@gulasalxayrulloyeva

Sofiyada o‘zbek tili va madaniyati uyg‘unligi

2026-06-04T10:48:27.963Z

Ayni kunlarda Bolgariyaning poytaxti Sofiya shahrida o‘zbek ilm-fani va madaniyatining yorqin nafasi sezilmoqda. Buxoro davlat universitetining bir guruh professor-o‘qituvchilaridan tashkil topgan delegatsiya a'zolari Sofiya universiteti da bo‘lib, talabalarga mazmunli va dolzarb mavzularda darslar o‘tmoqdalar. Delegatsiyaga a'zosi Filologiya fakulteti dekani, filologiya fanlari doktori (DSc), professor G.I. Toirova “Raqamli muhitda savodxonlikni ta’minlash vositalari: veb-platformalar va botlar tahlili” mavzusini yoritib, bugungi axborot asrida to‘g‘ri va samarali fikrlash ko‘nikmalarining ahamiyatini talabalarga yetkazdi. Tasviriy san’at va musiqa ijrochiligi kafedrasi professori, filologiya fanlari doktori (DSc) T.I. Rajabov esa “Milliy kuylar va maqomlarda xalqning ma’naviy-estetik qarashlari ifodasi” mavzusida dars o‘tib, o‘zbek xalqining boy musiqiy merosi orqali milliy ruh va estetik tafakkurni namoyon etdi. O‘zbek tilshunosligi va jurnalistika kafedrasi dotsenti, filologiya fanlari boʻyicha falsafa doktori (PhD) N.N. Hamroyeva tomonidan o‘tilgan “Salomlashish nutqiy akti va uning milliy-madaniy kommunikativ xususiyatlari” mavzusi esa til va madaniyatning uzviy bog‘liqligini ochib berdi. Oddiy salomlashuv ortida xalqning dunyoqarashi va qadriyatlari mujassam ekanligi talabalarda katta qiziqish uyg‘otdi. Dotsent, filologiya fanlari doktori (DSc) M.G‘. Navruzova esa “Tibbiy terminologiyada polisemiya va omonimiya: lingvistik yondashuv” mavzusida dars o‘tib, tilshunoslikning ilmiy va amaliy jihatlarini chuqur tahlil qildi. E’tiborlisi shundaki, ushbu mashg‘ulotlar Turkologiya fakultetining ikki yo‘nalishi: ozarbayjon va qozoq tili hamda madaniyati yo‘nalishida tahsil olayotgan talabalar uchun tashkil etildi. Bu esa turkiy xalqlar tillari va madaniyatlari o‘rtasidagi yaqinlikni yana bir bor namoyon etdi. Darslar davomida talabalar nafaqat yangi bilimlarga ega bo‘ldilar, balki o‘zbek tili va madaniyatiga nisbatan yanada chuqur qiziqish bildirdilar. Sofiya universiteti auditoriyalarida o‘tayotgan bu darslar — oddiy mashg‘ulot emas. Bu — turkiy xalqlarni birlashtiruvchi ma’naviy ko‘prik, ilmiy tafakkur va madaniyatlar uyg‘unligining yorqin ifodasidir. Bugun bu auditoriyalarda yangragan o‘zbekcha saboqlar ertaga yanada keng maydonlarda davom etishi shubhasiz.

Xalqaro hamkorlik: Istanbul Texnika Universiteti professori magistrantlarga dars bermoqda

2026-05-06T14:16:12.370Z

Oliy ta’lim va ilm-fan sohasidagi xalqaro hamkorlik nafaqat tajriba almashish, balki talabalar uchun yangi imkoniyatlar eshigini ochish demakdir. Shu kunlarda kompyuter lingvistikasi yo‘nalishi magistrantlari uchun Turkiyaning eng nufuzli oliygohlaridan biri — Istanbul Texnika Universiteti (İTÜ) professori, texnika fanlari doktori Eshref Adali tomonidan tashkil etilgan dars jarayonlari ana shunday muhim voqealardan biriga aylandi.
🐍 Python: Nazariyadan amaliyotga
Professor Eshref Adali magistrantlarga Python dasturlash tili fanidan saboq berar ekan, asosiy e’tiborni tilshunoslik va texnologiya tutashgan nuqtalarga qaratmoqda. Darslar davomida quyidagi muhim yo‘nalishlar qamrab olindi:
NLP (Tabiiy tilni qayta ishlash): Matnlarni avtomatik tahlil qilish, morfologik va sintaktik analizatorlar yaratish.
Algoritmlash: Lingvistik ma’lumotlarni tizimlashtirish va raqamli korpuslar bilan ishlash.
Ma’lumotlar tahlili: Katta hajmdagi matnli bazalardan foydali statistik natijalarni olish.
🎓 Magistrlik dissertatsiyalarida innovatsion yondashuv
Eng quvonarlisi, magistrantlarimiz malakali ustozdan o‘rgangan bilimlarini shunchaki nazariya sifatida qoldirmay, o‘zlarining magistrlik dissertatsiyalari doirasida muvaffaqiyatli qo‘llashmoqda.
Ustoz haqida qisqacha
Professor Eshref Adali — Turkiyaning axborot texnologiyalari va kompyuter muhandisligi sohasidagi yetakchi olimlaridan biri. Uning rahbarligida amalga oshirilgan loyihalar va yaratilgan darsliklar turkiy tillar kompyuter lingvistikasini rivojlantirishda tamal toshi bo‘lib xizmat qilmoqda.

"Zamonaviy tilshunoslikni dasturlashsiz tasavvur qilib bo‘lmaydi. Bizning vazifamiz — tilning go‘zalligini algoritmlarning aniqligi bilan birlashtirishdir."

Ushbu hamkorlik magistrantlarimizning ilmiy salohiyatini oshirish bilan birga, milliy tilimizning raqamli dunyodagi nufuzini yanada mustahkamlashga xizmat qiladi.

Bilimli, kitobxon jamoa- muvaffaqiyat garovi

2026-04-30T04:20:25.290Z

2026- yil, 29-aprel kuni Buxoro davlat universiteti Filologiya fakulteti ishchi- xodimlari bilan kitobxonlik doirasida “ Bilimli, kitobxon jamoa- muvaffaqiyat garovi“ loyihasi asosida davra suhbati tashkil etildi. Ushbu loyiha fakultet dekani professor G. I. Toirova tashabbusi asosida, O’zbek tilshunosligi va jurnalistika kafedrasi dotsenti Nilufar Adizova boshchiligida fakultet ishchi-xodimlarining kitobxonlik madaniyati hamda ma’naviy- ma’rifiy bilimlarini shakllantirish maqsadida amalga oshirildi. Suhbat jarayonida ishchi- xodimlar tanishib kelishlari topshirilgan Abdulla Qahhor qalamiga mansub "Ming bir jon" hikoyasidan olgan taassurotlari, fikr- mulohazalarini bildirdilar va suhbat davomida faol ishtirok etgan, asar yuzasidan fikr-mulohazalarini bayon etgan ishchi-xodimlarga eng yaxshi sovgʻa sifatida kitob taqdim etildi. Suhbat xodimlarda iliq taassurotlar hamda o’zlariga ishonch kayfiyatini uyg’otdi.

Germaniya va Turkiya olimlari Nishon Otamurodov uy muzeyida

2026-04-22T02:12:44.807Z

Yaqinda Germaniya va Turkiyadan tashrif buyurgan professor-o‘qituvchilar delegatsiyasi taniqli ijodkor va jamoat arbobi Nishon Otamurodovning uy muzeyiga tashrif buyurdi. Mazkur tashrif ilmiy-madaniy hamkorlikni mustahkamlash, o‘zbek adabiy merosi bilan yaqindan tanishish hamda xalqaro ilmiy aloqalarni rivojlantirishga qaratilgan muhim voqea bo‘ldi.

Mehmonlar muzey eksponatlari bilan tanishar ekan, Nishon Otamurodovning hayoti, ijodi va jamiyat rivojiga qo‘shgan hissasi haqida batafsil ma’lumotlarga ega bo‘lishdi. Ayniqsa, yozuvchining qo‘lyozmalari, shaxsiy buyumlari hamda tarixiy hujjatlar xorijlik olimlarda katta qiziqish uyg‘otdi.

Tashrif davomida mehmonlar o‘z fikr-mulohazalari bilan o‘rtoqlashib, o‘zbek xalqining boy madaniy merosi va adabiy an’analari haqida iliq taassurotlarini bildirdilar. Ular bunday maskanlar yosh avlodni milliy qadriyatlarga hurmat ruhida tarbiyalashda muhim ahamiyatga ega ekanini alohida ta’kidlashdi.

Turkologiya sohasida ilmiy izlanishlar va innovatsion yondashuvlar: Hacettepe universiteti tajribasi

2026-04-22T01:53:55.765Z

Bugun Buxoro davlat universiteti Filologiya fakultetida Turkiyaning Hacettepe universiteti dotsenti, f.f.f.d. (PhD) Melike Uzum ishtirokida mahorat darsi bo'lib o'tdi.

Mashg'ulot doirasida o'zbek va Turkiya turkchasi qiyosiy grammatikasi mavzusida ma'ruza qilindi. Dars davomida ikki qardosh tilning strukturaviy xususiyatlari qiyosiy tahlil etilib, turkologiya sohasidagi zamonaviy innovatsion yondashuvlar va tadqiqot metodikasiga doir xalqaro tajribalar o'rtoqlashildi

Ushbu amaliy hamkorlik talabalarning qiyosiy tilshunoslik borasidagi bilimlarini boyitishga va oliygohlararo ilmiy aloqalarni mustahkamlashga xizmat qiladi.

Sarlavha

2026-04-10T10:14:33.912Z

Matn

Qardosh Ozarbayjon talabalariga òzbek tilidan saboq berildi

2026-04-09T04:38:45.511Z

Ozarbayjon Slavyan Universitetida Birinchi Turkologiya Qurultoyining 100 yilligiga bag‘ishlangan “Xalqaro Turkologik Tadqiqotlar” konferensiyasi yuqori saviyada o‘tkazilmoqda. Mazkur nufuzli anjuman turkiy xalqlar o‘rtasidagi ilmiy va madaniy aloqalarni mustahkamlashga xizmat qilmoqda.
Konferensiya doirasida f.fd., professor Guli Toirova hamda f.f.d., professor Bashorat Jamilova tomonidan qardosh Ozarbayjon talabalari uchun o‘zbek tili bo‘yicha maxsus darslar tashkil etildi. Ushbu mashg‘ulotlar davomida talabalarga o‘zbek tilining grammatik xususiyatlari, boy leksikasi hamda nutq madaniyati haqida atroflicha ma’lumot berildi.
Darslar interaktiv tarzda olib borilib, talabalar tomonidan katta qiziqish bilan qarshi olindi. Mazkur tashabbus ikki xalq o‘rtasidagi do‘stona aloqalarni yanada mustahkamlash, til va madaniyatga bo‘lgan qiziqishni oshirishda muhim ahamiyat kasb etdi.

Yangi istiqbolli loyihalar muhokamasi

2026-04-09T04:30:14.497Z

Ozarbayjon Slavyan Universitetida Birinchi Turkologiya Qurultoyining 100 yilligiga bag‘ishlangan “Xalqaro Turkologik Tadqiqotlar” konferensiyasi yuqori saviyada tashkil etilib, muvaffaqiyatli o‘tkazilmoqda. Mazkur nufuzli anjuman Turkologiya sohasida ilmiy muloqotni yanada rivojlantirish, turkiy xalqlar o‘rtasida o‘zaro hamkorlikni mustahkamlash hamda til, tarix va madaniyatga oid dolzarb masalalarni keng muhokama qilishga xizmat qilmoqda.

Konferensiya doirasida professor Toirova Guli Ibragimovna Ozarbayjon Slavyan Universiteti rahbariyati bilan uchrashuv o‘tkazib, yangi ilmiy hamkorlik yo‘nalishlarini muhokama qildi hamda istiqbolli qo‘shma loyihalar yuzasidan kelishuvlarga erishdi va tegishli hujjatlar imzolandi. Mazkur hamkorlik kelgusida ilmiy almashinuvni kengaytirish, qo‘shma tadqiqotlar olib borish va turkologiya sohasida innovatsion yondashuvlarni joriy etishga xizmat qilishi kutilmoqda.

Ozarbayjonda Turkologiya Qurultoyining 100 yilligi nishonlandi

2026-04-09T04:23:43.445Z

Ozarbayjonning Slavyan Universitetida Birinchi Turkologiya Qurultoyining 100 yilligiga bag‘ishlangan "Xalqaro Turkologik Tadqiqotlar" konferensiyasi yuqori saviyada bo‘lib o‘tmoqda. Ushbu nufuzli anjuman turkologiya sohasida ilmiy muloqotni yanada rivojlantirish, turkiy xalqlar o‘rtasida o‘zaro hamkorlikni mustahkamlash hamda til, tarix va madaniyatga oid dolzarb masalalarni keng muhokama qilishga qaratilgani bilan ahamiyatlidir. Ushbu muhim anjumanda Buxoro davlat universitetidan vakil sifatida Filologiya fakulteti dekani f.f.d., professor Guli Toirova va Òzbek tilshunosligi va jurnalistika kafedrasi professori f.f.d. Bashorat Jamilovalar munosib ishtirok etishmoqda. Konferensiya doirasida professor Toirova Guli Ibragimovna òzining "Raqamli muhitda savodxonlikni ta'minlash vositalari: veb-patformalar va botlar tahlili" mavzusidagi ma'ruzasi va professor Bashorat Jamilova "Turkiy xalqlar folklori va bolalar she'riyatida allaning uyĝun ohanglari" mavzularida o‘z ilmiy qarashlari bilan o‘rtoqlashib, turkiy dunyoning boy merosi va istiqboldagi rivojlanish yo‘nalishlari yuzasidan fikr almashdilar. Bu kabi ilmiy anjumanlar xalqlar o‘rtasidagi madaniy va ilmiy aloqalarni mustahkamlashda muhim o‘rin tutadi.

Ozarbayjonda Turkologiya Qurultoyining 100 yilligi nishonlandi

2026-04-08T09:40:12.114Z