@bingo_12

OXU TALABALARI O‘RTASIDA O‘TKAZILADIGAN

2026-08-12T05:28:22.316Z

OXU TALABALARI O‘RTASIDA O‘TKAZILADIGAN
“MUSTAQILLIK — QALBIMDAGI SADO”
JONLI AUDIO SHE’RLAR ONLAYN TANLOVI
NIZOMI
I. UMUMIY QOIDALAR
1.1. Mazkur Nizom OXU talabalari o‘rtasida O‘zbekiston Respublikasi Mustaqilligining 35 yilligiga bag‘ishlab o‘tkaziladigan “Mustaqillik — qalbimdagi sado” nomli jonli audio she’rlar onlayn tanlovini tashkil etish va o‘tkazish tartibini belgilaydi.
1.2. Tanlov OXU talabalari orasida Vatanga muhabbat, milliy g‘urur, istiqlol qadriyatlari, tinchlik va bunyodkorlik g‘oyalarini targ‘ib qilish, talabalarning ijodiy qobiliyatlarini qo‘llab-quvvatlash hamda she’riyatga bo‘lgan qiziqishini oshirish maqsadida tashkil etiladi.
1.3. Tanlovni tashkil etish va o‘tkazish uchun OXUning Ma’naviyat va ma’rifat yo‘nalishiga mas’ul xodimlari hamda tanlov tashkilotchilari javobgar hisoblanadi.
II. TANLOVNING MAQSAD VA VAZIFALARI
2.1. Tanlovning asosiy maqsadi — talaba-yoshlar qalbida Vatanga sadoqat va muhabbat tuyg‘ularini yanada mustahkamlash.
2.2. Tanlovning vazifalari:
talabalarning ijodiy va notiqlik qobiliyatlarini rivojlantirish;
she’riyat va badiiy ijroga bo‘lgan qiziqishni oshirish;
Mustaqillikning mazmun-mohiyatini yoshlar orasida keng targ‘ib qilish;
milliy qadriyatlar va Vatan tuyg‘usini ulug‘lash;
iqtidorli talabalarni aniqlash va rag‘batlantirish;
talabalar o‘rtasida sog‘lom ijodiy raqobat muhitini yaratish.
III. TANLOV ISHTIROKCHILARI
3.1. Tanlovda OXUning barcha bakalavriat va magistratura bosqichida tahsil olayotgan talabalari ishtirok etishlari mumkin.
3.2. Tanlovda ishtirok etish ixtiyoriy va bepul.
3.3. Har bir ishtirokchi tanlovga bitta audio ijodiy ish taqdim etishi mumkin.
3.4. Ishtirokchi audio yozuv bilan birga quyidagi ma’lumotlarni taqdim etadi:
ism-familiyasi;
fakultet/yo‘nalishi;
guruhi;
aloqa uchun Telegram username yoki telefon raqami.
IV. TANLOVNI O‘TKAZISH TARTIBI
4.1. Tanlov onlayn formatda o‘tkaziladi.
4.2. Ishtirokchi Mustaqillik, Vatan, ona yurt, tinchlik, milliy qadriyatlar va yurtimiz kelajagiga bag‘ishlangan she’rni o‘z ovozida jonli tarzda ijro etib, audio shaklida taqdim etadi.
4.3. Audio ijro sun’iy intellekt orqali yaratilgan ovoz, ovoz imitatori yoki boshqa shaxsning ovozidan foydalanilgan holda tayyorlanmasligi kerak.
4.4. Audio yozuvda ishtirokchining o‘z ovozi aniq va tushunarli eshitilishi lozim.
4.5. Ishtirokchilar o‘z ijodiy ishlarini 1-sentabr sanasiga qadar quyidagi manzilga yuborishlari lozim:
📩 https://t.me/OXU_onlayn_tanlovlar
4.6. Tashkilotchilar tomonidan tanlov talablariga javob beradigan audio ijrolar OXUning rasmiy ijtimoiy tarmoq sahifalarida e’lon qilinadi.
V. G‘OLIBLARNI ANIQLASH TARTIBI
5.1. Tanlov g‘oliblari ijtimoiy tarmoqlarda e’lon qilingan audio ijrolarga berilgan layk va kommentlar soni asosida aniqlanadi.
5.2. Ishtirokchilarni qo‘llab-quvvatlash uchun berilgan layk va kommentlar tanlov yakuniga qadar hisobga olinadi.
5.3. Ovoz berish yakunida eng ko‘p layk va komment to‘plagan ishtirokchilar tegishli o‘rinlar sohibi deb topiladi.
5.4. G‘oliblarni aniqlashda soxta akkauntlar, sun’iy ravishda oshirilgan layk yoki kommentlardan foydalanish aniqlangan taqdirda, tashkilotchilar tegishli natijani bekor qilish huquqiga ega.
5.5. Layk va kommentlar soni teng bo‘lib qolgan taqdirda, yakuniy qaror tanlov tashkilotchilari tomonidan qabul qilinadi.
VI. G‘OLIBLARNI TAQDIRLASH
6.1. Tanlov yakunlari bo‘yicha eng yuqori natijalarni qayd etgan ishtirokchilar I, II va III darajali o‘rinlar bilan taqdirlanadi.
6.2. G‘oliblarga: Diplom,sertifikat hamda qimmat baho sovg'alar topshiriladi.
6.3. Faol ishtirokchilar va ijodiy chiqishlari bilan ajralib turgan talabalar tashkilotchilarning tashakkurnomalari bilan rag‘batlantirilishi mumkin.
6.4. Tanlov g‘oliblari haqida ma’lumot OXUning rasmiy axborot resurslarida e’lon qilinishi mumkin.
VII. ISHTIROKCHILARGA QO‘YILADIGAN TALABLAR
7.1. Taqdim etiladigan she’r tanlov mavzusiga mos bo‘lishi lozim.
7.2. Audio ijroda odob-axloq qoidalariga, milliy va umuminsoniy qadriyatlarga zid mazmundagi so‘z va iboralardan foydalanishga yo‘l qo‘yilmaydi.7.3. Ishtirokchi boshqa shaxsning ijodiy ishini o‘z nomidan taqdim etmasligi kerak.

Amir Temurning harbiy-jismoniy tayyorgarligi.

2026-04-09T05:44:52.363Z

Amir Temurning harbiy-jismoniy tayyorgarligi.

2026-04-09T04:31:59.791Z

Amir Temurning harbiy-jismoniy tayyorgarligi.

Oliy ta’lim muassasalarida sport tizimini takomillashtirish: muammolar, tanqidiy tahlil va istiqbolli rivojlanish yo‘llari

2026-04-08T07:02:55.518Z

Oliy ta’lim muassasalarida sport tizimini takomillashtirish: muammolar, tanqidiy tahlil va istiqbolli rivojlanish yo‘llari

Prezident Shavkat Mirziyoyev raisligida o‘tkazilgan jismoniy tarbiya va sport sohasining kelgusidagi ustuvor vazifalariga bag‘ishlangan videoselektor yig‘ilishi mamlakatimizda sog‘lom turmush tarzini qaror toptirish, yoshlar salohiyatini to‘liq ro‘yobga chiqarish va sportni yangi bosqichga olib chiqishda muhim ahamiyat kasb etdi. Mazkur yig‘ilishda ilgari surilgan fikrlar nafaqat mavjud yutuqlarni mustahkamlash, balki tizimdagi kamchiliklarni ochiq tan olib, ularni bartaraf etishga qaratilgani bilan ham dolzarbdir.
Bugungi globallashuv sharoitida har bir davlatning raqobatbardoshligi, avvalo, uning yosh avlodining jismoniy va ma’naviy barkamolligi bilan belgilanadi. Shu bois jismoniy tarbiya va sport masalasi davlat siyosati darajasiga ko‘tarilib, izchil islohotlar amalga oshirilmoqda. Biroq olib borilayotgan ishlar bilan bir qatorda, ayniqsa oliy ta’lim muassasalarida sport yo‘nalishidagi faoliyatni yanada kuchaytirish zarurati mavjudligi ham tanqidiy ruhda qayd etildi.
Tahlillar shuni ko‘rsatmoqdaki, ayrim oliy ta’lim muassasalarida sport infratuzilmasi yetarli darajada rivojlanmagan, mavjud sport inshootlaridan samarali foydalanish darajasi pastligicha qolmoqda. Talabalarni sportga jalb etish tizimi ko‘p hollarda formallikka aylanib qolayotgani, musobaqalar muntazam emasligi yoki keng qamrovli tashkil etilmayotgani ham muammolardan biridir. Bu esa yoshlarning sportga bo‘lgan qiziqishini pasaytirishi mumkin.
Yana bir muhim jihat — sport federatsiyalari bilan hamkorlikning sustligi. Aslida, federatsiyalar oliy ta’lim muassasalari bilan yaqin hamkorlikda ishlasa, iqtidorli yoshlarni erta aniqlash, ularni professional sportga yo‘naltirish imkoniyati kengayadi. Ammo amaliyotda bu tizim yetarli darajada yo‘lga qo‘yilmagani sababli ko‘plab iqtidorli talabalar e’tibordan chetda qolib ketmoqda.
Shuningdek, iqtidorli talabalar bilan individual ishlash masalasida ham kamchiliklar mavjud. Xususan, yuqori natijalarga erishish salohiyatiga ega bo‘lgan yoshlar uchun individual murabbiylar biriktirish tizimi yetarlicha rivojlanmagan. Bu esa ularning professional darajada o‘sishiga to‘sqinlik qiluvchi omillardan biri hisoblanadi. Holbuki, zamonaviy sport tizimida har bir sportchi bilan individual yondashuv asosida ishlash eng muhim talab hisoblanadi.
Shu o‘rinda ta’kidlash joizki, mazkur kamchiliklarning ochiq muhokama qilinayotgani va ularni bartaraf etish bo‘yicha aniq vazifalar belgilanayotgani ijobiy holatdir. Bu, o‘z navbatida, tizimni yanada takomillashtirish, mavjud muammolarni bosqichma-bosqich hal etish imkonini beradi.
Bugungi kunda sportni rivojlantirish davlat siyosatining ustuvor yo‘nalishlaridan biri sifatida qaralmoqda va bu borada aniq strategik yondashuv shakllanmoqda. Oliy ta’lim muassasalari esa ushbu jarayonda nafaqat ta’lim maskani, balki yoshlar salomatligini mustahkamlash, ularning bo‘sh vaqtini mazmunli tashkil etish va iqtidorli sportchilarni yetishtirish markaziga aylanishi zarur.
Kelgusida ushbu yo‘nalishda quyidagi istiqbolli rejalarni amalga oshirish maqsadga muvofiq:
Birinchidan, oliy ta’lim muassasalarida sport faoliyatini rivojlantirish bo‘yicha uzoq muddatli strategik dasturlar ishlab chiqilishi lozim. Bu dasturlar aniq maqsadlar, ko‘rsatkichlar va natijadorlik mezonlariga asoslangan bo‘lishi zarur.
Ikkinchidan, sport federatsiyalari bilan hamkorlikni yangi bosqichga olib chiqish talab etiladi. Qo‘shma musobaqalar, seleksiya dasturlari, mahorat darslari va seminarlar orqali talabalar professional sport muhitiga yaqinlashtirilishi mumkin.
Uchinchidan, iqtidorli talabalar uchun individual rivojlanish dasturlarini joriy etish muhimdir. Har bir istiqbolli sportchiga malakali murabbiy biriktirish, ularning mashg‘ulot jarayonini ilmiy asosda tashkil etish yuqori natijalarga erishishda muhim omil bo‘ladi.

To‘rtinchidan, sport infratuzilmasini modernizatsiya qilish zarur. Zamonaviy sport zallari, ochiq maydonlar va maxsus trenajyorlar bilan jihozlangan komplekslar talabalar uchun keng imkoniyatlar yaratadi.

KONSTITUTSIYA-YANGI OʻZBEKISTON TARAQQIYOTI ASOSI

2025-12-08T07:44:48.978Z

Hurmatli ustozlar, aziz talabalar, qadrli hamkasblar!
Bugun yurtimiz hayotidagi eng ulug‘ va qadrli sanalardan biri – 8-dekabr O‘zbekiston Respublikasi Konstitutsiyasi kuni. Bu sana nafaqat davlatimiz tarixida, balki har birimizning qalbimizda g‘urur va iftixor uyg‘otadigan muhim bayramdir. Chunki Konstitutsiya — erkin va farovon hayotimizning poydevori, huquq va erkinliklarimizning mustahkam kafolatidir.

O‘zbekiston Respublikasi Konstitutsiyasi bugun nafaqat davlat boshqaruvining asosiy hujjati, balki jamiyatning siyosiy, ijtimoiy va ma’naviy hayotini tartibga soluvchi muhim mezondir. Unda inson qadri, erkinligi, huquqi va manfaatlari birinchi o‘ringa qo‘yilgan. Ayniqsa, yoshlar masalalariga alohida e’tibor qaratilgani bizning kelajagimiz uchun yaratilgan ulkan imkoniyatdir.

Buxoro davlat universiteti yoshlarining bugungi ishtiroki, faoliyati, tashabbuskorligi – aynan ana shu Konstitutsiyada belgilab qo‘yilgan kafolatlar samarasi ekanini ta’kidlash joiz. Biz yoshlar bilim olish, o‘z ustimizda ishlash, jamiyatda o‘z o‘rnimizni topish, fikr erkinligini namoyon etish, tashabbus ilgari surish kabi barcha imkoniyatlarga egamiz.

Shu o‘rinda ta’kidlash kerakki, Konstitutsiyada belgilangan “Yoshlar – davlat siyosatining ustuvor yo‘nalishi” degan tamoyil bizni mas’uliyatli, ongli va faol bo‘lishga chorlaydi. Biz yoshlar mamlakat taraqqiyoti, jamiyat yuksalishi va kelajak avlod farovonligi uchun o‘z hissamizni qo‘shishimiz shart. Buxoro davlat universiteti Yoshlar ittifoqi ham aynan mana shu tamoyillar asosida yoshlarni qo‘llab-quvvatlash, ijtimoiy faolligini oshirish, intellektual va madaniy salohiyatini rivojlantirish yo‘lida tinimsiz faoliyat olib bormoqda.

Bugungi kunda talabalarning faolligi, vatanparvarlik tuyg‘ularining kuchayishi, ilm-fan va innovatsiyalarga bo‘lgan qiziqishining oshgani — Konstitutsiya ruhining hayotimizda mustahkam o‘rin egallaganidan dalolat beradi. Zero, Konstitutsiya biz uchun faqat hujjat emas, balki yuksalish sari yo‘lboshchi, ertangi kunimizning kafolatidir.

Aziz yoshlar!
Bugun biz Konstitutsiyamizga sadoqatli bo‘lish, uning tamoyillariga muvofiq yashash, mamlakatimiz taraqqiyotiga o‘z hissamizni qo‘shish, eng muhimi, yosh avlodga munosib namuna bo‘lishimiz zarur. Kelajagimizni mustahkamlaydigan kuch — bizning birlik, bilim, intilish va yurtga xizmat qilish istagimizdir.

Ushbu qutlug‘ sana bilan sizlarni chin dildan tabriklayman!
Yurtimiz tinch, osmonimiz musaffo, mustaqilligimiz abadiy bo‘lsin!
Konstitutsiya kuni muborak bo‘lsin!

Xomidov Mirxon Uktamovich
Buxoro davlat universiteti Yoshlar ittifoqi boshlang'ich tashkilot yetakchisi.

KONSTITUTSIYA-YANGI OʻZBEKISTON TARAQQIYOTI ASOSI

2025-12-08T07:42:53.962Z

Hurmatli ustozlar, aziz talabalar, qadrli hamkasblar!

Konstitutsiya - Yangi O'zbekiston taraqqiyoti asosi.

2025-12-08T07:35:50.751Z

Hurmatli ustozlar, aziz talabalar, qadrli hamkasblar!

Konstitutsiya - Yangi Oʻzbekiston taraqqiyoti asosi

2025-12-08T05:58:44.523Z

Konstitutsiya - Yangi O'zbekiston taraqqiyoti asosi.8-dekabr – mamlakatimiz tarixidagi eng muhim sanalardan biri bo‘lib, O‘zbekiston Respublikasi Konstitutsiyasi qabul qilingan kun sifatida xalqimiz hayotida o‘ziga xos o‘rin egallaydi. Ushbu qutlug‘ sana nafaqat davlatimizning huquqiy poydevorini mustahkamlagan, balki jamiyatimiz taraqqiyotining bosh mezonlarini belgilab bergan tarixiy voqeadir.
Buxoro davlat universiteti Yoshlar ittifoqi jamoasi uchun ham Konstitutsiya kuni alohida ahamiyat kasb etadi. Zero, Asosiy qonunimizda belgilangan inson huquqlari, yoshlarning manfaatlarini himoya qilish, ta’lim olish, erkin fikrlash va tashabbus ko‘rsatish huquqi bizning kundalik faoliyatimizning bosh yo‘nalishidir.
Bugungi kunda yoshlarimizning ilmli, ma’naviy barkamol, zamonaviy kasblarni egallagan holda Vatan ravnaqiga o‘z hissasini qo‘shayotgani – Konstitutsiyamizda mustahkamlangan tamoyillarning amaldagi natijasidir. Yoshlar ittifoqi sifatida biz ham har bir talabaning o‘z salohiyatini ro‘yobga chiqarishi, fikrini erkin bildira olishi, ijtimoiy faolligini oshirishi uchun zarur shart-sharoitlarni yaratishga intilamiz.
Shu muborak kunda Buxoro davlat universiteti yoshlarini:
Konstitutsiyaga hurmat ruhida yashashga,
Huquqiy madaniyatni oshirishga,
Vatan ravnaqi uchun mas’uliyat bilan harakat qilishga,
Yangi tashabbus va g‘oyalar bilan jamiyatda faol bo‘lishga
chaqiramiz.
O‘zbekistonning ertangi kuni – bu bizning qo‘limizda. Asosiy qonunimizda belgilangan imkoniyatlarni to‘g‘ri va samarali foydalanish esa har birimizning fuqarolik burchimizdir.
8-dekabr – Konstitutsiya kuni muborak bo‘lsin!
Yurtimiz tinchligi, mustaqilligimiz barqarorligi, yoshlarimiz esa doimo ilm va ma’rifat bilan yurt ravnaqiga hissa qo‘shuvchi bo‘lishsin.

Xomidov Mirxon Uktamovich
Buxoro davlat universiteti Yoshlar ittifoqiBoshlang‘ich tashkilot yetakchisi

Konstitutsiya - Yangi O'zbekiston taraqqiyoti asosi

2025-12-08T05:31:34.693Z

Konstitutsiya - Yangi O'zbekiston taraqqiyoti asosi

Ma'rifat darsi

2025-10-28T08:32:28.220Z

Buxoro davlat universiteti Xorijiy tillar fakulteti Ingliz adabiyotshunosligi va tarjimashunoslik kafedrasi professor-o‘qituvchilari ishtirokida 28- oktyabr sanasida Millatlararo totuvlik va diniy bagʻrikenglik - taraqqiyot omili" mavzusida navbatdagi ma’rifat soati bo‘lib o‘tdi.