Отабек Жалолов

UNIVERSITETDA VILOYAT PROKURATURASI HAMDA BUXORO TUMANI HOKIMLIGI BILAN HAMKORLIKDA "DEHQON XO‘JALIKLARI VA TOMORQA YER UCHASTKALARIDAN YUQORI VA SIFATLI HOSIL OLISH ORQALI KAMBAG‘ALCHILIKDAN CHIQISH" MAVZUSIDA LOYIHALAR TAQDIMOTI O'TKAZILDI

2025-02-01T11:36:08.818Z

O‘zbekiston Respublikasi Prezidenti Shavkat Mirziyoyev raisligida joriy yilning 30-yanvar kuni tomorqada va ijaraga berilgan ekin yerlarida daromadli mahsulot yetishtirishning yangi tizimi bo‘yicha o‘tkazilgan videoselektor yig‘ilishida aholi tomorqa va dehqonchilik yerlarida yuqori daromadli va eksportbop ekinlar ekish ishlarini tashkil qilish bo‘yicha hudud rahbarlariga aniq vazifa va topshiriqlar berildi.

Ushbu videoselektorda berilgan topshiriqlar ijrosini ta’minlash maqsadida bugun BuxDU Tabiiy fanlar va agrobiotexnologiya fakultetida seminar tashkil etildi. Seminarda Buxoro viloyati prokurori Ulug‘bek Hamdamov, Buxoro tuman hokimi Anvar Ochilov hamda tumandagi sektor rahbarlari, universitet rektori O.X.Xamidov ishtirok etdilar. Dastlab viloyat prokurori boshchiligidagi guruh universitet rektori Obidjon Xamidov hamrohligida fakultetda amalga oshirilayotgan ilmiy-tadqiqot ishlari bilan yaqindan tanishdilar, shundan so'ng olimlar bilan uchrashuv bo'lib o'zaro fikr almashinildi. Ushbu tashrifdan ko'zlangan asosiy maqsad Buxoro tumani aholisini kambag'alchilikdan chiqarish maqsadida aholi xonadonlariga qishloq xo'jalik ekinlarini ekishni ilmiy asosda yo'lga qo'yishni keng joriy qilishda olimlarning ilmiy loyihalarini taqdimoti ham bo'lib o'tdi.

Uchrashuv davomida Buxoro tumani hokimligi hamda Buxoro davlat universiteti o’rtasida hamkorlik memorandumi imzolandi. Ushbu memorandum asosida endilikda Buxoro tuman tuproqlarining meliorativ holati va agrokimyoviy ko‘rsatkichlarini tahlildan o‘tkazish (pullik xizmat asosida, transport va boshqa xarajatlar uchun); Tavsiyalar ishlab chiqish; Buxoro tuman hududida uchraydigan zararkunandalarga qarshi biologik kurashish tizimini joriy etib takomillashtirish(pullik xizmat asosida, transport va boshqa xarajatlar uchun); Mevali va manzarali ko‘chat yetishtirish bo‘yicha ilmiy va amaliy tavsiyalar berish; Ko‘kalamzorlashtirish va gulchilik yo‘nalishida ilmiy va amaliy tavsiyalar berish; Baliqchilik sohasini rivojlantirish bo‘yicha ilmiy va amaliy tavsiyalar berish; Mikologiya (zamburug‘) sohasini rivojlantirish va yetishtirish bo‘yicha ilmiy va amaliy tavsiyalar berish; Limonchilik va uzumchilik yo‘nalishida ilmiy va amaliy tavsiyalar berish; Ochiq dalada an’anaviy va cherri pomidor navlarini yetishtirish bo‘yicha ilmiy va amaliy tavsiyalar berish; Dorivor o‘simliklarni yetishtirish va qadoqlab sotish bo‘yicha ilmiy va amaliy tavsiyalar berish kabi masalalarda ishlar amalga oshiriladi.

Tadbir yakunida Buxoro viloyati prokuraturasiga atrof-muhitni muhofaza qilishda, yashil maydonlarni kengaytirishda yaqindan ko'maklashgan va hamkorlik qilib kelayotganligi uchun Biologiya kafedrasi mudiri N.A.Shamsiyev, ushbu kafedraning dotsenti Sh.S.Pardayev, Biotexnologiya va oziq-ovqat xavfsizligi kafedrasi mudiri L.T.Yuldashov hamda Agronomiya va tuproqshunoslik kafedrasi mudiri O.R.Umarovlar tashakkkurnoma bilan taqdirlandilar.

BuxDU Axborot xizmati

MAMLAKATIMIZDA NOGIRON BOLALAR UCHUN TA'LIM VA PARVARISH IMKONIYATLARI KENGAYMOQDA

2024-12-17T06:46:00.402Z

Kundan kunga O‘zbekistonda ijtimoiy himoyaga muhtoj qatlamlarni qo‘llab-quvvatlash bo‘yicha islohotlar takomillashtirilmoqda. Shu maqsadda 13-dekabr kuni Prezident Shavkat Mirziyoyev boshchiligida ijtimoiy himoya sohasida amalga oshirilayotgan ishlar va 2025 yil uchun ustuvor vazifalar muhokamasi yuzasidan videoselektor yig‘ilishi o‘tkazildi.

O‘zbekiston Respublikasi Konstitutsiyasida belgilab qo‘yilganidek, O‘zbekiston ijtimoiy davlatdir, bu borada amalga oshirilayotgan ishlar ham ancha salmoqli. Yurtimizning barcha hududlarida “Inson” markazlari ochilishi hamda 102 ta ijtimoiy xizmat mahallalarda joriy etilishi fikrimizning yorqin dalilidir.

Uch oy oldin viloyat va tumandagi bir qator rahbarlar hududlaridagi kambag‘al oilaga biriktirilib, ular bilan individual ishlashi yo‘lga qo‘yildi. Buning natijasida ushbu oilalardagi ko‘plab odamlar doimiy ish joyiga ega bo‘ldilar, tadbirkorlik va tomorqadan olinadigan daromadlar hamda ushbu sohada mehnat qiluvchi oilalar soni oshirildi. Ayniqsa, yoshlarga alohida e’tibor qaratilib, bog‘cha, to‘garak va kasbga o‘qitishga yo‘naltirildi. Tibbiyot sohasida ham samarali natijaga erishildi, jumladan, 45 ming muhtoj aholiga tibbiy yordam ko‘rsatildi.

Yig‘ilish davomida ushbu sohada tegishli talablar asosida ishlar tashkil etilmaganligi holatlari ham muhokama ostiga olindi hamda maxsus chora-tadbirlar ko‘rildi.

Kelgusida rejalashtirilgan ishlar qatoriga 1 million 200 ming aholini ta’lim, to‘garak, kasb-hunar, tibbiyotga yo‘naltirish asosida kambag‘allikdan chiqarish masalalarini hal qilish va yashash sharoitini yaxshilash lozimligi ta’kidlandi.

Bu sohadagi ijobiy tajribalar tahlil qilindi hamda amaliyotga keng tadbiq etish rejalashtirildi. Toyloq va Kosonsoy tumanlarida “Ilk rivojlanish markazlari” ochilganligi bunga bir misol.

Fuqarolarning bir qator hujjatlarni o‘zlari bilan olib yurishlarini cheklash, ularga qulaylik yaratish maqsadida– “ijtimoiy karta” joriy etiladi. U bilan bilan jamoat transportida bepul yurish, elektr, gaz va o‘qish xarajatiga kompensatsiya olish mumkin bo‘ladi. Nafaqa va yordam pullari ham ushbu kartaga tushadi.

Reabilitatsiya xizmatlarini yaxshilash borasida bir qator ishlar amalga oshirildi. Har bir viloyat va tuman shifoxonasida reabilitatsiya xizmatlari yo‘lga qo‘yilishi rejalashtirildi. Professor-o‘qituvchilar Koreya tajribasi asosida qayta o‘qitiladi. Respublika reabilitatsiya markaziga Koreya va Yaponiyadan ekspertlar olib kelinib, mutaxassislar malakasi oshiriladi.

Nogironlikning ba’zi turlarida uy sharoitida bajariladigan mashqlarni o‘rgatish orqali bemor sog‘lig‘ini tiklashga alohida e’tibor qaratilmoqda. Ularga maxsus mashqlar dasturi va sog‘lom ovqatlanish menyusi tarqatilishi belgilab qo‘yildi.

Yaratilgan imkoniyatlar natijasida joriy yil tadbirkorlar nogironligi bor 40 ming fuqaroni ishga qabul qilgan. Buni yanada takomillashtirish maqsadida 1-yanvardan nogironligi bo‘lgan ishchilar uchun ijtimoiy soliq 1 foiz etib belgilandi.

Imkoniyati cheklanganlarga tavsiya etiladigan sport turlari kengaytiriladi. Bu yo‘nalishdagi sport murabbiylari oyligi 1-yanvardan 1,5 barobar oshirilishi esa ushbu sohadagi ishlar yanada rivoj topishiga asos bo‘ladi.

Nogironligi mavjud bolalarni ta’lim bilan qamrab olish masalalariga alohida e’tibor qaratilmoqda. Jumladan, har bir tumanda bittadan bog‘chada inklyuziv ta’lim guruhi ochilishi belgilandi.

Buxoro davlat universitetida ham bu borada bir qator ishlar amalga oshirilmoqda. Jumladan, universitetda sportning bir qator turlari (masalan, stol tennisi, shaxmat, shashka, arm wrestling) bo‘yicha musobaqalar, “Zakovat” intellektual o‘yinlari tashkil etiladi. Ayniqsa, har yili 3-dekabr “Xalqaro nogironlarni himoya qilish kuni” munosabati bilan “Matonatli yoshlar forumi” tashkil etiladi. Joriy yilda o‘tkazilgan “Matonatli yoshlar forumi” esa “Yangi O‘zbekiston yoshlari birlashaylik” shiori ostida bo‘lib o‘tishi universitetdagi imkoniyati cheklangan talaba-yoshlarning ko‘ksini g‘ururga to‘ldirdi.

Yuqorida amalga oshirilgan ishlar va belgilangan maqsadlar mamlakatimizda ushbu sohadagi ishlarning natijasi hisoblanadi.

Otabek Jalolov,

BuxDU Axborot xizmati bo‘limi boshlig‘i

”Kafedralar kuni” tadbiri doirasida Buxoro davlat universiteti “Kimyo va neft-gaz texnologiyalari” kafedrasi professor-o’qituvchilari tomonidan Axborot-resurs markazida bir qator tadbirlar tashkil qilindi.

2024-12-15T04:11:31.758Z

”Kafedralar kuni” tadbiri doirasida Buxoro davlat universiteti “Kimyo va neft-gaz texnologiyalari” kafedrasi professor-o’qituvchilari tomonidan Axborot-resurs markazida bir qator tadbirlar tashkil qilindi. Jumladan, “Kimyo va neft-gaz texnologiyalari” kafedrasi professor-o'qituvchilari G.A.Xudoynazarova, M.A.Tursunov, Z.Q.Qodirova, Z.A.Sulaymonova, E.A.Xudoyarova, Sh.Sh.Xudoyberdiyev va tyutor M.Avliyoqulova tomonidan kafedrada yaratilgan o'quv adabiyotlari taqdimoti tashkil qilindi. Shuningdek, sohaga oid elektron adabiyotlarning taqdimoti o’tkazildi. ARM bosh kutubxonachisi S.Xolova tomonidan mazkur kafedraning professor-o’qituvchilari hamda talabalari ishtirokida ARM ga sayohat tashkil qilindi.

Tarixiy rekonstruksiya fanidan sayyor dars tashki etildi.

2024-12-15T04:06:38.543Z

Buxoro davlat univeriteti 70220301- Tarix (Yo‘nalishlar va faoliyat turlari bo‘yicha bo‘yicha) ta’lim yo‘nalishi birinchi bosqich magitrlari bilan tarix fanlari bo‘yicha falsafa doktori (PhD), dotsent B.N.Rizayev rahbarligida Tarixiy rekonstruksiya fanidan sayyor dars tashki etildi.

Sayyor dars jarayonida viloyat san’at muzey binosi, qurilish tarixi, arxitekturasi, unda saqlanayotgan eksponatlar hamda rekonstruksiya qilingan ashyolar haqida ma’lumotlar to‘planib, guruh magistrlari tomonidan taqdimot va video rolik tayyorlandi.

"Tikuvchilik va trikotaj mahsulotlarini eksport qilish" yuzasidan seminar trening tashkil etildi.

2024-12-15T04:04:31.809Z

"Oʻz biznesingni boshla" tadbirkor qizlar klasterini tashkil etish mavzusi yuzasidan Tabiiy fanlar va Agrobiotexnologiya fakulteti dekan maslahatchisi M.Togʻayeva hamda tyutorlar boshchiligida faol tadbirkor ayol Nosirova Matluba "Tikuvchilik va trikotaj mahsulotlarini eksport qilish" yuzasidan seminar trening tashkil etildi.

1-й ЕВРАЗИЙСКИЙ КОНГРЕСС ЛИНГВИСТОВ В МОСКВЕ ИЛИ «ЛИНГВИСТИКА БЕЗ ГРАНИЦ»

2024-12-12T09:05:12.492Z

Именно под таким девизом с 9 по 13 декабря в московском «Президент-Отеле» проходит. 1й Евразийский конгресс лингвистов – масштабное международное научное событие объединило свыше 500 учёных из 46 стран. Его проведение приурочили к 300-летию Российской академии наук. В рамках конгресса были представлены ключевые направления развития современной лингвистики и ведущие мировые научные школы.

Конгресс состоялся по инициативе Института языкознания РАН и при поддержке Министерства науки и высшего образования РФ. Оргкомитет конгресса возглавил президент Российской академии наук Геннадий Красников и министр науки и высшего образования РФ Валерий Фальков. Лингвисты со всего мира стали участниками этой уникальной площадки для обмена мнениями и опытом, представив свои исследования, посвящённые решению наиболее актуальных проблем науки о языке.

На торжественном открытии конгресса, которое вёл Андрей Кибрик, директор Института языкознания РАН, руководитель секции языка и литературы Отделения историко-филологических наук РАН, Александр Молдаван отметил: «Значение лингвистики в научном познании человека трудно переоценить. Нынешний этап развития искусственного интеллекта обнаруживает всё больше глубинных связей и зависимостей между языком и мыслительной деятельностью. Поэтому закономерно, что эта проблематика представлена и на этом конгрессе, причём приоритет в обсуждении проблематики компьютерной лингвистики отдан как раз работам, связывающим компьютерную лингвистику с искусственным интеллектом». Поприветствовал участников и Владимир Толстой, генеральный директор Государственного музея Л. Н. Толстого в Москве, президент МАПРЯЛ и РОПРЯЛ, поблагодарив за внимание к конгрессу: «Тем не менее мы все здесь, уверен, что работа будет плодотворной, полезной, а самое главное – это общение в кулуарах и просто возможность поделиться тем, как мы живём, работаем, и что нужно нам для того, чтобы продолжать двигать лингвистику вперёд».

Пленарными докладчиками конгресса выступили академик РАН Алексей Гиппиус, член-корреспондент РАН Евгений Головко, профессор Калифорнийского университета в Беркли (США) Джоханна Николс, профессор Лейпцигского университета Мартин Хаспельмат, нидерландский лингвист Алан Ченки, профессор Университета Джавахарлала Неру в Нью-Дели Айеша Кидваи, финский лингвист Юха Янхунен и другие известные исследователи. Помимо пленарных докладов состоялось 18 параллельных секций, 22 круглых стола и три большие стендовые сессии. Их тематика охватила основную проблематику лингвистики, включая все группы языков Евразии и других регионов земного шара, а также общие проблемы языкознания. Таким образом,направления конгрессаразделились на следующие: «Языковое разнообразие и вариативность», «Теория языка от фонетики до прагматики», «Устная речь и мультиканальная коммуникация», «Психо- и нейролингвистика», «Компьютерная лингвистика и искусственный̆ интеллект», «Социолингвистика», «Индоевропейские языки Европы», «Русский язык», «Тюркские языки», «Языки Кавказа», «Иранские языки», «Семитские языки», «Языки Южной̆ Азии», «Уральские языки», «Языки Сибири, Севера, Дальнего Востока России и смежных ареалов», «Языки Китая и Юго-Восточной̆ Азии» и «Языки Африки», а также общее направление.

Как очно, так и дистанционно можно было послушать почти 600 докладов!

11 декабря в Московском государственном лингвистическом университете прошёл круглый стол «Языковые приоритеты современной сферы перевода и их отражение в стратегии Союза переводчиков России» модератором мероприятия выступила Иванова Ольга Юрьевна – президент Союза переводчиков России. Круглый стол открыл своим докладом Поликарпов Александр Михайлович – д.ф.н., профессор Северного Арктического Федерального университета –вуза партнёра БухГУ. Следующим с докладом о параллельных корпусах узбекского языка выступил завкафедрой русского языка и литературы, доцент Носиров Отабек Тимурович, доклад вызвал неподдельный интерес участников мероприятия с последующей жаркой дискуссией.

Для широкой аудитории в рамках конгресса провели публичные дискуссии по общественно значимым лингвистическим темам. Среди ярких выступлений в стенах Библиотеки им. Н. А. Некрасова была лекция «Мозг и язык» академика РАО, директора Института когнитивных исследований СПбГУ Татьяны Черниговской. Она рассказала, что важно знать о деятельности человеческого мозга для понимания языка как сложнейшей системы. Здесь же большую аудиторию собрали экспресс-лекции под названием «Диалоги о языке: перемены и потрясения» главного научного сотрудника РГГУ Максима Кронгауза, научного сотрудника НИУ ВШЭ Елизаветы Громенко, доцента БВШД и ТюмГУ Оксаны Мороз и ведущего научного сотрудника Центра междисциплинарных исследований МФТИ Валерия Шульгинова.

“Konstitutsiya -adolat tantanasi!” mavzusida o’tkazilgan ma’naviy-ma’rifiy tadbir

2024-12-08T05:53:25.056Z

Tabiiy fanlar va agrobiotexnologiya fakultetida talabalar va tyutorlar hamkorligida “Konstitutsiya -adolat tantanasi!” mavzusida ma’naviy-ma’rifiy tadbir o’tkazildi. Tadbirda fakultet rahbariyati, professor-o'qituvchilar, tyutor va talabalar ishtirok etishdi. Tadbirni fakultet dekani A.Qodirov kirish so'zi bilan ochib berdi. Tadbirda talabalar tomonidan ko'rgazmali chiqishlar amalga oshirildi.

Xalq deputatlari Buxoro viloyat kengashining “Xorijiy investitsiyalar va turizm” masalalari bo‘yicha doimiy komissiyasining 1-tashkiliy yig‘ilishi bo‘lib o‘tdi.

2024-12-06T10:54:53.908Z

Unda doimiy komissiya raisi Yavmutov Dilshod Shoyimardonqulovich hamda komissiya a’zolari ishtirok etishdi.

Yig‘ilish kun tartibida doimiy komissiya raisi o‘rinbosari hamda komissiya kotibini saylash masalasi ko‘rib chiqildi.

Komissiya a’zolarining takliflariga ko‘ra doimiy komissiya raisi o‘rinbosarligiga 34-Do‘rman saylov okrugidan deputat, “Leichter Kamalak Textilien”O‘zbekiston-Germaniya qo‘shma korxonasi rahbari Bobojonov Dilshod Maxmudovich bir ovozdan saylanishdi.

Shuningdek, yig‘ilishda Xalq deputatlari viloyat Kengashining doimiy komissiyalari to‘g‘risidagi NIZOM asosida doimiy komissiyaning faoliyat yo‘nalishlari belgilab olindi, asosiy vazifalari, kelgusidagi rejalari hamda «Investitsiyalar va investitsiya faoliyati to‘g‘risda»gi O‘zbekiston Respublikasi Qonunini loyihasi muhokama qilindi. Ushbu qononun loyihasi doimiy komissiya tomonidan viloyat hususiyatidan kelib chiqib, qo’shimcha takliflar ishlab chiqildi.

"DOKTORANTLAR MINBARI": 3-bosqich Kimyo va neft-gaz texnologiyalari kafedrasi tayanch doktoranti Ganiyev Baxtiyor Shukurulloyevich

2024-11-27T18:35:00.354Z

2024-yil, 27-noyabr kuni soat 10:00 da "DOKTORANTLAR MINBARI" deb nomlangan navbatdagi Ilmiy seminar bo`lib o`tdi. Seminarning navbatdagi qahramoni Buxoro davlat universiteti 3-bosqich Kimyo va neft-gaz texnologiyalari kafedrasi tayanch doktoranti Ganiyev Baxtiyor Shukurulloyevich bo`ldi.

U oliy ta’lim tizimida o‘qitiladigan fanlar bo‘yicha adabiyotlarni va ilmiy tadqiqotlar natijalarining texnologiyalarini raqamlashtirish bo‘yicha bir qator loyihalar muallifi hamdir. Jumladan, u quyida keltirilgan loyihalarni tizimli elektron shaklda real hayotga tatbiq etish boʻyicha Oʻzbekiston Respublikasi Intelektual mulk agentligidan 10 ta mualliflik guvohnomalarini olgan:

B.Ganiyev Oliy ta’lim muassalari talabalari uchun quyidagi 2 ta darslik va 1 ta o‘quv qo‘llanmalarni nashr ettirgan.

Baxtiyor Ganiyev faoliyati davomida 6 ta ilmiy loyihada ishtirok etib, ushbu loyihalar asosida sanoat korxonalari ishlab chiqirishidagi texnologik jarayonlarni takomillashtirishga o‘z hissasini qo‘shgan.

Xalqaro hamkorlik sohasida B.Sh. Ganiyev“El-yurt Umidi” jamg‘armasining 1-stipendiya tanlovi go‘libi, shuningdek ushbu jamg‘armaning moliyashtirishi hisobiga 2021-yil 9-dekabrdan 2022-yil 8-fevralgacha M.V. Lomonosov nomidagi Moskva davlat universiteti Kimyo fakulteti Organik kimyo kafedrasida stajirovka o‘tgan. 2023-yil 16 martdan 1 aprelgacha Rossiya Federatsiyasining Qozon Federal universiteti, A.M. Butlerov nomidagi Kimyo institutida stajirovka o‘tgan.

M.V. Lomonosov nomidagi Moskva davlat universiteti tomonidan tashkil etilgan 2022-yil 27-iyundan 1-iyulgacha muddatda masofaviy “Всероссийского съезда учителей и преподавателей химии” kimyogarlar syezida, 2023-yil 27-30-iyun sanalarida masofaviy “Вызовы современности и химическое образование” yozgi maktabda, 2023-yil 21-28-avgust sanalarida masofaviy “Экологические исследование без методических ощибок” ekologik yozgi maktabda ishtirok etgan.

Novosibirk davlat universiteti tomonidan 2023-yil 25-27-oktabr sanalarida tashkil etilgan “II Школа молодых ученых по синхротронным методам исследования в материаловедении” mavzusidagi yosh olimlar maktabida ishtirok etgan.

2023 yil 21 noyabrdan 4 dekabrgacha “MISIS” milliy tadqiqot texnologiya universitetining “Современные подходы к синтезу новых материалов” dasturi asosida malaka oshirgan.

2023 yilda Oliy ta’lim, fan va innovatsiyalar vazirligi, Innovatsion rivojlanish agentligi tomonidan yosh olimlarni yetakchi xorijiy ilmiy tashkilotlarga qisqa muddatli ilmiy stajirovkalarga yuborish maqsadida e’lon qilingan tanlovda g‘olib bo‘lib, Qozon Federal universiteti, A.M. Butlerov nomidagi Kimyo institutida kimyoviy birikmalarning termik tahlilini o‘rganish bo‘yicha stajirovka o‘tashi belgilangan.

Qozon Federal universiteti, A.M. Butlerov nomidagi Kimyo instituti olimlari bilan hamkorlikda “Антимикробная присыпка для лечения ран домашних и сельскохозяйственных животных и способ ее получения” № 2826747 raqamli Rossiya patentiga ariza rasmiylashtirib, xalqaro patentga ega bo‘lgan.

Buxoro davlat universitetidagi faoliyati davomida B.Ganiyev Qozog‘istonning M.Auezov nomidagi Janubiy Qozog‘iston davlat universiteti professori D.D.Asilbekova, L.N. Gumilyov nomidagi Evroosiyo milliy universiteti professorlari S.B. Raxmadiyeva va T.T. Mashan, Rossiyaning M.V. Lomonosov nomidagi Moskva davlat universiteti professori V.A. Chertkov, Tyumen universiteti professori D.A.Safinlar bilan o‘zaro hamkorlikda tezis va maqolalar nashr ettirgan.

U oʻz ilmiy tadqiqot natijalari asosida bir qator ilmiy jurnallarda maqolalar chop ettirgan. 150 dan ortiq ilmiy maqola va tezislar muallifi. Jumladan, universitet jamoasidagi ustozlari bilan hammualliflikda 10 ga yaqin maqolalari Scopus ma’lumotlar bazasida indekslangan.

Mamlakatimiz mustaqilligini mustahkamlash, uning jahon miqyosidagi obroʻsini yanada oshirish, Vatanimiz taraqqiyoti va farovonligini yuksaltirish, yoshlarni ona yurtga muhabbat, istiqlol gʻoyalariga sadoqat, ma'naviy sogʻlom va barkamol etib tarbiyalash, xalqimiz urf-odat va an'analarini ardoqlash va ularni saqlab qolish ishlarida faol xizmat qilib kelayotgan bu jonkuyar ustoz, tashkilotchi va yuksak madaniyatli, dunyoqarashi keng, yurtiga sadoqatli, kamtarin va samimiy inson, ajoyib xodim sifatida el-yurt hurmatiga sazovordir.

SHARIF SHAHARGA MEHMON BOʻLGAN USTOZ

2024-11-19T15:20:59.464Z

Buxoro davlat universiteti Tarix va yuridik fakulteti Tarix ta’lim yo‘nalishi 5-4 TAR 21 guruh talabalari bilan Namangan Impuls tibbiyot instituti professori, tarix fanlari nomzodi Qozoqov Tohirjon hamda Turizm bo’yicha xalqaro toifadagi mutaxassis Rustamov Abdurashidlar bilan Manbashunoslik va tarixshunoslik fani doirasida Jahongir Ergashev ishtirokida “Uch avlod uchrashuvi” o’tkazildi.

Uchrashuv davomida so‘z olgan Tohirjon Qozoqov Farg‘ona vodiysining qadimgi poytaxti bo‘lgan Axsikent shahrining qisqacha tarixi haqida to‘xtalib o‘tdi.

“……Keyingi vaqtlarda Vatanimiz tarixini xolisona o‘rganish, targ‘ib qilish borasida soha olimlarimiz tomonidan talay yangiliklar ilmiy jamoatchilikka havola etildi. Tarixiy jarayonlar, qator shaxslar hayoti yangidan o‘rganilib, betaraf baho berilgan holda taqdim etilmoqda. Hali oldinda ancha ishlar kutmoqda. Bu avvalo allomalarimiz qoldirib ketgan birlamchi manbalarga tayangan holda o‘tmishimizni sinchiklab o‘rganib, hech qanday bo‘yoq va soxtalashtirishlarsiz xalqimizga yetkazishdan iboratdir. Kimlardir bayon etgan yo ularning g‘oyaviy ta’sirlari ostida taxminlarga tayanib yozilgan “tarix”lardan voz kechish payti allaqachon keldi. Bu bevosita Farg‘ona vodiysining ko‘hna poytaxti Axsikent tarixi bilan ham bog‘liqdir. Ya’ni, XX asrning 60-yillarida biron bir ilmiy asosga ega emas sun’iy, yasama “Yangi Axsikent” tushunchasi paydo bo‘ldi. Bugun ham ayrim ilm ahli, ziyolilar va din ulamolari sobiq sovet davridagi bu kabi quruq puch g‘oya va nazariyalardan voz kecha olmay, ommaviy axborot vositalari orqali safsata chiqishlar qilmoqdalar. 2017 yil 16 oktyabrda O‘zbekiston Respublikasi Vazirlar Mahkamasining “Namangan viloyatining To‘raqo‘rg‘on tumanida “Axsikent” arxeologiya merosi ob’yektini muhofaza qilish va tadqiq etish yodgorlik majmuasini tashkil etish to‘g‘risida” Qarori chiqdi. Shuningdek, O‘zbekiston Prezidenti Shavkat Mirziyoyev 2019 yilning 28 fevralida Axsikent yodgorligiga tashrif buyurganida bu yerni Umarshayx Mirzo o‘z davlatining poytaxtiga aylantirganligini, mazkur shahar va ul zot tarixini birlamchi manbalarga tayangan holda xolis o‘rganib, haqqoniy yoritish lozimligini ta’kidladilar”.

Savol-javob tarzida o’tgan uchrashuvda iqtidorli talabalarga muallif o’zining “Axsikentning muxtasar tarixi” nomli ilmiy asarini sovg’a qildi.

Ma’lumot uchun: Qozoqov Tohirjon Qodiraliyevich 2001 yil “XX asr boshlarida Farg‘ona vodiysidagi ijtimoiy - siyosiy ahvol va jadidchilik harakati” mavzuidagi tarix fanlari nomzodi ilmiy darajasini olish uchun yozilgan dissertatsiyasini himoya qildi. Hozirda “Qoraxoniylarning o‘zbek davlatchiligi tarixida tutgan o‘rni” nomli doktorlik dissertatsiyasi ustida ish olib bormoqda. Respublika va xorij nashrlarida 150 dan ortiq maqolalari e’lon qilingan. “Farg‘ona vodiysida jadidchilik harakati” va “Yangi Axsikent: tarixshunoslik tahlili” nomli monografiyalari, “Axsikent – turist va ziyoratchilar uchun yo‘lko‘rsatkich”, “Axsi – Farg‘ona shaharlarining onasi”, “Ibrat nigohidagi Axsikent”, “Buyuklarga beshik bo‘lgan Axsikent yoxud Farg‘ona allomalari”, “Axsikent afsonalari”, “Xonzodabegim Umarshayx Mirzo qizi”, “Axsikentning muxtasar tarixi” nomli ilmiy asarlari chop etilgan. Markaziy Osiyo tarixchilari xalqaro uyushmasi a’zosi. Xalqaro “Turon birligi” va “Berdaq” medallari sohibi. Axsikent xalqaro ilmiy tadqiqot jamoat birlashmasi rais o‘rinbosari.