@nodira_nematilloyevna

Maktablar bilan hamkorlik –ilmiy va uslubiy rivoj debochasidir.

2024-11-16T08:15:43.852Z

Xorijiy tillar fakulteti Ingliz tilshunosligi kafedrasi professori A.A.Haydarov, kafedra katta o'qituvchisi Z.H.Usmonovalar maktablar bilan hamkorlikni yanada mustahkamlash maqsadida Jondor tumanidagi 25-IDUM bilan hamkorlik aloqalarini yo’lga qo’yib kelmoqdalar va shuningdek, Ingliz tilshunosligi kafedrasi qoshidagi kafedra filiali faoliyat yuritib kelmoqda. Joriy yilning 15-noyabrda ixtisoslashgan maktabning ingliz tili o'qituvchilari bilan " O'quv adabiyotlari yaratish", shuningdek, " Ilmiy tadqiqot faoliyati va maqola yozish imkoniyatlari" kabi mavzularda davra suhbati o'tkazildi.
Shuningdek, kafedra professori A.Haydarov tomonidan Ingliz tilshunosligi kafedrasining "Tilning leksik-semantik tizimi, qiyosiy tipologik izlanishlar va adabiyotshunoslik muammolari" nomli XV to'plami maktab ma'muriyatiga taqdim etildi.
Bundan tashqari maktabdagi yosh o’qituvchilarning faoliyat chog’ida yuzaga kelayotgan muammoli vaziyatlar tinglandi, kafedra o'qituvchilari tomonidan muhokama qilindi va bu borada tegishli choralar va yechimlar aytib o’tildi, tavsiyalar taqdim etildi.
Maktab o'qituvchilarini ilmiy tadqiqot olib borishga jalb qilish, o'quv adabiyotlarini yaratish bo'yicha trening o'tkazildi.
Uchrashuv so’nggida maktab o’qituvchilari mamnun holda o’zlarining iliq fikrlarini bildirdilar.

Xorijiy tillar fakulteti Ingliz tilshunosligi kafedrasi dotsenti Tursunov Mirzo Maxmudovich AQShning Toshkentdagi elchixonasi tomonidan e`lon qilingan "OPEN-2024" loyihasi doirasida grant sohibi bo`ldi

2024-11-16T08:09:57.531Z

BuxDu Xorijiy tillar fakulteti Ingliz tilshunosligi kafedrasi dotsenti Tursunov Mirzo Maxmudovich AQShning Toshkentdagi elchixonasi tomonidan e'lon qilingan OPEN-2024 loyihasi doirasida grant sohibi bo'ldi. U 8 hafta davomida Arizona davlat universitetining "Professional development for teacher trainers" 64 soatlik onlayn kurslarida tahsil oldi. Kurs davomida kafedra dotsenti malakali xorijiy mutaxassislardan zamonaviy til o'qituvchilariga eng so'nggi metodologiya yuzasidan turli metod, texnologik, axborot informatsion vositalar yordamida malaka oshirishlarni qanday tashkil etish, turli platformalar yordamida ularning til va pedagogik bilimlari yuzasidan nazorat ishlarini olish, dars o'tishning o'ziga xos tamoyillarining nazariy hamda amaliy jihatlariga urg'u berish, bir so'z bilan aytganda zamonaviy chet tili o'qituvchilari uchun malaka oshirish kurslarini qanday tashkil etish bo'yicha muhim maslahatlarni oldi.

Istiqbollo rejalar qatorida Ingliz tilshunosligi kafedrasida olingan bilim va tajribalar yuzasidan treyning va mashg'ulotlar tashkil etish rejalashtirilyapti.

Xorijiy tillar fakulteti Ingliz tilshunosligi kafedrasida navbatdagi sayyor dars tashkil etildi

2024-11-16T08:04:11.010Z

Bugungi kunda ta’lim sohasini tubdan takomillashtirish va bir necha xorijiy tillarda erkin muloqotga kirisha oladigan jamiyatni shakllantirish davr talabiga aylandi. Zero, bu haqida davlatimiz rahbarining 2021-yil 19-maydagi PQ-5117-son “O‘zbekiston Respublikasida xorijiy tillarni o‘rganishni ommalashtirish faoliyatini sifat jihatidan yangi bosqichga olib chiqish chora-tadbirlari to‘g‘risida”gi qarori ijrosini ta’minlash maqsadida yurtimizda ko’plab islohotlar amalga oshirilmoqda. Buxoro davlat universiteti Ingliz tilshunosligi kafedrasi katta PhD o’qituvchisi Xayrullayeva Nodira Ne'matilloyevna filologiya va tillarni o’qitish (ingliz tili) ta’lim yo’nalishi 3- bosqich 11-8ing-22 guruh talabalari bilan “Gapirish va tinglab tushunish ko`nikmalari” fani bo’yicha amaliy mashg’ulotni 15.11.24 kunda sayyor dars sifatida o’tkazishdi. Sayyor dars mavzusi “Describing Historical Places of Bukhara”. Shaharning diqqatga sazovor bo'lgan Mir arab madrasasi va uning atrofida joylashgan binolar haqida tushunchalarga ega bo’lib yaqindan tanishdilar. Xayrullayeva Nodira Ne'matilloyevna binolarning tuzilishi, joylashuvi, ahamiyati haqida batafsil tushuntirib berdi. Tasvirlash jarayonida talabalar faol qatnashib mavzuga doir turli qiziqarli savol va javoblar bilan fikr almashdi.

BuxDU Xorijiy tillar fakulteti Ingliz tilshunosligi kafedrasi o`qituvchisi M.M.Sharipov tomonidan sayyor dars tashkil etildi

2024-11-14T11:58:36.954Z

Kuni kecha Ingliz tilshunosligi kafedrasi o'qituvchisi M.M.Sharipov 11-2 FRA-22 guruh talabalari bilan "Ikkinchi chet tili (ingliz tili)" fanidan sayyor dars olib bordi. Dastlab talabalar kutubxona tarixi, undagi kitoblar va gazetalar, 100 yildan ortiq saqlanib kelinayatgan qo'lyozmalar haqida tanishtirildi. Bundan tashqari, sayyor dars jarayonida talabalar turli xil sohalarga oid fransuz yozuvchilari tomonidan yozilgan hikoya va asarlar bilan tanishdilar. Binoning birinchi qavatida joylashgan, yosh bolalar uchun mo'ljallangan o'qish zali ham diqqatga sazovordir. Ingliz tilshunosligi yo’nalishidagi kitoblar va darsliklar talabalarga ma'qul kelib, shu yo'nalishdagi kitoblar dars davomida samarali foydalanishi xususida suhbat olib borildi. Prezidentimiz Sh.M. Mirziyoyevning “Yoshlar bilan ishlash tizimini tashkil etishning besh muhim tashabbus”laridan biri “Yoshlar ma’naviyatini yuksaltirish, ular o'rtasida kitobxonlikni keng targ'ib qilish boyicha tizimli ishlarni tashkil etish” maqsadida o'tkazilgan sayyor dars talabalarda katta taassurot va qiziqish uyg'otdi. Sayyor dars yakunida talabalarning aksari kutubxonaga a'zo bo'lib, undan foydalanish huquqiga ega bo'lishdi.

Buxoro davlat universiteti Ingliz tilshunosligi kafedrasi oʻqituvchisi PhD Nigora Ne’matilloyevna Xayrullayeva tomonidan navbatdagi ochiq dars mashg`uloti o`tkazildi

2024-11-13T09:24:10.618Z

Buxoro davlat universiteti Ingliz tilshunosligi kafedrasi o'qituvchisi N.N. Xayrullayeva tomonidan 2024-yil 12-noyabr kuni 11-8 ing-23 guruhi bilan O'qish va yozish fani O`qish modulidan "The Environment" mavzusida ochiq dars tashkil qilindi. Mashg'ulot uchun tayyorlangan ko'rgazmali materiallar dars mavzusiga doir bo'lib, talabalar indivudial, juftlik va guruh bo'lib mashqlarni bajardilar. Darsning maqsadi atrof-muhit masalalari bilan bog‘liq murakkab matnlarni tahlil qilish va talqin qilish, tushunish va tanqidiy fikrlash ko‘nikmalarini namoyish etish, paragraf ichida asosiy g‘oyalar va qo‘llab-quvvatlovchi tafsilotlarni aniqlash, atrof-muhit masalalarining jamiyat va iqtisodiyotga ta‘sirini tahlil qilish orqali haqiqiy real muhit o‘rtasida bog‘lanishlarni o‘rnatishni taqozo qiladi. Darsda atrof-muhit muammolari bo‘yicha tanlangan parchani tahlil qilish, lug‘at va muallifning maqsadini tushunish va o`qilgan matn yuzasidan xulosalar ifodalangan Mind Map yaratish strategiyalari haqida to‘xtalib o‘tilgan. Dars ishlanmasi talabaga yo'naltirilgan bo‘lib, yangi materiallar talabalarning o‘zaro fikr almashishi, alohida mulohaza yuritishiga asoslangan. Ular tarqatma materiallarda ham o‘z aksini topgan.
Ochiq dars oxirida kuzatuvchilar: Ingliz tilshunosligi kafedrasi dotsenti, f.f.f.d. M.M.Raxmatova va f.f.f.d. F.S.Vaxidova, kafedra o'qituvchilari M.O'. Ubaydullayeva va S.O'.Barotova tomonidan fikr-mulohazalar bildirildi.

Ingliz tilshunosligi kafedrasida pedagogik amaliyot jarayonlari davom etmoqda

2024-11-12T17:27:18.395Z

Buxoro davlat universiteti Xorijiy tillar fakulteti Ingliz tilshunosligi kafedrasi o'qituvchisi M.O’.Ubaydullayeva rahbarligida Filologiya va tillarni o'qitish (ingliz tili) ta'lim yo'nalishi 11-2 INGK 20 guruhi talabalari pedagogik amaliyotni davom ettirmoqdalar. Joriy haftada Buxoro shahridagi 32-umumta'lim maktabida ped amaliyotni o'tayotgan amaliyotchi talaba Nurmurodova Dilovar 6-"A" sinfi bilan "Family and Pets" mavzusida ochiq dars tashkil etdi. Mazkur ochiq dars davomida amaliyotchi talabalar TPR metod, O'yin metodlaridan unumli foydalanib, turli interfaol mashqlar orqali fan mavzusini o'quvchilarga qiziqarli tarzda o'rgatdi. Shuningdek, ochiq dars va tadbirga tashrif buyurgan ped amaliyot rahbari M.O’.Ubaydullayeva, maktab rahbariyati va fan o'qitivchilari dars jarayonini, amaliyotchi talabaning dars o'tish usulini kuzatishdi va dars so'nggida kuzatilgan dars yuzasidan o'z fikr-mulohazalarini bildirishdi.

Pedagogik amaliyot- kasbiy mahoratning debochasi

2024-11-12T17:15:51.837Z

Buxoro davlat universiteti Xorijiy tillar fakulteti Ingliz tilshunosligi kafedrasi o`qituvchisi M.O'.Ubaydullayeva Filologiya va tillarni o'qitish(ingliz tili) ta'lim yo'nalishi 11-1ingk 20 talabalarining pedagogik amaliyotiga rahbarlik faoliyatini olib bormoqa. Joriy haftada Buxoro shahar, Buxoro tuman 11-maktab, Jondor tuman 33-maktablarida Djurayeva Vazira, Barisova Navro'za, Jo'rayeva Niginalarning ochiq dars mashg'ulotlari tahlil qilinib, dars jarayonida dars samaradorligini va o'quvchilar foydalanilgan usullar haqida to'xtalib o’tildi. Darslar so'nggida maktab faolligini oshirish uchun tajribali pedagoglar ham o'z fikr mulohazalarini bildirdilar.

Pedagogik amaliyot - kasbiy mahoratning debochasi

2024-11-11T12:46:38.219Z

Ingliz tilshunosligi kafedrasi o`qituvchisi M.O'.Ubayullayeva Filologiya va tillarni o'qitish (ingliz tili) yo'nalishi 11-1ingk 20 guruh talabalarining pedagogik amaliyotiga rahbarlik faoliyatini olib bormoqda. Joriy haftada Buxoro shahar Buxoro tuman 11-maktab, Jondor tuman 33-maktablarida Djurayeva Vazira, Barisova Navro'za, Jo'rayeva Niginalarning o`tgan ochiq dars mashg'ulotlari tahlil qilinib, dars jarayonida dars samaradorligini va o'quvchilar faolligini oshirish uchun foydalanilgan usullar haqida to'xtalib o’tildi. Darslar so'ngida kafedra o`qituvchisi M.O`. Ubaydullayeva hamda maktabning tajribali pedagoglari o'z fikr mulohazalarini bildirdilar.

Navbatdagi sayyor dars tashkil etildi

2024-11-11T10:24:42.569Z

Bugungi kunda xorijiy tillarni o‘rganish keng imkoniyatlar eshigini ochmoqda. Zero, bu haqida davlatimiz rahbarining 2021-yil 19-maydagi PQ-5117-son “O‘zbekiston Respublikasida xorijiy tillarni o‘rganishni ommalashtirish faoliyatini sifat jihatidan yangi bosqichga olib chiqish chora-tadbirlari to‘g‘risida”gi qarori ijrosini ta’minlash maqsadida mamlakatimizda turli islohotlar amalga oshirib kelinmoqda. Joriy yilning 8-noyabr kuni Buxoro davlat universiteti Ingliz tilshunosligi kafedrasi òqituvchisi G.F.Xayrullayeva tomonidan Filologiya va tillarni o'qitish (ingliz tili) ta’lim yo’nalishi IV bosqich 11-6ing-21 talabalari bilan sayyor dars tashkil etildi. Yozish ko'nikmalari fanidan tashkil qilingan ushbu sayyor dars mashg'uloti Abu Ali ibn Sino nomidagi Milliy kutubxonada tashkil etildi. Sayyor dars davomida talabalar o'zbek va ingliz asarlarida badiiy, ilmiy va akademik asarlar bo'yicha yozish usullari tahlil qilindi. Kutubxondagi axborot resurlaridan elektron shaklda qanday kitoblardan foydalanish kutubxona xodimlari tomonidan ko'rsatildi. Xulosa qilib aytganda, til ta'limi sohasidagi islohotlar bugungi kunda o'zining dolzarbligi hamda amaliy ahamiyati bilan muhim ekani shubhasiz. Til mutaxasislari davlatimiz tomonidan til o’rgatishga qaratilayotgan katta e'tibor va rag'batdan ruhlangan holda, asosiy ezgu maqsad — yurt kelajagi va ravnaqi uchun xizmat qiluvchi, dunyo bozorida raqobatbardosh, talab katta, bilimdon, har tomonlama yetuk kadrlar tayyorlashga o'z hissalarini qo'shmog'i lozim.

Zardo`zlik san`ati tarixi mavzusida ochiq dars tashkil qilindi.

2024-11-07T17:58:49.208Z

Joriy yilning 2024-yil 5-noyabr sanasida San'atshunoslik va pedagogika fakulteti Tasviriy va amaliy bezak san'ati (turlari bo'yicha) 2-bosqich magistranti
Nadirxanova Nilufar Alisherovna tomonidan 3-bino 105-xonada 12-1SAN(TAS)-23 guruhi talabalari bilan Zardo’zlik san’ati tarixi mavzusida ochiq amaliy mashg'uloti o‘tkazildi. Amaliy mashg‘ulot jarayonida talabalar 2 guruhga ajratildi.Noan'anaviy metodlardan foydalanildi.Darsda barcha talabalar faol ishtirok etdi.Kafedra professor- o‘qituvchilari o‘tkazilgan ochiq dars haqida fikr-mulohazalar bildirishdi.