Ifoda Agro Kimyo Himoya

ер

2021-03-01T07:33:19.290Z

апт

2021-02-26T11:35:00.896Z

“IFODA” КОМПАНИЯСИ ПРЕПАРАТЛАРИДАН ЮҚОРИ ҲОСИЛ КЎЗЛАГАНЛАР

2021-02-24T09:40:01.520Z

Деҳқонлар билан мунтазам ишлаш борасида сурхондарёлик агрономлар етакчиликни қўлдан бермай келишмоқда. Улар эришган ижобий натижалар “IFODA” компаниясининг бошқа вилоятларидаги агрономлари учун ҳам яхшигина ўрнак бўлажак. Хусусан, куни кеча Гулсора Холбоева бошчилигидаги агрономлар гуруҳи Сурхондарё вилоятининг Қизириқ туманида бўлиб, буғдой ҳамда пахта етиштиришга мўлжалланган “Голд Имронбек” фермер хўжалиги дала майдонини кўздан кечиришди.

18 гектар ерга ғалла, 15 гектар ерга ғўзаа кўчатини эккан мазкур фермер хўжалиги 2-3 йилдан буён “IFODA” компанияси маҳсулотларидан фойдаланиб келади. 10 февралда экин униб чиққанидан сўнг IFO PZN ҳамда Anka Super препаратларини сепишни тавсия қилгандик. Ҳозирги кунда экин ҳолати жудаям яхши. 8-10 тагача туплаган. Вазиятни ўрганиб март ойида бегона ўтига Энтостар плюс, бошоқли ўтига Энтопик, занг касаллигига Топ кроп препаратларини қўллашни тавсия қилдик. Агар кўрсатмаларга тўлиқ риоя этилса, кутилганидек, гектарига 70-80 центнердан ҳосил олиш мумкин, – дейди агроном Гулсора Холбоева экинлар ҳолати ҳақида.

“IFO PZN” ҲАМДА “IFO UAN” ПРЕПАРАТЛАРИНИНГ САМАРАСИ БИР ҲАФТАДА КЎРИНДИ

2021-02-24T09:28:02.294Z

“IFODA” компаниясининг сурхондарёлик агрономлари Музработ туманидаги Шокир Алимовга қарашли 12 400 гектар майдонли “Бошоқли дон ғалла” кластерида “IFO PZN” ҲАМДА “IFO UAN” препаратлари синовини ўтказишди. Мазкур кластер ўзининг барча экин майдонларида компаниямиз маҳсулотларидан фойдаланади. Агрономлар бор билим ҳамда имкониятларини ишга солиб, 5 минг гектардан иборат ер майдонига экилган кечки ғаллага ишлов беришди. Ҳозиргача амалга оширилган чора-тадбирлар натижасида кечки ғаллаларда туплаш даражаси анча яхшиланган.

“IFODA” компаниясидан мазкур кластерга бириктирилган вакил Зафар Ширалиевнинг сўзларига кўра, кечки ғаллада препарат қўлланилишидан аввал туплар сони иккита бўлган. Бир ҳафтадан сўнг туплаш миқдори 3-4 тага етган. Эртанги ғаллаларда эса “IFO PZN” ҲАМДА “IFO UAN” қўлланилгандан сўнг туплаш миқдори 8-10 тадан ошиб кетган ва бу натижа кластер раҳбари ҳамда бош агрономни жуда мамнун қилган.

Зафар Ширалиев март ойида кластер ери учун уч марта ишлов бериш дастурини тузиб қўйди. Биринчи босқичда гербицидлардан Энтопик ва Энтостар плюс препаратларини қўллаш кўзда тутилган. Иккинчи босқичда эса занг касалига қарши Top krop препаратини гектарига 300 граммдан ишлатиш режалаштирилмоқда. Учинчи босқичда ҳосилни янада ривожлантириш учун Ҳосил, Ҳосил 20 20 ва Потех препаратларини қўллаш дастурга киритилган.

БУЛОҚБОШИЛИК ЁШ ДEҲҚОНЛАР ЕР БИЛАН ТАЪМИНЛАНДИ

2021-02-23T08:49:22.749Z

«Ёшларни қўллаб-қувватлаш ва аҳоли саломатлигини мустаҳкамлаш йили»да юрт келажаги бўлмиш ўғил-қизларни ижтимоий ҳимоя қилиш масаласига чуқур эътибор берилмоқда. Қишлоқ хўжалиги соҳасида фаолият олиб боришни истаган ёшларга ер ажратилиши уларнинг истиқболдаги режаларига қанот бағишлаши бор гап.

Жумладан, Андижон вилояти ҳокими Шуҳратбек Абдураҳмонов бошчилигида қатор ислоҳотлар амалга ошириб келинмоқда. 20 февраль куни вилоят ҳокими Булоқбоши туманида бўлиб, 400 дан зиёд ёшлар, туман ҳокимлиги мутасаддилари, фермер хўжаликлари иштирокида очиқ мулоқот ўтказди.

Шу муносабат билан Булоқбоши туманидаги ер сўраб мурожаат қилган 30 нафар ёшлар 20 сотихдан ер билан таъминланди. Ва бу билан тумандаги ер билан таъминланган ёшлар сони 323 нафарга етди.

Булоқбоши туманидаги “Муқаддам” фермер хўжалигининг дала шийпонида ташкил этилган мазкур тадбирда “IFODA” компанияси ҳам ўз маҳсулотлари билан иштирок этди. Агрономлар Муҳаммадсултон Атаханов ҳамда Музаффар Тоштемировлар ёш деҳқонларга экинларга кимёвий ишлов бериш ҳамда препаратларимиздан фойдаланиш бўйича ўз тавсияларини бериб ўтдилар.

“IFODA” КОМПАНИЯСИ ТОМЧИЛАТИБ СУҒОРИШ ТИЗИМИГА ҚАНДАЙ КИРИБ КЕЛДИ?

2021-02-22T12:57:04.079Z

Хабарингиз бор, “IFODA” компанияси эндиликда фермер ва деҳқонларга ўғит ҳамда препаратлар билан биргаликда “IFODA DRIP” бренди остида томчилатиб суғориш тизимлари орқали ҳам хизмат кўрсатмоқда. Минерал ўғитлар ҳамда ўсимликларни ҳимоя қилувчи препаратлар таъминотчиси бўлмиш компания кичик вақт оралиғида томчилатиб суғориш тизимини қўллаш орқали ҳам ўз мижозларига эга бўлди. Келинг, “IFODA DRIP” бренди яралишига нималар туртки бўлгани ҳамда қандай ташкил топгани борасида “Ифода Агро Кимё Ҳимоя” МЧЖ директори ўринбосари Фазлиддин Ибрагимов фикрлари билан танишамиз:

– Деҳқончиликда томчилатиб суғориш тизимини қўллаш нафақат Ўзбекистонда, балки бутун дунёда энг долзарб масала ҳисобланади. Бунга сабаб, сув танқислиги туфайли экин майдонларига сув етишмаслигидир. Шунингдек, Исроил, Хитой, Туркия қишлоқ хўжалигини олиб қарайдиган бўлсак, томчилатиб суғориш тизими қўлланилган экин майдонларида анъанавий суғорилган ерларга қараганда бир неча баробар кўп ҳосилдорликка эришиляпти.

Бундан ташқари, Ўзбекистонда шахсан президентимиз Шавкат Мирзиёев томонларидан бу масала олға суриляпти. Мана шу жиҳатларни инобатга олган ҳолда “IFODA” компанияси таъсисчилари ҳамда раҳбарияти “биз ҳам шу тизимга кирамиз” дея қарор қилишди. Томчилатиб суғориш тизимини ўрганиш ва уни амалда жорий қилиш учун Туркиядан ўзимизга ишончли ҳамкор топдик ва улар бизни туркиялик мутахассислар билан таъминлашмоқда.

Эндиликда биз “IFODA DRIP” томчилатиб суғориш тизимимизни ўрнатган деҳқон ва фермер хўжаликларида ўз ўғитларимизни тавсия қилиш ҳамда уларни ерга қўллаб, қайси пайтда берилганда энг юқори натижага эришиш мумкинлигини текшириб кўриш имкониятига эга бўлдик. Яқин бир-икки йил ичида профессионал тавсиянома ишлаб чиқиб, барча деҳқонларга тарқатиш ниятидамиз, – дейди директор ўринбосари Фазлиддин Ибрагимов.

квпр

2021-02-22T12:16:10.679Z

ЭРТА БАҲОР БОҒЛАРГА ИШЛОВ БЕРИШ ҲАҚИДА СЕМИНАР

2021-02-22T07:45:07.094Z

Фарғона вилоятининг Қува туманида эрта баҳор боғларда ўтказиладиган кимёвий агротехник тадбирлар тўғрисида ўқув семинари бўлиб ўтди. Унда Ўзбекистон Республика Вазирлар Маҳкамаси ҳузуридаги Ўсимликлар карантини Давлат инспекцияси бошлиқ ўринбосари Бақожон Муродов, вилоят ўсимликлар карантини бошлиғи Махсудали Сайдуллаев ҳамда бир қатор боғдорчилик фермер хўжаликлари раҳбарлари иштирок этишди.

Мазкур ўқув семинарида “IFODA” компаниясининг агрономлари ҳам иштирок этиб, эрта баҳор данакли ва уруғли мевали дарахтлардан иборат боғларда кимёвий воситалар билан ишлов беришда қайси препаратлардан фойдаланиш бўйича ўз тавсияларини бериб ўтишди. Бу ҳақда компания етакчи агрономи Дилшод Жўраев шундай дейди:

– Эрта баҳор зараркунандаларга қарши курашиш учун Bi 58 препаратини бир гектар ерга 3 килограммдан қўллаш мумкин. Шунингдек, ENTOXLOROK 85 маҳсулотини ҳам бир гектарга 3 килограммдан ишлатиш мумкин. Бундан ташқари, совуқнинг олдини олиш учун бир гектар ерга 600 грамм ВЛ 77, 600 грамм ENTO ZINC препаратини аралаштириб сепишни тавсия қилдик. Гуллашдан олдин ва гулидан кейин қуртга қарши Энтовант ҳамда Энтовант Про препаратларини гектарига 600 грамм, 250 граммдан қўллаш тўғри бўлади. Шунингдек, семинарда феромон тутқичлардан фойдаланиш борасида ҳам батафсил маълумот бердик.

ЁШ ФЕРМЕРЛАР ЕРЛАРИ УЧУН “IFODA”МАҲСУЛОТЛАРИ ТАНЛАНДИ

2021-02-22T07:36:03.295Z

Андижон вилоятининг Жалақудуқ туманида уюшмаган ёшларни иш билан таминлаш, уларга тадбиркорлик билан шуғулланишлари учун ер ажратиш масалаларига бағишланган кўргазмали семинар бўлиб ўтди. Мазкур тадбирда Андижон вилояти ҳокими Шуҳратбек Абдураҳмонов, фермер хўжалик раҳбарлари ҳамда ёшлар иштирок этишди.

Семинарни олиб борган вилоят ҳокими ёшларга ер ажратиш билангина чекланмай, уруғ қадашдан токи ҳосил олишгача бўлган жараёнда уларга тажрибали агроном ҳамда таъминотчилар ёрдамида кўмак бериш зарурлигини таъкидлади.

– Андижон вилоятининг 14 та туманидаги шу каби ёш тадбиркорлар ерларини ўғитлаш ҳамда экинларини ҳимоялашда айнан “IFODA” компанияси маҳсулотлари танлангани алоҳида таҳсинга сазовор, – дейди компания агрономи Жавлонбек Бўтабоев. – Бу ишончдан руҳланиб, вилоятдаги ёш фермерларга ғалла майдонларини озиқлантириш бўйича ишлаб чиқилган дастур асосида препарат ҳамда суспензияларимиз бўйича маълумотлар бердик ҳамда шартнома асосида ҳамкорликда ишлаш таклифини билдирдик.

Кўтаринки руҳда ўтган ушбу семинар кўпчилик ёшларга дастуриламал бўлиб хизмат қилди, десак янглишмаган бўламиз.

БАҲОР ОЙЛАРИДА МЕВАЛИ ДАРАХТЛАР ПАРВАРИШИ

2021-02-20T08:06:46.518Z

Тошкент вилояти, Зангиота туманида “IFODA” компаниясининг Боғдорчилик бўйича тажрибали агрономи Дилшод Жўраев, етакчи агрономи Икромжон Жўраев ҳамда Тошкент вилояти бўйича агроном Ҳамро Отажоновлар томонидан баҳоролди мавсумда мевали дарахтларни қирқиш бўйича боғбонлар учун кўргазмали семинар ташкил этилди.

Унда мевали дарахтларни турларига қараб қирқиш жараёнлари кўрсатиб берилди. Агрономлар тавсиясига кўра, данаги бор мевали дарахтларни эрта баҳорда қирққан мақсадга мувофиқ. Уруғли мевали дарахтларни эса куз-қиш мавсумида ҳам қирқса бўлади. Айрим мевали дарахтлар чанқатиб суғорилганда ёки данакли мевали дарахтлар куз пайти қирқиб қўйилганида танасидан елимсимон модда ажралиб чиқади. Бунинг олдини олиш ва ушбу касалликни даволаш учун таркибида миснинг хлорли оксиди бўлган “Entoxlorok” суспензияси дарахтга чўмилтириб сепилади. Шунингдек, мевали дарахтларга ишлов беришда “Entoxlorok Plyus”, ёки “BORDO” препаратлари ҳам қўлланилади.

Баҳорда дарахт куртаклари уйғонмасдан олдин касалликларга қарши таркибида мис сақловчи препаратлар сепиш тавсия қилинади. Мевали дарахтлар гуллаб, гулларини 80 фоиз тўкканидан кейин эса зараркунандаларга қарши ишлов ўтказилади. Шунингдек, мевалари пишиб етилгунга қадар ҳар 15-20 кунда профилактик чора-тадбирлар ўтказиб борилади.