@navoiyhuquqiytargibot

Насимов Зафар Рўзибоевич - июль ойининг энг яхши ходими

2020-08-05T06:37:36.940Z

Навоий вилоят адлия бошқармаси ва туман (шаҳар) адлия бўлимларидан “Ойнинг энг яхши ходими”ни аниқлаш бўйича Комиссия қарори ҳамда ўтказилган сўровнома натижаларига кўра Навоий шаҳар адлия бўлими бош маслаҳатчиси Насимов Зафар Рўзибоевич 2020 йил июль ойи бўйича “Ойнинг энг яхши ходими” сифатида эътироф этилди.

Вилоят адлия бошқармаси жамоаси Насимов Зафар Рўзибоевични ушбу муваффақият билан табриклайди. Унинг келгусидаги ишларида ривож ва зафарлар тилайди ҳамда соҳа фаолиятига қўшиб келаётган ҳиссаси учун миннаддорчилик билдиради.

Навоий вилояти адлия бошқармасининг ижтимоий тармоқлардаги саҳифалари:

🔹 Telegramдаги расмий саҳифаси: t.me/Navoiy_adliya_uz

🔹 Facebook тармоғидаги расмий саҳифаси: htps://www.facebook.com/groups/537051263317134/?ref=groups_header

✅ Мурожаат учун:

🔹 Telegram-bot: @Adliya_onlayn_bot

🔹 Расмий веб-сайт: navoi.adliya.uz

Одам савдоси - инсон ҳавфсизлигига таҳдид

2020-07-30T12:32:49.883Z

Бугунги кунга келиб xалқаро тeрроризм, наркотраффик ва одам савдоси сингари трансмиллий жиноятларнинг инсон хавфсизлигига хуруж қилаётгани боис, улардан жабр чекаётганлар, афсуски, кўпчиликни ташкил этмоқда. Ҳудуд ва чeгара билмайдиган бу жиноятларнинг ҳар бири жамият тараққиёти ва давлатлар ривожига жиддий xавф туғдирмоқда. Улар орасида айниқса, одам савдосидек оғир жиноят инсон ҳаёти, эркинлиги ва ҳуқуқларини поймол қилиб, унинг эрки, тақдири ва келажагини оёқ ости қилиши билан нақадар жирканч кўринишга эга эканлигини алоҳида таъкидлаш лозим.

Инсон тирик мавжудотлар орасида ақл-идрок берилган онгли мавжудот бўлиб, у ўтган замонларда ҳам озод ва эркин яшашга ҳаракат қилган. Уни эркидан маҳрум қилишга ҳеч кимнинг ҳаққи йўқлиги дунё ҳамжамияти томонидан тасдиқланган қонунларда ҳам белгилаб қўйилган. Бироқ, бугунги кунда дунё бўйлаб одам савдосидай ўта хавфли иллатнинг кенг тарқалиши инсон шахси, шаъни, қадр-қиммати, шахсий ҳуқуқ ва эркинликларига жиддий таҳдид туғдирмоқда. Бу билан боғлиқ жиноятлар жаҳон жамоатчилигини жиддий ташвиш ва хавотирга солаётгани айни ҳақиқат. Кейинги йилларда одам савдоси туфайли юзага келаётган глобал хавф қанчалик ортиб бораётган бўлса, бу жиноятга қарши курашишга қаратилган чора-тадбирлар кўлами ҳам шунчалик кенгаймоқда.

Одам савдосига қарши курашиш тарихига назар ташлайдиган бўлсак, XIX аср охири ва XX аср бошларида аёлларнинг Европадан Америка ва Шимолий Африка қитъаларига кенг кўламли миграцияси ҳамда аёлларни Европага сотиш ҳодисаси кузатилган. Бу ҳодисага барҳам бериш мақсадида Парижда 1902 ва 1910 йилларда иккита конференция ўтказилиб, "Оқ қуллар савдосига қарши кураш" номли бутунжаҳон Конвенцияси қабул қилинган. Кейинроқ ушбу конвенция "Аёллар ва болалар савдосини йўқотиш" ва "Вояга етган аёллар савдосини йўқотиш" номли бутунжаҳон Конвенциялари билан тўлдирилган. Одам савдоси муаммосига қарши курашишнинг кейинги тарихий жараёнлари секин-аста ривожланиб, 1948 йилда "Инсон ҳуқуқлари" умумжаҳон Декларацияси қабул қилинган. Шундан сўнг "Инсон ҳуқуқларининг Европа Конвенцияси", "Қуллик хусусида"ги Конвенция, "Қулликни йўқотиш амалиёти тўғрисида"ги қўшимча Конвенция, "Бола ҳуқуқлари тўғрисида"ги Конвенция, "Аёлларга қарши дискриминациянинг ҳар қандай кўринишларига қарши кураш тўғрисида"ги Конвенциялар қабул қилиниб, дунёнинг кўплаб мамлакатларида қўлланила бошланди.

Айни пайтда трансмиллий уюшган жиноятчиликнинг узвий таркибий қисми бўлган бу турдаги жиноят дунё миқёсида кенг тарқалмоқда. БМТ ва Миграция бўйича халқаро ташкилот мутахассисларининг таҳлилий хулосаларига кўра, ундан жабр кўрганлар сони бир неча миллионларни ташкил қилмоқда. Ташвишланарлиси, одам савдоси жиноятидан жабрланганларнинг асосий қисмини аёллар ва болалар ташкил қилмоқда.

Бугунги кунда долзарб масалалардан бири бўлган одам савдосининг олдини олиш ва унга қарши курашиш борасида юртимизда ҳам қатор чора-тадбирлар амалга ошириб келинмоқда. Шу билан бирга, одам савдоси трансмиллий, яъни ҳудуд ва чегара танламайдиган жиноят эканлиги ҳисобга олиниб, давлатимиз 2003 йил 12 декабрда БМТ Бош Ассамблеяси томонидан 1950 йилда қабул қилинган "Одам савдоси ва фоҳишаликнинг учинчи шахслар томонидан ишлатилишига қарши кураш тўғрисида"ги Конвенцияга қўшилди. Бирлашган Миллатлар Ташкилоти Бош Ассамблеясининг 2000 йил 15 ноябрдаги резолюцияси билан қабул қилинган "Трансмиллий уюшган жиноятчиликка қарши кураш тўғрисида"ги Конвенция, шунингдек, одам савдоси, айниқса, аёллар ва болаларни сотишнинг олдини олиш, унга чек қўйиш ва бунинг учун жазолаш тўғрисидаги қўшимча протокол ҳам ратификация қилинди. Шунингдек, мустақиллик йилларида хорижий давлатлар билан уюшган жиноятчилик, шу жумладан, одам савдосининг хавфли кўринишларига қарши кураш ҳақида бир қатор шартнома ва келишувлар имзоланди.

Ўзбекистон Республикасининг 2008 йилнинг 17 апрелидаги "Одам савдосига қарши курашиш тўғрисида"ги Қонуни ва Юртбошимизнинг 2008 йил 8 июлдаги "Одам савдосига қарши курашиш самарадорлигини ошириш чора-тадбирлари тўғрисида"ги Қарори мамлакатимизда одам савдоси жиноятига қарши курашишнинг миллий қонунчилик асосларини яратиб берди. Бундан ташқари, одам савдосига қарши курашиш, бундай жиноят қурбонларини ижтимоий ҳимоялаш тадбирлари комплекс характерга эга эканлиги инобатга олиниб, давлат органлари, фуқароларнинг ўзини ўзи бошқариш органлари ва нодавлат нотижорат ташкилотларининг бу борадаги фаолиятини мувофиқлаштириш мақсадида Одам савдосига қарши курашиш бўйича Республика Идоралараро комиссияси тузилди ва ҳозирги кунда комиссия томонидан одам савдоси ҳолатларининг олдини олиш, аниқлаш ва уларга чек қўйиш, унинг оқибатларини минималлаштириш ҳамда одам савдосидан жабрланганларга ёрдам кўрсатишга қаратилган бир қатор ташкилий ва профилактик тадбирлар ўтказилиб келинаяпти. Қолаверса, ҳуқуқни муҳофаза қилувчи органларнинг одам савдосига қарши курашиш масалаларида маҳаллий давлат ҳокимияти органлари, тиббиёт ва таълим муассасалари, нодавлат нотижорат ташкилотлари ва кенг жамоатчилик билан яқиндан ҳамкорлиги таъминланмоқда.

Дарҳақиқат, бугун юртимизда амалга оширилаётган барча йўналишдаги ислоҳотларнинг марказида инсон омили турибди. Ислоҳот ислоҳот учун эмас, инсон манфаатлари учун иборасининг амалиётга татбиқ этилгани ҳам бежиз эмас. Буни Юртбошимизнинг "Бизнинг сиёсий ва иқтисодий соҳалардаги барча ислоҳотларимизнинг пировард мақсади юртимизда яшаётган барча фуқаролар учун муносиб ҳаёт шароитларини ташкил қилиб беришдан иборат. Айнан шунинг учун ҳам маънавий жиҳатдан мукаммал ривожланган инсонни тарбиялаш, таълим ва маорифни юксалтириш, миллий уйғониш ғоясини рўёбга чиқарадиган янги авлодни вояга етказиш давлатимизнинг энг муҳим вазифаларидан бири бўлиб қолади", деган фикрлари ҳам исботлаб турибди.

Ўзбекистон Республикаси Конституциясининг 24-моддасида: "Яшаш ҳуқуқи ҳар бир инсоннинг узвий ҳуқуқидир. Инсон ҳаётига суиқасд қилиш энг оғир жиноятдир", дейилган. Энг ачинарлиси, бу жиноятни содир этувчиларнинг ҳам, бундан жабр кўрувчиларнинг ҳам муддаолари муштарак. Яъни, енгил йўл билан даромад топиш истагида жиноят содир этиш – икки тоифадаги одамларни ҳам ҳалокат домига тортмоқда.

Одам савдоси инсоннинг нафақат жисмоний кучини, балки унинг салоҳиятини, танасидаги аъзоларини, ҳаттоки маънавий қадриятларини ҳам бозорга солишга мажбур этмоқда.

ХХI аср умум башариятга техника асри бўлиб кириб келди. У ўзи билан биргаликда бир қанча муаммоларни вужудга келтирди:

қурол-яроғ савдоси;
гиёҳванд моддалар савдоси;
одам савдоси;
ҳалқаро терроризм;
глобаллашув муаммолари;

Инсонлар бойлик орттириш мақсадида ўз қавмини, қариндош-уруғларини, маҳалла-куйда яшаб турган маҳалладошларини турлича алдовлар билан Россия, Туркия, Қозоғистон, Бирлашган Араб Амирликлари, Жанубий Кореяда яхши ҳақ тўланадиган ишларга жойлаб қўйишни ваъда қилиб ноқонуний йўллар билан олиб чиқиб кетиб, сотиб юбормоқдалар. Бундай ҳолат миллатимизнинг фожиасидир. Айниқса, бу ишларга аёлларнинг аралашгани кечириб бўлмайдиган ҳолатдир.

Дунё бўйича турли манбалардан олинган маълумотларга қараганда, одам савдосидан жабр кўрганлар сони салкам 200 миллонга етган, деб қайд қилинмоқда. БМТ маълумотларига кўра эса, ҳар йили дунёда ўртача 2,5-3 миллион киши одам савдосининг қурбонига айланмоқда. Ҳар йили қарийиб 1 миллион яқин аёллар ва болалар алдов йўли билан чет элларга олиб кетилиб сотиб юборилмоқда. Расмий маъмумотларга кўра, 2008 йилда Республикамизда мингдан ортиқ шахс одам савдоси билан боғлиқ жиноятлардан жабрланганлар. Уларнинг 35-40 фоизини аёллар, 10-15 фоизини эса болалар ташкил этади.

Ҳозир республикамизда тузилган Идоралараро комиссияси томонидан ҳам бир қатор чора-тадбирлар амалга оширилмоқда, одамларни огоҳлантирувчи кўргазмали воситалар шаҳримизда ва вилоятларда кўринадиган жойларга ўрнатилмоқда. Хорижда меҳнат қилиш истаги бўлганлар билан суҳбатлар, учрашувлар ўтказилмоқда. Шунга қарамай ҳозир хорижда минг-минглаб эркак ва аёллар бу балога гирифтор бўлиб жафо чекмоқдалар. Уларнинг кўплари ҳали ҳам ўз ҳуқуқларини англаб етмаган, адашган ва ватанига қайтиш йўлларини излаётган кимсалардир.

Мамлакатимизнинг ўзида тирикчилик қилиш имконияти бўлатуриб, баъзи юртдошларимизнинг хорижга олиб кетиб сотилиши, хўрланиши, қулликка ёлланиши на бизга, на миллатимизнинг маънавий қадриятларига тўғри келмайди. Фикримизча, фуқароларимизнинг ушбу жиноят қурбонига айланишининг бир неча сабаблари бор:

одамларимизнинг соддалиги ва ишонувчанлиги;
тез вақт ичида моддий муаммоларни ҳал этиш илинжи;
енгил иш топиш орзуси;
ҳуқуқий билимларга эга бўлмаслик;
айрим нопок ҳамюртларимизнинг ғайриинсоний ва ғайриқонуний ҳаракатлари;
жиноятдан жабрланганларнинг дунёқарашининг торлиги, саёзлиги;
етарли даражада таъсирчан тарғибот-ташвиқот ишларини олиб бормаслик.

Ишонч телефонлари орқали аҳоли ўзи учун керакли бўлган маълумотлардан хабардор бўлиб келмоқда. Хорижий давлатларга бориб, оғир мусибатларни бошидан ўтказиб қайтаётган инсонларга ғамхўрлик кўрсатиш мақсадида Вазирлар Маҳкамасининг 2008 йил 5 ноябр ойидаги қарори билан Меҳнат ва аҳолини ижтимоий муҳофаза қилиш вазирлиги қошида Одам савдоси жабрдийдаларига ёрдам бериш ва уларни ҳимоя қилиш бўйича Республика реабилитация маркази очилганлиги барчамизга маълум. Ушбу марказда одам савдосидан жабр кўрганларни соғлом ҳаёт тарзига қайтариш борасида психологик, ҳуқуқий ва тиббий ёрдам кўрсатиб келмоқда. Чет элда бўлиб, қайтган ҳар бир фуқаро оиласини ва ўзини саломатлиги ҳақида қайғуриб, тиббий кўрикдан ўтиши лозим. Агарда касаллик аниқланса, реабилитация марказида даволанишлари шарт.

Бу ерда уларнинг соғлиғи ва руҳий ҳолати тўла текширувдан ўтказилиб, зарур ёрдам кўрсатилади. Соғлиқни сақлаш вазирлигининг тегишли кўрсатмасига асосан, марказга юборилаётганлар бирламчи тиббий кўрикдан ўтказилади. Такидлаб ўтиш муҳимки, соғлиғи ёмонлашган, қадр-қиммати поймол бўлган жабрдийдаларга ғамхўрлик кўрсатаётган марказ фаолияти алоҳида ўринга эга бўлмоқда.

Рақамларга мурожаат қиладиган бўлсак, биргина 2013 йил давомида хорижда бўлиб қайтган фуқароларнинг 300256 нафари ҳудудий бирламчи тиббий санитария муассасалари томонидан тиббий кўрикдан ўтказилди ва кўрик натижасига кўра касаллиги аниқланган шахсларга амбулатор ва стационар даволаш ишлари амалга оширилди. Яшаш манзилларидаги даволаш - профилактика муассасалари томонидан уларнинг барчаси диспансер назоратига олиниб, соғломлаштириш ишлари режа асосида олиб борилди.

Одам савдосининг ҳар қандай кўринишига қарши курашиш xалқаро ва минтақавий даражада жиддий ёндашув ҳамда ўзаро ҳамкорликни талаб этади. Зeро, одам савдоси, унинг ҳуқуқ ва эркинликлари ғайриқонуний равишда айнан ўзга инсон томонидан камситилиши кeчириб бўлмас жиноятдир.

Азиз Ахмедов,

Навоий вилояти адлия бошқармаси бўлим бошлиғи

Навоий вилояти адлия бошқармасининг ижтимоий тармоқлардаги манзиллари:

🔹 Telegramдаги расмий саҳифаси: https://t.me/Navoiy_adliya_uz

🔹 Facebook тармоғидаги расмий саҳифаси: htps://www.facebook.com/groups/537051263317134/?ref=groups_header

✅ Мурожаат учун:

🔹 Telegram-bot: @Adliya_onlayn_bot

🔹 Расмий веб-сайт: navoi.adliya.uz

Одам савдоси - инсон ҳавфсизлигига таҳдид

2020-07-30T12:29:31.457Z

қурол-яроғ савдоси;
гиёҳванд моддалар савдоси;
одам савдоси;
ҳалқаро терроризм;
глобаллашув муаммолари;

одамларимизнинг соддалиги ва ишонувчанлиги;
тез вақт ичида моддий муаммоларни ҳал этиш илинжи;
енгил иш топиш орзуси;
ҳуқуқий билимларга эга бўлмаслик;
айрим нопок ҳамюртларимизнинг ғайриинсоний ва ғайриқонуний ҳаракатлари;
жиноятдан жабрланганларнинг дунёқарашининг торлиги, саёзлиги;
етарли даражада таъсирчан тарғибот-ташвиқот ишларини олиб бормаслик.

Азиз Ахмедов,

Навоий вилояти адлия бошқармаси бўлим бошлиғи

Коронавирусдан уйида даволанаётган беморлар бепул дори-дармон билан таъминланади

2020-07-17T14:14:01.210Z

Ўзбекистонда коронавируснинг ташқи аломатлари бўлмагани учун уйида даволаниши мумкин бўлган беморлар бепул дори-дармон билан таъминланади. Бу ҳақдаги қарор 16 июль куни бош вазир Абдулла Арипов раҳбарлигида коронавирус пандемиясига қарши курашиш бўйича Республика махсус комиссияси йиғилишида қабул қилинган.

Йиғилишда президент Шавкат Мирзиёев раҳбарлигида 15 июль куни Тошкент шаҳри ва Тошкент вилоятида коронавирус пандемияси билан боғлиқ вазиятга бағишлаб ўтказилган видеоселектор йиғилишида белгилаб берилган вазифаларни ўз вақтида ва самарали бажариш масалалари муҳокама қилинди. Бу борада мутасадди вазирлик ва идораларнинг масъулиятини янада ошириш, раҳбарларнинг шахсий жавобгарлигини кучайтиришга алоҳида эътибор қаратилди.

Махсус комиссия йиғилишида коронавирус инфекциясининг одамлар орасида кенг тарқалиши олдини олиш ва ушбу касалликка чалинган беморларга малакали тиббий хизмат кўрсатиш бўйича амалий чора-тадбирлар белгиланди. Жумладан, пандемия даврида аҳолига тиббий хизмат кўрсатиш узлуксизлигини таъминлаш, коронавирусга текширувларни тезкор ва самарали ташкил этиш ва беморларни керакли дори-дармонлар билан таъминлаш бўйича биринчи галда қилинадиган ишларга эътибор қаратилди.

Комиссия йиғилишида уйида даволанаётган коронавирус беморларини бепул дори-дармонлар билан таъминлаш юзасидан қарор қабул қилиниб, уларга етказиб бериладиган дори-дармонлар руйхати тасдиқланган.

Бундан буён коронавирус касаллигидан уйида даволанаётган беморларга «Гидроксихлорохин», «Азитромицин», «Парацетамол», «Витамин С» каби дори-дармонлар ҳамда бир марталик тиббий ниқобларни белгиланган меъёрда, бепул етказиб бериш йўлга қўйилади.

Коронавирус инфекцияси бўйича тест натижалари мусбат натижа берган ҳамда касаллик енгил кечаётганлиги сабабли шифокорлар тавсиясига асосан уйида даволанаётган беморлар мазкур тиббий воситалар билан бепул таъминланади.

Йиғилишда Соғлиқни сақлаш вазирлиги ҳамда тегишли идораларга зудлик билан мазкур дори-дармонларнинг 50 мингта тўпламини шакллантириш ва уйида даволанаётган беморларга етказиб бериш тизимини йўлга қўйиш вазифаси юклатилган.

Бундан олдинроқ, махсус комиссия йиғилишида барча хусусий клиникаларга коронавирусга тест олиш ва даволашга рухсат берилгани хабар қилинганди.

Дам олиш кунлари автотранспортлар ҳаракати чекланади. Кимларга рухсат бор?

2020-07-17T13:12:12.320Z

navoiyhuquqiytargibot, July 17, 2020

Республика махсус комиссиясининг 11 июлдаги қарори билан Ўзбекистонда аҳоли ўртасида коронавирус инфекциясининг тарқалиш занжирини узиш мақсадида қўшимча карантин чекловлари жорий этилганди.

Унга кўра, 18-19 июль ҳамда 25-26 июль (шанба ва якшанба) кунлари кун давомида республика миқёсида ҳаракатланиш, автотранспорт воситаларининг, шу жумладан, йўналишсиз таксилар ҳаракати тўлиқ тўхтатилиши белгиланган.

Мазкур чеклов махсус рухсатнома (стикер)лар асосида ҳаракатланадиган автотранспорт воситаларига ҳамда Республика махсус комиссиясининг жорий йил 8 июлдаги қарори билан тасдиқланган Автотранспорт воситалари ҳаракатланишига махсус рухсатномалар талаб этилмайдиган ҳолатларга нисбатан татбиқ этилмайди.

Республика махсус комиссиясининг 8 июлдаги қарорига биноан махсус рухсатномалар талаб этилмайдиган ҳолатлар рўйхати тасдиқланганди.

Шунга кўра, қуйидаги тоифа автомашиналарга шанба ва якшанба кунлари ҳаракатланиш учун рухсат берилади:

1) махсус рухсатнома (стикер)лари бор машиналар;

2) махсус рухсатнома (стикер)сиз юриш ҳуқуқига эга бўлган автомашиналар:

Соғлиқни сақлаш тизимидаги ҳамда хусусий тиббиёт ташкилотлари, тиббий-санитария ва эпидемиологик хизматлар кўрсатувчи ташкилотларнинг хизмат ва ходимларининг шахсий автотранспорт воситалари.
Фармацевтика маҳсулотлари (дори воситалари ва тиббий буюмлар) ишлаб чиқарувчи ташкилотларнинг хизмат автотранспорт воситалари.
Фуқароларга кечиктириб бўлмайдиган тез тиббий ёрдам кўрсатиш (ҳомиладорлик, туғруқ, тана жароҳати, ОИВ/ОИТС, онкологик ёрдам, нурланиш терапияси, гемодиализ ёрдамини кўрсатиш, жарроҳлик амалиёти зарур бўлганда, инсон ҳаётига хавф туғдираётган бошқа ҳолатлар) билан боғлиқ ҳолларда тиббиёт муассасасига бораётган ва ундан қайтаётган шахсий автотранспорт воситалари.
Йўловчи ташиш фаолияти билан шуғулланиш лицензиясига эга бўлган йўналишсиз таксиларга.
Етказиб бериш хизмати (кейтеринг) ташкилотларининг автотранспорт воситалари.
Коммунал хизмат кўрсатувчи ташкилотлар – газ, электр энергияси, иссиқлик таъминоти, совуқ сув, сув оқава ва чиқинди ташишнинг махсус автотранспорт воситалари.
Олий Мажлис палаталари, суд ва прокуратура органлари, Ҳисоб палатаси, Бизнес-омбудсман, Инсон ҳуқуқлари бўйича вакил (Омбудсман), Инсон ҳуқуқлари миллий маркази, Савдо-саноат палатасининг хизмат автотранспорт воситалари.
Вазирликлар, давлат қўмиталари, агентликлар, бошқа давлат органлари, хўжалик бирлашмалари, маҳаллий давлат ҳокимияти органлари ҳамда оммавий ахборот воситаларининг хизмат автотранспорт воситалари.
Марказий банк ва унинг ҳудудий бошқармалари ҳамда тижорат банкларининг хизмат автотранспорт воситалари.
«Республика инкассация хизмати» ДУК хизмат автотранспорт воситалари.
Хорижий давлатларнинг дипломатик ваколатхоналари ҳамда «CMD», «D», «UN», «T», «М» ва «Х» давлат рақами белгиларига эга бўлган автотранспорт воситалари. Хорижий давлатларнинг дипломатик ваколатхоналари ҳамда «CMD», «D», «UN», «T», «М» ва «Х» давлат рақами белгиларига эга бўлган автотранспорт воситалари, шунингдек, дипломатик ваколатхоналар, консуллик муассасалари, Ташқи ишлар вазирлигида аккредитация қилинган халқаро ташкилотлар ваколатхоналари, хорижий давлатлар ҳукумат ташкилотлари ваколатхоналари, савдо ваколатхоналари ходимларининг автотранспорт воситалари (хизмат гувоҳномасини кўрсатган ҳолда).
Алоқа хизматларини кўрсатувчи ташкилотлар, «Ўзбекистон почтаси» АЖ, «Ўзбектелеком» АК ва унинг ташкилотлари ҳамда «Ўзинфоком» ягона интегратори» МЧЖга тегишли хизмат автотранспорт воситалари.
N1, N2 ва N3 тоифага кирувчи автотранспорт воситалари ҳамда қишлоқ хўжалиги техникалари.
«Тошшаҳартрансхизмат» АК таркибига кирувчи автобус саройларининг М2 ва М3 тоифага кирувчи автотранспорт воситалари.
Йўл-патруль хизмати автомобиллари ёрдамида кузатилаётган автотранспорт воситалари.
Дафн маросимларида хизмат кўрсатувчи махсус автотранспорт воситалари (фақат дафн маросимлари хизматини кўрсатиш мақсадида).
Мавсумий қишлоқ хўжалиги маҳсулотларини етказиб берувчи М1 (бир нафар йўловчи билан) тоифадаги жисмоний шахсларга тегишли шахсий автотранспорт воситалари.

Бундан ташқари, дам олиш кунлари фуқаролар ўз-ўзини яккалаш ҳаёт тарзига ўтади.

18-19 июль ҳамда 25-26 июль (шанба ва якшанба) кунлари қуйидагилар тавсия этилади:

аҳолига – «ўзини ўзи яккалаш» ҳаёт тарзига қатъий риоя этган ҳолда ўз уйларида қолиш;
давлат органлари ва муассасалари, хўжалик бирлашмалари ҳамда бошқа ташкилотларга – ходимларни ишга жалб этмаслик, ходимларнинг ушбу кунларда уйда қолиши учун шароит яратиш.

Навоий вилояти адлия бошқармаси томонидан бир неча ННТ рўйхатдан ўтказилди

2020-07-16T14:25:08.234Z

Навоий вилоят адлия бошқармаси томонидан 2020 йил 14 июль куни “Алпинизм ва қояни забт этиш” спорт клуби 444-сон билан давлат рўйхатидан ўтказилди ҳамда Нодавлат нотижорат ташкилотларнинг реестрига бу ҳақида ёзув киритилди.

Ушбу спорт клуби мамлакатимизда соғлом авлодни ривожлантиришда спортнинг аҳамияти юқори эканлигини ҳис қилган ҳолда ёшларни доимий равишда жисмоний тарбия ва спорт билан шуғулланишларига жалб этиш мақсадида ташкил этилган нодавлат нотижорат ташкилотидир.

Клуб фаолияти ихтиёрийлик, аъзоларининг тенг ҳуқуқлиги, ўзини-ўзи бошқариш, қонунийлик ва ошкоралик принципларига асосланган.

Клуб ўз фаолиятини Ўзбекистон Республикасининг Конституцияси, “Ўзбекистон Республикасида жамоат бирлашмалари тўғрисида”ги, “Нодавлат нотижорат ташкилотлари тўғрисида”ги, “Нодавлат нотижорат ташкилотлари фаолиятининг кафолатлари тўғрисида”ги Қонунлари ва бошқа тегишли норматив-ҳуқуқий ҳужжатлар ҳамда ўз уставига мувофиқ амалга оширади.

Клубнинг асосий мақсади – спортнинг алпинизм ва қояни забт этиш турлари бўйича мунтазам равишда машғулотлар ўтказиш, тоғларда очиқ ҳавода юриш, шунингдек клубнинг юқори спорт натижаларига эришиши учун кўпроқ ёшлар ва ўсмирларни спортга жалб қилишдан иборат.

Клуб вазифалари:

- Вилоят ёшларини доимий равишда алпинизм ва қояни забт этиш спорт тури билан шуғулланишларига шарт-шароит яратиш;

- Ёшларни спорт билан шуғулланишга жалб этиш;

- Туман, вилоят, республика ва халқаро спорт алоқаларини ривожлантириш,

- Клубнинг юқори спорт натижаларига эришиши учун кўпроқ ёшлар ва ўсмирларни клубга жалб қилиш ва келажакда вилоят, республика ва халқаро мусобақаларга жамоа тайёрлаб иштирок этиш;

- Давлат идоралари ва жамоат ташкилотлари, оммавий ахборот воситалари билан ҳамкорлик қилиш;

- Турли спорт тадбирларини амалга ошириш ва ҳомийларни жалб этиш.

Клубнинг асосий фаолияти қуйидагилардан иборат:

- Клубда спорт турларини ривожлантириш;

- Спортчиларнинг мураббийлари ва уларнинг оилаларини соғлиғини, ижтимоий манфаатларини ҳимоя қилиш;

- Аҳоли ўртасида соғлом турмуш тарзини тарғибот қилиш;

- Клуб аъзоларининг маҳоратини кўтариш, юқори малакали спортчиларни тайёрлаш тизимини такомиллаштириш,

- Клубнинг моддий-техник базасини такомиллаштириш, клуб аъзоларига моддий ёрдам кўрсатиш;

- Рухсатнома (лицензия) талаб қилинадиган фаолият тури билан клуб томонидан тегишли рухсатнома (лицензия) олгандан сўнг амалга оширилади.

Навоий вилоят адлия бошқармаси томонидан 2020 йил 9 июль куни Навоий вилоят “Қалқон” спорт жанг санъати клуби 443-сон билан давлат рўйхатидан ўтказилди ҳамда Нодавлат нотижорат ташкилотларнинг реестрига бу ҳақида ёзув киритилди.

Навоий вилоят “Қалкон“ спорт жанг санъати клубининг ўз ҳуқуқлари, эркинликларини ижтимоий ривожланиш, фан, маданият, жисмоний тарбия ва спорт соҳаларидаги қонуний манфаатларини биргаликда рўёбга чиқариш учун бирлашган, маънавий ва ўзга номоддий эҳтиёжларни қаноатлантириш учун ўз манфаатларининг муштараклиги асосида фуқароларнинг хоҳиш-иродаларини эркин билдиришлари натижасида вужудга келган жамоат бирлашмаси ташкилий-ҳуқуқий шаклида тузилган нодавлат нотижорат ташкилотидир.

Клуб ўз фаолиятини Ўзбекистон Республикасининг Конституцияси, “Ўзбекистон Республикасида жамоат бирлашмалари тўғрисида”ги, “Нодавлат нотижорат ташкилотлари тўғрисида”ги, “Жисмоний тарбия ва спорт тўғрисида”ги, “Нодавлат нотижорат ташкилотлари фаолиятининг кафолатлари тўғрисида”ги Қонунлари, Ўзбекистон Республикаси Президентининг фармон ва қарорлари, Вазирлар Маҳкамаси қарорлари ва бошқа норматив-ҳуқуқий ҳужжатларига ҳамда ўз уставига мувофиқ амалга оширади.

Клубнинг асосий мақсади – Навоий вилоятида аҳолининг кенг қатламлари, корхона ва ташкилотлар, ижтимоий ҳимояга муҳтож оилалар, вояга етмаганлар, маҳаллалардаги уюшмаган ёшлар ўртасида жисмоний тарбия ва спортни кенг тарғиб қилиш, уларнинг мунтазам равишда жисмоний тарбия билан шуғулланишлари учун шарт-шароитлар яратиш ва жанг санъати курашини оммалаштириш ва ривожлантириш.

Клуб аъзоларида спортга муҳаббат ҳиссини, ўсиб келаётган ёш авлод онгида спорт билан шуғулланишнинг муҳимлиги, соғлом турмуш тарзини юритиш, маънавий ва жисмоний комиликка интилиш тушунчасини шакллантириш, уларни салбий таъсирлардан ҳимоя қилиш ва зарарли одатлардан халос қилиш, болаларда қатъий феъл-атвор, Ватанга муҳаббат ва ўз мамлакати билан фахрланиш туйғуларини қарор топтириш.

Клубнинг аъзолари ишлаб чиқаришдан ташқари спорт тизимини янада такомиллаштириш орқали истеъдодли ёшларни саралаб олиш, баркамол авлодни тарбиялаш ва вояга етказиш йўлида бирлаштириш, уларнинг иқтидоридан фойдаланган ҳолда ҳалқимизнинг маънавий ва маърифий, жисмоний маданиятини юксалтириш, жанг санъати курашини ривожлантириш, умум маъзмун ва кўрсатгичлар жиҳатдан янги погонага кўтариш.

Клуб ўз фаолияти мақсадига эришиш учун қуйидаги вазифаларни бажаради:

- Клуб аъзолари ўртасида соғлом турмуш тарзини шакллантириш ҳамда жисмоний тарбия ва спортни кенг тарғиб қилиш, уларнинг мунтазам равишда жисмоний тарбия билан шуғулланишлари учун шарт-шароитлар яратиш;

- Клуб аъзолари ўртасида жанг санъати кураши бўйича жамоалар ташкил этиш, улар ўртасида турли спорт мусобақалари ва оммавий жисмоний тарбия тадбирларини ташкил этиш орқали истеъдодли ёш спортчиларни аниқлаш;

- Клубда машғулотлар ўтказиш учун малакали тренерлар ва мутахассисларни жалб этиш, шунингдек, илғор тажрибани жорий қилиш.

- Клубда тренерларини жалб қилган ҳолда истеъдодли ёшларни саралаб олиш (селекция) ҳамда болалар-ўсмирлар спорт мактаблари спорт захирасини шакллантириш;

- Клуб аъзоларининг спорт фаолиятини ўстириш, малакаларни ошириш ва тажриба алмашиш мақсадида чет эл спорт Клубларига ва марказларига жўнатишни ташкил этиш ва ҳомийлик қилишда ёрдам бериш;

- Юридик ва жисмоний шахслар билан биргаликда, шунингдек, мустақил равишда дастурлар ҳамда тадбирлар режасини ишлаб чиқариш ва амалга ошириш;

- Ахоли ўртасида оммавий спорт ва жисмоний тарбиянинг ролини ошириш;

- Ахоли, айникса ёшлар ўртасида соғлом ҳаёт тарзини тарғиб қилиш;

- Узбекистон Республикаси Президентининг ҳамда ҳукумат қонунларининг мазмун-моҳиятини тушунтириш;

- Устав фаолиятини кенгайтириш учун Клубнинг иқтисодий базасини ривожлантириш;

- Хайрия фаолияти билан шуғулланиш;

- Спорт масалалари бўйича, ҳукумат, вазирликлар, маҳаллий давлат ҳокимликлари, жамоат марказлари, хорижий ва бошка марказларнинг буюртмаларини амалга ошириш;

- Клубнинг асосий мақсадларидан келиб чиқиб амалдаги қонунчиликда тақиқланмаган бошқа вазифа ва функцияларни амалга оширади.

Ўз мақсад ва вазифаларни амалга ошириш учун Клуб:

- Жанг санъати курашини секцияларни ташкил қилади;

- Турли тадқиқотлар, ижтимоий анкета ва сўровлар ўтказади, спорт турлари буйича жамоаларни ташкил қилади;

- Спорт мусобақалар, оммавий жисмоний тарбия тадбирлари, семинарлар, тренинглар, маърузалар, симпозиумлар, анжуманлар, давра суҳбатлари, концертлар, фестиваллар, телекўприклар, ёзги ўқув оромгоҳлари, мусиқий эстрада юлдузлари, шоирлар, ёзувчилар ва спорт чемпионлари билан учрашувлар, бошқа тадбирларни (хайрия тартибида) ташкил этади ва ўтказади;

- Давлат идоралари ва жамоат ташкилотлари, оммавий ахборот воситалари билан ҳамкорлик қилади;

- Дастурлар, техник ва ижтимоий лойиҳаларни ҳаётга татбиқ этиш учун имкон даражасида грантлар ва ҳомийлик ёрдамларини чорлайди;

- Нотижорат, даромад олмайдиган ҳамда хайрия лойиҳа ва тадбирларини маблағ билан таъминлаш мақсадида турли тадбирларни (акцияларни) амалга оширади, ҳомийларни жалб этади;

- Ноширлик фаолиятини ташкил этади, оммавий ахборот воситалари билан қўшма лойиҳаларни амалга оширади;

- Рухсатнома (лицензия) талаб қилинадиган фаолият тури билан Клуб томонидан тегишли рухсатнома (лицензия) олгандан сўнг амалга оширилади.

Навоий вилоят адлия бошқармаси томонидан 2020 йил 14 июль куни “Киберспорт” спорт клуби 445-сон билан давлат рўйхатидан ўтказилди ҳамда Нодавлат нотижорат ташкилотларнинг реестрига бу ҳақида ёзув киритилди.

Клубнинг асосий мақсади – спортнинг киберспорт тури бўйича мунтазам равишда машғулотлар ўтказиш, шунингдек клубнинг юқори спорт натижаларига эришиши учун кўпроқ ёшлар ва ўсмирларни спортга жалб қилишдан иборат.

Клуб вазифалари:

- Вилоят ёшларини доимий равишда спорт билан шуғулланишларига шарт-шароит яратиш;

- Ёшларни спорт билан шуғулланишга жалб этиш;

- Туман, вилоят, республика ва халқаро спорт алоқаларини ривожлантириш,

- Давлат идоралари ва жамоат ташкилотлари, оммавий ахборот воситалари билан ҳамкорлик қилиш;

- Турли спорт тадбирларини амалга ошириш ва ҳомийларни жалб этиш.

Клубнинг асосий фаолияти қуйидагилардан иборат:

- Клубда спорт турларини ривожлантириш;

- Спортчиларнинг мураббийлари ва уларнинг оилаларини соғлиғини, ижтимоий манфаатларини ҳимоя қилиш;

- Аҳоли ўртасида соғлом турмуш тарзини тарғибот қилиш;

- Клуб аъзоларининг маҳоратини кўтариш, юқори малакали спортчиларни тайёрлаш тизимини такомиллаштириш, клуб аъзоларига моддий ёрдам кўрсатиш;

EDIT

Хусанов Даврон Нуриллоевич - май ойининг энг яхши ходими

2020-06-10T06:55:53.039Z

Навоий вилоят адлия бошқармаси ва туман (шаҳар) адлия бўлимларидан “Ойнинг энг яхши ходими”ни аниқлаш бўйича Комиссия томонидан бошқарманинг Инсон ҳуқуқларини ҳимоя қилиш бўлими бошлиғи Хусанов Даврон Нуруллоевич 2020 йил май ойи учун “Ойнинг энг яхши ходими” сифатида эътироф этилди.
Ушбу танлов жорий этилганлиги ҳар бир ходимни ўз жамоаси орасида янада фаол меҳнат қилишга, меҳнат ва ижро интизомини янада мустаҳкамлашга, шахсий ташаббус кўрсатишга, шунингдек касбдошлари орасида юксак эътиборга сазовор бўлишга хизмат қилади.
Адлия бошқармаси жамоаси Хусанов Даврон Нуруллоевични ушбу муваффақият билан табриклайди. Унинг келгусидаги ишларида ривож ва зафарлар тилайди ҳамда бошқарма фаолиятига қўшиб келаётган ҳиссаси учун миннаддорчилик билдиради.

Навоий вилояти адлия бошқармасининг ижтимоий тармоқлардаги саҳифалари:

🔹 Telegramдаги расмий саҳифаси: https://t.me/Navoiy_adliya_uz

🔹 Facebook тармоғидаги расмий саҳифаси: htps://www.facebook.com/groups/537051263317134/?ref=groups_header

✅ Мурожаат учун:

🔹 Telegram-bot: @Adliya_onlayn_bot

🔹 Расмий веб-сайт: t.me/navoi.adliya.uz

Адлия вазирлиги: ФҲДЁ органлари янги талаблар асосида ишлайди

2020-06-09T14:46:34.330Z

2020 йилнинг 8 июнь куни Адлия вазирлиги онлайн режимда тезкор йиғилиш ўтказилди.

Видеоконференцалоқа шаклида ўтказилган мажлисда адлия органлари ва муассасалари раҳбарлари ва масъул ходимлари иштирок этди.

Мажлис Адлия вазири Русланбек Давлетов бошчилигида бўлиб ўтди. Унда жорий йилнинг 19 май куни давлатимиз раҳбари томонидан имзоланган “Давлат ҳуқуқий сиёсатини амалга оширишда адлия органлари ва муассасалари фаолиятини янада такомиллаштириш чора-тадбирлари тўғрисида”ги Фармони, унга асосан вазирлик зиммасига юклатилган бир қатор қўшимча вазифа ва функцияларни амалга оширишда эътибор қаратиш лозим бўлган жиҳатлар хусусида алоҳида тўхталинди. Мазкур Фармонда белгиланган янги вазифалар ва функциялар адлия органлари ва муассасалари ходимларининг масъулиятини янада ошириши таъкидланди. Шундан келиб чиқиб, соҳа олдида кўзда тутилаётган янги марралар белгиланиб олинди.

Шунингдек, йиғилишда 2020 йилнинг 1 апрелидан адлия тизимига ўтган ФҲДЁ органлари, ушбу орган фаолиятини тизимли назорат қилиш, малакали кадрларни танлаш ва жой-жойига қўйиш, ҳуқуқни қўллаш амалиётини мувофиқлаштириш борасидаги ишлар ҳам муҳокама этилди.

Маълумот ўрнида келтирамиз, бугунги кунда ФҲДЁ архивларида 60 миллиондан ортиқ фуқаролик ҳолати далолатнома ёзувлари мавжуд, шундан 31,1 миллионтаси (яъни, 50% дан ортиғи) рақамлаштирилди.

Натижада: фуқароларга экстерриториал тамойил (пропискаси қаерда бўлишидан қатъий назар) асосида архив ҳужжатларини тақдим этиш тартиби жорий этилди ва фуқароларга архив ҳужжатлари билан боғлиқ маълумотларни 3 кунгача муддатда тақдим этишга эришилди (аввал 15 кун эди).

Йиғилишда режалаштирилган ишларни яна бири сифатида жойларда ФҲДЁ архивида барча турдаги (туғилганлик, никоҳ, никоҳдан ажралганлик ва ўлим ва уларга киритилган ўзгартиришлари ҳақида) маълумотларни олишда мурожаатларни онлайн қабул қилиш ва жавоб бериш тартиби жорий этилиши айтилди.

Ушбу вазифалар ижросини таъминлаш мақсадида аввало адлия органлари ва муассасаларида коррупцияга қарши курашга, соҳа ходимлари томонидан аҳолига ҳуқуқий хизмат кўрсатишда очиқлик ва шаффофликка эътибор қаратилаётганини иштирокчилар таъқидлади..

Тизимда коррупцияни юзага келтирувчи асосий омиллар бўлган кадрлар танлашга нохолис ёндошув ва ходимларнинг етарли моддий таъминланмаганлиги каби камчиликларни бартараф этиш бўйича аниқ чоралар кўрилиб келинаётгани қайд этилди.

Шу билан бирга, йиғилишда ФҲДЁ соҳасида амалга оширилган ижобий ишлар билан бир қаторда олиб борилган ўрганишлар натижасида аниқланган муаммолар ҳам таҳлил этилди. Таъкидланишича, ушбу муаммолар соҳа ходимлари томонидан фуқароларга ҳуқукий хизмат кўрсатиш сифатига салбий таъсир кўрсатмоқда.

Бундан ташқари, ойлик иш ҳақи даражаси ва моддий-техник таъминотнинг етарли эмаслиги, шунингдек, Давлат хизматлари агентлигининг айрим ҳудудий бошқармалари раҳбарлари ва ходимларининг ҳаракатларидан ФҲДЁ органлари ходимларининг норозилиги бўйича ҳам мурожаатлар мавжудлиги муҳокамалар пайтида гапирилди.

Бугунги кун ҳолатига кўра, соҳа бўйича жисмоний ва юридик шахслардан жами 211 та (156 та ариза, 50 та шикоят ва 5 та таклиф) мурожаатлар келиб тушган.
Шикоятлар ҳудуд бўйича таҳлил қилинганда фаолият юритаётган ФҲДЁ органлари устидан Тошкент шаҳридан 13 та, Тошкент вилояти 10 та, Самарқанд 9 та, Фарғона 3 та, Андижон, Бухоро, Қашқадарё, Навоий, Наманган, Сурхондарё вилоятларидан 2 тадан ҳамда Жиззах ва Сирдарёдан 1 тадан шикоятлар келиб тушган.

Йиғилишда мавжуд муаммолар танқидий таҳлил этилиб, адлия органлари каби ФҲДЁ органлари ҳам масъулиятни баравар ҳис қилган фаолият юритиши, қабул қилинган “Адлия қадриятлари” га тўла-тўкис амал қилиши лозимлигига урғу берилди.

Халқимизга тез ва сифатли давлат хизматларини кўрсатиш орқали уларни рози қилиш учун сидқи дилдан меҳнат қилишлари зарурлиги кун талаби, долзарб масалалардан бири эканлиги яна бир бор таъкидланди.

Йиғилиш давомида мавжуд муаммоларни бартараф этиш, жумладан, ФҲДЁ бўлимлари ходимларининг ойлик иш ҳақини ошириш, пуллик хизмат тушумларидан уларга устамалар белгилаш, зарур канцелярия моллари ҳамда бошқа моддий-техника воситалари билан таъминлаш ҳамда соҳани такомиллаштириш бўйича тегишли чора-тадбирлар белгилаб олинди.

Адлия вазирлиги: экспорт қилувчи корхоналар фаолиятига айрим ҳудудларда тўсиқлар бўлаётгани юзасидан мутасадди раҳбарларни қатъий огоҳлантиради

2020-06-09T13:26:58.154Z

Экспорт қилувчилар учун маъмурий тўсиқларни қисқартириш ташқи иқтисодий фаолиятни ислоҳ қилишнинг муҳим йўналишларидан бири ҳисобланади.

Шу билан бирга, жойлардаги ҳолат шуни кўрсатмоқдаки, айрим ҳудудларда экспорт кўрсаткичларини ошириш мақсадида ҳудуддаги раҳбарлар экспортерлар олдида сунъий тўсиқларни қўймоқда.

Хусусан, маҳсулотларни бир ҳудуддан иккинчи ҳудудга олиб ўтаётганда мансабдор шахслар экспортерларни агар у экспортни ушбу ҳудуддан амалга оширмаса ҳудуд чегарасидан ўтказмаётганлиги ёки тадбиркорлик субъектларини экспорт қилинаётган ҳудудда рўйхатдан ўтишини талаб қилиш ҳолатлари учрамоқда.

Таъкидлаш жоизки, Ўзбекистон Республикасининг бутун ҳудуди ўзи яхлит бир бозор ҳисобланиб, товарлар ва хизматларнинг республика бўйича эркин ҳаракати бозор иқтисодининг энг асосий тамойилларидан биридир. Ҳудудларнинг экспорт кўрсаткичлари ўзгариши мамлакатнинг умумий кўрсаткичига таъсир этмайди.

Юқорида қайд этилган сунъий тўсиқлар амалдаги қонунчилик талабларига ҳам зид ҳисобланади.

Ўзбекистон Республикасининг қонун ҳужжатлари бутун республика бўйича бир хил қўлланилиши шарт.

Экспорт/импорт операциялари Божхона кодекси ва бошқа қонун ҳужжатлари билан тартибга солинади.

Маҳсулотларни Ўзбекистон Республикаси ҳудудига олиб кириш ҳамда ушбу ҳудуддан олиб чиқиш фақатгина Ўзбекистон Республикасининг қонун ҳужжатларига ва халқаро шартномаларига мувофиқ тақиқланиши мумкин.

Давлат органлари ҳамда уларнинг мансабдор шахслари тадбиркорларнинг фаолиятига аралашишга ҳақли эмас.

Бундан ташқари, Ўзбекистон Республикаси Президентининг қарорида (ПҚ–3978-сон, 17.10.2018й.) ҳокимлар ва давлат органларининг ҳудудий бўлинмалари раҳбарлари мева-сабзавот маҳсулотлари экспортига экспорт қилувчининг ҳудудий мансублигига қараб тўсқинлик қилганлиги учун шахсан жавобгарлиги тўғрисида қатъий огоҳлантирилди.

Тадбиркорлик фаолияти, хусусан экспортни амалга ошириш билан боғлиқ қонун ҳужжатларида назарда тутилмаган ортиқча чеклов ва талаблар ўрнатиш ҳокимият ёки мансаб ваколатини суиистеъмол қилиш (Жиноят кодексининг 205-моддаси) ёхуд ҳокимият ёки мансаб ваколати доирасидан четга чиқиш(Жиноят кодексининг 206-моддаси) деб баҳоланиб, бунга йўл қўйган мансабдор шахслар ушбу қилмишлари учун жиноий жавобгарликка тортилиши мумкин.

Юқорида кўрсатилган ҳолатларга барҳам бериш мақсадида экспорт қилишга тўсқинлик қилишнинг ҳар қандай кўриниши ҳолатлари юзасидан ҳурматли тадбиркорлар Адлия вазирлигининг @tadbirkor_adliyabot телеграм ботига ёки “Ўзбекистон экспортчилари уюшмаси”га (71-207-00-98) мурожаат қилишлари мумкин.

Навоий вилояти адлия бошқармасининг ижтимоий тармоқлардаги саҳифалари:

🔹 Telegramдаги расмий саҳифаси: https://t.me/Navoiy_adliya_uz
🔹 Facebook тармоғидаги расмий саҳифаси: htps://www.facebook.com/groups/537051263317134/?ref=groupsheader

✅ Мурожаат учун:
🔹 Telegram-bot: @Adliyaonlayn_bot
🔹 Расмий веб-сайт: t.me/navoi.adliya.uz

НАВОИЙДА ТАДБИРКОРГА 80 МЛН. СЎМЛИК ПУЛ МАБЛАҒИ УНДИРИБ БЕРИЛДИ

2020-06-03T13:30:18.667Z

June 03, 2020

Навоий вилоятининг Кармана туманида қурувчилик фаолияти билан шуғилланадиган тадбиркорга туман адлия бўлими аралашуви орқали 80 млн. сўмлик пул маблағи ундириб берилди. Тадбиркор таълим муассасаларидан бирида амалга оширган қурилиш таъмирлаш ишлари эвазига тўланадиган сумма берилмаганидан норози бўлиб 3 йил давомида тегишли ташкилотларга мурожаат қилиб келган. Аммо унинг сўрови эътибордан четда қолдирилган. Қурувчи ташкилот эгасининг жорий йил Кармана тумани адлия бўлимига ёзма мурожаатидан сўнг, ҳолат ўрганиб чиқилди. Кармана туман адлия бўлим бошлиғи Пўлат Худойбердиевнинг маълумотига кўра, 2017-йилда “Karmana Best Building” МЧЖ раҳбари И.Гафаров Кармана тумани Болалар ва ўсмирлар спорт мактаби бош ҳисобчиси Т.Ҳамроев билан БЎСМ биносини таъмирлаш бўйича оғзаки битм тузади. Шу тариқа жамият томонидан қурилиш монтаж ишлари бошлаб юборилиб, жараён 2017-2018 йиллар давомида амалга оширилади.

- Бинода таъмирлаш тўлиқ якунлангандан кейин ҳам қурилиш таъмирлаш ишлари сметаси пайсалга солингани учун белгиланган сумма қурувчи ташкилотга қайтарилмаган. Ҳолат бўйича жавобгар томонидан олинган тушунтириш хатида ҳам мазкур маълумот ўз тасдиғини топди-дейди П.Худойбердиев.

Мутахассислар БЎСМ биносида олиб борилган таъмирлаш ишлари қийматини қайта баҳолагандан сўнг, адлия бўлими томонидан белгиланган суммани ундириш мақсадида Кармана туманлараро Иқтисодий судига даъво аризаси киритилди ва иш тадбиркор фойдасига ҳал этиб берилди.