@bahan

Писта кўчатини етиштириш бизнеси

2022-06-29T11:29:38.259Z

Писта кўчатини юртимизда жуда кўп инсонлар қидириб сарсон бўлишади. Айрим жойларда қимматига йўл кира қилиб сотиб олиб келишади. Мен бугун ушбу мақоламда уй шароитида бир неча мингта (сони Сизнинг ажратилган майдонига боғлиқ) кўчатни 1 йилда етиштириб сотиш ёки боғ яратиш сирини ошкор қиламан.

Аввалом бор қиш кунларига (Декабр..январ) иссиқхона ёки уйингизни бирон бир илиқ хонасини мулжаллаб, 1 йиллик (кузда янги терилган бўлмасин) сақланган яхши навли писта сотиб олинади. Целофандан қопчалар, яъни контейнерлар тайёрлаб қўйилади. Контейнерлар селофан материалдан 5х25 см ҳажмда тайёрланади. Ҳаво алмашиниб туриши учун селофан қопчаларнинг қуйи қисмида майда тешикчалар ҳосил қилинади. Селофан қопчалар тупроқ, қум ва гўнг аралашмаси билан тўлдирилади ва 2–3 см чуқурликда биттадан уруғ экилади. Ўстириб олинган ниҳоллар март-апрель ойларида доимий жойга ўтқазилади. Ниҳолларни экиш вақтида селофан қопча ўткир пичоқча ёки бошқа асбоб билан кесилади ва илдиз атрофи тупроғи бузилмасдан экилади. Уни имкон қадар тупроқ кўп сувламасдан дренаж яхши бўлишини таъминлаш керак (балчиқ бўлиб кетмаслиги керак), гуёки томчилангандек суғориб турилади. Писта ниҳоллари март..апрель ойларида бир қаричдан баланд бўлиб, ўниб чиқади. Кўчатчилар шундай кўринишда сотишади, бироқ уни пайвандласа сер ҳосилли бўлади.

Унинг учун писта дарахти қаламчаларидан топиб, тайёрлаб туриш керак. Қаламчалар 10 кунгача намликда сақлаш мумкин. Пайванд қилинади (июнь..июль ойларида эрта саҳарда ёки кечаси). Бири улаш ишини бажаради, иккинчиси уланган куртакларни боғлайди, куртакли пўстлоқни устки қисми билан уланадиган куртакнинг тепа қисмидаги оралиқ 1 мм бўлиши керак. Уланган куртак плёнка билан боғланади. Бунда барча кесилган қисм плёнка билан ёпилади, куртак эса очиқ ҳолда қолдирилади. Полиэтиленли плёнканинг узунлиги 30–35, эни 1–1,5 см бўлиши керак. Куртак уланувчи билан 15–20 кундан сўнг бирлашиб кетади. Шу вақтга келиб ленталар ечилади. Тутиб кетган куртаклар саноқдан ўтказилади ва кейинги эрта баҳорда Сизга тайёр кўчат булади.

Агар боғ қилиш истаги бўлса, 6 х 6 оралиқда экилади. Уруғдан экилган кундан бошлаб 7..8 йилларда ҳосилга кира бошлайди.

Хурматли Томорқам телеграм канали обуначилари, агар ушбу мақолам бўйича тушунмаган жойларингиз бўлса, ўз фикрларингизни пастки қисмда (комментарияда) қолдиринг. Яхши даромад топинг, топганингизга оллоҳим барака берсин.

БОДОМ КЎЧАТИНИ ЕТИШТИРИШ

2022-06-27T04:23:19.230Z

Бодом уруғидан кўпайтирилади, аммо уруғидан кўпайтирилган бодомнинг навининг сифати яхши сақланмайди, шунинг учун маданий навларини пайвандлаш йўли орқали етиштириш лозим булади. Мевачиликда пайванд қилинишни талаб қилувчи ўсимликларни кўпайтириш учун, аввало пайвандтаглар етиштирилиши керак. Пайвандтаглар икки гуруҳга ажралади:
1. Генератив (уруғ пайвандтаглар).
2. Вегетатив пайвандтаглар.
Бодом учун уруғ пайвандтаглар. Ширин бодом учун оддий бодом яхши пайвандтаг бўлади. У асосан лалми сер шағал ва тошли тупроқда ўсади. Бухоро аччиқ бодоми ширин бодом учун паст бўйли пайвандтаг бўлади. У қурғоқчиликка жуда чидамли бўлиб, кўплаб илдиз бачкилар чиқаради, илдизлари узоқ яшамайди ва ўсимликлари қишдан барвақт уйғонади. Шафтолининг уруғ кўчати бодом учун кучли ўсадиган пайвандтаг ҳисобланади, лекин бодом 50 йил, шафтоли эса 20-25 йил яшагани учун шафтолини бодомга пайвандтаг сифатида тегишли текширишдан кейин эҳтиётлик билан тавсия этиш керак.
Клон пайвандтаглар. ГФ 677 клон пайвандтаг бодом ва шафтолини чатишмаси – гибридидан олинган. Бу энг кенг қўлланиладиган клон пайвандтагдир. Пайвандланганда бодом билан жуда яхши пайвандланиш кузатилмоқда. Ушбу илдиз бодомлар учун ҳар тарафлама муносиб пайвандтагдир.

Уруғларни сақлаш, стратификациялаш (қумлаш) ва экиш. Бодом кўчатини етиштириш учун танланган уруғлар тўлиқ пишиб етилган бўлиши керак. Кўчат етиштириш мақсадида тайёрланган уруғлар ювилади, қуритилади ва қуруқ жойда сақланганидан кейин қумланади. Нам қум, ёғоч қипиқлари, перлит, вермикулит, мох ва бошқалар билан салқин жойда сақланади. Бодом уруғлари 1-5 °C ҳароратда 45-60 кун қумда ушлаб турилади. Бодом уруғларининг 1 қисмига 6-8 қисм қум аралаштирилади.

Пайвандтаг кўчатзорига уруғлар кузда ёки эрта баҳорда экилади. Кузда экилганда уруғларни экиш нормаси 10-15% оширилади, чунки уруғларнинг бир қисми нобуд бўлиши мумкин. Бодом кўчатзорлари барпо этиш учун эгатлар 70 см оралиғида тайёрланади ва уруғлар ораси 10 см, чуқурлиги 6-8 см қилиб экилади. Уруғ экиш меъёри 1 гектар майдонга аччиқ бодом уруғи 160-450 кг, оддий бодомдан 240-500 кг уруғ сарф бўлади.

Пайвандлаш. Пайвандлаш олдидан кўчатзор албатта суғорилади ва танаси пастки бачки новдалардан тозалананади. Бодом июлнинг учинчи ўн кунлигидан сентябрнинг биринчи ўн кунлигигача, оддий «Т» - симон усулда куртак пайванд қилинади. Икки ҳафтадан сўнг пайванднинг тутган ёки тутмаганлиги аниқланади ва тутмай қолганлари бодомнинг пайвандтагга олдин уланган ўша нав куртаги билан қайтадан пайвандланади. Кузда пайванд боғлами бир оз бўшатиб қўйилади ва қиш давомида боғланма олиб ташланмайди. Келгуси йил эрта баҳорида кўчатнинг пайванд қилинган жойидан тепа қисми батамом кесиб ташланади. Тутмай қолган пайвандлар ўрнига янги ўсиб чиққан куртакларни қайта пайванд қилиш мумкин бўлади.

1-маданий ўсимликдан новда олиш ва новдадаги баргларни олиб ташлаш; 2-новдадан кесиб олинган куртак; 3-пайвандтагдан «Т»симон шаклни кесиш, куртакни жойлаштириш ва боғлаш

Келгуси йилнинг эрта баҳорида боғлам олиб ташланади. Кўчат тез ўсиши ва пайванд яхши тутиши учун кўчатларни ўз вақтида ва сифатли парваришлаш лозим. Кўчатларнинг ўсиш даврида гектарига 90 кг азотли, 60 кг фосфорли ва 20 кг калий ҳисобида ўғит солинади. Куртакларнинг тўғри ва ёш новдаларнинг тез ўсишини таъминлаш учун ёввойи шохларни ўз вақтида бутаб туриш лозим. Яхши парвариш қилинган ниҳолларнинг бўйи кузга бориб 1-1,5 метрга етади, ўсиш даврини яхши тугаллайди.

Помидорларнин куриб кетиши сабаблари ва унга карши самарали усул.

2020-08-03T03:55:49.003Z

Ассалому алайкум азиз деҳқонлар ва томорқасида экин текин билан машғул юртдошлар!

Бутун Ўзбекистон – ҳаттоки қушни давлатларда мана бир неча йил давомида ўз томорқасида Помидор экинини экаётган инсонларнинг экини нобуд бўлиб, барча уринишлари самарасиз бўлмоқда.

Бунинг сабабларини биладиган мутахассислар эса, бу ҳақда биздай инсонларга сирини ошкор қилмасдан келмоқда.

Бугун ушбу сирни Сизларга ошкор қиламан.

Илгарлари пахта даласи куплиги ва ушбу далаларда куплаб биолабараториялар булганлиги, касалликларга ва зараркунандаларга қарши курашганлиги боис, аҳоли томорқаларига ҳам ўз таъсирини курсатган. Охирги йилларда пахта даласи камайиб бориши ва биолабараториялар сони кескин камайиб кетиши оқибатида томорқаларимизда касалликлар ва зараркунандалар купайиб кетган. Шу баробарида касалликларга жуда нозик ва сезувчан булган помидорларимиз биринчи зарбани курмоқда.

Шу сабабли, Помидор экишда 2 та нарсага эътибор қилишимиз керак, жумладан:

Биринчиси, Помидор касалланиб куриб кетиши бу Фитофтороз касаллиги. Бу касаллик Ўзбекистон бўйлаб ёйилиб кетган бўлиб, касаллик помидорларнинг томирлари замбуруғланиб, чиришга олиб келинади. Экилган помидорларимиз баҳор якунида ёғингарчилик кўпайганлиги ва экинларимиз май ойида ушбу касалликка чалиниб, томиридан чиришни бошлайди.

Шу сабабли, Агродуконларда сотилаётган “Фитоспарин.М” номли самарали дори билан помидорларимизни май ойи бошларида ва ҳар 3 хафтада бир марта оддий суғоришдан сўнг сув билан аралашмасини ярим литр билан ҳар бири тагига қуйиб чиқилса, касалликка чалинмайди.

Иккинчиси бу икта зараркунандалар. Булар ҳақида ҳозир қисқача айтиб ўтаман.

Диққат билан укинг. Биринчи зараркунанда ҳақида.

Интенсив ва органик ўстириш технологияларида кўпгина мамлакатлардаги деҳқонлар хавфли зараркунанда Помидор куясига дуч келиб, экин ҳосилини бутунлай йўқ қилиб юбориши мумкин.

Бугунги кунда зараркунанда Помидор куясини назорат қилишнинг ягона самарали воситаси йўқ. Мавжуд дори-дармонларнинг ҳеч бири зараркунандани бутунлай йўқ қила олмайди.

"Кон куя" номи (лот. Помидор куяси) ҳашарот личинкасининг ўсимликдаги нақшларга ўхшаш доғлар (маъданлар) қолдиради. Зарарланган барглар, куртаклар, поялар, гуллар, ҳатто ейилган жойларда мевалар бутунлай тухумлари ва у орқали қуртлари билан қопланади.

"Помидор куяси" учун таянч ўсимлик помидор ҳисобланади. Қулай иқлим зоналарида, озиқ-овқат ва табиий душманларнинг кўплиги билан, бу ҳашарот помидорнинг бутун ҳосилини йўқ қилиб, 100 фоиз йўқотишга олиб келиши мумкин, шунинг учун зараркунандаларга қарши кураш жуда муҳимдир. "Помидор куя" энг хавфли карантин ҳашаротлар бири сифатида дунё бўйлаб эътироф этилади.

Улар помидор экинларини етиштирмоқчи бўлган деҳқонлар учун муҳим зарар, ҳақиқий фалокат бўлади.

Эътибор беринг, помидорларимизни бир қараганимизда гуёки касалланган деб уйлаймиз. Бироқ йуқ, бу касаллик эмас, бу Помидор куяси 1 ойда минглаб тухум қуйиб купайиб кетиши оқибатида помидор экинларимизни 20 кунга бормасдан барчасини нобуд қилади.

Иккинчи зараркунанда бу Пахта ёки Кўсак қурти, яна уни Пахта чаноқ капалаклари деган номланган.

Пахта чаноқ капалаклари 14 кундан 26 кун давомида яшаб, кунига ўртача 25-30 та тухум қўяди. Улар ҳаёти давомида 300 ва 500 тухум орасида ётади. Ушбу зараркунанда помидор экинларидаги баргларига ва пояларига тухум қуйиб купая бошлайди. Шунингдек, нафақат помидор экинлари, ҳатто атрофдаги барча ўсимликларга ҳам тухумларини қўйиб чиқади.

Ушбу зараркунандалар бутун ёз фаслида 4-5 мартадан купайиб, Помидор новдаларини, баргларини ва гулларини пайхон қилишни бошлайди. Куз фасли келиши билан кусак куртлари ер тагига кириб томирлар билан озуқлана бошлайди ва у ерда пупага айланиб, эрта баҳоргача қишлайди. Баҳор фаслида яна капалакга айланиб, экинларни пайхон қилишга киришади.

Помидор куяси ва Кусак қуртига қарши кураш усули эса Бу қишлоқ жойларимиздаги фермерларнинг биолабараторияларда етиштирилаётган учар ҳашаротлардан бири трихограмма хашаротидир.

Уларни бундан бир неча ўн йиллар илгари қулланиб келинаётган трихограмма учар ҳашароти қишлоқ хўжалигида қўлланиб келинмоқда.

Май ойидан август ойигача турли ўсимликларда зараркунандалар пупат, жуфтлаш ва тухумларини қўя бошлайди.

Шу сабабли май ойларида трихограмма ҳашароти биолабараториялардан шиша банкаларда етиштирилаётгани боис, ўзингизни томорқангизга қўйиб юборсангиз барча зараркунандалардан холис буласиз ва Сизнинг помидорларингиз яна аввалгидек ривожлана бошлайди.

Томорқадаги трихограмманинг умри 2-5 кун. Тухумларнинг кўп қисми дастлабки уч кунда урғочи зараркунандаларнинг тухумини йўқ қилиб қўяди. Зараркунандаларнинг тухумларига, қуртларга қарши улар курашиб, яъни уларни чақиб, озиқланади.

Трихограмма ёрдамида маккажўхори, буғдой, арпа, нўхат, кунгабоқар, карам ва бошқа ўсимликларда паразитлик қиладиган 60 дан ортиқ ҳар хил зараркунандалардан маҳсулотлар ҳимоя қилиш мумкин.

Трихограммани биолабарторияларга бориб мурожат қилганингизда мутахассислар Томорқангизнинг катта кичиклигига қараб Сизга қанча миқдорда Трихограмма ҳашаротини бериш ва уни қандай ҳолатда томорқангизда кўпайтириш ҳақида ўзлари тавсия беришади.

Май ойидан бошлаб Трихограмма ҳашаротлари токи куз фаслининг охиригача Сизнинг томорқангизни турли зараркунандалардан ҳимоя қилади.

Мана азиз томошабинлар! Сизлар Помидор экини юртимизда нима сабабдан нобуд бўлиши ҳақида, яъни қандай касаллик юқуши ва зараркунандалар пайхон қилиши, уларга қарши қандай курашиш усули ҳақида билиб олдингиз.

Агар бу ҳақда ўз фикрларингиз бўлса Томорқам ютуб каналидаги ушбу ҳақдаги видеода ўз комментариянгизни ёзиб қолдиринг.https://www.youtube.com/watch?v=Suf3maR8_QM

Эътибор учун раҳмат.

Ширага қарши энг зўр самарали усул топилди.

2020-07-17T01:37:19.819Z

Ассалому Алайкум! Томорқачи деҳқонлар!!! Бугун Сизларга ўзимнинг ўз томорқамда экилган экинларим устидан ўтказган синовлардан бирида ширага қарши энг яхши самара берадиган, энг асосийси арзон ва топиладиган махсулот ҳамда кимёвий препаратлардан йироқ бўлган усулни Сизларга сирини ўргатаман.

Ўз томорқамда ширага қарши бир неча синовлар ўтказганимда сўнги пайтларда Нашатир спирти ҳам ёрдам бермади. Чунки нашатир спирти аралашмасини баҳорда бошлаш керак эди. Бироқ вақтни бой бергандан сўнг, ёз фаслида шираларга қарши таъсир қилмай қўйди.

Ниҳоятда синовларим давомида шираларга қарши йўли топилди. Ширага қарши энг зўр самара бу Истеъмол содаси, йод ва кир совундир. Буларни барчасини аралашмаси билан мен барча ўсимликларга ёпишадиган шираларга қарши курашиб, натижада яхши самара берди, яъни ширалар батамом йўқолди. Энди қушни томорқада ҳам ширалар борлиги сабабли ширалар 1 хафтадан сўнг яна пайдо бўла бошлади. Шу сабабли, арзон махсулот бўлганлиги учун мен ҳар 4 кунда профилактика сифатида сепиб тураман.

Учаласининг аралашмаси билан томорқамда экинлардан ташқари дарахтлар ва гулларга қўлладим. Натижа аъло даражада.!!!!! Ширалар йўқолди!!! Шунингдек, Помидор ўсимлиги 3 йилдан буён касалликка чалиниб, чириб кетадиган булганди. Бу йил ҳам яна касалланиб, қуриб бошлаганда ушбу усулни қуллаганимдан сўнг помидорларим яна жонланди. Ҳозирги кунда ҳосилга кира бошлади.

Қаранг касалликдан заррача асар қолмади. Шунингдек, томорқада кўсак қурти, яъни пахта қурти пайдо бўлганди. Сода ва йод аралашасини сепгандан сўнг йўқолди.

Энди қўллаш усулига келсак!

5 литрли қуёшда турган илиқ сувга (хлорли кран суви булмасин) 2 ош қошиқ истеъмол содаси ва 4 ёки 5 томчи йод аралашмасини (йод дорисининг кўп қуйиб юборсангиз ҳечқиси йўқ) ҳамда 10 гр кир совун аралаштириб, кечқурун қуёш ботгандан сўнг яхшилаб сепиб чиқиш керак. Дарахтлар учун баъзида 3 ёки 4 ош қошиқ сода қўшиш мумкин.

Мана азиз дўстларим, ушбу аралашмани тайёрлаб, шира босган ёки касалланган экинларингизга қўллаб кўринг. Натижа албатта Сизни қувонтиради. Чунки Сиз ҳосил олиш умиди билан меҳнатингиз учун хафа бўлиб юрмайсиз, асинча ҳосилингиздан хурсанд бўлиб, барака топасиз.

#ширагакарши

#ширакасаллиги

#помидоркасаллиги

#бодрингкасаллиги

#касалликкакаршидори

Агар бу ҳақда ўз фикрларингиз бўлса Томорқам ютуб каналидаги ушбу ҳақдаги видеода ўз комментариянгизни ёзиб қолдиринг. https://youtu.be/CgF0sxz3bgk

Эътибор учун раҳмат.

Помидор етиштирувчиларга маслахатлар.

2020-06-28T04:53:16.767Z

Ассалому алайкум азиз мухлислар! Ўз томорқасида экин-текин билан шуғулланувчи деҳқонлар! Бугун Сизлар билан Помидор етиштирувчи мутахассисларнинг касалликларни олдини олиш ва ҳосилдорликни ошириш каби маслаҳатлари билан таништириб ўтаман.

Кўп қуёш нури керак:

Помидорларни кўп қуёш нури тушадиган жойга экиш керак. Бундан ташқари, помидор тиғиз жойни ёқтирмайди, помидорларнинг ҳар бир кўчати масофасини 25 см дан кам бўлмаслиги керак.

Тўғри суғориш:

Помидорларни тўғри суғориш керак. Шуни эсда тутиш керакки, помидор остидаги тупроқ намлиги юқори бўлиши керак - камида 85%, лекин ҳаво намлиги тахминан 50-60% даражасида қолиши керак. Етарлича намлик помидорни кўпроқ сувли бўлишига олиб келади, бу дегани ширинроқ бўлади!

Илиқ сув:

Узоқ вақт қуёш нурида турган билан суғориш, энг самарали суғоришдир деб маслаҳат беришади мутаҳассислар. Суғориш жараёнида сувга бироз гўнг, яъни маҳаллий ўғит, яшил ўтлардан тайёрланган чиринди (бегона ўтлар) қўшиш жуда яхши.

Ўғитлар:

Помидорни ўғитлашда, уни экилган ниҳол даврида бир марта ўғитлаш керак ва ҳосилдорликка яқин қолгунга қадар танаффус қилиш керак. Гап шундаки, азотли ўғитларнинг кўплиги помидорни ривожланишини бироз секинлаштириши мумкин. Шу сабабли, помидор кўчати ривожланиб бўлиб, ҳосилга тайёргарлик кўриш арафасида бўлганда яна ўғитлаш зарур. Ўғитлашда энг яхши самара бу – бир челак сувга 4 томчи йод аралаштириб суғорилса, (хафтада 1 марта) ҳосиллар бироз олдинроқ пишади!

Сода (истеъмол содаси) ва ўтин кули:

Помидор ҳосилида ширин таъмли бўлишини истасангиз, ҳосилингиз шакилланаётган даврида ўтин кули (айниқса ғузапоянинг кули) эритмаси (10 литр сувга 1 коса кул аралашмаси) билан тўйинтириш тавсия қилинади. Ҳар бир кўчат тагига атиги 0,5 литр бундай эритмани қуйиш кифоя.

Помидорларнинг илк ўсиб бориб, ҳосилдорлик даврида ҳам яхши ривожланиши ва касалликка чалинмаслиги учун 1 ош қошиқ истеъмол сода ва 1 ош қошиқ ўсимлик ёғи, 1 чой қошиқ суюқ совун ва 3 дона аспирин (Ацетилсалици́ловая кислота́) таблеткасини илиқ сувга (қуёшда илиқланган) аралаштирилиб сепишингиз керак. Мазкур профилактикани 3 хафтада 1 маротаба ўтказиб туриш тавсия қилинади.

Агар бу ҳақда ўз фикрларингиз бўлса Томорқам ютуб каналидаги ушбу ҳақдаги видеода ўз комментариянгизни ёзиб қолдиринг.https://www.youtube.com/watch?v=ljNwTo-IvGU

Эътибор учун раҳмат.

Бодринг учун витамин Бомба, тез ўстирадиган озуқа.

2020-06-18T00:45:36.822Z

Кўпинча, бодрингни бошланғич ҳосили юқори бўлиб, кейинчалик ҳосилдорлик пасайиб кетади. Бунинг сабаби, бодринг ҳосилдорликни бошланғич даврида тупроқдаги керакли ўғитлардан ва минераллардан фойдаланиб, кейинчалик ўғитли минераллар борган сайн камайиб етишмаслиги боис ҳосилдорлик пасаяди.

Бодрингни етарли даражада озиқлантириш учун мен Сизларга қимматбаҳо дори воситаларни сотиб олишни тавсия бериб ўтирмайман, аксинча, барчамизни кунлик рўзғоримизда ишлатиладиган маҳсулотлардан “Бомба” ўғитли минерал тайёрлаш сирини ошкор қиламан. Яъни Сизларга бугун мумкин бўлган энг содда ва самарали воситани айтиб бераман.

Бунинг учун бизга керак:

1). Бир литрли банка

2). 0,5 литр илиқ сув

3). 1 ош қошиқ хамиртуруш (дрожи)

4). 1 ош қошиқ шакар

Озуқа аралашмасини тайёрлаш учун уни илиқ сувга бир ош қошиқ хамиртурушни солиб, яхшилаб аралаштирамиз. Шундан сўнг, бир ош қошиқ шакар солиб аралаштирамиз. Мазкур суюқликни икки соатга қоронғи илиқ жойга қўямиз.

Икки соатдан кейин эритмани 10 литр тоза сувда яна аралаштиришимиз керак.

Бу ҳали ҳаммаси эмас, қўшимча равишда юқорида тайёрлаган эритмамизга бодрингни яхши ўсиши учун калийли ўғит жуда кераклигини ҳисобга олиб, ярим челак ўтин кулини аралаштирамиз. Ана энди бизнинг бомбали озуқа эритмамиз тайёр бўлди. Ҳар бир бодринг кўчати тагига оддий суғоришдан сўнг тахминан 0.5 литр.дан қуйиб чиқамиз.

Ушбу бомба ўғитли озуқамизни бодринг тагига қуйиб чиққанимиздан сўнг 4 ёки 5 кун ичида бодрингиз ўсиши тезлашиб, ҳосилдорлик ошиб кетади.

Ушбу жараённи 3 хафтада бир марта қўллашни тавсия этамиз.

Агар бу ҳақда ўз фикрларингиз бўлса Томорқам ютуб каналидаги ушбу ҳақдаги видеода ўз комментариянгизни ёзиб қолдиринг. https://youtu.be/Tw3YVXDojgM

Эътибор учун раҳмат.

Уй шароитида Макадамия - Австралия ёнғоғи (дунёдаги энг қиммат ёнғоқ) кўчатини етиштириш.

2020-06-12T04:01:50.986Z

Макадамия ёки ёнғоқлар қироли дастлаб Австралияда ўсган, маҳаллий аҳоли ўсимликни муқаддас деб билган. Табиий шароитда дарахт 15 м гача ўсиши мумкин, аммо бино ичида (хонада ёки иссиқхонада) ўстирилганда унинг баландлиги 3 м дан ошмайди.

Ўсимликнинг кўриниши

Макадамия барглари силлиқ, чўзилган. Ялтироқ бошоқсимон шаклидаги озгина пушти рангли гуллар уушбу дарахтга гўзаллик бағишлайди .

Асл ватани Австралия бўлган макадамия энг калорияга бой ёнғоқлардан бири ҳисобланади. Макадамия В, Е, РР гуруҳлари витаминлари, кальций, мис, фосфор, калий, натрий, органик кислоталар ва ёғлар манбаидир. Уни меъёрида истеъмол қилиш юрак-қон томир касалликлар учун ажойиб профилактика ва суяклар касаллигини самарали даволовчи воситадир. Бундан ташқари, ёнғоқ антиоскидант ва ёшартирувчи хусусиятларга эга.

Макадамиянинг мевалари зич яшил-жигарранг қобиқ билан қопланган ёнғоқдир. Улар ўсимликнинг асосий афзаллиги битта макадамия дарахтидан 3 кг гача ёнғоқ тўплашингиз мумкин.

Макадамияни етиштириш

Макадамия квартирада ёки иссиқхонада яхши ўсади. Уни унумдор тупроқ, қум ва тош чиплари аралашмаси билан тўлдирилган кенг гулзорларга экиш яхшидир.

Ушбу экилган ўсимлик жойи ёрқин бўлиши керак ва ҳарорат 3 ° C дан пастга тушмаслиги керак. Макадамия доим ям-яшил билан боғлиқ ва қуёшни кўпроқ талаб қилади.

Ёзда макадамияни тоза ҳавога, масалан балконга олиб чиқиш мумкин. Бироқ ўсимликни кучли шамолдан ҳимояланган жойда жойлаштириш керак. Ҳақиқат шундаки, дарахт жуда мўрт новдаларга эга ва шамол уларга зарар етказиши мумкин.

Ўсимлик гуллаши учун (бу фақат беш ёки олти ёшга этгандан кейин содир бўлади) хона ичидаги ҳароратни 15-17 ° С даражасида сақлаш тавсия этилади. Макадамиянинг ўсиши учун идеал ҳарорат 20-25 ° С дир. Бундай шароитда ўсимлик чиройли ва гуллаб-яшнайди.

Табиатда бу дарахт тошлоқ, қумли тупроқларда ўсади, шунинг учун уй шароитида тувакда экилган ушбу ўсимлик катталашган сайн бошқа каттароқ идишга кўчириш мақсадлироқ бўлади.

Макадамияни ёзда ҳафтасига кўпи билан 2 марта, қишда эса - ойига 3 мартагача суғориш керак. Тупроғи сув билан тўлиқ тўйинганлигини таъминлаш муҳимдир. Тупроқнинг қуриши макадамия учун хавфли. Илдиз чиришига йўл қўймаслик учун тувакда яхши дренаж керак . Қишда, ойда бир марта, макадамия кўчатини пуркагич билан намлаш керак, баҳорда ва ёзда эса уни ёмғирда қолдириш керак.

Макадамияни экишнинг энг осон усули уруғлардан кўпайишдир. Уруғни эса топишни ягона муаммоси уни четдан олиб келинаётган импортчилардан сотиб олишдир. Макадамия ёнғоқлари аввал 24 соат давомида илиқ (тахминан 35 ° C) сувга қўйилиши керак. Кейин шишган уруғларни торф ва перлит аралашмаси билан тўлдирилган тувакларга ёки махсус қутиларга экиш керак.

Субстрат ҳар доим нам, аммо балчиқ ёки ботқоқ бўлмаган жойда, тахминан 25 ° C ҳароратда сақланиши керак. 6-8 хафта ичида тупроқ юзасида униб чиққан новдалар пайдо бўлади. Ҳақиқий барг 6-8 та пайдо бўлганда, ёш ўсимликни алоҳида идишларга кўчириш мумкин.

Ёш ўсимликларни кўп парваришга мухтож эмас. Илдизларнинг тувакда сиғмай қолишни олдини олиш ва ўз вақтида макадамияни катта идишларга кўчириш кифоя қилади . Биринчи йилда бу экзотик ўсимлик 2-3 кўчириб ўтишни талаб қилиши мумкин.

Мазкур ўсимлик кўчатлари ҳозирги кунда интернет сайтларида 40$-45$ миқдорида сотилмоқда. Бир йил давомида парваришлаган мазкур ёнгокнинг атиги 10 та кучатини 400$ га ёки унданда қимматига сотиш мумкин.https://tashkent.flagma.uz/ru/oreh-makadamiya-postavki-iz-vetnama-eksporter-o1783422.html

Агар бу ҳақда ўз фикрларингиз бўлса Томорқам ютуб каналидаги ушбу ҳақдаги видеода ўз фикрларизни комментарияга ёзиб қолдиринг. https://youtu.be/CoHUctfUMm8

Эътибор учун раҳмат.

Уй шароитида Фундук - ўрмон ёнғоғи кўчатини етиштириш.

2020-06-09T07:09:28.239Z

Фундуқ Ўрмон ёнғоғида организмга керакли барча аминокислоталар, шунингдек B, А, С, Е, РР гуруҳлари витаминлари мавжуд. Фундуқдаги темир моддаси миқдори мол гўштдаги миқдоридан ҳам кўп. Фундуқ организмдан токсинлар ва шлакларни чиқариб ташлашга ёрдам беради, иммунитетни мустаҳкамлайди, ундаги Taxol моддаси эса ўсимталарнинг ҳосил бўлиши ва ривожланишига тўсқинлик қилади.

Фундуқ ёнғоғидан дунё бўйича энг фойдали бўлган ёғ олинади. Ушбу ёғларни турли таомларга, салатларга ва медецинада даволашга ишлатилади. Ширинлик ишлаб чиқариладиган айниқса шоколад фабрикаларида фундуқ ёнғоғи қўшилган ширинлик юқори баҳоланади.

Ҳақиқий боғбон албатта ёнғоқдан фундуқ етиштиришга ҳаракат қилади. Унинг меваси энг тўйимли ҳисобланади. Унда фойдали хусусиятлар мавжуд. Фундуқ ёнғоқдан кейин иккинчи ўринда туради. Фундук етиштириш учун агротехника қоидаларига риоя қилиш ва тажрибали боғбонларнинг тавсияларига амал қилиб, ўзингизнинг минтақангизда етиштиришингиз мумкин.

Қандай қилиб фундуқ ёнғоқини экиш керак?

Фундуқ етиштиришнинг бир неча йўли мавжуд. Фундуқ ёнғоқини уй шароитида тувакда экишнинг усули энг осон. 1 метр квадрат бошига 50 ёнғоқ миқдорида уруғларни экишни мулжалланг. Уни 7-8 см чуқурликда тувакка экинг. Ушбу ёнғоқни экиш вақти куз фаслидир. Чунки, ёнғоқ қиши билан тупроқда бўлиб, эрта баҳорда униб чиқа бошлайди.

Экишдан олдин уруғларни 3-4 ой ичида қуйидагича стратификатция қилиш керак:

Ёнғоқ 5 кун давомида сувга намланади.
Нам қум ва ёнғоқнинг бир қатлами навбат билан идишга (ёғоч қути ёки пластик тувак) қуйилади ва шу билан ёнғоқларни қум билан аралаштириб юборади.
Қувват ҳарорати + 2 ... +5 0 C бўлган хонага чиқарилади .
Ёнғоқнинг ҳолатини вақти-вақти билан текшириб туринг, уларни 10-15 кун ичида 1 марта қум билан аралаштиринг.
Қумнинг ёнғоққа нисбати 3: 1 бўлиши керак. Идишда кислород учун тешиклари бўлиши керак.

Фундуқлар экиладиган тупроқ ҳолати жуда оддий. Турли хил тупроқларда ўсиши мумкин. Асосий нарса шундаки, бу тупроқлар жуда лой, ботқоқ, шўр ва қуруқ қум бўлмаслиги керак.

Баҳорда Сиз эккан фундуқлар униб чиққач, тупроқ намлигига эътиборли бўлиб, парвариш қилинг. Фундуқ кўчати йил давомида 20-30 см.гача ўсиб тайёр кўчат бўлади. Оддий ёнғоқ каби кўчатдан очиқ ерга экилган фундуқ 4 йилда мевага киради.

Очиқ ер майдонига, яъни томорқага экилган ёш фундуқларни 2 ёки 3 йил давомида қишда совуқдан нобуд бўлишидан сақлаш жойиз. Яъни қиш келишидан олдин уни бирон бир мато билан ўраб қўйиш керак. Ҳосилга кирган фундуқлар қишни совуқларига чидамли бўлиб, совуқдан қўрқмайди.

Биргина Туркия, Греция, Италия, Озарбайжон, Абхазия, Грузия ва Хитой давлатларидан келтирилаётган кўчатлар нархи 40$дан 90$гача сотилади. Ўзбекистонда ҳам ушбу ёнғоқ тури иқлими жуда мос келади.

Ушбу ёнғоқни кучли шамол бўлмайдиган ҳудудда етиштириш мумкин. Фундуқ ёнғоғига талаб катта бўлган бир пайтда қўшимча давромад сифатида кўчат етиштириш ёки қир адирли, тоғли, шамол кучли бўлмаган ҳудудда боғ яратиб катта даромад кўрса бўлади.

Агар бу ҳақда ўз фикрларингиз бўлса Томорқам ютуб каналидаги ушбу ҳақдаги видеода ўз фикрларизни комментарияга ёзиб қолдиринг. https://youtu.be/tuOFvssfLU0

Эътибор учун раҳмат.

Уй шароитида Дайкон - ок редискани етиштириш. #Daromad. #окредиска #янгиэкин

2020-06-05T05:06:52.663Z

Оқ редиска "Дайкон" - Япон ўсимлиги

Дайкон ўсимлиги япон турпи ёки япон Дайкони (оқ редиска) деб аталувчи илдизли ўсимликидир, у турпдан фарқли ўлароқ, оқ рангда, узун илдизли ва мўътадил ҳидга эга. Ушбу навни қадимги даврда Хитойда ўсадиган турп навларининг Осиё гуруҳига мансуб пешона ўсимликдан кўпайтириш орқали олинган. Япон тилидан таржима қилинган Дайкон "катта илдиз" деган маънони англатади. Дайкон япон ошхонасининг энг муҳим таркибий қисмларидан бири бўлиб, салатлар, шўрвалар, қайнатилган, қовурилган ва тузланган ҳолда ишлатилади.

Оқ редиска "Дайкон" - Япон ўсимлиги

Экиш: уруғларни очиқ ерга экиш - май ёки июнь ойларида; кўчатлар учун эса уруғларни экиш - март ойининг иккинчи ярмида экилади.

Тупроғи: ер ости сувлари чуқур жойлашган ҳудудларда юмшоқ, қумли ва енгил қумлоқ нейтрал тупроқларда.

Суғориш: мунтазам ва тупроқдаги намликни сақлаб турилган ҳолда суғорилади.

Дайконни қандай ўстириш керак

Дайконни экиш ва унга ғамхўрлик қилиш жуда осон. Дайкон очиқ ерга экишда хар бир кучатлар оралиғи 10-15 см бўлиши керак. Тупроғи жуда юмшоқ, чуқурлиги 40 см гача торфли ёки қумлоқ бўлиши лозим. Тупроқни суғорганда тупроқ қотиб қолмаслиги катта аҳамиятга эга.

Оддий редиска каби Дайкон ҳам сувни ва ўғитли унумдор тупроқни яхши кўради. Агар дайконга намлик етишмаса илдизга тасир қилиб, аччиқ там бериши ва ёқисиз хидга эга булиши мумкин.

Бир сўз билан айтганда Яхши ҳосил олишнинг калити бу Дайконни мунтазам ва етарли даражада суғоришдир.

Дайконни экишдан олдин режалаштириш, ерни тайёрлаш, етиштириш ва ҳосилни йиғиб олиш:

1. Тупроқни яхшилаб тайёрланг. Ерни катта чуқурликка қазиб олинг. Дайкон узунлиги ўн беш сантиметрдан икки ярим метргача, оғирлиги беш юз граммдан уч килограммгача бўлиши мумкин.

2. Дайкон қисқа ёруғлик кунларида яхшироқ ўсишини эсдан чиқармаслик керак, чунки у узоқ кунларда тезда гуллашни бошлайди. У эрта баҳорда ёки ёзда сентябр ойининг бошида экилган бўлиши керак.

Уруғлар бирма-бир ва беш сантиметр чуқурликка экилади. Уруғлар орасидаги масофа ўттиз сантиметр, қаторлар орасидаги қирқ сантиметр бўлиши керак. Агар сиз баҳорда уруғлар экган бўлсангиз, унда сиз кўп суғоришингиз шарт эмас. Ер нам бўлади ва ёзда, тешикли экишда экстрасол билан сув қуйиш керак (10 л сув учун 10 мл).

Уруғларни сепгандан сўнг, қудуқлар нам тупроқ билан қопланган ва чириган гўнг ёки чиринди билан эритилиши керак. Уруғлар ўсиб чиққач, тўкилганидан кейин чиринди гунгни яна қўшиш керак. Намликни ушлаб туриш ва қуёшдан сақлаш учун устига сомон, хашак бегона ўтлар, пичан мос келади.

3. Юпқалаш керак. Зич экиш билан гуллаш ҳам эрта бошланади. Илдиз ҳосили ўсмайди. Агар гул ўқи эрта пайдо бўлса, илдиз мевалари нормал ривожланиши учун уни олиб ташлаш керак.

4. Тупроқ юмшатиб ва намликни сақлаб туриш керак. Аммо тупроқ сув билан ботқоқ бўлиб қолмасин, акс ҳолда ўсимлик шиллиқ қаватдаги бактериозни юқтириши мумкин.

5. Дайкон, ҳар қандай ўсимлик каби, уни парвариш керак. Куртаклар ва барглар пайдо бўлганда парвариш керак. Озиқлантириш учун, Акваринли экстрасолдан фойдаланинг.

6. Зараркунандаларнинг олдини олинг: бурга ва карам пашшалари. Кўчатлар пайдо бўлиши биланоқ уларни тамаки чангига ёки кулга ёки майдаланган қизил қалампир сепиш керак. Чанг яхшироқ ёпишиши учун сиз кўчатларни совунли эритма билан пуркалптиб сепинг.

Дайконни экилган кундан бошлаб 40-50 кунда етишади.

Дайконни уй шароитида тувакларда етиштириш осонроқ. Томорқада ер хажми етмаган тақдирда, ховлининг турли жойларида тувакларни купайтириб экиш мақсадга мувофиқдир.

Дайкон - Япония истиқболли маданиятнинг ватани ҳисобланади. У эрда турли хил дайконлар бой витамин таркибли ва нозик таъми туфайли жуда машҳурдир, шунинг учун ширин сабзавот кундалик ратционга киритилган.

Тупроқни бойитиш учун сиз кузда унга қуйидаги озиқ моддаларни киритишингиз керак:

чиринди ёки компост - 1-2 кг / м2;
суперфосфат - 40 г / м2;
калий сулфат - 20 г / м2.
Агар оҳак кислоталикни пасайтириш учун ишлатилса, у ҳолда 2 ҳафта оралиғи бўлган ўғитлардан алоҳида фойдаланиш керак.

Дайконнинг фойдали хусусиятлари

Дайкон паст калорили маҳсулот бўлиб, таркибида С витамини кўп. Илдиз экинида крахмални ҳазм қилишга ёрдам берадиган фермент мавжуд, шунинг учун у ортиқча вазнга эга бўлганлар учун тавсия этилади.

Даикон таркибидаги калий тузлари организмдан токсинларни олиб ташлайди, фитонтсидлар турли инфектсияларни енгишга ёрдам беради. Бундан ташқари, Даикон таркибига магний, темир, фосфор, пектинлар, бета-каротин ва Б витаминлари киради .Хом ишлатилганда, радиатсияни, ортиқча холестеролни йўқ қилишга ёрдам беради .Овқатдан олдин Дайкон шарбати жигар ва ўт пуфаги ишига фойдали таъсир кўрсатади. Дайконни лосьонлар ва компресслар сифатида, ташқи фойдаланиш билан у йирингли яраларни даволашни тезлаштиради, сочларни мустаҳкамлайди ва силлиқ қилади.

Дайкон - ок редискага талаб жуда катта булганлиги, яъни унинг энг катта харидори Россия давлати булиб, етиштириб хосилни сотиш масаласида харидорни кидириб юриш масаласи Сизни кийнамайди. Интернетда агро сайтларда эълон килсангиз бас. Харидор телефон ракамингиз оркали топиб олади.

Агар бу ҳақда ўз фикрларингиз бўлса Томорқам ютуб каналидаги ушбу ҳақдаги видеода ўз комментариянгизни ёзиб қолдиринг. https://www.youtube.com/watch?v=nsdRHXyO2Gc

Эътибор учун раҳмат.

Уй шароитида Ананас кучатини етиштириш. Кушимча даромад.

2020-05-24T14:57:04.491Z

Уйда ананасни қандай қилиб етиштириш керак, шу тарзда мева етиштириш мумкинми?

Ананасни уйда ўстириш мумкинми ва қандай қилиб уйда ананасни этиштириш мумкин, қандай қилиб тўғри илдиз отиш керак - биз ушбу мақолада айтиб ўтамиз. Ананас бромелиад оиласи ўсимликларига тегишли бўлиб, ушбу оиланинг бошқа ўсимликлари каби бир хил кўринишга ва талабларга эга. Меванинг ҳажми етиштириш усулига ва келиб чиққан жойига, шунингдек у тувакдаги тупрок шароитга боғлиқ.

Савдода 1 дан 2 кг гача бўлган мевалар мавжуд, аммо плантатсияларда баъзи намуналар беш ёки ундан ортиқ килограммга етади. Бразилияда ўсимлик 1,5 м баландликда ўсади, бошқа шароитларда у анча ихчам бўлиши мумкин.

Энг катта плантатсиялар Хитой, Мексика, Гавайи ва Филиппинда жойлашган.

Экишга киришдан олдин, уйда ананасни қандай етиштиришни, қандай тупроқда экиш кераклигини ва ўсимликка қандай ғамхўрлик қилишни ўрганишингиз керак.

Қандай илдиз отиш керак?

Ананасни оддий хона гулидек ўстириш учун меваларни ажратиш ва эҳтиёткорлик билан қайта ишлаш керак. Акс ҳолда, у шунчаки ерда чирийди. Тожни ечиб олинг. Ананас бир қўли билан маҳкам ўрнашган, иккинчи томони билан баргларнинг тагида ён томонга бураш керак.

Шундан сунг пастки баргларнинг бир қисми олиб ташланади - камроқ шикастланиш учун бирма-бир арчилади. 10 см дан катта ананас узаги, яъни тожга ухшаганлиги учун уни тож деб атаймиз. Энди ушбу тожни кесиб олинган жойидан юкорига караб 2 см барглари бирма бир тозаланади, кичик тож учун 1-1,5 см бўшатиш кифоя қилади. Кучатимиз купрок булиши учун тожни 4 га буламиз ва 1 кунга соя жойда куритиб куямиз. Чунки сувли идишга солишдан олдин кесилган жойлар курук, яъни хул булмаслиги керак. Акс холда чириб колиши мумкин.

Диккат килинг сувли идишга томирлашга куйишда албатта шиша идишга куйинг. Чунки пластмаса идишда касалланиш эхтимоли купрок.

Ананаснинг тожи уруғланишга иссиқ, ёрқин жойда қўйилади, лекин тўғридан-тўғри қуёш нурида эмас.

Ананас тожимиз 2-3 хафтада томир чикариб колгандан сунг, тувакка тегишли чириндили ёки торфли тупрок солиб Ананас тожимизни 2-3 см чукурликда экамиз. Диққат! Идишнинг пастки қисмида тешик ва дренаж булиши керак.

Ананасимизни доим хар куни илик сув (30 градус) билан сугориш лозим.

Тувакдаги ананасимиз 20-30 см дан узундашгандан сунг уни каттарок тувакка кучиринг. Биринчи йилда Ананасимиз уйнинг бир курки, оддий гул каби туради ва иккинчи йилда гуллаб хосилга киради.

Ананасни етиштиришда уйнинг хароратига ҳам эътибор қаратиш лозим. Қишда ёки кунларнинг совуқ кунларида хона харорати 20 градусдан паст бўлмаслиги лозим.

Энг эътиборлиси, Ананас мевага кириб каттара бошлаган давридан унга қуйиладиган сувга (2 литрга 1,5 чой қошиқ) озроқ шакар аралаштириб сувни ширин қилиб суғорилса, ананас пишгандан сунг шираси ортади.

Хозирдан сиздан харажат талаб килмайдиган 20 та ёки ундан хам купрок туваклардаги ананаслар 2 йилда хосил бериб, даромад келтириши ёки уз дастурхонингизда Ананас меваси булиши мумкин. Хосил солган холдаги Ананас туваги билан уни сотмокчи булсангиз, билинки унинг харидори куп булади.

Агар бу ҳақда ўз фикрларингиз бўлса Томорқам ютуб каналидаги ушбу ҳақдаги видеода ўз комментариянгизни ёзиб қолдиринг. https://youtu.be/G4_BlwatYw0

Эътибор учун раҳмат.