Joʻrabek Mehmonov

"Buyuk yozuvchilarning hayoti" (2015) kitobidagi mashhur asarlarga bagʻishlangan karikaturalar.

2025-07-15T16:43:19.372Z

Stendalning uyiga Qizil va Qora mehmon boʻlib keldi.

Sharl Bodler yovuzlik gullarini oziqlantirmoqda.

Astrid Lindgren uzun paypoq toʻqimoqda.

Ernest Xeminguey qurol bilan xayrlashmoqda.

Oskar Uayld Dorian Greyning portretini chizmoqda.

Moris Meterlink moviy qushni tutishga harakat qilmoqda.

Uilyam Golding pashshalarni boshqarmoqda.

German Gesse marjon oʻynamoqda.

Hasharotga aylangan Frans Kafka.

Entoni Byorjess murvatli apelsin yasamoqda.

Etel Lilian Voynichni soʻna chaqib oldi.

Redyard Kipling oq tanli kishini koʻtarib turibdi.

Artyur Rembo oftalmolog huzurida.

Mayn Rid boʻlajak asar uchun obraz yaratmoqda.

Edvard Olbi Virjiniya Vulfdan qo'rqyapti.

Marsel Prust yoʻqotilgan vaqtni izlamoqda.

Fyodor Mixaylovich Dostoyevskiy boʻlajak shoh asarning asosiy sahnasi ustida ishlamoqda.

Chexov oʻzining bogʻida yetishtirilgan olchalarni sotmoqda.

Aleksandr Blok tungi navbatchilik uchun dorixonaga kelmoqda.

"Bekatda" (O'Genri)

2025-05-12T13:02:31.221Z

Har kuni ayni shom boshlanishi arafasida o‘sha sokin va kichkinagina xiyobonning o‘sha jimjit muyulishiga kulrang libosdagi bir qiz har doimgiday yana kirib keladi. U tanish o‘rindig‘iga yaxshilab joylashib oladi-da, boshqa hech qanday ishi yo‘qday berilib kitob o‘qiy boshlaydi.
Yana takroran aytaman: qizning libosi kul rangda bo‘lib, uning qomati va kiyinish uslubidagi har qanday nuqsonni yashira olish darajada bejirim qilib tikilgandi. Katta to‘rli ro‘moli qizning dum-dumaloq shlyapasi ustidan epchillik bilan tang‘ib olingan, shlyapasi ostidan esa qizning chiroyli yuzi benazir husn va latofat taftidan yal-yal yonib turardi. U bu yerga o‘tgan kuni ham xuddi shu soatda kelgan, undan oldingi kuni ham ushbu holat takrorlangan va qizning mazkur odatini shu yerdagi sirli bir odam har kech kuzatib yurardi.
O‘sha sirli odam kelishgan, yoshgina yigit bo‘lib, necha kundan beri o‘z omadini kutib doim sal narida qizni poylab turardi. Shu kun yigitchaga taqdir kulib boqqandek bo‘ldi, qiz o‘qib o‘tirgan kitob to‘satdan qo‘lidan tushib ketdi-da, bir-ikki qadam nariga uchib tushdi. O‘sha zahoti uddaburron yigit kitobga chang soldi-da, uni sohibjamol qizga cheksiz umid va olijanoblik hamda hurmat ila tutqazdi. Kitobni qizning qo‘liga berayotgan damda fursatdan foydalanib, kechki havo haqida muloyim ovozda bir-ikki og‘iz gap qistirib qo‘ydi. Odatda, ob-havo mavzusi qismatlar yo‘lini tutashtiruvchi, yoki baxtsizlik va yo bir dunyo tole’ taqdim etguvchi ilk tanishuv debochasi hisoblanadi.
Shu paytda qiz ham unga ziyraklik bilan zehn solib chiqdi, yigitning odmigina, lekin top-toza g‘ubori yo‘q ko‘ylagidan uning sofdil yigit bo‘lsa kerak, deb xayol qildi.
“Agar istasangiz, o‘tirishingiz mumkin”, — dedi qiz bag‘rikenglik qilib, “bemalol tortinmay o‘tiravering. Bu yer kitob o‘qish uchun ancha qorong‘ulik qilyapti. Yaxshisi, suhbatlashganim ma’qulroq chamasi”.
Birdan kelib qolgan omadni boy berishni istamagan baxt izlovchisi qizning yoniga mamnuniyat bilan o‘tirdi.
“Ishonasizmi”, — deya gap boshladi yigit biroz rasmiy ohangda, “siz men dunyoda uchratgan eng-eng jozibali qiz bo‘lasiz! Mana bu chiroyli, porillab turgan ko‘zlaringiz bilan bir odamni anchadan beri xayolini olib qo‘yganingizni o‘zingiz ham bilasizmi, asalim?”
“Nimalar deyapsiz siz? Kimsiz o‘zi?”- birdan qizning jahli chiqib ketdi. “Esingizda tursin: Men oliynasab yosh xonim bo‘laman. Og‘zingizga kelgan gapni aytaverasizmi? Mayli, hozirgina qilgan iltifotli ishingiz uchun bu gapingizni kechirdim ham deylik, ammo faqat kitobni olib berganingiz uchungina kechiraman, bilib qo‘ying. Sizga o‘tira qoling, deganim bu sizga meni “asalim, shakarim” deb ketaverishingizga ijozat berganim emas. Garchi siz shunday deb qabul qilgan bo‘lsangiz, u holda aytgan so‘zimni qaytib oldim”.
“Ming bor uzr, juda hijolatdaman, kechiring meni”, — dedi yigit astoydil yalinib. Uning mamnuniyat to‘la ko‘zlari pushaymonlik va kamtarlik ifodasi bilan almashdi. “Oldingizda katta gunoh qildim, ma’zur tuting. Men o‘ylabmanki, xiyobonga kelib turadigan qizlar, albatta, siz bilasizmi, bilmaysizmi, ehtimol…”
“Mavzuni o‘zgartirsak, iltimos sizdan”, — dedi qiz gapni cho‘rt kesib. “Albatta men bilaman. Ammo men to‘g‘rimda bo‘lmag‘ur o‘ylarga aslo bora ko‘rmang. Yaxshisi, siz menga hamma yoqda g‘uj bo‘lib, yo‘lakchalarda u yoqdan-bu yoqqa shoshilib o‘tib turgan odamlar haqida gapirib bering. Bu odamlar o‘zi qaerga ketishyapti? Nega bunchalik shoshilib yurishadi? Ular baxtli odamlarmi o‘zi?”
Sal oldin mulzam bo‘lib qolgan yigit endi tannozlik qiyofasini tashlab, biroz mulohazakor odamga aylanib qolgandi. U hadeb bo‘lsa-bo‘lmasa gap suqavermasdan, faqat gapirish navbati yetib kelgunicha miq etmay, kutib o‘tirgandi.
“Ularni tomosha qilish maroqli hol”, — deb javob berdi u, qizning kayfiyatini o‘zicha baholab. “Hayotning g‘aroyib tomoshasi bu. Bu odamlarning ba’zilari kechki ovqatga, ba’zilari bo‘lsa…yana boshqa-boshqa joylarga ketyapti. Kim bilsin, ularning har bittasining taqdiri qanday ekan?”

“To‘g‘ri aytasiz, buni hech kim bilmaydi”, — dedi qiz, “men tergovchi emasman, bema’ni savollar bergan bo‘lsam, to‘g‘ri tushuning. Men bu yerga shunchaki toza havoda o‘tirib, yengil nafas olib ketish uchungina kelaman, zotan faqat shu sokin xiyobondagina insonning yurak zarblarini xotirjam va teran his qila olish mumkin. Biroq baxtga qarshi mening jamiyatda tutgan o‘rnimda ana shu hissiyotni, qalb olamini hech qachon tinglay olmaysiz. Siz mening nima deyayotganimni tushunyapsizmi, janob…?”
“Janob Parkensteper”, — deya qizning gapini to‘ldirdi yosh yigit. Shunday deb u yana umid va chanqoqlik to‘la ko‘zlarini qizga tikdi.
“Yo‘q”, — dedi qiz ingichka barmog‘ini o‘ynagancha, biroz kulimsirab, “siz mendagi holatni darrov tushuna olmaysiz. Axir kimnidir ko‘nglini anglay qolish bu lahzalik ish emas-ku. Hatto odamning ko‘rinishidan ham uning ichki dunyosini belgilab olish mushkul ish. Oqsochim tang‘ib qo‘ygan mana bu ro‘mol bilan shlyapa go‘yo boshimdagi butun o‘y-xayollarimni-da berkitib qo‘yganday. Hatto har doim sizni mashinada olib yuradigan haydovchingiz ham har kuni ko‘zlaringizda miltirab turgan mungni payqay olmaydi. Ochig‘ini aytganda, kimlargadir yuqori tabaqaga mansub kishilar toifasidan bo‘lish ulkan baxtday bo‘lib tuyuladi. Ammo ularning hammasi ham baxtli emas…Men sizga gapiryapman, janob Stekenpot?”
“Parkensteker”, — deb qizning xatosini to‘g‘rilab qo‘ydi yigit kamtarlik bilan.
“Kechirasiz, janob Parkensteker”, — qiz uzr so‘rab, yana gapida davom etdi. “Bilasizmi, men har doim chinakam inson – omonat mol-dunyo jimjimasiga uchib, o‘zligini buzmagan, haqiqiy odamiylik qiyofasini unutib, manfur va yulg‘ich kimsaga aylanib qolmagan, qaysidir ma’noda hayotdagi eng ulug‘ toifaga munosib asl inson bilan dardlashib o‘tirgim keladi. Oh! Siz mening bu yarog‘siz boylik ohanjamasidan qanchalar charchaganimni bilmaysiz! O‘zingiz ham ko‘ring, bu hayotda hamma narsa pul, pul, faqat pul! Hatto oqshomgi bazmlarda ham bir-biridan qolishmaslik uchun ataylab har-xil soch turmagi bilan kelishadi. Bu ham jonimga tegadi! O‘sha zebu ziynat, o‘sha sayru sayohat, o‘sha tillolarga chulg‘angan jamiyatning kibor toifasi – hamma-hammasi bo‘g‘zimga keldi! Men nihoyatda bezib ketdim!”
“Menda esa aksincha”, — yigit ancha ikkilanib o‘zicha tavakkal qildi, “ya’ni, menda hamisha shunday fikr bo‘lgan: Pul bu juda yaxshi, nihoyatda ajoyib narsa bo‘lishi kerak”.
“Haqiqiy yaxshi va ajoyib, chin yurakdan orzu qilinadigan narsa bu – iste’dod! Million-million pulingiz bo‘lsa-yu, ozginagina iqtidoringiz bo‘lmasa, boyligingizning hech qancha ahamiyati bo‘lmaydi!” Qiz umidsiz va tushkun ohangda gaplariga xulosa yasadi. Oradagi biroz jimlikdan keyin, tag‘in so‘zlay boshladi: “Hamma narsada bir xillik, zig‘ircha o‘zgarish yo‘q. Mashinalar, kechki ziyofatlar, teatr, tomosha va o‘tirishlar. Hammasi keragidan ortiq, bizning ehtiyojimizdan ko‘ra ortiqcha darajada mo‘l-ko‘l. Ba’zida hattoki, shampan quyilgan stakanimdagi muzning tiringlashi ham asabimga tegib, jinni qilib qo‘yay deydi meni…”
Janob Parkensteker qizning barcha gaplarini katta qiziqish va zakiylik bilan tinglab o‘tirardi.
“Baribir menga badavlat odamlar va ularning mol-dunyo orttirish yo‘llari to‘g‘risida eshitishni jon-dilimdan yaxshi ko‘raman. Menimcha, ozgina xudbinroq bo‘lsam kerak. Lekin siz bilan suhbatlashib o‘tirib, fikrlarimga oydinlik kiritb olyapman. Nazarimda, menga quyilgan shampan vinosi allaqachon sovib qolgan va mening qadahimda hech qanday muz qolmagan ham”.
Shu vaqt qiz chin dildan, xushchaqchaqlik bilan qah-qah otib kulib yubordi.
“Bilasizmi”, — dedi u ko‘ngilchanlik bilan, “bizlar hech kimga keragi bo‘lmagan, o‘zimiz istagandek rohat-farog‘atni topolmaydigan toifalardanmiz. O‘sha shampan quyilgan qadah va muz solish shunchaki bema’ni bir hoyu havas, shunchaki oliftagarchilik, xolos. Sizga bitta voqeani aytib beraman hozir. Bir kuni Uolderf degan joyda o‘tkazilayotgan bazmga Tortari shahzodasi qadam ranjida qilibdi. Bazmdagilar darrov rasmiyatchilikni, dabdagarchilikni joyiga qo‘yishibdi.

Hattoki ular kechki taom dasturxonida har bitta kibor mehmonning likopchasi yoniga bir donadan yosh bolalarning qo‘lqopini qo‘yib chiqishibdi. Qo‘lqop nima uchunligini fahmlayapsizmi? U mehmonlar zaytun yeyayotgan paytlarida og‘izni artish uchun qo‘yilgan edi”.
“Sizni tushunyapman”, — deb yon bosdi yigit kamtarlik bilan. “Unday oliymaqom davralarning o‘shanday ovunchoqlari oddiy xalq uchun g‘ayrioddiy holat bo‘lib kelgan doim”.
“Gohida”, — deya gapini davom ettirdi qiz, ayni chog‘da u yigitning e’tirofiga minnatdorchilik bilan boshini egib qo‘ydi, “shunday o‘ylaymanki, basharti qismat menga ham muhabbat baxtini in’om etib, kimnidir sevib qolgudek bo‘lsam, mening ko‘ngil mulkimga quyi tabaqadagi oddiy odam podshoh bo‘lib saylanishini tilagan bo‘lardim. U oddiygina ishchi bo‘lsa ham mayli, lekin tekintovoq bo‘lmasin. Ammo tan olish kerakki, ko‘ngil istagidan ko‘ra boylik qutqusi kuchliroq harakat qilarkan. Men ham ikki nafar badavlat kishilar tomonidan band etilganman. Ulardan biri nemis millatiga mansub, qaerdadir direktor bo‘lib ishlovchi Grend Dyuk ismli zodagon odam. Men uni qaydadir allaqachon xotini bor, yo bo‘lmasam qachonlardir bo‘lgan, deb o‘ylayman. Uning johilligi va yengiltakligi uchun o‘ldirib qo‘yay deyman. Ikkinchi kishi millati ingliz bo‘lgan bir markiz, nihoyatda pulga o‘ch va sovuqqonki, men hatto undan ko‘ra ba’zan berigi nemisni ham afzalroq ko‘rib ketaman. Eh, shunaqa savdolar bor mening boshimda! Qiziq, bularni sizga so‘zlab berishga meni nima majbur qilayapti ekan, hayronman, janob Parkensteker?”
“Parkensteker”, — deb to‘g‘rilab qo‘ydi yigit yana muloyimlik bilan. “Bilasizmi, siz ayni damda sizdagi ishonch va jasurlikni men nechog‘lik qadrlab o‘tirganimni hatto o‘zingiz ham his qilolmasangiz kerak”.
Qiz yigitga javoban unga samimiy, mehribon nigohini qadadi.
“O‘zingiz nima ish qilasiz, janob Parkenteker?”- deb so‘radi u yigitdan.
“Bizniki o‘ta oddiy, kamtarona bir ish, xonim”, — dedi yigit. “Biroq men ham bu olamda yuqoriga ko‘tarilib yashashga umid qilaman. Siz boya quyi tabaqadagi insonni sevib qolish xususidagi orzuyingizni jiddiy aytdingizmi?”
“Albatta, jiddiy aytdim”, — deb javob berdi qiz. “Biroq men “ehtimol”deb aytdim. Axir peshonamda nomzod bo‘lib turgan Dyuk bilan markiz borligidan xabaringiz bor-ku. Ha, ammo ko‘nglimdagi orzuyim hamon o‘sha-o‘sha, u darajada quyi bo‘lmagan, oddiyroq bir insonni orzu qilib yashayapman”.
“Men”, — deya xitob qildi shu vaqt janob Parkentseker qizning gapini bo‘lib, “oddiygina restoranda xuddi siz orzu qilgandek oddiygina bir ishchi bo‘lib ishlayman”.
Shunda qiz yigitdan biroz o‘zini olib qochdi.
“Ishqilib ofitsiant bo‘lib emasmi?”
“Men hisobchiman”, — dedi yigit. “Shu xiyobonning ro‘parasida elektr chirog‘i yaltirab turgan “RYeSTORAN” degan yozuvni ko‘ryapsizmi? Men xuddi o‘sha restoranda hisobchi bo‘lib ishlayman”.
Qiz yigitning gaplarini eshitish asnosida chap bilagidagi shohona bilaguzuk o‘rtasiga o‘rnatilgan qo‘l soatiga tez qarab oldi-da, shoshib o‘rnidan turdi. Tizzasidagi kitobini beli tor qilib tikilgan ko‘ylagining yon cho‘ntagiga solib qo‘ydi. Lekin kitob cho‘ntakka arang sig‘ib, ko‘ylakning yonboshi ancha do‘ppayib qoldi.
“U holda nega ishda emassiz, janob Parkensteker?”- deb so‘radi qiz.
“Mening navbatim tunda, xonim”, — dedi yigit. “Ish soatim boshlanishiga hali ancha vaqt bor. Darvoqe, sizni yana ko‘rishimga umid qilib qolsam bo‘ladimi?”
“Bilmadim”, — deb javob berdi qiz o‘ychan. “Ehtimol yana ko‘rishib qolarmiz. Mening injiqligim tutib qolmasa, albatta. Endi esa zudlik bilan ketishim lozim. Bugun yana bazm va o‘tirishimiz bor. Eh, yana o‘sha eski hammom, eski tos! Siz balki, bu yoqqa kelayotganingizda xiyobon muyulishida turgan avtomobilga ko‘zingiz tushgandir? Oq rangdagi?”
“Qizil g‘ildiraklimidi?”- dedi yigit peshonasini tirishtirgancha mulohazasini bildirarkan.

“Ha, o‘sha. Men har gal o‘sha mashinada kelaman. Haydovchim meni muyulishda kutib turadi. U meni do‘kondan u-bu xarid qilib yurgandir, deb o‘ylaydi. U yuragimda yuz berayotgan holatni aslo tushunmaydi. Qaerda bo‘lmaylik, hayotning chinakam lazzati ustun chiqarkan bor o‘ylaringizdan. Shuning uchun hatto haydovchilarimizni ham aldashga majbur bo‘lamiz. Gaplarim cho‘zilib ketdi, tezroq keta qolay endi, janob Parkensteker. Xayrli tun sizga”.
“Lekin shoshmang”, — dedi yigit qizni to‘xtatib. “Hozir judayam qorong‘u bo‘lib qoldi, buning ustiga xiyobon ham bezorilar bilan to‘la bo‘lsa. Men sizni — ”
“Agarda mening orzu-umidlarimga nisbatan zarracha hurmatingiz bo‘lsa”, — dedi u shunda qat’iy turib, “men ketganimdan keyin mana shu o‘rindiqda o‘n daqiqa tek o‘tirib turasiz. Taklifingizga e’tirozim yo‘q-ku, ammo haydovchim o‘z sohibasini bir o‘zinimas, yonida qandaydir begona erkak bilan ko‘rib qolsa, buning oqibati yaxshi bo‘lmasligi mumkin…Yaxshi qoling, janob Parkensteker!”
Qiz ildamlik bilan tez-tez yurib ketdi, uning ulug‘vor qiyofasi bir zumda qorong‘ulik qa’riga singidi. Yigit esa turgan joyida qizning xiyobon chetidagi yo‘lak bo‘ylab shoshib ketayotganini zimdan kuzatib turarkan, muyulishdagi mashina yoniga yetganida birdan qizning shartta to‘xtaganini payqadi. Shunda yigit qizning iltimosini buzib, hech narsani o‘ylamay, uning ortidan chaqqon yurib keta boshladi. Janob Parkensteker qizni ko‘zdan qochirmaslik va unga sezdirib qo‘ymaslik uchun ataylab butazor va yo‘g‘on daraxtlarni pana qilib oldinga yuraverdi.
Shunda yigit qizni muyulishdagi mashinaga chiqmasdan, unga chap berib, ko‘chani qoq o‘rtasidan kesib o‘tganini ko‘rib qoldi. O‘ziga qulayroq yerga turib oldi-da, yigit yana uning keyingi hatti-harakatlarini sinchiklab kuzataverdi. Asosiy yo‘lakni bosib o‘tarkan, qiz tepasida yaltiroq belgi nur sochib turgan restoranga kirib ketdi. Bu restoran boya yigit aytib o‘tgan joy bo‘lib, bu yerda eng arzon va oddiy taomlar tayyorlanar edi. Xonimlardek viqor bilan kiyinib olgan qiz esa restoranga kirgan zahoti uning orqa xonasiga o‘tdi-da, bir zumda boshidagi shlyapasi bilan to‘r ro‘molini yechib, qaytib chiqdi.
Restorandagi hisobchilik joyi qoniqarli holatda edi. Unda o‘tirgan bir mallasoch qiz har doimgiday devordagi katta soatga tez nazar tashladi-da, asta o‘rnidan turdi. Uning joyini kulrang libosdagi bizning “xonim”imiz egalladi.
Bu paytda janob Parkensteker ko‘chada ikkala qo‘lini cho‘ntaklariga solib olgancha yo‘lak bo‘ylab sekin bosib kelardi. Muyulishga yetib kelganida, uning oyoqlariga yo‘l chetidagi chimzor ustida yotgan kichkinagina, qog‘ozga o‘ralgan nimadir urilib ketdi. Uning yaltiroq va bezakli muqovasidan yigit bu boya qiz o‘qib o‘tirgan kitob ekanligini tanidi. Uni loqaydlik bilan qo‘liga olarkan, janob Parkensteker kitobning sarlavhasiga asta ko‘z tashladi. Bu Stivenson ismli muallif tomonidan yozilgan “Yangi ming bir kecha”nomli kitob edi. Yigit hafsalasi pir bo‘lgandek uni yana o‘t ustiga tashladi-da, o‘zi ham bir-ikki daqiqa chimzor ustida cho‘zilib yotdi. Birozdan keyin janob Parkensteker o‘rnidan turib, muyulishdagi oppoq, g‘ildiraklari qizil mashina yoniga kelib to‘xtadi. U mashinaning orqa o‘rindig‘iga o‘zini tashladi-da, momiq, par yostiqchalar ustiga yastanib olgancha, haydovchisiga ikki og‘izgina so‘z aytdi:
“Uyga, Genri”.

Inkuzart

2025-04-25T12:18:02.237Z

Abdurahmon 1988-yilda tugʻilgan, Chilonzorda yashaydi.

"Men mahalliy Benksi emasman"

Men street-art bilan shug'ullana boshlaganimda, Benksi haqida bilmasdim. Unga o'xshatishlarini yoqtirmayman, chunki unga o'xshashga harakat qilmayman. Lekin uning ishlarini hurmat qilaman"

– Inkuzart

Abdurahmon institutga kirishi kerak bo‘lgan paytda rassomchilikka o‘qimasligini tushunib yetgan. U Benkov yoki Behzod nomidagi institutlarga kirishni istagan, ammo buning uchun hatto harakat ham qilmagan.

Keyinchalik esa Toshkent temiryo‘l muhandislik institutining qurilish fakultetiga oʻqishga kiradi. 2011-yilda o‘qishni tugatib, muhandis-geodezist bo‘lib ishga kiradi va hozirda binolar va landshaftning o‘qlari va koordinatalarini hisoblaydi, topografik suratga olish ishlarini olib boradi.

“Qilayotgan ishimning barchasi menga yoqadi. Agar meni bitta xonaga 10 yilga qamab qo‘yishsayu, qo‘limga kitob, gitara va pianino berilsa, menga boshqa hech narsa kerak bo‘lmaydi. Menga umuman hech narsa kerak emas”.
– Abdurahmon

Abdurahmonning xonasi.

2017-yilda Abdurahmonning singlisi unga bir nechta graffiti asarlarni yuboradi va o‘zini yangi sohada sinab ko‘rish taklifini beradi. O‘shanda strit-art uning sohasi emasligini aytadi.

Oradan 3 yil oʻtdi. 2020. Pandemiya. Izolyatsiya. Bir kuni Abdurahmon ko‘chada non ko‘tarib ketayotib, atrofni zerikish bilan kuzatadi va suvoqlangan devorga qarab, “Nega chizmasligim kerak ekan?” — deb xayolidan o‘tkazadi.

Shundan keyin uning yaratgan dastlabki ishlari:

Mikelanjeloning "Odamning yaratilishi" asariga parodiya tarzida chizilgan va bu bilan odamlarni niqob taqishga undaydigan graffiti.

"Niqobli Mona Liza"

"Farishta qanotli doktor"

"Koronabol"

"Odamlar mening ishlarim fonida suratga tusha boshladilar, ommaviy axborot vositalari “bomba”li yangiliklarida “O, O‘zbekistonda mahalliy Benksi paydo bo‘ldi” deya yoza boshladilar"

– Abdurahmon

Inkuzartning "Bolalar kuni"ga atab yaratgan graffitisi.

“Har doim karantinni chizishning nima keragi bor deb o‘yladim. Bolalar hamma narsani pushti ranglarda ko‘rishadiku. Bolalar dunyoni qutqaradilar, bolalar koronavirusni to‘xtatadilar. “Bugun bizning kunimiz: koronavirus, ket!”

– Abdurahmon

Rassomning barcha chizganlaridan 20 tasi o'chirib tashlangan. Chusovitina rasmi qayta ishlangan va rassom endi buni o'zining ishi deb hisoblamaydi.

Rassomning oʻchirib yuborilgan birinchi kartinasi. Inkuzart bu graffitini benzin narxi oshishiga nisbatan chizgan edi.

Oʻchirib yuborilgan asarlardan biri. Rassom buni GM monopoliyasiga bagʻishlagan.

Oʻzgaritirilgan asar. Chapda originali. Oʻngda ba'zi bir "ma'naviyatchilarimiz" tomonidan tahrirlangan graffiti. Oksanaga yubka qoʻshib, bayroqni oʻzgartirishgan.

Oksana ushbu graffitining fonida.

Kvartiram oldida Inkuzartni shunaqa graffitisi bor edi. Eng qizigʻi Abdurahmon bu rasmni "Korrupsiyaga qarshi kurashish agentligi" muassasasi atrofiga chizgan)

Baribir oldiga archa ekib qoʻyishibdi.

Xoʻsh, Inkuzart soʻzi nimani anglatadi?

Ink - siyoh, uz - Oʻzbekiston, art - san'at. Oʻzbekistonda siyoh san'ati.

Logotipdagi tungi kapalakning ma'nosi nima?

"Logotipda yorug'likka intiladigan tungi kapalak aks etgan. Ko'cha san'ati meni jalb qiladigan yorug'likdir. Rasm chizadigan vaqtim esa tunda bo'ladi"

– Abdurahmon

Rassomning ilhomi kitoblar, odamlar, musiqa. U musiqani juda yaxshi koʻradi, rok, rep tinglaydi. Sevimli ijrochilari Limp Bizkit, XXXTentacion, yana qozoq repini yaxshi ko'radi. Kitoblardan asosan rus klassiklasi va Abdulla Qodiriy ijodini oʻqiydi.

Rassom quyidagi filmlarni tavsiya qiladi:

"Interstellar" va "Leonardo da Vinchi" (badiiy film). Birinchi film ko'p narsalarga qarashlaringizni o'zgartiradi. Ikkinchi filmni bolaligimda ko'rganman, menga juda yoqqan.

Adabiyot haqida savollar:

2025-04-09T15:59:24.743Z

1. Peshkov oʻz taxallusini izohlar ekan, taxallus uning og‘ir, mashaqqatli va iztirobli hayoti, yozgan odamlarining achchiq taqdiri tufayli paydo bo‘lganini aytadi. Qaysi taxallus?

Javob: Gorkiy

2. Amakisi Hans Olsen uni fermada tez-tez kaltaklab, och qoldirardi. Kimni?

Javob: Knut Gamsun
Izoh: Knut oʻz familiyasini Gamsund fermasidan olgan. Keyinchalik u "Ochlik" romanini yozadi.

3. Bir kuni Charlz Oksford universiteti rektorining kichkina qizlari bilan sayr qilib yurganida, ular Charlzdan ertak aytib berishni so'rashadi va u improvizatsiya qilishga majbur bo'ldi. Va keyinchalik qaysi asar yaraladi?

Javob: "Alisa moʻjizalar mamlakatida"

Izoh: Luis Kerrolning asl nomi Charlz Dojson.

4. Asar qahramonlari Emma va Dekster har yili faqat 15-iyulda uchrashishardi. Devid Nikkolsning ushbu asarini toping.

Javob: "Bir kun"

5. Entoni Byorjess tomonidan yozilgan ushbu roman Jorj Oruellning "1984" romanining o'ziga xos mantiqiy davomi vazifasini o'taydi. Uzoqqa bormasdan asar nomini ayting.

Javob: "1985"

6. "Barcha bolalar katta bo'ladi, bittadan tashqari". Kimga tegishli asarning boshlanishi?

Javob: Jeyms Barri

Izoh: "Piter Pen"

7. Muallif bu asarining birinchi qismini “1805” deb atagan va asarni yozish chog‘ida ham rus, ham fransuz tillaridagi manbalarni o‘qigan. Qaysi asar?

Javob: "Urush va tinchlik"

8. Romandagi voqealar 2-oktabrda boshlanib, 21-dekabrida tugaydi. Qaysi roman?

Javob: "Dunyo boʻylab 80 kun"

9. 1960-yillarda Nobel mukofotini olish uchun Stokgolmga borgan bu yozuvchini qo‘mita a’zolari ancha vaqt kutishgan va hatto hech qachon kelmaydi, deb o‘ylashgan edi. Kimni?

Javob: Samuel Bekket

Izoh: Xuddi Godo kabi kutishgan)

10. Hamkasblarining lagerdagi janjaldan keyin yuzida paydo bo‘lgan chandiq va shishlarga e’tibor bermay, hech kimga aytmagani uni mashhur asarini yozishga undagan. Kimni?

Javob: Chak Palanik

Izoh: Fight Club birinchi qoidasi:

11. Qizig'i shundaki, uning otasi 1799-yildan 1801-yilgacha Neapol qirolligidagi qasrda qamalgan. Kimning?

Javob: Aleksandr Dyuma

12. Julian yana dam olish uyini ham sotgan edi. Savol: Julian qaysi asar personaji?

Javob: "Oʻz ferrarisini sotgan rohib"

Izoh: Robin Sharma.

13. Bu personaj 1738-yil 17-iyulda Parijdagi eng yomon hidli bozordagi baliq rastasi ostida tug‘ilgan. Qaysi personaj?

Javob: Jan Grenuy

Izoh: "Parfyumer"

14. Malkolm Gladuel asari nomida "gigantlar bilan kurashish san'ati" soʻzlarini koʻrish mumkin. Asar nomida qaysi ikki ism ham tilga olingan?

Javob: "David va Goliaf"

15. Trilogiyani yozishda unga yunon mifologiyasidagi Tesey va Minotavr qissasi hamda otasining Vyetnam urushidagi ochlik, qashshoqlik va urush oqibatlari ta’sir qilgan. Kimga?

Javob: Syuzan Kollinz

Izoh: "Ochlik oʻyinlari"

16. Edgar oʻz personajiga nom tanlar ekan, "Tablut zan" va "Zantar" nomlari orasida ikkilanib qoladi va oxiri ushbu nomni tanlaydi. Qaysi?

Javob: Tarzan

Izoh: Edgar Berrouz qahramoni.

17. 1832-yilgacha Krik hindu qabilasining boshligʻi boʻlgan Tastanaki Xopayning boʻyi pastligi va mavqeyi tufayli amerikaliklar uni shunday atashgan. Qanday?

Javob: "Kichkina shahzoda"

18. "Umid qilamanki, bir kun kelib u yerga borish nasib etadi... Shaharlarimizda u yerdagi ko'plab xususiyatlarni ko'rishni istardim. Bu umiddan ko'ra ko'proq orzu..."

XVI asrga oid qaysi asarning soʻnggi jumlalari?

Javob: "Utopia"

Izoh: Tomas Mor.

19. Pink Floydning ijtimoiy zinapoya, boylik va hokimiyat tepasida turganlarni ifodalovchi “Pigs” qo‘shig‘i qaysi kitobga asoslangan?

Javob: "Molxona"

20. Shotlandiyaning Belle & Sebastyan guruhining "I Could Be Dreaming" qo'shig'i ushbu adabiy qahramonga ishora sifatida yaratilgan. Qaysi qahramon?

Javob: Rip Van Vinkl

Kino haqida savollar:

2025-04-09T07:45:24.204Z

1. Kechasi dengiz oldida turib, oyni tomosha qilayotgan qora tanli bola.

Qaysi filmning minimalistik posteri?

Javob: "Moonlight"

2. "Yoshim ulg‘aygan sari Xudoga yaqinlashaman deb o‘ylagandim, lekin buning aksi bo‘ldi. Men uni ayblamayman, chunki fikrlarimiz bir xil emas".

Savol: Qaysi filmdan iqtibos?

Javob: "No country for oldmen"

3. – Nega meni tirik qoldirmoqchi bo'lyapsan?
– Chunki men hamshiraman.

Savol: Qaysi filmdan iqtibos?

Javob: "English patient"

4. 2003-yilda Chan-Vuk Park ishtirok etgan ushbu filmdagi sahna hayvonlar huquqlari faollari tomonidan qattiq tanqid qilingan. Qaysi film?

Javob: "Oldboy"

Izoh: Sakkizoyoqlarni yeyish sahnasi uchun.

5. 2008-yilda suratga olingan ushbu filmidagi voqealar 2005-1918-yillarda sodir boʻladi. Qaysi film?

Javob: "Benjamin Battonning sirli hayoti"

Izoh: Qarishdan yoshlikkacha.

6. 15 yoshli Juzeppe Sulfaro birinchi marta yalang‘och ayolni ko‘rganini tan olgan. Sulfaro qaysi filmda oʻynagan?

Javob: "Malena"

7. Savol muallifi hindistonlikning faqatgina bir filmi Oskarga nominant boʻlgani, qolgan filmlari Oltin malinaga nomzod boʻlganini koʻrib, aslida iks unchalik kuchli emasligini aytadi. Iksni tartib son qatnashtirib ayting.

Javob: Shyamalanning oltinchi hissiyoti.

8. 2011-yilda "1+1" filmi chiqarilgunga qadar "Bor" xalqaro miqyosda eng yuqori daromad keltirgan fransuz filmi edi. Savol matnida nimani almashtirdik.

Javob: "Beshinchi element"

Izoh: Bor ham 5-element.

9. Mag'rib mintaqasidagi eng yirik shahar, u miloddan avvalgi 7-asrda berber qabilalari tomonidan tashkil etilgan. Qaysi shahar?

Javob: Kasablanka

10. "Uxlashimga ruxsat bering".

Qaysi filmdagi eng soʻnggi jumla?

Javob: "Insomnia".

11. - Mening ismim Tom.
- Tanishganimdan xursandman. Men esa Kuz.

Qaysi filmdagi soʻnggi jumla?

Javob: "500 days of summer"

12. Bu film dastlab “Oʻrmon qiroli” nomi ostida chiqarilishi kerak edi, toki suratga olish guruhi uning oʻrmonda yashamasligini bilib olmaguncha. Qaysi?

Javob: "Qirol sher"

13. Bu film titrlarida "hech qanday ajdarho zarar koʻrmadi" soʻzlarini koʻrish mumkin. Qaysi film? (Aniq javob)

Javob: "Garri Poter va alanga kubogi"

14. Qizig'i shundaki, o'tmishda tez-tez xotira yoʻqolishidan aziyat chekkan aktyor Stiven Tobolovskiy ushbu filmni suratga olish haqida rejissyorga murojaat qilgan. Qaysi film?

Javob: "Memento"

15. Metallika guruhining "Sanitarium" qo'shig'ining so'zlari "Ular meni bu qafasda ushlab turishadi" va "Meni aqldan ozganligimga ishontiring" kabi satrlarni o'z ichiga oladi. Qo'shiq qaysi filmdan ilhomlanib yaratilgan?

Javob: "Kakku uyasi uzra parvoz".

16. "Burj Xalifa", "Empire State Building" va "Petronas" minoralariga ko'tarilgan Alen Roberning taxallusi nima?

Javob: "Oʻrgimchak odam"

17. Beysbolchi Pablo Sandovalning laqabi nima?

Javob: Kungfu panda

18. Don Juan, Figaroning uylanishi, Rekviyem.

Qaysi film soundtracklari?

Javob: Amadey

Izoh: Motsart asarlari filmning asosiy saundtreki sifatida ishlatilgan.

19. Otasi tomonidan Gujaratlik bo'lgan Ben Kingsli 1982-yilda bu filmda bosh rolni o'ynagan. Qaysi filmda?

Javob: Gandi

Izoh: Gandi ham Hindistonning Gujarat shtatidan edi.

20. Uma Turmanning ushbu filmdagi libosi Bryus Lining "Ajal o'yini" filmida kiygan libosidan ilhomlanilgan. Qaysi filmdagi?

Javob: "Kill Bill"

21. Bu filmda qoʻllanilgan diplom asl nusxaga oʻxshashi uchun Stiven Spilberg Garvard universiteti tibbiyot fakulteti dekanlarini diplomga imzo chektirgan. Qaysi film?

Javob: "Catch me if you can"

22. Sotsiologning qayd etishicha, uning sehrli kuchlari, kalligi, katta burni va mushugining ismi Azroil bo‘lishi uning yahudiy ekanligini ko‘rsatadi. Kimning?

Javob: Gargamel

23. Amerika Kino Institutining 100 ta mashhur iqtiboslar roʻyxatiga 1960-yilda suratga olingan ushbu filmdagi “Bolaning eng yaxshi doʻsti uning onasi” degan iqtibos kiritilgan. Qaysi filmdagi?

Javob: "Psixo"

24. Ushbu Amerika filmi 1993-yilda Shvetsiya kinoteatrlarida "Butun hafta davomidagi dushanba" nomi bilan chiqqan. Qaysi film?

Javob: "Sugʻur kuni"

25. Mashhur asar asosida 2006-yilda suratga olingan film jinoyatchi, ya’ni bosh qahramonning burnini ko‘rsatish bilan boshlanadi. Qaysi film?

Javob: "Parfyumer"

26. Aktyor Gordon film suratga olishga tayyorgarlik ko'rayotganda 8 kunlik mashg'ulotdan so'ng ma'lum balandlikda tor arqonda yurishga muvaffaq bo'lgan. Film kim haqida edi?

Javob: Filip Peti

Izoh: Mashhur arqonda yuruvchi.

27. "Onam tushida baland boʻyli koʻk terili ayolni koʻrganini aytdi".

Bu soʻzlar muallifi kim?

Javob: Jeyms Kemeron
Izoh: "Avatar"

28. U birinchi va oxirgi marta "Mushuklarning shanba oqshomi" epizodida koʻrinish bergan. U kim?

Javob: "Mammy two shoes"
Qabul: Ikki oyoqli ona; afro-amerikan ayol; Tom va Jerry multfilmidagi ayol.

29. "Bu tosh meni butun umrim davomida kutdi. Barcha ishlarim meni bu yerga, dunyodagi mana shu yoriq sari yetakladi".

Qaysi filmdan iqtibos?

Javob: "127 soat"

30. Qizig'i shundaki, 1990-yilda tug'ilgan bu aktyor 27 yoshida unga shuhrat keltirgan rolni ijro etgan. Qaysi aktyor?

Javob: Bill Skarsgard
Izoh: "Оно" filmlari 1990 va 2017-yillarda suratga olingan. Bosh qahramon masxaraboz Pennivays har 27 yilda keladi. 27 yoshli Bill ham har 27 yilda keladigan Pennivays rolini o'ynashi qiziq tasodif.

San'at haqida savollar:

2025-04-09T07:31:20.443Z

1. 19-asrda tug'ilgan bu rassom 20 yil davomida Parij operasiga abonement sotib olgan.

Savol: Qaysi rassom?

Javob: Edgar Dega

Izoh: uning ko'pgina rasmlarida balerinalarni ko'rishimiz mumkin.

2. Gollivudning “Oltin xonim” filmida 1862-yilda tug‘ilgan qaysi rassom tilga olingan?

Javob: Gustav Klimt

Izoh: U rasmlarida odatda oltinrangdan foydalanadi. Ushbu filmdagi asosiy voqealar "Adel-Blox Bauer" kartinasi haqida.

3. Afsonaga ko'ra, Jovannining bu asari u saqlanadigan joylarda yong'inga sabab bo'ladi.

Savol: Qaysi asar?

Javob: "Yigʻlayotgan bolakay"

4. Agar siz kartinada boʻyalgan excel katakchalarini koʻrsangiz, asar unga tegishli boʻladi. Kimga?

Javob: Pit Mondrian

5. Agar hamma, shu jumladan ayollar ham Vladimir Putinga o‘xshasa, rasm unga tegishli. Kimga?

Javob: Yan Van Eyk

6. Milodiy 79-yildagi voqea tasvirlangan bu kartina 1833-yilda Rimda ko'rgazmaga qo'yilgan. Qaysi kartina?

Javob: "Pompeyning soʻnggi kuni"

7. Uzoq vaqt tik turgan keksa onani chizishning iloji bo'lmagani uchun rassom oxir-oqibat uning o'tirganini tasvirlaydi.

Savol: Qaysi kartina haqida gap ketmoqda?

Javob: "Uistlerning onasi"

8. Qashgʻar xoni yevropalik sayyohni oʻldirib, uning bosh suyagini boshqa oʻldirilganlarning bosh suyagi ustiga qoʻygani haqidagi afsonani qaysi rus oʻqib qoladi?

Javob: Vasiliy Vereshagin

9. Tim Byortonning "Katta koʻzlar" filmi kim haqida?

Javob: Magraret Kin
Izoh: personajlarni katta koʻz bilan tasvirlagan rassom.

10. Ushbu kartinani amerikalik qo'shiqchi Stiv Gudmanning albomi muqovasida ko'rish mumkin. Farq shundaki, Stivning o'zi vannada yotibdi. Qaysi asar?

Javob: "Maratning oʻlimi"

11. Coldplayning "Viva la Vida" albomining muqovasida Ejen tomonidan yaratilgan ushbu rasmni ko'rishimiz mumkin. Qaysi?

Javob: "Xalqni yetaklayotgan ozodlik"

12. Bu choy kompaniyasi reklama afishalaridan birida Dalining "Xotira abadiyligi" dan ilhomlangan. Qaysi kompaniya?

Javob: Lipton

13. Bu Amerika kompaniyasi oʻz logosini yaratishda Xokusayning Kanagavasidan ilhomlanishgan. Qaysi kompaniya?

Javob: Quiksilver

14. Pushti koʻylakdagi bola tasvirlangan bu 19-asr rasmida yana barglar va pichoq ham bor. Qaysi asar?

Javob: "Qizaloq shaftolilar bilan"

15. "Afina maktabi" asarining o'ng qismida BU INSON tasvirlangan, u yerga geometrik figuralar chizib, atrofidagilarga nimanidir tushuntiryapti. Kim?

Javob: Evklid

Izoh: Geometriya otasi

16. "Afina maktabi" asarida bu inson yarim yalang'och holda zinapoyada yotgan holda tasvirlangan. Oʻzining "uychasi" da emas. Kim?

Javob: Diogen

17. "Inception" filmidagi zinalar, geometrik figuralar uning asarlariga ishoradir. Kimning?

Javob: Maurits Esher

18. "Arnolfini portreti" kartinasida bu hayvon er-xotinning o'rtasida tasvirlangan. Qaysi hayvon?

Javob: It

Izoh Sadoqat ramzi boʻlganligi uchun er-xotin oʻrtasida turibdi.

19. Savol muallifi bu rassomning imzosini ko'rib hammasi yaxshi deb o'yladi. Qaysi rassom?

Javob: Oskar Kokoshka)

20. Yopilish xavfi ostida turgan klubning eshigiga “Mobil sevishganlar” graffitisi chizib ketilgandan soʻng, klub boyib ketadi. Qaysi shahardagi klub?

Javob: Bristol

Izoh: Benksi Bristollik.

21. Uning 1566-yildagi "Advokat" kartinasida advokatning yuzida o'yilgan tovuq va o'lik baliqni ko'rish mumkin. Kimning?

Javob: Juzeppe Archimboldo

22. Hammaning e’tibori qo‘lida sumkachasini ko‘tarib, yerga qarab turgan maktab o‘quvchisida, suyukli iti uning ustiga otilgan. Qaysi asar?

Javob: "Yana ikki"

23. Ispaniyada chiqadigan bisonte sigaretlari logosida u yerdagi rasmlardan birini koʻrish mumkin. Qayerdagi?

Javob: Altamir gʻori

24. Uning mashhur rasmida hayvondagi 9 ta o'q rassomning Aztek kalendarining 9-kunida tug'ilganligini ko'rsatadi. Kimning?

Javob: Frida Kalo

Pavel Benkov asarlari (1879-1949)

2025-03-06T08:38:21.525Z

"Kolxozchi" (1947)

"Hovli. Bozordan qaytish" (1947)

"Hovuz yonida" (1947)

"Ariq yonida" (1946)

"Dugonalar. Frontdan xat" (1945)

"Shohi Zindadagi rassomlar" (1943)

"Hovlida oʻynayotgan qizlar. Samarqand" (1940)

"Kolxozchi portreti" (1939)

"Koʻhna Buxoro" (1931)

"Xivalik qiz" (1931)

"Eski Toshkent" (1930)

"Uzum bozori" (1929)

"Tatar qizi portreti. Mahkum kelin" (1928)

"Bahoriy bogʻ" (1940)

"O'zbekiston SSRda paxta terimi"

"Hovuzdagi choyxona" (1945)

"Kuzgi hovli" (1947)

"Ariqli hovli" (1944)

"Buxorodagi bozor" (1929)

"Dutorli qiz" (1947)

"Gʻalaba xabari"

"Dugonalar"

"Qahramon bilan uchrashuv"

"Quyoshli kun"

"Buxorodagi choyxona"

"Paxta teruvchi" (1929)

"Bahor. Shaftoli gullari" (1942)

"Minorai Kalon" (1929)

"Jangchiga sovgʻa" (1945)

"Dugonalar"

"Buxorodagi yopiq bozor" (1929)

"Registondagi choyxona" (1944)

"Osmondagi bolalar 2"

2025-03-04T09:24:27.011Z

Trilogiyaning 1-qismini deyarli hamma koʻrgan. Kuzatishlarim natijasida koʻpchilik 2-qismini koʻrmagan yoki yomonlagan bo'lib chiqadi.

Maktab davrida koʻrganimda ancha zerikarli tuyulgan kino. Endi qayta koʻrdim. Ulgʻaygandagi hissiyotlar boshqacha.

Osmondagi bolalar ham ulgʻayishgan. Hamdam armiyadan qaytyapti, Xurshid jarrohlikka oʻqiyapti, Javohir sport bilan band, Baxtiyor esa offisda ishlayapti.

Filmdan kadr. "Umr" deb nomladim.

Ayriliq.

Film boshidanoq rejissor toʻrtovlonning hayotidagi ayriliqlarni tasvirlagan. Baxtiyor bobosidan ajralish arafasida, Xurshid esa rejissyor dadasidan. Hamdamning otasi jinnixonada, Javohir esa yaqinda qamoqqa tushadi.

Filmdan kadr. Qamoqxonadagi epizod.

Aynan shu qamoqxonadagi epizod e'tiborimni tortdi.

– Nargiz, senga shunaqa toʻy kerakmidi?
– Agar bilsang, men dunyodagi eng baxtli qizman.

Filmdan kadr.

Hamdamning otasi vafot etdi. Ushbu epizodda Baxtiyor ochiq-oydin gapirishga qaror qiladi va doʻstlaridan Lolani sevish-sevmasligini soʻrab oladi. Hamdamning ikkilanibroq bergan javobidan soʻng, birga Londonga borishni taklif qiladi.

Filmdan kadr. Jahongir Qosimov kameosi.

Hamdam Londonga borish uchun mablagʻi yoʻq edi. Shu paytda unga taklif tushadi. Filmning birinchi qismida "Qorda qolgan qaldirgʻoch" asari haqidagi syujet esingizda boʻlsa kerak. Hamdamga shu asar ssenariysini sotishni taklif qilishadi.

London. Filmdan kadr.

Ikkovlon Londonda koʻrishishadi. Lola kimni tanlasa oʻshaniki deb kelishib olishadi va keyin doʻst boʻlib qolishni ham ta'kidlab oʻtishadi.

London. Lolaning uyi. Filmdan kadr.

Filmdagi tub burilishlardan biri shu yerda yuz beradi. Lola endi unashtirilgan. Kech edi. Baxtiyor bunga chiday olmaydi va qadah koʻtaradi: "Lola, mana shu qadahni, ering bilan tezroq ajrashib, Toshkentga qaytishing uchun ichaman".

London. Filmdan kadr.

Baxtiyor Hamdamni quchib yigʻlaydi va quyidagi soʻzlarni aytadi:

"Seni tanlagandayam alam qilmasdi".

Baxtiyor mashina ta'mirlash ustaxonasiga ishga kiradi. U yerda Lolaning otasini koʻrib qoladi. Va uning ajrashganini biladi. Darhol uni uyiga boradi va turmushga chiqishni taklif qiladi. Farzandiga yaxshi ota bo'lishini aytadi. Lola ko'nmaydi. Ustiga-ustak bobosi ham qazo qiladi.

Barcha doʻstlari oʻz baxtini topadi.

Film soʻngida Lola uning orqasidan keladi va ismini aytadi...

Qolgani barchangizga ayon bo'lsa kerak. Ular oila qurishadi.

3-qismidagi bir epizod menga juda yoqqan. Baxtiyorga ichish taklifi berilganida, u men tashlaganman, oxirgi marta Londonda ichganman deydi. Muhabbat...

Film soundtracki uchun Sevara Nazarxonga rahmat aytish darkor.