Fransuz filologiyasi kafedrasi

Ochiq dars tashkil etildi.

2026-10-21T00:58:10.193Z

2026-yil 20-oktabr kuni Buxoro davlat universiteti Nemis va Fransuz filologiyasi kafedrasi o‘qituvchisi F.I. Rustamova tomonidan Filologiya va tillarni o‘qitish(ingliz tili) ta’lim yo‘nalishi 2-bosqich 11-3INGK-25 guruhida Ikkinchi chet tili fanidan “Les verbes regulier et irrégulier. Verbes du I e et IIe groupe” mavzusida ochiq dars tashkil etildi.

Ochiq darsning asosiy maqsadi talabalarning fransuz tili grammatikasiga oid nazariy bilimlarini mustahkamlash, fe’llarning grammatik xususiyatlari va tuslanish qoidalarini chuqurroq o‘zlashtirish, shuningdek, ularning og‘zaki hamda yozma nutq ko‘nikmalarini rivojlantirishdan iborat bo‘ldi. Shuningdek, mashg‘ulotda talabalarning mustaqil fikrlashi, fransuz tilida erkin muloqot qilishga intilishi hamda o‘zlashtirilgan grammatik bilimlarni amaliy vaziyatlarda qo‘llash ko‘nikmalarini shakllantirishga e’tibor qaratildi. Darsning interfaol ruhda tashkil etilishi talabalarning mavzuga bo‘lgan qiziqishini oshirish va ularning o‘quv jarayonidagi faolligini ta’minlashga xizmat qildi.

Mazkur ochiq dars nazariy bilimlarni amaliy mashg‘ulotlar bilan uyg‘unlashtirish, talabalarning chet tilini o‘rganishga bo‘lgan motivatsiyasini kuchaytirish hamda ularning lingvistik va kommunikativ kompetensiyalarini rivojlantirish nuqtayi nazaridan muhim ahamiyat kasb etdi.

Dars yakunlandi, talabalar baholandi va o’z vaqtida vazifa topshirildi. Darsda ko’zlangan maqsadga erishildi. Ochiq dars tahlilida kafedra o'qituvchilari M.X. Jabbarova, L.B.Ikromova va kafedra kabinet mudiri K.A. Magdasyan ishtirok etib, dars yuzasidan o‘z fikr-mulohazalarini bildirishdi.

Nemis va fransuz filologiyasi kafedrasi.

Ochiq dars tashkil etildi.

2026-10-20T12:12:33.967Z

2026-yil 20-oktabr kuni Buxoro davlat universiteti Nemis va Fransuz filologiyasi kafedrasi o‘qituvchisi Sh.D.Xolova tomonidan Filologiya va tillarni o‘qitish(fransuz tili) ta’lim yo‘nalishi 3-bosqich 11-1FRA-24 guruhida Chet tillarni o‘qitishining pedagogik asoslari fanidan “Les technologies du développement des compétences de la production orale et écrite” mavzusida ochiq dars tashkil etildi.

Dars davomida turli metodlardan foydalanib, mavzu yuzasidan talabalar faolligi oshirildi. Dars o’tish bosqichlariga rioya qilindi, kirish qismi, o’tilgan mavzu yuzasidan mustahkamlash uchun interaktiv mashg’ulotlar o’tkazildi. Xususan, bellashuv muhitida o'tgan mashg'ulotda og‘zaki va yozma nutq ko'nikmasini rivojlantirish maqsadida savol-javob, dialog tuzish, krossvord, “To‘g‘ri-noto‘g‘ri” metodlari asosida gaplar tuzildi, tarqatmalar bilan ishlandi. Mavzu bo'yicha asosiy ma'lumotlar video kontent ko'rinishida til o'rganuvchilarga tushuntirildi, qo‘shimcha adabiyot, doska bilan ishlandi.

Amaliy mashg'ulot hisoblangan ushbu darsda chet tili darslarini samarali tashkil etish, xususan, fransuz tilida og‘zaki va yozma nutqni yaxshilashga yo’naltirilgan topshiriqlar berildi, kerakli grammatik qoidalar – gap tuzayotganda zamonlarni to‘g‘ri qo‘llash, moslashuvlarga rioya qilish, gap tartibini risoladagidek tuzish, predloglar qo‘llanilishi yuzasidan tavsiyalar berildi, Production orale (Gapirish) va Production écrite (Yozish)ga asoslangan mashqlar ishlatildi. Buning uchun qo‘shiq bilan ishlash metodi asosida nutq o‘stirishga mo‘ljallangan mashqlar samarali bo‘ldi. Fan yuzasidan kerakli adabiyotlar tavsiya qilindi. Dars yakunlandi, talabalar baholandi va o’z vaqtida vazifa topshirildi. Darsda ko’zlangan maqsadga erishildi. Ochiq dars tahlilida kafedra o'qituvchisi L.B.Ikromova ishtirok etib, dars yuzasidan o‘z fikr-mulohazalarini bildirdi.

Nemis va fransuz filologiyasi kafedrasi.

Fransuz kino festivali - Buxoroda.

2026-10-17T01:16:42.562Z

2026-yil 16-oktabr kuni Buxoro davlat universiteti Xorijiy tillar fakultetining bir guruh talabalari Nemis va Fransuz filologiyasi kafedrasi o'qituvchisi Sh.D.Xolova rahbarligida Fransuz kino festivali doirasida navbatdagi film namoyishiga ishtirok etishdi.

Buxoroda Fransiya madaniyati oyligi doirasida tashkil etilgan Fransuz kino festivali ko'plab til ixlosmandlarini katta ekran qarshisiga chorladi: Buxoro davlat pedagogika instituti Yoshlar bog'ida 12-16-oktabr kunlari fransuz kino san'atining klassik komediyalari namoyish etildi. Unda Buxoro davlat universiteti Xorijiy tillar fakulteti 11-1Fra-26, 11-2Fra-26, 11-1Tnf-26, 11-2Tnf-26, 11-1Fra-24 guruhlari 1-3-bosqich talabalaridan tarkib topgan bir guruh til ixlosmandlari ham tashrif buyurib, fransuz tilida namoyish etilgan qiziqarli "L'aile ou la cuisse" nomli hajviy filmi tomosha qilishdi.

Aytish joizki, bunday tadbirlar xorijiy tillarni chuqur o'rganishni maqsad qilgan barcha til ixlosmandlari uchun foydali hisoblanadi. Xususan, Filologiya va tillarni o‘qitish (fransuz tili) hamda Tarjima nazariyasi va amaliyoti (fransuz tili) ta'lim yo'nalishlarida tahsil olayotgan yoshlarga o'rganilgan yangi tajriba va bilimlar manfaatli bo'lgani aniq. Umid qilamizki, talabalarning darsdan tashqari bo'shvaqtlarini samarali o'tkazishga ulkan hissa qo'shadigan bu kabi ma'naviy-ma'rifiy tadbirlar yana ko'plab tashkil etiladi.

Nemis va fransuz filologiyasi kafedrasi.

Siyosiy ma'rifat soati o'tkazildi.

2026-09-25T11:31:52.644Z

2026-yil 25-sentabr kuni Xorijiy tillar fakulteti Nemis va fransuz filologiyasi kafedrasi professor-o'qituvchilari ishtirokida “Siyosiy-ma’rifat soati” o`tkazildi.

Ushbu siyosiy ma'rifat soatida kafedra dotsenti A. A. Jumayev hamda kafedra professor-o‘qituvchilari tomonidan mamlakatimizda amalga oshirilayotgan ijtimoiy-siyosiy islohotlar, davlat siyosatining ustuvor yo‘nalishlari hamda xorijiy davlatlarda yuz berayotgan dolzarb siyosiy jarayonlar yuzasidan ma’lumotlar o'rganildi.

Nemis va fransuz filologiyasi kafedrasi

“Tinchlik bering dunyoga” mavzusida Ma’rifat soati o‘tkazildi.

2026-09-15T12:10:44.070Z

2026-yil 15-sentyabr kuni Buxoro davlat universiteti Nemis va fransuz filologiyasi kafedrasida 15-sentabr - Xalqaro tinchlik kuni munosabati bilan “Tinchlik bering dunyoga” mavzusida Ma’rifat soati o'tkazildi.

Insonlarga tinchlik-osoyishtalikdan ko‘ra tansiqroq, azizroq ne’mat yo‘q. Yurt notinch bo‘lsa to‘y-tomosha, xursandchilik, o‘yin-kulgi tatimaydi. Urushlar tufayli insonlar o‘rtasida mehr-oqibat, odamgarchilik unutiladi, boshlangan xayrli ishlar, ulug‘ maqsadlar qolib ketadi. Barchaning hayotidan huzur-halovat, turmushidan orom-farog‘at ko‘tariladi. Shuning uchun ham Alloh taolo bandalarini bo‘lar-bo‘lmas sabablar bilan urush chiqarishdan, bir-birlariga qurol o‘qtalishdan qaytargan. Tinchlikning qanday ulug‘ ne’mat ekanini tasavvur qilish uchun har kuni xotirjamlik bilan ish va boshqa yumushlarga borib kelayotganimiz, farzandlarimizning xech qanday xavf-xatarsiz o‘qish va bog‘chaga qatnayotganini misol keltirish kifoya.

Nemis va fransuz filologiyasi kafedrasi.

Siyosiy ma'rifat soati o'tkazildi.

2026-09-04T09:00:00.508Z

2026-yil 4-sentyabr kuni Buxoro davlat universiteti Nemis va Fransuz filologiyasi kafedrasida navbatdagi Siyosiy ma'rifat soati o'tkazildi.

Navbatdagi “Siyosiy ma’rifat soati” da kafedra a’zolariga Qonunchilikdagi yangiliklar hamda Respublikamiz va xorijda roʻy bergan boshqa voqealar tafsilotlari yetkazildi. Shundan soʻng kafedra ma’naviy-ma’rifiy ishlar boʻyicha mas’uli M.M.Jo‘rayeva hamda kafedra professor-o‘qituvchilari D.H.Karimova, M.T.Babayev, N.B.Kuldashova va M.M.Mahmudovaning Respublikamizda hafta davomida roʻy bergan eng muhim va ahamiyatga molik bolgan voqealariga doir fikr-mulohazalari tinglandi. Siyosiy ma’rifat soatining asosiy maqsadi ishtirokchilarning siyosiy savodxonligini oshirish, ularni mamlakatimizda olib borilayotgan islohotlardan xabardor qilish hamda dunyoda yuz berayotgan dolzarb siyosiy jarayonlar haqida keng qamrovli tushuncha berishdan iborat bo‘ldi.

Nemis va fransuz filologiyasi kafedrasi.

Filologiya va tillarni o'qitish (fransuz tili) ta’lim yo’nalishi 4-bosqich talabalarining Bitiruv malakaviy ishi himoyasi o'tkazilmoqda.

2026-06-12T07:19:49.246Z

2026-yil 12-iyun kuni Buxoro davlat universiteti Xorijiy tillar fakulteti Filologiya va tillarni o'qitish (fransuz tili) ta’lim yo’nalishi bitiruvchi kurs talabalarining Bitiruv malakaviy ishi himoyasi jarayonlari boshlandi.

Ushbu jarayonda Davlat attestatsiya komissiyasi raisi A.Mahmudov, Xorijiy tillar fakulteti rahbariyati, Nemis va fransuz filologiyasi kafedrasi professor-o'qituvchilari hamda talabalar ishtirok etmoqda.

Nemis va fransuz filologiyasi kafedrasi.

Ilmiy parvozning muhim pallasi: Lingvistika (fransuz tili), Lingvistika (nemis tili) mutaxassisligi magistrantlarining dissertatsiya himoyasi bo‘lib o‘tdi.

2026-06-11T11:26:19.527Z

Joriy yilning 10-iyun sanasida Buxoro davlat universiteti Xorijiy tillar fakultetining Lingvistika (fransuz tili, nemis tili) mutaxassisligi 2-bosqich magistrantlari o‘zlarining ikki yillik ilmiy-tadqiqot ishlari mahsuli bo‘lgan magistrlik dissertatsiyalarini muvaffaqiyatli himoya qildilar.

Himoya ishlari Davlat attestatsiya komissiyasi raisi, a’zolari, kafedra professor-o‘qituvchilari hamda nufuzli ekspertlar ishtirok etgan ushbu himoyada magistrantlar zamonaviy tilshunoslik, fransuz va nemis tili leksikologiyasi, grammatikasi, tarjimashunoslik muammolari hamda lingvokulturologiyaga oid dolzarb mavzulardagi tadqiqotlarini taqdim etdilar.

Ilmiy kengash raisi A.Maxmudov yakuniy nutqida magistrantlarning ilmiy salohiyatini yuqori baholab, ularning kelgusi ilmiy faoliyatlariga, xususan, doktorantura (PhD) bosqichida tadqiqotlarini davom ettirishlariga muvaffaqiyat tiladi.

Barcha bitiruvchi magistrantlarimizni ushbu yuksak marra bilan tabriklaymiz va kelgusi pedagogik hamda ilmiy faoliyatlarida zafarlar yor bo‘lishini tilab qolamiz!

Nemis va fransuz filologiyasi kafedrasi.

Malakaviy amaliyot jarayoni boshlandi.

2026-06-01T12:56:22.403Z

2026-yil 1-iyun kuni Buxoro davlat universiteti Xorijiy tillar fakulteti Fransuz filologiyasi kafedrasi katta o'qituvchisi f.f.f.d.(PhD) Jabbarova Maloxat Xamdamovna tomonidan III-bosqich Filologiya va tillarni o'qitish 11-3FRA-23 guruh talabalari bilan Malakaviy amaliyotning passiv jarayoni ilk mashg’uloti tashkil etildi.

Amaliyotning birinchi kunida talabalarga malakaviy amaliyot haqida tushuncha berildi. Malakaviy amaliyot – boʼlajak mutaxassislarni tayyorlashda oʼquv pedagogik jarayonining asosiy qismi hisoblanadi. Malakaviy amaliyot namunaviy va ishchi oʼquv rejasiga mos ravishda amalga oshiriladi. Malakaviy amaliyotning mazmumni amaliyot turiga qarab, kafedrada ishlab chiqilgan dasturiga mos boʼladi. Malakaviy amaliyot oʼquv mashgʼulotlaridan ajralgan holda tashkil etiladi. Malakaviy amaliyotni talabalar oliy taʼlim muassasasi bilan shartnoma tuzilgan tashkilotlarda oʼtashlari mumkin. Talabalarning malakaviy amaliyotni oʼtash joylari oliy taʼlim muassasasi rektori tomonidan chiqarilgan buyruq asosida tashkil etiladi.

Malakaviy amaliyotning maqsadi va vazifalari haqida boʼlajak mutaxassislarni kasbiy faoliyatga tayyorlash, olgan bilimlarini amaliyotda sinab koʼrish, pedagogik va kasbiy faoliyat maʼsuliyatini his etish va oʼz ustida ishlash koʼnikmasini shakllantirish, shuningdek, tajribali mutaxassislarning ish faoliyatini oʼrganishdan iborat ekanligi tushuntirildi. Malakaviy amaliyot vazifalari: Talabalarda tanlangan kasbiga qiziqishni takomilashtirish; Kasbiy faoliyat haqida bir butun tushunchani shakllantirish; Kasbiy koʼnikma va malakalarni shakllantirish; Kasbiy faoliyat boʼyicha tajribani yaratish. Talabalarning olgan nazariy bilimlarini chuqurlashtirish, mustahkamlash va ularni amalda qoʼllashga oʼrgatish. Mustaqil va ijodiy ishlashga, ilgʼor tajribalarni muntazam oʼrganishga, kasbiy faoliyatda ijodkor boʼlishga undash haqida talabalarga batafsil ma'lumotlar berib o'tildi.

Nemis va fransuz filologiyasi kafedrasi.

Malakaviy amaliyotga start berildi.

2026-06-01T07:21:41.440Z

Buxoro davlat universiteti Nemis va Fransuz filologiyasi kafedrasi huzurida Gid hamrohligi va tarjimonlik faoliyati ta'lim yo'nalishi 3-bosqich 11-6Ghtf-23 guruhida joriy o'quv yili uchun belgilangan Malakaviy amaliyot jarayoni boshlandi.

Ushbu jarayonning passiv amaliyot bosqichida talabalar amaliyot rahbari, Nemis va fransuz filologiyasi kafedrasi professori, f.f.d(DSc) M.H.Xamidova bilan uchrashib, belgilangan vazifalar bilan tanishtirildi.

Nemis va fransuz filologiyasi kafedrasi.