Oʏʙᴇᴋ

Shofirkon tumanida zamonaviy Davlat xizmatlari markazi binosi foydalanishga topshirildi

2023-09-30T11:56:58.285Z

Mustaqilligimizning 32 yilligida Davlat xizmatlari markazining ochilishi nafaqat Shofirkonliklar uchun, balki barchamiz uchun muhim voqeadir. Endilikda ushbu markaz orqali fuqarolar 300 dan ortiq davlat xizmatlaridan foydalanishlari mumkin boʻladi.

Yangi Davlat xizmatlari markazi ham davlat xizmatlaridan eksterritoriallik tamoyili asosida, yaʼni yashash joyidan qatʼiy nazar foydalanish imkonini beradi. Shu oʻrinda takrorlanmas meʼmoriy dizaynga ega Markaz Shofirkon tumanining 184 000 dan ortiq aholisiga xizmat koʻrsatish uchun barcha shart-sharoitlarga ega.

Yangi binoda adliya boʻlimi, yuridik xizmat koʻrsatish markazi, FHDYO boʻlimi va davlat xizmatlari markazining bir joyda boʻlishi hudud aholisiga yana bir qulaylik yaratadi.

Tantanali ochilish marosimida Oʻzbekiston Respublikasi adliya vaziri oʻrinbosari X.Meliyev, Buxoro viloyat adliya boshqarmasi rahbariyati va Shofirkon tuman hokimi A.Fayzulloyev, adliya boʻlimi vakillari, davlat va jamoat tashkilotlari xodimlari, mehnat faxriylari va keng jamoatchilik vakillari ishtirok etishib, Insonga eʼtibor va sifatli taʼlim yilida fuqarolarimizga yaxshi qulayliklar yaratilganligini taʼkidlab oʻtishdi.

Bino qurilishida, zamonaviy shaharsozlik normalariga muvofiqlik va fuqarolar uchun eng qulay sharoitlarni yaratishga alohida eʼtibor berildi. Bu yerda elektron navbat tizimi, axborot kioskasi, elektron xizmatlardan mustaqil foydalanish burchagi tashkil qilingan. Tashrif buyuruvchilar xizmatlardan mustaqil foydalanishlari, shuningdek turli imkoniyatlardan xabardor boʻlishlari uchun axborot stendlari va posterlar qoʻyilgan, bolalar oʻyin maydonchasi, ovqatlanish joyi, mini-kutubxona va bepul Wi-fi bilan taʼminlangan hamda fuqarolar uchun qulay kutish maydoni, sovutish tizimi, shuningdek, markaz nogironlar aravachalari hamda qoʻshimcha infratuzilma va Brayl shriftidagi maʼlumotlar bilan jihozlangan.

Binoda yaratilgan sharoit va qulayliklarni inobatga olib, kuniga 500 nafargacha fuqaroga erkin tarzda davlat xizmatlari koʻrsatish imkoni mavjud.

Fuqarolik holati dalolatnomalarini yozish boʻlimi, davlat xizmatlari hamda yuridik xizmat koʻrsatish Markazi tuman adliya boʻlimi tarkibiga kiritilib, bitta binoda faoliyat yurituvchi yagona tizimga aylantirildi. Aniqroq aytganda, yagona “Adliya uyi” shakllantirildi.

Bu esa huquqiy muammosi bor yoki davlat xizmatlaridan foydalanishga ehtiyoji boʻlgan jismoniy va yuridik shaxslarga 4 ta tuzilma xizmatidan “Bir darcha” tamoyili asosida, bir joyning oʻzida foydalanish imkonini beradi.

Endi tashrif buyuruvchilarga davlat xizmatlari keng, yorugʻ va shinam xonalarda, qulay sharoitda koʻrsatib boriladi.

Binoda imkoniyatlari cheklangan shaxslar uchun ham zarur sharoitlar yaratilgan. Bir soʻz bilan aytganda, har bir fuqaroga — alohida eʼtibor, jamiyatning barcha qatlamlari manfaatlari hisobga olingan.

Eski namunadagi haydovchilik guvohnomani yangisiga almashtirish mumkin bo’lgan DXMlar ro’yxati

2023-03-28T09:48:28.505Z

Paxtaobod tumanida zamonaviy koʻrinishga ega Davlat xizmatlari markazi ish boshladi

2022-06-30T18:07:57.848Z

Bino qurilishida, zamonaviy va milliy shaharsozlik normalariga muvofiqlik va fuqarolar uchun eng qulay sharoitlarni yaratishga alohida e'tibor berildi.

Davlat xizmatlari markazining eski binosida bir kunda 300 nafar fuqaroga davlat xizmatlari ko'rsatilgan bo'lsa, yangi maskanda bir kunda 1000 nafar fuqaroga davlat xizmatlari ko'rsatish imkoniyati yaratildi.

Maskanda elektron navbat tizimi joriy etilgan va Xalq banki kassasi joylashtirildi. Markaz bir vaqtning o'zida 11 ta qabul oynasida murojaatchilarga xizmat ko'rsata oladi. Zamon andazalariga mos ravishda jihozlangan binoda 6 ta monitorda 200 dan ortiq davlat xizmati turlari yuzasidan ma'lumotlar fuqarolarga taqdim etilgan.

Yangi maskanda fuqarolar davlat xizmatlardan mustaqil foydalanishlari shuningdek, turli imkoniyatlardan xabardor bo'lishlari uchun axborot stendlari va posterlar qo'yilgan.

Jismoniy imkoniyati cheklangan, turli sabablarga ko'ra nogiron bo'lib qolgan murojaatchilarga barcha sharoitlarni yaratish maqsadida nogironlik aravachasi orqali binoga kirish imkonini beruvchi pandus hamda shaxsiy ehtiyojlar uchun alohida xona shuningdek, “surdo-online” xizmatlari mavjud.

Shuningdek, tumanning olis hududlari aholisiga qulaylik yaratish maqsadida, Paxtaobod tuman Madaniyat qishlog'ida davlat xizmatlari markazining filiali tashkil qilingan.

Tuman davlat xizmatlari markazi tomonidan joriy yilning 6 oyi davomida fuqarolarga 40,000 dan ortiq davlat xizmatlari ko'rsatildi.

O‘zgalar parvarishiga muhtoj bo‘lgan 18 yoshgacha bolalarning kasalliklari ro‘yxati

2022-06-28T04:24:24.322Z

1. Bosh va orqa miya jarohatlari hamda tug‘uruq jarohatlari oqibatida bosh va orqa miya qon aylanishining og‘ir buzilishlari, periventrikulyar leykomalatsiya, markaziy asab tizimining virusli infeksiyalari natijasida chuqur harakatlar buzilishi bilan asoratlangan holatlar.

2. Jarrohlik amaliyotidan keyingi holatlar: ichki a’zolar, suyak-mushak tizimi, miya qutisi, quloq-tomoq-burun a’zolari va suyak-mushak tizimining tug‘ma anomaliyasi (rivojlanish nuqsonlari va deformatsiyalarning og‘ir shakllari) bilan tug‘ilgan chaqaloqlarda uzoq nazoratni va korreksiyani talab qiladigan holatlar.

3. Biriktiruvchi to‘qimaning tizimli shikastlanishi: tizimli qizil yugurik, dermatopolimiozit, tizimli boshlanuvchi yuvenil artriti, yuvenil revmatoid artriti va tugunchali periarteritning og‘ir turlari.

4. Serebral falaj va boshqa falajli sindromlar (istisno: G81.0-G81.9-gemiplegiya, G83.1-oyoqlar monoplegiyasi va G83.2-qo‘l monoplegiyasi).

5. Bolalar tserebral falaji, periventrikulyar leykomalatsiya. (Istisno: G80.2-bolalar gemiplegiyasi).

6. Tez-tez qaytalanuvchi epilepsiyaning shaxs o‘zgarishi va aql pastligi bilan kechishi.

7. Kelib chiqishi har xil bo‘lgan aqliy zaiflikning chuqur va og‘ir turi. Autizm.

8. Surunkali og‘ir shizofreniya va boshqa ruhiy buzilishlar, xulq-atvor buzilishlari.

9. Poliomiyelit kasalligining og‘ir asoratlari.

10. O‘tkir bo‘shashgan shol.

11. Tug‘ma gidrotsefaliya (kuchli miya qutisi gipertenziyasi, tez-tez takrorlanuvchi talvasa xurujlari, ko‘z tubidagi asoratlar, parezlar, plegiyalar, aqliy, nutqiy, motor rivojlanishida orqada qolishlar).

12. Ko‘rish o‘tkirligining yaxshi ko‘radigan ko‘zda 0 — 0,03 ga (korreksiya bilan) pasayishi.

13. Tug‘ma va orttirilgan tusdagi surunkali bronx-o‘pka kasalliklarida II-III darajali turg‘un nafas yetishmovchiligi. Astmaning gormonga bog‘liq asoratli turi.

14. Tez-tez qaytalanuvchi oqma yaralar va funksional buzilishlar bilan kechadigan suyak va boshqa tayanch tizimi sili, silga qarshi dori vositalariga turg‘unligi bo‘lgan, davolanish natija bermagan va palliativ davoga muhtoj bo‘lgan sil kasalliklari; bosh miya faoliyatining keskin buzilishi bilan kechadigan sil meningoensefaliti, jarrohlik yo‘li bilan davolanishga hayotiy qarshi ko‘rsatmalari bo‘lgan, keskin funksional buzilishlar bilan kechadigan bosh va orqa miya tuberkulemalari.

15. Jigarning tug‘ma, irsiy, orttirilgan kasalliklarida kuchli turg‘un qayta tiklanmaydigan funksional buzilishlar.

16. Surunkali buyrak yetishmovchiligining III bosqichi.

17. Inkurabel yomon sifatli o‘smalarning og‘ir shakli.

18.Bir necha bor jarrohlik amaliyotidan keyin tuzatib bo‘lmaydigan doimiy najas va siydikni tuta olmaslik, yo‘g‘on, to‘g‘ri ichak va orqa chiqaruv teshigining tug‘ma va orttirilgan oqmalari, siydik tanosil a’zolari oqmalari.

19. Suyak-mushak tizimi va biriktiruvchi to‘qima kasalliklarida yaqqol qayta tiklanmaydigan funksional buzilishlar:

bir yoki ikkala oyoq va qo‘llarda tug‘ma va orttirilgan og‘ir darajadagi skelet deformatsiyalari va amputatsion cho‘ltoqlar;

tayanch-harakat apparatining rivojlanish nuqsonlari tufayli mustaqil harakat va o‘z-o‘ziga xizmat qilish imkoniyati yo‘qligi.

20. Qon aylanish tizimi tug‘ma anomaliyalari (rivojlanish nuqsonlari, ma’lum bir yoshgacha operatsiya qilib bo‘lmaydigan holatlar, yurak va yirik qon tomirlarida o‘tkazilgan jarrohlik amaliyotidan keyingi holatlar) ifodalangan darajadagi funksiya buzilishlari bilan.

21. Ichki sekretsiya bezlari funksiyasining yetishmovchiligi:

qandli diabetning 1 turi (insulinga bog‘liq qandli diabet);

qandsiz diabet (pitiutrin-rezistent shakli), Itsengo-Kushinga sindromi, surunkali buyrak usti bezlarining boshqa buzilishlari (Adisson krizi), total adrenoektomiyadan keyingi holat, buyrak usti bezi po‘stlog‘ining og‘ir tug‘ma disfunksiyasi, somatotrop yetishmovchilik (gipofizar nanizm), tug‘ma va orttirilgan gipotireozning og‘ir shakli, gipoparatireoz, tireotoksikoz.

22. Miopatiyalar, orqa mushak atrofiyasi, tugallanmagan osteogenez, irsiy neyrodegenerativ kasalliklar — leykodistrofiya, gepatolentikulyar degeneratsiya. Ichki a’zolar va tizimlarning og‘ir buzilishlari, psixomotor va nutqiy rivojlanishdagi buzilishlar bilan kechuvchi irsiy raxitsimon kasalliklar, Marfan sindromi va Elers-Danlo sindromi.

23. Ko‘plab tug‘ma nuqsonlar, ichki a’zolar faoliyatining buzilishlari, psixomotor va nutqiy rivojlanishda orqada qolish bilan kechuvchi xromosom buzilishlar: Klaynfelter sindromi, Shershevskiy-Terner sindromi, Patau sindromi, Edvards sindromi va boshqalar.

24. O‘tkir va surunkali leykozlar, gemoblastozlar, xavfli gistiotsitoz, miyelodisplastik sindromlar.

25. Qon ishlab chiqarish tug‘ma va orttirilgan aplastik anemiyalari.

26. Og‘ir gemorragik sindrom bilan kechuvchi, doimo qaytalanib turuvchi surunkali trombotsitopatiyalar, irsiy va orttirilgan shakllari, yiliga 3 marotabadan ortiq xuruj qiladigan gemorragik sindromlar.

27. Gemofiliya.

28. Talassemiya.

29. Tug‘ma immunitet tanqisligi holatlari: og‘ir mujassamlashtirilgan antitanachalar yetishmovchiligi ustun bo‘lgan immunitet tanqisligi holatlari, polimorfyadroli neytrofillar funksional buzilishlari, septik granulamatoz — jigar, o‘pka, limfa tugunlari va boshqa a’zolarning qaytalanib turuvchi bakterial shikastlanishi bilan kechishi.

30. OITS — orttirilgan immunitet tanqisligi sindromining IV bosqichi.

31. Bullyoz epirdemioliz.

32. Kistozli fibroz (mukovissidoz): 7 yoshgacha bo‘lgan bolalar doimiy yordamga muhtoj; 7 yoshdan katta bolalarda — og‘ir asoratli holatlarda.

33. Ichki a’zolar faoliyatining buzilishlari, psixomotor va nutqiy rivojlanishda orqada qolish bilan kechuvchi irsiy glikogen to‘planishi va glikosfingolipid metobolizmining buzilishi kasalliklari:

Pompe kasalligi;

Goshe kasalligi;

Fabri kasalligi;

Krabbe kasalligi;

Niman-Pik (A va V turi) kasalligi;

Mukopolisaxaridozlar.

34. Ichki a’zolar faoliyatining buzilishlari, psixomotor va nutqiy rivojlanishda orqada qolish bilan kechuvchi Daun kasalligi.

📌Davlat xizmatlari doimiy nazoratda

2022-06-28T04:23:06.600Z

⚡️35 000 dan ortiq fuqarolarga parvarishlash nafaqasi tayinlandi

O‘zbekiston Respublikasi Prezidentining 2022-yil 17-fevraldagi “Nogironligi bo‘lgan shaxslarni hamda aholining ijtimoiy himoyaga muhtoj qatlamlarini qo‘llab-quvvatlashning qo‘shimcha chora-tadbirlari to‘g‘risida”gi 74-son Farmoniga ko‘ra 2022-yil 1-apreldan Davlat xizmatlari markazlari yoki Yagona interaktiv davlat xizmatlari portal orqali o‘zgalar parvarishiga muhtoj nogironligi bo‘lgan 18 yoshgacha bolalarning parvarishi bilan band bo‘lgan bolaning qonuniy vakiliga parvarishlash nafaqasi tayinlanishi joriy etildi.

Mazkur xizmatdan foydalanish jarayonida fuqarolar bir qator muammo va kamchiliklarga duch kelayotganligi holati yuzasidan norozi bo‘lib Vazirlikning “Ishonch telefoni” hamda O‘zbekiston Respublikasi Prezidenti Xalq qabulxonalari orqali yo‘llagan murojaatlari asosida Adliya vazirligi tomonidan o‘tkazilgan monitoring natijasida Tibbiy-ijtimoiy xizmatlarni rivojlantirish agentligi tomonidan bir qator qonun buzilishi holatlariga yo‘l qo‘yilganligi, xususan:

– nogironligi bo‘lgan 18 yoshgacha bolalarning JShShIR ma’lumotlarini Tibbiy-ijtimoiy ekspertiza komissiyasi elektron dasturi axborot tizimiga xato kiritilishi;

– parvarishlash nafaqasi tayinlanishi mumkinligi to‘g‘risidagi ma’lumotnoma nogironligi bo‘lgan 18 yoshgacha bolalarning qonuniy vakiliga to‘gridan-to‘g‘ri taqdim qilinib, bu haqidagi ma’lumotlarning axborot tizimiga o‘z vaqtida kiritilmaganligi natijasida Pensiya jamg‘armasi tomonidan parvarishlash nafaqasini tayinlash rad etilishi holatlari aniqlandi.

Vaholanki, Farmonning 3-bandida Agentlik Sog‘liqni saqlash vazirligi bilan birgalikda 2022-yil 1-apreldan o‘zgalar parvarishiga muhtoj nogironligi bo‘lgan 18 yoshgacha bolalar to‘g‘risidagi ma’lumotlarni Pensiya jamg‘armasiga elektron shaklda taqdim etib borishlari kerakligi belgilangan.

O‘tkazilgan o‘rganishlarga ko‘ra aniqlangan qonun buzilishi holatlarini bartaraf etish bo‘yicha Tibbiy-ijtimoiy xizmatlarni rivojlantirish agentligiga taqdimnoma kiritildi.

Qo‘llanilgan ta’sir chorasi natijasida mavjud kamchiliklar bartaraf etildi hamda bugungi kunda 35 000 dan ortiq fuqarolarga parvarishlash nafaqasi tayinlandi.

Eslatma: fuqarolar tomonidan parvarishlash nafaqasi tayinlanishini so‘rab murojaat qilinganda Farmon ilovasida o‘zgalar parvarishiga muhtoj bo‘lgan 18 yoshgacha bolalarning kasalliklari ro‘yxati keltirilgan bo‘lib, ushbu ro‘yxatga kiritilmagan kasallik bilan xastalangan 18 yoshgacha nogironligi bo‘lgan bolalarning qonuniy vakillariga parvarishlash nafaqasi tayinlanmaydi.

Международные эксперты поделились опытом в сфере совершенствование и продвижения государственных услуг

2022-06-23T12:07:13.438Z

Ташкент, 23 июня 2022 г. – в гостинице «Radisson Blu» состоялся круглый стол с участием международных консультантов Совместного проекта Министерства юстиции, Европейского Союза и ПРООН «Совершенствование предоставления государственных услуг и повышение уровня управления в сельских районах Узбекистана» Гиорги Цхакаиа и Агавни Харутюнян, целью которого обсудить эффективное управление в системе предоставления и развития государственных услуг, разработать рекомендации по совершенствованию действующего законодательства, а также в сфере современного PR и коммуникаций в государственном секторе.

В рамках круглого стола эксперт в области законодательства сферы государственных услуг Гиорги Цхакаиа поделился международным опытом предоставления государственных услуг, отметил приоритетные области для дальнейшего развития сферы предоставления госуслуг, а также провел параллели с Узбекистаном.

Уроки, извлеченные из различных стран, пытающихся реформировать свои системы предоставления услуг, предлагают адаптировать решения и подходы к местным условиям, а не применять подход «копировать-вставить», поскольку не существует универсальных формул, которые одинаково эффективно работают во всех сферах.

Таким образом вместо того, чтобы следовать определенной модели или плану, Узбекистан может извлечь выгоду из опыта различных мировых экономик-лидеров, которые добились образцового уровня в различных компонентах предоставления услуг. В качестве примера можно привести опыт скандинавского трио - Дании, Эстонии и Финляндии, ориентированных на инновации и ИКТ и считающихся одним из мировых лидеров и тройкой лидеров в области цифровых государственных услуг на европейском континенте. Будучи пионером в области внедрения проактивных услуг, опыт Нидерландов уникален. Грузия стала флагманом в реализации Public Service Hall Грузии (Дома юстиции), предоставив гражданам и предприятиям беспрецедентные единые услуги государственного и гражданского реестра. Мобильная и онлайн-платформа электронного управления «Дія», предоставляя гражданам первый в мире легальный полный электронный паспорт, делает украинскую модель международным чемпионом.

Список длинный, но изучая опыт разных стран, в том числе региональных, таких как Казахстан, Узбекистан, должен выработать свою уникальную и успешную формулу, которая поможет Узбекистану стать лидером региона в предоставление услуг.

Агавни Арутюнян, международный эксперт в области коммуникаций рассказала о важности стратегических коммуникаций в сфере государственных услуг, а также поделилась инструментами проактивных коммуникаций с гражданами. Эксперт отметила, что необходимо не только повышать осведомленность населения о госуслугах, но и координировать работу в сфере коммуникаций между министерствами и ведомствами, оказывающие услуги. Важно достигать свою целевую аудиторию, то есть идти туда, где люди –пользователи госуслуг. Все информационные материалы должны распространяться там, где эта информация достигнет своего пользователя: специфические услуги – специфические места.

Несомненно, за последние годы в Узбекистане многое было сделано для улучшения предоставления государственных услуг по всей стране. Тем не менее, следует отметить, что реформирование требует постоянных усилий со стороны правительства. Учитывая, что для обеспечения необратимости и устойчивости уже достигнутых результатов, с одной стороны, и для перехода к системе, более ориентированной на будущее с другой стороны, существуют различные возможности для проведения реформ, которыми можно воспользоваться. Например, внедрение проактивных госуслуг, расширение и усиление цифровых госуслуг, реализация отраслевых реформ в различных сферах государственного управления совместными усилиями Министерства Юстиции, министерств и ведомств, функциональные проверки государственных структур, задействованных в оказание государственных услуг с последующим реинжинирингом бизнес-процессов и т. д.

Xalqaro ekspertlar davlat xizmatlarini takomillashtirish va ommalashtirish sohasida o‘z tajribalari bilan o‘rtoqlashdilar

2022-06-23T11:58:42.962Z

Toshkent, 2022-yil 23-iyun – “Radisson Blu” mehmonxonasida Adliya vazirligi, Yevropa Ittifoqi va BMTTDning “O’zbekistonda qishloq hududlarida davlat xizmatlarini ko‘rsatishni takomillashtirish va mahalliy boshqaruv darajasini oshirish” qo‘shma loyihasining xalqaro maslahatchilari Giorgiy Tsxakaya va Agavni Arutyunyan ishtirokida davra suhbati bo‘lib o‘tdi. Davra suhbatining maqsadi davlat xizmatlarini ko‘rsatish va rivojlantirish tizimida samarali boshqaruvni muhokama qilish, amaldagi qonunchilikni, shuningdek, zamonaviy PR sohasida va davlat sektoridagi kommunikatsiyalarni takomillashtirish bo‘yicha tavsiyalar ishlab chiqishdan iborat.

Davra suhbati davomida davlat xizmatlari qonunchiligi sohasidagi ekspert Giorgiy Tsxakaya davlat xizmatlarini ko‘rsatish bo‘yicha xalqaro tajriba bilan o‘rtoqlashdi, davlat xizmatlari sohasini yanada rivojlantirishning ustuvor yo‘nalishlarini qayd etish bilan birga O‘zbekiston tajribasi va amaliyoti bilan o‘xshashliklarni ta’kidlab o’tdi.

Xizmat ko‘rsatish tizimini isloh qilishga urinayotgan turli mamlakatlar tajribasiga asosolangan xulosa va saboqlardan shunchaki “nusxa ko‘chirish va joriy etish”dan ko‘ra mahalliy sharoitga mos yechimlar va yondashuvlarni taklif qilish ahamiyatini ko’rsatib berish muhim, chunki hamma sohalarda birdek yaxshi ishlaydigan universal formulalar mavjud emas.

Bundan kelib chiqadiki, O‘zbekiston muayyan model yoki rejaga amal qilishdan ko’ra, xizmatlar ko‘rsatishning turli tarkibiy qismlari bo‘yicha namunali darajaga erishgan jahonning turli eng sara va yetakchi yechimlari hamda tajribasidan foydalanishi mumkin. Bunga misol tariqasida innovatsiyalar va AKTga yo‘naltirilgan hamda Yevropa qit’asida raqamli davlat xizmatlari sohasida jahon yetakchilaridan biri hisoblangan, kuchli uchlikka kiruvchi Daniya, Estoniya va Finlyandiyadan iborat Skandinaviya triosining tajribasini keltirish mumkin. Proaktiv xizmatlarni joriy etishda lider bo’lgan Gollandiya tajribasi noyobdir. Gruziyada Public Service Hall (Adliya uyi) joriy etishda flagman bo'lib, fuqarolar va tadbirkorlarga misli ko'rilmagan “yagona oyna” uslubida davlat va FHDYo xizmatlarini taqdim etadi. “Diя” mobil va onlayn elektron hukumat platformasi fuqarolarga dunyodagi birinchi qonuniy tartibda to‘liq elektron pasportni taqdim etish natijasida ukrain modelini xalqaro chempionga aylantiradi.

Misollar ro‘yxati salmoqli, lekin turli mamlakatlar, jumladan Qozog‘iston kabi mintaqaviy davlatlar tajribasini o‘rganib, O‘zbekiston ham xizmatlar ko‘rsatish bo‘yicha mintaqada yetakchi bo‘lishga yordam beradigan o‘zining noyob va muvaffaqiyatli formulasini ishlab chiqishi kerak.

Aloqa sohasidagi xalqaro ekspert Agavni Xarutyunyan davlat xizmatlari sohasida strategik kommunikatsiyalarning ahamiyati haqida fikr bildirar ekan, shuningdek, fuqarolar bilan proaktiv muloqot qilish vositalari bilan ham o‘rtoqlashdi. Xalqaro mutaxassis nafaqat aholining davlat xizmatlaridan xabardorligini oshirish, balki xizmat ko‘rsatuvchi davlat organlari va idoralar o‘rtasida o’zaro aloqa sohasidagi ishlarni muvofiqlashtirish zarurligini ta’kidladi. Maqsadli auditoriyangizga erishish, ya'ni odamlar davlat xizmatlaridan foydalanadigan joyga borish muhimdir. Barcha axborot materiallari ushbu ma'lumot foydalanuvchiga to’gridan to’g’ri yetib boradigan hududda tarqatilishi kerak: muayyan xizmatlar - muayyan joylarda bo’lishi lozim.

Shubhasiz, O‘zbekistonda so‘nggi yillarda butun mamlakat bo‘ylab davlat xizmatlari ko‘rsatishni yaxshilash borasida ko‘p ishlar qilindi. Ammo shuni ta'kidlash kerakki, islohotlar hukumatdan doimiy sa'y-harakatlarni talab qiladi. Bir tomondan, erishilgan natijalarning ortga qaytarilmasligini va barqarorligi davomiyligini ta’minlash, ikkinchi tomondan esa, istiqbolli kelajakka yo‘naltirilgan tizimga o‘tish uchun turli imkoniyatlar mavjudligini hisobga olsak, ulardan foydalanish ahamiyatli. Misol sifatida, proaktiv davlat xizmatlarini joriy etish, raqamli davlat xizmatlarini kengaytirish va mustahkamlash, Adliya vazirligi, tashkilot va idoralarning birgalikdagi sa’y-harakatlari orqali davlat boshqaruvining turli yo‘nalishlarida tarmoq islohotlarini amalga oshirilayotganligini, davlat xizmatlarini ko'rsatishda, jalb etilgan davlat tuzilmalarining funktsional auditini o‘tkazish, undan keyin biznes-jarayonlarni reinjiniring va boshqalarni keltirish mumkin.

Xalqaro ekspertlar tashrifi davom etmoqda

2022-06-21T09:02:35.423Z

Avval xabar berganimizdek, hozirda O‘zbekiston Respublikasi Adliya vazirligi, Yevropa Ittifoqi va BMT Taraqqiyot dasturining “O‘zbekistonning qishloq hududldrida davlat xizmatlari ko‘rsatishni yaxshilash va boshqaruv darajasini oshirish” qo‘shma loyihasini amalga oshirish doirasida xalqaro ekspertlar tashrifi davom etmoqda.

Davlat xizmatlari sohasidagi qonunchik bo‘yicha ekspert Georgiy Sxakaya va jamoatchilik bilan aloqalar bo‘yicha ekspert Agavni Xarutyunyanlar tashrif doirasida O’zbekiston Respublikasi Adliya vaziri o‘rinbosari Xudayor Meliyev bilan uchrashdilar.

Uchrashuvda tomonlar davlat xizmatlarini ko‘rsatish salohiyatini oshirishni davom ettirish, fuqarolarga tezkor va sifatli davlat xizmati koʼrsatish, sohani jadal rivojlantirish, shuningdek, 2022-yil oxirigacha amalga oshiriladigan ishlar muhokama qilindi.

Xususan, X. Meliev aholining davlat xizmatlaridan qoniqish darajasini oshirish, sohani jadal rivojlantirishimiz uchun ekspertlarning fikrlari dolzarbligi shu o‘rinda davlat xizmatlarini koʼrsatish, Elektron hukumatni rivojlantirish sohasida Gruziya davlati tajribasi va qonunchiligi juda yaxshi rivojlanganligini ta’kidlab o‘tdi.

Uchrashuv davomida xalqaro ekspertlar bilan davlat xizmatlarini ko’rsatish sohasida ishlab chiqilgan loyihalar bo’yicha fikr almashildi. Davlat xizmatlarini jamoatchilikka qulay usullarda tushunarli tarzda yetkazish bo’yicha tavsiyalar berildi.

Samarali muloqot so'ngida tomonlar aholiga davlat xizmatlari koʼrsatishning milliy tizimini tubdan isloh qilish, xizmat koʼrsatish sohasini jadal rivojlantirish, koʼrsatilayotgan xizmatlar tarkibini, eng avvalo, ularning zamonaviy yuqori texnologik turlari hisobiga tubdan oʼzgartirish bo‘yicha tavsiyalar ishlab chiqish, ushbu yo‘nalishdagi xalqaro tajriba bilan vazirlik mas’ul vakillarini tanishtirish bo‘yicha amalga oshiriladigan ishlar xususida hamkorlikni yo‘lga quyish bo‘yicha kelishib oldilar.

“@tezkor_murojaat_bot”ga murojaat – masalaga tezkor yechim

2022-06-20T10:01:46.603Z

Davlat xizmatlari sohasida, xususan, xodimlarning muomala madaniyati, xizmat ko‘rsatish sifati, elektron tizimlarda yuzaga kelayotgan muammolar hamda ularning kelib chiqish sabablarini aniqlash, yechimini topishda aholi va tadbirkorlik subyeklari bilan samarali aloqani ta’minlash maqsadida vazirlik tizimida murojaatlarni sayyor va shaxsiy qabullarda, elektron pochtalar orqali, “Ishonch telefoni” hamda ijtimoiy tarmoqlarda orqali qabul qilish yo‘lga qo‘yilgan.

Shu o‘rinda aytib o‘tish joizki, joriy yilning may oyida aholi va tadbirkorlarga qulay sharoit yaratish, davlat xizmatlaridan foydalanish jarayonida yuzaga kelgan muammolariga tezkor yechim topish, qonuniy manfaatlarini himoya qilish, sifatli davlat xizmatlari ko‘rsatilishini ta’minlash maqsadida @tezkor_murojaat_bot telegram boti ishga tushirildi.

Ma’lumot uchun: Mazkur @tezkor_murojaat_botga Davlat xizmatlari markazlari hamda FHDY organlari faoliyati bilan bog’liq e’tirozlar yoki davlat xizmatlari ko‘rsatilishi yuzasidan takliflarni audio, video va boshqa formatlarda yo’llash mumkin. Botga yuborilgan murojaatlar real vaqt rejimida ko‘rib chiqilib, ularga mutaxassislar tomonidan tezkorlik bilan javob beriladi.

Tashkil etilganiga endigina 1 oy bo’lgan bo’lsa-da, mazkur botga qisqa davr ichida davlat xizmatlarini ko‘rsatishga oid jami 1 133 ta murojaatlar kelib tushgan bo‘lib, ularga Adliya vazirligi Davlat xizmatlari departamenti hamda Davlat xizmatlarini rivojlantirish markazi mas’ul xodimlari bilan birgalikda javoblar berilishi ta’minlab kelinmoqda.

Kelib tushayotgan murojaatlar tahlil qilinganda, ularning asosiy qismini, pensiya va nafaqalar olish tartibi (177 tasi), FHDY organlari tomonidan koʻrsatiladigan davlat xizmatlari yuzasidan (116 tasi), Davlat xizmatlari markazlari ish vaqti, telefon raqamlari, ko‘rsatilgan davlat xizmatlari uchun toʻlovlarni amalga oshirish tizimi (109 tasi), uy-joy sotib olish uchun fuqarolarga subsidiya toʻlanishi tartibi (73 tasi) to‘g‘risidagi murojaatlarni tashkil etadi. Shuningdek, 47 tasi kadastr sohasi, 42 tasi turli masalalar bo‘yicha ma’lumotnomalar olish, 32 tasi uy-joy kommunal xizmat koʻrsatish, 25 tasi ichki ishlar sohasida ko‘rsatiladigan davlat xizmatlari, 23 tasi tadbirkorlik faoliyati, 23 tasi bolalarni davlat maktabgacha taʼlim tashkilotlariga navbatga qo‘yish, 21 tasi ta’lim sohasidagi, 20 tasi milliy haydovchilik guvohnomasini almashtirish, 16 tasi elektron raqamli imzo olish, 11 tasi litsenziya va ruxsatnomalarga oid, 4 tasi id.egov.uz tizimida identifikatsiya qilish bilan bog‘liq murojaatlar tashkil qiladi. Qolgan 394 tasi davlat xizmatlarini ko‘rsatilishiga oid bo‘lmagan murojaatlardir.

Vazirlik tizimi oldida turgan eng asosiy vazifalardan biri aholi va tadbirkorlik subyektlariga tezkor, qulay hamda professional davlat xizmatlarini ko‘rsatishdan iborat.

Fargʼonada yana bir DXM filiali ish boshladi

2022-06-18T09:55:53.327Z

Davlat xizmatlari koʼrsatish sohasida aholi orasiga chuqurroq kirib borib, fuqarolarning dardu tashvishlari bilan birga boʼlish niyatida markazdan yiroq, qatnov qiyin boʼlgan olis choʼl va togʼli hududlarda ham davlat xizmatlari markazlari filiallari tashkil etilmoqda. Filiallarning yerli aholi taklifi asosidagi belgilangan kun va vaqtda ishlayotgani xalqqa manzur boʼlayotir. Boisi, markazga tushish uchun uzoq yoʼl bosishmaydi, mablagʼ yoʼqotmaydi, vaqt sarflamaydi.

Bugungi kunga kelib Fargʼonada DXM filiallari soni 11 taga yetdi. Аyni damda Beshariq tumanida “Rapqon”, Soʼx tumanida “Tul”, Uchkoʼprik tumanida “Oq suv”, Buvayda tumanida “Buvayda”, Fargʼona tumanida “Shoximardon”, “Chimyon”, Quva tumanida “Аkbarabod”, Furqat tumanida “Chekchuvaldoq”, Quvasoy shahrida “Qoʼchqorchi”, Fargʼona shahrida “Qirguli” filiallari faoliyat olib bormoqda. Birgina filiallar tomonidan 2022 yilning shu davriga qadar fuqarolarga 31 mingdan ortiq davlat xizmatlari koʼrsatildi.

Koʼp millatli Katput qishlogʼi Oltiariq tuman markazidan 25 km uzoqlikda joylashgan. Qoʼshni Qirgʼiziston sarhadlari bilan tutashib ketgan bu MFY da davlat xizmatlari markazi “Katput” filialining ish boshlashi minglab oilalar uchun chinakamiga quvonchli xabar boʼldi, deyish mumkin.

Gap shundaki, qishning ayozli, yozning jazirama kunlarida uzoq masofadan keladigan fuqarolar uchun ayni muddao boʼldi. Chunki bu yangi ochilgan filial endilikda “Katput”ning “Yangi asr”, “Tolkoʼcha”, “Boʼrboliq” hududining “Zilol”, “Shalola”, “Gulobod” mahalla fuqarolari yigʼinining 15 minga yaqin aholisi uchun xizmat qiladi. Eʼtiborli jihati shundaki, DXM filialida ham fuqarolar va tadbirkorlar uchun markazdagi kabi 170 dan ortiq xizmatlardan toʼliq foydalanish mumkin.

Davlat xizmatlari markazlari filiallari ayni kunlarda jismoniy va yuridik shaxslarga mobilь davlat xizmatlarini koʼrsatishi bilan ahamiyatli. Hudud aholisiga koʼrsatilayotgan xizmatlar boʼyicha huquqiy maslahatlar, yoʼl-yoʼriqlar beriladi.

Аytish mumkinki, bugun davlat bilan xalq oʼrtasidagi muloqot yangi bosqichga koʼtarildi. Xalqning ogʼirini yengil, uzogʼini yaqin qilish, qulaylik yaratish va shaffoflikni taʼminlashga qaratilgan davlat xizmatlarini koʼrsatishning yangicha tizimi hayotimizning ajralmas qismiga aylanib ulgurdi.