𝐁𝒪𝐧𝐚

Jungkook & Calvin Klein

2026-05-18T13:06:38.904Z

CKJK

EKSKLYUZIV: http://calvin.re/CKJK-X Jungkook bilan cheklangan kolleksiya yaratish uchun hamkorlik qildi. Ushbu kapsula ikonik dizayn va isyonkor uslubni birlashtiradi

20 ta buyumdan iborat kapsula Calvin Klein ning klassik kiyimlarini Jungkookning jasur va biker uslubidan ilhomlangan estetika bilan qayta talqin qiladi

Calvin Klein Inc., PVH tarkibiga kiruvchi kompaniya, erkaklar va ayollar uchun mo‘ljallangan “Jung Kook for Calvin Klein” cheklangan kolleksiyasini taqdim etdi. Bu Jungkookning ilk moda hamkorligi hisoblanadi

28 yoshli janubiy koreyalik xonanda Jungkook BTS a’zosi va vokalisti sifatida mashhur bo‘ldi hamda muvaffaqiyatli solo faoliyat olib bordi. U 2023-yil mart oyida Calvin Klein elchisiga aylangan va brendning ko‘plab reklama kampaniyalarida qatnashgan. Billboard esa uni 2024-yilning eng yaxshi K-pop artisti deb atagan

Kolleksiya uzoq yillik hamkorlik asosida yaratilgan bo‘lib, Calvin Klein klassikasini Jungkookning jasur va erkin uslubi orqali namoyon qiladi. Unda biker ruhiyati va Calvin Klein’ning tarixiy dizayn elementlari uyg‘unlashgan

Kapsulaning asosini ichki kiyimlar va asosiy denim siluetlari tashkil qiladi. Jumladan:

•90-yillar uslubidagi trucker jaket

•90-yillar straight jinsi shimlari

•past beldagi keng jinsi shimlar

Shuningdek, kolleksiyada printli futbolkalar, hudilar va racing uslubidagi jaket ham mavjud.

Kolleksiya maxsus [CKJK] logotipi, ichki yorliqlar, yashirin kashtalar, Jungkookdan ilhomlangan grafikalar, noyob denim ishlovi va eksklyuziv qadoqlash bilan ajralib turadi

David Savman shunday dedi:

“Bu hamkorlik ikki katta madaniy kuchni birlashtiradi — Jungkookning inkor qilib bo‘lmaydigan global ta’siri va Calvin Klein’ning ikonik uslubi orqali haqiqatan ham ta’sirli loyiha yaratildi”

U yana qo‘shimcha qildi:

“Jungkookning qarashlari orqali biz uning shaxsiyati va mototsikllarga bo‘lgan qiziqishidan ilhomlangan yanada shaxsiy tomonini ko‘rsata oldik. Shu bilan birga Calvin Klein estetikasi saqlab qolindi”

Savmanning aytishicha, Jungkookning kuchli global ta’siri va autentik uslubi nafaqat mavjud mijozlarga, balki uning ulkan muxlislar bazasiga ham chuqur ta’sir ko‘rsatmoqda

CKJK

Jungkook ijodiy jarayonning har bir bosqichida ishtirok etgan — dastlabki konsept muhokamalaridan tortib dizayndagi yakuniy detallargacha

U denimning yuvilish usullarini shaxsan tanlagan va Calvin Klein jamoasi bilan birga mashhur trucker jaket kabi kiyimlarning fasonini moslashtirish ustida ishlagan

Jungkook ham, Calvin Klein jamoasi ham uning ruhi butun kapsulada sezilib turishini istagan, shu sabab ular birgalikda maxsus grafikalar va yashirin ichki kashta kabi detallarni qo‘shishgan

Butun kolleksiya Jungkookning mototsikllarga bo‘lgan sevgisidan ilhomlangan bo‘lib, uning shaxsiyati bilan chambarchas bog‘liq

Bu Calvin Klein’ning pop yulduzi bilan qilgan ilk hamkorligi emas

Brend 2023-yil bahorida Jennie bilan “Jennie for Calvin Klein” kolleksiyasini ham chiqargan

Hamkorlik kinematik uslubdagi kampaniya bilan taqdim etiladi, unda Jungkookning magnitdek tortuvchi energiyasi va isyonkor ruhi bayker konsepti orqali namoyish etilgan

Bu konsept uning mototsikllarga bo‘lgan qiziqishidan ilhom olgan

Fotograf Alasdair McLellan Jungkookning portretlari va treylerlarini suratga olgan bo‘lib, unda u ochiq yo‘llar erkinligini ifodalovchi zamonaviy ikon sifatida tasvirlangan

Kampaniya juma kuni maxsus logotip tushirilgan tizer bilan boshlandi

Dushanbadan boshlab kampaniya kontentlari Calvin Klein ijtimoiy tarmoqlarida e’lon qilinadi

“Jung Kook for Calvin Klein” kolleksiyasi seshanba kuni AQSH sharqiy vaqti bilan 18:00 dan boshlab sayt orqali sotuvga chiqadi

Chorshanba kuni esa tanlangan do‘konlar va ulgurji hamkorlarda mavjud bo‘ladi

Narxlar 29 dollardan 699 dollargacha bo‘ladi

Cheklangan dizayndagi ichki kiyimlar faqat Harajuku, Soho va Champs-Élysées flagman do‘konlarida eksklyuziv tarzda sotiladi

Chorshanba kuni brend dunyoning turli shaharlarida immersiv pop-up hududlarini ochadi, jumladan Los-Anjelesdagi bir kunlik tadbir ham rejalashtirilgan

Kampaniyadan ilhomlangan plakatlar xarid qilganlarga sovg‘a sifatida taqdim etiladi

.
.
.
.
.
#leebona ~
____
⟭⟬ @UZB_SUB_BTS ⟬⟭

Jungkookning Rolling Stone uchun bergan intervyusi

2026-04-20T19:54:53.797Z

BTS qo‘shiqlaridagi yorqin lahzalariga qaramay, 28 yoshida ham Jeon Jungkook hali to‘liq kim ekanini anglab yetmagan.
“Men hali ham o‘zligimni shakllantiryapman,” — deydi u.
Buni tushunish qiyin emas. U BTS’da 15 yoshidan beri, ya’ni umrining deyarli yarmidan ko‘pini global pop yulduzi sifatida o‘tkazgan, guruh ichida ulg‘aygan.
U o‘zining ajablanarli darajada yumshoq tenori kuchayganini tan oladi, lekin hali ham qo‘shiq yozish borasida o‘ziga ishonch topish jarayonida. Shunga qaramay, ARIRANG albomida u yakkaxon ishiga qaraganda ko‘proq muallif sifatida o‘zini ko‘rsatdi.
Qaysidir ma’noda, u BTS’ning ilk muxlislaridan biri bo‘lgan — o‘sha paytda hali kichik bo‘lgan BigHit Music kompaniyasini ko‘plab takliflar orasidan aynan RM “haqiqatan ham juda zo‘r” bo‘lgani uchun tanlagan.
Va Jungkook hali ham ular birgalikda erishgan yutuqlardan hayratda qolayotgandek ko‘rinadi.

👤 Senga katta muvaffaqiyat keltirgan yakkaxon pop yulduz sifatida o‘zingni tasdiqlash nimani anglatdi?

🐰 Rostini aytsam, men hali o‘zimni pop yulduz deb hisoblay olmayman. Lekin bu savolni berishganidan va muxlislar meni shunday ko‘rishidan juda minnatdorman.
Shuning uchun men rivojlanishda davom etishni xohlayman — shunda bir kun kelib o‘zimni haqiqatan ham yulduzdek his qilaman. Bir kun!

👤 Buning uchun senga nima kerak deb o‘ylaysan?

🐰 Aslida, men aniq bilaman. Ingliz tilimni yaxshilashim kerak — hech bo‘lmasa oddiy suhbat qila oladigan darajaga yetkazishim kerak.
Menimcha, bu katta burilish bo‘lardi. Lekin ingliz tili juda qiyin…

👤 Duolingo!

🐰 Duolingo dan tortib Malhaeboka gacha… men deyarli barcha ingliz tili o‘rganish ilovalarini sinab ko‘rganman.
Lekin eng muhimi — taslim bo‘lmaslik.

👤 Hamma aytadiki, sen ingliz tilida gapirishda o‘zingni unchalik qulay his qilmasang ham, qo‘shiq aytganda talaffuzing juda zo‘r

🐰 Hech bo‘lmasa shundan xursandman

👤 Sen qo‘shiq aytganda har bir bo‘g‘inni alohida o‘rganib aytasanmi yoki bu yaxshi eshitish qobiliyating bilan bog‘liqmi?

🐰 Ha, menimcha, bunday narsalarda eshitish qobiliyatim yaxshi. Lekin baribir… bu koreys tili emas. Men uchun bu chet tili.
Va men xohlamayman-ki, ona tili ingliz bo‘lgan odamlar meni eshitganda o‘zlarini noqulay his qilsin yoki bu ularga yoqmasin. Shuning uchun men bunga shaxsan juda ko‘p mehnat qilganman

👤 Sening yakkaxon muvaffaqiyating yangi albom ustida ishlashdagi yondashuvingga va boshqa a’zolarning ish uslubiga qanday ta’sir qildi?

🐰 Men juda erkin va ochiq odamman, kundalik hayotda juda ko‘p o‘ylamayman — faqat zarur bo‘lsa.
Shuning uchun ish jarayoni yoki qo‘shiqlar tanlashga kelganda… albatta, o‘z fikrimni bildiraman. Gapiraman, fikrimni ulashaman, lekin bunga ortiqcha tashvishlanmayman.
Boshqalar haqida aniq bilmayman. Balki ayrim a’zolar biroz bosimni his qilgandir, lekin men uchun bu jarayon shunchaki maroqli bo‘ldi. Menga yoqdi! Men o‘zim xohlagan narsani qildim.

👤 RM aytgandi, hozir a’zolarning turmush tarzi ham, chegaralari ham turlicha. Shu haqida biroz batafsilroq ayta olasanmi? Bu nimani anglatadi?

🐰 Xullas, har bir a’zoning kelib chiqishi juda boshqacha. Hatto tanishganimizdan beri ham har birimiz o‘z tezligimizda, o‘z ritmimizda harakat qilyapmiz.
Bundan tashqari, biz turli musiqa janrlarini va turli ovqatlarni yoqtiramiz. Biz yettimiz, juda ko‘pmiz, lekin birga ishlaymiz, birga kuylaymiz va birga sahnaga chiqamiz.
Hamkorlik qilganimizda ham, albatta, farqlarimiz bor. Balki shuning uchun u shunday degandir

👤 Yangi albomda sen qo‘shiq muallifi sifatida ancha ochilgandek ko‘rinasan. O‘zing qo‘shgan hissangdan ayniqsa mamnun bo‘lgan lahzalar bo‘ldimi?

🐰 Albatta, o‘zimni juda yaxshi his qildim. Buni faxr deb atarmidim, bilmayman… lekin haqiqatan ham ajoyib his bo‘ldi.
Lekin oradan vaqt o‘tgach, bir narsa haqida hanuz o‘ylayman… Nega men biroz ko‘proq qilmagandim? Ikki oy — bu juda uzoq vaqt. Balki yana ko‘proq narsa qila olarmidim?
Shu uchun biroz afsuslanaman

👤 Albatta, ARMYlar sening yakkaxon ishlaringni juda yaxshi ko‘rishdi. Lekin ba’zi fikrlarda sen ko‘proq yozishing kerakligi va alboming biroz “g‘arbona” uslubda chiqqani aytilgan. Buni eshitganmisan va bu haqda nima deb o‘ylaysan?

🐰 O‘sha paytda bu mening tanlovim edi. Agar ARMYlar xohlasa, keyingi albomimda ko‘proq yozishim mumkin. Lekin o‘sha vaqtda men boshqacha narsani xohlagandim.
Men yaxshi qo‘shiqlarni olib, imkon qadar tezroq albom chiqarishni xohladim. Sababi shunchaki shu.
Yana shuni ham o‘ylaymanki, hozircha ayta oladigan hikoyalarim doirasi biroz cheklangan. Shuning uchun kelajakda ko‘proq tajriba va aytiladigan gaplarim bo‘lsa, bu tabiiy ravishda o‘zgaradi.

👤 Ularning orzulari, menimcha, shaxsiyroq. Lekin sen aytyapsanki, hozircha senda bu borada hech narsa yo‘qmi?

🐰 Aslida, balki menda hech qachon ham bo‘lmas. Chunki men xotiralarni uzoq vaqt saqlab qolmayman. Ko‘p narsani tez unutaman…
Bilasan-ku, kompyuterda qattiq disk bo‘ladi? Menimcha, menda “xotira joyi” unchalik ko‘p emas

👤 Sen juda yoshligingdan beri BTS’dasan. Idol sifatidagi faoliyatingda haqiqiy tanaffuslar deyarli bo‘lmagan — faqat pandemiya davrida biroz va armiyada xizmat qilganingda. Bunday ulg‘ayish sening o‘zligingni anglashga qanday ta’sir qildi?

🐰 Pandemiya paytida ham biz juda band edik, haddan tashqari band. Shuning uchun musiqadan butunlay uzoqlashgan yagona vaqtim — armiyada bo‘lgan paytim edi.
Va o‘sha paytda… o‘zligimni anglash haqida chuqur o‘ylash o‘rniga, chunki u doim o‘zgarib turadi, deb o‘ylayman… men shunchaki sahnaga chiqishni xohladim.
Men qo‘shiq aytishni xohladim. “Qachon chiqaman? Tezroq chiqib raqsga tushishni xohlayman!” — men faqat shu haqida o‘yladim

👤 The Beatles guruhida George Harrison eng yosh a’zo bo‘lgan va u doim o‘zini “eng kichik” sifatida ko‘rilishini yoqtirmagan. Senda ham shunga o‘xshash hislar bo‘lganmi?

🐰 Yo‘q, aksincha, menga eng kichik bo‘lish yoqadi. Chunki hozir hammamiz ulg‘aygan bo‘lsak ham, men butun umr oilamda ham, guruhda ham, ishda ham eng kichik bo‘lganman.
Men bunga shu darajada o‘rganib qolganmanki, jamoada aynan shu rol bilan o‘zimni juda qulay his qilaman. Hozir ham o‘zimni shunday his qilaman.

Rolling Stone

.
.
.
.
.
#leebona ~ ~
____
⟭⟬ @UZB_SUB_BTS ⟬⟭

Taehyungning Rolling Stone uchun bergan intervyusi

2026-04-20T08:06:16.064Z

Kim Taehyung (V) bolaligini asosan Janubiy Koreyaning janubidagi kichik shahar — Gochang da buvisi bilan o‘tkazgan. U eski musiqalarga mehr qo‘ygan — Chet Baker dan tortib Frank Sinatra va Elvis Presley gacha — va shu orqali uni guruhdoshlaridan ajratib turadigan o‘ychan, mayin uslubni shakllantirgan.
Uning ovozi ham shunga mos — xirgoyi, chuqur bariton bo‘lib, buni u o‘zining atmosferali va sokin Layover nomli debyut EP’sida namoyon etadi.
U har doim BTS ovozining muhim qismi bo‘lib kelgan va ARIRANG albomida ham qo‘shiq yozishda katta hissa qo‘shgan, jumladan Into the Sun kabi muhim treklar orqali.
U bu borada ancha ishonchli ko‘rinadi, faqat bitta jihatdan tashqari — masalan, Park Jimin kabi osonlik bilan yuqori notalarni olish unga unchalik nasib etmagan.
“Men past diapazondaman,” — deydi u fevral oyida HYBE shtab-kvartirasida, Seoul da o‘tkazilgan intervyuda.
“Lekin men juda ko‘p narsani o‘rgandim. Men kuylashda yaxshilanishga erishdim”

👤 2022-yilda tanaffus muqarrar ekanligi aniq bo‘lganida o‘zingni qanday his qilganding? Axir sen juda uzoq vaqt faqat shu hayot bilan yashagansan.

🐻 Kim Taehyung: Armiyada xizmat qilayotgan paytimizda, qanchalik xohlasak ham sahnaga chiqa olmaymiz. Shuning uchun men juda chiqishni xohlardim. Albom chiqarishni, qo‘shiq aytishni, raqsga tushishni xohlardim. Men buni aniq his qilganman… istak? Ha, buni istak deb ataylik.
Lekin biz mamlakatimiz uchun kerak edik, shuning uchun mavjud vaziyatda qo‘limizdan kelganini qilishimiz kerak edi. Shu sababli men bir muddat BTS dagi V obrazini unutishga harakat qildim, diqqatimni Kim Taehyung sifatida hayotimga qaratish uchun

👤 Demobilizatsiyadan keyin ong va tanangni “tikladim va qayta yukladim” deganding. Bu sen uchun nimani anglatadi?

🐻 Bu fikr men uchun juda muhim edi. Men armiyadagi xizmatim uzoq davom etishini bilardim, shuning uchun bu vaqtni qanday foydali o‘tkazish haqida jiddiy o‘yladim.
Avvalo, qadriyatlarim va sog‘ligim haqida o‘yladim. Ichki dunyomni tartibga solishga harakat qildim, ortga nazar tashlab, oxir-oqibat qanday inson bo‘lishni xohlayotganimni o‘yladim.
Shu bir yarim yil davomida men juda ko‘p mashq qildim. Ko‘p kitob o‘qidim, ko‘p musiqa tingladim. O‘ylaymanki, bu menga tanamni va ongimni tiklash imkonini berdi

👤 Eng muhim o‘qigan narsang nima bo‘ldi?

🐻 Men bir do‘stimdan so‘radim: “Kitob o‘qimoqchiman, nimani tavsiya qilasan?” U juda ilhom bilan Han Kang va Keigo Higashino asarlarini tavsiya qildi. Natijada deyarli faqat ularning kitoblarini o‘qidim.
Yana Eleven Steps degan kitob ham bor edi — biroz falsafiy asar. Umuman olganda, kitob o‘qiyotganimda o‘zimni voqealar ichiga kirib ketgandek his qilardim, xuddi qahramonlardan biriga aylangandek. Tasavvurim juda kuchli ishlardi.
Bu menga yordam berdimi? Rostini aytsam… aniq bilmayman.

👤 ARMYlar seni yanada ishonchliroq ko‘rinayapsan deyishmoqda. O‘zing ham shunday his qilasanmi?

🐻 Shunchaki… aslida men shuni payqadimki, mashq qilganimdan keyin o‘zimni ham, ko‘rinishimni ham boshqacha his qilaman — ichki va tashqi tomondan. Shuning uchun, o‘ylaymanki, mening o‘zimni tutishim ham yanada ishonchliroq bo‘lib qolgan

👤 Sen yakkaxon musiqangga juda sinchkov yondashasan. Ko‘p treklar yaratasan, lekin ularni chiqarmaysan yoki o‘chirib tashlaysan. Layoverni yakunlab, uni chiqarish sen uchun nimani anglatdi?

🐻 Layover men uchun BTS dagi V sifatidagi yo‘limga ortga nazar tashlash zaruriyatini his qilgan paytimda paydo bo‘ldi. “Layover” so‘zi yo‘ldagi oraliq to‘xtash degan ma’noni anglatadi, lekin men uchun bu hayotim to‘g‘ri chiziq emasligini bildiradi.
Men shuni aytmoqchiman: men bunday musiqa qila olaman, lekin menga boshqa ko‘plab uslublar ham yoqadi. Men jazzni, klassikani, hatto alternativ musiqani ham yaxshi ko‘raman. Shuning uchun buni ARMYlar va tinglovchilar bilan bo‘lishmoqchi edim.
Men musiqani chin dildan sevaman va Layover — bu mening aksim

👤 BTS’ning yangi albomi sening yakkaxon ishingdan ancha farq qiladi. Sen unga qanday shaxsiy maqsadlar bilan yondashding?

🐻 Birinchidan va eng muhimi — bu albomda mening uslubimga mos kelmaydigan birorta ham qo‘shiq yo‘q. Har biri — bu mening uslubim va men qilishni xohlagan musiqa.
Menimcha, bu janr jihatidan sinab ko‘rmoqchi bo‘lgan yana bir “rang”im edi. Shuning uchun bu albom ustida ishlayotganda bor kuchimni berdim va unda juda ko‘p mehr bor.
Men ARIRANG haqida gapiryapman.

👤 Bu albomda o‘zingniki yoki boshqa a’zolarnikidan eng yoqadigan lahzang bormi?

🐻 Biz juda ko‘p qo‘shiqlar ustida ishladik, shuning uchun albomga kirmay qolgan, lekin menga yoqqan treklar ham ko‘p. Albatta, kiritilganlar orasida ham sevimlilarim bor.
Lekin eng asosiysi… men yana sahnaga chiqishni sabrsizlik bilan kutyapman. Chunki mening sevimli qo‘shiqlarim har safar ularni sahnada ijro eta boshlaganimizda o‘zgarib ketadi

👤 Yetti kishilik guruhda “ovoz uchun joy” cheklangan bo‘ladi. Ba’zida ego aralashadimi? Masalan: “Men bu qo‘shiqda ko‘proq eshitilishni xohlayman” yoki “men ko‘proq qatnashgan qo‘shiq albomga kirmadi” degan holatlar bo‘ladimi?

🐻 Men ko‘proq o‘zim yaxshi uddalay olamanmi-yo‘qmi, shundan xavotir olardim. Chunki biror narsani yoqtirib tinglash boshqa, uni o‘zing ijro qilish butunlay boshqa narsa.
Shuning uchun, menga nimadir yoqsa ham, uni o‘zimga mos qilib qayta his qilish uchun juda ko‘p mehnat qilishim kerak. Lekin agar mening partiyam kamroq bo‘lsa yoki qo‘shiqda markaziy rol o‘ynamasam — bundan ranjimayman. Chunki bu o‘rinni boshqa a’zo egallaydi. Hatto… biroz yengillik ham his qilaman.
Faqat bitta narsa bor: agar biz yettalamiz qo‘shiqda “mos kelmasak”, unda biz uni umuman olmaymiz

👤 Menimcha, sizlarda har bir a’zo o‘zini teng his qilishi yaxshi yo‘lga qo‘yilgan

🐻 Ha. Endi hammamizning yakkaxon faoliyatimiz ham borligi sababli, har birimizning egomiz kuchaygan. Men o‘ylagandimki, bu qayta birlashganimizda ta’sir qilishi mumkin.
Lekin aslida aksincha bo‘ldi — biz bir-birimizni yanada kuchaytirdik va albomni yanada yaxshiroq qildik. Go‘yo ishimiz yanada mukammallashgandek.

👤 Shunday deyish to‘g‘rimi: senda umuman yakkaxon pop yulduz bo‘lish istagi yo‘q?

🐻 Agar umuman istagim bo‘lmaganida, men umuman artist bo‘lishni to‘xtatishim kerak emasmi?
Men bu albom ustida ishlash jarayonida a’zolardan juda ko‘p narsa o‘rgandim, ularning yo‘lini kuzatib ham ko‘p tajriba oldim. Rostdan ham juda ko‘p narsani o‘rgandim.
Shuning uchun keyingi yakkaxon albomim ustida ishlash vaqti kelganda, har bir a’zoning eng kuchli tomonlarini o‘zlashtirishni rejalayapman

👤 Menga sening jazzga yaqin uslubing juda yoqadi, masalan Winter Ahead kabi — juda chiroyli qo‘shiq. Lekin seni pop albomga ham ochiqdek ko‘raman.

🐻 Ha, bu ham men yaxshi ko‘radigan va intilgan uslublardan biri. Shuning uchun, albatta. Qachon bo‘lishini bilmayman, lekin bir kun kelib — bu men sinab ko‘rishim kerak va xohlaydigan janr.
Shunday deb o‘ylayman.

👤 ARMYlar sening aktyorlik qobiliyatingni ham yaxshi ko‘rishadi, lekin bu safar qahramon o‘lmaydigan rolni ko‘rishni xohlashadi. Yana aktyorlik qilasanmi?

🐻 Menimcha, aktyorlikka bo‘lgan yondashuvim musiqaga o‘xshaydi. Aktyorlik qilganingda, aslida real hayotda boshdan kechira olmaydigan turli rollarni sinab ko‘rish muhim, to‘g‘rimi?
Musiqada ham shunday — men o‘zimni bitta janr bilan cheklashni xohlamayman. Haqiqatan yaxshi ko‘radigan barcha janrlarni sinab ko‘rmoqchiman.
Va bir kun imkoniyat bo‘lsa, men o‘zim xohlagan turli rollarni ijro etishni xohlayman

👤 Agar bitta jazz ijrochisini tanlab, ARMYlarga tavsiya qilishing kerak bo‘lsa, kim bo‘lardi?

🐻 Juda ko‘p! Lekin… Etta James!

Rolling Stone

.
.
.
.
#leebona ~
____
⟭⟬ @UZB_SUB_BTS ⟬⟭

Jiminning Rolling Stone uchun bergan intervyusi

2026-04-18T15:45:56.319Z

BTS a’zolaridan kim eng baland notalarni oladi, deb so‘rasangiz, ularning barchasi bir kishini ko‘rsatadi: Park Jimin.
“Jiminning imkoniyatlari boshqalarnikidan ancha ustun,” — deydi Kim Taehyung (V).
Ammo Jiminning o‘zi hali ham o‘z ovozidan yoki ijodining boshqa jihatlaridan to‘liq qoniqmaydi. U BTS’ga eng oxirgi qo‘shilgan a’zo bo‘lib, qo‘shiqchilikdan ko‘ra zamonaviy raqs bo‘yicha tajribaga ega edi:
“Debyut qilganimizda o‘zimni to‘liq tayyor va ishonchli his qilmagandim,” — degan edi u 2021-yilda Rolling Stone nashriga.
Guruh bilan studiyada o‘tkazgan unutilmas lahzalari va tarixiy yakkaxon ishlariga qaramay — uning 2023-yildagi Like Crazy singli uni Hot 100 chartida birinchi o‘rinni egallagan ilk koreys yakkaxon ijrochiga aylantirdi — u hanuz o‘zini go‘yo hali ko‘p narsani o‘rganishi kerakdek tutadi.
“Men o‘zimni mukammalchi deb atay olamanmi, bilmayman,” — deydi Jimin fevral oyida Seuldagi HYBE shtab-kvartirasida o‘tkazilgan intervyuda.
“Har kimda muvaffaqiyatga erishish istagi bor, menda ham bor. Shuning uchun bu istakdan voz kechish men uchun hammasidan voz kechgandek bo‘ladi. Uni qo‘yib yubora olishimga ishonchim komil emas”

👤 ARIRANG chiqishiga bir oy qolganida o‘zingni qanday his qilyapsan?

🐥 Juda hayajondaman. Rostdan ham juda asabiylashyapman. Reliz yaqinlashyapti, lekin oradan ancha vaqt o‘tdi. Shu vaqt davomida hayajon bilan birga qo‘rquvni ham his qildim. Men hammasini juda yaxshi qilishni xohlayman

👤 Sen juda mashhur yakkaxon ijrochiga aylanding. Bilmayman, bunday darajada tez va katta muvaffaqiyat kutganmiding?

🐥 Yo‘q, umuman bunday bo‘lishini kutmagandim. Bildirilgan e’tibor uchun juda minnatdorman. Lekin bu jarayonda shuni tushundimki, oldinda hali uzoq yo‘l bor. Va men kelajakda yanada rivojlanish uchun qattiq ishlashda davom etaman

👤 To‘g‘ri. Shunday hitlaring bo‘lsa ham, nimani yaxshilamoqchisan?

🐥 Avvalo, vokalimni yaxshilamoqchiman… Ko‘proq o‘rganishni, mashq qilishni va rivojlanishni xohlayman. Bundan tashqari, qo‘shiq yozishni ham yaxshilamoqchiman. Yaxshi konseptga ega, sifatli albomlar chiqarishni istayman.
Oxir-oqibat, mening vazifam — yaxshi qo‘shiqlar yozish va ularni yaxshi kuylash

👤 Seningcha, o‘zingga juda qattiqqo‘l emasmisan?

🐥 Unchalik emas. Hozir men shunchaki hayotdan zavqlanyapman. BTS a’zolari bilan repetitsiya qilish — bu haqiqiy quvonch. Repetitsiyalarda juda maroqli vaqt o‘tkazyapmiz. Sahnaга chiqishni sabrsizlik bilan kutyapman

👤 Armiyada sen ko‘plab mukofotlar olgansan. Nega sen shunchalik yaxshi harbiy bo‘lganingni nima bilan tushuntirasan?

🐥 Bilmayman, sen mukofotlar haqida qayerdan bilding, lekin boshida… armiyada hamma biz mashhur ekanimizni bilardi, to‘g‘rimi? Shuning uchun men yaxshi taassurot qoldirish uchun juda ko‘p harakat qildim. Keyin esa shunchaki ko‘proq ta’til kunlari olish uchun ko‘p ishladim

👤 Men o‘ylagandimki, balki tayyorgarlik davri harbiy xizmatga juda o‘xshash bo‘lgani uchun sen bunga tayyor bo‘lgandirsan

🐥 To‘g‘risi, biz juda ko‘p raqs qilardik va jismoniy formamizni saqlab turardik. Shuning uchun ma’lum darajada harbiy xizmatga tayyor edik, deb o‘ylayman. Lekin baribir farq bor edi — qolganlarga nisbatan yosh farqi sezilardi. Men ko‘pchilikdan taxminan 10 yosh katta edim, shu sababli ba’zi cheklovlarni his qilardim

👤 Demak, boshqa askarlar bilan yugurish musobaqasida qatnashishni xohlamagansan?

🐥 Yo‘q, aslida men qatnashganman! Men va Jungkook armiyaga bir vaqtda yozilgandik. U birinchi o‘rinni oldi, men esa ikkinchi bo‘ldim

👤 Demobilizatsiyadan keyingi birinchi kun qanday o‘tdi? Yana o‘z hayotingga qaytishingni bilganingda nimalarni his qilding?

🐥 Juda g‘alati tuyg‘u edi. Men shunchaki baxtli bo‘laman deb o‘ylagandim, lekin hammasi unchalik oddiy emas ekan… Buni so‘z bilan ifodalash qiyin.
Men armiyada boshdan kechirgan hamma narsani o‘yladim. Birga mashq qilgan do‘stlarimni, ofitserlarni esladim. Keyin esa yana sahnaga qayta olamanmi, deb o‘yladim. Shu kabi turli xil fikrlar bir paytning o‘zida kelib, meni bosib ketdi. Shuning uchun aniq nima his qilganimni tasvirlash qiyin

👤 2021-yilda gaplashganimizda, sen o‘zingni guruhsiz tasavvur qila olmasligingni aytganding. O‘shandan beri sen guruhdan tashqarida ham katta muvaffaqiyatlarga erishding. Bu sening guruhdagi o‘rningga bo‘lgan qarashingni o‘zgartirdimi?

🐥 Fikrlarim o‘zgarmadi. Agar nimadir o‘zgargan bo‘lsa ham, faqat shundaki: BTS va undagi muvaffaqiyatlarim hanuz men uchun eng ustuvor. Lekin shu bilan birga, men shaxs sifatida ham yaxshiroq qo‘shiqchi bo‘lishni xohlayman.
Jamoamdagi har bir a’zo juda ajoyib, shuning uchun men guruh a’zosi sifatida o‘z qiymatimni oshirishim kerakligini his qilaman va soyada qolib ketishni istamayman

👤 Sening yakkaxon qo‘shiqlaringni — masalan, Be Mine yoki Who ni eshitganimda, unda sening raqqoslik tajribang seziladi. Go‘yo bu qo‘shiqlarning ritmiga va kuylash uslubingga ta’sir qilayotgandek. Sen ham buni sezasanmi?

🐥 Bu qo‘shiqlar ustida prodyuserlarim bilan ishlaganimizda, biz ularni aynan raqsga mos qilib yaratganmiz. Ayniqsa Be Mine uchun men muxlislar bilan bo‘lishishni xohlagan raqs ham o‘ylab chiqqandik, lekin harbiy xizmat sababli bu oson bo‘lmadi

👤 Sening kuylash uslubing juda o‘ziga xos. Ba’zida sen boshqa a’zolarga qaraganda R&B ta’siridan kamroq ta’sirlangandek tuyulasan. Bu juda noyob. O‘zing bu uslubingni qanday baholaysan?

🐥 Mening ovozim shunchaki… men u bilan tug‘ilganman. Qandaydir ta’sirlardan tashqari, men uni ota-onamdan meros qilib olganman. Lekin iliq so‘zlaring uchun juda minnatdorman.
Rostini aytsam, menga eng katta ta’sir qilganlar — BTS a’zolari. Chunki ular mening ovozimni hali trainee bo‘lgan paytimdan eshitishgan. Aynan ular menga ovozim yaxshi ekanini aytishgan va qaysi qo‘shiqlarni kuylashni tavsiya qilishgan. Bu tavsiyalar menga juda katta ta’sir qilgan

👤 Ular qaysi qo‘shiqlarni tavsiya qilishardi? Chunki hatto energiyali qo‘shiqlarni kuylaganingda ham senda ballada ruhiyati seziladi

🐥 Justin Bieber va Chris Brown… Umuman olganda, turli ijrochilar bor edi, lekin asosan R&B yo‘nalishi tavsiya qilingan. Masalan, Trey Songz yoki Tory Lanez — men trainee bo‘lgan paytda ular juda mashhur edi

👤 ARIRANG dagi muhim satrlardan biri — “Ular biz haqimizda hech narsa bilishmaydi.” Bu iborada sening hissang qanday?

🐥 Bir kuni kechqurun men va RM ish tugagach suhbatlashib o‘tirgandik va shu gap aynan o‘sha suhbat davomida paydo bo‘lgan.
Dastlab u “Siz meni zaifligimizni bilmaysiz/zaif qilasiz ” tarzida edi, chunki men muxlislarga aynan shuni aytmoqchi edim: siz bizni shakllantirasiz, bizga doim ajoyib insonlar sifatida qaraysiz. Lekin shu sababli bizda o‘sish uchun joy qolmaydi. Men ular bizni ma’lum ma’noda “zaif” qilayotganini ifodalamoqchi edim.
Shu fikrdan kelib chiqib “Ular biz haqimizda hech narsa bilishmaydi” degan ibora tug‘ildi. Keyinchalik bu g‘oya kengayib, boshqa a’zolarning fikrlarini ham o‘z ichiga oldi. Lekin boshida bu — hech kim bizning qanchalik zaif ekanimizni bilmaydi degan fikrdan chiqqan.

👤 Bu safar albom ustida ishlash jarayoni butunlay boshqacha bo‘lgan ekan

🐥 Qo‘shiqlar ustida ishlaganimizda, biz go‘yo kichik bir “fabrika”dek ishladik. Har bir prodyuser to‘rtta yozuv kabinasidan birida joylashardi, biz esa ikki-uch kishilik guruhlarga bo‘linardik.
Har kuni joyimizni almashtirib turardik: bir kun bir prodyuser bilan to‘liq ishlasak, keyingi kuni boshqasi bilan ishlardik. Bu jarayon deyarli ikki oy davom etdi. Shu tarzda birga ishlash orqali biz 100 dan ortiq qo‘shiqlar yaratdik

👤 Sening yakkaxon faoliyating ARIRANG albomi ustidagi ishga qanday ta’sir qildi?

🐥 Yakkaxon faoliyatim davomida men o‘ziga xos fikrlash tarzini shakllantirdim. Menimcha, qo‘shiq yozishdan kamroq qo‘rqadigan bo‘ldim.
Shu tajriba tufayli yangi guruh albomi ustida ishlashni boshlaganimda… aytish mumkinki, men hammasini mukammal qilmagan bo‘lsam ham, savol berishdan qo‘rqmadim va qo‘limdan kelganicha harakat qildim

Rolling Stone

.
.
.
.
#leebona ~
____
⟭⟬ @UZB_SUB_BTS ⟬⟭

Jhopening Rolling Stone uchun bergan intervyusi

2026-04-17T18:55:14.006Z

“j-hope sokin va nafis gapiradi,” — deydi uning ARIRANG loyihasidagi hamkasblaridan biri, qo‘shiq muallifi Jeyms Essien. “Lekin u rap aytishni boshlaganda, xuddi birdan DMX paydo bo‘lgandek bo‘ladi! O‘ylab qolasiz: ‘Bu nima bo‘ldi o‘zi?’ Bunday keskin o‘zgarishni hech qachon kutmaysiz.”
U 2022-yilda chiqqan, turli ohanglarga ega, lekin doimiy kuchga to‘la bo‘lgan “Jack in the Box” nomli yakkaxon debyut albomida (bu 2018-yildagi “Hope World” miksteypidan keyin chiqqan) aniq ko‘rsatganidek, Jung Hoseok hech qachon kutilmagan jihatlardan xoli emas, va uning doimo kulib turadigan ommaviy obrazi — uning faqat bir tomoni, xolos.
U BigHit (keyinchalik HYBE) kompaniyasiga ko‘cha raqqosi sifatida kelgan va BTS guruhiga qo‘shilgandan keyingina rap aytishni o‘rgangan. U guruh intervyularida tezda bo‘shliqlarni to‘ldiradi, xonadagi energiya pasayganini yoki do‘stlariga yordam kerakligini har doim sezadi.
“Men boshqa a’zolar uchun qo‘limdan kelgan hamma narsani qilaman,” — deydi u fevral o‘rtalarida Janubiy Koreyaning Seul shahridagi HYBE shtab-kvartirasida o‘tkazilgan intervyuda

👤 Qayta birlashgan guruhda yana bo‘lish qanday his?

🐿️ Harbiy xizmatdan keyin men guruhga qayta qo‘shilishdan oldin bir muddat yakkaxon chiqishlar qildim. Shu vaqt ichida tajribam qanchalik o‘zgarganini allaqachon his qildim. Endi yana birgamiz, boshqa a’zolar mening ifodamda yoki sahnadagi chiqishimda sezgan bo‘shliqlarimni to‘ldirib berishadi.
Ko‘p jihatdan men nega biz yettimizligini tushundim: har bir inson o‘z ishini a’lo darajada bajaradi va bu juda qadrlanishi kerak. Lekin eng yoqadigani — muxlislarimiz bizning qayta birlashganimizdan xursand bo‘lishadi. Men ham bundan juda xursandman

👤 Sening “Arson” yakkaxon qo‘shig‘ingdagi juda muhim satr bor: “Olovni o‘chirishim kerakmi yoki yanada yorqinroq yonishim kerakmi?” Bu juda katta savolga o‘xshaydi — nafaqat sening, balki BTS’ning ham faoliyatiga tegishli. Bu RM aytgan gaplar bilan ham bog‘liqdek — u bir paytlar BTS tarqalishini o‘ylagan, lekin oxirida davom etishga qaror qilgan. Bu satr va shu hislar qanchalik bog‘liq?

🐿️ Men bu qo‘shiqni 2022-yilda yozganimda, o‘sha paytdagi barcha his-tuyg‘ularimni unga singdirganman. O‘sha vaqtda men xavotirda edim. O‘ylardim: bu qadar sevgi va e’tibor — rostdan ham yaxshimi? Balki hamma meni olqishlab turgan paytda, hammasini to‘xtatishim kerakdir. Va men o‘zimdan so‘rardim: men shuni xohlaymanmi o‘zi?
Lekin o‘ylaymanki, o‘shandan beri men juda o‘zgardim. Chunki bularning barchasi — mening bir qismim. Guruh bilan ishlash bo‘ladimi yoki shaxsiy faoliyatim — bularning hammasi menga hayotiy tajriba beradi va men har narsadan o‘rganaman.
Ba’zi narsalarni faqat hayotning ma’lum bir davrida his qilish mumkin. Oxir-oqibat, aynan shu orqali inson yashaydi, o‘sadi va ulg‘ayadi. O‘ylaymanki, o‘sha paytda ham, undan keyin ham men musiqa orqali shu hislarni chuqur his qilganman

👤 Bu shuni o‘ylatadiki, sizning davom etishingiz doimo juda ehtimolli edi. Lekin sizda har doim tanlov bor edi: “Biz hammasini qildik, eng yuqori cho‘qqida ketishimiz mumkin”

🐿️ Ha… Ammo vaqt o‘tib men shuni tushundimki, men shunchaki xohlaganim uchun to‘xtay olmayman, shekilli. Shaxsan men atrofimdagi odamlardan juda kuchli ta’sirlanaman, shuning uchun men qabul qiladigan qarorlarim boshqalarga qanday hissiy ta’sir qilishini ko‘tara olamanmi-yo‘qmi, deb o‘ylashim kerak bo‘ladi. Men shu bilan kurashdim. Oxir-oqibat, men olovni saqlab qolish — haqiqatan ham xohlagan narsam va menga eng haqiqiy tuyuladigan tanlov ekanini his qildim

👤 Sening 2022-yildagi yakkaxon albomingda “quti ichida bo‘lish” metaforasidan foydalangansan. Hozir ham o‘zingni qaysidir ma’noda quti ichida his qilasanmi? Agar ha bo‘lsa, qaysi qutida?

🐿️ Menimcha, bu o‘sha vaqt uchun mukammal metafora edi. Ammo hozir, ko‘proq o‘z musiqamni yaratib, o‘zimni sinab ko‘rib va umuman olganda yanada ishonchliroq his qila boshlaganimdan beri, endi o‘zimni quti ichida deb aytmagan bo‘lardim. Hozir men ko‘proq shuni o‘ylayman: “Qutidan chiqqanimdan keyin nimalarni yarata olaman?”
Lekin aslida, mening musiqamning kelib chiqishi Pandora qutisi haqidagi hikoyaga ham bog‘liq. U hikoyada quti ochilganda barcha yovuzliklar chiqib ketadi, lekin u yopilganda ichida faqat umid qoladi. Unda savol tug‘iladi: umid quti tashqarisiga chiqqanda nimalarga duch keladi?
Agar o‘ylab ko‘rsak, juda ko‘p narsa bo‘lishi kerak… men musiqamga kiritishim va topishim kerak bo‘lgan turli “mavjudliklar”. Chunki hayotda hissiyotlar juda ko‘p-ku — quvonch, sevgi yoki undan ham og‘irroq narsalar bo‘lishi mumkin. Hozir men uchun eng qiziq narsa — aynan shu his-tuyg‘ularga yuzma-yuz qarab, ularni musiqam orqali ifodalash.

👤 Sening guruhdagi roling juda muhim — ham musiqiy, ham hissiy jihatdan. Aytishlaricha, sen guruhni birlashtirasan, RM ham ma’lum ma’noda sen uning liderlik jihatlarini bo‘lishishingni aytgan. Sening shaxsiyating va iste’doding kerakli. Bu senga qachondir og‘irlik qiladimi?

🐿️ Men buni og‘irlik deb aytmagan bo‘lardim. Men shunchaki qo‘limdan kelganini qilaman. Menimcha, bu jamoadagi mening rolim. Va men buni majburiyat sifatida qabul qilmayman. Nima qilishim kerakligi haqida o‘ylamayman. Bu o‘z-o‘zidan sodir bo‘ladi. Bu… “rol”? Buni umuman rol deb atash kerakmi o‘zi? Bunday deyish biroz g‘alati. Lekin men buni shunchaki tabiiy narsa sifatida qabul qilaman.

👤 Sening matnlaring va intervyularingdan ko‘rinadiki, j-hope ba’zan umid manbasini izlaydi. Sen boshqalarga umid berasan, lekin o‘zing umidni qayerdan topasan?

🐿️ Hmm… Men bu haqida aslida doim o‘ylayman. Hatto umid haqida gapirganimda ham, men o‘zimni to‘liq umidga to‘la inson deb aniq his qilgan emasman. Rostini aytsam, bu ko‘proq fikrlashga bog‘liq. Menga “j-hope” nomi berilishidan oldin ham men doimo yorqin, ijobiy va umidga to‘la odam edimmi? Albatta, men quvnoq xarakterga ega edim, lekin men umid tabiatiga shu qadar chuqur berilib ketmagan edim.
Go‘yo bu ism meni men qilgandek, hayotimdagi o‘rnim ham meni o‘zgartirgandek bo‘ldi. Bu ismni olganimdan keyin men o‘zimga: “Men ko‘tarib yurayotgan bu ism uchun javobgarman,” deb aytdim va bu ichimda nimanidir o‘zgartirdi. Men hamma joyda umidni izlay boshladim. Keyin bu haqda boshqalarga ham gapirdim: agar fikrlashni o‘zgartirsang, haqiqatan ham umidni topish mumkin.
Men doim o‘zimga eslataman: “Sen — j-hope.” Shuning uchun aniq bir usulim yo‘q, lekin hozirgi hayotim umid va j-hope konsepsiyasi bilan shu qadar bog‘liqki, men o‘z yo‘limni tasodifan topib qo‘yganman.

👤 ARIRANG yaratilish jarayonida seni ayniqsa yodingda qolgan lahzalar bormi? Balki yangi bir narsani kashf qilganingni his qilgan paytlaring?

🐿️ Birinchi navbatda, bizning yettalamizning AQShga uchib borib, yozuv jarayonida birga qatnashganimizning o‘zi butun yondashuvimizni o‘zgartirdi. Shuning uchun biz ish jarayonida u yerning madaniyatini o‘zlashtirib, muhitni his qilishdan juda zavq oldik. Menimcha, aynan shu albomni juda maxsus va noyob qilgan narsa ham shu.
Ko‘plab qo‘shiqlarimiz ohang jihatidan oldingi ishlarimizdan ancha farq qiladi. Bu jarayonning o‘zida namoyon bo‘ladi. Musiqa yaratish uchun birga sayohat qilish bizga o‘zimizning yangi tomonlarimizni ko‘rsatishga imkon berdi va oxir-oqibat guruh sifatida bizni yanada mustahkamladi

👤 Sening so‘nggi yakkaxon singllaringga qaraganda, romantika haqida yozishda yangi qulaylik topgandek ko‘rinasan. Bunga yetishish uchun fikrlashda nimani o‘zgartirding?

🐿️ Menimcha, 30 yoshdan oshganda his qilinadigan sevgi va romantikaning og‘irligi 20 yoshdagidan boshqacha bo‘ladi. Shaxsiy tajribadan tashqari, men bu haqda ancha chuqurroq o‘ylay boshladim va narsalarga yanada yetuk inson nuqtayi nazaridan qarayapman.
Albatta, mendan kattaroq insonlarga bu juda sodda yoki “yoqimli” tuyulishi mumkin, lekin hozir men hissiy mavzularga yanada ehtiyotkorlik va chuqur o‘ylab yondashish kerak deb his qilaman. Va aslida bu menga sevgi haqida yanada ochiqroq gapirish imkonini berdi.
Menimcha, bu tabiiy jarayon. Vaqt o‘tishi bilan sevgi tushunchasi yanada noziklashib borishini angladim

👤 BTS’ning dastlabki 10 yili super yulduzlik darajasiga ko‘tarilish davri edi. BTS 2.0 ning maqsadi nima?

🐿️ Oxirgi paytlarda men oldinga juda uzoqqa qarash kerak emas deb o‘ylayapman. Biz shunchaki hozirgi lahzada yashayapmiz va hozir juda zavqlanyapmiz.
Agar biz shu hislar bilan oldinga harakat qilsak, turli maqsadlarga tabiiy ravishda yetib boramiz. Shuning uchun juda katta orzular qilish o‘rniga, men guruh bilan musiqa yaratishda davom etish va bir-birimiz bilan hamda muxlislarimiz bilan iliq munosabatni saqlab qolishni xohlayman.
Bu mening yagona maqsadim va umidim. Men shuni xohlayman.

Rolling Stone

.
.
.
.
.
.
.
#leebona ~
____
⟭⟬ @UZB_SUB_BTS ⟬⟭

Suganing Rolling Stone uchun bergan intervyusi

2026-04-16T19:17:41.172Z

Aytishlaricha, Suga, asl ismi Min Yoongi bo‘lgan, o‘z taxallusini “hujumkor himoyachi” degan iboradan olgan. Biroq u boshqa, o‘ziga ko‘proq mos keladigan ma’noni afzal ko‘radi: “Bunday laqabni ba’zan juda yuqori texnikaga ega sportchilarga berishadi”, deydi u va bunga misol sifatida Sugar Ray Leonard hamda UFC jangchisi Sean O’Malley (Suga)ni keltiradi.
Reper sifatida Suga zamonaviy qofiyalarni deyarli cheksiz darajada qo‘llay oladi va amerikalik xip-xopning rivojlanishini diqqat bilan kuzatib boradi. U Janubiy Koreyaning Daegu shahrida prodyuser sifatida faoliyatini boshlagan va hech qachon beatlar yaratishni to‘xtatmagan — 2023-yilda chiqqan D-DAY albomining katta qismini o‘zi prodyuserlik qilgan, shuningdek ARIRANG Come Over bonus trekini ham o‘zi tayyorlagan.
Studiyada u ko‘proq gapirishdan ko‘ra tinglashni afzal ko‘radi va boshqa a’zolar o‘rtasidagi kelishmovchiliklarda ko‘pincha vositachi rolini bajaradi. Fevral oyida Janubiy Koreyaning Seoul shahridagi HYBE bosh qarorgohida o‘tkazilgan intervyuda u BTSdagi ishini “shu ish” deb ataydi, ammo o‘z kasbini chin dildan sevishini aniq bildiradi

👤 2023-yilda siz o‘z alter egongiz — Agust D nomi ostidagi relizlar trilogiyasini yakunladingiz. Bu sizga yakunlanganlik hissini berdimi va hayotda ham, ijodkor sifatida ham oldinga siljishga tayyor ekaningizni his qildingizmi?

🐱 Ha, va shundan so‘ng men darhol armiyaga jo‘nadim. Shuning uchun trilogiya yakunlangach, o‘zimni ancha qoniqqan his qildim. Agust D yakun topdi, deb o‘yladim… O‘sha so‘nggi albomdan keyin menda hech qanday salbiy his-tuyg‘ular qolmadi

👤 Siz doimo ichingizda g‘azab bo‘lganini aytgansiz. Bu nimadan kelib chiqadi?

🐱 Yoshligimda menda biroz o‘ziga ishonchsizlik (kompleks) bor edi, deb o‘ylayman. Shuningdek, jamiyatga nisbatan ham ma’lum darajada hafsalasi pir bo‘lish holati bo‘lgan. Menimcha, bu ikkala omilning uyg‘unligi edi

👤 BTSni juda qiziqarli qiladigan va menimcha, sizning muvaffaqiyatingiz sirlaridan biri shundaki, siz oddiy idol guruhdan kutiladigan odatiy shaxslar yoki artistlarga o‘xshamaysiz. RM misolida bo‘lgani kabi, sening artist sifatidagi uslubing va fikrlash tarzing ham idol guruhga har doim ham mos kelavermaydi

🐱 Men Seulga ko‘chib o‘tishdan oldin Daegu shahrida musiqa bilan shug‘ullanganman va o‘sha paytda idol guruhlar nima ekanini unchalik tushunmasdim. Ammo keyin ulardan biriga qo‘shilganimda… bu juda ko‘p mehnat talab qiladigan, juda tig‘iz jadvalga ega va umuman oson emasligini angladim. Endi bunga ko‘nikib qolganimdan keyin, aslida bu ish uchun juda mosman, deb o‘ylayman

👤 Siz bu albom ustida ishlashni boshlaganingizda — va yana, siz prodyuserlik jarayoniga juda chuqur kirgansiz hamda tovush (sound) nuqtayi nazaridan fikrlaysiz — uning qanday yangrashi kerakligi haqidagi dastlabki tasavvuringiz qanday edi va u oxir-oqibat tayyor bo‘lgan natijaga qanchalik mos keldi?

🐱 Bizning asosiy ustuvor vazifamiz ilgari siz bizdan eshitmagan yangi ovozni yaratish edi. Menimcha, bu shunchaki yaxshi ishlangan pop-albom bo‘ldi, shuning uchun biz juda mamnunmiz. Shuncha ko‘p qo‘shiq yozish va qayta yozishlar, tahrir jarayonlaridan o‘tish oson bo‘lmadi, lekin bu juda qiziqarli ham edi, shuning uchun natijalar ham yaxshi chiqdi deb o‘ylayman

👤 Treklarga oid bahslarda shaxsan siz yutqazgan holatlar bo‘lganmi?

🐱 Menimcha, eng muhim narsa — bu muvozanat. Shuning uchun men alohida bir trekni yoki shunga o‘xshash narsani qattiq turib himoya qilmadim. Men ko‘proq vaqtni turli fikrlarni tinglash va murosaga kelishga sarfladim. Har qanday holatda ham, hammasi juda yaxshi chiqdi. Menga yoqqan treklarning aksariyati albomga kirdi. Hatto boshida yoqmagan treklarim ham keyinroq qayta eshitgach yoqib qoldi. Shuning uchun men shaxsan albomdan juda mamnunman.

👤 2022-yilda BTS tanaffus e’lon qilgan paytda siz “aytadigan gapim yo‘qdek tuyulardi” degansiz. Bu hissiyotni yengib o‘tishingizga nima yordam berdi?

🐱 Shundan keyin men o‘z yakkaxon albomimni chiqardim. Uni ustida ishlash esa juda qiyin bo‘ldi. Ammo hozir… men bu haqda kamroq xavotir olishga harakat qilaman. Men doimo aytadigan nimadir topaman, keyin esa u yana tugagandek bo‘ladi. Hozir telefonimdagi “Notes” (Eslatmalar) ilovasiga qarasam, ko‘plab eski yozuvlarim yangi ma’no kasb etganini ko‘raman. Shuning uchun ushbu albom ustida ishlaganda ularning ba’zilaridan foydalandim. Ha, bu abadiy aylanishga o‘xshaydi: aytadigan narsani topasan, keyin yana yangi narsani topasan

👤 Diplo ushbu yozuv (albom) uchun juda muhim edi. Siz prodyuser sifatida uning yondashuvida nimani sezdingiz va uni bu albom ovozining muhim qismiga aylantirgan nima edi?

🐱 U allaqachon K-pop artistlari bilan ko‘p ishlagan, shuning uchun jarayon va muhitni yaxshi tushunardi. Bundan tashqari, u juda sermahsul (ko‘p ishlaydigan) prodyuser. Bizga nafaqat yaxshi qo‘shiqlar yozadigan, balki albomning tuzilishi va ritmini ham chinakam tushunadigan odam kerak edi. Diplo bu vazifani juda yaxshi bajardi.

👤 Men bilaman, sen xip-xopni uzoq va jiddiy o‘rganib kelasan. Agar tezda barcha davrlarning eng yaxshi MClarini tanlash va nima uchunligini tushuntirish kerak bo‘lsa, kimlarni tanlarding?

🐱 [Kuladi.] Avvalo, “MC” so‘zining o‘zi haqida. Men hozirgina do‘stlarim bilan gaplashgan edim — biz endi “MC” so‘zini unchalik ko‘p ishlatmaymiz. Ammo baribir… tanlash qiyin. Men Eminemni tinglab ulg‘ayganman, shuning uchun Eminem. Keyin Kendrick Lamar

👤 Amerikalik xip-xopning hozirgi holati haqida nima deb o‘ylaysan? U biroz to‘xtab qolganmi yoki yo‘qmi, degan ko‘p bahslar bor.

🐱 Men Juice WRLD kabi iste’dodli, juda erta vafot etgan yosh ijodkorlar uchun afsusdaman. Ammo musiqa har doim trendlar bilan birga rivojlanadi. Hozir hamma narsa biroz “to‘xtab qolgandek” tuyulishi mumkin, lekin buni sezmasdan turib, xip-xop yana chartlarda yuqoriga chiqadi. Menimcha, bu hozir o‘tish davri. Ha, xip-xop hozir biroz “qotib qolgandek”, lekin u albatta yana qaytadi.

👤 Men j-hopega aytgandim, BTSning ilk 10 yili yuqoriga ko‘tarilish uchun bo‘lgan. Endi esa sizlar yana birga bo‘lib, allaqachon cho‘qqidasizlar. BTS uchun hozirgi maqsadlaring nima?

🐱 Biz bundan zavqlanishimiz kerak. Ilgari biz juda… ehtimol, juda raqobatbardosh edik? Maqsadlarga erishish yo‘lida biz o‘zimizning jismoniy va hissiy sog‘lig‘imizga unchalik e’tibor bermaganmiz, deb o‘ylayman. Ammo endi biz biroz bo‘shashishimiz mumkin, ayniqsa hamma katta bo‘lib ulg‘ayganini hisobga olsak. Shuning uchun menimcha, endi bundan ko‘proq zavq olishimiz mumkin

👤 A’zolar uzoq kelajakda — 40, 50, hatto 60 yoshda ham birga chiqish qilish haqida gapirishgan. Sen buni amalga oshishi mumkin deb o‘ylaysanmi?

🐱 Agar bizda xohish bo‘lsa, men ishonamanki, 70 va 80 yoshda ham chiqish qila olamiz. Hozirgi kabi sahnada chiqish qila olamizmi, aniq bilmayman, lekin baribir. Biz boshqa usul topa olamiz. Shuning uchun, agar xohishimiz bo‘lsa, menimcha, hech qanday muammo bo‘lmaydi.

👤 Seningcha, BTS muvaffaqiyatining haqiqiy siri nimada? Ham karyera jihatidan, ham guruhning birga qolishi va a’zolarning bir-birini yaxshi ko‘rishi nuqtayi nazaridan?

🐱 Ular shunchaki juda kulgili odamlar. Ular bilan vaqt o‘tkazish qiziqarli. Biz birga do‘zax va bo‘ronlardan o‘tganimiz uchun… men ularni oila deb bilaman. Menimcha, bu bizning muvaffaqiyatimizning bir qismi — kuchli bog‘liqligimiz. Bundan tashqari, hamma juda iqtidorli. Shu sabab biz bu umumiy yo‘lda bir-birimizga ishonamiz

👤 Kuchli tanqidlar bilan kurashish qiyinmi? Ba’zi narsalar kimdirdir uchun arzimas bo‘lishi mumkin, lekin sizlar uchun katta muammo bo‘lishi mumkin. Bunday sharoitda yashash qiyin emasmi?

🐱 Menimcha, bu shunchaki ishning bir qismi. Mening ishim — omma oldida yashash. Ba’zan, albatta, bu noqulay bo‘lishi mumkin. Noqulay, lekin boshqalar meni qanday ko‘rishi menga unchalik qiziq emas va men hech qachon odamlarning men haqimdagi fikrlarini o‘qimayman. Shuning uchun bu uncha qiyin deb o‘ylamayman

Rolling Stone

.
.
.
.
.
.
#leebona ~
____
⟭⟬ @UZB_SUB_BTS ⟬⟭

Rolling Stone uchun Jin bilan intervyu

2026-04-15T16:25:52.926Z

Jin, ya’ni asl ismi bilan Kim Seokjin, bu dunyoda eng yaxshi ko‘radigan narsalar qatoriga Coldplay musiqasi, uning “butun dunyo go‘zali” (“Worldwide Handsome”) degan unvoni va, ehtimol, eng muhimi — BTS a’zosi bo‘lish kiradi. Hatto fanatlarga juda yo‘naltirilgan guruh ichida ham uning ARMYlarning his-tuyg‘ulariga bo‘lgan e’tibori hayratlanarli — u o‘zining yakkaxon EP albomlari va chiqishlarini, avvalo, guruh tanaffusi vaqtida muxlislarni xursand qilish usuli sifatida ko‘rgan va BTS turnesining uzaytirilishiga ham erishgan.
U, shuningdek, guruhning asosiy rok ruhidagi ijrochilaridan biri hisoblanadi va hatto Coldplay bilan hamkorlik qilgan, garchi u xohlagancha ko‘p konsertlarga borishga ulgurmagan bo‘lsa ham.
“Rostini aytsam, men unchalik ko‘p konsertlarda bo‘lmaganman”, — deydi u fevral oyida Seuldagi HYBE bosh qarorgohida bergan intervyusida. “Shunga qaramay, juda ko‘pida qatnashganman”

👤: Menga sizning “Loser” nomli yakkaxon qo‘shig‘ingiz juda yoqadi

🐹: Men bu qo‘shiq ustida koreyalik san’atkor Choi Yena bilan hamkorlik qilganman. Hozir men 35 yoshdaman (koreys an’anaviy hisobida — xalqaro hisobda 33). Lekin bu qo‘shiqda men yanada yoshroq kayfiyat yaratishga harakat qildim. Sizga yoqqanidan juda xursandman.
Menga rok janriga yaqin musiqalar yoqadi va men har doim shu ohangni o‘z yakkaxon albomimga qo‘shishni xohlaganman. Shuning uchun odatdagidan ko‘ra ko‘proq talablar qo‘ydim. Dastlab qo‘shiq unchalik kuchli eshitilmas edi, shuning uchun men, masalan: “Agar biz vokalni kuchaytirsak-chi? Yoki ovozini o‘zgartirsak-chi?” deb takliflar berdim. Men ko‘plab o‘zgartirishlar kiritdim

👤: 35 yoshda idol bo‘lish qanday his? Siz juda yosh ko‘rinasiz, o‘zingizni yaxshi his qilasiz, lekin buni qanday anglaysiz?

🐹: O‘ylaymanki, bu har doim jismonan qiyin. To‘g‘ri, hozir o‘sha bir xil harakatlar biroz murakkabroq tuyuladi, lekin bu — mening zimamdagi yuk. Tomoshabinlar uchun men o‘zimni eng yaxshi holatda ko‘rsatishim kerak. Shuning uchun yanada ko‘proq mehnat qilishimga to‘g‘ri keladi.
Rostini aytsam, men boshqalarga qaraganda harakatlarni unchalik yaxshi bajarmasligimni tushunaman. Shuning uchun men har doim repetitsiyaga erta kelaman yoki kechgacha qolaman, kamchiliklarimni to‘ldirish uchun. Hozir ham shunday qilaman

👤: Baribir chiroylisiz. Shuni aytish kerak

🐹: Ha, ehtimol, menga omad kulib boqqandir. Rostini aytsam, men o‘zimni boshqa ishtirokchilardan ko‘ra chiroyliroq deb hisoblayman. Albatta, qolganlarning hammasi ham juda chiroyli. Lekin guruhda hech bo‘lmaganda bitta jihatda hammadan ustun bo‘lishim kerak-ku [kuladi]

👤: Sizning yakkaxon turingiz rok energiyasiga va yangi uslubga to‘la edi — u BTS bilan qiladigan ishlaringizdan ancha farq qiladi. Bu tajriba albom yaratishga va BTS bilan bo‘ladigan turlar rejangizga qanday ta’sir qildi?

🐹: Men yakka holda atigi bir necha oy gastrol qilganman. BTS bilan esa o‘n yildan ortiq vaqt davomida gastrol qilganman. Shuning uchun bu tajriba guruhdagi faoliyatimga unchalik katta ta’sir qiladi deb o‘ylamayman.
Guruh o‘n yildan ortiq vaqt davomida birga musiqa yaratib, o‘zaro tushunishni shakllantirgan. Shuning uchun, ehtimol, biz yana muammosiz tarzda uyg‘un holda gastrollarga qaytamiz. Barcha a’zolar gastrol qilishni juda xohlashardi; ular bunga hatto qiyinchilik bilan bo‘lsa ham chidashgan.
Menga esa ortda qolmaslik qiyin bo‘ldi, lekin qo‘limdan kelgan barcha ishni qilaman

👤: Siz yakkaxon turningizni albom ustida ishlayotgan paytingizda yakunlagansiz. ARIRANG — juda zo‘r albom, lekin tasavvur qiling, agar unda sizning mualliflik hissangiz yana ko‘proq bo‘lganida, u qanchalik yanada yaxshi bo‘lardi!

🐹: [Kuladi.] Menimcha, ha, yanada yaxshi bo‘lardi. Lekin boshqa a’zolar ham juda zo‘r ish qilishdi. Yana shuni ham aytish kerakki, agar men ochko‘zlik qilib, faqat o‘z qo‘shiqlarimni qo‘shish uchun butun jarayonni cho‘zganimda, bu intervyu bir necha oy keyin bo‘lardi. Unda muxlislar uchun bu vaqt juda zerikarli bo‘lmasmidi?
Yozuv jarayoni taxminan uch oyga rejalashtirilgan edi, mening turim esa undan ham oldin bo‘lgan. Shuning uchun vaqtlar shunchaki mos kelmadi.

👤: Meningcha, siz yozishda qatnashmagan bo‘lsangiz ham, ularga sizning rok musiqangiz ta’sir qilgan. Go‘yo unda siz yaxshi ko‘radigan va juda yaxshi ishlatadigan o‘sha rok elementlari bor

🐹: Bilmayman, bu albomda qanchalik rok elementlari bor. Axir, bizning guruhimiz har doim hip-hop asosiga ega bo‘lgan. Boshqa a’zolar ham rokni yoqtiradi, lekin men uning eng katta muxlisiman. Shuning uchun mening yakkaxon albomim rok uslubida bo‘lgan.
Lekin bundan tashqari u katta ta’sir qilganmi — bunga unchalik amin emasman

👤: Barcha davrlarning eng sevimli rok qo‘shig‘ingiz qaysi?

🐹: Aytishim mumkinki, mening eng sevimli qo‘shig‘im — Coldplay guruhining “Viva La Vida” qo‘shig‘i. Men ularning konsertida ikki marta mehmon bo‘lganman. Aslida meni ancha kechroq taklif qilishgan bo‘lsa ham, aynan shu qo‘shiqni jonli ijroda ko‘rishni juda xohlaganman.
Eslayman, men sahna ortida bu qo‘shiqni yolg‘iz tomosha qilib, xursandchilikdan sakrab yuborgan edim… Albatta, boshqa ajoyib va mashhur qo‘shiqlar ham bor, lekin bu qo‘shiq men uchun alohida. Uni tinglaganimda yuragim qanday urayotganini his qilaman. Unda juda hayajonli va hissiyotlarga boy narsa bor.
Bu — menga turli xil yangi ilhom beradigan qo‘shiq. Shuning uchun men o‘z yakkaxon albomimni yaratishda aynan shu tuyg‘ular haqida ko‘p o‘ylaganman.

👤: Ayniqsa, oxirgi qismida rok ohanglari eshitiladi

🐹: Balki bordir… Boshqalar meni konsertda ko‘rib, o‘zlari ham chiqish qilishni xohlashayotganini tez-tez aytishgan. Shuning uchun agar men kimlargadir ta’sir qilgan bo‘lsam, ehtimol, mening konsertim ularga ilhom berib, shu istakni uyg‘otgan va biroz turtki bo‘lgan bo‘lishi mumkin.
Masalan, V mening konsertimda maxsus mehmon bo‘lgan. U mening chiqishimni tomosha qilayotganda shu qadar xohlab ketdiki, hatto sahnada yig‘lab yubordi

👤: Guruhda eng kattasi bo‘lish, albatta, ma’lum bir mas’uliyatni ham olib keladi. Sizga eng kattasi bo‘lish rolida nima yoqadi va nima yoqmaydi?

🐹: Men eng kattasiman, lekin jamoa ichida a’zolar unchalik… Menga eng kattasi sifatida qarashmaydi. Buni aytish g‘alati tuyuladimi? O‘ylaymanki, ular meni katta deb hisoblashmaydi. Men ham o‘zimni unday tutmayman.
Lekin ular menga do‘stona munosabatda bo‘lib, “hyung” deb chaqirib, o‘zlarini erkin tutishganda — aynan shu narsa menga juda yoqadi.
Ammo ular haddan tashqari erkin yoki beparvo bo‘lib ketishsa, bu menga unchalik yoqmaydi. Masalan… meni orqamdan urishganda. Bu, ehtimol, menga eng yoqmaydigan qism [kuladi]

👤: Aytgancha, 35 yosh — hali juda yosh-ku

🐹: Ha, bilaman, bilaman. Lekin baribir 25 bilan 35 orasida aniq farq borligini tushundim

👤: Va guruhda siz har doim buni birinchi bo‘lib boshdan kechirasiz

🐹: Siz mutlaqo haqsiz. Keling, bir voqeani aytib beray. Bir kuni guruh a’zolaridan biri menga shunday degandi: “Jin, agar sizda muammo bo‘lsa, harakat qiling va uni yengib o‘ting!” U esa mendan ikki-uch yosh kichik edi, to‘g‘rimi?
Oradan ikki-uch yil o‘tib, u yana oldimga kelib dedi: “Voy, siz o‘sha yoshda o‘zingizni shunchalik yomon his qilganmidingiz? Men buni tasavvur ham qilmagan ekanman”

👤: Sizning Koreyadagi “Kian’s Bizarre B&B” ko‘ngilochar shousidagi ishtirokingiz juda muvaffaqiyatli bo‘ldi — hammaga yoqdi. Bu kelajakdagi karyera rejalaringizga qanday ta’sir qiladi?

🐹: Men har doim shunday deb o‘ylaganman: agar bu guruh bilan bog‘liq bo‘lmasa, davom ettirishning ma’nosi yo‘q. Menimcha, yakkaxon karyera men uchun unchalik muhim emas.
Agar biror narsa qilsam ham… bu ko‘proq muxlislar zerikib qolgan paytda guruh ichida yangi narsalarni sinab ko‘rish bo‘lardi. Meni aktyorlik yoki shunga o‘xshash narsalar qiziqtirmaydi

👤: Siz nihoyat bu fikrni qo‘yib yubordingizmi? U doim havoda osilib turgandek edi.

🐹: Men allaqachon bir necha yillardan beri bunday imkoniyatni ko‘rib chiqmayman. Balki men shunchaki bu vaqt mos bo‘lmaydi deb o‘ylagandirman. Ammo men juda ishonchim komilki, mos vaqt hali ancha uzoq vaqt davomida ham kelmaydi

👤: Keyingi besh yil uchun eng katta shaxsiy maqsadingiz nima?

🐹: Mening eng katta orzum — BTS bilan gastrolga chiqish va dunyo bo‘ylab imkon qadar ko‘proq muxlislar bilan uchrashish.
Lekin biz ilk bor turne rejasini olganimizda, unda uncha ko‘p shaharlarga borilmagan edi va u atigi uch-to‘rt oy davom etishi kerak edi. Men shunday dedim: “Endi biz qaytgan ekanmiz, ko‘plab Army oldiga boramiz va ular bilan uchrashamiz deb va’da berganmiz, lekin hozir qarasam, bu va’dani buzayotgandekmiz. Men bu turneni qayta tuzishni xohlayman, shunda biz ko‘proq shaharlarni bora olamiz.”
Shu tariqa biz yakuniy turne jadvaliga keldik. To‘rt oylik turneni bir yildan ham ko‘proq vaqtga uzaytirishga muvaffaq bo‘ldik

Rolling Stone

.
.
.
.
.
#leebona ~
____
⟭⟬ @UZB_SUB_BTS ⟬⟭

RM o‘z fikrlarini hamma odam tushuna oladigan, umumiy va chuqur ma’noga ega tarzda yetkazishga harakat qildi

2026-04-14T18:32:04.450Z

Boshidan beri BTS hech qachon Janubiy Koreyadagi boshqa idol guruhlariga o‘xshamagan va buning asosiy sababi ularning lideri edi. RM, asl ismi Kim Namjoon, juda tirishqoq o‘smir bo‘lgan, uning yagona “isyonkorligi” ko‘chaga chiqib rap qilish edi. U BIGHIT MUSIC bilan shartnoma imzolagan paytda, keyinchalik aynan uning atrofida BTS guruhini shakllantirishgan.
Uning underground ildizlari va alternativaga bo‘lgan qiziqishi uning yakkaxon albomlari — Indigo va Right Place, Wrong Person da eng to‘liq namoyon bo‘ladi. Shu bilan birga, u guruh musiqasini ham yanada o‘tkir va noodatiy yo‘nalishlarga olib boradi. Masalan, ARIRANG albomidagi uning sevimli treki — FYA, qisman unda hammuallif sifatida JPEGMafia ishtirok etgani, shuningdek produserlar qatorida Diplo va Flume borligi sababli.
Suhbat davomida RM hech narsani yashirmaydi, qisman u kelajak haqida o‘ylagani uchun. “Menimcha, bu jurnal va siz bilan bo‘lgan ushbu intervyu — shunchaki yana bir yozuv,” deydi u fevral o‘rtalarida Seuldagi HYBE bosh ofisida o‘tirib. “Shuning uchun, men 50 yoshga kirganimda bunga qaytib qaray olaman,” deya qo‘shimcha qiladi u

👤: Siz go‘yoki tirik qarama-qarshiliksiz: bir tomondan didingiz alternativ, boshqa tomondan esa siz dunyodagi eng katta guruhlardan birining liderisiz va keng ommaga mo‘ljallangan a’lo pop-musiqa yaratasiz

🐨: Menimcha, bu qarama-qarshilik — mening ichki inqirozim, lekin ayni paytda… bu ikki tomon ham mening ichimda yashaydi. Men pop-musiqani tinglayman. Uni yaxshi ko‘raman… Men har doim chartlarni kuzatib boraman. Ba’zida miyamni ortiqcha zo‘riqtirmoqchi bo‘lmaganimda, shunchaki Top 50 Global ni ochib, eshitaman. Lekin ba’zida ichimda shunday tuyg‘u paydo bo‘ladi: “Hey, bu yetarli emas. Menga yanada chuqurroq kirish kerak”

👤: Sizning yakkaxon albomlaringizni tinglash juda qiziq — go‘yo bu BTS umuman mavjud bo‘lmaganida siz yaratgan bo‘lajak musiqa kabi tuyuladi. Menga qiziq: siz san’atkor sifatida bu ruhiy holatga qanday yetib keldingiz?

🐨: Hamma “ha” deganda, men “yo‘q” demoqchi bo‘laman. Men BTS bilan ishlayotganimda, albatta, buni yaxshi ko‘rardim, lekin ayrim narsalardan nafrat ham qilardim. Va bu his-tuyg‘ularni inkor eta olmasdim. Lekin men odamlarga nimani ko‘rsatish kerakligini, nimani esa yashirib, albomga aylantirish kerakligini bilardim, deb o‘ylayman

Yakkaxon faoliyatga qaytganimda, o‘zimga dedim: “Hey, buni qilishim kerak. Buni aytishim kerak. Chunki biz yettimiz, va men o‘z rolimni bajarishim kerak”

Ba’zida men yoqimli ko‘rinishim kerak, chunki bizni juda ko‘p bolalar kuzatadi. Lekin men musiqani ko‘chalarda, rap bilan boshlaganman. Va men bunga qarshi bora olmayman.
Ba’zida shunday his qilamanki, men shunchaki shu ish bilan shug‘ullanishni xohlayman… Shuning uchun yakkaxon loyihalarga kelganda, men o‘zimni erkin ifoda eta olaman — ehtimol iqtisodiy tomonni o‘ylamasdan.
Men Little Simz yoki Moses Sumney bilan qo‘shiq yozishim mumkin edi. Ular juda buyuk san’atkorlar… Men haqiqatan ham devorlarni buzishga harakat qildim. Sochlarimni butunlay oldirdim. Grim surmaslikka harakat qildim. Va shu alternativ ovozlar, san’atkorlar bilan ishladim.
Bu juda yaxshi sinov bo‘ldi — men juda ko‘p narsani o‘rgandim. Va bu menga o‘tgan yili Los-Anjelesdagi albom ustida ishlash jarayonida juda katta yordam berdi

👤: 2022-yilda siz Pharrell Williams ga shunday degandingiz: men hali ham musiqani yaxshi ko‘raman, lekin ehtimol tasviriy san’atni undan ham ko‘proq yaxshi ko‘raman. Siz yana musiqaga qaytdingiz — bu yo‘l siz uchun qanday bo‘ldi?

🐨: Menimcha, musiqa har doim yonimda. Bu — ildiz. Ba’zida esa, sen yoqtirgan musiqa yangraganda, unga qarshi tura olmaysan — beixtiyor raqsga tushasan yoki ritmiga bosh irg‘aysan.
O‘ylaymanki, tasviriy san’at esa ba’zida ko‘proq tayyorgarlik, bilim va intellektual yondashuvni talab qiladi.
Harbiy xizmat paytimda men juda ko‘p albomlar tingladim. Va hozir, ehtimol, men musiqaga yanada ko‘proq oshiqman…
Absolutely albomi juda zo‘r edi. Men o‘z Spotify Wrapped’imni tekshirdim — Dijon albomini 500 daqiqadan ham ko‘proq tinglabman

👤: Siz aniq qilib aytgandingizki, BTS 2020 va 2021-yillarda chiqargan singllar guruh identiteti nima ekanligi borasida sizni biroz chalg‘itib qo‘ygandi

🐨: Menimcha, men hali ham aniq bilmayman. Menimcha, musiqachi o‘z musiqasi orqali gapirishi kerak… Hozir ham men biroz chalkashlikdaman, chunki armiyada bo‘lgan paytimda o‘ylardim: “Balki hammasi tugagach va biz yana birga yig‘ilgach, aniq va hamma qabul qiladigan bir yo‘nalish paydo bo‘ladi.” Lekin bu unchalik ham to‘g‘ri chiqmadi.
Shuning uchun men o‘ylaymanki, bu 14 ta trek — biroz noaniq bo‘lsa ham — odamlar “BTS 2026-yilda kim?” degan savolga javob bo‘lishi mumkin

Lekin men bu albomda universal narsalarni ifodalashga harakat qilyapman: sevgi, og‘riq, sog‘inch kabi hislar. Men hali ham shu narsaga juda qiziqaman — shaxsiy tajribani kengroq, hamma his qila oladigan universal tuyg‘ularga aylantirishga

👤: Kitob yozish haqida o‘ylab ko‘rganmisiz?

🐨: Juda ko‘p o‘ylaganman. Lekin qancha ko‘p kitob o‘qisang, shuncha ko‘p “men buni qila olmayman” degan fikr paydo bo‘ladi, chunki dunyoda juda ko‘p buyuk yozuvchilar va ajoyib matnlar bor. Shuning uchun shunchaki nimadir yozishga urinishning o‘zi ham menga biroz noqulaylik beradi. Shu sabab men kundalik yozaman. Ba’zida esa oddiy, hatto ahmoqona esselar ham yozaman.
Ehtimol, yillar o‘tib fikrim o‘zgarsa, ularni birlashtirib, tahrirlab kitob qilarman. Lekin hozircha kitob yozish menga albom yaratishdan ham qo‘rqinchliroq tuyuladi

👤: O‘zingizni fikrlardan chalg‘itish uchun nima qilasiz?

🐨: Menimcha, sayr qilish juda foydali. Chunki yurganingda va atrofdagi manzarani ko‘rganingda, tanang ham harakat qiladi. Shunchaki o‘zingni oqimga qo‘yasan. Bu menga tinchlanishga yordam beradi — stress va fikrlarni bo‘shatib, osmonni tomosha qila olaman.
Lekin Instagram, YouTube, Netflix — bular vaqtimni juda ko‘p olib qo‘yadi

👤: Harbiy xizmat siz uchun oson bo‘lmagan. Siz hali ham ruhiy jihatdan tiklanyapsizmi? Hozir ahvolingiz qanday?

🐨: O‘ylaymanki, men buni ancha yengib chiqdim, agar buni “g‘or” deb atasak… Sakkiz oy o‘tdi va hozir men yaxshiman. Lekin ba’zida uxlashga urinayotganimda, hammasi yana esga tushadi va o‘zimga shunday deyman: “Ey, yigit, buni unut. Men tugatdim. Men endi armiyada emasman”
Lekin ruhiy jihatdan eng past nuqtaga tushib, keyin undan chiqib ketish tajribasi, rostini aytsam, menga yordam berdi. Hozir men o‘z yotog‘imda uxlayapman. Men yaxshiman. Menimcha, bu yaxshi o‘z-o‘zini davolash bo‘ldi

👤: Bu tajriba sizning hayotdan nimani xohlashingizni o‘zgartirdimi?

🐨: Men har doim hozirgi paytda yashashni xohlayman. “Hozir”. Bugungi kunda — 2026-yilda — bizni hozirgi lahzada yashashdan chalg‘itadigan juda ko‘p narsalar bor.
Biz Reels va Shortslarni ko‘rib “hozir yashayapmiz” deb o‘ylaymiz, lekin ular aslida meni chalg‘itadi.
Shuning uchun men yomg‘ir ostida shunchaki yurib, hamma narsani o‘ylagan paytlarni juda sog‘inaman. O‘shanda men haqiqatan ham hozirgi lahzada yashardim.
Men o‘tmish va kelajak haqida o‘ylashni xohlamayman, chunki ular aslida faqat tasavvur. Lekin hozir turgan joyingga e’tibor berish juda qiyin.
Men har doim telefonni chetga qo‘yishga, kitob o‘qishga harakat qilaman. O‘tmish yoki kelajak haqida kamroq o‘ylashga juda harakat qilaman, chunki kelajak hech qachon “to‘liq kelib” bo‘lmaydi

👤: Siz ruhiy jihatdan qorong‘i joyda bo‘lgansiz va undan chiqib keldingiz. Bu abadiy holat emas edi. Hozir shunday his qilayotgan muxlisga nima der edingiz?

🐨: Men undan chiqib keldim — o‘tgan yildagi barcha vaziyatlar sababli tushib qolgan o‘sha krizisdan. Men undan jismonan chiqib ketdim, lekin ruhiy tomondan men buni shunchaki qabul qilaman — ichimdagi o‘sha asosiy qayg‘u borligini.
Uni nima deb atashni bilmayman, lekin u har doim yuragimning qaysidir qismida mavjud.
Men hali ham o‘zimni topish jarayonidaman deb o‘ylayman. Balki men boshqalardan ko‘ra juda sezgirroqman… yoki juda ko‘p o‘ylayman.
Ba’zida uxlay olmayman. Lekin men o‘lishni xohlaymanmi? Yo‘q. Men hayotni sevishga harakat qilaman. Sayrlar, yaxshi do‘stlar, ichimliklar, musiqa, bu intervyu.
Men hali ham o‘z “ichki demonlarim” bilan kurashyapman va menimcha, bu abadiy davom etishi mumkin — lekin “abadiy juda uzoq”, deb avval ham aytganman.
Lekin men faqat bitta narsani aytmoqchiman: sodda qilib aytganda, menimcha hayot qiziq. Bu BTS’ning a’zosi bo‘lganim yoki mashhur bo‘lganim uchun emas.
Menimcha, shunchaki — hayot qiziq va yashash yaxshiroq

Rolling Stone
.
.
.
.
.
.
#leebona ~
____
⟭⟬ @UZB_SUB_BTS ⟬⟭

BTS yana cho‘qqiga qaytdi: “Biz hamma narsani oxirigacha yetkazishimiz kerak” – Rolling Stone maqolasi

2026-04-14T01:58:42.848Z

BTS

Dunyoning eng katta guruhi o‘z tojini qanday qaytarib oldi? Shubhalarni yengib, yangi dadil albomda o‘z ildizlariga qaytish orqali.

Qachonki RM ekzistensial inqirozni boshdan kechirsa (bu u bilan tez-tez sodir bo‘ladi), u Rainer Maria Rilke ning so‘zlarini yoki Tyler, the Creator qo‘shiqlarini eslaydi. BTS yetakchisi o‘ziga yaqin bo‘lgan shoirni yaxshi ko‘radi va uning 1905-yildagi “Iztiroblaring chegarasiga bor” she’ridan mashhur satrni tez-tez takrorlaydi:

“Barcha narsani boshdan kechir: go‘zallikni ham, dahshatni ham. Faqat davom et. Hech bir tuyg‘u abadiy emas”

Boshqacha aytganda — shunchaki oqim bilan bor

Armiya xizmatining 18 oyi davomida, sovuq karavotda yotib, sochi qisqa qilib olingan holda va uyqusizlik bilan kurashib, RM Don Toliver, Playboi Carti, Dijon ning ilk albomini va Joji ning “Past Won’t Leave My Bed” balladasini tinglardi. Qo‘shiqlar matnlari unga haddan tashqari ko‘p fikr berib yuborganda, u klassik va ambient musiqaga o‘tardi

Ammo uni ayniqsa Tyler, the Creator ning “Darling, I” qo‘shig‘i va undagi satr o‘ziga tortdi:

“Abadiylik — juda uzoq”

Bu aslida munosabatlardan qochish haqida kuylangan bo‘lsa-da, RM bu so‘zlarda o‘ziga xos, chuqurroq ma’no topdi

“Ehtimol, o‘sha paytda harbiy xizmat menga juda uzoq tuyulgandir,” deydi u
“Men bu satrni doim xirgoyi qilardim. Shunchaki uni kuylab, o‘zimni davolardim”

Armiya davri uning ruhiy holatiga ta’sir qilib, uni ichki “g‘or”ga solib qo‘ydi. Ammo hech bir tuyg‘u abadiy emas — bu holat ham o‘tib ketdi

Fevral o‘rtalaridagi bulutli shanba kunida, Seoul da u yana guruhdagi olti nafar hamkasbi bilan birga. Ular Hybe kompaniyasining baland binosidagi omborni eslatadigan studiyada vaqt o‘tkazmoqda

Bu joy xuddi pop-musiqa uchun “Yulduzlar o‘limi” (Star Wars’dagi kabi)ga o‘xshaydi: yaltiragan, metall, pastda xavfsizlik xodimlari mehmonlarni nihoyatda jiddiy kutib oladi, yuqorida esa xodimlar planshetlarda maxfiylik shartnomalarini imzolashni taklif qiladi. Hatto hojatxonalar ham futuristik — eshiklar kartasiz ochilmaydi

Ammo BTS bu yerda bo‘lsa — buni tushunsa bo‘ladi. Guruh muvaffaqiyatidagi eng kichik o‘zgarish ham Hybe Corporation aksiyalariga ta’sir qilishi mumkin

Ularning mamlakat va shahar uchun ahamiyatini ortiqcha baholab bo‘lmaydi: 2020-yilda hatto BTS sabab harbiy xizmat qoidalari o‘zgartirilgan, garchi oxir-oqibat yetti a’zo ham xizmatni o‘tagan bo‘lsa ham

Agar siz Seoul ga borsangiz, bir necha daqiqada V ni reklama bannerlarida ko‘rasiz. U mahalliy kofe brendini targ‘ib qiladi

Ularning bepul gigant konsertida, butun shahar hayotini to‘xtatib qo‘yadigan darajada, BTS sahnaga qirollar yo‘li orqali chiqadi — bu yo‘l besh asr davomida hukmronlik qilgan monarxlar yurib o‘tgan yo‘lni takrorlaydi

BTS

BTS’ning deyarli olti yil ichidagi ilk to‘liq yangi albomi — “Arirang” chiqishiga besh hafta qolganida, RM yana sevimli she’rining satrlarini ichidan qayta his qilmoqda. 2023-yilda esa uning guruhdoshi Jimin musiqiy klip uchun ko‘kragiga Rilke satrlarini yozdirgan edi. BTS — aynan shunday guruh

“Men bir vaqtning o‘zida ham juda katta stressni, ham juda katta quvonchni his qilyapman,” deydi RM. “Va bu holat har kecha qayta-qayta almashib turadi”

Uning ustida qora futbolka ustidan kiyilgan yaltiroq qora charm kurtka, og‘ir botinkalar va keng parachute shimlar bor — bunday uslubni faqat BTS a’zosi o‘ziga ishonch bilan ko‘tara oladi. Soch uchlari oqartirilgan, soch turmagi ataylab biroz tartibsiz, nigohi esa diqqatli va ozgina kinoyali

Aslida RM akademik yo‘lga moyil edi — uni boshqa bir hayotda mashhur yosh professor sifatida tasavvur qilish qiyin emas. Ehtimol, u hozir bo‘sh vaqtida taqadigan o‘sha katta ko‘zoynaklari bilan

RM doimo o‘ziga savollar beradi va so‘nggi yillarda uning ongida BTS haqida ko‘plab savollar yig‘ilib qolgan:
“Bizning ovozimiz qanday bo‘lishi kerak?”,
“Biz nimani ifodalaymiz?”,
“Oldinga harakat qilishimiz kerakmi?”

U “Arirang” bu savollarning barchasiga javob beradi deb aytishi mumkin edi, lekin u o‘ziga nisbatan juda halol

“Men hali ham katta chalkashlik ichidaman,” deydi u. “Armiyadan keyin aynan shuni tushundik”
U o‘ylagandi: ehtimol hamma rozi bo‘ladigan aniq va yagona qaror paydo bo‘lar, ammo unday bo‘lmadi

Shuning uchun ham, uning aytishicha, umumiy manzara hali ham “biroz xiralashgan”. Ammo u qo‘shimcha qiladi:
“Bu 14 ta trek, ehtimol, ‘2026-yilda BTS kim?’ degan savolga odamlar uchun javob bo‘lishi mumkin”

Shunga qaramay, uning ichki bezovtaligi yo‘qolmayapti:
“Men juda xohlayman ‘hammasi joyida, men tayyorman, hamma narsa hal bo‘lgan’ deb aytishni. Rostdan ham shunday deyishni istayman. Lekin undan ham ko‘proq — rostgo‘y bo‘lishni xohlayman”

2020–2021-yillarda uchta ingliz tilidagi singl — “Dynamite”, “Butter” va “Permission to Dance” bilan BTS dunyoni zabt etish jarayonini yakunladi. Bunday muvaffaqiyat Janubiy Koreyadan yoki umuman Osiyodan chiqqan birorta guruhga nasib etmagan edi

Ammo RM ichida bir savol paydo bo‘ldi:
“Bu jarayonda dunyo BTS’ni o‘zgartirib yubormadimikan?”

Oldin ular o‘z qo‘shiqlarini chuqur o‘zlari yozar, asosan ona tilida kuylashar va agressiv hip-hopdan boshlashgan edi — silliq disco-popdan emas

“Men hatto biz qanday guruh ekanligimizni ham tushunmay qolgandim,” degan edi RM 2022-yilda, guruh uzoq tanaffusga chiqishidan biroz oldin.

“Endi qanday hikoya aytishimni bilmayman”

“Yoshligimda men shunchaki yangi boshlayotgan reper va matn muallifi edim,” degan edi u Pharrell Williams ga.
“Biz 10 yil birga ishladik — bu jamoa uchun juda og‘ir davr edi. Menga to‘xtab turish, tanaffus qilish va shunchaki atrofga qarash kerak edi… Ba’zida men haqiqatan ham qo‘rqaman. Masalan, agar men endi musiqani sevmasam-chi?”

Uilyams bunga javoban bu vaqtinchalik holat ekanini aytdi va xayrlashayotganda Rilke so‘zlariga o‘xshash maslahat berdi:
“Shunchaki davom et.”

Keyinchalik jonli efirda, ortiqcha ochiqligi uchun uzr so‘rashiga to‘g‘ri kelgan chiqishida, RM ilgari faqat ishora qilgan gapni ochiq aytdi:
“Men o‘n minglab marta guruhni tarqatib yuborish yoki tanaffus qilish haqida o‘ylaganman”

BTS

Jhope — guruhning emotsional tayanchi, kuchli reper va (professional tayyorgarlikka ega Jimin bilan birga) eng kuchli raqqoslardan biri — xuddi shu shubhalar bilan kurashgan

“Shuncha sevgi va e’tiborni qabul qilish haqiqatan ham yaxshimi?” deydi Jhope o‘sha paytdagi hislarini eslab.
“Balki hamma meni olqishlayotgan paytda, men bularning barchasini o‘chirib qo‘yishim kerakdir. Men o‘zimdan so‘rardim: men bunga haqiqatan ham muhtojmanmi? Ichimda faqat kichkina bir uchqun bor edi, lekin u birdaniga o‘rmon yong‘inidek kattalashdi. Men bundan juda katta bosim his qilardim”

2022-yilda u BTS ichida birinchi bo‘lib to‘liq solo albom chiqardi — “Jack in the Box”. Unda ochiq savol qo‘yilgan edi:
“Men olovni o‘chiraymi yoki yanada kuchliroq yonaymi?”

Jhope ikkinchi yo‘lni tanladi, garchi aslida tanlov bor-yo‘qligiga ishonmagan bo‘lsa ham

“Men tushundimki, bu men xohlaganim uchun shunchaki to‘xtatib qo‘yadigan narsa emas,” deydi u
“Men atrofimdagi odamlardan juda ta’sirlanaman, shuning uchun qarorlarim boshqa ko‘plab insonlarga qanday ta’sir qilishini o‘ylashim kerak. Oxir-oqibat, men olovni saqlab qolish — bu men chin dildan xohlaydigan narsa ekanini his qildim. Bu mening asl mohiyatimga eng yaqin tanlov edi”

Guruhning yana bir reperi — sokin, ammo sirli xarizmaga ega Suga — esa bu savol umuman mavjud bo‘lganiga shubha qiladi

“Men har bir insonning ichki fikrlarini bilolmayman,” deydi u.
“Ammo biz hammamiz solo faoliyat bilan shug‘ullandik, chunki o‘sha paytda guruh sifatida ishlay olmasdik. Shuning uchun ham armiyaga ketishdan oldin men bilardimki, biz baribir yana birlashamiz”

U davom etadi:
“Chet elliklar uchun bu ajablanarli tuyulgandir. Lekin biz uchun birga qolish — bu oddiy haqiqat edi. Hech kimda bunga qarshi fikr yo‘q edi. Men shunchaki: ‘Ha, albatta, biz yana birlashamiz’, deb o‘ylardim”

RM esa “Arirang” albomi uchun aniq missiyani shakllantira oldi. Albom ham ijodiy, ham tijoriy jihatdan katta muvaffaqiyatga erishdi: faqat AQShda birinchi haftada 641 ming nusxa sotildi va u 115 mamlakatda Apple Music chartlarini boshqardi

“Men a’zolarga aytdim: agar biz o‘zimizga endi chaqiriq tashlamasak, unda bir jamoa bo‘lib ishlashning ma’nosi yo‘q,” deydi u.
“Biz dunyoga hali ham izlanishda ekanimizni ko‘rsatishimiz kerak. Bu ba’zida juda qiyin. Lekin biz yana va yana chegaragacha borishimiz kerak — va baribir bu yetarli emas”

U o‘z qat’iyatidan kulimsirab qo‘yadi

2022-yil oktyabr oyida BTSning barcha yetti a’zosi bir xil binafsha hudilarda qo‘l ushlashib, Busan osmonida mushaklar porlayotgan paytda chuqur ta’zim qilishdi. Sahna ortiga ketayotganda V qo‘lida ingliz va koreys tillarida yozilgan bir xil yozuvli lavhani ushlab turardi:

“Eng yaxshi lahzalar hali oldinda”

Ular muxlislarga qo‘l silkitib, quvnoq ko‘rinishga harakat qilishdi. Jimin esa sahna chetida biroz to‘xtab qoldi — uning ko‘zlari yoshga to‘lgandi.
Bu BTS’ning to‘rt yil davomida birgalikda bergan oxirgi ommaviy chiqishi edi

Jin — guruhning eng yoshi katta a’zosi, 33 yoshda. U jozibador, kuchli va toza tenor ovoziga ega hamda sahnada juda mahoratli. Ba’zida u o‘z o‘rniga nisbatan asossiz “impostor sindromi”ni his qilgandek tuyuladi. O‘zi hazil bilan aytadi:
“Mening yagona ustunligim — men boshqalardan chiroyliroqman”

U armiyaga birinchi bo‘lib ketdi. Bu Coldplay bilan birga kuylangan “The Astronaut” qo‘shig‘idan keyin sodir bo‘ldi

Harbiy xizmat paytida u saf tayyorgarligi bo‘yicha instruktor yordamchisi bo‘lib ishladi, hatto askarlariga qo‘shimcha ovqat olib berardi. Natijada ular uni juda yaxshi ko‘rib qolishdi — xizmat tugaganda hatto yig‘lashdi. Jin ham xizmatdan chiqish marosimida ko‘z yosh to‘kdi

Keyinchalik u Paris 2024 Olympics da Olimpiya mash’alasini ko‘tardi, Netflix’dagi mashhur ko‘ngilochar shouda ishtirok etdi va ikkita muvaffaqiyatli mini-albom chiqardi. Bu albomlarda u o‘zi yoqtirib qolgan rok uslubiga yaqinlashdi — bu esa ko‘p jihatdan uning Coldplay ga bo‘lgan uzoq yillik muhabbati bilan bog‘liq

BTS

Ammo shu vaqt davomida Jin har doim guruhga qaytish yo‘lini izlagan

“Men shunchaki boshqa a’zolarni juda sog‘inardim,” deydi u.
“Men har doim o‘ylardim: agar bu guruh bilan bo‘lmasa, davom etishning ma’nosi yo‘q. Menimcha, solo faoliyat men uchun unchalik muhim emas. Agar nimadir qilsam ham, guruh ichida yangi narsalarni sinab ko‘rishni xohlayman — ayniqsa muxlislar zerika boshlaganda. Meni aktyorlik yoki shunga o‘xshash narsalar qiziqtirmaydi”

2023-yilda Suga o‘zining Agust D taxallusi ostida birinchi rasmiy albomini chiqardi. Oldingi ikki miksteyp ham juda ochiq va jasur shaxsiy tan olishlari bilan tanilgan edi

Bu safar “Amygdala” trekida u ota-onasining kasalliklari va o‘z boshidan kechirgan travmalar haqida rap qiladi, ammo shu bilan birga o‘zini o‘tmishdan ozod bo‘lganini e’lon qiladi:
“meni o‘ldirmagan narsa meni kuchliroq qildi / va men yana lotus gulidek ochilyapman”

Taxminlarga ko‘ra, 2012-yillar atrofida bo‘lgan mototsikl halokati sabab, u sahnada qo‘llarini ko‘tara olmas darajada jarohat olgan edi. Shu bois uning harbiy xizmati oddiy askar sifatida emas, balki fuqaro kiyimida o‘tdi — u 21 oy davomida ijtimoiy xodim sifatida xizmat qildi

“Oxirgi albomdan keyin menda hech qanday salbiy hislar qolmadi,” deydi u.
“Men solo ijodkor sifatida qo‘limdan kelgan hamma narsani qildim deb his qildim. Va men uchun shunchaki ishlash va uyga qaytish juda qulay edi. Bu menga o‘ylash uchun vaqt berdi — o‘zimdan kattaroq narsaning bir qismi bo‘lish nimani anglatishini tushunish uchun. Hammamizga yana birga bo‘lishni chin dildan istashimiz uchun shunday tanaffus kerak edi”

Bir lahza studiyada sukut hukm suradi — bu Hybe Corporation kabi ulkan tizim markazidagi kamdan-kam uchraydigan tinchlik onlaridan biri

Keyin esa uzoqdan Jungkook ning kulgisi eshitiladi, ortidan nimadir tushib ketgandek shovqin keladi — va jiddiy muhit bir zumda yo‘qoladi.
RM boshini chayqaydi va yengil tabassum qiladi:

“Ko‘rdingizmi?” deydi u.
“Shuning uchun biz to‘xtay olmaymiz. Bu juda maroqli”

Armiyaga ketishdan oldin Jhope 2022-yil iyul oyida Lollapalooza festivalida headliner bo‘ldi — bu yirik Amerika festivalida buni amalga oshirgan birinchi janubiy koreyalik artist edi

“Men o‘zimni qandaydir chegaralar ichida qolib ketgandek his qilardim,” deydi u.
“Bu chegaralar menga o‘zimni erkin ifoda etishga to‘sqinlik qilardi. Men ularni buzib, o‘z haqiqiy ‘men’im bilan va ichimdagi barcha musiqalar bilan dunyoga chiqishni xohlardim”

“Endi esa men ko‘proq musiqa yaratdim va o‘zimga chaqiriq tashladim — shuning uchun endi o‘zimni o‘sha ‘quti’ ichida deb aytolmayman. Endi esa savol: men undan tashqarida yana nimalar yarata olaman?”

Shu bilan birga u guruhining kuchini ham esdan chiqarmaydi:
“Endi biz yana birgamiz — boshqa a’zolar mening ifodamdagi yoki chiqishlarimdagi bo‘shliqlarni to‘ldiradi. Ko‘p jihatdan, aynan shuning uchun biz yettitamiz”

Jungkook esa kechiktirmay o‘zini haqiqiy pop yulduz sifatida ko‘rsatdi — go‘yo bu uning taqdiri edi. Ammo guruhning eng yosh a’zosi bo‘lishiga qaramay, u hanuz juda kamtar

“Rostini aytsam, men hali o‘zimni pop yulduz sifatida qabul qila olmayapman,” deydi u.
“Lekin odamlar meni shunday ko‘rishi va bu savolni berishi uchun juda minnatdorman. Shuning uchun men yanada yaxshiroq bo‘lishni xohlayman — balki bir kuni o‘zim ham o‘zimni yulduzdek his qilarman”

Uning Seven qo‘shig‘i, Latto bilan hamkorlikda, 2023-yilda Spotify’da eng ko‘p tinglangan qo‘shiqlar orasida to‘rtinchi o‘rinni egalladi

“Men qo‘shiq matnidan uyalmadim,” deydi Jungkook.
“Men shunchaki o‘yladim: ‘Xo‘sh, nima bo‘pti?’”

BTS

RM aytishicha, qo‘shiqdagi ayrim satrlar qolishi uchun u shaxsan aralashishga majbur bo‘lgan — rahbariyat biroz xavotirga tushgan edi:

“Men leyblga aytdim: ‘Iltimos, o‘zgartirmang. Nega mumkin emas? U allaqachon katta. U “f” harfi bilan boshlanadigan so‘zni ham ayta oladi’”

Keyin esa, harbiy xizmat paytida Jungkook oshxonada ishlagan — ulkan qozonlarda ovqat aralashtirib, hatto dam olish kunlarida ham askarlarni haftasiga yetti kun ovqatlantirgan

“Aslida men faqat bitta narsani his qilardim: men sahnaga chiqishni juda xohlayman,” deydi Jungkook.
“Qo‘shiq aytishni xohlayman. ‘Qachon bu yerdan chiqaman?’ deb o‘ylardim. Chiqib, raqs tushishni xohlayman — butun vaqt davomida faqat shu haqida o‘yladim”

Jimin — baxmaldek yumshoq ovozi va deyarli mushukka o‘xshash jozibasi bilan ajralib turadigan ijodkor — o‘zining solo muvaffaqiyatidan o‘zi ham hayratda qolgan.

Uning Like Crazy qo‘shig‘i “Seven”dan bir necha oy oldin Hot 100 chartida 1-o‘rinni egalladi. Shu orqali u bu cho‘qqiga chiqqan birinchi koreyalik solo ijrochi bo‘ldi

“Men buni umuman kutmagandim,” deydi Jimin.
“Lekin shu jarayonda men hali oldimda juda uzoq yo‘l borligini tushundim”

U Jungkook bilan bir vaqtda armiyaga ketgan va xizmatning ilk kunlarida ular birga yugurish mashg‘ulotlarida qatnashgan

2021-yilda Jimin shunday degan edi: u o‘zini guruhsiz tasavvur qila olmaydi.
“Mening fikrlarim o‘zgarmadi,” deydi u hozir.
“Agar o‘zgargan bo‘lsa ham, faqat bitta jihatda: BTS mening asosiy ustuvorligim bo‘lib qoladi, lekin shu bilan birga men solo ijrochi sifatida ham yaxshilanishni xohlayman. Guruhdoshlarim shunchalik zo‘rki, men ham ularga munosib bo‘lishim va soyada qolib ketmasligim kerak”

V — guruhning chuqur bariton ovoz sohibi, “eski ruh” sifatida tanilgan va ba’zida aktyorlik qiladigan a’zo — solo pop poygasidan biroz chetga chiqib, o‘zining “Layover” mini-albomi uchun jazz ohanglari bilan boyitilgan R&B yo‘nalishini tanladi

“Agar ‘Layover’ chiqmaganida,” deydi u,
“menimcha, artist sifatida V faqat raqqos va qo‘shiqchi obrazida qolib ketardi va o‘zining barcha rang-barang tomonlarini ko‘rsata olmasdi”

U kelajakda pop albom ham chiqarishi mumkin:
“Bu ham men yaxshi ko‘radigan musiqa. Qachon bo‘lishini bilmayman, lekin albatta bir kun urinib ko‘raman”

Harbiy xizmat paytida u musiqani deyarli unutishga harakat qilgan va bu davrni o‘zini yangilash uchun ishlatgan.

“Men juda ko‘p mashq qildim,” deydi V.
“Ko‘p kitob o‘qidim, ko‘p musiqa tingladim. Bu menga tanamni va ongimni tiklashga yordam berdi”

U taxminan 230 funt (100 kg atrofida) vaznni ko‘krakdan ko‘tara oladi. Uning harbiy bo‘linmasida, asosan sportchilar xizmat qilgan bo‘lsa-da, bu “oddiy” vazn hisoblangan. Ammo V BTS ichida o‘zini eng kuchlisi deb hisoblaydi

U Han Kang kabi yozuvchilarni va Keigo Higashino ning detektiv asarlarini o‘qigan. Hikoyalarga shu qadar sho‘ng‘ib ketganki, o‘zini qahramonlardan biri sifatida tasavvur qilgan

“O‘sha paytda men fantaziyalarimga juda chuqur kirib ketgandim,” deydi u.
“Bu yordam berdimi? Bilmayman”

BTS

BTS birgalikda tarix yaratdi, keyin yo‘llari vaqtincha ajraldi, har biri alohida tarix yozdi va oxir-oqibat yana birlashishga muvaffaq bo‘ldi. Endi ular kelasi yil martigacha davom etadigan jahon turiga chiqishmoqda — bu marshrut Jin tashabbusi bilan dastlab rejalashtirilganidan qariyb sakkiz oyga uzaytirilgan

“Biz ilk bor tur rejalarini olganimizda, unda juda kam shahar bor edi,” deydi u.
“Va u atigi uch-to‘rt oy davom etishi kerak edi. Men dedim: ‘Endi biz qaytgan ekanmiz… biz juda ko‘p odamlarga borib, ular bilan uchrashishga va’da berganmiz. Bu va’dani bajarmaslik noto‘g‘ri bo‘ladi’”

Ammo bundan keyin guruh yana nimaga erishishi mumkin?

Suga esa shunchaki boshqacha kayfiyatni tanlamoqchi:
“Biz bundan zavqlanishimiz kerak. Oldin biz juda ko‘p raqobat haqida o‘ylardik. Maqsadlarga yetishga shoshilganimizda, jismoniy va ruhiy holatimizga unchalik e’tibor bermadik. Endi esa biroz tinchlanishimiz mumkin — ayniqsa hammamiz ulg‘ayganimizdan keyin. Shuning uchun endi bundan ko‘proq zavq olishimiz mumkin deb o‘ylayman”

“Eng ajoyibi — biz yana birga ekanimiz,” deydi Jhope
“Va biz hali ham bir guruh sifatida musiqa yaratyapmiz. Shu haqida o‘ylasam, maqsadlar endi unchalik muhim tuyulmaydi”

Fevral oyidagi repetitsiyalar paytida Jimin tur tugashi bilanoq yana studiyaga qaytib, yangi albom yozishni taklif qildi. Ammo bu fikr Suga ni boshqacha o‘ylashga undadi:

“Vaqt juda tez o‘tadi, trendlar esa bir zumda o‘zgaradi. Balki bir muddat singllar chiqarib turishimiz kerakdir. O‘zingiz qarang: biz albom ustida ishlashni o‘tgan yil sentabrda tugatgan edik, lekin chiqishi uchun shuncha vaqt ketdi. Uni yaratganimizda esa mart yoki aprelda qaysi janr mashhur bo‘lishini bilmasdik. Yaxshi musiqa qilish qiyin edi. Shuning uchun… balki singl chiqararmiz, balki mini-albom”

Guruh a’zolari Bad Bunny ning Super Bowl dagi chiqishiga ham e’tibor qaratishdi — u to‘liq ispan tilida o‘tgan edi. Bu ularga ham qiziq tuyuldi

“Buni qilish uchun avvalo taklif olishimiz kerak,” deydi Jimin,
Jin esa allaqachon qanday bo‘lishini tasavvur qilayotganini tan oladi

RM esa ehtiyotkorroq:
“Balki vaqt o‘tib, odamlarning fikri o‘zgarsa. Hozir butun dunyo koreys madaniyatini qabul qilmoqda — masalan, Parasite filmi. Agar imkoniyat bo‘lsa, albatta bir kun buni qilishni xohlaymiz”

RM BTS atrofida har doim tanqidchilar bo‘lganini ham yaxshi biladi. U “2.0” trekida ularga bevosita murojaat qiladi:

“Haqiqatan ham shunday odamlar borki, ular uyida o‘tirib: ‘Iltimos, BTS qulasin, tarqasin’, deb tilaydi. Biz esa shunday deymiz: ‘Yaxshi, do‘stlar, biz ikki-uch yil alohida bo‘ldik… endi uch yil o‘tdi, ARMY bizni kutyapti, dunyo bizni kutyapti — endi siz yetarlicha kutdingiz’”

Bu qo‘shiqdagi o‘ziga ishonchli ohang go‘yo raqiblarga ham qaratilgandek. Lekin hozir BTS’ning haqiqiy raqibi kim bo‘lishi mumkin?

Men ehtimoliy nomlarni tilga olaman: Taylor Swift, Bruno Mars, Harry Styles

RM bunday taqqoslashdan biroz noqulay bo‘ladi:
“Ular bizdan ham buyukroq artistlar. Biz esa juda kichkinamiz. Biz shunchaki Koreyadan chiqqan boyz-bendmiz”

Bu uning butun kun davomida aytgan yagona gapiki — haqiqatga unchalik o‘xshamaydi

BTS

Boshlanishida ular hammalari qora kiyimda, bo‘yinlarida oltin zanjirlar bilan chiqishardi — hatto Jungkook ham rep o‘qirdi. BTS’ning ilk singli — No More Dream 2013-yilda chiqdi va undagi bas liniyasi Dr. Dre hamda Snoop Dogg ning “Deep Cover” trekini eslatardi. Qo‘shiq va klip jozibali bo‘lishi bilan birga, deyarli kulgili darajada agressiv, hip-hop ustunlik qilgan BTS obrazini ko‘rsatardi

Ammo o‘sha yilning o‘zidayoq “Coffee” va “Outro: Luv in Skool” kabi qo‘shiqlarda guruhning uslubi kengaya boshladi, vokalistlar esa asta-sekin oldinga chiqdi. Keyinchalik ingliz tilidagi hitlar chiqqach, oddiy tinglovchilar BTS’ning hip-hop ildizlari borligini ham bilmay qolishlari mumkin edi

Bu safar esa BTS o‘sha eski ohangning bir qismini qaytarishni xohladi — lekin endi ancha yetuk shaklda

“Biz 2013-yilda birga yig‘ilgan edik,” deydi RM.
“Hozirgi albom — bu yangi boshlanish. Lekin menimcha, biz ongsiz ravishda yana boshlagan joyimizga qaytdik: o‘sha cheksiz energiyaga, ‘men dunyoga nimadir ko‘rsatmoqchiman’ degan ruhga”

Hatto Jin ham, avval “Dynamite”dan “Permission to Dance”ga o‘tishda muammo ko‘rmagan bo‘lsa-da, oxir-oqibat fikrini o‘zgartirdi

“Aslida men boshqalarning fikriga to‘liq qo‘shilmagan edim,” deydi u.
“Chunki musiqa natija beradi, to‘g‘rimi? Men o‘ylardimki, bizning eng muvaffaqiyatli qo‘shiqlarimiz — bu bizning kimligimiz. Lekin hamma ham shunday o‘ylamadi. Uzoq muhokamalardan so‘ng men tushundimki, bizning haqiqiy identitetimiz — bu avval yaratgan musiqamizda”

Tajribali prodyuser Pdogg BTS bilan “No More Dream”dan ham oldin ishlay boshlagan va o‘sha qo‘shiqning hammuallifi hamda prodyuseri bo‘lgan

“Men ularning stajyorlik davridan to hozirgacha bo‘lgan ulkan ijodiy o‘sishining bir qismi bo‘lganman,” deydi u

Pdogg “Arirang” ustida ham faol ishlagan va aytishicha, barcha a’zolar “albomga ongli ravishda hip-hop ruhini qaytarishga intilishgan. Albom turli janrlarni qamrab olsa ham, biz hip-hop ildizlarimizdan voz kechganimiz yo‘q”

2025-yil iyul oyida guruh a’zolari (Jin dan tashqari, u hali solo turda edi) Los Angeles da bir uyda yashashdi. Ular ikki oy davomida studiyada ishlab, to‘rtta alohida yozuv xonasida navbat bilan 7–8 soatdan ishlashdi

Pdoggning aytishicha, jamoa Diplo bilan hamkorlik qilgan — u ko‘plab treklar ustida ishlagan va boshqa g‘arbiy prodyuserlar hamda mualliflarni jalb qilgan

BigHit’ning A&R rahbari Gia Lim uchun bu sessiyalar
“an’anaviy ish jarayonidan voz kechib, global va yangicha ovozni BTS’ning asosiy identiteti bilan uyg‘unlashtirishga qaratilgan edi”

Hamkorlardan biri — hip-hop prodyuser Mike WiLL Made-It — esa odatiy ish soatlariga moslashishga majbur bo‘lgan

“Bu Amerikadan juda farq qiladi,” deydi u.
“Biz odatda tun bo‘yi ishlaymiz. Lekin tushunaman — bu samaraliroq”

U BTS’ning aynan o‘ziga murojaat qilganini yuqori baholadi:

“Men BTS’ni hurmat qilaman — ular haqiqiy manbaga murojaat qilishdi. Biz bir xil tilni bemalol gapira olmasak ham, qo‘shiqlar ustida ishlaganimizda go‘yo bir tilni tushungandek edik. Ularning boshqacha bo‘lishga bo‘lgan harakati menga juda yoqdi. Tanlagan bitlari mening oldingi ishlarimga umuman o‘xshamaydi — bu juda noodatiy va haqiqatan original”

Bu Pdogg uchun BTS albomining har bir bosqichida — yozishdan tortib masteringgacha — qatnashgan birinchi tajriba bo‘ldi

“Bu safar har bir a’zoning individual rangi yanada yorqinroq sezildi,” deydi u
“Men ularning ambitsiyasi yanada kuchayganini aniq his qildim”

BTS

Yetti xil ovozni bitta qilib birlashtirishga urinish o‘rniga, ular har bir vokalistning solo faoliyati davomida shakllangan o‘ziga xosligini oldinga chiqardi:
“Biz har bir ovozning individual xarakterini ochishga ko‘proq e’tibor qaratdik”

Hech bo‘lmaganda guruh a’zolaridan biri solo faoliyat guruh ichidagi muvozanatni o‘zgartirib yubormaydimi, deb o‘ylagan

“Biz yettimiz ham solo ishladik va ‘ego’miz ham mustahkamlandi,” deydi V.
“Shuning uchun men o‘yladimki, qayta birga ishlaganimizda har kim o‘z fikrini kuchliroq himoya qiladi. Lekin meni hayratlantirgani — aksincha, hamma yangi g‘oyalarga ochiq bo‘ldi va shaxs sifatida yanada chuqurlashdi. Men bu albom ustida ishlash davomida ulardan juda ko‘p narsani o‘rgandim”

“Swim” — albomning yetakchi singli — hali guruh Los Angeles ga kelishidan bir necha hafta oldin, dastlabki sessiyalarda shakllana boshlagan edi

“Birinchi eshitishdanoq bu alohida narsa ekanini his qildik,” deydi Pdogg

Britaniyalik qo‘shiq muallifi James Essien esa shunday deydi:
“Menimcha, ular uchun eng zo‘r yo‘l — biroz sokinroq, nazokatliroq narsa qilish edi. Yana ‘Dynamite’ga o‘xshash qo‘shiq qilish juda oldindan aytiladigan bo‘lardi”

U Tyler Spry bilan birga trek ustida improvizatsiya qilganini eslaydi — bu Bang Sihyuk ga boshqa bir kompozitsiya yoqmaganidan keyin boshlangan

“Bang xonaga mutlaqo ifodasiz yuz bilan kirib keldi,” deydi Essien.
“Shunda biz boshqa g‘oyani sinab ko‘ra boshladik… va melodiya go‘yo o‘z-o‘zidan paydo bo‘ldi. U xuddi osmondan tushgandek edi”

Guruh dastlab bunday sokinroq trekni tanlashdan biroz ikkilanadi, lekin Essien RM ning so‘zlarini eslaydi:

“Bu yanada jozibali. Hozir aynan shunday narsa kerak. Biz o‘zgardik. Endi biz yanada ‘yetukroq’ ko‘rinamiz — hatto armiyadagi mukofotlar bilan ham”

Jasur ispan prodyuser El Guincho esa guruh bilan uchrashuvning ilk 10 daqiqasidayoq ularga ikkita bit eshittirgan. Ular ikkisini ham tanlab, birlashtirib “Hooligan” trekini yaratishdi

Bu qo‘shiqda 1962-yildagi fransuz filmidan olingan torli asboblar sample’lari ustiga pichoqlar to‘qnashuvi tovushlariga o‘xshash perkusiyalar qo‘shilgan

“Ularni aynan eng ekstremal, noodatiy g‘oyalar tortardi,” deydi u.
“‘Eng telba narsangni qo‘y!’ — degandek edi ular”

O‘z rap ildizlariga qaytgan holda, Jungkook “Hooligan” uchun konsepsiyani o‘zi o‘ylab topgan:

“Trekni eshitganim zahoti flow o‘zim kelib qoldi. Qo‘shiq albomga kiradimi-yo‘qmi bilmasdim. Lekin tanlanganida juda zo‘r bo‘ldi”

El Guincho trek ustida ishlayotgan paytda, guruh allaqachon raqs harakatlarini sinab ko‘rayotgan edi. U hatto baraban ritmlarini ularning harakatlariga moslab o‘zgartirgan

“Men ularning tanasi qanday qilib beat’ni his qilayotganini kuzatardim. Aynan shu narsa ularni boshqa artistlardan ajratadi,” deydi u

Bir payt James Essien studiyadagi boshqa xonaga kirib qoladi va u yerda jamoa hali to‘liq tugallanmagan qo‘shiqlar uchun ham xoreografiya rejalayotganini ko‘radi:

“Men o‘yladim: ‘Vau, bu haqiqiy mukammal ishlaydigan tizim ekan’”

Suga esa prodyuserlar uchun sirli bo‘lib qolgan. U xonaga kirib, jim tinglab, hech narsa demasdan chiqib ketar, keyin bir necha kundan so‘ng qaytib kelardi. Ba’zida gitarani olib, trekka qo‘shilib chalardi

“Ko‘rinib turardi — u qo‘shiqni chinakam his qilmoqda va tushunishga harakat qilmoqda,” deydi El Guincho

Jhope esa hammaga hayrat bag‘ishlagan — u quvnoq kayfiyatdan bir zumda agressiv rap holatiga o‘ta olgan. Hatto bir hamkor uni DMX ga o‘xshatgan

Jimin esa ba’zida 30 daqiqa jim o‘tirib, hamma fikrlarni tinglar, keyin esa mukammal dubllardan birini yozib berardi — barcha fikrlarni inobatga olgan holda

Bu orada Jungkook hammani deyarli mukammal ingliz tilida kuylay olishi bilan hayratda qoldirdi

BTS

“Menimcha, bunday narsalarga qulog‘im yaxshi. Lekin baribir… bu men uchun chet tili. Men xohlamMAYman-ki, ona tilida so‘zlashuvchilar mening ijromni eshitib noqulay his qilsin yoki yoqtirmay qolishsin. Shuning uchun men juda ko‘p mehnat qildim,” deydi Jungkook

Shu orada V qo‘shiq muallifi sifatida ham o‘zini ko‘rsatdi — ayniqsa albomning yakuniy treki, noodatiy va “osmoniy” ohangga ega “Into the Sun”da. Bu qo‘shiq guruhning jonli jam-sessioni paytida yaratilgan

“Ishlar unchalik oson ketmayotgandi. Shunda biz biroz bo‘shashib, shunchaki zavqlanishga qaror qildik,” deydi Pdogg,
“Natijada V mikrofonni oldi, men Moog bas-sintezatoriga o‘tirdim, Tyler Johnson baraban chaldi, Nitti esa gitara ijro etdi”

Suga esa bu qo‘shiq uchun rap qismini ular birga yashagan uyning terassasida yozgan

“Bu albomgacha men qo‘shiq ustida tashqarida ishlashni tasavvur ham qilmagan edim. Aslida esa faqat daftar va ruchka yetarli,” deydi u

Jin ning solo turi tugagach, u studiyaga qaytadi va u yerda allaqachon yuzdan ortiq qo‘shiqlar yozilganini ko‘radi

“Men muxlislar zerikib qolmasin deb o‘ylardim, chunki boshqalar armiyada edi. Shuning uchun ularning ko‘nglini ko‘tarishga harakat qildim. Shu orada esa barcha qo‘shiqlar allaqachon yozib bo‘lingan ekan,” deydi u

U bundan xafa bo‘ldimi?

“Bir oz xafa bo‘ldim,” deydi Jin
“Lekin hayot faqat hozirgi lahzadan iborat emas — kelajak ham bor. Agar men o‘zimning qo‘shiqlarimni qo‘shish uchun hamma jarayonni cho‘zishni talab qilganimda, bu intervyu oylar keyin chiqardi. Shu vaqt ichida muxlislar zerikib qolmasmidi?”

Albomga “Arirang” nomini berish g‘oyasi Bang Sihyuk va Hybe Corporation tomonidan taklif qilingan. Bu nom qadimiy, chuqur melanxolik va deyarli muqaddas hisoblangan koreys xalq qo‘shig‘i — “Arirang”dan olingan

Guruh bu g‘oyani tezda qabul qildi. Ammo Netflix’dagi hujjatli filmda ko‘rsatilganidek, “Body to Body” trekiga aynan shu qo‘shiqdan sample qo‘shish masalasi haftalab muhokama qilingan

“Shu holatdan tashqari, biz ‘koreyslik’ni juda ochiq ko‘rsatishga harakat qilmadik,” deydi Pdogg

Shunga qaramay, guruh koreys tiliga ustuvorlik berishni talab qildi. Masalan, “Please” qo‘shig‘i dastlab ingliz tilida yozilgan edi, lekin BTS uni deyarli to‘liq koreys tiliga qayta yozishni talab qildi

Gia Lim ning aytishicha:
“Biz ishonardikki, musiqa til to‘siqlaridan qat’i nazar tinglovchilarga yetib boradi”

Albom umuman boshqa qo‘shiqlardan ham iborat bo‘lishi mumkin edi

“Ko‘p bahslar bo‘ldi — qaysi qo‘shiqni qoldirish, qaysini chiqarib tashlash haqida,” deydi RM

Jhope hali ham albomga kirmagan “Like This” qo‘shig‘ini iliqlik bilan eslaydi. James Essien esa “Five Minutes” trekini tilga oladi — bu qo‘shiq deyarli hammaga yoqqan edi

“Keyin bu qo‘shiqlar nima bo‘ladi?” deya o‘ylaydi Jimin
“Menimcha, biz ularni ‘ombor’da saqlab qo‘yamiz”
“Hozircha,” deydi Suga kulimsirab

Kelajak haqida gap ketganda, BTS go‘yo yangi ichki xotirjamlikni topgandek

“Oldin men doim keyingi qadam haqida xavotirlanardim,” deydi RM
“Endi esa shunchaki hozirgi lahzadan zavq olishni xohlayman. Biz yana birgamiz. Biz faxrlanadigan narsani yaratdik. Shu yetarli”

.
..
.
.
.
.
.
#leebona ~ ~
____
⟭⟬ @UZB_SUB_BTS ⟬⟭