@jaxongir_terdu

E'lon! O‘zbekiston Respublikasi Prezidentining davlat stipendiyasi hamda Nomdor davlat stipendiyalari haqida batafsil ma'lumot

2025-06-02T10:21:53.539Z

O'zbekiston Respublikasi Vazirlar Mahkamasining “O'zbekiston iqtidorli yoshlarini taqdirlash va moddiy rag'batlantirish to'g'risida”gi qaroriga ko'ra har yili mamlakatimizda qobiliyatli yoshlarni rag'batlantirish, ularni faol yaratuvchilik faoliyatiga keng jalb etish, iqtidorli o'quvchilar, talabalar va magistrantlarni qo'llab-quvvatlash, hamda munosib taqdirlashga alohida e'tibor berib kelinmoqda.

An'anaviy tarzda har yili o'tkazib kelinayotgan O'zbekiston Respublikasi Prezidenti va nomli davlat stipendiyalari tanlovlarida o'qishi davomida faqat a'lo yoki a'lo va 25% gacha o'rta baholarga fanlarni o'zlashtirgan hamda ilmiy (ijodiy) ishlarda faol ishtirok etayotgan oxirgi ikki bosqichda tahsil olayotgan bakalavrlar (2-kurs va 3-kurslar) va magistrlar (1-bosqich) ishtirok etishi mumkin.

O‘zbekiston Respublikasi Prezidentining davlat stipendiyalari

O‘zbekiston Respublikasi Prezidentining davlat stipendiyalari O‘zbekiston Respublikasi fuqaroligi bo‘lgan davlat oliy ta’lim muassasalarining (bakalavriat va magistratura bo‘yicha alohida) talabalariga O‘zbekiston Respublikasi Oliy va o‘rta maxsus ta’lim vazirligi tomonidan o‘tkaziladigan tanlov natijalariga binoan tayinlanadi.

Magistrlar uchun O‘zbekiston Respublikasi Prezidentining davlat stipendiyasi kvotasi respublika miqyosida (yigirma ikkita) ta’lim yo‘nalishlari bo'yicha alohida-alohida taqsimlanadi:

Bakalavriat bosqichi talabalari uchun O'zbekiston Respublikasi Prezidenti stipendiyasi kvotasi har bir oliy ta'lim muassasasiga 1 ta va nomli davlat stipendiyalari uchun har 1000 nafar talabaga 1 ta kvota quyidagi ta'lim yo'nalishlariga mos ravishda ajratiladi.

Talabalarga O‘zbekiston Respublikasi Prezidentining davlat stipendiyalarini tayinlash uchun quyidagi mezonlarni bajarish belgilangan:

- umumta’lim tayyorgarligini ilmiy-tadqiqot (ijodiy ishlar) ishlari bilan uyg‘unlashtirish;

- yo‘nalishlar bo‘yicha konferensiya (tanlov)larda qatnashish;

- kamida ikkita e’lon qilingan ishlar (asarlar)ning mavjudligi;

- tillarni — davlat tilini va bitta xorijiy chet tilni bilish (Mustaqil Davlatlar Hamdo‘stligi mamlakatlari davlat tillaridan tashqari), bakalavriatdagi ta’lim yo‘nalishi yoki magistraturadagi mutaxassislik xorijiy til bo‘lgan taqdirda esa qo‘shimcha ravishda yana bitta xorijiy tilni bilish talab qilinadi;

- O‘zbekiston tarixini bilish.

- Tillarni, axborot texnologiyalarini, O‘zbekiston tarixini bilish bo‘yicha talab darajalarini O‘zbekiston Respublikasi Oliy va o‘rta maxsus ta’lim vazirligi belgilaydi.

Davlat stipendiyalari va ularni tayinlash tartibi to‘g‘risida

Beruniy, Ibn Sino, Navoiy, Ulug‘bek, Imom al-Buxoriy va Islom Karimov nomidagi davlat stipendiyalari (keyingi o‘rinlarda — davlat stipendiyalari deb yuritiladi) O‘zbekiston Respublikasi davlat oliy ta’lim muassasalarining bakalavriat bo‘yicha o‘qiyotgan oxirgi ikki kurs talabalariga tayinlanadi.

Stipendiyalarni tayinlash uchun quyidagi mezonlarni bajarish belgilanadi:

a'lo o‘qish va ilmiy (ijodiy) ishlarda ishtirok etish;
tillarni — davlat tilini va bitta xorijiy (Mustaqil Davlatlar Hamdo‘stligi mamlakatlari davlat tillaridan tashqari) tilni bilish, bakalavriatdagi ta’lim yo‘nalishi xorijiy til hisoblangan alohida hollarda qo‘shimcha ravishda yana bitta xorijiy tilni bilish;
Tillarni bilish bo‘yicha umumiy talablar darajasi O‘zbekiston Respublikasi Oliy ta'lim, fan va innovatsiyalar vazirligi tomonidan, oliy ta’lim muassasalarining tillar bo‘yicha ixtisoslashmagan mutaxassisliklar uchun xorijiy tillarga bo‘lgan talablari hajmida belgilanadi.
Davlat stipendiyalariga talabgorlar chet tilini, axborot texnologiyalarini, O'zbekiston tarixini bilish darajasi bo'yicha maxsus imtixon topshiradilar.
Davlat stipendiyalarini tayinlash uchun nomzodlar ko‘rsatish davlat oliy ta’lim muassasalari ilmiy kengashlari tomonidan, talabgorlarning o‘quv va ilmiy faoliyatlarini ommaviy muhokama qilish asosida amalga oshiriladi.

Davlat stipendiyasiga talabgorlar dastlabki ko‘rib chiqish uchun ilmiy kengashga quyidagilarni taqdim qiladilar:

1.Hemis tizimidan reyting natijalari transkript (Offis registrator tomonidan tasdiqlangan holatda)

2. Dekan tavsiyanomasi

3. Ilmiy rahbarining fikr-mulohazasi

4. Ilmiy ishlar ro'yxati tasdiqlangan holatda

5. Qo‘shimcha yutuqlar ro‘yxati tasdiqlangan holatda (turli tanlov va olimpiadalarda erishilgan yutuqlar)

6. Ilmiy-ijodiy ishlarning bosma nusxalari

7. Erishgan qo'shimcha yutuqlarni tasdiqlovchi hujjatlar (agar mavjud bo'lsa)

8. Pasport kopiyasi

9. Ma’lumotnoma (obyektivka)

xorijiy til, O'zbekiston tarixi, axborot texnologiyalari imtixon natijalari haqidagi ma’lumotnomasi.

Barcha hujjatlar jildga tikilgan yoki papkaga joylangan holda taqdim etiladi. Barcha hujjatlar PDF format elektron variantda ZIP papkada topshirilishi kerak. Muqovada davlat stipendiyasining nomi, talabgorning familiyasi, ismi va otasining ismi, fakulteti, kursi, guruhi ko‘rsatiladi.

Tanlov g'oliblari

Imtiyoz asosida Respublikaning istalgan OTMda imtiyoz asosida magistraturaga qabul qilinadi. Stipendiya summalari 1-sentabrdan boshlab, bir yil muddatga, belgilangan miqdorga tayinlanadi.

Davlat stipendiyalariga sazovor bo‘lgan talabalarga quyidagi guvohnomalar beriladi:

“O'zbekiston Respublikasi Prezidentining davlat stipendiyasi sovrindori”;

“Islom Karimov nomli davlat stipendiyasi sovrindori”;

“Beruniy nomli davlat stipendiyasi sovrindori”;

“Ibn Sino nomli davlat stipendiyasi sovrindori”;

“Navoiy nomli davlat stipendiyasi sovrindori”;

“Ulug‘bek nomli davlat stipendiyasi sovrindori”;

“Pahlavon-Mahmud nomli davlat stipendiyasi sovrindori”;

“Bobur nomli davlat stipendiyasi sovrindori”

Guvohnomalar talabalarning o‘qish joyida tantanali vaziyatda topshiriladi

Davlat stipendiyalariga sazovor bo‘lgan talabalar bakalavni tugatgandan so'ng tugatganidan so‘ng bir yil mobaynida, tegishli mutaxassislik bo‘yicha magistraturaga kirish imtihonlarisiz, grant asosida qabul qilinadilar.

Davlat stipendiyalariga sazovor bo‘lgan talabalar o‘qishni tugatganlaridan so‘ng bir yil mobaynida magistraturada o‘qishni davom ettirish uchun xorijga yuborilayotgan yoshlar guruhlari tarkibiga kiritilishda ustunlikka ega bo‘lish huquqini saqlab qoladilar.

HUJJATLAR: 2025-yil 24-iyundan 5-iyulga qadar Registrator ofis tomonidan qabul qilinadi.

Murojaat uchun tel: +99893 581 39 19

“Kimyo”, “Biologiya”, “Fizika” hamda “Informatika va axborot texnologiyalari” fanlaridan Respublika fan olimpiadasini oʻtkazish tartibi toʻgʻrisidagi NIZOMI

2025-05-20T05:02:27.385Z

Talaba-yoshlar o‘rtasida “Men giyohvandlikka qarshiman!” shiori ostida ijodiy ishlar tanloviga start beramiz!

2025-04-04T06:01:13.489Z

“Amir Temur vorislari” harbiy-sport spartakiadasi

2025-04-03T12:20:57.991Z

Oliy taʼlim, fan va innovatsiyalar vazirligi tasarrufidagi oliy hamda kasbiy taʼlim muassasalarida tahsil oluvchi talaba va oʻquvchilar oʻrtasida“Amir Temur vorislari” harbiy-sport spartakiadasimusobaqasini oʻtkazish tartibi toʻgʻrisidagi NIZOMI.

Umumiy qoidalar

1. Mazkur Nizom Oliy taʼlim, fan va innovatsiyalar vazirligi (keyingi oʻrinlarda – Vazirlik deb yuritiladi) tasarrufidagi oliy taʼlim muassasalari hamda kasbiy taʼlim muassasalarida tahsil oluvchi talaba va oʻquvchilar oʻrtasida “Amir Temur vorislari” harbiy-sport spartakiadasi (keyingi oʻrinlarda – Musobaqa deb yuritiladi) tashkil etish va oʻtkazish tartibini belgilaydi.

2. Musobaqa tashkil etishdan asosiy maqsad – talaba-oʻquvchilarni oʻz xalqiga, Prezidentiga va Vataniga sadoqat hamda yuksak harbiy-vatanparvarlik ruhida tarbiyalash, ular orasida sogʻlom turmush tarzini targʻib qilish, sportning harbiy-texnik va amaliy turlarini ommalashtirishdan iborat.

II. Musobaqani oʻtkazish va tashkil qilish tartibi

3. Musobaqa Vazirlik huzuridagi Talaba va oʻquvchilarning ijtimoiy faolligini oshirish markazi tomonidan tashkil etiladi. Musobaqada Respublika va Xalqaro sport musobaqalarida ishtirok etmagan Qoraqalpogʻiston Respublikasi, viloyatlar va Toshkent shahrida joylashgan Vazirlik tasarrufidagi oliy taʼlim muassasalari hamda kasbiy taʼlim muassasalarining jami 5 nafargacha talaba-oʻquvchilaridan tashkil topgan jamoalari ishtirok etadi.

4. Musobaqa 3 bosqichda oʻtkaziladi:birinchi bosqich – guruhlar oʻrtasida saralash bosqichi har yili mart-aprel oylari davomida;ikkinchi bosqich – fakultetlararo (kasbiy taʼlim muassasalarida, taʼlim muassasasi yoʻnalishlararo) bosqichi Qoraqalpogʻiston Respublikasi, viloyatlar va Toshkent shahrida joylashgan taʼlim muassasalari jamoalari oʻrtasida har yili aprel-may oylari davomida;uchinchi bosqich – yakuniy taʼlim muassasasi kurslararo (har bir fakultet 1-5 kurs talabalari yoki oʻquvchilari oʻrtasida yoʻnalishlarning 1-3-bosqich) bosqichi har yili may-iyun oylari davomida oʻtkaziladi.

5. Musobaqaning barcha bosqichlarini oʻtkazish boʻyicha ishchi guruhlari tuziladi hamda ishchi guruhlarga taʼlim muassasalari rektorlari, direktorlar (Yoshlar masalalari va maʼnaviy-maʼrifiy ishlar boʻyicha birinchi prorektorlari, direktor oʻrinbosarlari) masʼulligida Hakamlar hayʼati tarkibi shakllantiriladi.

6. Musobaqaning 1- va 2-bosqichlarida Hakamlar hayʼati xulosasiga koʻra gʻolib boʻlgan faqat 1 ta jamoaga keyingi bosqichda ishtirok etish uchun yoʻllanma beriladi.

III. Musobaqa shartlari va baholash mezonlari

7. Musobaqaning barcha bosqichlari masʼul taʼlim muassasalari tomonidan belgilangan sport majmualarida oʻtkaziladi.

Musobaqa 2 ta shart asosida baholanadi.

1-shart oʻquv granatasini uzoqlikka uloqtirish sharti;

Ushbu shartdagi mashqni bajarish joyining uloqtirish marrasi, yoʻlagi chiziq va belgilar hamda 30, 40, 50, 60 va h.k metr masofa koʻrsatkichlari bilan jihozlanadi. Ishtirokchi mashqni F-1 oʻquv granatasini (600 gramm) uloqtirish orqali bajaradi.Sport hakami tomonidan ishtirokchilarga mashqni bajarish sharti va xavfsizlik qoidalari yetkaziladi;ishtirokchilar mashqni navbat bilan bajaradi;ishtirokchiga 1 marotaba uloqtirish imkoni beriladi;ishtirokchi sport hakamining “Ruxsat” buyrugʻidan keyin mashqni bajarishga kirishadi. Granata uloqtirgandan keyin ishtirokchi tana muvozanatini saqlab qolishi va granata yoʻlak (koridor) ichiga tushishi kerak;agar granata tasodifan qoʻldan chiqib ketsa, ishtirokchi marra chizigʻini bossa yoki tana muvozanatini yoʻqotib undan oʻtib ketsa, granata yoʻlak (koridor) chiziqlarining tashqi tomoniga tushsa, aynan shu natija hisobga olinmaydi va takroriy uloqtirishga ruxsat berilmaydi;ishtirokchi yoki jamoaning boshqa aʼzosi tomonidan xavfsizlik qoidalari talablari buzilganda uloqtirish natijasi hisobga olinmaydi. Har bir ishtirokchining necha metr masofaga uloqtirgani qoʻshib chiqilib umumiy ball chiqariladi.

2-shart turnikda tortilish sharti;

2-shartdagi mashqni bajarishda qoʻl kaftlari turnikda oldinga qaratilgan holda ushlanib, qoʻllar parallel uzatilgan holda tutiladi, tana bir oz bukilgan, oyoq toʻgʻri tushirilgan, oyoq uchi toʻliq pastga uzatilib, tovonlar juft tutilgan holatda bajariladi.Qoʻllar bukilib, tana yuqoriga koʻtariladi, bunda jagʻ (iyak) turnik ustiga toʻliq chiqarilgan holat qabul qilinadi.Qoʻllar yana toʻliq uzatiladi, tana bir maromda pastga tushirilib, dastlabki holatga qaytiladi. Tananing osilgan holati 3 soniyadan koʻp boʻlmagan vaqt davomida saqlanadi. Juft tutilgan oyoqlarni 450 gacha bukishga ruxsat beriladi.Tanani siltash, oyoqni old-orqaga tebratish, oyoqlarni chalishtirish, bir qoʻlda osilib olish amallari taqiqlanadi. Ushbu shart har bir turnikda tortilishiga qarab 1 balldan beriladi (masalan 15 ta tortilsa 15 ball bilan baholandi).

8. Ushbu 2 ta shartlarda jamoa aʼzolarining har birlari ishtirok etadi va jamoaning umumiy yigʻilgan ballari jamoa soniga nisbatan boʻlingan holda gʻolibjamoa aniqlanadi.

9. Yakuniy natijadan keyin ballar teng kelib qolgan taqdirda Hakamlar hayʼati tomonidan sportga oid qoʻshimcha shart berilib gʻolib aniqlanadi.

IV. Hakamlik qilish va apellyatsiya berish tartibi

10. Musobaqada hakamlik qilish maqsadida sport hakamlari tarkibi – bosh sport hakami va sport hakamlari tayinlanadi.Sport hakamlari tarkibi:musobaqa va shartlarni odilona, shaffoflik bilan baholaydi;har bir jamoa va ishtirokchining musobaqa va shartlarda koʻrsatgan natijalarini bayonnoma orqali rasmiylashtiradi;gʻolib jamoa va ishtirokchilarni belgilaydi;apellyatsiya shikoyatlari 3-kun muddatgacha beriladi va bir hafta muddatda koʻrib chiqadi.Musobaqalarni tashkil etish va oʻtkazish tartibi, joylari, vaqti va ketma-ketligi belgilanadi.Bosh sport hakami sport hakamlari tomonidan natijalarning toʻgʻri baholanishi hamda oʻyinlarning shaffoflik bilan oʻtkazilishiga masʼuldir. Bosh sport hakami oʻyinlar boshlanishidan oldin musobaqa oʻtkaziladigan joylarni, ularning jihozlanganligi va tayyorligini tekshiradi, muammo yoki kamchiliklar aniqlansa, ularni bartaraf etish boʻyicha tegishli choralar koʻradi.Oʻyinlar shartlarini qoʻpol ravishda buzgan ishtirokchilarni sport hakamlari tarkibi aʼzolari bilan kelishgan holda, oʻyinlardan chetlatish masalasini hal etadi.Sport hakamlari tomonidan oʻyinlarning toʻgʻri oʻtkazilishini, natijalarning shaffoflik bilan baholanishini nazorat qiladi.Oʻyinlar davomida musobaqalarni mazkur Nizomga muvofiq oʻtkazilishini, natijalarning haqqoniy va shaffof tarzda baholanishini hamda gʻoliblarni aniqlaydi.Oʻyinlarni oʻtkazish joylari, sport (maxsus) jihozlari va vositalari tayyorgarligini taʼminlaydi.Ishtirokchilarga oʻyinlar shartlarini, xavfsizlik qoidalarini yetkazadi, bu borada tushuntirish ishlarini olib boradi va ulardan musobaqa shartlari toʻgʻri bajarilishini talab qiladi.

11. Oʻyinlarni oʻtkazish davomida jamoa rahbarlari va aʼzolariga quyidagilar taqiqlanadi:sport hakami ishiga aralashish;sport hakamining qaroriga qarshilik koʻrsatish va unga boʻysunmaslik;sport hakami bilan kelishilmagan tarzda musobaqa yoki shartlarni bajarish vaqtida oʻz jamoasiga yoki ishtirokchiga mazkur Nizomda koʻrsatilmagan qoidalarga zid ravishda yordam koʻrsatish;musobaqa yoki shartlarni bajarishning belgilangan joyida sport hakamining ruxsatisiz boʻlish;musobaqa yoki shartlarni bajarishga jamoa aʼzosi boʻlmagan shaxslarni jalb etish. Oʻyinlarda oliy taʼlim muassasasida tahsil olmaydigan talaba-yoshlarning ishtirok etishi qatʼiy taqiqlanadi va mazkur qoidaga rioya qilmagan jamoa musobaqadan chetlashtiriladi.V. Musobaqa ishtirokchilarining huquq va majburiyatlari

12. Musobaqa ishtirokchilari quyidagilarga majbur:musobaqalar talablarini bilish va unga soʻzsiz rioya qilishga;oʻyinlar davomida oʻzini munosib tutish va boshqalarni ham nomunosib xatti-harakatlarga yoʻl qoʻymasligini taʼminlashga;oʻyinlarni oʻtkazish joyida belgilangan kiyimda boʻlishga;oʻyinlar ishtirokchilari va sport hakamlariga xushmuomala munosabatda boʻlishga;zarur hollarda shaxsini tasdiqlovchi hujjatni taqdim etishga; sport hakamlarining koʻrsatmalarini soʻzsiz bajarishga;oʻyinlar davomida oʻrnatilgan kun tartibi va boshqa tartib-qoidalarga, musobaqalar shartlari va xavfsizlik qoidalariga qatʼiy rioya etishga.

VI. Gʻoliblarni taqdirlash

13. Musobaqaning 1- va 2-bosqichida ishtirok etgan barcha jamoa aʼzolariga taʼlim muassasalarining faxriy yorliqlari topshiriladi.

14. Musobaqaning yakuniy 3-bosqichida 1-oʻrin gʻolibligini qoʻlga kiritgan jamoaning har bir aʼzosi taʼlim muassasalarining faxriy yorliqlari va qimmatbaho sovgʻalari bilan taqdirlanadi.

VII. Yakuniy qoidalar

15. Ishtirokchilar tomonidan mazkur Nizomda belgilanmagan xatti-harakatlarni amalga oshirish taqiqlanadi. Xavfsizlik qoidalari va oʻrnatilgan kun tartibiga rioya qilmagan jamoalar oʻyinlardan chetlashtiriladi.

16. Musobaqa davomida oʻrnatilgan kun tartibi va intizomni buzgan jamoalarga jarima ballari beriladi.

17. Jamoa aʼzolarining xavfsizlik qoidalariga rioya etishlari hamda har bir musobaqa shartlarini bajarishiga tayyorgarligi uchun javobgarlik jamoa rahbariga yuklatiladi

“Ikkinchi jahon urushi xotiralarda” ijodiy ishlar koʻrik-tanloviga start berildi!

2025-04-03T06:31:34.326Z

🎬 “Vatanni madh etib” – Eng yaxshi videoroliklar tanlovi NIZOMI

2025-04-02T11:05:12.863Z

🎬 “Vatanni madh etib” – Eng yaxshi videoroliklar tanlovi NIZOMI

2025-04-02T10:48:27.673Z