@ishtixon_adliya

Тўлиқсиз иш вақтида ишлайдиган ходимлар учун байрам арафасидаги кунни 1 соатга камайтириш назарда тутилганми?

2020-08-03T12:33:34.461Z

Тўлиқсиз иш вақтида банд бўлган ходимлар учун байрам арафаси куни ҳам 1 соатга қисқаради. Чунки,— МКнинг 121-моддасига кўра байрам (ишланмайдиган) кунлари арафасида кундалик иш (смена) муддати барча ходимлар учун камида 1 соатга қисқартирилади.Мазкур меъёр умумий тусга эга ҳсобланади. У тўлиқсиз иш куни банд бўлган ходимларга ҳам татбиқ этилиши шарт, чунки улар учун ҳеч қандай истиснолар назарда тутилмаган.МК 119-моддасининг учинчи қисмига биноан, тўлиқсиз иш вақти шарти билан ишлаш ходимнинг йиллик асосий меҳнат таътилининг муддатини, меҳнат стажини ҳисоблашни ҳамда бошқа меҳнатга оид ҳуқуқларини чеклашга асос бўлмайди ва ишланган вақтга ёки ишлаб чиқарилган маҳсулотга мутаносиб равишда ҳақ тўланади.Шунингдек, ишлаб чиқариш-техник ва бошқа шартларга кўра тўхтатиб қўйиш мумкин бўлмаган, иш (смена) муддатини камайтириш мумкин бўлмаган ишларда байрам арафаси кунида ортиқча ишлашга (1 соатга) икки ҳиссадан кам бўлмаган миқдорда ҳақ тўланади. Ходимнинг илтимосига биноан у иш вақтидан ташқари ишланган соатлар сони билан ўлчанадиган миқдорда отгул берилиши билан компенсацияланиши ҳам мумкин. Иш вақтидан ташқари бажарилган иш отгул билан компенсацияланганда бундай ишлар учун камида 1 ҳисса миқдорида меҳнат ҳақи тўланади (МКнинг 157-моддаси).

Иштихон туман адлия бўлими

Кимларга нисбатан дастлабки синов муддати қўлланилмайди?

2020-07-27T14:09:09.062Z

Меҳнат кодекси 84-моддаси 3-қисмида дастлабки синов муддати жорий қилинмайдиган шахслар доираси белгилаб қўйилган. Унга кўра қуйидагиларга синов муддати жорий қилинмайди:

ҳомиладор аёлларга;
уч ёшга тўлмаган боласи бор аёлларга;
корхона учун белгиланган минимал иш жойлари ҳисобидан ишга юборилган шахсларга;
олти ойгача муддатга ишга қабул қилинган шахсларга.

Умуман олганда, меҳнат шартномасини дастлабки синов шарти билан тузилиши хар иккала тарафга ҳам муайян имконият яратиб беради. Биринчидан, иш берувчи ходимнинг топширилаётган ишга лаёқатлилигини текшириб кўриш имкониятига эга бўлса, иккинчидан, ходимда меҳнат шартномасида шартлашилган ишни давом эттиришнинг мақсадга мувофиқлиги ҳақида бир қарорга келиш имконияти бўлади. Албатта, дастлабки синовни ўташ ҳақида меҳнат шартномасида шартлашилган бўлиши лозим. Бундай шартлашув бўлмаган тақдирда ходим дастлабки синовсиз ишга қабул қилинган деб ҳисобланади.
Ўзбекистон Республикаси Меҳнат кодексининг 85-моддасига кўра, дастлабки синов муддати уч ойдан ошиб кетиши мумкин эмас. Вақтинча меҳнатга қобилиятсизлик даври ва ходим узрли сабабларга кўра ишда бўлмаган бошқа даврлар дастлабки синов муддатига киритилмайди.
Дастлабки синов даврида ходимларга меҳнат тўғрисидаги қонун ҳужжатлари ва корхонада ўрнатилган меҳнат шартлари тўлиқ татбиқ этилади ҳамда мазкур давр меҳнат стажига киритилади.

Иштихон туман адлия бўлими

Карантин даврида давлат-хусусий шериклик асосида ишлаётган оилавий нодавлат МТМ раҳбарлари, услубчилари, педагоглари ва ёрдамчи ходимларига иш ҳақи тўланадими?

2020-07-22T05:38:05.620Z

Ходимларга иш ҳақи тўлаш МТМдаги болалар сонига ажратиладиган субсидиялар билан тўланадиган МТМ харажатларига тенглаштирилади, карантин даврида бундай иш ҳақи тўланмайди.

Субсидиялар ажратиш сиёсати бевосита Молия вазирлиги томонидан амалга оширилишини ҳисобга олган ҳолда, ушбу масалани ойдинлаштириш учун Молия вазирлигининг ҳудудий бўлинмаларига мурожаат қилиш ва у ерда хулоса олиш мақсадга мувофиқ бўлади.

Иштихон туман адлия бўлими

Коронавирус пандемияси сабабли ходимлар меҳнат таътилидалиги даврида ҳисобот топширилмаганлиги сабабли маъмурий жаримага тортилишим қонунийми?

2020-07-20T14:04:39.461Z

Кичик корхоналардан ташқари, мулкчилик шаклидан қатъий назар барча корхона, ташкилот ва муассасалар иш берувчилари бўш иш жойлари бор-йўқлиги тўғрисидаги маълумотларни ҳамда ходимларнинг ишдан озод қилиниши тўғрисидаги ахборотларни туман, шаҳар аҳоли бандлигига кўмаклашиш марказига ҳар ойнинг 5-санасидан кечиктирмасдан ҳар ҳисобот ойининг 30-31 санаси ҳолати бўйича электрон ёки қоғоз шаклида тақдим этиши шарт.

Коронавирус пандемияси тарқалишига қарши чора-тадбирлар тўғрисидаги қабул қилинган қарорларда иш берувчиларни бўш иш ўринлари ҳақидаги маълумотларни тақдим этмасликдан озод қилинмаган, шу сабабли маълумотлар белгиланган муддатларда тақдим этилиши лозим.

Шу сабабли, Ўзбекистон Республикаси МЖтКнинг 229-моддасига асосан бўш иш ўринларини яшириш ёки ахборотни ўз вақтида тақдим этмаслик учун маъмурий жарима жазоси қўллашга сабаб бўлади.

Иштихон туман адлия бўлими

ТАДБИРКОРЛАР ҲУҚУҚЛАРИ АДЛИЯ ҲИМОЯСИДА

2020-07-17T11:34:30.710Z

Туман адлия бўлими томонидан фуқаро Д.Сафаровнинг жорий йил 08 июндаги АТ “Халқ банк” Иштихон филиали тадбиркорлик яьни дехқончилик билан шуғулланиш учун артезан қудуғи ўрнатишга 25 миллион сўм имтиёзли кредит ажратиш масаласини 2019 йил июнь ойидан бўён хал этмаётганлиги, банк ходимлари мурожаатини пайсалга солаётганлиги, шу боис банк ходимларига нисбатан чоралар кўрган холда банкдан имтиёзли кредит олишда амалий ёрдам беришни сўраб ёзган шикоят аризаси кўриб чиқилди.

Аниқланишича, фуқаро Д.Сафаровнинг имтиёзли кредит ажратиш ҳақидаги аризаси АТ “Халқ банк” Иштихон филиалида 2020 йил 5 март куни руйхатга олинган.

Мурожаатни ўрганиш жараёнида АТ “Халқ банк” Иштихон филиали томонидан амалдаги қонун хужжатлари талабларига риоя қилинмаганлиги, аризаси руйхатга олинмай, кредит ажратиш масаласи пайсалга солинганлиги, қонун бузилиши ҳолатларига йўл қуйилганлиги аниқланиб, туман адлия бўлими томонидан йўл қуйилган қонун бузилиши ҳолатларини бартараф этиш тўғрисида АТ “Халқ банк” Самарқанд вилоят бошқармасига тақдимнома киритилди.

Туман адлия бўлимининг аралашуви ва қўллаган таъсир чораси натижасида АТ “Халқ банк” Иштихон филиали ходимлари Б.Холмурадов ва Ж.Жумаевларнинг интизомий жазоларга тортилиши ва тадбиркор Д.Сафаровга кредит шартномаси асосида АТ “Халқ банк” Иштихон филиалидан 25 миллион сўм имтиёзли кредит маблағи ажратилиши таъминланди, тадбиркорнинг бузилган хуқуқлари тикланиши таъминланди.

ТАДБИРКОРЛАР ҲУҚУҚЛАРИ АДЛИЯ ҲИМОЯСИДА

2020-07-17T11:27:11.837Z

Иштихон туман адлия бўлими

Масофадан ишланганда меҳнат шартномасига ўзгартириш киритиладими ёки ойлик меҳнат ҳақи ўзгарадими?

2020-07-14T11:39:06.495Z

– Карантин даврида иш берувчилар ходимларнинг розилиги билан меҳнат шартномасига тегишли ўзгартиришлар киритишлари ва ходимларни масофавий ишлаш режимига, ўзгарувчан иш графигига ёки уйда ишлашга ўтказишлари мумкин.

Мазкур ҳолатларда ходимларнинг меҳнатига қуйидаги тартибда ҳақ тўланади:

· меҳнатга соатбай ҳақ тўлаш – ходим масофавий ишлашга ўтказилгунига қадар белгиланган тариф ставкасидан (лавозим маошидан) келиб чиққан ҳолда;

· меҳнатга ишбай ҳақ тўлаш – белгиланган нархлардан келиб чиққан ҳолда.

Мазкур ҳолатда ойлик иш ҳақингиз сиз билан иш берувчи ўртасида тузилган меҳнат шартномасида белгиланган тартибда тўлиқ ҳажмда тўланади.

Иштихон туман адлия бўлими

Ходим қанча муддатга хизмат сафарига юборилиши мумкин?

2020-06-10T12:50:30.712Z

Ўзбекистон Республикаси Адлия вазирлигида 2003 йил 29 августда 1268-сон билан рўйхатга олинган Ўзбекистон Республикаси Молия вазирлиги ва Меҳнат ва аҳолини ижтимоий муҳофаза қилиш вазирлигининг 2003 йил 24 июлдаги 83-сон ва 7/12-сонли қарори билан тасдиқланган Ўзбекистон Республикаси ҳудудидаги хизмат сафарлари тўғрисида йўриқноманинг 4-бандига кўра, ходимларни хизмат сафари муддати ташкилот раҳбари томонидан белгиланади ва ҳар бир ҳолат учун йўлда бўлиш вақтини ҳисобламаганда, ҳар бир ҳолда 40 кундан ошмаслиги керак. Монтаж, созлаш ва қурилиш ишларини бажариш учун юбориладиган ишчилар, раҳбарлар ва мутахассисларнинг хизмат сафари эса 12 ойдан ошмаслиги лозим. Хизмат сафарининг муддатини узайтиришга фавқулодда ҳолларда ходимни хизмат сафарига юборишга буйруқ берган ташкилот раҳбарининг ёзма рухсати билан йўл қўйилади. Қонун ҳужжатларида қандай ҳоллар фавқулодда ҳоллар деб ҳисобланиши белгиланмаган. Шу сабабли маъмуриятнинг ўзи уларнинг фавқулодда ҳоллар деб ҳисобланиши ёки ҳисобланмаслигини ҳал қилади. Мисол учун, ходим хизмат сафари вақтида ўзига топширилган топшириқни бажаришга улгурмаган ёки қўшимча топшириқни бажариш зарурати пайдо бўлган ҳол фавқулодда ҳол бўлиши мумкин.

Ўриндошлик асосида ишловчи ходимларга қандай тартибда иш ҳақи тўланишидан хабардормисиз?

2020-06-09T11:31:51.965Z

Вазирлар Маҳкамасининг 2012 йил 18 октябрдаги 297-сон қарори билан тасдиқланган “Ўриндошлик асосида ҳамда бир неча касбда ва лавозимда ишлаш тартиби тўғрисида”ги Низомга кўра ўриндошлар меҳнатига ҳақ тўлашнинг тартиби белгиланган.

Ўриндошлар меҳнатига ҳақ тўлаш меҳнат шартномасига мувофиқ:

меҳнатга ҳақ тўлашнинг ишбай шаклида – ҳақиқатда бажарилган иш учун;

меҳнатга ҳақ тўлашнинг вақтбай шаклида – ишланган вақтга мутаносиб тарзда амалга оширилади.

Меҳнатга ҳақ тўлашнинг ишбай тизимида иш ҳақи ишнинг қиймати бўйича ҳисобланади.

Агар меҳнатга ҳақ тўлашнинг вақтбай шаклида ўриндошга нормаланган топшириқ белгиланса, у ҳолда меҳнатга ҳақ тўлаш ходим томонидан амалда бажарилган иш учун ишнинг пировард натижаси бўйича тўланади.

Ўриндошлик асосидаги иш учун меҳнатга ҳақ тўлашнинг энг кам миқдори меҳнат унумдорлигига ёки меҳнат шартномасида назарда тутилган бошқа шартларга қараб, ишланган вақтга пропорционал равишда, қонун ҳужжатларида белгиланган Меҳнатга ҳақ тўлашнинг ягона тариф сеткаси бўйича биринчи разряд тариф коэффициенти асосида ҳисоблаб чиқилган миқдордан паст бўлиши мумкин эмас.

Ходимнинг ўртача иш ҳақини ҳисоблаб чиқишда, ушбу ҳисоблаб чиқиш мақсадларидан қатъи назар, асосий иш жойи бўйича ва ўриндошлик бўйича иш учун иш ҳақи алоҳида ҳисоблаб чиқилади.

Агар жамоавий шартномада ёхуд иш берувчи томонидан касаба уюшма қўмитаси ёки ходимларнинг бошқа вакиллик органи билан келишган ҳолда қабул қилинган бошқа маҳаллий ҳужжатда бошқача тартиб назарда тутилмаган бўлса, ўриндошлик асосида ишловчиларга меҳнат ҳақи, мукофот, қўшимча ҳақ, устама, рағбатлантириш тўловлари шакли ва тизими ташкилотнинг барча ходимлари учун белгиланган тартибда амалга оширилади.