@andijonturizmsport

Qo'qonga sayohat

2022-03-07T07:04:31.282Z

Mamlakatimizda ichki turizmni jadal rivojlantirish madaniy, tarixiy, me`moriy obidalarimiz hamda turistik manzillarga sayohatlar tashkillashtirish, sayyohlar ko'lamini oshirishga qaratilgan bir qator chora-tadbirlar amalga oshirilmoqda.

Shunga binoan, kuni kecha viloyat Turizm va sport bosh boshqarmasi hamda "MG-tur" MCHJ turistik firmasi bilan hamkorlikda Bo'ston tumanidagi bir guruh faol yoshlarning vaqtlarini mazmunli o'tkazishlari uchun Andijon-Qo'qon yo'nalishi bo'yicha sayohat uyushtirildi.
Qo'qon shahrida ko'zga ko'ringan turistik obyektlarga ziyoratga Bo'ston tumanidan 52 nafar faol yoshlar saralab olindi.

Qo'qonga tashrif chog'ida yoshlar shaharning Xudoyorxon O'rdasida bo'lib, u yerdagi tarixiy manbalar, xon saroyi, muzey bilan yaqindan tanishdilar.

Darvoqe, Andijon-Qo'qon bo'ylab sayohatga 50 nafar yoshlar jalb etilgan bo'lib, ushbu ekskursiya ularda iliq taassurot qoldirdi.
"Biz Qo'qonning haqiqiy marvaridi hisoblangan Xudoyorxon O'rdasiga tashrif buyurganimizda, tarixiy voqealar ko'z oldimizda gavdalanganday bo'ldi. Shaharga biz uchun sayohat uyushtirgan tashkilotchilarga o'z minnatdorchiligimni bildiraman" - deydi sayohat ishtirokchilaridan biri.

Andijon viloyati Turizm va sport bosh boshqarmasi

https://t.me/Andijon_Turizm_va_Sport

O'sh shahriga Andijon viloyati hokimligi tomonidan 10 ming dona Pavloniya daraxti ko'chatlari beg'araz yetkazib berildi

2022-02-21T14:19:37.210Z

Bir necha muddat ilgari, O'sh shahri hokimligining viloyatimizga tashrifi chog'ida, delegatsiya a'zolari shaharda amalga oshirilayotgan "Yashil makon" loyihasi doirasidagi ishlarni yuqori baholab, O'sh shahrida ham ushbu loyihani qo'llash taklifini bildirgan edilar.

Shunga binoan, bugun, 21-fevral kuni O'sh shahar hokimligi murojaatiga binoan, Andijon viloyati hokimligining bir guruh mutasaddilari O'sh shahriga tashrif buyurdi. Undan ko'zlangan asosiy maqsad, yaqin qo'shnichilik aloqalarini mustahkamlash, har tomonlama hamkorlikni kuchaytirish orqali tizimli ishlarni amalga oshirishdan iborat.

Qolaversa, ushbu hamkorlikning namunasi o'laroq, O'sh shahriga Andijon viloyati hokimligi tomonidan 10 ming dona Pavloniya daraxti ko'chatlari beg'araz yetkazib berildi.

Tashrif chog'ida, viloyat hokimi o'rinbosari A.Maksumov boshchiligidagi mutasaddilar tomonidan shaharning markaziy ko'chalaridan biriga dastlabki Pavloniya daraxti ko'chatlari "Abadiy do'stlik" ramzi sifatida o'tqazildi.

Tashrif yakunida esa, O'sh shahar hokimligi rahbariyati O'zbekiston Respublikasiga o'zining samimiy minnatdorchiligini izhor etdilar.

Andijon viloyati Turizm va sport bosh boshqarmasi

https://t.me/Andijon_Turizm_va_Sport

Ahmadbekhoji mehmonxonasi

2022-02-21T05:48:24.707Z

Ahmadbekhoji mehmonxonasi Alisher Navoiy nomidagi Andijon shahar madaniyat va istirohat bog‘ining sharqiy tomonida joylashgan ushbu me’moriy obida 1905–1907-yillarda andijonlik yirik boy, paxta zavodi egasi Ahmadbekhoji Temurbek o‘g‘li buyurtmasi bilan mehmonxona va ish yuritish joyi sifatida bunyod etilgan.
Qurilishda O‘zbekiston xalq me’mori, Respublika Fanlar akademiyasining faxriy a’zosi Yusufali Musayev (1869–1947), usta Toshxon, usta Yahyo va ularning shogirdlari ishtirok etishgan.
Me’moriy yodgorlik O‘zbekiston xalq rassomi, usta Saidmahmud Norqo‘ziyev tomonidan xalq amaliy bezagi san’atining sir naqqoshlik va ganch o‘ymakorligi turlari bilan bezatilgan.

Mehmonxonaning pishiq g‘ishtdan hashamdor qilib urilgan bir dahliz va katta zaldan iborat mehrob va tokchali xonasi o‘sha davrga xos eklektika uslubida ganchkorlik san’ati bilan bezatilgan.
Mehrobsimon deraza atrofidagi bezaklar va xonalar shiftidagi naqshlar XIX asr oxiri Yevropa me’morchiligi ruhiyatida, ichki devorlaridagi boshqa o‘simliksimon ganch o‘ymakorligi bezaklari milliy naqqoshlik ruhiyatida bajarilgan.

Shahrixon tumanida viloyat chempionati bo'lib o'tdi

2022-02-21T04:07:04.238Z

Kuni kecha Shahrixon tumani "Hokim kubogi" uchun sportning suzish hamda stol tennisi turlari boʻyicha viloyat ochiq birinchiligi hamda qoʻl jangi sport turi boʻyicha mahorat darslari boʻlib oʻtdi.

Suzish sport turiga viloyatimizning barcha shahar tumanlari hamda qoʻshni viloyatlar, xususan, Fargʻona, Namangan viloyatidan tashrif buyurgan, jami 350 nafardan ziyod sportchilar qatnashdi.

Stol tennisi bo'yicha 150 nafar, qoʻl jangi mahorat darsiga esa viloyatimizdagi taniqli 50 nafar trenerlar hamda federatsiya rahbarlari qatnashdilar.
Shuningdek, 15-maxsus maktab internati o'quvchilari musobaqada kuzatuvchi sifatida taklif etildi.

Qizgʻin tarzda oʻtkazilgan musobaqa yakunida tuman hokimi tomonidan g'oliblarga esdalik sovgʻalari topshirildi.

Andijon viloyati Turizm va sport bosh boshqarmasi

https://t.me/Andijon_Turizm_va_Sport

KREPS QAL`ASI

2022-02-18T06:25:33.823Z

Andijon shahridagi "Islomobod" MFY hududida joylashgan ushbu yodgorlik Qal’a nomi bilan mashhur. U Chor Rossiyasi harbiy qismi uchun mudofaa qo‘rg‘oni sifatida bunyod etilgan. Qal’aning 10 metrdan ortiq baland bo‘lgan devorlaridan Andijon shahrining har bir mahalla, ko‘chalari kaftdek ko‘rinib turgan va shu joydan turib isyonlarni bostirish imkoniyati bo‘lgan.

Uning bir necha kazarma binolari, qurol-aslaha omborlari, oshxona, to‘pxonalardan iborat mudofaa qo‘rg‘oni bo‘lgan. Qal’ada chor Rossiyasi armiyasining Turkiston asosiy muntazam harakatdagi batalyoni 4-5-rotasiga tegishli 250 dan ziyod askari yashagan.

Qal'aning zindonida mahbuslar saqlangan, qatlga hukm qilinganlarning jasadlari quduqqa tashlangan. Shu quduqdan 2 kamaz mashinada odam suyagi qoldiqlari topilgan"- deydi muzeyning mas'ul xodimlardan biri.

Qal’a 130 yil davomida juda ko‘p tarixiy voqealar, jumladan, 1898-yil Dukchi Eshon boshchiligidagi Andijon qo‘zg‘olonining guvohidir.
Hozirda bu me'moriy yodgorlikdan muzey sifatida foydalanilmoqda.

Andijon viloyati Turizm va sport bosh boshqarmasi

https://t.me/Andijon_Turizm_va_Sport

O‘YNAMAGANNI HAM O‘YNATA OLADIGAN “ANDIJON POLKASI”

2022-02-17T07:19:24.114Z

Og'zaki xalq ijodiyoti, qo'shiq va raqs an'analarini o'zida mujassam etgan O'zbekiston raqs san'ati boy tarixga ega. Mana shu tarix davomida turli xil raqs uslublari paydo bo'lgan. Raqs - bu odamlarning muloqot qilish usullaridan biri va odamlarning o'z his-tuyg'ularini ko'rsatishning juda muhim usulidir.

Jumladan, “Andijon polkasi” Oʻzbekistondagi mashhur raqs boʻlib, taniqli bastakor Orif Toshmatov musiqasi ostida raqsga tushadigan bu kuy o‘zining temperamenti, mahorati, ishtiyoqi bilan alohida ajralib turadi.

Andijon polkasi — oʻzbek xalq cholgʻu kuyi va aynan shu nomdagi raqs. 20-yillardan boshlab andijonlik sozanda va aktyor Orif Toshmatov talqinida ommaviylashgan. Andijon polkasi 2/4 (yoki 4/4) musiqa oʻlchovi, odatda sof major tonalligi, shoʻx siyrati bilan alohida ahamiyatga ega. U bir tomondan oʻzbek mumtoz kuylari (masalan, “Navo charxi”)ga, ikkinchi tomondan esa boshqa xalqlar (jumladan, rus) folklori namunalariga ohangdosh. Andijon polkasi surnay, qoʻshnay, shuningdek, garmon tovushqatoriga xos diatonik tuzilmalari, odat tusidagi kuy yoʻnalishlarini oʻzida uygʻunlashtirgan. Andijonda 1957-yilda “Andijon polkasi” xalq raqs ansambli tashkil etilgan.

Yangraganida 7 yoshdan 70 yoshgacha qalblarni toʻlqinlantirib yuboradigan, tanaga joʻshqinlik, ruhga koʻtarinkilik beradigan kuylardan biri – “Andijon polkasi” yaralganiga qariyb 90 yildan oshdi. Bu betakror kuyni ramziy maʼnoda “Andijonning madhiyasi” deyish mumkin. “Andijon polkasi” raqsining yigitlar variantini haqiqiy andijoncha yoʻlda yaratgan, Oʻzbekistonda xizmat koʻrsatgan madaniyat xodimi Abdugʻaffor Qodirov, folklorshunos sanʼatkor Moʻminjon Abduvaliyevlarning aytishicha, oʻsha paytlarda hozirgi Alisher Navoiy nomidagi madaniyat va istirohat bogʻidagi raqs maydonida koʻp sanʼatkorlar, sozandalar muntazam yigʻilib turar ekan. Andijonlik yigitlar bu yerga kelib, raqs tushishar, qoʻshiq bazmlari ham boʻlarkan. Ularning oyoq tashlashlarini koʻp bor maroq bilan kuzatgan Orif garmon shular uchun bir musiqa yaratay, deb “Andijon polkasi”ni kashf qilgan.

Polkaning doira ritmini eslang-a, shaxdam qadam tovushlariga oʻxshaydi. Ha, andijonlik yigitlarning oyoqni yerdan uzmay qadam tashlashi ularning raqsdagi yoʻli, yaʼni oʻziga xos bir usulning paydo boʻlishiga turtki boʻlgan.

— 1972-yilda “Andijon polkasi” ansambli tuzilgan. 1984-yili Ispaniyaga gastrolga borganmiz, — deydi Andijon tumani madaniyat boʻlimi madaniyat markazi badiiy rahbari Abdulaziz Yusupov. “5-6 ming atrofida tomoshabin bor. Musiqa chalinib, sahnaga chiqqanimizdan boshlab, ohangga moslab gulduros qarsak chalina boshladi. 12 nafar yigit berilib oʻynayapmiz. Raqs rosa avjiga kelganida Rahimjon, Nosirjon degan yigitlarimiz maromidan ham oshirib yuborishdi. Tomoshabinlar oʻrinlaridan turib olqishlay boshladi. Raqs tugagach, rejissyor nimadir dediyu, tarjimon “yana takror tushasizlar”, deb bizni sahnaga qaytardi. Shundan keyin ham odamlar qoʻyib yuborgisi kelmagan. Ammo iloj yoʻq edi. Vaqt belgilangan. Bizdan soʻng argentinaliklar sahnaga chiqishi kerak. 24 ta davlatning folklor ansambllari kelishgan. Polkamizning kuchini, sirini boshqa millatlarga ham kuchli taʼsirini oʻshanda chuqur his qilganmiz”.

Shu oʻrinda “Andijon polkasi”ni “Bahor” raqs ansamblining goʻzal raqqosalari ham 80dan ziyod davlatga tanitgani, raqs oʻsha davlatlarning barchasida yuksak eʼtirof etilganini aytish joiz.

Sevimli kuy oʻziga xos shiddati, professionalligi bilan dunyo xalqlari eʼtiborini torta olgan. Hozirda “Andijon polkasi”ning koʻplab koʻrinishlari bor. Bu usulda qoʻshiqlar ham kuylandi. Ammo musiqaning ilk namunasi hech qachon oʻz ahamiyati, betakrorligini yoʻqotmaydi.

Zero, “Andijon polkasi”ga birinchi marta yakkaxon raqs tushib, uni butun yurtimizga namoyon qilgan Tolibjon Qodirov doimo raqqoslikda “manaman” degan chapani yigitlarni dogʻda qoldirar edi.

Bugun Andijondagi barcha madaniyat markazlarida “Andijon polkasi” jamoalari faoliyat yurityapti. Fidoyi, tajribali ustoz Abdugʻaffor Qodirovning oʻgʻillari Abduqahhor, Abduvohid, Abdulhakim, Mirzobeklarning ota izidan borganlari ham yosh avlodning iqboli. Zero, andijonchasiga aytganda, ular polkaga oʻynashni “eshib” qoʻyadilar.

Bundan tashqari, Rahimjon, Nosirjon, Shoyatbek, Shavkatbek kabi chapani yigitlarni ham shoʻx musiqaning asl egalari, deyish mumkin.

Andijon viloyati Turizm va sport bosh boshqarmasi Axborot xizmati

https://t.me/Andijon_Turizm_va_Sport

Internet manbalari asosida tayyorlandi.

ANDIJON FARZANDI ZAHIRIDDIN MUHAMMAD BOBUR TAVALLUDIGA 539 YIL TO'LDI

2022-02-14T12:33:48.960Z

Moziyga nazar tashlar ekanmiz, bilimi, qalami, salohiyati bilan dunyolarni lol qoldirgan ulug' ajdodlarimiz siymolari ko'z o'ngimizda namoyon bo'ladi. Ularni har qancha e'zozlasak, ardoqlasak oz.
Bugun ana shunday ulug' ajdodlarimizdan biri bo'lgan shoh va shoirlik jihatini bir ko'ngilga sig'dira olgan bobokalonimiz Bobur tavalludiga roppa-rosa 539 yil to'ldi.
Aytish joiz, Bobur o'zbek deb atalgan millatning dardi, armonidir. Shuning uchun ham dardimizki, u G'arbda Chig'atoy davri - "Oltin asr" deb nomlangan XV asr madaniyatining so'ngi vakili, Temuriylar saltanatining so'ngi hukmdori bo'ldi. Uning avlodlari hind diyorida 300 yildan ortiqroq hukmronlik qildilar.

Bobur didi va zavqi baland shoir edi. U go'zal g'azallar yozdi, ruboiyning tengsiz namunalarni yaratdi. Ko'rgan-kechirgan voqealari to'g'risida "Boburnoma" asarini yozib qoldirdi. Uning qalbi musiqaga oshno edi. Bobur sozni go'zal chalgan, musiqa haqida ilmiy kitob yozgan shohlardan edi.

Boburning Andijon dilbandi ekani bizga yanada g'urur-iftixor tuyg'ularini bag'ishlaydi. Tavalludi munosabati bilan bugun viloyatimizda katta tantana, shodiyonalar tashkil etildi.
Darhaqiqat, Bobur jahoniy siymo. Andijon viloyatida Z.M.Bobur nomi bilan atalgan quyidagi maskanlar mavjud:
* Universitet
* Bobur maydoni
* Bobur xalqaro fondi
* Bog'ishamol bog'i
* Muzey
* Xo'jaobod tumanidagi hiyobon
* Mahalla va ko'chalar

Bundan tashqari, andijonlik boburshunos olim, tarixchi Zokirjon Mashrabov o'zining Bobur nomidagi xalqaro fondini yaratib, turli mamlakatlardan Boburiylar davriga oid tarixiy manbalar, qo'lyozmalar, nodir ma'lumotlarni olib kelib, ularni muzeyda jamlagan.

Oʻzbekiston Respublikasi Prezidenti tashabbusi bilan qabul qilingan Oʻzbekiston Respublikasi Vazirlar Mahkamasining 2017-yil 6-sentyabrdagi 1001-F-sonli Farmoyishiga binoan, “Bobur ziyoratgohi” barpo qilindi. Jumladan, bogʻning markaziy hiyoboniga muhtasham masjid va muzey binosi yangitdan qurilib, mavjud muzey binosi maqbara koʻrinishida qayta taʼmirlandi.

Bobur nomli xalqaro jamoat fondi qoshidagi “Bobur va jahon madaniyati” deb nomlangan muzey Zahiriddin Muhammad Bobur buyuk davlat arbobi, mohir sarkarda, zabardast shoir, alloma va meʼmor, qomusiy olim, temuriy hukmdorlarining eng qudratlisi ekanligidan dalolat beruvchi maskandir. Muzey ekspozitsiya zallarida Bobur nomli xalqaro jamoat fondi qoshidagi Bobur xalqaro ilmiy ekspeditsiyasining Bobur izidan uyushtirgan ilmiy tadqiqot safarlari jarayonida toʻplangan ashyo va kolleksiyalar namoyish etiladi. Bu madaniyat koshonasi Sizga Andijon farzandi, Hindiston shahanshohi, XVI asr ilk qomusi “Boburnoma” ijodkori, sohir shoir Zahiriddin Muhammad Bobur shaxsi, ulugʻvor zafarli yurishlari, asarlari ilmiy va badiiy kashfiyotlari, namunali hayoti haqida koʻrgazmali maʼlumotlar beradi.

Bobur nomli xalqaro jamoat fondi oʻz-oʻzini boshqaruvchi nodavlat notijorat jamoat tashkiloti hisoblanadi. Tashabbuskor guruh faollari qurultoyining 1-sonli qarori bilan 1992-yilda Andijon shahrida taʼsis etilgan. Fondni tashkil etish tashabbuskori va raisi - Zokirjon Mashrabov.

Bobur nomli xalqaro jamoat fondi zaminimizdan yetishib chiqqan buyuk ajdodlarimiz Muhammad Xorazmiy, Ahmad Fargʻoniy, Abu Rayhon Beruniy, Amir Temur, Alisher Navoiy, Zahiriddin Muhammad Bobur, Kamoliddin Behzod, Abu Nasr Farobiy, Boborahim Mashrab, Xusrav Dehlaviy, Mavlono Lutfiy, Gulbadan Begim, Zebuniso Begim va boshqa oʻz hayoti va ijodi bilan sharq xalqlari madaniyatini boyitgan allomalar, shoir va mutafakkirlarning boy ilmiy-adabiy merosini oʻrganish, moddiy va maʼnaviy yodgorliklarni izlab topish, qoʻlyozmalar va ularning nusxalarini xorijdan vatanimizga olib kelib ilmiy isteʼmolga kiritish, Oʻzbekiston Respublikasi hududidan tashqarida dafn etilgan buyuk ajdodlarimizning qabr-maqbaralarini aniqlash va obodonlashtirish, xalqlar oʻrtasidagi doʻstlik va ilmiy madaniy aloqalarni rivojlantirish maqsadida faoliyat olib boradi.

Andijon viloyati Turizm va sport bosh boshqarmasi axborot xizmati

https://t.me/andijon_turizm_sporti

POLVONTOSH QISHLOG'I

2022-02-14T11:31:58.902Z

Andijonning Marhamat tumanida shunday qishloq borki, uning yaralish tarixi o'tmish davrlariga borib taqaladi.
Odamlar orasida bu qishloqni II jahon urushida asirga tushgan nemislar va 1944-45 yillarda Qrimdan surgun qilingan tatarlar qurishgan, degan fikrlar bor.
Qishloqda hozir ham neft quduqlaridan bir sutkada ming tonnagacha neft qazib olish mumkin.

Aytishlaricha, Polvontoshda neft koni 1939-yilda, deb tahmin qilinadi. 1947-yilga kelib esa bu yerlar "Nefychilar qishlog'i" deya nom qozonadi.
Ko'p o'tmay konchilar shaharchasiga aylangan bu qishloq odamlari juda soddadil va mehnatkash xalq. Manbalarga qaraganda, qishloqda koreys, rus, tojik va boshqa millat vakillari yashagan. Uni haqiqiy baynalmilal hudud desak arziydi.

Ta'kidlash joizki, Polvontosh atrofidagi adirliklarda 50 dan ortiq ishlab turgan neft quduqlari mavjud. Qishloq erkaklarining katta qismi esa neft ishlab chiqarish bilan shug‘ullanadilar.
Xayratlanarlisi shundaki, bu quduqlardan neft hech qanday texnikalarsiz, o‘zi oqib chiqadi.
Qishloqni ko'rib bobo-buvilarimiz davridagi ajoyib bolalik davrlarni eslasak, ne ajab.

Andijon viloyati Turizm va sport bosh boshqarmasi axborot xizmati

https://t.me/andijon_turizm_sporti

Zahiriddin Muhammad Bobur tavalludining 539 yilligi keng nishonlandi

2022-02-12T03:41:39.481Z

Andijon viloyatidagi Zahiriddin Muhammad Bobur maydonida oʻzbek mumtoz adabiyotining zabardast vakili, buyuk davlat arbobi, mohir sarkarda, olim va shoir Zahiriddin Muhammad Bobur tavalludining 539 yilligiga bagʻishlangan maʼnaviy-maʼrifiy tadbir boʻlib oʻtdi.

Andijon viloyati hokimligi, Ichki ishlar bosh boshqarmasi hamda Madaniyat boshqarmasi tasarrufidagi teatrlar bilan hamkorlikda tashkil etilgan mazkur tadbir ko'tarinki ruhda o'tkazildi.

Unda soʻz olganlar, mustaqillik yillarida oʻzbek xalqining boy madaniy merosi, ayniqsa, buyuk bobokalonimiz tomonidan yaratilgan nodir, bebeho ilmiy asarlarning jahon tarraqiyoti, ilm-fan rivojidagi ahamiyati, ilmiy salohiyati, insoniyat tafakkuri, shuningdek, yosh avlod maʼnaviyatini yuksaltirishdagi tutgan o'rni nihoyatda muhim ekani taʼkidlandi.

Tadbir soʻngida Andijon viloyati Yoshlar teatri hamda musiqali drama teatri ijodiy jamoalari tomonidan Bobur hayotiga bagʻishlangan sahna koʻrinishlari, vatanparvarlik ruhidagi kuy va qoʻshiqlar hamda yosh ijodkorlar tomonidan Bobur gʻazallaridan namunalar oʻqib eshittirildi.

Andijon viloyati Turizm va sport bosh boshqarmasi axborot xizmati

https://t.me/andijon_turizm_sporti

ДОСТОПРИМЕЧАТЕЛЬНОСТЬ «ИМОМ-ОТА»

2022-02-01T08:25:50.306Z

Паломнический комплекс "Имом-ота" расположен в горной зоне Тош-ота Ходжаабадского района. Паломнический комплекс был назван в честь имама Мухаммада Ханафии, который с давних лет занимает достойное место в исламском мире. Исследователи П.Абдулахадов, В.Азимов в книге “Алтыарик зиятгохлари” и “Насибаномайи» Мухаммада Ханафии написано, что «сын исламского полководца Хазрати Али Мухаммад Ханафия (умер в 700 году), завоевал Хорасан, за заслуги перед народом при вступлении в ислам, получил название ”Хорасан-ота“, ”имом-ота", поэтому в этой области есть достопримечательности, связанные с именами Бобо Хорасана, имом-ота.

Имам Ханафий умер в возрасте 700 лет. А его могила находится в городе Тус в Персидском заливе. В повествованиях говорится, что его воспитывала мать и умер он, не зная своего отца. Он отправился в путь, ища своего отца. После небольшого спора, ему приходится бороться со своими братьями имамом Хасаном, имамом Хусейном и победить их. Затем его отец Хазрат Али долго борется с ним, и на глаза Хазрат Али попадается талисман, который он когда-то дал Биби Ханифе. Таким образом, они находят друг друга. Однако, узнав, что Ханафий боролся со своим отцом, считая себя виновным за проявленное неуважение, он ушел, пока не пришел в эти земли и исчез в горном ущелье до Судного дня. Поэтому он получил среди народа имя “исчезающий Эшон” или “скрытый Эшон".

По легенде Имам Ханафий вошел в священную пещеру и исчез. В 1960 году при проводившихся раскопках векового захоронения была выдвинута гипотеза, что это тело святого и его перезахоронили.

В документах имена Лутфулло Хая Саййид Джамал Хойя свидетельствуют о том, что представители династии имамов Ханафии исповедывали суфизм, суфийское путь Накшбандия и благодаря этому достигли статуса святых. Это дало им право облегчать людские горести, пропускать их через себя. В этом святом месте бесплодные пары молят о ребенке. Посетители молятся о прощении грехов. Тем, кому помогли молитвы о рождении детей приходят в святыню и совершают жертвоприношения.

По данным, собранным в исследовании, проведенном в 1982 году, древнее здание было с резными дверями, нуждались в капитальном ремонте комнаты XVIII века, святилище было реконструировано Андижанским Махмудалибаем в конце XIX века и отремонтировано в 1959 и 1980 годах. В 1982 году был принято на государственную охрану как архитектурный памятник.

https://t.me/andijon_turizm_sporti