Nod Said

Zamonaviy dars - sifat va samaradorlik mezoni

2026-04-18T15:56:35.032Z

Dars - mahorat oynasi. Unda tajriba sinovdan o‘tadi, bilim esa sayqallanadi. Dars-muqaddas. Unda sifat va samaradorlik makon topadi. Nazariya va amaliyot uyg'unligi esa zamonaviy darsning asosiy talablari sifatida namoyon bo'ladi.

Joriy yilning 15-aprel kuni Buxoro davlat universiteti Filologiya fakulteti O'zbek tilshunosligi va jurnalistika kafedrasining dotsenti, filologiya fanlari bo'yicha falsafa doktori M.G'.Navro'zova 6-3 uzb-23 guruhi talabalari ishtirokida O'zbek tili va adabiyotini o'qitish metodikasi fanidan "Maktabda o'quvchilarning og'zaki nutqini o'stirish usullari" mavzusida mahorat darsi tashkil qildi.

Mahoratli pedagog M.G'.Navro'zova darsda innovatsion texnologiyalardan -"Sinkveyn", "Zinama-zina","Aqliy hujum" singari metodlardan unumli foydalandi. Xususan, matn ustida ishlash, lug‘at boyligini boyitish va mantiqiy fikrlashni rivojlantirishga qaratilgan innovatsion yondashuvlar talabalar faolligini ta'minladi. Mashg‘ulot davomida talabalar nafaqat nazariy bilimga ega bo‘lishdi, balki kelajakda pedagog sifatida o‘quvchilar bilan ishlashda nutq o‘stirishning eng samarali texnologiyalarini qo‘llash bo‘yicha metodik tavsiyalar olishdi.

Siyosiy ma'rifat soati

2026-04-17T11:00:05.533Z

2026-yil 17-aprel kuni Filologiya fakulteti O'zbek tili va adabiyoti kafedrasida navbatdagi siyosiy ma’rifat soati tashkil etildi. Kafedra professor- o’qituvchilari O'zbekiston va jahon miqyosidagi siyosiy-ijtimoiy xabarlar bilan tanishishdi.

Soktareda Sadriddin Ayniy sadosi

2026-04-17T03:42:36.951Z

Sadriddin Аyniy tarixnavislikda isteʼdodli adib, yozuvchilikda tarixning ulugʼ bilimdoni sanalib, u xalqning oʼtmishini xuddi oʼzi yashayotgan zamona kabi mukammal bilar hamda badiiyat libosini mahorat bilan tasvirlashda tengsiz edi. Ayniyni chetlab na Rudakiy va Firdavsiyning, na Sa’diy va Hofizning, na Jomiy va Navoiyning, na Bedil va Donishning ijod olamiga dadil kirib borish mumkin emas. Sadriddin Ayniyning ilmiy-adabiy merosi o‘tmish, bugun va kelajakni bir-biriga bog‘lovchi bir oltin halqadek go'yo.

Joriy yilning 15-aprel kuni Buxoro davlat universiteti Filologiya fakulteti O‘zbek tili va adabiyoti kafedrasi hamda Abu Ali Ibn Sino nomidagi Viloyat axborot-resurs markazi tashabbusi bilan “Ayniyxonlik” nomli adabiy-ma’rifiy tadbir tashkil etildi. Ma'naviy-ma'rifiy tadbirda professor-o‘qituvchilar, talabalar hamda adabiyot ixlosmandlari faol ishtirok etishdi.

Tadbirni Filologiya fakulteti dekani, f.f.d., professor G.I. Toirova kirish so‘zi bilan ochib, mazkur anjuman Sadriddin Ayniy ijodini chuqur o‘rganish va yoshlar ongida milliy-adabiy qadriyatlarni mustahkamlashda muhim ahamiyat kasb etishini alohida ta’kidladi. Shundan so‘ng f.f.d., professor Q.Q. To‘xsanov tomonidan “Sadriddin Ayniy – zullisonayn yozuvchi” mavzusida ma’ruza qilinib, unda adibning o‘zbek va tojik adabiy aloqalaridagi o‘rni, ikki tilli ijodkor sifatidagi badiiy-estetik xususiyatlari ilmiy asosda yoritildi.

Tadbir davomida 3-bosqich o‘zbek filologiyasi hamda 4-bosqich tojik filologiyasi talabalarining badiiy chiqishlari namoyish etilib, ular orqali adib asarlarining g‘oyaviy-badiiy mazmuni sahnaviy talqinlarda aks ettirildi. Shuningdek, markaz mutaxassisi Feruza Ashurova tomonidan tashkil etilgan yangi adabiyotlar ko‘rgazmasi ishtirokchilarda katta qiziqish uyg‘otdi va zamonaviy kitobxonlik madaniyatini targ‘ib etishga xizmat qildi.

Tadbir tashkilotchilaridan biri, f.f.d., professor D.X. Quvvatova tomonidan Sadriddin Ayniy hayoti va ijodiga doir izchil ilmiy-biografik ma’lumotlar bayon etilib, adib merosining ma’naviy-ma’rifiy ahamiyati keng yoritildi. Yakunda O‘zbek tili va adabiyoti kafedrasi professori, f.f.d. D.Z. Rajabov tomonidan umumlashtiruvchi fikr-mulohazalar bildirildi.

Tadbir so‘ngida faol ishtirok etgan talabalar tashkilotchilar tomonidan taqdirlandi. Umuman olganda, mazkur adabiy-ma’rifiy anjuman yoshlar o‘rtasida ilm-fan va kitobxonlikka bo‘lgan qiziqishni oshirish, milliy adabiy merosni chuqur anglash va targ‘ib etishda muhim ilmiy-amaliy ahamiyat kasb etdi.

Ma'rifatga baxshida umr...

2026-04-16T19:32:32.208Z

Ma’rifatga baxshida umr - bu shunchaki yashab o‘tilgan yillar hisobi emas, balki jamiyatning ma’naviy kamoloti yo‘lida sarf etilgan mashaqqat manzili demakdir. Bunday umr egalari o‘z shaxsiy manfaatlaridan kechib, o‘zgalar qalbiga bilim va ziyo urug‘ini qadashni hayotining mazmuni deb bilishadi. G'ayrat Murodov -o'z hayotini ilm-u ma'rifatga baxshida qilgan olim sifatida e'tirofga loyiq.

Joriy yilning 16-aprel kuni filologiya fanlari doktori, professor, Oʻzbekiston Yozuvchilar va Jurnalistlar uyushmalari a'zosi, taniqli adabiyotshunos,ko'plab shogirdlarning sevimli ustozi Gʻayrat Murodovning ilmiy-ijodiy faoliyati sharafiga atab ma'naviy-ma'rifiy tadbir tashkil etildi.
Tadbir Buxoro davlat universiteti rektori, professor O.H.Hamidovning kirish so'zi bilan boshlandi. Shuningdek,Buxoro viloyat hokimining davlat tili masalalari boʻyicha maslahatchisi A. S. Rustamov, Oʻzbekiston Yozuvchilar uyushmasi viloyat boʻlimi rahbari Sh.S.Sulaymonov, Oʻzbekiston Jurnalistlar uyushmasi viloyat boʻlimi rahbari G.Ibrohimova, taniqli yozuvchi, “Doʻstlik” ordeni sovrindori Joʻra Fozil singari ko'plab ilm ahllari professor Gʻayrat Murodov sharafiga atab iliq so'zlar aytishdi. Ayniqsa, ustoz G'ayrat Murodovga atab tayyorlangan videorolik mashaqqatli yo'l uchun ko'ngil izhori misoli jarangladi.

Ustozning ilmiy va ijodiy faoliyati milliy adabiyotimizni chuqur o‘rganish, yoshlar qalbida kitobxonlik, tafakkur va ma’naviy qadriyatlarga hurmatni yuksaltirishga xizmat qilib kelmoqda. Tadbir davomida talabalar ijrosidagi sahna ko'rinishlari, xususan, Gʻayrat Murodov “Abadiyat va adabiyot”, “Mohiyat va adabiyot” toʻplamlaridan o'rin olgan she'rlari hamda buxorolik shoirlarning she'riy tabriklari tadbir ishtirokchilariga manzur bo'ldi.

Tadbir so'ngida Filologiya fakulteti dekani ,professor G.I.Toirova , O'zbek tili va adabiyoti kafedrasi mudiri, professor D.Z.Rajabovlar ustozni ulug' yosh bilan samimiy qutlashdi.

Soktareda Sadriddin Ayniy sadosi

2026-04-16T16:32:59.081Z

Globallashuv jarayonida yoshlar ma’naviyati

2026-04-14T08:54:34.927Z

* ma'rifat soati

2026-yilning 14-aprel kuni Filologiya fakulteti O'zbek tili va adabiyoti kafedrasi professor-o'qituvchilari ishtirokida “Globallashuv jarayonida yoshlar ma’naviyati” mavzusida ma’rifat soati o'tkazildi. Ma'rifat soatida O'zbek tili va adabiyoti kafedrasi mudiri, professor D.Rajabov bugungi zamonaviy yoshlar ma'naviyatining shakllanishida pedagoglarning ta'siri to'g'risida fikr-mulohazalar bildirib o'tdi.

Shogirdlar kamoloti -ustoz saodati

2026-04-09T15:34:29.447Z

Dunyoda shunday kasb egalari borki, ularsiz hayotning fayzi ham, mazmuni ham tugal bo‘lmas edi. Bular — aziz va moʻtabar ustozlardir. Ustozni e’zozlash , unga ehtirom ko'rsatish - yuksak madaniyat belgisi. Ayni haqiqatni chuqur anglagan holda Filologiya fakulteti tashabbusi ostida adabiyotshunos olima, professor, ko'plab shogirdlarning jonkuyar ustozi Quvvatova Dilrabo Habibovna bilan uchrashuv tashkil etildi.

Joriy yilning 9-aprel kuni tashkil etilgan mazkur uchrashuv ilm toliblarining quvonchiga sabab bo'ldi. Ustoz bilan uchrashuv — bu nafaqat sog‘inch, balki minnatdorchilik va ehtirom izhor etish lahzasidir. Zero, adabiyotshunos olima, professor, shuningdek, tajribali ustoz - Dilrabo Habibovnaning ilmiy va ijodiy faoliyati milliy adabiyotimizni chuqur o‘rganish, yoshlar qalbida kitobxonlik, tafakkur va ma’naviy qadriyatlarga hurmatni yuksaltirish yo'lida xizmat qilib kelmoqda.

Uchrashuvda O'zbek tili va adabiyoti kafedrasi mudiri, professor D.Z.Rajabov ,Yoshlar masalalari va manaviy-marifiy ishlar bo'yicha dekan o'rinbosari T.Rajabov, dotsent Z.Sohibova hamda Tilshunoslik va jurnalistika kafedrasi professor -o'qituvchilari ishtirok etishdi.

Ustoz bosib o'tgan yo'l -ibrat maktabi. Unda mashaqqat, zahmat, sabr-u matonat mujassam. Uchrashuv davomida talabalar professor Quvvatova Dilrabo Habibovna bilan ochiq muloqotda bo'lib, adabiyot, ilm-fan va ijod yo'lida muhim tavsiyalarga ega bo'lishdi. Samimiy ruhda o‘tgan suhbat yoshlarga ilhom bag'ishladi.

Shogirdlar kamoloti -ustoz saodati

2026-04-09T12:45:49.086Z

Dunyoda shunday kasb egalari borki, ularsiz hayotning fayzi ham, mazmuni ham tugal bo‘lmas edi. Bular — aziz va moʻtabar ustozlardir. Ustozni e’zozlash , unga ehtirom ko'rsatish - yuksak madaniyat belgisi. Ayni haqiqatni chuqur anglagan Filologiya fakulteti O'zbek tili va adabiyoti kafedrasi tashabbusi ostida adabiyotshunos olima, professor Quvvatova Dilrabo Habibovna bilan uchrashuv tashkil etildi.

Ustozning ilmiy va ijodiy faoliyati milliy adabiyotimizni chuqur o‘rganish, yoshlar qalbida kitobxonlik, tafakkur va ma’naviy qadriyatlarga hurmatni yuksaltirishga xizmat qilib kelmoqda. Uchrashuv davomida talabalar ustoz bilan ochiq muloqot olib borib, adabiyot, ilm-fan va ijod yo‘lidagi muhim tavsiyalarni oldilar. Samimiy ruhda o‘tgan suhbat katta ma’naviy ozuqa va ilhom bag‘ishladi.

Uchrashuvda O'zbek tili va adabiyoti kafedrasi mudiri, professor D.Z.Rajabov ,Yoshlar masalalari va manaviy-marifiy ishlar bo'yicha dekan o'rinbosari dotsent T.Rajabov, dotsent Z.Sohibovalar ishtirok etishdi.

Bunday ijodiy uchrashuvlar yoshlarning tafakkur dunyosini kengaytirish, kitobxonlik madaniyatini oshirish va rivojlantirish hamda ma’naviy yetuk shaxs sifatida kamol topishida dasturamal bo'lib xizmat qiladi.

Shogirdlar kamoloti yo‘lidagi fidoyilik

2026-04-09T06:59:08.455Z

Dunyoda shunday kasb egalari borki, ularsiz hayotning fayzi ham, mazmuni ham tugal bo‘lmas edi. Bular — aziz va moʻtabar ustozlardir. Ustozni e’zozlash , unga ehtirom ko'rsatish - yuksak madaniyat belgisi. Ayni haqiqatni chuqur anglagan Filologiya fakulteti professor D.Rajabov rahbarligidagi O'zbek tili va adabiyoti kafedrasi tashabbusi bilan adabiyotshunos olima, professor Quvvatova Dilrabo Habibovna bilan uchrashuv tashkil etildi.

Ustozning ilmiy va ijodiy faoliyati milliy adabiyotimizni chuqur o‘rganish, yoshlar qalbida kitobxonlik, tafakkur va ma’naviy qadriyatlarga hurmatni yuksaltirishga xizmat qilib kelmoqda. Uchrashuv davomida talabalar ustoz bilan ochiq muloqot olib borib, adabiyot, ilm-fan va ijod yo‘lidagi muhim tavsiyalarni oldilar. Samimiy ruhda o‘tgan suhbat barchaga katta ma’naviy ozuqa va ilhom bag‘ishladi.

Dars-pedagog mahoratining oynasi

2026-01-30T18:17:26.586Z

2026-yil,29-yanvar kuni Buxoro davlat universiteti Filologiya fakulteti O'zbek tilshunosligi va jurnalistika kafedrasida yana bir mahoratli dars bo'lib o'tdi. Dars-muqaddas. Aynan mana shu iborani o'z faoliyatining shuuriga aylantirgan tajribali pedagog, filologiya fanlari bo'yicha falsafa doktori,dotsent M.G'.Navro'zova Gi'jduvon tumani, Soktare o'quv binosida 9-1 UZBS-22 guruhi talabalari ishtirokida Turkiy filologiyaga kirish fanidan " Moskva maktabining turkologiya taraqqiyotidagi o'rni va Qozon maktabi vakillarining ilmiy faoliyati" mavzusida ochiq dars mashg'uloti o'tkazdi.

Dars juda ko'tarinki ruhda boshlandi. Mahoratli ustoz M.G'.Navro'zova ochiq dars ma'shg'ulotini innovatsion texnologiyalarning amaldagi tadbiqi asosida tashkil etdi. Xususan, "T-Toifalash jadvali'", " Sening fikring", "Intervyu" singari metodlar dars samaradorligini ta'minladi. Bo'lajak o'qituvchilarga tahsil berayotgan ustoz saboqlari talabalar faoliyatida dasturamal bo'lib xizmat qilishi darsni kuzatgan O'zbek tili va adabiyoti kafedrasi o'qituvchisi N.M.Saidova tomonidan alohida e'tirof etildi: "Pedagog-bu yuksak darajada madaniyatli, o'z fanini chuqur biladigan, fanning tegishli sohalarini yaxshi tahlil eta oladigan, tarbiyalash va o'qitish uslubiyotini mukammal egallagan kishi sanaladi. Ayniqsa,adabiyot o'qituvchilari ko'ngil egalari va go'zallik bunyodkorlaridirlar".

Mahorat darsi davomida talabalar Moskva maktabi va Qozon maktablarining afzalliklari bilan bog'liq juda qiziqarli ma'lumotlar berishdi. "Guruhlarda ish" tarzida olib borilgan mahorat darsi ilmiy ma'lumotlarga boy bo'ldi.