Марк «Эль Киллер» Гиу
Академия барлық дерлік позициядағы ойыншыларды шығарып, тек тоғыздықтардан ғана қиналып келеді. Осы уақытқа дейін Ла Масиядан толыққанды тоғыздық шықпады, Мунир, Абель Руиздар тіпті академияда гол соғу бойынша рекорд қойған Пабло Морено да негізгі командаға жете алмады. Беркін келе негізгі командаға жол салып келе жатқан Виктор Барбера да Брюгге сапына тегін кетіп қалды. Ал ең талантты деген Икер Браво қазір Реал сапында жүр. Соңғы уақытта Ла Масияда бір бала пайда болды, дебюттарында гол соғумен келеді, ол әрине – Марк Гиу. Бұл гигант бала кім және оның деңгейі қай жерге дейін барады екен? Кеттік!
Келісім-шарт мерзімі: 30.06.2025
Нарықтағы құны: €2,5 миллион еуро
Ойыны ұқсас ойыншылар: Марио Гомес & Радамель Фалькао
✅ Шабуылды аяқтауы (өте жақсы)
☑️ Жұмыс жасау қабілеті (жақсы)
☑️ Әуедегі доптарға талас (жақсы)
Мансабы:
Марк Гиу Ла Масияға 2013-14 жылғы маусымда 7 жасында келіп қосылды. Бұл академияға қабылдану үшін ең ерте жас болып табылады. Ол өз поколениесіндегі Пау Прим, Эктор Форт және Арнау Прадас сынды талантты ойыншылармен бірге өсті. Ол өзінің кадеттік уақытында 13 гол соғып командасында Ламин Ямал мен Арнау Прадастан кейінгі үздік бомбардир атанды. Жалпы Марк Гиу соңғы 1-2 жылдыққа дейін академияда аса бір мықты шабуылшы деп танылған емес. Ол бір кездері тіпті Икер Бравоның дубльері болған. Мысалы 2022/23 жылғы маусымда Марк Хувениль А/Б командаларында 10 ғана гол соққан. Бірақ Гиу ешқашан мойыған емес, ол соның арқасында осы маусымда үлкен прорыв жасады. Сонымен қатар Марк Гиу The Guardian нұсқасы бойынша 2006 жылы туылған ойыншылар арасында үздіктердің қатарына енді.
Жаңа маусым 2023/24
Виктор Барбераның клубтан кетуі Марк Гиу үшін жаңа мүмкіндіктер ашты, клуб оған сенім арта бастады. Ол негізгі командамен бірге АҚШ-тағы дайындық матчтарына бармады, бірақ ол мұны өзіне мотивация ретінде пайдаланды. Марк осы маусымда Хувениль А (U-19) командасына көтерілді. Және ол негізгі команда мен Барса Атлетик сапында ойнағанынына қарамастан, Хувениль А командасының осы маусымдағы үздік бомбардирі. Негізгі командадағы шабуылшылардың жарақат алуы, Марк Гиу үшін үлкен мүмкіндік болды, Хави оны негізгі командаға шақырды. Басктық Атлетик Бильбаоға қарсы ойында Марк Гиу ойынның 79-шы минутында алаңға шығып, Барселона сапындағы дебютін өткізді. Және 33 секунд өткеннен кейін, ол Бильбао қақпасына жалғыз голды соғып, командаға жеңіс сыйлады, бүкіл әлем таң қалды. Марк 17 жас және 291 күн толған күнінде 21 ғасырда Барселона сапында дебюттік ойынында гол соққан ең жас ойыншы атанды. Ал Барселона сапында гол соққан бесінші ең жас ойыншы болды.
✅ Әлем Чемпионаты U-17 турнирінде гол.
Марк ойнаған командаларының, ойнаған турнирлерінің барлығында гол соққан.
Ұлттық-құрама
Марк ұлттық-құрама сапында 2023 жылы екі ірі турнирге қатысты. Алғашқысы Еуро U-17 турнирі. Бұл Гиудың бағын ашқан турнир болды. Ол Ямал бастаған Испания U-17 құрамасымен турнирдің қолда жүлдегері атанып, турнирдің үздік бомбардирлерінің бірі атанды. Жалпы турнирде 4 гол соқты
Ал екінші турнир қараша айында Индонезияда өткен Әлем Чемпионаты U-17. Ол турнирде Марк құраманың лидерлерінің бірі болып барды. Өкінішке орай Испания ол турнирде Германия жастарынан жеңіліп, 1/4 финалда турнирмен қоштасты. Марк Гиу бұл мундиалда 5 ойында 2 гол соғып, 1 ассист берді.
Ойын стилі
• Ұзын бойлы ойыншы және керемет атлет, өте керемет дене бітім мен физикаға ие.
• Допсыз ойында керемет қозғалады, шешім қабылдауы орта деңгейден жоғары, өте салқынқанды, IQ жоғары, және голды сезе білуі ғаламат.
• Қарсылас айып алаңында өте керемет реакция көрсетеді, уақытты дәл есептей біледі, қай жерде ашылу қажет, қай жерде тебу қажет.
• Екі аяқпен де жойқын соққылар бағыттайды.
• Алыс-жақын қашықтықтарда жылдамдығы керемет. Ол шынымен де керемет жүгірістер жасай алады, міне бұл оны Ла Масияның басқа шабуылшыларынан ерекшелейді.
• Оның физикалық дайындығы, екінші қабаттағы ойыны және техникасы оған қарсылас айып алаңында жемісті ойнауына көмектеседі.
• Ол бос кеңістіктерді керемет сезе біледі. Бос кеңістік болса оны тез байқап, тез шешім қабылдап, пайдаланып қалады.
• Гиуды бақылауда ұстау – қорғаушылар үшін өте қиын. Ол бір тәжірибелі шабуылшылар секілді ойнайды. Қарсылас айып алаңында ол керемет позициялар таңдайды, сонымен қатар айып алаңының сыртынан да жойқын соққылары бар. Одан қалса Марк бір орында тұрмайды, жылдам, әрдайым қозғалыста, ал бұл өз кезегінде қарсылас қорғанысының мазасын алады.
• Өзінің денесінің үстіңгі бөлігін яғни корпусын қалай пайдалану қажеттігін біледі, сол арқылы допты өзінде жақсы ұстай біледі.
• Қарсыластың қателігін пайдаланып кеткенді ұнатады, қарсылас қорғанысының қателігін өз пайдасына шығаруға әрқашан дайын.
• Өте белсенді және прессингте керемет.
• Әуеден қарсылас айып алаңына қауіп төндіреді.
Гиу өзінің инстинктін пайдаланып, жағдайды жылдам пайымдап, қақпа бағанасынан қайтқан допты голға айналдыра білді.
Марк жылдам шешім қабылдады және айып алаңының сыртынан жойқын соққымен гол соқты.
Марк Гиудың Әлем Чемпионат U-17 турнирінде алған бағалары және алаңдағы жүріп өткен жолдары, яғни "тепловой картасы" (SofaScore).
4-3-3 ойын схемасында орталық шабуылшы.
Жетістіктері:
Барселона сапында Ла Лига Промисес 2018 чемпионы.
Барселона сапында 2018/19 маусымда Испания U-13 чемпионатының жеңімпазы.
Барселона сапында 2019/20 маусымда Испания U-14 чемпионатының жеңімпазы.
Барселона сапында 2020/21 маусымда Испания U-15 чемпионатының жеңімпазы.
Барселона сапында 2021/22 маусымда Испания U-16 чемпионатының жеңімпазы.
Барселона сапында 2022/23 маусымда Испания U-19 чемпионатының жеңімпазы.
Цитата:
"Ол таза орталық шабуылшы, классикалық "тоғыздық", өз физикалық дайындығының арқасында өз позициясының үздік маманы. Оның басты артықшылығы – әуедегі ойыны. Марк сонымен қатар өте жылдам және мықты, оны тоқтату мүмкін емес" – Иван Карраско (Барсаның жастар командасының бапкері)
Қорытынды
Марк Гиу - сөзсіз өз поколениесіндегі Еуропадағы ең үздік таланттардың бірі. Ол нағыз жыртқыш, голға әрдайым аш ойыншы. Левандовскидің жасы келіп қалды, әрі кетсе 1 маусым ойнар, ал одан кейін негізгі құрам осы Гиу мен Рокеге қалады. Роке екеуінің стилі бір-біріне мүлдем ұқсамайды, әртүрлі стильдегі ойыншылардың болуы әрине клуб үшін пайдалы. Ал екеуінің қайсысы сәтті ойнап кететінін уақыт көрсетеді, одан бөлек академияда өсіп келе жатқан Оскар Гистауда да бар, олда үлкен талант. Неде болса алдағы уақытта тоғыздыққа талас жоғары болғалы тұр 🔥