Құраным

Cұрақ :“Құранның бір сөзіне қарсы келу мүмкін емес, қарсы келмеген де”. Бұл, асыра сілтеу секілді, ақылға сыймайды. Өйткені адамдар арасында өзара пайдаланатын сөз Құранда да кездеседі, ауыз екі сөз, сөйлемдер бар.Ғұламалар айтқан сөздің астары неде?

2022-11-09T11:50:37.808Z

Жауабы: Құранның мұғжизалығы туралы екі көзқарас, екі пікір қалыптасқан. Басым көпшілік мойындаған көзқарас мынау:

Құранның күрделі шешендігі мен мағыналарының терең әрі қасиеттілігі сондай адамның қолынан келмейтіндей дәрежеде тым жоғары.

Екінші көзқарас. Құранның бір сүресімен қарсыласып, айтысу адамның қолынан келеді. Бірақ Хақ Тағала,Ахмедтің (с.ғ.с) мұғжизасы ретінде оған тиым салған. Мысалы, біреу өз аяғымен жүріп-тұра алады. Бірақ Ардақты Пайғамбарымыз: “Сен жүре алмайсың!” десе жүре алмай қалады. Бұл мұғжиза.

Осы екінші көзқарасты Сарфе мәзхабы қабылдаған. Яғни, Хақ Тағала Құранның бір сүресімен айтысып, тартысуды жын мен адамзатқа тыйым салған. Егер тыйым салмағанда жындар мен адамдар бір сүресіне қарсы келе алар еді. Сонымен осы мәзhаб бойынша, “Бір сөзіне де қарсы келе алмайды” деген ғалымдардың сөздері ақиқат. Өйткені, расында Хақ Тағала мұғжиза ретінде оларға тыйым салған. Сондықтан қарсы келіп, ауыздарын аша алмайды. Ауыздарын ашса да Аллаh рұқсат етпесе сөйлей алмайды. Алайда көпшілік қабылдаған әуелгі мәзhаб бойынша әлгі ғұламалардың баяндаған пікірінің мынадай астары бар:

Құран Кәрімнің сөздері жаппай бір-бірімен тығыз байланыста, өзара кіндік тесіп жатыр. Кейде бір сөзінің он жерімен қатысты екені байқалады.

Мысалы, бір әшекейленіп салынған сарайдың сан алуан түрлі нақыштарының түйіні ретіндегі шағын ою-өрнек, ол тасты жалпы ою-нақыштарымен жаппай байланыстырып дәл өз орнына қою үшін бүкіл қабырғаны толық қамтып, нақыштарымен бірге көріп-білуі керек. Және тағы бір мысал, көздің қарашығын өз орнына қою үшін бүкіл дененің өзара байланысын, күрделі де ғажап міндетін әрі көздің сол міндеттерге қатысты қызметтерін білу қажет.

Дәл сол сияқты, ақиқатшыл жандардың тым терең кеткен тобы, Құранның сөздеріндегі көптеген жан-жақты байланыстарды және басқа аяттармен қатысты жақтарын, қыр-сырларын көріп басқаларға да көрсеткен. Әсіресе әріптерін зерттеген ғалым-ғұламалар одан да терең кетіп Құранның бір әрпінде бір парақтай мағына жатқанын мамандарға баяндап дәлелдеп берген. Өйткені Құран бүкіл әлемнің Жаратушысының сөзі болғандықтан әрбір сөзі адамның жүрегі немесе ағаштың дәні секілді. Яғни, айналасы құпия-сырдан тұратын рухани бір дененің жүрегі немесе рухани бір ағаштың дәні іспеттес. Міне, адамның сөздерінде, Құранның аяттары секілді сөздер, тіпті ұқсас сөйлемдер кездесуі мүмкін. Дегенмен Құранның көптеген сырға толы, өзара байланысып әдейілеп орналастырылған сөздеріне тең келуі мүмкін емес. Ол үшін шексіз ілім, ауқымды назар қажет.

(Құранға) Ешкім қарсы шықпағанын және қарсыласу мүмкін еместігін қалай білеміз?

2022-11-08T10:53:18.952Z

Жауабы: Егер қарсы шығу мүмкін болғанда міндетті түрде қарсыласып, тырысып бағар еді. Өйткені қарсыласуға аса мұқтаж болатын. Себебі діндері мен мал-мүлкіне, жандары мен бала-шағаларына қауіп төніп тұрған-ды. Қарсыласып, айтысуына ешбір кедергі де жоқ еді. Егер сөз таластырғанда сөзсіз жақтастар табар еді. Өйткені ол кезде кәпірлер, мұнапық екіжүзділер көп болғандықтан оларды қолдаушылар да дереу табыла кетер еді. Сөйтіп таласқаны жайлы әлемге жар салынып, шартарапқа жайылар еді. Кәпірлердің Ислам дініне күйе жақпақ арам пиғылдары жасырын қалушы ма еді?

Егер қарсыластар ілік тапқанда қайткенде де тарих кітаптарына еніп тартыс-айтыстары ел-жұртқа тарап, тарих беттеріне ойып тұрып жазар еді. Тарих кітаптарының ешқайсысында Мүсейлемә-и Кәззабтың бірнеше өлең шумағынан басқа жазба жоқ.

Ал, Құран Хаким жиырма үш жыл бойы тынбастан кәпірлердің намысына тиіп, ашуын қоздырып, оларға былай деп айтысқа шақырып келді: “Мұхаммедүл Әминге ұқсаған оқу-жазу білмейтін біреулерің осы Құранға тең келер кітап жазсын, көрейік. Жарайды, бұны жасай алмайды екенсіңдер, ол оқымаған сауатсыз болмасын өте оқымысты ғалым, жазушы әрі ақын болсын. Жарайды, бұл да қолдарыңнан келмесі анық, онда бір ғана кісі емес, бүкіл ғалымдарың, сөзге шешен ділмарларың жаппай жиналып, бір-біріне көмектесіп, тіпті табынып жүрген Тәңірлеріңді де көмекке шақырып демеуші болсын. Жарайды, одан да түк шықпайды екен. Ертеде жазылған өздерінше керемет көне кітаптарыңды пайдаланып, тіпті енді келетіндерді де көмекке шақырып Құранға тең келер кітап жазыңдаршы қане!.

Әрине бұны да жасай алмайсыңдар. Жарайды, Құранның толық нұсқасындай болмай-ақ қойсын, тек он сүресіне тең келер кітапша жазыңдар! Жарайды, он сүресіне тең келер, ұқсас бір нәрсе жасай алмайды екенсіңдер, онда хикаялардан, негізі жоқ аңыз-ертегілерден болсын. Аяттың тек өзара ұқсастығына, шешендігіне ғана тең келсе жетеді. Жарайды, бұны да жасай алмайды екенсіңдер, онда бір ғана сүресінің ұқсасын әкеліңдерші. Мақұл, сүре ұзын болмай-ақ қойсын, қысқа сүреден болса жарайды...

Әйтпесе, діндеріңе, бала-шаға, мал-мүліктеріңе қауіп төніп, дүниеде де ақыретте де оңбайсыңдар!”

Міне, сегіз мәрте қапсыра соққы беріп, үндерін өшірген Құран Кәрім жиырма үш жыл емес, мың төрт жүз жылдан бері бүкіл адамзат пен жындарға майдан ашып күні бүгінге дейін айтысқа шақыруын жалғастырып келеді. Неліктен, сол заманғы кәпірлер оп-оңайғ қысқа жол тұрғанда малжанын, бала-шағасын қатерге тігіп ең қиын, қауіпті жолды, яғни соғысуды жөн көрді?!. Не үшін сөз таластырып, айтыспен жеңе салудан бас тартты? Демек мүмкін еместі...

Иә, өзің ойлашы! Ақылы бар адам әсіресе Арабия түбегін мекендеген сол кездің халқы, оның ішінде Құрайыштар сияқты зерек жандар араларынан бір шешен ақынды шығарып, Құранның бір ғана сүресіне тең келер жазу жазып Құранның қаhарынан құтылу дейтін қысқа әрі оңай жол тұрғанда мал-жанын, бала-шағасын қатерге тігіп ең қиын әрі қауіпті жолды таңдай ма?

Құран мен пәлсапа шәкірттері

2021-01-05T13:49:15.989Z

12-сөз

Хикмет толы Құранның даналығының жеке өмірге
тигізер пайдасын және оның адамның ахлақына, мінезқұлқына, тәрбие
сіне әсерін пәлсапаның тигізер ықпалымен салыстырып қарайық:
Пәлсәпәнің озат шәкірті расында бір перғауын. Бірақ, бас пайдасы үшін
ең төмен нәрсеге құлшылық ететін жарамсақ перғауын. Пайдалы бір нәрсе
көрсе өзіне Раббы етіп, соған табынуға дайын. Ол дінсіз шәкірт, былай
қарағанда қырсық, бір беткей. Алайда, бір ләззат үшін тым қорлыққа
көнуге әзір міскін бір қыңыр. Шайтан сықылдылардың кішкентай пайдасы
үшін аяғын жалайтын дәрежеде жарамсақтық ететін өте жылпос алаяқтың
өзі. Әрі ол дінсіз, қайырымсыз, залым әрі тәкаппар. Бірақ, көңілінде сенетін
ешнәрсе болмаған соң негізінде өте әлсіз, дәрменсіз, жағымпаз, өркөкірек.
Әрі ол шәкірт пайдакүнем, өзімшіл. Оның бүкіл талпынысы тойымсыз
нәпсісін, қарнының қамын, басқа да сезіммүшелерінің құмарын қандыру.
Жеке басының пайдасын халықтың пайдасының арасынан іздейтін
өзімшіл, нағыз қиянатшылдың өзі.
Ал, Құран хикметінің адал шәкірті болса, өзі бір құл. Бірақ, ең үлкен
жаратылысқа құлшылық етпейтін құл. Жұмақ секілді мол пайданың өзін
құлшылығына арқау етпейтін абыройы үстем құл. Құранның нағыз шәкірті
кішіпейіл, жұмсақ мінезді, кешірімшіл. Бірақ, Жаратушысынан басқаға,
Оның рұқсатынсыз өз еркімен жарамсақтанып, ешкімге мойын имейді.
Өзі пақыр, дәрменсіз, әлсіз екенін мойындайды. Бірақ, өзінің Мәликі
Кәримі (Аса жомарт қожайын) оған арнап, жинап қойған ақыреттік
байлығымен қанағатшыл әрі бай және Жаратушысының шексіз құдіретіне
сүйенгендіктен өте күшті. Ол тек Аллаh үшін, Аллаhтың ризалығы үшін
адамгершілік амал жасайды, еңбек етеді. Міне, екі хикметтің беретін
тәрбиесін шәкірттеріне қарап салыстырып білуге болады.

Пәлсапаның мәнісі мен Құранның хикметінің ада
мның қоғамдық өміріне ықпалы мен тәрбиелік мәні:

Пәлсапа қоғам өміріндегі өзекті мәселе, оның тірегі – күшқуат деп
са найды. Мақсаты – пайда табу. Өмірлік қағидасы – күрес деп біледі.
Жама ғаттарды біріктіріп тұрған нәсілшілдік, жағымсыз ұлтшылдық деп
түсінеді. Соңында нәпсінің әуестігі қозып адамзаттың қажеттілігі молая
түседі. Алайда, күшқуат жауыздыққа, өктемшілдікке апарады. Пайда табу
болса, қанағат болмаған соң қырқысуға соқтырады. Күрес қағидасы болса,
текетіресу, ал нәсілшілдік болса, басқаны жұтып күн көру болғандықтан
ол да өктемшілдікке апарады. Міне, сондықтан осы пиғылдағы адамзаттың
басынан бағы тайып, сорлап жүр.
Ал, Құран хикметіне келер болсақ, қоғамның тірегі күшқуат емес
"хақ" деп қабылдайды. Мақсаты – пайда табу емес, адамгершілік,
Аллаhтың ризалығына бөлену. Өмірдегі қағидасы – күрес емес, өзара
жәрдемдесу. Халықты байланыстыратын нәрсе нәсілшілдік, ұлтшылдық
емес, діни бауырластық, отаншылдық. Мақсаты, нәпсінің әуестігін тиып,
рухты биік белестерге, асу шыңдарға өрлетіп, ұлы сезімдерді орнымен
пайдаландырып, адамды өз кемелдігіне көтеріп адам ету. Қоғамда хақ,
туралық үстем болса, ынтымақ болады. Адамгершілік болған жерде тату
лық, ауызбіршілік болады, ал өзара жәрдемдесу ұғымы бірбіріне көмек
тесуге ұмтылдырады. Дін деген бауырластыққа, бірлікке баулиды. Ал,
нәпсіні тиып, рухты кемелдікке бағыттай білу, еркіндікке, тәуелсіздікке
қол жеткізіп, соңында екі дүниенің бақыты орнайды.

#құран

#пәлсапа

#шәкірттері

Құрандағы Тевафук

2020-10-20T05:38:26.784Z

1. Кіріспе

Пайғамбарымыз Мұхаммедтің (с.ғ.с) ең үлкен мұғжизасы – ұлы Құран. Бәдиуззаман Саид Нұрси Рисалей Нұрды есімді тәпсірінде «Жиырма бесінші сөзде» Құранның кереметтерінің қырық көрінісін атады. Сонымен қатар, ол: «Біз Құранның ғажайыптығының қырық қырының біреуін көзге көрінетін етіп көрсетуге және ондай кереметтің он түрінің біреуін ғана Құран мәтінінде көрсетуді мақсат тұттық» - делінген. Бәдиуззаман айтақан мұғжиза Құранның құрылымымен байланысты және ол «тауафук» деп аталады, яғни орналасу заңдылықтарын көрсететіп, бір-бірімен байланысты емес және кездейсоқ құбылыстардың сәйкес келуі, тәртіпке қатысты көрінісі. Бәдиуззаман алғашқы болып Құранның құрылымындағы тавафука мұғжизасын ашып, сипаттаған. Бұл мақалада дана Құранның қысқа тарихынан кейін біз тавафук деген не екенін егжей-тегжейлі қарастырамыз.

2. Дана Құранның уаһи болуы және жинақталуы

Құранның түсуі 610 жылы Жәбірейіл (ғ.с) жеткізген алғашқы аяттардан басталып, 632 жылы Мұхаммед пайғамбар (с.ғ.с) қайтыс болғанға дейін 23 жылға созылды. Құран аяттары түскен кезде Мұхаммед пайғамбар (с.ғ.с) ең алдымен оларды өзі жаттап алып, содан кейін басқа адамдарға жеткізді,осы арада мәтінді сахабалар жазып алатын. Бұл сахабаларды Пайғамбарымыздың өзі осы жауапты міндетке тағайындаған. Олар теріге, сүйекке, пергаментке т.б әр түрлі материалдарға түсірілген аяттарды жазатын. Сонымен қатар, сол кездегі қоғамда ауызша дәстүр басым болғандықтан, сахабалар да аяттарды жаттап алатын.

Құран Кәрім біртіндеп түсірілді. Алғашқы болып 96-сүренің бес аяты ашылды. Әр түрлі сүрелерден әр түрлі аяттарды түсіру барысында періште Жәбірейіл (ғ.с) олардың қай сүреге жататындығын және олардың қандай кезекпен жүретіндігін айтты. Мұның бәрін еске ала отырып, Мұхаммед пайғамбар (с.ғ.с) бұл білімді сахабаларына берді. Жыл сайын Рамазан айында Пайғамбарымыз Мұхаммед (с.ғ.с) мен Жәбірейіл (ғ.с.) осы уақытқа дейін түскен барлық аяттарды бірге оқыды. Соңғы бірлескен оқу Пайғамбарымыз Мұхаммедтің (с.ғ.с) қайтыс болған жылы, екі рет болды, содан кейін Құран Кәрім өзінің соңғы формасын алды.

Дәл осы формада, соңғы біріктірілген түрде, көптеген сахабалар Құранды жаттап «Хафиз» атағын алды. Халифа Әбу Бәкір кезінде Хафиздердің бір бөлігі Ямама шайқасында және басқа да бірқатар шайқастарда шейіт болып қаза тапты. Осылайша Құран аяттарын жинап, бір кітапқа біріктіру қажет болды. Халифа Әбу Бәкір бұл маңызды істі Зейд ибн Сәбитке тапсырды. Бұл сахаба басқа Хафиздермен бірге Құранның сол кезде жазылған барлық аяттарын жинап, Пайғамбар мен Жәбірейіл (с.ғ.с.) соңғы оқылу тәртібін ескеріп, бәрін бір мәтінге жазып алды. Осылайша Құран жазылған және жатталған аяттардан толығымен жиналды және бұл жинақ жазбаша түрде «мусхаф» деп аталды.

Осман Халиф тұсында мұсылмандардың санының өсуі және олардың кең герграфияға кетуі мусхафты көбейту және оның көшірмелерін ірі орталықтарға жіберу қажеттілігіне әкелді. Бұл тапсырма 646 жылдан 651 жылға дейін іске асты. Осы іспен Зейд ибн Сабит бастаған он екіге жуық адам айналысқан. Нәтижесінде Меккеге, Куфаға, Басраға, Дамаскке, Йеменге және Бахрейнге мусхафтың жеті данасын көбейтіліп жіберілді, бір данасы Мединада қалды.

Бүгінгі мұсылмандар қолданған Құран мәтіні халифа Осман заманындағы және кейінгі нұсқалардың мусхаф көшірмелері. Осылайша ғылым мен өнердің белсенді дамуына байланысты кейінгі кезеңдерде Құранды көшіріп жазу белең алды. Жазушылар көбейіп әр түрлі каллиграфиялық стильдерде, түрлі мекендерде әр түрлі парақтар және қаламдармен жазу арқылы енді үммет арасында: “Құран Меккеде түсті,Қайырда оқылды,Ыстанбұлда жазылды”-деген нақыл сөз таралып кетті.

3. Аятберқанар – Аяттардың иөзінен пайда болған қасиет

Мусхаф «Аятберқанар» қағидасы бойынша бірінші болып - Хафиз Нури Усман құрастырды (1895 ж). Мәтінді ұйымдастырудың бұл тәсілі келесідей: Әр парақтың басталуы аяттың басымен сәйкес келеді, ал әр парақтың соңы аяттың аяқталуымен сәйкес келеді яғни парақтың соңғы аяты ешқашан үзілмейді немесе келесі бетке өткізілмейді. Бәдиуззаман Саид Нұрси Хафиз Нури Усман туралы және осы критери туралы былай деп жазды:

«Құранның әр парағының соңында аяттар аяқталып, жақсы ұйқаспен тамамдалады. Себебі беттің стандартты өлшемі ретінде Аль-Мудаяна (2: 282) деп аталатын ең ұзын аятты ала отырып, «ал-Ихляс» және «әл-Кяусар» сияқты ең қысқа сүрелерді мәтін жолы ретінде бекітсек, онда бұл дана Құранның керемет қасиеті және оның кереметі айқын болады ».

4. Тавафуканың кереметі

Хафиз Нури Осман қайтыс болғаннан кейін шамамен 40 жыл өткен соң (1930-шы жылдардың ортасында) Бәдиуззаман Хафиз Нури Османның стилінде жазылған жеке Құранындағы Аллаһтың есімдері белгілі бір тәртіппен сапта тұрғанын анықтады. Бұл оған барлық парақтарды, сондай-ақ осы парақтарда “Аллаһ сөздері “кездесетін қарап шығуға итермеледі. Бәдиуззаман «Аллаһ» сөздерінің орналасуы көптеген жағдайларда керемет түрде сәйкес келеді деген тұжырым жасады, тек кейбіреулерінің орналасуындағы кішігірім жылжуларды қоспағанда, айқын тевафук болды.

Бәдиуззаман Саид Нұрси : “Хафиз Осман Нури мұны байқамай қалды, өйткені ол бұл жағдайды назарға алмаған. Қасиетті Құранда Алланың 2 мың 806 есімі, Иеміздің 846 сөзі, Құранның 69 есімі асты астына келді. Сонымен қатар, беттегі бір түбірден шыққан сөздер де төменнен төменге келеді. Тевафук-бұл Құранның бірде-бір жазу кітабына ұқсамайтындығының дәлелі, ол бәрінен асып түседі."

Құранның теңдесі жоқ баяндауында көптеген тевафук түрлері бар. Оның сөздерін безендіруде тевафуктан басқа семантикалық (сөздердің мағыналарымен байланысты) тевафук та бар. Олардың барлығы өте терең және бай. Сөздердің орналасуындағы тавафукаға келетін болсақ, ол үш түрге бөлінеді:

Біріншісібір парақта орналасқан;

Екіншісі қарама-қарсы беттерде;

Үшіншісі бірнеше түрлі беттерден өту арқылы .

5. Қорытынды

Бұл мақалада біз ХІХ ғасырда Хафиз Нури Усман ашқан "аятберқанар" қасиетін қысқаша сипаттадық, ал тевафук – ХХ ғасырда Бадиуззаман Саид Нурси ашқан қасиетті Құранның көрінетін кереметі. Екі олжа да Құран түскеннен кейін көптеген ғасырлар өткен келе ашылды. "Рисалей Нұр" атты жинағында Бәдиуззаман Саид Нұрси Құранның ғажайып ақиқаттарын көптеген ғылыми, логикалық дәлелдерін келтірді. Сонымен қатар, ол "Румузат-и Семания" деп аталатын еңбегінің бір бөлігінде тевафуктың басқа түрлерін түсіндірді және осы мақалада біз олардың біреуі туралы түсінік беруге тырыстық.

#құран

#тевафук

#аятберқанар

#румузатисемания

#хафиз_осман_нури

Құрандағы әнбиялардың мұғжизалары нені мегзейді?

2020-09-26T06:49:53.014Z

20-сөз

Құранда әнбиялардың рухани кемелдігін айтып адамзаттың оларды үлгі тұтуларын баяндай келіп, мұғжизалары туралы айтады. Осылайша мұғжизалардың ұқсасына қол жеткізуге, көшіруге ынталандырғандай. Тіпті, рухани кемелдік сияқты заттай кемелдік пен техника, ғылым жаңалықтары да адамзатқа әу баста мұғжиза арқылы сыйланған деп айтуға болады. Расында Хазіреті Нұхтың (ғ.с.) мұғжизасы – кеме, Жүсіптің (ғ.с.) мұғжизасы – сағат болса, осыларды ең алғаш адамзатқа сыйлық еткен олардың мұғжизалары. Бұл ақиқатқа тамаша бір ишара: Өнер адамдарының көпшілігі әрқайсысы өз саласында бір пайғамбарды пір тұтады. Мысалы, кеме жасаушылар Нұх пайғамбарды (ғ.с.), сағатшылар Жүсіп пайғамбарды (ғ.с.), тігіншілер Ыдырыс пайғамбарды (ғ.с.). Зерттеуші ғұламалар мен шешендік ілімінің мамандары Құранның әрбір аятының көптеген тәрбиелік жақтары және бірнеше хидает жолдары бар екенін бір ауыздан мақұлдаған. Олай болса, Құран Кәрімнің өте жарқын аяттары болып саналатын әнбиялардың мұғжизалары туралы аяттары жай тарихи хикаялар емес. Олардың тереңінде тәрбиелік маңызы зор мағыналар жатыр. Рас, Әнбиялардың мұғжизаларын баяндағанда ғылым мен өнердің шыңырау шегі, ең соңғы барар тұсы, ең басты мақсаттары көрсетіледі. Адамзатқа құлшыныс беріп әлгі биік мақсаттарға жетелейді. Өткен шақ – болашақ тұқымдарының қоймасы, атқарылар істердің айнасы. Сондай-ақ, болашақ дегеніміз өткен шақтың егістігі, оның хал-ахуалын көрсететін айна.

Енді, мысал ретінде осы бір арнасы кең бұлақтан тек бірнешеуін баяндаймыз. Мысалы: Хазіреті Сүлеймен пайғамбардың бір мұғжизасы болып табылатын ауаның бағындырылуын баяндайтын

وَلِسُلَيْمٰنَ الرِّيحَ غُدُوُّهَا شَهْرٌ وَرَوَاحُهَا شَهْرٌ

(Сәбә', 34: 12-Сүлеймен (Ғ.С.) ге де ерте кетуі бір айлық, кешке қайтуы бір айлық (жол алатын) желдерді бағындырдық. Ол үшін еріген мыстан бұлақ ағыздық. Я, Раббының бұйрығымен оның алдында жұмыс істейтін жындарды да бағындырдық. Олардан кім әмірімізден тайса, оған жалындаған азаптан таттырамыз.)

аяты, Хазіреті Сүлеймен (ғ.с.) аспанда ұшып екі айлық жолды бір күнде жүріп өткен дейді. Міне, мұнда бір ишара бар. Адамзатқа ауада осылай жылдам ұшуға жол ашық екенін ұзақ жолды қысқарту мүмкін екенін айтып: "Олай болса Уа, адам! Саған жол ашық. Жоғары өрлеп, сол мәртебеге жет, не болмаса жақында!" – дейді. Аллаh Тағала, осы аят арқылы мынадай мағынаны білдіреді: Уа, адам! Бір құлым нәпсінің әуестігін тастап еді, сол үшін мен оны ауаға мінгіздім. Сендер де нәпсінің жалқаулығын тастап, әдет еткен кейбір заңдарымнан жақсылап пайдалансаңдар сендер де ауаға міне аласыңдар.

Тағы да мысал, Хазіреті Сүлеймен Ғалейhиссалам Бәлқис тағын қасына әкелу жайында уәзірлерінен ілімі терең біреу оған былай дейді: "Оның тағы көзіңізді ашып-жұмғанша қасыңызда дайын тұрады". Осы таңғажайып оқиғаны баяндайтын мына аят

قَالَ الَّذِى عِنْدَهُ عِلْمٌ مِنَ الْكِتَابِ اَنَا اٰتِيكَ بِهِ قَبْلَ اَنْ يَرْتَدَّ اِلَيْكَ طَرْفُكَ فَلَمَّا رَاٰهُ مُسْتَقِرًّا عِنْدَهُ

(Нәмл, 27: 40-Сондай өзі кітап ғылымына ие біреу де: “Оны кірпік қағуыңнан бұрын келтіремін” деді.)

былайша ишара етеді: Алыс жерлерден заттарды қаз-қалпында немесе суретін көшіру мүмкін, әрі болған-ды. Өйткені, пайғамбарлықпен қоса билік те берілген. Хазіреті Сүлеймен Ғалейhиссалам әрі бейкүнәлығын, әрі әділдігін сақтап қалуы үшін ұлан-ғайыр мемлекетінің әр тарапынан еш қиындықсыз өзі хабардар болуды, халқының хал-ахуалын көруді, олардың дерттерін естуді Аллаh Тағала мұғжиза түрінде оған сыйлаған-ды. Демек, Сүлеймен Пайғамбар Аллаh Тағалаға сеніп, адалдық дейтін тілімен сұраған болса, сендер де қабілет тілімен Аллаhтан сұрасаңдар және әдет қылған заңына, қамқорлығына сәйкес әрекет етсе, дүние бір қала секілді алақаныңда дайын тұрады. Демек, Бәлқистің тағы Иеменде бола тұра, Шамда дәл өзі немесе суреті көрінді. Әлбетте, тақтың айналасындағы адамдардың суретімен қоса, дауыстары да естіліпті. Міне, осылайша алыс жердегі сурет пен дауыстың тартып алынатынына, көшірілуіне керемет түрде ишара етіп, мынаны мегзейді:

Уа, билік ұстағандар! Толық әділдік еткілерің келсе, Сүлеймен секілді жер жүзін жан-жақты көруге, аңғаруға тырысыңдар. Өйткені, әділетке жаны құмар әкім, халқына жанашыр бір патша, мемлекетінің әр тарапына қалаған уақытында шығып, хабардар болатын дәрежеге шыққанда жауапкершілігі де жеңілдейді және толық әділдік жасай алады.

Аллаh Тағала осы аяттың ишара тілімен былай дейді: Уа, Адам баласы! Бір құлыма алаңы кең бір мүлік және сол кең алаңда толық әділдік етуі үшін жер бетінің жағдайын, ондағы болып жатқан оқиғалардан хабардар етіп отырдым. Және әрбір адамға Жер жүзінің халифасы бола алатын қабілет бердім. Әлбетте, сол қабілетке орай Жер жүзін жаппай көретін, қарайтын, аңғаратын қабілетті беруді хикметім талап еткендіктен берген едім. Жеке тұлғалар ол дәрежеге қолы жетпесе де, адамзат болып жетуі мүмкін. Заттай қол жеткізбесе де, әулиелер сияқты рухани түрде жетуге болады. Олай болса, мұндай зор нығметтен пайдаланып қалыңдар. Қане, көрейін сендерді. Құлшылық міндеттеріңді ұмытпау шартымен еңбектеніңдер. Сөйтіп, жер жүзін жан-жақты әркімге көрінетін, барлық жағындағы дауыстар естілетін бір бау-бақшаға айналдырыңдар.

Міне, адамзаттың өнерінің керемет бір түрі сурет пен дауысты тасу, айнытпай көшіру жетістігінің ең биік шыңына астарлы түрде ишара етіп, оған құлшынуды мегзейді.

Хазіреті Сүлеймен Ғалейhиссалам жын мен шайтандарды, жаман рухтарды бағындырып, оларды жамандықтан тыйып, пайдалы істерге жұмсау мағынасын білдіретін مُقَرَّنِينَ فِى اْلاَصْفَادِ (Сад, 38: 38-Ал басқа біреулері шынжырларда матаулы еді.)– илә ахир – وَمِنَ الشَّيَاطِينِ مَنْ يَغُوصُونَ لَهُ وَيَعْمَلُونَ عَمَلاً دُونَ ذٰلِكَ (Әнбия, 21: 82-Оған суға сүңгитін, басқа істер де істейтін жындардан да мойынсал қылдық. Сондай-ақ олардың бақылаушысы едік.) – илә ахир – аяты арқылы былай дейді: Адамдардан кейін тіріліктің саналы мақұлықтары, маңызы зор тұрғындары саналатын жындар, адам баласына қызметші болуы мүмкін. Олармен байланыс құруға болады. Шайтандар да дұшпандығын қоюға мәжбүр болып, еріксіз қызмет етуі мүмкін. Қалай десеңіз, Аллаh Тағала өзінің әміріне мойынсұнған бір құлына оларды мойынсұндырған-ды. Аяттың астарлы сөзінен мұндай мағына шығаруға болады:

"Уа, Адам! Маған мойынсұнған бір құлыма жын-шайтандарды және зиянкес мақұлықтарды бағындырып бердім. Сен де менің әміріме мойынсұнсаң, көптеген нәрселер, тіпті жын-шайтандардың өзі қызмет етуі мүмкін".

Міне, адамдардың ғылым мен өнері бірлесіп, тән мен жанның керемет сезімталдығынан туындаған спиритизм секілді рухтарды шақыру, жындармен хабарласудың ең соңғы шегін осы аят сызып көрсетіп оның пайдалы жақтарын айтып, оған жол ашуда. Алайда, кейінгі кездегідей өлген кісінің атын жамылып, оның рухымын дейтін жын, шайтандарға, жаман рухтарға мойынсұнып, оларға масқара болып, ойыншық болу емес, қайта Құранның тылсым сырларымен оларды бағындыру, залалдарынан сақтану ескертілуде.

Сондай-ақ, рухтардың белгілі бір бейнеге енуіне ишара ететін Хазіреті Сүлеймен ғалейhиссаламның ифриттерді яғни алып жындарды өзіне бағындыруы туралы айтатын аяттар, hәм, فَاَرْسَلْنَۤا اِلَيْهَا رُوحَنَا فَتَمَثَّلَ لَهَا بَشَرًا سَوِيًّا (Мәриям, 19: 17-Сондай-ақ оған рухымызды (Жебірейілді) жібердік те ол, оған толық адам бейнесінде көрінді.)

секілді кейбір аяттар руханилердің бейнеге енуіне ишара етіп қана қоймай, оларды шақыруға болатынын мегзейді. Бірақ, ишара етілген мағына жақсы рухтарды шақыру. Әйтпесе "мәдениетшілердің" көңіл көтеру үшін кейбір ойындарға әлгі салмақты да маңызды және пәк әлемде өмір сүретін рухтарды шақыру, қадірін түсіріп, ойыншыққа айналдыру үшін шақыру дұрыс емес. Керісінше маңызды мәселе үшін байыпты түрде мәселен, Мухиддин Араби секілді, яғни қалаған уақытта рухтармен кез десетін әулиелер секілді олармен тартылысқа түсіп, байланыс құру және олардың орнына ғайып әлемдерге аз да болса жақындап, рухани жақтарынан пайдалану, міне аяттар осыны мегзеп, ишара арқылы бір құлшыныс бергендей. Осылайша, Құран мұндай өнер мен жасырын ілімнің сырларын ашып ең биік шыңына шығуға ишара етіп, ең тиімді де жағымды жақтарын көрсетеді.

#құран

#пайғамбарлар

#мұғжизалар

#тылсымдар

Сөздер-274 бет

https://www.rebrand.com/sozder

Яхудилерге қатысты Құранның осы екі үкімі

2020-09-07T09:00:23.808Z

25-сөз

يُذَبِّحُونَ اَبْنَۤاءَكُمْ وَيَسْتَحْيُونَ نِسَۤاءَكُمْ

/Олар сендерді жаман қинаумен ұстап, ұлдарыңды бауыздап, әйелдеріңді тірі қоятын еді.Бақара, 2: 49/

бұл аят Исраил ұлдарының басына түскен зобалаңды яғни дүниеге келген ұл балаларды сойып, әйел мен қыз балаларды тірі қалдыру оқиғасы жайлы баяндайды. Бұл бір Перғауын заманында болған уақиға. Аят осы арқылы яхуди халқының көптеген мемлекеттерден әр ғасырда жәбір көріп, қырғынға ұшырайтынын және әйелдері мен қыздары азғындыққа салынып, бұзықтыққа зор үлес қосатынын білдіреді.

وَلَتَجِدَنَّهُمْ اَحْرَصَ النَّاسِ عَلٰى حَيٰوةٍ

Яһудилердің жалпы адамдардан да мүшріктерден де тіршілікке (ұзын өмірге) тым құмар екенін көресің./Бақара, 2: 96/

وَتَرٰى كَثِيرًا مِنْهُمْ يُسَارِعُونَ فِى اْلاِثْمِ وَالْعُدْوَانِ وَاَكْلِهِمُ السُّحْتَ لَبِئْسَ مَا كَانُوا يَعْمَلُونَ

Олардың көбірегінің күнәда, дұшпандықта және арам жеуде жарысқандарын көресің. Олардың істеген істері неткен жаман./Мәида, 5: 62/

وَيَسْعَوْنَ فِى اْلاَرْضِ فَسَادًا وَاللهُ لاَ يُحِبُّ الْمُفْسِدِينَ

Олар жер жүзінде бұзықтыққа тырысады. Алла бұзақыларды жақсы көрмейді./Мәида, 5: 64/

وَقَضَيْنَۤا اِلٰى بَنِۤى اِسْرَۤائِيلَ فِى الْكِتَابِ لَتُفْسِدُنَّ فِى اْلاَرْضِ مَرَّتَيْنِ

Алланың несібесінен ішіп, жеңдер де жер жүзінде бұзақылық қылып жүрмеңдер./Бақара, 2: 60/

وَلاَتَعْثَوْا فِى اْلاَرْضِ مُفْسِدِينَ

Кітапта (Тауратта) Исраил ұлдарына: “Әрине жер жүзінде екі рет бұзғыншылық қылып, өте тәкаппарланасыңдар” деп ескерттік./Исра, 17: 4/

Яхудилерге қатысты Құранның осы екі үкімі, әлгі халықтың адамзаттың қоғамдық өмірінде жасаған қиянат, айла-бүліктерін, олардың адамзатқа берер зардабы мол екі ереже-заңдарын қамтып, содан хабар береді. Олардың бірінші ереже-заңдары мынау:

Қоғамдық өмірдің шырқын бұзу, еңбек пен капиталды соғыстырып, кедей-кепшікті байға қарсы айдап салу, еселеп өсім-ақы алу үшін банкілерді аша беру, алдап-арбаумен баю. Аят, осы сұмдықты істейтін сол халық екенін білдірсе, екінші ережелері бойынша олар, ~~мемлекет құруға қолы жетпегендіктен~~ және өздеріне көп зұлымдық жасаған елдерден, үстем келгендерден кек алу үшін қандай да болсын бүлікшіл ұйымдарға араласып, қоғамдағы дүмпу мен барлық төңкерістерге қатысатын тағы да сол халық екенін білдіреді.

Сөздер-439 бет

https://rebrand.ly/sozder

#құран

#исраильұлдары

#сөздер

#құранмұғжизасы

Құран адамзатқа түскен. Олай болса, неліктен адамзат үшін маңызы зор ғылым жетістіктерін анықтап айтпаған? Неге тек жасырын рәмізбен, кейде мегзеп қана, жай бір ишарамен немесе астарлы ескертумен шектеледі?

2020-08-25T07:42:01.336Z

20-cөз

Жауап: Өйткені, мәдени жетістіктер мен техника жаңалықтарының
Құраннан алар орны, тиесілі ақысы сол ғана болса керек. Себебі, Құранның
басты міндеті – Рубубиет алаңының кемелдігі мен Иләhи басқару істерінің сынсипатын түсіндіру және құлшылық алаңының атқарар қызметі мен
халахуалын үйрету. Енді, адамдар ойлап тапқан әлгіндей жаңалықтардың
осы екі алаңнан алар орны жәй бір рәміз, кішкене ғана ишара болмақ.
Өйткені олар, әлгі Рубубиет алаңынан өзіне тиесілі ақы сұраса, оларға өте
шағын, аз үлес қана тиеді.

Мәселен, ұшақ (Сілтеме 1 ) Құранға: "Мен туралы
да айтыңыз! Аяттардың арасынан орын беріңіз!" десе, әлгі Рубубиет
алаңынының ұшақтары, Ай, Жер, планеталар, Құранның атынан оған
былай дер еді: "Бізден қаншалықты кішкентай болсаң, саған соншалықты
орын тиеді".
Егер, сүңгуір қайықтар Құран аяттарының қасынан орын сұраса, әлгі
алаңның тахтел бахрлары яғни әуе мұхиты мен одан да ұсақ эcир дейтін
теңіздің кемелері: Жер, Жұлдыздар, қысқасы аспан денелері оған былай дер
еді: "Біздің жанымызда алар орның көрінбейтін дәрежеде кішкентай".
Егер, электрдің өте жарық үлкен лампалары сөз алып, аят қатарына
енгісі келсе, әлгі алаңның электр лампалары болып табылатын жай мен
найзағайлар және аспанды безендіріп тұрған жұлдыздар былай дер
еді: "Біздің қасымызда жарығың қанша болса сонша сен туралы
айтылады".
Егер ғылым жетістіктері, өнер туындылары аяттардан өздеріне тиесілі
ақыларын сұрап, мақам талап етсе, онда бір түйір шыбын оларға былай
дер еді: "Үндерің шықпасын! Менің қанатым құрлы ақыларың жоқ. Неге
десеңдер, сендер аз ғана қалауерікпен табылған күрделі шеберлік пен
өнер құралжабдықтарың жаппай жиналса менің бойымдағы күрделі
шеберлікпен, нәзік сезім мүшелерімдей ғажап болмасы анық.

Мына аят ауыздарыңа қақпақ болады:اِنَّ الَّذِينَ تَدْعُونَ مِنْ دُونِ اللهِ لَنْ يَخْلُقُوا ذُبَابًا وَلَوِاجْتَمَعُوا لَهُ

Сендердің Алладан өзге табынғандарың, барлығы жиылса да әсте бір шыбын жарата алмайды. Сондай-ақ егер шыбын олардың бір нәрсесін алып қашса, одан оны құтқара алмайды./Хаж, 22: 73/

Егер, ол керемет өркениет құлшылық алаңына еніп ол жерден ақы сұраса
мұндай жауап алар еді: Сендердің бізге қатыстарың шамалы. Сондықтан
арамызға кірулерің қиын болар. Себебі, біздің бағдарламамыз мынау:
Дүние бір қонақ жай. Адам болса, ол жерде азғана ғұмыр кешетін, атқарар
міндеті басынан асатын қонақ. Қысқа өмірде мәңгі өмірге қажетті амал
жасап, сауап жинауға міндетті. Өте маңызды да аса қажетті игі амалдар
сарапқа түседі. Алайда сендер, көбіне мына баянсыз дүниені тұрақты
мекен етіп, ісәрекеттеріңде бейқамдық, дүниеге құмарлық байқалады.
Олай болса, ақиқатқа жетуге және ақыретті ойлауға негізделген құлшылық алаңынан алар үлестерің тым аз. Дегенмен, сауабы мол құлшылық бо
лып табылатын Алллаhтың құлдарына пайдалы болу, халықтың аман
есендігін, тыныштығын сақтау, әлеуметін жақсартуға үлес қосу секілді
қызметімен еңбегі сіңген, бірақ саны аз, қадірлі өнерпаздар мен иманды
ғалымдар араларыңда болса, ондай зиялы, зерек жандарға жоғарыда
аталған Құран ишарасы мен рәмзі оларды еңбекке ынталандыруға, өнерін
бағалауға толық жеткілікті.

Сілтеме :Осы маңызды да салмақты мәселені жазып отырғанда еріксіз түрде қаламым жазу тәсілін өзгертіп, жеңілдетіп қалжың араластырып жіберді. Мен де тиіспедім. Жазу тәсілі мәселенің маңыздылығына зияны тимес деп ойлаймын.

rebrand.ly/sozder

Сөздер-287 бет

#құран #техникалықжаңалық #рисалейнұр #саиднұрси

"Неліктен Құран кейбiр мәселелердi қысқа қайырады. Кейбiреуiн көпшiлiкке түсінікті оларға жағымды, қарапайым халыққа жеңіл, ақылдарын қинамай өте анық та қарапайы тiлмен жеткiзедi?"

2020-08-18T06:03:13.883Z

19-сөз

ЖАУАП: "Себебi, пәлсапа ақиқаттың жолынан тайған. Алдыңғы
сабақтар мен сөздерден әлбетте мынаны түсiнген боларсың: Құран Хаким
жаратылыс атаулыны Аллаhтың көркем есiм-сипаттарын түсiндiру үшiн
тiлге тиек етедi. Яғни, мына әлем атты кiтаптың мағыналарын түсiндiрiп,
оның жазушысын, Жаратушысын таныстырады. Демек, болмысқа оның
өзi үшiн қарамайды, Жаратушысын таныстыру үшiн назар аударады.
Сондай-ақ, сөзiн баршаға арнайды. Пәлсапа болса болмысқа өзі үшін қарап,
өзінен шыға алмай табиғатына батып, шектеліп қалады әрі сө зiн көбінесе
оқымысты, білімді топқа арнайды. Міне, Құран Хаким, жаратылысты
айғақ, дәлел ретiнде қолданады. Көпшiлiк оңай түсiну үшін айтылған дәлел
анық, түсінікті болуы тиіс. Құран – жөн сiлтеушi, ағартушы, ұстаз. Олай
болса сөзiн адамзаттың барлық табына арнайды. Ал негiзгi тыңдарман топ
– қарапайым халық. Әрине, оларға қажетi шамалы нәрселердi қысқаша
түсiндiріп, кейбір мәселелерді егжейтегжейлі емес, тұспалдап қана қояды.
Маңызды да күрделі мәселелердi мысалдар арқылы баяндайды. Қарапайым
халықты шатастырмауы үшiн сырттай айқын көрiнiп тұрған нәрселердi
өзгерiссiз, сол қалпында баяндайды.

Мысалға, Күн туралы "Күн – айналып тұрған шырақ" дейдi. Бұл
жерде, Күннің өзі туралы, оның жаратылысы жайында баяндап тұрған жоқ.
Керісінше оның белгiлi бiр жүйенiң орталығы әрі тәртіптің өзегі екендігі
айтылады. Ал, тәртіп пен жүйе болса, оны құрушы, жаратушы бір Аллаhты
тануға мүмкіндік беретін айна тәріздес. Иә, وَجَعَلَ الشَّمْسَ سِراَجاً дейді, яғни
"Күн айналады" дейді. Бұл "айналады" сөзi арқылы қыс пен жаздың, түн
мен күннiң алмасуындағы керемет құдіреттің басқару жүйесiн еске салып,
Жаратушы Жаббардың ұлылығын түсiндiредi. Ендеше, мына "айналады"
сөзінің ақиқаты қалай болғанда да, айтылғалы отырған және мына көз
алдымыздағы керемет жүйе мен тәртіпке еш керағарлығы жоқ.

Тағы да: وَجَعَلَ الشَّمْسَ سِرَاجًا дейдi. Мұндағы "сирадж" сөзi арқылы
мына әлемдi сарай секілді суреттейдi. Iшiндегi нәрселер, адамдар мен басқа
да тiршiлiк иелерiнің игілігіне жасалған әсем бұйымдар, қажеті заттар,
тағамдар екенін, Күннің өзі бағынышты шырақ, жылу көзі екендiгiн еске
түсiре отырып, мейiрiмін төгіп тұрған шынайы сыйлық берушi Жаратқан
Иемізді таныстырады. Ал, ендi тілі мен жағына сүйенген пәлсапа не дейдi?
Соны тыңдайық: "Күн – лаулап тұрған алып от. Өзiнен бөлiнiп шыққан
ғаламшарларды айналасында ұстап, айналдырып тұрады. Үлкендiгi
мұндай, құрамы осындай..." дейдi. Адамзат рухына қатты үрей мен
қорқыныш ұялатып, бос таңғалдырғаннан басқа еш нәрсе бермейдi. Рухқа
кемелдік бермейді. Құранға жетпейді. Сырты сұлу, ішi бос, жылтыраған пәлсапаның құны Қасиетті Келамның қасында қанша дейсің?! Пәлсәпәнiң
сұлу сыртына алданып, Құранның мұғжизалы баянын менсінбей,
әдепсіздік жасама!

Ескерту: Арабша РисалейНұрда Он төртiншi тамшының алты бөлiмi,
оның iшiнде төртiншi бөлiмiнiң алты тұжырымы Құран Хакимнiң
қырық түрлi мұғ жизаларының он бесiн баяндайды. Сол жерде толық
айтылғандықтан қазiр қыс қаша баяндалды. Қаласаң соны оқы! Мүғжизалар
қазынасын табасың.

Сөздер-263бет

rebrand.ly/mucizati-kuraniye

#сөздер

#құран

#рисалейнұр

#саиднұрси

Қасиетті Құранның ғайыптан хабар беруі

2020-08-11T05:42:02.372Z

25-сөз

Енді, Қасиетті Құранның ғайыптан хабар беруі жайлы және әр ғасырда өзінің балауса балғындығын сақтап қалуы, сондай-ақ, адамзаттың әр тобының деңгейіне сәйкес келетіні жайлы. Бұл да өзінше
бір мұғжиза, таңғажайып қасиет.

Өткен шақпен қатысты ғайби ақпараты. Иә, Хаким Құран үмми, оқужазу білмейтін бір Кісінің тілімен сонау Адам (ғ.с) заманынан бері өзі түскен ғасырға дейінгі маңызды тарихи оқиғаларды, әнбиялардың өмірін, олардың бастан кешкен уақиғаларын тұтас әрі шынайы түрде керемет баяндаған. Мұнысын киелі кітаптар Тәурат, Інжіл растап бекітеді. Көктен түскен кітаптардың бір ауыздан мойындаған мәселелерін үйлестіріп, растайды да, ал қарамақайшы жерлерін жөндеп, тегістеп, болған оқиғаларды дәлмедәл, нақты суреттейді.

Демек, Құранның өткір назары әлгі көктен түскен аспани кітаптардың бәрінен жоғары тұр. Ол өткен шақтың белестерін толық көріп тұрған болуы керек, сонда
ғана әлгіндей ортақ мәселелерін растап бекітеді, ал даулы мәселелердің
аныққанығын айтып төрелік етеді.

Дегенмен, Құрандағы оқиғалар мен өткен тарих белестері жайлы ақпарат ақылмен атқарылатын іс емес. Оларды ақылмен біліп, хабар беру мүмкін емес. Ол, аспани хабар, ол нақыл яғни біреуден келген, жеткізілген хабар. Ал, біреуден нақыл етіп, жеткізу үшін көргендей оқи алатын, жазу білетін болуы керек. Бірақ оқужазу білмейтіні, ешбір әріп танымайтыны әрі аманатқа өте сенімді, үмми кісі екені достары түгіл дұшпандары тарапынан расталған бір кісіге түсті емес пе?!

Һәм, әлгі өткен тарихи жағдайларды нақты түрде суреттеген кезде
олардың бәрін баяндайды. Өйткені ұзаққа созылған бір оқиғаның өзегін
алып, қысқанұсқа тұжырым жасайды. Өз мақсатына оны кіріспе, сөзіне
арқау етеді. Демек, Құрандағы тұжырымдар мен өзектерге қарап мұны
баяндап отырған, өткен шақты егжейтегжейлі, толық көріп отырған біреу
екеніне шек жоқ. Себебі, біреудің ғылым яки өнер саласында білікті екені
оның тұжырымды сөзінен, шебер қимылынан байқалады. Сол секілді
Құрандағы оқиғалардың түйіні, қорытындылары бізге мынаны көрсетеді:
Бұларды айтып отырған барлық оқиғаларды толық қамтып, көріп тұрған
(егер айтуға рұқсат болса) өте шебер, білікті біреу.

Сөздер-443

rebrand.ly/mucizati-kuraniye

#құраным

#ғайыптанхабар

#рисалейнұр

#саиднұрси

Құран мен сандар

2020-08-03T06:07:34.137Z

29-мектуб

Ескерту: Расул сөзіндегі ұлы сырдың баянында жүз алпыс аят жазылды.
Үшбу аяттардың қасиеті өте маңызды болумен қатар, мағына жағынан да
бірін-бірі дәлелдеп толықтыратындықтан және мағыналы болғандықтан түрлі
аяттарды жаттағысы немесе оқығысы келетіндерге Құрани хизб болуымен
қатар, Құран сөзіндегі үлкен сырдың баянында алпыс тоғыз аяттың шешендік
дәрежесі өте жоғары және тамаша жеткізілуде. Бұны да екінші бір Құрани
хизб ретінде бауырларымызға ұсынуға болады. Тек, Құран сөзі жеті Құран
тізбегінде бар, екеуі тыс қалған. Ол екеуі қырағат мағынасында. «Расул» сөзіне
келсек, ол сөзбен ең көп байланысты сүрелер Мұхаммед сүресі мен Фатх
сүресі болғандықтан сол екі сүремен шектелдік. Олардан тыс қалған Расул
сөзі әзірге енгізілмеді. Уақыт мүмкіндік берсе, мұндағы сырлар жазылатын
болады, иншаллаһ.

Бірінші Тұжырым: «Аллаһ» сөзі Құранда екі мың сегіз жүз алты рет айтылған. Бисмиллаһтағылармен қоса алғанда, «Рахман» сөзі жүз елу тоғыз рет, «Рахим» сөзі екі жүз жиырма, «Ғафур» сөзі алпыс бір, «Раб» сөзі сегіз жүз қырық алты, «Хаким» сөзі сексен алты, «Алим» сөзі жүз жиырма алты,«Қадир» сөзі отыз бір, «Лә Илаһа Илла һу» жиырма алты рет айтылған.

[Сілтеме: Құрандағы аяттардың жалпы саны алты мың алты жүз алпыс алты
болуы және мына сексен тоғызыншы бетте айтылған Әсмаи Хүснаның саны
алты санымен байланысты болуы маңызды бір сырға ишарат етеді].

«Аллаһ» сөзінің санында көп сырлар мен түйіндер бар. Мәселен, «Аллаһ»
және «Раб» тан кейін ең көп айтылған «Рахман», «Рахим», «Ғафур» және
«Хаким» сөздерімен бірге«Аллаһ» сөзі Құран аяттарының жартысына тең.
«Аллаһ» сөзінің орнына қолданылған «Раб» сөзімен бірге тағы да жартысы
болады. «Раб» сөзі сегіз жүз қырық алты рет айтылған, бірақ анықтап қараса,
бес жүзден астамы «Аллаһ» сөзінің орнына айтылған, ал екі жүзден астамы
олай емес.
«Аллаһ», «Рахман», «Рахим», «Алим» және «Лә иллаһа Илла Һу» дегі
«һу» санымен бірге тағы да Құран аяттарының жартысына тең болады.
Тоғыз айырмашылық, бар «Жәлал» сөзінің барлығында да көптеген сырлар
бар. Әзірге осы жетер.

Екінші тұжырым: Сүрелер тұрғысында. Мұнда да көптеген сырлар
бар. Арнайы жүйе мен арнайы түрде осылай болуын қалап сәйкестірілгені
көрініп тұр. Бақара сүресіндегі аяттардың саны мен «Аллаһ» сөзінің саны
бірдей. Төрт айырмашылық бар. «Аллаһ» сөзінің орнында төрт рет «һу» сөзі
айтылады. Мәселен, «лә иллаһа илла һу» дағы «һу» секілді. Сонда толық
сәйкеседі. Әл Имранда да аяттардың саны мен «Аллаһ» сөзінің саны тең
келеді. Тек, «Аллаһ» сөзі екі жүз тоғыз, аят екі жүз. Айырмашылық тоғыз.
Мұндай сөз көркемдігінде және шешендік өнерде азғантай айырмашылықтар
зиян бемейді. Шағын сәйкестіктер жеткілікті болады. Ниса, Маида, Әнғам
сүрелерінің жиынтығындағы аяттардың саны, ондағы «Аллаһ» сөзінің
санына сәйкес келеді. Аяттардың саны төрт жүз алпыс төрт, «Аллаһ» сөзінің
саны төрт жүз алпыс бір. Бисмиллаһтағы «Аллаһ» сөзімен бірге толық сәйкес
келеді.

Мәселен, бастағы бес сүредегі «Аллаһ» сөзінің саны Ағраф, Әнфал,
Тәубе, Юнүс, Һуд сүрелеріндегі «Аллаһ» сөзінің санынан екі есе келеді.
Демек, бұл соңғы бесеу, әуелгі бесеудің жартысы. Одан кейінгі Юсүф, Рағд,
Ибраһим, Хижр, Нахл сүрелеріндегі «Аллаһ» сөзінің саны, сол жартының
жартысы, одан кейінгі Исра, Кәһф, Мәриям, Таха, Әнбия, Хаж сүрелері әлгі
жартының жартысы, одан кейін де бес-бестен өлшеммен кете береді. Кейбір
аздаған артықшылықтар бар. Бұл деңгейдегі сөз өнеріне зиян бермейді.

Мәселен, бір бөлігі жүз жиырма бір, бір бөлігі жүз жиырма бес, бір бөлігі
жүз елу төрт, бір бөлігі жүз елу тоғыз. Зуһруф сүресінен басталған бес
сүре, сол жарты, жартының жартысының жартысы болады. Нәжм сүресінен
басталатын бесеуі әлгі жартының, жартысының, жартысының, жартысының жартысы. Аздаған айырмашылықтар зиян бермейді. Олардан кейінгі бестерде
тек үш үштен «Аллаһ» сөзі бар. Сонымен бұл жағдай (Сілтеме 25 ) мынаны
көрсетеді: «Аллаһ» сөзінің санында кездейсоқтық жоқ, бұл сандар хикмет
пен тәртіп бойынша шығып отыр.

Аллаһ сөзінің үшінші Түйіні: Беттердегі сәйкестіктерге байланысты.
Бір беттегі «Аллаһ» сөзінің саны, сол беттің оң жағына және орта бетіне,
кейде солдағы беттің арғы бетіне сәйкес шығатын. Мен өзімдегі Құран
нұсқасынан бұл сәйкестікті тексердім. Көбіне өте әдемі өлшеммен берілген
сәйкестік көрдім. Өзімдегі нұсқаға ишараттар да қойдым. Көп ретте тең
келеді. Кейде жарты лай, кейде үштен бірге тең келеді. Хикметпен тәртіпті
сездіретін бір жағдай бар.

Төртінші Түйін: Бір беттегі сәйкестіктер. Бауырларыммен бірге үш, төрт
бөлек-бөлек нұсқаларды салыстырдық. Барлығында сәйкестік барына көзіміз
жетті. Тек, баспахана көшірмешілері басқа мақсаттарды көздегендіктен,
біршама сәйкестік тәртібі бұзылған екен. Аздаған тәртіпке келтірілсе, бүкіл
Құранда екі мың сегіз жүз алты «Аллаһ» сөзінің санынша сәйкестіктер
көрінетін болады. Мұнда бір мұғжизалық сәуле жарқырауда. Өйткені,
адамзаттың миы мұндай ауқымды қамти алмайды. Ал кездейсоқтықтың қолы,
бұл мағыналы, хикметті жағдайға жете алмайды.
Төртінші Түйінді біршама аша түсу үшін, жаңа бір Мұсхаф жаздырудамыз,
Ол мұсхаф, ең көп сәйкестіктердің бетін, жолдарын дәл сол күйінде
сақтауымен қоса, хаткерлердің мән бермеулері кесірінен тәртібі бұзылған
тұстарды тәртіпке келтіріп, иншаллаһ сәйкестіктің шынайы жүйесін,
көрсететін болады.

Сілтеме25. Осы бес бестен бөлуде бір сыр ашылған еді. Ешқайсымыздың
хабарымыз жоқ, сол жердегі алты сүре тіркелмепті. Ықтиярымыздан тыс
алтыншысы кіргеніне шүбәміз қалмады, осылайша бұл жартылардың маңызды сыры жоғалмады.

Мектубат-396 бет

#әбжад

#джифр

#құранменсандар

#мектубат