә :)
Акчаңны белеп тот, бай бул!
Һәм дә ахырда электрон билетның нинди рәвештә булганын күрсәтим.
Telegram эчендәге Яшәү серләре дигән каналыбызга язылып кал!
September 26, 2018, 13:39
0 views
0 reactions