@malikovashoira

Korxonada amaliy mashg'ulot – bo‘lajak tadbirkorlar uchun real biznes muhiti saboqlari

2025-06-17T18:36:00.823Z

2025-yilning 17-iyun kunida BuxDU Iqtisodiyot va turizm fakulteti 9-1 MENS 22, 9-1 IRBS 22 guruh talabalari uchun Iqtisodiy tahlil va audit fanidan "Tayyor mahsulot ishlab chiqarish va sotish hisobining tahlili" mavzusidagi hamda Strategik menejment fanidan amaliy mashg'ulot nafaqat viloyatda, balki, Respublikada brend darajasiga ko'tarilgan "Amir Group" MChJga qarashli "Laticco" sutni qayta ishlash korxonasida sayyor dars sifatida tashkil etildi. Ushbu tashrif talabalarga zamonaviy ishlab chiqarish jarayonlari, marketing yondashuvlari hamda korxona boshqaruvi bilan bevosita tanishish imkoniyatini berdi. (O'qituvchilar: Z.T.Jo'rayeva, Sh.B.Malikova)

“Laticco” korxonasi — Buxoro viloyatida zamonaviy texnologiyalar asosida faoliyat yuritayotgan sut mahsulotlari ishlab chiqarishga ixtisoslashgan yirik korxona hisoblanadi. Korxona asosan quyidagi mahsulotlarni ishlab chiqaradi:

yangi sog‘ilgan sut mahsulotlari;
yogurt va kefir turlari;
sariyog‘, tvorog va pishloq mahsulotlari;
bolalar parhez mahsulotlari kabi 50 dan ziyod mahsulotlar

Amaliy mashg‘ulot davomida talabalar quyidagi jarayonlar bilan tanishdilar:
▪️ sutni qabul qilish va qayta ishlash texnologiyasi;
▪️ mahsulotlarni pasterizatsiya va gigiyenik qadoqlash jarayonlari;
▪️ sifat nazorati laboratoriyasi faoliyati;
▪️ logistika va tayyor mahsulotlarni yetkazib berish zanjiri;
▪️ korxona ichki boshqaruv tizimi va marketing strategiyasi.

Korxona mutaxassislari talabalarni ish jarayoni bn tanishtirmoqda

Talabalar o'zlarini qiziqtirgan savollarga mutaxassisdan javob olishdi

Talabalar korxona Smart laboratoriyasida

Ushbu amaliy mashg‘ulot bo‘lajak tadbirkorlar uchun katta tajriba va motivatsiya manbai bo‘ldi. Talabalar sut sanoatining real ish jarayoni bilan yaqindan tanishib, nazariy bilimlarini amaliyotda mustahkamlash imkoniyatiga ega bo‘ldilar.

Nazariy bilimlar va amaliy faoliyat birligi

2025-05-26T05:50:29.776Z

2025-yilning 24-may kunida Buxoro davlat universiteti Iqtisodiyot va turizm fakulteti 3-1 BUXSIM-23 guruh talabalarining "Buxgalteriya hisobi va audit" fanidan olayotgan bilim va ko'nikmalarini mustahkamlash, yangi tajribalarni ko'rib o'rganish maqsadida amaliy mashg'ulot soatlari "VARNET ISSIQXONA AKADEMIYASI"da tashkil qilindi.

Amaliy darsda talabalar tashkilotning real ish jarayonlari bilan tanishtirildi, tashkilot tuzilmasi, bo‘limlar faoliyati va ularning o‘zaro aloqalari haqida malakaga ega bo'lishdi, hujjatlar bilan ishlash, hisobotlar tayyorlash, dasturlarni (1C, Excel) qo‘llash, muloqot madaniyati, jamoada ishlash, vaqtni boshqarish jarayonlarini guvohi bo'lishdi.

Amaliy dars talabalarda Kelajak biznesi haqida motivatsiyani shakllantirdi.

Nazariya va amaliyot uyg'unligi

2025-05-24T02:08:40.408Z

2025-yilning 21-may kuni "Iqtisodiyot va turizm" fakulteti professor-o'qituvchilari - N.M.Ziyaviddinova va Sh.B.Malikovalar tomonidan "Komforttekstil" MChJda ishlab chiqarish darsi tashkil qilindi. Universitetning sirtqi ta'lim shakli - 9- I IRBS-23 va 9-1 MENS -23 guruhi talabalari o'zlarining "Mehnat bozori iqtisodiyoti" va "Buxgalteriya hisobi" fanlaridan olayotgan nazariy bilimlarini amaliyotda ko'rdilar.

Ishlab chiqarishda o'tgan dars talabalarga kelajak biznes uchun motivatsiya uyg'otdi.

Nazariy bilimlar va amaliy faoliyat birligi

2025-05-10T07:26:25.522Z

2025-yilning 8-may kunida Buxoro davlat universiteti Iqtisodiyot va turizm fakulteti 3-1 MEN-23 va 3-4 IQTSIM-23 guruh talabalarining "Buxgalteriya hisobi" fanidan olayotgan bilim va ko'nikmalarini mustahkamlash, yangi tajribalarni ko'rib o'rganish maqsadida amaliy mashg'ulot soatlari "Kamalak Shabnam teks" MChJda tashkil qilindi.

Amaliy dars talabalarda Kelajak biznesi haqida motivatsiyani shakllantirdi.

Bilimli yoshlar – barqaror iqtisodiy taraqqiyot asosi

2025-05-07T00:41:57.446Z

2025-yilning 4-may kuni Buxoro davlat universitetida O‘zbekiston Respublikasi Markaziy banki Buxoro viloyat bosh boshqarmasi, Buxoro viloyati Davlat soliq bosh boshqarmasi, Tijorat banklari, Sug‘urta kompaniyalari hamda Universitetning Buxgalteriya hisobi va statistika kafedrasi hamkorligida “Bank, soliq va sug‘urta xizmatlaridan samarali foydalanishda moliyaviy savodxonlik madaniyatining roli” mavzusida trening tashkil etildi.
Treningni “Buxgalteriya hisobi va statistika” kafedrasi mudiri – i.f.f.d Y.U.Sunnatov ochib berdi, trening kun tartibi, tashrif buyurgan bank-moliya sohasi vakillari bilan talabalarni tanishtirdi.

Treningda kafedra dotsenti B.S.Isomov talabalarga bugungi kunda bank-moliya sohasidagi o'zgarishlar, yangiliklar, yutuqlar va bu sohaning istiqbollari haqida o'z fikrlarini bayon etdi.
Treningda talabalarning Bank, soliq va sug‘urta sohasidagi bilimlari va bank-moliya to‘g‘risidagi ko‘nikmalarini oshirish maqsadida moliya-bank sohasi xodimlari kerakli axborot va ma’lumotlarni ularga taqdim qildi, talabalar hamda mutaxassislar o‘rtasida moliyaviy savodxonlik madaniyatini rivojlantirish, bank, soliq va sug‘urta xizmatlaridan oqilona foydalanish bo‘yicha savol-javoblar tashkil qilindi. Trening davomida talabalar:
🔹 Moliyaviy savodxonlikning bank tizimidagi o‘rni va ahamiyati
🔹 Bank xizmatlaridan to‘g‘ri va samarali foydalanish yo‘llari
🔹 Soliq va moliyaviy tizimda dolzarb yangiliklar
🔹 Tijorat banklari tajribasidan amaliy misollar
🔹 Moliyaviy xatolar va ularning oldini olish strategiyalari haqida bilimlarga ega bo‘ldilar.
Tadbirda O‘zbekiston Respublikasi Markaziy banki Buxoro viloyat bosh boshqarmasi pul-kredit departamenti bosh mutaxassisi - Nodir Adizov, "OʻZBEKINVEST" EISK AJ Buxoro viloyat filiali menejeri-Karimov Timur, Menejer katta assistenti-Xudayarova Mohimbonu, Buxoro viloyati Ipotekabank otp group BXM boshlig'i-Roziqova Sayyora, Agrobank ATB Buxoro viloyat Hududiy filiali bo‘lim boshlig‘i - Hamidov Subxonlar tashrif buyurdi.

Trening qizg'in bahs va munozaralarga boy bo'ldi, talabalar o'zlarining bank-moliya sohasidagi savollariga mutaxassislardan javob olishdi.

Bilimli yoshlar – barqaror iqtisodiy taraqqiyot asosi

2025-05-07T00:17:34.235Z

2025-yilning 3-may kuni Buxoro davlat universitetida O‘zbekiston Respublikasi Markaziy banki Buxoro viloyat bosh boshqarmasi, Buxoro viloyati Davlat soliq bosh boshqarmasi, Tijorat banklari, Sug‘urta kompaniyalari hamda Universitetning Buxgalteriya hisobi va statistika kafedrasi hamkorligida “Bank, soliq va sug‘urta xizmatlaridan samarali foydalanishda moliyaviy savodxonlik madaniyatining roli” mavzusida trening tashkil etildi.
Treningni “Buxgalteriya hisobi va statistika” kafedrasi mudiri – i.f.f.d Y.U.Sunnatov ochib berdi, trening kun tartibi, tashrif buyurgan bank-moliya sohasi vakillari bilan talabalarni tanishtirdi.

Treningda kafedra dotsenti B.S.Isomov talabalarga bugungi kunda bank-moliya sohasidagi o'zgarishlar, yangiliklar, yutuqlar va bu sohaning istiqbollari haqida o'z fikrlarini bayon etdi.
Treningda talabalarning Bank, soliq va sug‘urta sohasidagi bilimlari va bank-moliya to‘g‘risidagi ko‘nikmalarini oshirish maqsadida moliya-bank sohasi xodimlari kerakli axborot va ma’lumotlarni ularga taqdim qildi, talabalar hamda mutaxassislar o‘rtasida moliyaviy savodxonlik madaniyatini rivojlantirish, bank, soliq va sug‘urta xizmatlaridan oqilona foydalanish bo‘yicha savol-javoblar tashkil qilindi. Trening davomida talabalar:
🔹 Moliyaviy savodxonlikning bank tizimidagi o‘rni va ahamiyati
🔹 Bank xizmatlaridan to‘g‘ri va samarali foydalanish yo‘llari
🔹 Soliq va moliyaviy tizimda dolzarb yangiliklar
🔹 Tijorat banklari tajribasidan amaliy misollar
🔹 Moliyaviy xatolar va ularning oldini olish strategiyalari haqida bilimlarga ega bo‘ldilar.
Tadbirda O‘zbekiston Respublikasi Markaziy banki Buxoro viloyat bosh boshqarmasi pul-kredit departamenti bosh mutaxassisi - Nodir Adizov, Agrobank ATB Buxoro viloyat Hududiy filiali bo‘lim boshlig‘i - Hamidov Subxonlar tashrif buyurdi.

Trening qizg'in bahs va munozaralarga boy bo'ldi, talabalar o'zlarining bank-moliya sohasidagi savollariga mutaxassislardan javob olishdi.

Yevroittifoq bilan iqtisodiy hamkorlik – O‘zbekiston tashqi siyosatining muvaffaqiyatli yo‘nalishi

2025-04-05T10:46:56.471Z

O‘zbekistonning so‘nggi yillarda olib borayotgan ochiq iqtisodiy siyosati, xorijiy investorlar uchun yaratilayotgan qulay muhit, valyuta bozorining liberallashuvi va soliq tizimidagi islohotlar mamlakatni xalqaro moliyaviy maydonda yanada jozibador qilib ko‘rsatmoqda. Ayniqsa, Yevropa Ittifoqi bilan iqtisodiy hamkorlik borasidagi yutuqlar ushbu siyosatning amaliy natijalarini yaqqol namoyon etmoqda.

2024-yilda O‘zbekiston va Yevroittifoq o‘rtasidagi savdo hajmining 6,4 milliard dollarga yetgani, bu esa 5,2 foizlik o‘sishni anglatadi, aynan shu yo‘nalishdagi islohotlarning samaradorligidan dalolat beradi. Yana bir muhim ko‘rsatkich – mamlakatda faoliyat yuritayotgan mingdan ortiq Yevropa kapitaliga ega korxonalar va umumiy investitsiyalar hajmining 30 milliard yevroga yetgani – bu ikki tomonlama ishonch darajasining balandligidan dalolatdir.

Ayni paytda, imzolanishi kutilayotgan Kengaytirilgan sheriklik va hamkorlik to‘g‘risidagi bitim (EPCA) bu munosabatlarni yanada chuqurlashtirishga xizmat qiladi. Ushbu bitim savdo, investitsiyalar, texnologik almashinuv, huquqiy muvofiqlashtirish va ekologik me'yorlarga muvofiqlik kabi ko‘plab sohalarda o‘zaro aloqalarni sifat jihatidan yangi bosqichga olib chiqishi kutilmoqda.

Ushbu jarayon O‘zbekiston uchun ikki yo‘nalishda katta ahamiyat kasb etadi:

Ichki iqtisodiy rivojlanish – yangi texnologiyalar, innovatsiyalar va sarmoyalar kirib keladi.
Xalqaro iqtisodiy integratsiya – O‘zbekiston Yevroittifoq singari kuchli va barqaror bozorlar bilan tizimli, institutsional hamkorlikka ega bo‘ladi.

Umuman olganda, Yevroittifoq bilan iqtisodiy hamkorlikning kengayib borayotgani – bu O‘zbekistonning jahon iqtisodiyotidagi o‘rnini mustahkamlashga, aholi farovonligini oshirishga va barqaror taraqqiyotga xizmat qiluvchi eng muhim omillardan biridir.

Malikova Shoira Baxtiyorovna

"Buxgalteriya hisobi va statistika" kafedrasi o'qituvchisi