@izzatxoja_asomiddinov

“Yilning eng faol talabasi – 2024” respublika ko‘rik-tanlovining yakunlandi!

2024-12-25T12:01:43.649Z

“Yilning eng faol talabasi – 2024” nominatsiyalari g‘oliblari aniqlandi!

2024-12-24T18:46:13.321Z

“Yilning eng faol talabasi – 2024” respublika ko‘rik-tanlovining yakuniy bosqichi o‘tkazilmoqda

2024-12-24T09:53:57.865Z

“Huquq bilimdonlari” tanlovi respublika bosqichidan fotolavhalar

2024-12-16T16:45:24.437Z

Talaba va o‘quvchilarning ijtimoiy faolligini oshirish markazida “Huquq bilimdonlari” respublika bilimlar bellashuvining yakuniy bosqichi bo‘lib o‘tdi. Finalda hududiy saralash bosqichlarida g‘olib bo‘lgan 14 nafar ishtirokchi o‘zaro 2 ta shart: test savollari hamda insho yozish bo‘yicha bellashdi.

Tanlovning final bosqichi Hakamlar hay’ati tomonidan shaffof va adolatli baholab borildi. Tushlikka qadar yakunlangan final bosqichining 2 shartidagi test va insholar, Tashkiliy ishchi guruhi tomonidan shifrlanib, Hakamlar hay’ati a’zolariga taqdim etildi va tekshirilib, baholandi. Barcha ishtirokchilarning natijalari aniqlangach, mas’ullar, tashkilotchilar va final ishtirokchilari finalning taqdirlash marosimi taklif etildi.

Marosim avvalida, barcha ishtirokchilarning ballari o‘qib eshittirildi. Markaz rahbari Abdumalik Akramov tanlovni adolatli va shaffof baholab borgan Hakamlar hay’ati a’zolariga Oliy ta’lim, fan va innovatsiyalar vazirining tashakkurnomalarini topshirdi.

So‘ngra, tanlovning final bosqichida munosib ishtirok etib, biroz omad yetishmagan va sovrinli o‘rinlarni egallay olmagan barcha ishtirokchilarga Oliy ta’lim, fan va innovatsiyalar vazirligining sertifikatlari topshirildi.

Tanlovda yuqori o‘rinlarni egallagan ishtirokchilarga Talaba va o‘quvchilarning ijtimoiy faolligini oshirish markazi direktori Abdumalik Akramov tomonidan Oliy ta’lim, fan va innovatsiyalar vazirligining I, II va III darajali diplomlari bilan topshirildi.

“Huquq bilimdonlari” respublika bilimlar bellashuvini tashkil etishda faol ishtirok etgan tashkilotchilar ham tashakkurnomalar bilan taqdirlandi.

“Huquq bilimdonlari” respublika tanlovining hududiy bosqichidan fotolavhalar

2024-12-07T16:01:46.262Z

Ushbu bosqichda har bir hududdan bir oliy ta’lim muassasasi mas’ul etib belgilandi va saralash bosqichida eng yuqori natijaga erishgan 140 nafar ishtirokchi mazkur oliygohlarga tashrif buyurib, kuzatuvchi nazorati ostida 2-bosqich testlarini ishladi.

Ishtirokchilarga korrupsiya va konstitutsiya bo‘yicha 50 ta test savollari berildi. Yakunda har bir hudud bo‘yicha 1-o‘rinni egallagan ishtirokchilar aniqlandi va tanlovning yakuniy respublika bosqichi yo‘llanmasiga ega bo‘ldi.

Respublika bosqichi ishtirokchilari ro‘yxati:

➡️Andijon: Abbos Norqarayev – ADPI talabasi
➡️Buxoro: Kumushoy Qudratova – BuxDU talabasi;
➡️Farg‘ona: Muhammadrajab Habibullayev – FarDU talabasi;
➡️Jizzax: Jamshid Normuratov – JDPU talabasi;
➡️Namangan: Dilafruz Nabijonova – NamDU talabasi;
➡️Navoiy: Hamidjon Raximov – NDKTU talabasi;
➡️Qashqadaryo: Shohjahon Mirakov – OTU talabasi;
➡️Qoraqalpog‘iston: Gulhayo Ergasheva – QDU talabasi;
➡️Samarqand: Salohiddin Xoliqov – SamDCHTI talabasi;
➡️Sirdaryo: Rayxona Xayrullayeva – GulDPI talabasi;
➡️Surxondaryo: Maxliyo Yusupova – TerDU talabasi;
➡️Xorazm: Yusufboy Egamov – UrDPI talabasi;
➡️Toshkent vil: Shohsanam Ravshanova – CHDPU talabasi;
➡️Toshkent: Toshmurod Abdurahmonov – IIVA talabasi;

“Dunyoqarashlar muloqoti: Yoshlarning jamiyat kelajagiga munosabati” mavzusida xalqaro ilmiy-amaliy konferensiya bo‘lib o‘tdi

2024-11-15T13:38:18.240Z

Oliy ta’lim, fan va innovatsiyalar vazirligi hamda Vazirlik huzuridagi Talaba va o‘quvchilarning ijtimoiy faolligini oshirish markazi tomonidan Jahon iqtisodiyoti va diplomatiya universitetida tashkil etilgan xalqaro ilmiy-amaliy konferensiyada 10 dan ortiq xorijiy davlat olimlari, xalqaro tashkilot vakillari, respublikamizdagi professor-o‘qituvchilar va talabalar ishtirok etdi.

“Til bilimdonlari” hamda “Kitobxon yoshlar ligasi” resublika tanlovi g‘olib va sovrindorlarini tantanali taqdirlandi!

2024-11-09T09:08:27.586Z

Joriy yilning 8-noyabr kuni Oliy ta’lim, fan va innovatsiyalar vazirligi binosi amfiteatrida “Til bilimdonlari” hamda “Kitobxon yoshlar ligasi” resublika tanlovi g‘olib va sovrindorlari tantanali taqdirlandi. Marosim ishtirokchilari O‘zbek milliy musiqa san’ati institutining doirachilar ansambli sadolari ostida kutib olindi.

Taqdirlash marosimini Oliy ta’lim, fan va innovatsiyalar vazirligi bo‘lim boshlig‘i Salohiddin Sanaqulov tabrik so‘zi bilan ochib berdi va “Kitobxon yoshlar ligasi” tanlovining 10 nafar “Eng faol targ‘ibotchi” nominatsiyasi g‘oliblariga smartfon hamda Vazirlikning maxsus sertifikatlarini topshirdi.

Taqdirlash marosimi davomida O‘zbek davlat san’at va madaniyat institutidan tashrif buyurgan san’atkorlar tomonidan raqsbop taronalar ijro etildi.

“Kitobxon yoshlar ligasi” tanlovi 4-mavsumida 4-,5-o‘rinlarni egallagan sovrindorlarga Oliy ta’lim, fan va innovatsiyalar vazirligining sertifikatlari va smartfonlar topshirildi. Sovrindorlarni Talaba va o‘quvchilarning ijtimoiy faolligini oshirish markazi bo‘lim boshlig‘i Shohzod Rahmonov taqdirladi.

“Kitobxon yoshlar ligasi” tanlovi 4-mavsumida 1-,2-,3-o‘rinlarni egallagan g‘oliblarga Oliy ta’lim, fan va innovatsiyalar vazirligining I, II va III darajali diplomlari va 3-o‘rinlarga planshet, 2-o‘rinlarga smart televizorlar va 1-o‘ringa noutbuk topshirildi. G‘oliblarni tanlov bosh tashkilotchisi, Talaba va o‘quvchilarning ijtimoiy faolligini oshirish markazi bo‘lim boshlig‘i Izzatxo‘ja Asomiddinov taqdirladi.

“Til bilimdonlari” respublika tanlovi final bosqichida yuqori ballga ega bo‘lsa-da sovrinli o‘rinlarni egallash uchun biroz ball yetmagan ishtirokchilar Oliy ta’lim, fan va innovatsiyalar vazirining sertifikatlari bilan taqdirlandi.

“Til bilimdonlari” respublika tanlovi g‘oliblari Oliy ta’lim, fan va innovatsiyalar vazirligi tomonidan diplom va mos ravishda 1-o‘rin 8 million so‘m, 2-o‘rin 6 million so‘m, 3-o‘rin 5 million so‘m, 4-o‘rin 3 million so‘m va 5-o‘rin 2 million so‘m pul mukofotlari hamda diplom va sertifikatlar bilan taqdirlandi. G‘oliblarni Talaba va o‘quvchilarning ijtimoiy faolligini oshirish markazi bo‘lim boshlig‘i Ikrom Choriyev taqdirladi.

Barcha tanlov g‘olib va sovrindorlari tantanali taqdirlangach, marosimga tashrif buyurgan barchaga raqamlar yozilgan qog‘ozchalar tarqatib chiqildi va random (tasodif raqam tanlash) orqali 8 nafar omadli inson tanlanib, ularga Izzatxo‘ja Asomiddinov tomonidan kitoblar sovg‘a qilindi.

Tanlovlarni, taqdirlash marosimini tashkil qilishda xizmat qilgan, yordam bergan tashkilotchilarga tashakkurnomalar topshirildi.

“Til bilimdonlari” respublika tanlovining final bosqichidan tayyorlangan videolavha

Shu tariqa taqdirlash marosimi yakunlandi va barcha umumiy fotosuratga tushishga taklik qilindi. Tadbir yakuni fotosessiyaga ulanib ketdi.