@imtiyozlar

Litsenziyalash va ruxsat berish tartib-taomillarini tubdan takomillashtirish chora-tadbirlari to‘g‘risida

2020-09-23T07:35:53.245Z

Litsenziyalash to’liq bekor qilinadigan faoliyat turlari:

— Auditorlik faoliyati

— Audiovizual asarlarni, fonogrammalarni va EHM uchun yaratilgan dasturlarni takrorlash faoliyati

— Fonogrammalarni tayyorlash faoliyati

— Qimmatli qog‘ozlar blankalarini ishlab chiqarish faoliyati

— Telekommunikatsiyalar tarmoqlarini loyihalashtirish, qurish, ulardan foydalanish va ularga xizmat ko‘rsatish faoliyatini litsenziyalashda:

umumiy foydalanish punktlari, shu jumladan qishloq joylardagi kichik tadbirkorlik subyektlarining umumiy foydalanish punktlari tomonidan ma’lumotlarni uzatish tarmoqlari xizmatlarini ko‘rsatish;

qishloq joylardagi kichik tadbirkorlik subyektlari tomonidan mahalliy telekommunikatsiya tarmoqlari orqali xizmat ko‘rsatish;

qishloq joylardagi kichik tadbirkorlik subyektlari tomonidan shaharlararo telekommunikatsiyalar tarmoqlari orqali xizmat ko‘rsatish;

Batafsil: https://lex.uz/docs/-4966394

O‘zbekiston Respublikasi Prezidenti huzuridagi Tadbirkorlik sub'ektlarining huquqlari va qonuniy manfaatlarini himoya qilish bo‘yicha vakili institutini ta'sis etish to‘g‘risida

2020-09-22T10:34:00.993Z

Tadbirkorlik sub'ektlarining huquqlari va qonuniy manfaatlarini himoya qilish kafolatlarini kuchaytirish, ularning faoliyatiga davlat organlarining asossiz aralashuvini oldini olish, xususiy mulk daxlsizligining huquqiy mexanizmlarini yanada mustahkamlash, shuningdek, tadbirkorlik sub'ektlari huquqlarining ustuvorligi prinsipini ta'minlash maqsadida: 1. O‘zbekiston Respublikasi Prezidenti huzuridagi Tadbirkorlik sub'ektlarining huquqlari va qonuniy manfaatlarini himoya qilish bo‘yicha vakili instituti (keyingi o‘rinlarda Tadbirkorlarning huquqlarini himoya qilish bo‘yicha vakil deb yuritiladi) ta'sis etilsin. 2. Tadbirkorlarning huquqlarini himoya qilish bo‘yicha vakilning asosiy vazifalari va faoliyat yo‘nalishlari etib quyidagilar belgilansin: tadbirkorlik faoliyatini rivojlantirish, tadbirkorlik sub'ektlarining huquqlari va qonuniy manfaatlarini himoya qilish sohasida davlat siyosatini shakllantirish va amalga oshirishda ishtirok etish; davlat organlari, shu jumladan, huquqni muhofaza qiluvchi va nazorat idoralari tomonidan tadbirkorlik sub'ektlarining huquqlari va qonuniy manfaatlariga rioya etilishi yuzasidan nazoratni amalga oshirish; tadbirkorlik sub'ektlarining faoliyati tekshirilayotganda ularni huquqiy qo‘llab-quvvatlash;

Batafsil: http://lex.uz/docs/3193118

Kichik va O‘rta tadbirkorlikni rivojlantirishni rag‘batlantirishga oid qo‘shma chora-tadbirlar to‘g‘risida

2020-09-22T10:30:49.879Z

Kichik va o‘rta tadbirkorlikni rivojlantirishni yanada rag‘batlantirish, uni raqobatbardosh mahsulot ishlab chiqarishni ko‘paytirish imkonini beradigan zamonaviy xorijiy uskunalar va texnologiyalar bilan ta'minlash maqsadida, shuningdek jalb etilayotgan xorijiy kredit mablag‘lardan samarali foydalanish manfaatlarini ko‘zlab:

1. Kichik va o‘rta tadbirkorlikni rivojlantirish bo‘yicha loyihalarni moliyalash uchun xalqaro moliya tashkilotlarining kredit majburiyatlarini, shuningdek xorijiy sarmoyadorlarning mablag‘larini respublikaning Tashqi iqtisodiy faoliyat milliy banki hamda boshqa tijorat banklari orqali jalb etish to‘g‘risida O‘zbekiston Respublikasi Moliya vazirligi bilan Davlat mulkini boshqarish va tadbirkorlikni qo‘llab-quvvatlash davlat qo‘mitasining taklifi ilovaga muvofiq qabul qilinsin.

Batafsil: http://lex.uz/docs/168873

Tadbirkorlik uchun shart-sharoitlar yaratishga oid qo‘shimcha chora-tadbirlar to‘g‘risida

2020-09-22T10:24:15.138Z

Tadbirkorlikni rivojlantirish uchun qulay shart-sharoitlarni shakllantirish, aholi bandligi va farovonligini oshirish, tadbirkorlik sub'ektlari tomonidan o‘z ishlab chiqarishini muntazam modernizasiyalash, texnik va texnologik jihatdan qayta jihozlash, uni yuqori sifatli va raqobatbardosh mahsulot ishlab chiqarishni ko‘paytirish imkonini beradigan ilg‘or zamonaviy uskunalar bilan ta'minlashga qaratilgan samarali rag‘batlantirish tizimini yaratish maqsadida:

Batafsil: http://lex.uz/docs/3988165

Mamlakatda biznes muhitini yanada yaxshilash va tadbirkorlikni qo‘llab-quvvatlash tizimini takomillashtirish chora-tadbirlari to‘g‘risida

2020-09-22T10:18:06.857Z

So‘nggi yillarda O‘zbekistonda tadbirkorlik faoliyatini amalga oshirishni yengillashtirish va rag‘batlantirish maqsadida sohaga oid qator tartibotlar tanqidiy qayta ko‘rib chiqilib, eskirgan, zamon talabiga javob bermaydigan byurokratik to‘siq va g‘ovlar bekor qilindi. Ko‘rilgan choralar natijasida respublikada ishbilarmonlik muhiti yaxshilandi, tadbirkorlik sub'ektlari va xususiy investorlar uchun keng imkoniyatlar yaratildi.
Bunday ijobiy o‘zgarishlar nufuzli xalqaro tashkilotlar tomonidan ham keng e'tirof etilmoqda. Jumladan, Jahon banki va Xalqaro moliya korporatsiyasi tomonidan e'lon qilingan «Biznes yuritish — 2020» hisobotida O‘zbekiston 69-o‘rinni egallab, islohotlar miqyosi va samaradorligi bo‘yicha dunyoning eng yaxshi 20 ta islohotchi davlati qatoridan joy oldi.
Shu bilan birga, tadbirkorlar va investorlar bilan uchrashuvlar joylardagi ijrochilar sohada amalga oshirilayotgan islohotlarning mazmun-mohiyatidan to‘liq xabardor emasligini, qabul qilingan normativ-huquqiy hujjatlarning amaliyotga joriy etilishi sezilarli darajada ortda qolayotganligini, ayrim lisenziya va ruxsatnomalarni rasmiylashtirishda ortiqcha byurokratik to‘siqlar mavjudligini ko‘rsatmoqda.
Mamlakatimizda biznes yuritish muhitini yanada yaxshilash, tadbirkorlikka keng erkinlik berish borasida boshlangan islohotlarni davom ettirish hamda qabul qilingan qonun hujjatlarining joylarda to‘g‘ri tatbiq etilishini ta'minlash maqsadida:

Batafsil: http://lex.uz/docs/4602230

Tadbirkorlik faoliyati va o‘zini o‘zi band qilishni davlat tomonidan tartibga solishni soddalashtirish chora-tadbirlari to‘g‘risida

2020-09-22T10:15:02.812Z

Aholini tadbirkorlik faoliyatiga yanada keng jalb qilish va qonuniy mehnat faoliyatini amalga oshirish uchun qo‘shimcha shart-sharoitlarni yaratish maqsadida:
1. Ma'lumot uchun qabul qilinsinki, O‘zbekiston Respublikasi Soliq kodeksiga muvofiq o‘zini o‘zi band qilgan shaxslarning mehnat faoliyati natijasida olingan daromadlari jismoniy shaxslar jami daromadlari tarkibiga kiritilmaydi.
2. 2020 yil 1 iyuldan o‘zini o‘zi band qilgan shaxslar shug‘ullanishi mumkin bo‘lgan faoliyat (ishlar, xizmatlar) turlari ro‘yxati ilovaga muvofiq kengaytirilsin.
3. 2020 yil 1 iyuldan boshlab shunday tartib joriy etilsinki, unga muvofiq:
o‘zini o‘zi band qilgan shaxslarni ro‘yxatga olish xabar berish tartibida o‘zini o‘zi band qilgan sifatida ro‘yxatdan o‘tganlikni tasdiqlovchi matrisali shtrix kod (QR-kod) bergan holda maxsus mobil' ilova yoxud soliq to‘lovchining shaxsiy kabineti orqali amalga oshiriladi hamda vaqtinchalik mehnat guvohnomalarini berish tartibi bekor qilinadi;
o‘zini o‘zi band qilgan shaxslar 2020 yil uchun ijtimoiy soliqni o‘zini o‘zi band qilgan shaxs sifatida haqiqatda ishlagan vaqtidan qat'i nazar bazaviy hisoblash miqdorining kamida 50 foizi hajmida to‘laydi hamda ushbu summa to‘liqligicha byudjetdan tashqari Pensiya jamg‘armasiga yo‘naltiriladi va undan kelib chiqqan holda yakka tartibdagi tadbirkorlar uchun o‘rnatilgan tartibda pensiya hisoblash uchun daromad hajmi aniqlanadi;
o‘zini o‘zi band qilgan shaxslar yollanma ishchilarni jalb qila olmasligi hamda ish beruvchiga ega bo‘la olmasligi to‘g‘risidagi talab saqlanib qoladi.

Batafsil: http://lex.uz/docs/4849607

«Har bir oila-tadbirkor» dasturini hamda Namangan viloyatidagi kichik sanoat zonalarini rivojlantirishni moliyalashtirishga doir qoʼshimcha chora-tadbirlar toʼgʼrisida

2020-09-22T10:10:42.301Z

1. O‘zbekiston Respublikasi Iqtisodiy taraqqiyot va kambag‘allikni qisqartirish vazirligi hamda Moliya vazirligining Tiklanish va taraqqiyot jamg‘armasidan (keyingi o‘rinlarda — Jamg‘arma):
a) «Har bir oila — tadbirkor» dasturi uchun qo‘shimcha ravishda 98 million AQSh dollari ekvivalentidagi mablag‘larni:
«Agrobank» ATBga — 40 million AQSh dollari ekvivalentida;
AT Xalq bankiga — 30 million AQSh dollari ekvivalentida;
«Mikrokreditbank» ATBga — 28 million AQSh dollari ekvivalentida;
b) mikromoliyaviy xizmatlar ko‘rsatuvchi tashkilotlar hamda nodavlat notijorat tashkilotlariga yoshlar va xotin-qizlarni kichik tadbirkorlikka jalb qilish loyihalarini qo‘llab-quvvatlashga — 2 million AQSh dollari ekvivalentida;
v) Namangan viloyatidagi kichik sanoat zonalari faoliyatini yanada rivojlantirish uchun Namangan viloyati hokimligiga 50 million AQSh dollari ajratish haqidagi takliflariga rozilik berilsin.

Batafsil: http://lex.uz/docs/4895038

Kambagʼal va ishsiz fuqarolarni tadbirkorlikka jalb qilish, ularning mehnat faolligini oshirish va kasb-hunarga oʼqitishga qaratilgan hamda aholi bandligini taʼminlashga oid qoʼshimcha chora-tadbirlar toʼgʼrisida

2020-09-22T10:01:45.050Z

Mamlakatimizda mehnat bozorining samarali mexanizmlarini joriy qilish, aholining ishchanlik faolligini oshirish, kambagʼal va ishsiz fuqarolarni zamonaviy kasb-hunar va tadbirkorlik koʼnikmalariga oʼqitish, shu asosda ularni doimiy daromad keltiradigan mehnat va tadbirkorlik faoliyatiga jalb qilish orqali bandligini taʼminlash maqsadida:
1. Bandlik va mehnat munosabatlari vazirligi (keyingi oʼrinlarda — Vazirlik) tegishliligi boʼyicha Qoraqalpogʼiston Respublikasi Vazirlar Kengashi, viloyatlar va Toshkent shahri hokimliklari bilan birgalikda:
2021 yil 1 yanvarga qadar Qoraqalpogʼiston Respublikasi va viloyatlarda «Ishga marhamat» monomarkazlarini 1-ilovaga muvofiq;
bir oy muddatda Qoraqalpogʼiston Respublikasi, viloyatlar va Toshkent shahrida Oʼzbekiston Respublikasi Bandlik va mehnat munosabatlari vazirligi tizimidagi kasb-hunarga oʼqitish markazlarini 2-ilovaga muvofiq;
Oliy va oʼrta maxsus taʼlim vazirligi bilan birgalikda bir oy muddatda Toshkent shahri tumanlarida qisqa muddatli kasb-hunarga oʼqitish kurslarini 3-ilovaga muvofiq;
Mahalla va oilani qoʼllab-quvvatlash vazirligi bilan birgalikda ikki oy muddatda mahalla aholisini kasb-hunarga oʼqitish maskanlarini 4-ilovaga muvofiq tashkil etsin.

Batafsil: http://lex.uz/docs/4945748

Oʼzbekiston Respublikasi Pillachilik va qorakoʼlchilikni rivojlantirish qoʼmitasi faoliyatini tashkil etish toʼgʼrisida

2020-09-22T09:56:06.967Z

Oʼzbekiston Respublikasi Pillachilik va qorakoʼlchilikni rivojlantirish qoʼmitasi faoliyatini samarali tashkil etish maqsadida, shuningdek, Oʼzbekiston Respublikasi Prezidentining 2020 yil 2 sentyabrdagi «Oʼzbekiston Respublikasida pillachilik va qorakoʼlchilikni yanada rivojlantirish chora-tadbirlari toʼgʼrisida»gi PF-6059-son Farmoniga muvofiq:

Batafsil:http://lex.uz/docs/4979915

Baliqchilik tarmogʼini qoʼllab-quvvatlash va uning samaradorligini oshirish chora-tadbirlari toʼgʼrisida

2020-09-22T07:36:28.669Z

Respublikada baliqchilik tarmogʼini qoʼllab-quvvatlash, baliqchilik va baliq ovlash xoʼjaliklari faoliyati samaradorligini oshirish, ushbu sohada yer va suv resurslaridan oqilona va samarali foydalanish hamda intensiv texnologiyalarning keng joriy etilishini taʼminlash maqsadida:

1. Belgilansinki:2020 yildan boshlab sunʼiy suv havzalarida baliq yetishtiradigan baliqchilik xoʼjaliklariga suv resurslaridan foydalanganlik uchun soliq suv obʼektidan olingan va qaytarib chiqarilgan suv hajmi oʼrtasidagi farqidan kelib chiqib, qishloq xoʼjaligi yerlarini sugʼorish uchun belgilangan stavkalarda hisoblanadi;kollektor-drenaj suvlaridan olib foydalanilgan suv resurslari soliq solish obʼekti hisoblanmaydi;baliqchilik xoʼjaliklari va qishloq xoʼjaligi korxonalariga suv resurslaridan foydalanganlik uchun soliqni hisoblash uchun foydalanilgan suvning hajmi haqiqatda isteʼmol qilingan hajmdan kelib chiqqan holda Suv xoʼjaligi vazirligi tarkibiga kiruvchi tashkilotlar tomonidan aniqlanadi;baliqchilik xoʼjaliklari va qishloq xoʼjaligi korxonalari tomonidan foydalanilgan suvning haqiqatda isteʼmol qilingan hajmini aniqlash imkoni boʼlmaganda, suv resurslaridan foydalanganlik uchun soliq bazasi belgilangan suvni isteʼmol qilish normativlarining 50 foizi miqdorida belgilanadi;Suv xoʼjaligi vazirligi tomonidan har yili suv limitlari belgilanayotganda baliqchilik xoʼjaliklari foydalanishi mumkin boʼlgan kollektor-drenaj tarmoqlarining roʼyxati shakllantiriladi hamda Suv xoʼjaligi vazirligining veb-saytida joylashtirib boriladi;baliqchilik xoʼjaliklari foydalanishi mumkin boʼlgan kollektor-drenaj tarmoqlaridagi suvlardan kollektor-drenaj tarmoqlarining loyihaviy parametrlariga rioya qilgan holda foydalanadi.

Batafsil: http://lex.uz/docs/4975254