Барселонаның болашақ «тоғыздығы» – Витор Роке
Барселона жақында ғана қатарын жаңа Бразилиялық талантпен толықтырған болатын. Витор Роке келісім бойынша қаңтарда клубқа келіп қосылады. Бүгінгі кейіпкеріміз дәл осы Бразилиялық жас талант болмақ.
Аты-жөні: Витор Уго Роке Феррейра
Туған жері: Тимотео (Бразилия)
Команда: Атлетико Паранэнсе 🔜 Барселона
Позиция: Форвард, екінші шабуылшы, вингер
Келісім-шарт мерзімі: 2029 жылдың 30 маусымына дейін
Ойыны ұқсас ойыншылар: Роналдо Назарио, Суарес
• Допсыз ойыны, прессинг машина
• Айып алаңының сыртынан соққылары
Мансабы:
Витор ең алғаш мансабын 2015 жылы 10 жасында бастаған. Ол ең алғаш Америка Минейро командасының академиясына қабылданады. Минейродағы сәтті 4 жылынан кейін ол 2019 жылы Крузейро сапына ауысады. Роке сол кездің өзінде жұлдыз болып танылады. Және 2019 жылы жасаған сол қадамы екі клуб арасында жанжал тудырып, сотқа дейін барып, Крузейро ойыншының 65% құқығын, Ал Минейро 35% құқығына ие болады.
Витор ең алғашқы кәсіби келісім-шартына Крузейро клубымен отырады. 5 ай өткеннен кейін Витор кәсіби футболда дебют жасайды. Бірінші маусымында 14 ойында 3 гол соғып, Атлетико Паранаэнсе клубымен 5 жылдық келісім-шартқа отырады, Атлетико өз кезегінде Витордың өтемақысы яғни 24 миллион реал төлейді.
Витордың аусымы Атлетико Паранэнсе тарихындағы ең қымбат ауысым атанады. Бразилиялық футболда көптеген ойыншылар жетістікке жеткен, Рокенің де олардан айырмашылығы жоқ, ол Бразилия лигасында ғана таң қалдырып қоймай, Либертадорес турнирінің символдық құрамына еніп үлгереді.
Витор осы жақында өткен Копа Америка U-20 турнирінде Бразилия ұлттық-құрамасының намысын қорғады. Бұл турнир Витордың бағын ашқан турнирлердің бірі болды. 17 жаста болғанына қарамастан Тигриньо Селесаоның негізгі тоғыздығы болып, өзінің командаласы Андрей Сатоспен (Челси) бірге турнирдің үздік бомбардирі атанды.
Витор Рокенің Копа Америка U-20 турниріндегі статистикасы:
✅8 ойын
⚽️6 гол
🅰️1 ассист
⏱️ әр 85 сайын Г/А
🏆 Копа Америка U-20 турнирінің жеңімпазы
🏅Турнирдің үздік бомбардирі
2023 жылғы маусым және Рокенің Барсаға ауысуы!
Витор өткен маусымдағы прогресінен кейін Атлетико Паранэнсенің негізгі тоғыздығы болды. Негізінен Атлетико Бразилиядағы орта деңгейлі клубтардың бірі, Либертадорес кубогінен ұшып кетіп, чемпионатта турнирлік таблицаның ортасында жүргеніне қарамастан, Витор әр ойын сайын командасын сүйреуден шаршамайды. Ол командасының үздік ал лигасының 2-ші үздік бомбардирі.
Тигриньо соңғы 13 матчта:
🆚️ «Васко да Гама» 🅰️+пенальти
2023 жылдың жазында Трансфермаркт нұсқасы бойынша, Витордың бағасы 32 миллион еуроға дейін өсіп, Бразилия лигасының ең қымбат ойыншысы атанған болатын 🔥💰
2023 жылдың 13-ші шілдесінде Витор Роке ресми түрде ФК Бпрселона ойыншысы атанады 🔵🔴 Каталондық клуб Роке үшін 30 миллион еуро +31 миллион еуро бонус көлемінде қаражат береді. Деку мен Рокенің агенті Андре Кюридің арқасында Тигриньоның арманы орындалады. Қос клубтың келісімі бойынша Роке 2024 жылдың қаңтарынан бастап, Каталондық клуб сапында ойнай алады.
Ойын стилі:
Тигриньоны бір сөзбен сипаттап беру қиын. Роке - бұл толыққанды жетілген шабуылшы. Ол 90 минут бойы ойында жоғары қарқынмен ойнайтын, энергиясы тасып тұратын, және командамен бірге прессингте жақсы жұмыс жасайтын шабуылшы, яғни прессинг машинасы (оны Рокенің тепловой картасынан көре аласыз). Ол шабуылды оң немесе сол аяғымен, тіпті қысқа бойына қарамастан баспенде аяқтауға қауқарлы ойыншы, негізінен Роке оңақай, бірақ сол аяғының оң аяғынан еш айырмашылығы жоқ, яғни екі аяқпенде ойнай береді. Витор өз жасы үшін дене бітімі мен физикасы мығым ойыншы. Ол қарсылас қорғаушыларын өзінің динамикалық қозғалысымен шатастырып, шабуылды допқа бір ғана жанасу арқылы аяқтайды, Рокенің осы маусымдағы голдарының көпшілігі допқа бір рет қана жанасу арқылы салынған. Рокенің бойының қысқалығы оған тез бұрылыс жасап, бағытын өзгертуге, қарсылас қорғаушыларынан тез қашып кетуге мүмкіндік береді.
Витор 4-3-3 схемасында тоғыздық рөлінде керемет ойнайды.
Витор – үнемі қозғалыста болатын, бос кеңістікті жақсы сезетін және допсыз керемет ойнайтын шабуылшы. Ол допты айып алаңының ішінде күтіп тұратын ойыншы емес, Витор допты ортадан өзі алып келеді, тіпті өз алаңына дейін түсіп алып келген кездеріде болған. Ол таза тоғыздық немесе екінші шабуылшы рөлін керемет алып шығады, сонымен қатар оң немесе сол жақ қаптал вингері болып та ойнай алады. Оның тактикалық интеллектісі керемет, және оның артықшылықтарының бірі бұл Рокенің жылдамдығы, сол арқылы Роке қарсылас қорғаушыларынан жылдам өтіп кете алады. Роке ойында негізінен алаңның оң қанатында көп ойын уақытын өткізеді. Сонымен қатар Роке айып алаңының сыртынан жақсы соққылар жасай алады.
Витор Рокенің осы маусымда алаңдағы жүріп өткен жерлері, яғни "тепловой картасы"
Витордың доппен ойыны мен қозғалысы маған Луис Суаресті еске салады, сонымен қатар Рокені Агуэро, Карлос Тевес, Лаутаро Мартинес сынды шабуылшылармен салыстырып жатады.
Виторға қандай тұстарын жетілдіру қажет?
Витор өз жасына қарамастан жетілген, және өзінің интеллектісімен көпшілікті таң қалдырады. Алайда Рокеге пас жөнінен жұмыстар жасау қажет. Роке ойында командаластарымен аз пас алмасады. Оның әр ойындағы дәл пастары шамамен 10 шақты ғана. Әрине бұл оның қазіргі клубы Атлетикоға да байланысты, Барселона сапына ауысқасын бұл цифр көбейеді деп үміттенеміз.
Және Витордың допты қабылдауында немесе оны бақылауында алуында (прием мяча) кішігірім мәселелер бар. Ол допты өзіне ыңғайсыз қабылдайды, және допты өзіне алғанда қате шешімдер қабылдайтыны да бар, ол дегеніміз допты тым қатты алдыға тастау, немесе қате дриблингтер жасау деген секілді. Бірақ біз 18 жастағы бозбала жайлы айтып отырмыз. Бұның барлығы жастықпен деп сенеміз. Еуропаның грандына аяқ басқан сәттен бастап осы қателіктерін түзеп, Витордың әлемді шулататынына күмән жоқ.
Витор Роке – бұл Барсаның алдағы 10-15 жылдағы шабуылына дайын әрі кепілдігі бар шабуылшы. Ол кезекті Бразилиялық маржан. Клубтың оны небәрі 30 миллион еуроға алғаны таң қаларлық нәрсе. Болашақта мықты әрі сапалы тоғыздық болады деп үміттенеміз 🔥