Nosirjon Ma’sumiy

BAYTLAR

Azizim, men tomon bir bor nigoh qil,
Diling dardlaridan meni ogoh qil.

* * *

Ajib g‘unchadahondirsan azizam,
Nechog‘lik xushzabondirsan azizam.

* * *

Lablaringdan bir bo‘sa ber ey, suluv,
Ichgan bilan kamaymas daryo suvi.

* * *

Sadaf ichra gavhardek mehring dilda tutgan makon,
Boisi ushbudir: dilim sensiz yashay olmas bir on.

* * *

Ilk bor onam suti bilan sening mehring tuygan edim,
Gulzorga o‘rgangan gulbondek mehringga mushtoqman, Vatan!

* * *

Oftob olamni yoritgan chog‘idek,
Bilim odam uchun olam chirog‘idir!

* * *

Do‘stlar xonadoningiz doimo obod bo‘lsin,
Xonadon ahlingiz ham neknomu shod bo‘lsin.

Tojikchadan Hasanboy G‘oyib tarjimasi