@mansurturdiyev

Prezident qarori bilan faxriy donorlarga bir qator huquqlar berilmoqda.

2022-08-10T08:09:31.202Z

2023 yil 1 yanvardan boshlab:

“O‘zbekiston Respublikasi faxriy donori” ko‘krak nishoni bilan taqdirlangan shaxslarga biryo‘la beriladigan pul mukofoti summasi bazaviy hisoblash miqdorining besh baravaridan o‘n besh baravarigacha oshiriladi.

✅ “O‘zbekiston Respublikasi faxriy donori” ko‘krak nishoni bilan taqdirlangan shaxslarga quyidagi huquqlar beriladi:

● ular uchun qulay bo‘lgan vaqtda yillik asosiy mehnat ta’tiliga chiqish;

● shahar jamoat transportining barcha turlaridan (yo‘nalishli

va yo‘nalishsiz taksilardan tashqari) bepul foydalanish;

● davlat sanatoriy-kurortlarida davolanish uchun yo‘llanmalarni navbatsiz olish.

✅ Doimiy (yiliga kamida 3 marta qon topshiruvchi) donorlar va ularning yaqin qarindoshlari (ota-onalari, turmush o‘rtog‘i, farzandlari, aka-uka va opa-singillari, turmush o‘rtog‘ining ota-onalari) statsionar davolanish jarayonida, zarurat tug‘ilganda, qon va uning tarkibiy qismlari bilan bepul ta’minlanadi.

✅ Donorlarni bepul ovqat bilan ta’minlash bo‘yicha xarajatlarning qiymati respublika bo‘yicha bir xil – mehnatga haq to‘lash eng kam miqdorining 3 foizi miqdorida belgilanadi.

✅ Immun donorlarga o‘tkazilgan immunizatsiya va topshirilgan plazmasi uchun haq to‘lash miqdori mehnatga haq to‘lash eng kam miqdorining oshirilishi darajasi doirasida mutanosib ravishda indeksatsiya qilib boriladi.

✅ Shoshilinch holatlarda donor qonining tarkibiy qismlarini tashish uchun tez tibbiy yordam xizmatidan foydalanishga ruxsat beriladi.

❗Shuningdek, har oyning ikkinchi haftasi “Qon donorligi haftaligi” deb e’lon qilindi.

Termiz shahar adliya bo‘limi yuridik

xizmat ko’rsatish markazi boshlig’i

3-darajali adliya maslahatchisi

M.Turdiev

“Davlat fuqarolik xizmati to‘g‘risida”gi qonun Prezident tomonidan imzolandi.

2022-08-10T05:32:54.150Z

Qonun bilan davlat organlarida fuqarolik hizmatini o‘tash tartibi, ushbu sohadagi davlat boshqaruvi, davlat xizmatchilarining huquqiy maqomi belgilandi.

Davlat fuqarolik xizmatini o‘tashda mazkur Qonun bilan tartibga solinmagan munosabatlarga Mehnat kodeksi qo‘llaniladi.

Davlat xizmatchisi o‘z rahbarining noqonuniy topshiriq va talablarini bajarishdan bosh tortish, korrupsiya haqida xabar berganda davlat himoyasida bo‘lish huquqiga ega.

Davlat xizmatchisi tadbirkorlik bilan shug‘ullanishi, ularning muassisi bo‘lishi, O‘zbekistondan tashqarida hisobvaraqlar ochishi, chet elda ko‘chmas mulk olishi taqiqlanadi.

Davlat xizmachisi daromadlari va mol-mulki to‘g‘risida deklaratsiya berishi kerak.

Prezident tomonidan tasdiqlanadigan davlat fuqarolik xizmati lavozimlarining reestri Davlat xizmatini rivojlantirish agentligi tomonidan yuritiladi.

Davlat xizmatiga davlat tilini biladigan, tegishli malaka talablariga javob beradigan O‘zbekiston fuqarolari qabul qilinadi.

Davlat xizmatchilari uchun 5 kunlik ish haftasi va haftasiga 40 soatdan oshmaydigan ish davomiyligi belgilanadi.

Davlat xizmatchilariga haq to‘lash quyidagilardan iborat:

● bazaviy lavozim maoshi;

● ko‘p yillik xizmati uchun qo‘shimcha to‘lov;

● malaka darajasi uchun qo‘shimcha to‘lov;

● eng muhim samaradorlik ko‘rsatkichlarga erishganlik uchun ustama;

● hisobot davri yakunlari bo‘yicha rag‘batlantiruvchi to‘lovlar.

Davlat xizmatchilariga hayfsan, jarima, ishdan bo‘shatish bilan bir qatorda malaka darajasini pasaytirish va lavozimini pasaytirish tarzidagi intizomiy jazolar ham qo‘llaniladi.

Davlat xizmatchilariga 27 kundan kam bo‘lmagan yillik asosiy ta’til beriladi.

Qonun rasmiy e’lon qilingan kundan e’tiboran 3 oy o‘tgach kuchga kiradi.

Termiz shahar adliya bo'limi yuridik xizmat ko’rsatish

markazi boshlig’i 3-darajali adliya maslahatchisi

M.Turdiyev

Tibbiyot xodimlari bilan huquqiy-targ‘ibot o‘tkazildi.

2022-04-12T04:10:17.541Z

Joriy yilning 11 aprel kuni Termiz shahar yuridik xizmat xodimlari tomonidan 1-sonli oilaviy poliklinika xodimlari bilan huquqiy targ‘ibot tadbiri o‘tkazildi.

Targ‘ibot davomida xodimlar tomonidan mehnat intizomiga rioya etilishi, ish beruvchi va xodimlarning huquq, majburiyatlari hamda xodimlarga berilgan imtiyozlar to‘g‘risida batafsil tushuntirishlar berildi.

Shuningdek, suhbat so‘nggida xodimlarni qiziqtirgan savollarga batafsil javob berildi.