Mustafayev Mirjalol

“Uzbekneftgaz” AJda ommaviy axborot vositalari vakillari uchun media kontent va video tayyorlash bo’yicha trening o’tkazildi

2025-04-10T06:05:19.022Z

“Uzbekneftgaz” aksiyadorlik jamiyati matbuot xizmati tomonidan ommaviy axborot vositalari vakillari uchun media kontent yaratish va video tayyorlash bo’yicha maxsus trening tashkil etildi.

Trening davomida ishtirokchilar media kontent yaratishning zamonaviy usullari, video materiallar tayyorlash texnikasi va samarali axborot yetkazish bo’yicha amaliy ko’nikmalarga ega bo’ldilar.

Tadbir ishtirokchilari o’zlarini qiziqtirgan savollariga javob oldilar va OAVlar bilan hamkorlikni yanada rivojlantirish imkoniyatlarini muhokama qildilar.

• Treningda 10 dan ortiq tizim tashkilotlari ommaviy axborot vositalari vakillari ishtirok etdi.
• Tadbirda 3 nafar professional jurnalist va media menejerlari tomonidan o`quv mashg`ulotlari o`tkazildi.

Trening yakunida ishtirokchilarga sertifikatlar topshirildi.

Qo’shimcha ma’lumot olish uchun quyidagi telefon raqamlariga murojaat qilishingiz mumkin:
• Matbuot xizmati: +998 71 233-45-67
• Axborot xizmati: +998 71 233-45-68

Shuningdek, savollar va takliflaringizni info@uzbekneftgaz.uz elektron pochta manziliga yuborishingiz mumkin.

Қаршида дзюдо бўйича Исматулло Турақулов хотирасига бағишланган халқаро хотира турнири бўлиб ўтди

2024-04-22T03:08:11.249Z

Жорий йилнинг 17-19-апрел кунлари Қарши шаҳрида жойлашган “Геолог” Маданий ва спорт-соғломлаштириш мажмуасида Қашқадарё вилоят ҳокимлиги ва Қашқадарё вилояти Кураш федерацияси ташаббуси билан 2010-2011 ва 2012-2014 йилларда туғилган ўсмирлар ўртасида спортнинг дзюдо тури бўйича марҳум Исматулло Турақулов хотирасига бағишланган халқаро хотира турнири ўтказилди.

Мазкур мусобақада Қозоғистон ва Тожикистон Республикаларидан ташриф буюрган ва юртимизнинг барча вилоятларидан келган жами 900 нафарга яқин полвонлар иштирок этишди.

Турнирда 2010-2012 йилларда туғилган ўсмирлар 32, 35, 38, 42, 46, 50, 55 ва +55 килограмм вазн тоифаларида куч синашишган бўлса, 2012-2014 йилларда туғилган ўсмирлар 26, 29, 32, 35, 38, 42, 46 ва +46 килограмм вазн тоифаларида ўзаро беллашишди. Республиканинг турли ҳудудларидан келган халқаро тоифадаги малакали ҳакамлар саралаш, ярим финал ва финал босқичларини бошқариб боришди.

Мазкур мусобақа 17 апрел куни эрта тонгдан бошланиб, 19 апрел кун охирига қадар давом этди. Мусобақа давомида концерт дастурлари ва турли хил жанговар чиқишлар томошабинлар эътиборига ҳавола этилди. Байрамона руҳда ўтказилган турнир барча иштирокчиларда катта қизиқиш уйғотиб, тадбир якунига қадар томошабинлар спортчиларни баралла олқишлаб турди.

Мусобақа якунида барча ғолиб ва совриндорлар ташкилотчилар томонидан пул мукофотлари ҳамда қимматбаҳо эсдалик совғалари билан муносиб тақдирландилар.

Маълумот учун, Туракулов Исматулло Абдурашидович 1959 йил Қашқадарё вилояти Шаҳрисабз тумани Мираки қишлоғида туғилган. 1976 йил Шаҳрисабз туманидаги 36-сонли ўрта таълим мактабини тамомлаб, Тошкент давлат жисмоний тарбия институтига ўқишга кирган. Олийгоҳни 1980 йил битириб Шаҳрисабз туманидаги 8-сонли ўрта таълим мактабида жисмоний тарбия ўқитувчиси сифатида иш фаолиятини бошлаган ва дзюдо спорти бўйича мураббийлик қилган.

Таъкидлаш жоизки Исматулло Турақулов Шаҳрисабз туманидаги Мираки қўрғонида жойлашган "Шўртан газ кимё мажмуаси" МЧЖга қарашли “Лочин” болалар дам олиш оромгоҳида 1994-2014 йилларда оромгоҳ раҳбари лавозимида фаолият юритган. Исматулло Турқулов самарали меҳнат фаолияти давомида нафақат меҳнатсеварлиги билан, балки кўплаб шогирдлар чиқариши билан жамоа орасидаги эътирофига лойиқ ходимлардан бири бўлган!

Шунингдек, 1978 йил Киев шаҳрида “Спорт устаси” унвонига сазовор бўлган.
1996 йил Амир Темур таваллудининг 660 йиллиги муносабати билан ўтказилган Халқаро турнирда ва Ўзбекистон, Қозоғистон Республикаси спортчилари ўртасида ўтказилган Халқаро турнирда 1-ўринни эгаллаган.
Исматулло Турақулов Ўзбекистон халқ таълими аълочиси, Ўзбекистон Республикасида хизмат кўрсатган спорт мураббийси, Халқаро спорт устаси унвонига сазовор бўлган.
Иш фаолияти даврида Исматулло Турақулов шогирдлари ёшлар ўртасида ўтказилган мусобақаларда Ўзбекистон чемпиони ва турли хилдаги халқаро турнирлар ғолиби бўлишган.

Ўзбекистон Республикаси Қонун чиқарувчи органи - Олий Мажлис Олий Мажлис Сенати

2024-04-09T08:12:07.360Z

Сенат аъзолари (сенаторлар) Қорақалпоғистон Республикаси Жўқорғи Кенгеси, вилоятлар, туманлар ва шаҳарлар давлат ҳокимияти вакиллик органлари депутатларининг тегишли қўшма мажлисларида мазкур депутатлар орасидан яширин овоз бериш йўли билан Қорақалпоғистон Республикаси, вилоятлар ва Тошкент шаҳридан тенг миқдорда - олти кишидан сайланади. Сенатнинг ўн олти нафар аъзоси фан, санъат, адабиёт, ишлаб чиқариш соҳасида ҳамда давлат ва жамият фаолиятининг бошқа тармоқларида катта амалий тажрибага эга бўлган ҳамда алоҳида хизмат кўрсатган энг обрўли фуқаролар орасидан Ўзбекистон Республикаси Президенти томонидан тайинланади.

Сенатнинг таркибий тузилмалари – Сенат раҳбарияти, Сенат кенгаши, қўмиталар (10 та), комиссиялар (3 та), Сенат девонидан иборат.

Сенати раҳбарияти

Нарбаева Танзила Камоловна - Сенат раиси
Сафоев Содиқ Солихович - Сенат раисининг биринчи ўринбосари
Оринбаев Аманбай Тлеубаевич - Сенат раисининг ўринбосари Қорақалпоғистон Республикаси Жўқорғи Кенгеси Раиси

ТEМИР ЙЎЛ ТРАНСПОРТИДА АВТОМАТИКА ВА ТEЛEМEХАНИКА ҚУРИЛМАЛАРИНИ МИКРОПРОЦЕССОРЛИ МАРКАЗЛАШТИРИШ

2023-03-27T07:19:51.842Z

Темир йўл автоматика ва телемеханика қурилмалари ва тизимлари
ҳаракат таркибларини хавфсизлигини таъминловчи асосий қурилмалардан ва тизимлардан бири ҳисобланади, пойэздлар бошқаруви, уларнинг қайси темир йўл участкасини ёки секциясини банд қилиб турганлигига мос ҳолатда светафор ва стрелкаларнинг масофавий бошқарилиши, уларнинг қандай ҳолатда турганлигини назорат қилиш, уларнинг соз ёки носоз эканлигини аниқловчи ва бошқа функцияларни қамраб олган тизим бу электр маркалаштириш (ЭМ) тизими бўлиб ҳисобланади.
Ҳозирда ЭМ тизимларининг 3 та тури мавжуд бўлиб улар қуйидагилар:
1. МПМ (микропроцессорли марказлаштириш);
2. МРМ (Реле – процессорли марказлаштириш);
3. ЭМ (Релели электр марказлаштириш).
“Ўзбекистон темир йўллари” АЖ да юқорида келтирилган барча тизимлардан фойдаланиб келинмоқда. Ҳозирда станцияларда мавжуд бўлган эскирган релели ЭМ тизимларини янги тизимларга кетма-кет тарзда замонавий электр марказлаштириш тизимларига ўтказилиб келинмоқда. Темир йўл автоматика ва телемеханика тизимларида энг кўп учрайдиган қурилмалар реле бўлиб, уларнинг ёрдамида поэздлар ҳаракатини автоматик бошқариш, тартибга солиш ва бошқариш жараёнлари амалга оширилади, поэздлар ҳаракати хавфсизлигини таъминланади. Ҳозирда ўн миллионлаб реле темир йўлларда фойдаланилмоқда. Ҳар қандай релени, айниқса темир йўл автоматикаси релесини энг муҳим кўрсаткичи бўлиб, уни ишончлилиги ҳисобланади. Чунки бу релеларга асосланиб, поэздлар ҳаракатининг хавфсизлиги таъминланади. Реле тизимларининг асосий камчилиги шундаки катта ҳажмлилиги, электрэнергияни кўп талаб қилиши, юқори материал сиғими, станциялардаги технологик жараёнларни тўлиқ автоматлаштириш тизимлари бошқарув қурилмалари билан мураккаб боғланишидир. Релели марказлаштиришда уни ишлаб чиқаришда жуда кўп материал ва меҳнат харажатлари талаб қилади. Аввало, бу марказлаштиришни фойдаланишга топширишда ва ишлаб чиқариш жараёнининг маълум даврларида текшириш керак бўлган кўп сонли электромагнит релелар мавжудлиги билан боғлиқ (битта стрелка учун 100 донадан ортиқ). Бундан ташқари, бошқарув пултига, табло ва магистрал кабел тармоғи барча конструкциялари билан бирга (кроссга, муфтага, кабеллар қудуғи ва бошқ.) хизмат кўрсатишда кам бўлмаган вақт сарфи йўқотилиши.

Электр марказлаштириш пулт таблоси

Электр марказлаштириш Релелар хонаси

Электрон ва электромеханик қурилмаларнинг ўрнида келадиган микропроцессорли қурилмалар (МПҚ) Темир йўл автоматика ва телемеханика тизимлари экспулатацион характеристикалари ошишига имкон беради. Одатда МП қурилмалар кам сонли электрон компонентларни ўз ичига олиши ва бунинг шарофати билан унинг олдингиларидан янада юқори ишончлилиги, габарити кичиклиги ва оғирлиги камлигини айтиш мумкин.
Микропроцессорли марказлаштириш тизимини релели марказлаштириш билан таққослагандаги афзалликлари қуйидагилар:
• ягона иш жойидан туриб кўпгина станция ва перегонлар объектларини бошқариш имконияти;
• бир станция процессор қуриламалари сигналлаштириш, марказлаштириш, блокировка (СМБ)нинг перегон қурилмалари ва ҳаракат таркиби ҳолати назорати ускуналари бошқарувини интеграция имконияти;
• станция СМБ қурилмалари ҳолати ҳақидаги тўлиқ маълумотларни ва бошқа маълумотларни минтақавий ташишларни бошқариш марказига жўнатиш имконияти билан экспулатацион ва техник ходимларга тақдим этиш;
• бошқариш ва назорат объектлари ва марказлаштириш аппаратлари воситалари ҳолати ўрнатилган диагностик назорати мавжудлиги;
• сезиларли даражадаги кам ҳажмли қурилиш-монтаж ишлари;
• назорат қилиш қурилмалари ва назорат қилинадиган объектлар ўртасида фақат мис симлари кабелларни билан эмас, балки оптик толали кабеллар билан маълумотлар узатиш воситаси сифатида фойдаланиш;
• тассаруф харажатларини қисқариши, манипуляторларнинг электромагнит релелар сонини ва пост ичи кабеллари узунлигини қисқартириш, замонавий хизмат кўрсатилмайдиган таъминот манбаларини қўллаш, катта ҳажмли бошқарув пултлари ва кўп сонли қўлда бошқариш механизми ва механик ҳаракатлантирилувчи кнопкаларни чиқариб ташлаш ҳисобига нархини пасайтириш.

Бекат навбатчисининг автоматлаштирилган иш жойи

Дунё темир йўлларида биринчи МПМ тизимларини ишлатиш тажрибаси реле тизимларига нисбатан экспулатацион ва техник фойдаларни кўрсатди. Бизнинг ва чет эл мамлакатларида янги реле тизимли ЭМ изланишлари тўхтатилган. Микроэлектроника ва микропросессор технологияларини тез суръатларда ривожланиши ва такомиллашиши, унинг нархи пасайишини ҳисобга олиб, вақтлар ўтиши билан МПМ тизими станция автоматикасининг асосий тизимига айланади.
Ҳозирги кунда дунёнинг кўпгина темир йўлларида станцияларда поездлар ҳаракатини ташкил этиш учун жуда кўп микропроцессорли марказлаштириш тизимлари қўлланилади. Улардан энг кўп тарқалганлари «МПЦ-2», «МПЦ-МПК», «МПЦ-И», «МПЦ-Д», «Эбилоcк-950» ҳисобланади.
Микропроцессорли марказлаштириш станциядаги стрелка, светофор ва бошқа объектларни бошқариш учун мўлжалланган ҳамда янги, иқтисодий жиҳатдан қулай электрон тизим ҳисобланади. У хавфсиз сигнализация технологияси соҳасида давом этаётган узоқ йиллик тадқиқотлар натижасида олинган кенг тажрибани инобатга олган ҳолда ишлаб чиқилган. Марказлаштиришнинг модуляр структураси катта ва кичик станциялар учун бир хилда мос келади. Микропроцессорли тизимида кучли узлуксиз қувват манбаидан фойдаланилган бўлиб, рельс занжирлари, электрюритмалар, сигналлар, релелар каби электрон қуриламалардагидек таъминот бериладиган хизмат кўрсатилмайдиган аккумулятор батареясидан фойдаланилади. Бундан ташқари, тизимда линия халақитларидан ҳимоя қилиш учун махсус ускунадан фойдаланади, қурилмаларнинг ерга уланиш қоидалари бироз фарқ қилади.

Микропроцессорли марказлаштириш структуравий схемаси

МПМ асосий компонентлари қуйидагилар ҳисобланади:
-марказий қайта ишловчи тизим (МҚИТ) ёки марказий процессор (МП) бошқарув ва назорат тизимлари (маҳаллий ёки масофавий) таъсирини яъни марказлаштириш мантиғини амалга оширади, микропроцессорли марказлаштиришга уланган рельс занжирлари ва барча релели тизимларнинг ҳолати ҳақидаги хабарни объект контроллери тизимлари ва реле контактлари орқали ўқилади.
-объект контроллери тизимлар (ОКТ) – ташқи қурилмалар (стрелка электрюритмасини, сигналларни, рельс занжирларини ва бошқ.) ни марказий процессор билан боғловчи интерфейс ҳисобланади.
Тизимнинг асоси мавжуд электр марказлаштирилган стрелка ва сигналларнинг барча боғлиқликларини ўзаро хавфсиз йўл билан амалга оширадиган МҚИТ. У қуйидаиларни таъминлайди:
- бошқарув ва назорат тизимларидан келган командаларни буйруқларга ўзгартириб стрелкалар, светофор ва бошқа қурилмаларга хавфсиз кўринишда етказиш;
- маршрутдаги объектларнинг қулфланиши;
- маршрутларни автоматик ва сунъий ажратиш.
МПМ таркибига қуйидагилар киради (3- расм):
― бошқрув ва назорат аппаратлари (БН АИЖ, Э АИЖ ва бошқ);
― марказий қайта ишловчи тизим (марказий процессор МП);
― объект контроллери (ОК) ва алоқа концентратори (АК);
― ЭМ ташқи қурилмалари (бошқарув ва назорат объектлари);
― электр таъминот қурилмаси (ЭТҚ);

Микропроцессорли марказлаштириш процессорли хона ва электромеханикнинг автоматлаштирилган иш жойи

Электромеханикнинг автоматлаштирилган иш жойи

Микропроцессор шкафи

Хулоса қилиб шуни айтиш мумкинки Темир йўл транспорти қатнови, ошган сари, замонавий автоматика ва телемеханика қурилмаларини ва тизимларини микропроцессорли бошқарув ва назорат тизимларига ва қурилмаларига эҳтиёж ортиб боради. Микропроцессорли марказалаштириш ташиш жараёнида ахборот технологияларини жорий этишда ва темир йўл транспортининг таркибий қисмларини бошқаришда бир қатор афзалликларга эга. Улар релели марказлаштиришдан фойдаланишда амалга ошириб бўлмайдиган ахборотни қабул қиладиган биринчи манба билан ўзаро қулай алоқа сифатида хизмат қилади ва юқори даражадаги бошқарув тизимлари ва уларни қўшимча созламалрсиз осон тарзда боғлашга имкон беради.

“Шўртан газ кимё мажмуаси” фаол ходимаси “Мўътабар аёл” кўкрак нишони билан тақдирланди

2023-03-07T08:57:04.594Z

Ўзбекистон Республикаси Президенти Шавкат Мирзиёев фармони билан 2019 йилда таъсис этилган “Мўътабар аёл” кўкрак нишони билан жорий йилда турли соҳаларда етакчи бўлган, матонатли, фидойи аёллардан 314 нафари тақдирланди.

“8 март – Халқаро хотин-қизлар куни” байрами арафасида, кўп йиллик тажрибага эга бўлган “Шўртан газ кимё мажмуаси” МЧЖ ходимасининг ҳам тақдирланганлиги жуда фахрли.

“Мўътабар аёл” кўкрак нишони соҳибаси - Ҳайдарова Зуҳра Ғаниевнадир Шўртан газ кимё мажмуасининг ишга тушириш жараёнида фаол иштирок этган ходимлардан. У 23 йиллик тажрибасини АҚШ, Канада, Франция каби хорижий саноат компанияларининг мутахассислари билан биргаликда оширган.

Ҳозирги кунда ўз билими ва тажрибасини Мажмуадаги ишлаб чиқариш технологик жараёнларида аналитик таҳлилларни юқори савияда назорат қилишга сарфламоқда. Кимё бактериология лабораторияси лобарантларига ва янги келган ёш мутахассисларга ишлаб чиқаришдан ажралмаган ҳолда доимий назарий ва амалий ўқув машғулотлари ўтказади.

Бу мўътабар аёл узоқ йиллик самарали меҳнат фаолияти давомида бир қатор шогирдлар етиштириши билан ҳам соҳа равнақига қўшган ҳиссаси эътирофга лойиқдир. Шўртан газ кимё мажмуасида “ИСО 9001” халқаро сифат сертификатига эга бўлишига муносиб ҳисса қўшган. З.Ҳайдарова ўз мутахассислиги бўйича фикрларини тортинмай асослаб бериши билан бошқалардан ажралиб турадиган, ўзининг соҳасини чуқур билганлиги туфайли ҳар қандай топшириқларни ўз вақтида бажарилишини таъминлайдиган мутахассисдир. У мажмуада меҳнатсеварлиги ва ишчанлиги каби ижобий ҳислатлари туфайли ҳозирда мажмуанинг хотин – қизлар бошланғич ташкилотида алоҳида ўринга эга бўлган аёлдир.

Ўзбекистон Республикаси Президенти ҳузуридаги Давлат бошқаруви академиясида бўлиб ўтган “Мўътабар аёл” кўкрак нишонини топшириш маросимида жамият ва давлат ҳаётида фаоллик ҳамда ташаббускорлик кўрсатиб, мамлакат равнақига ҳисса қўшган ушбу аёллар фаолияти хусусида сўз борди.

Тантанали тадбирда Ўзбекистон Республикаси камбағалликни қисқартириш ва бандлик вазири Беҳзод Мусаев, мазкур вазирлик ҳузуридаги Оила ва хотин-қизлар қўмитаси раиси Озода Парпибоева аёлларни эъзозлаш юзасидан мамлакатимизда тизимли ишлар олиб борилаётганини таъкидлади.

Тантанали тадбирда сўзга чиққанлар кўрсатилаётган эътибор ва эъзоз учун давлатимиз раҳбарига миннатдорлик билдирди

«Шўртан газ кимё мажмуаси» МЧЖ Матбуот хизмати

|web-sayt|telegram |YouTube|

Ўзбекистон Республикаси Фавқулодда вазиятлар вазирлиги ташкил этилганлигининг 27 йиллиги муносабати билан "Шўртан газ кимё мажмуаси"да тадбир бўлиб ўтди

2023-03-07T04:09:40.740Z

Ўзбекистон Республикаси Президентининг 1996 йил 4 март кунидаги 1378 сонли фармонига асосан Ўзбекистон Республикаси Фавқулодда вазиятлар вазирлиги ташкил қилинган. 3 март куни Ўзбекистон Республикаси Фавқулодда Вазиятлар вазирлиги ташкил этилганлигининг 27 йиллиги муносабати билан Шўртан газ кимё мажмуасида байрам тадбири бўлиб ўтди. Тадбирда Шўртан газ кимё мажмуасида фаолият юритиб, ёнғин хавфсизлигини таъминлашда ўз ҳиссасини қўшаётган бир гуруҳ ходимлар мутасаддилар томонидан эътироф этилди.Садоқат билан хизмат қилаётган ходимлар фахрий ёрлиқ ва эсдалик совғалари билан тақдирланди.

Тақдирлаш маросимида сўзга чиққан мутасадди раҳбарлар йиллар давомида Фавқулодда Вазиятлар Вазирлиги ҳамда Шўртан газ кимё мажмуасида ходимларининг ўзаро ҳамкорликда олиб борилаётган ишлар самараси ҳақида алоҳида тўхталиб, ходимларни келгусида ҳамкорликда олиб бориладиган ишларда хизмат вазифаларини бажаришда янада матонатли ва содиқ бўлишга чақирди.

Бу каби тақдирлаш маросимлари ходимларни янада ғайрат билан меҳнат қилишларига ҳамда сидқидилдан ўз хизмат вазифаларини бажаришга туртки бўлиб хизмат қилади. Тадбир сўнгида Санъаткорлар жамоаси томонидан байрам концерт дастури намойиш этилди.

Шу ўринда “Шўртан газ кимё мажмуасида” МЧЖ объекти биноларида ёнғин хавфсизлигини таъминлашни ташкил этиш бўлими ҳақида тўхталадиган булсак. “Шўртан газ кимё мажмуаси” объекти биноларида ёнғин хавфсизлигини таъминлашни ташкил этиш бўлими томонидан мухофаза қилинаётган объектларнинг ёнғинга қарши ҳолати устидан назорат ўрнатади. Ёнғинларни олдини олиш ва ўчириш хамда улар билан боғлиқ авария-қутқарув ишларини амалга оширади. Назорат иш куни давомида бўлинмаларда хизматни хамда ёнғинларни олдини олиш ишларини ташкил этилишини текшириш хамда хар чорак якунида уларнинг хизмат фаолиятини бахолаш орқали амалга ошириб боради.
Мухофаза қилинаётган объектларда ёнғинларни ўчиришни ташкил этиш бўйича махсус хужжатларни ишлаб чиқадилар, авария холатларини бартараф этиш режаларини тайёрлашда қатнашадилар, маъмурият, махсус хизматлар, авария-қуткарув ва кўнгилли ёнғин ўчириш дружиналари билан хамкорликда ишлаш тартибини белгилайдилар. Ёнғинга қарши химоя тизимлари (ёнғин автоматикаси курилмалари, ёнғинга карши сув таъминоти, бирламчи ёнғин ўчириш воситалари ва бошқалар)нинг холати ва ишга яроқлилигини назорат қиладилар.
Мухофаза қилинаётган объектларнинг ишчи-хизматчилари, кўнгилли ёнғин ўчириш дружиналари, шунингдек, вақтинча иш бажарувчиларни ёнғин хавфсизлиги қоидалари ва ёнғин вақтидаги ҳаракатларга ўргатишда қатнашадилар ҳамда ёнғинга қарши тарғибот-ташвиқот ишларини олиб борадилар. Иш вақти тугаганидан сўнг ҳамда байрам олди кунлари ёнғин чиқиш хавфи юқори бўлган хоналарни ёпилишидан олдин кўздан кечиришда қатнашадилар.
Муҳофаза қилинаётган объектлар маъмурияти билан ҳамкорликда бир йилда бир маротаба ёнғин хавфсизлиги масалалари бўйича семинарлар, курик-танловлар ҳамда кўнгилли ёнғин ўчириш дружиналари мусобақаларини ташкил этадилар. Ёнғин хавфсизлиги масалалари юзасидан объект маъмурияти ва хизматчиларига маслаҳатлар берадилар ҳамда лойиҳа ташкилотлари ва муҳофаза қилинаётган объектларнинг тегишли хизматлари билан хамкорлик қиладилар.