t.me/buxoro_adliya_uz

Жорий йилнинг 11 январь куни “Потребитель Бухара плюс” телеграмм каналида Бухоро шаҳар давлат хизматлари маркази биносида жойлашган касса хизмати учун йиғимлар бўйича мурожаатга РАСМИЙ МУНОСАБАТ

2023-01-12T11:23:27.643Z

Фуқароларга Бухоро шаҳар Давлат хизматлари маркази томонидан кўрсатиладиган хизматлар учун тўловларни айнан мурожаатда кўрсатилган “Sharq baraka saxovati” МЧЖга тегишли тўлов агенти орқали амалга оширилиши мажбурий эмас, балки, хоҳишларига кўра ҳар бир фуқарода турли мобил иловалардан фойдаланиш имконияти ҳам мавжуд.

Шунингдек, тўловлар бинода жойлашган тўловларни электрон амалга оширувчи терминал, “SARPAY SERVICES” хусусий корхонаси кассаси орқали ҳам амалга оширилиши мумкин.

Бундан ташқари, Бухоро шаҳар давлат хизматлари маркази биносидан 10 метр масофада жойлашган Миллий банкнинг “Naqshband” bank xizmatlari ofisi, шунингдек, бино атрофидаги “Asaka” банки, “Trastbank”, “O‘zsanoatqurilish” банки, “Agrobank”, “Asia Alliance” банк ва “Ipak yo‘li” банклари ва бошқа банклар орқали ҳам тўловлар амалга оширилиши мумкин.

Мазкур мурожаатда кўрсатилган касса Давлат активларини бошқариш агентлиги ҳузуридаги Бўш турган объектлардан самарали фойдаланишни ташкил этиш марказининг Бухоро вилояти ҳудудий бошқармаси томонидан ўтказилган очиқ электрон онлайн аукцияон натижасида ғолиб сифатида мазкур марказ ва “Sharq baraka saxovati” МЧЖ ўртасида тузилган ижара шартномасига асосан “UZPAYNET” МЧЖнинг тўлов агенти сифатида Давлат хизматлари маркази биносида жойлашган.

Ўзбекистон Республикасининг 01.11.2019 йилдаги “Тўловлар ва тўлов тизимлари тўғрисида” қонунга кўра тўлов агенти — банк ёки тўлов ташкилоти билан тўлов хизматлари кўрсатиш учун агентлик шартномасини тузган, банк ҳисобланмайдиган юридик шахс ҳисобланади.

Мазкур қонунга кўра банклар ҳамда тўлов ташкилотлари тўлов хизматлари кўрсатишга доир агентлик шартномаси шартларига тўлов агенти томонидан риоя этилиши устидан назоратни амалга оширади.

Ўзбекистон Республикаси Президентиинг 2021 йил 24 июлдаги
ПФ-6269-сон “Давлат хизматлари кўрсатиш инфратузилмасини такомиллаштириш ва аҳолининг давлат хизматларидан фойдаланиш имкониятларини кенгайтириш чора-тадбирлари тўғрисида”ги Фармонига асосан “Ижтимоий ҳимоя ягона реестри” ахборот тизимида рўйхатга олинган шахсларга, шунингдек, I ва II гуруҳ ногиронлиги бўлган шахсларга давлат хизматлари марказлари ва (ёки) Ягона интерактив давлат хизматлари портали орқали давлат хизматларини кўрсатишда қонунчилик ҳужжатларида белгиланган давлат божлари, йиғимлар ва бошқа ҳар қандай тўловлар бўйича 50 фоиз миқдорида чегирма қўлланилади (тадбиркорлик фаолияти мақсадларида ёки юридик шахслар вакили сифатида мурожаат қилинган ҳолатлар бундан мустасно).

Бухоро вилоят адлия бошқармаси фуқаролар, ОАВ, журналистлар ва блогерларни жамоатчилик назоратини ўрнатишдаги фаолликларини қўллаб қувватлайди ҳамда бу борада қонун устуворлигини таъминлашда уларнинг кўмагига суянади.

Бухоро вилоят адлия бошқармаси Жамоатчилик билан алоқалар бўлими

Kontrafakt mahsulotlar savdosiga qarshi profilaktik tadbirlar davom etmoqda

2023-01-10T11:28:11.972Z

Buxoro shahri hamda Buxoro tumani hududlarida faoliyat olib borayotgan tadbirkorlik subyektlarining intellektual mulkka bo‘lgan huquqlarga rioya etilishini ta’minlash va kontrafakt mahsulotlar realizatsiyasining oldini olish maqsadida profilaktika kuzatuv tadbirlari o‘tkazilib, tadbirkorlik subyektlariga kontrafakt mahsulotlarni farqlash haqida tushuntirish berildi.

Shuningdek, profilaktik tadbirlar davomida tadbirkorlarga kontrafakt dori, alkogol va mahsulotlarning kataloglari tarqatildi.

Online muloqot tafsilotlari

2022-12-12T12:16:18.529Z

Joriy yilning 9-dekabr kuni Viloyat adliya boshqarmasi hamda San'atkor, ijodkor va ijrochilarning mualliflik huquqlarini himoya qilish palatasi bilan birgalikda intellektual mulk huquqlarini himoya qilish sohasida online muloqot tashkil qilindi.

Online muloqotda mualliflik va turdosh huquqlar haqida hamda tovar va xizmat ko'rsatish belgilarini davlat ro'yxatidan o'tkazish to'g'risida tushunchalar berildi.

Fuqarolardan kelib tushgan 20 ga yaqin savollarga mutaxassislar tomonidan tegishli javoblar berildi.

O'quv seminari tashkil qilindi.

2022-12-09T14:23:19.878Z

Buxoro viloyat adliya boshqarmasi hamda San'atkor, ijodkor va ijrochilarning mualliflik huquqlarini himoya qilish palatasi bilan hamkorlikda Buxoro ixtisoslashtirilgan san'at maktabida shoir, bastakor va san'at vakillari ishtirokida intellektual mulk huquqlari va ularni samarali himoya qilish bo'yicha o'quv seminar tashkil etildi.

“Huquqiy ko‘mak darchalari” tashkil qilinganligi bo‘yicha xabarga qoldirilgan izohga Rasmiy munosabat

2022-12-02T05:40:25.667Z

BUKHARA NEWS telegram kanalida joriy yilning 28-noyabr kuni “Huquqiy ko‘mak darchalari” tashkil qilinganligi bo‘yicha xabar e’lon qilgan edi.

Mazkur xabarga “Farogat” ismli fuqarodan “Foydasi yo‘q hamma rahbarlar bir-birini himoya qiladi man shuni bildim”, - deb izoh qoldirilgan.

Adliya vazirining 2022-yil 11-noyabrdagi 272-um sonli “Fuqarolarning sud faoliyati bilan bog‘liq murojaatlarini ko‘rib chiqishda ularga yengillik yaratish maqsadida adliya organlarida “huquqiy ko‘mak darchalari” faoliyatini tashkil etish to‘g‘risida”gi buyrug‘iga asosan Buxoro viloyatidagi barcha tuman(shahar) adliya bo‘limlarida huquqiy ko‘mak darchalari tashkil etilgan bo‘lib, bundan asosiy maqsad fuqarolarning sud faoliyati bilan bog‘liq murojaatlarini ko‘rib chiqishda ularga yengillik yaratish maqsadida huquqiy maslahatlar berishdan iborat.

“Huquqiy ko‘mak darchalari” qaysidir mansabdor shaxsni ustidan tushgan shikoyatni ko‘rib chiqish yoki biror masalaga huquqiy yechim va xulosa berishni maqsad qilmagan.

“Huquqiy ko‘mak darchalari” faoliyati yo‘lga qo‘yilganligidan asosiy maqsad qonunchilikdagi sudlar faoliyati bilan bog‘liq hamda sud-protsessual tartiblar haqida fuqarolarga og‘zaki huquqiy tushuntirishlar hamda maslahatlar berishdir.

Murojaat qiluvchi shaxslarga ular bilan suhbat davomida beriladigan huquqiy tushuntirish va maslahatlar tavsiyaviy xarakterga ega hisoblanadi.

Mazkur darchalarga sud bilan bog‘liq hamda sud-protsessual tartibdagi masalalar yuzasidan huquqiy maslahat olmoqchi bo‘lgan fuqarolar belgilangan qabul soatlari doirasida murojaat qilishlari mumkin.

Buxoro viloyat adliya boshqarmasi faoliyati bilan bog'liq masalalar yuzasidan boshqarmaning +998652230624 telefon raqami yoki Adliya vazirligining 1008 ishonch telefoni orqali murojaat qilishingiz mumkinligi ma'lum qilinadi.

Buxoro viloyat adliya boshqarmasi jamoatchilik bilan aloqalar bo'limi

“Huquqiy ko‘mak darchalari” tashkil qilinganligi bo‘yicha xabarga qoldirilgan izohga Rasmiy munosabat

2022-12-01T13:50:35.767Z

BUKHARA NEWS telegram kanalida joriy yilning 28-noyabr kuni “Huquqiy ko‘mak darchalari” tashkil qilinganligi bo‘yicha xabar e’lon qilgan edi.

Mazkur xabarga “Farogat” ismli fuqarodan “Foydasi yo‘q hamma rahbarlar bir-birini himoya qiladi man shuni bildim”, - deb izoh qoldirilgan.

“Huquqiy ko‘mak darchalari” qaysidir mansabdor shaxsni ustidan tushgan shikoyatni ko‘rib chiqish yoki biror masalaga huquqiy yechim va xulosa berishni maqsad qilmagan.

Murojaat qiluvchi shaxslarga ular bilan suhbat davomida beriladigan huquqiy tushuntirish va maslahatlar tavsiyaviy xarakterga ega hisoblanadi.

Buxoro viloyat adliya boshqarmasi jamoatchilik bilan aloqalar bo'limi

“Ҳуқуқий кўмак дарчалари” ташкил қилинганлиги бўйича хабарга қолдирилган изоҳга Расмий муносабат

2022-12-01T13:42:21.062Z

BUKHARA NEWS телеграм каналида 28 ноябрь куни “Ҳуқуқий кўмак дарчалари” ташкил қилинганлиги бўйича хабар эълон қилган эди.

Мазкур хабарга “Фарогат” исмли фуқародан “Фойдаси йук хамма рахбарлар бир бирини химоя килади ман шуни билдим”, - деб изоҳ қолдириган.

Адлия вазирининг 2022-йил 11-ноябрдаги 272-ум сонли “Фуқароларнинг суд фаолияти билан боғлиқ мурожаатларини кўриб чиқишда уларга енгиллик яратиш мақсадида адлия органларида “ҳуқуқий кўмак дарчалари” фаолиятини ташкил этиш тўғрисида”ги буйруғига биноан Бухоро вилоятидаги барча туман(шаҳар) адлия бўлимларида ҳуқуқий кўмак дарчалари ташкил этилган бўлиб, бундан асосий мақсад фуқароларнинг суд фаолияти билан боғлиқ мурожаатларини кўриб чиқишда уларга енгиллик яратиш мақсадида ҳуқуқий маслаҳатлар беришдан иборат.

“Ҳуқуқий кўмак дарчалари” қайсидир мансабдор шахсни устидан тушган шикоятни кўриб чиқиш ёки бирор масалага ҳуқуқий ечим ва хулоса беришни мақсад қилмаган.

“Ҳуқуқий кўмак дарчалари” фаолиятин йўлга қўйилганлигидан асосий мақсад қонунчиликдаги судлар фаолияти билан боғлиқ ҳамда суд-протсессуал тартиблар ҳақида фуқароларга оғзаки ҳуқуқий тушунтиришлар ҳамда маслаҳатлар беришдир.

Мурожаат қилувчи шахсларга улар билан суҳбат давомида бериладиган ҳуқуқий тушунтириш ва маслаҳатлар тавсиявий характерга эга ҳисобланади.

Мазкур дарчаларга суд билан боғлиқ ҳамда суд-протсессуал тартибдаги масалалар юзасидан ҳуқуқий маслаҳат олмоқчи бўлган фуқаролар белгиланган қабул соатлари доирасида мурожаат қилишлари мумкинлиги маълум қилинади.

Sayyor qabullarda fuqarolarning muammolari hal etilmoqda

2022-11-22T11:29:04.645Z

Shofirkon tumanidagi “Mirzoqul” MFYda viloyat adliya boshqarmasi boshlig‘i birinchi o‘rinbosari Sherzod Bahronov boshchiligida sayyor qabul tashkil etildi.

Qabulda aholi tomonidan aliment pulini undirish, yangi gaz hisoblagich o‘rnatib berish, ichimlik suvi, elektr energiyasi, tabiiy gaz bosimini oshirish, "Ayollar daftari"ga kiritishga ko‘mak berish singari masalalarda 20 ga yaqin murojaatlar kelib tushdi. Shundan 6 tasi joyida hal etilib, 5 tasiga huquqiy tushuntirish berildi. Qolganlari esa tegishli masʼullarga yo‘naltirildi.

Shuningdek, qabul davomida fuqaro aholini tadbirkorlikka keng jalb qilish, xizmat ko'rsatish sohasini kengaytirish maqsadida ushbu hududda yashovchi Olim Usmonovga o‘zini band qilishi uchun 30 mln so'm imtiyozlik kredit mablag'lari hisobiga 3 g‘ildirakli mototsikl berildi.

Bundan tashqari, qabul davomida fuqarolarga qulaylik yaratish maqsadida 3 nafar fuqaroga elektron raqamli imzo olib berildi, 2 nafar fuqaroga esa narkologiya bo'yicha dispanser hisobida turishi yoki turmasligi to'g'risida, Ruhiy kasalliklar bo'yicha dispanser hisobida turishi yoki turmasligi to'g'risida ma'lumotnomalar hamda 1 nafar fuqaroga sudlanmaganlik (yoki sudlanganlik) to'g'risida ma'lumotnomalarni olish bo'yicha xizmatlar ko`rsatildi.

Shu bilan birga, 2 ta tadbirkorlik subyektiga elektron raqamli imzolar olib berilib, aholiga davlat xizmatlaridan foydalanish bo'yicha tushuntirishlar berib o'tildi.

Davlat fuqarolik xizmatchilari uchun seminar tadbiri Buxoroda bo'lib o'tdi

2022-11-19T10:03:33.973Z

Vazirlar Mahkamasining 2022-yil 14-oktabrdagi 595-son “Davlat fuqarolik xizmatchilari tomonidan odob-axloq qoidalariga rioya etilishini ta’minlash bo‘yicha qo‘shimcha chora-tadbirlar to‘g‘risida”gi qarori bilan Davlat fuqarolik xizmatchilari odob-axloqining namunaviy qoidalari tasdiqlandi.

Ushbu qaror mazmun-mohiyatini davlat xizmatchilariga tushuntirishga qaratilgan navbatdagi seminar tadbiri Adliya vaziri o’rinbosari Xudoyor Meliyev boshchiligidagi ishchi guruh tomonidan Buxoro viloyatida o’tkazildi.

Tadbirni viloyat hokimi Botir Zaripov kirish so’zi bilan ochib berdi.

Shundan so‘ng Adliya vaziri o’rinbosari X.Meliyev tomonidan yuqoridagi qaror mazmunidan kelib chiqib, davlat xizmatida birinchi navbatda amalga oshirilishi lozim bo’lgan vazifalarga to’xtalib o’tildi.

Jumladan, davlat xizmatchilari mehnat qilayotgan idorada ichki mehnat tartib qoidalariga o’zgartirish kiritish va uni Vazirlar Mahkamasining yuqoridagi qaroriga muvofiqlashtirish, barcha xodimlarni odob-axloq qoidalari bilan tanishtirish, odob-axloq qoidalariga rioya qilinishi ustidan qat’iy nazorat o’rnatilishi zarurligi ta’kidlandi.

Shuningdek, Davlat xizmatini rivojlantirish agentligi Buxoro viloyat filiali vakili tomonidan ham Davlat fuqarolik xizmatchilarining odob axloq qoidalarining mazmuniga batafsil to’xtalib o’tildi.

Buxoro viloyat adliya boshqarmasi boshlig’i Anvar Raxmatovning ma’ruzasida jamoatchilik vakillari, jismoniy va yuridik shaxslar bilan ishlashda odob-axloq qoidalariga rioya qilish va uning ahamiyati, manfaatlar to‘qnashuvi va korrupsiya holatlarini oldini olish masalalarida alohida e’tibor berildi.

Xususan, davlat xizmatchilari ommaviy axborot vositalari bilan o‘zaro hamkorlik qilishi, davlat organlari va tashkilotlarining faoliyatini ommaviy axborot vositalarida yoritilishiga ko‘maklashishi kerakligi, davlat organlari va tashkilotlari faoliyati to‘g‘risidagi ommaviy bayonotlar faqatgina davlat organlari va tashkilotlari rahbari yoki mazkur yo‘nalish bo‘yicha vakolatli mansabdor shaxs tomonidan amalga oshirilishi ma’ruzachi tomonidan ta’kidlandi.

Bundan tashqari, Yuristlar malakasini oshirish markazi katta o’qituvchisi Voxid Usmonov tomonidan davlat xizmatchilari tomonidan odob-axloq qoidalariga rioya etilishi, odob-axloq komissiyalarining vazifalari va vakolatlari yetkazildi.

Tadbir so‘ngida tadbir ishtirokchilarning savollariga mas’ullar tomonidan batafsil javoblar va tushuntirishlar berildi.

"Yashil makon" umummilliy loyihasi davom etmoqda

2022-11-19T09:58:17.759Z

Prezidentimizning ezgu tashabbuslari bilan joriy yilning 20-oktyabridan mamlakatimizda "Yashil makon" umummilliy loyihasi doirasida dolzarb 40 kunlik tadbiri e’lon qilinib, mevali va manzarali ko‘chatlar ekish ishlari boshlab yuborildi.

Shu maqsadda joriy yilning 19-noyabr kuni Buxoro viloyat adliya boshqarmasi tomonidan “Yashil makon” loyihasi doirasida boshqarma hamda tuman (shahar) adliya bo’limlarida daraxt ko’chatlari o’tqazish tadbiri bo’lib o’tdi.

Jumladan, Buxoro shahar adliya bo’limi yonidagi “Fitrat” bog‘ida Adliya vaziri o’rinbosari Xudoyor Meliyev, Buxoro viloyat adliya boshqarmasi boshlig’i A.Raxmatov va boshqarma mas’ul xodimlari bilan birgalikda 100 tupdan ortiq manzarali daraxt ko’chatlari o’tqazildi.

Bundan koz‘langan asosiy maqsad atrof muhitni ko’kalamzorlashtirish, mevali va manzarali daraxt ko’chatlarini ko’paytirish orqali yurtimizda ekologik barqarorlikka hissa qo’shish hamda adliya organlariga tashrif buyurgan fuqarolarda yaxshi kayfiyat va taassurotni shakllantirishdan iboratdir.

Albatta ekologik barqarorlikni ta’minlashda “Yashil makon” loyihasining o‘rni katta. Har bir inson ezgu niyat bilan daraxt eksa, uning foydasi kelajakda albatta bilinadi. Adliya boshqarmasi tomonidan ushbu loyiha doirasida daraxt ko’chatlarini ekish tadbirlari yana davom ettiriladi.