Oltinko'l tuman Adliya bo'limi

"Vatanim taqdiri - mening taqdirimda" shiori ostida huquqiy targ'ibot tadbirlari o'tkazilmoqda

2021-06-22T11:46:36.919Z

O'zbekiston Respublikasi Adliya vazirligi, Bosh prokuraturasi, Ichki ishlar vazirligi, Oliy va o'rta maxsus ta'lim vazirligi, Xalq ta'limi vazirligi hamda Yoshlar ishlari agentligi tomonidan yoshlarning huquqiy savodxonligini oshirishga qaratilgan "Vatan taqdiri - mening taqdirimda" mavzusida seminar-treninglar o'tkazish to'g'risida qo'shma qaror qabul qilingan.

Qarorga asosan, 2021-yilning may-oktabr oylarida respublikaning barcha hududlarida seminar-treninglar tashkil qilish belgilangan.

Mazkur topshiriq ijrosini ta'minlash maqsadida, Oltinko'l tuman adliya bo'limi tomonidan 2021-yilning 22-iyunida tuman tibbiyot birlashmasida amaliyot o'tayotgan tibbiyot oliygohi talabalari ishtirokida seminar-trening tashkil qilindi.

Bu seminar-treningda respublikamizdagi so'nggi qonunchilik yangiliklari, Konstitutsiya va qonunlarda yoshlarning huquq va manfaatlari aks etishi, 2021-yil oktabr oyida o'tkaziladigan Prezident saylovlari haqida ma'lumot berildi.

Shuningdek, bo'lajak shifokorlar bilan tibbiyot huquqi, uning hozirgi holati xususida fikr almashinildi.

O'zbekiston Respublikasi Prezidentining 2021-yil 5-maydagi "Sog‘liqni saqlash tizimida olib borilayotgan islohotlarni izchil davom ettirish va tibbiyot xodimlarining salohiyatini oshirish uchun zarur shart-sharoitlar yaratish to‘g‘risida"gi PF-6221-son Farmoni mazmun-mohiyati tadbir qatnashchilariga tushuntirilib, tarqatma materiallar tarqatildi.

Ўзбекистон Республикаси Президентининг “Ер муносабатларида тенглик ва шаффофликни таъминлаш, ерга бўлган ҳуқуқларни ишончли ҳимоя қилиш ва уларни бозор активига айлантириш чора-тадбирлари тўғрисида” 2021 йил 8 июндаги ПФ–6243-сон Фармони мазмун-моҳияти

2021-06-21T07:32:57.129Z

I. Фармоннинг мақсади.

Ер участкаларини ажратишнинг барча учун тенг, шаффоф ва бозор тамойилларига асосланган тартибини жорий этиш, ерга оид мулкий ва ҳуқуқий муносабатларда барқарорликни таъминлаш, ерларни муҳофаза қилиш, ер эгаларининг мулкий ҳуқуқларини кафолатлаш, шунингдек ернинг иқтисодий қийматини белгилаш орқали уни фуқаролик ҳуқуқий муомаласининг объекти сифатида эркин муомалага киритиш.

II. Фармоннинг мазмун ва моҳияти.

Фармонга кўра, 2021 йил 1 августдан:

ер участкалари хусусий секторга – мулк ва ижара ҳуқуқи асосида ажратилади;

ер участкалари давлат ташкилотларига доимий фойдаланиш ҳуқуқи асосида ажратилади;

мерос қилиб қолдириладиган умрбод эгалик, доимий эгалик, вақтинча фойдаланиш ҳуқуқи билан ер ажратиш тартиби бекор қилинади;

(бунда илгари ажратилган ер участларига бўлган ҳуқуқлар сақланиб қолади)

ижарага олинган ер участкасидаги кўчмас мулк бошқа шахсга ўтган тақдирда, ер участкасига ижара ҳуқуқи ҳам янги мулкдорга ўтади;

қишлоқ хўжалигига мўлжалланган ерлар очиқ электрон танловорқалифақат ижара ҳуқуқи асосида ажратилади;

қишлоқ хўжалигига мўлжалланмаган ерлар мулк ҳуқуқи ва ижара ҳуқуқи асосида электрон онлайн-аукцион орқали реализация қилинади;

барча ҳолларда ер участкалари фақат бўш турган ва захирага олинган ерлардан ажратилади;

(айни бир ҳужжат билан ёки бир вақтда ер участкасини олиб қўйиш, захирага олиш, бошқа шахсга ажратиш ер бериш тартибини бузиш ҳисобланади)

давлат-хусусий шериклик лойиҳалари ва ижтимоий лойиҳаларни амалга оширишда ер участкалари давлат ташкилотига доимий фойдаланиш ҳуқуқи билан ажратилади;

(ушбу ерлар хусусий шерик, нодавлат нотижорат ташкилоти ва фуқаролик жамиятининг бошқа институтларига ижарага берилиши мумкин)

кўп квартирали уй жойлашган ва унга туташ ер участкаси мулкдорларга умумий фойдаланиш учун доимий фойдаланиш ҳуқуқи асосида ажратилади.

2021 йил 1 августдан Вазирлар Маҳкамаси фақат қуйидаги ҳолларда ер участкаларини тўғридан-тўғри ижарага беришга ҳақли:

давлат илмий-тадқиқот ва таълим муассасаларига –Қишлоқ хўжалиги вазирлигининг таклифига асосан;

агросаноат кластерларига – ер участкаси норматив қийматининг икки баравари миқдоридаги пул маблағи депозитга қўйилганда, Қишлоқ хўжалиги вазирлиги, Қорақалпоғистон Республикаси Вазирлар Кенгаши, вилоят ҳокимининг таклифига асосан;

энг яхши таклифни танлаш орқали аниқланадиган, қиймати камида 10 миллион АҚШ доллари эквивалентида (ер майдони ҳажмига кўра ортиб боради) бўлган йирик инвестиция лойиҳасини амалга ошириш учун – лойиҳа қийматининг камида 10 фоизига тенг маблағ аввалдан махсус ҳисоб рақамга жойлаштирилганда;

чет эл инвестициялари иштирокидаги корхоналарга, халқаро бирлашмалар ва ташкилотларга, чет эллик юридик ва жисмоний шахсларга – ижарага олиш ҳуқуқини олганлик учун бозор қийматида ҳақ тўлаган ҳолда (халқаро бирлашмалар ва ташкилотлардан ташқари).

Ер тўғрисидаги қонун бузилиши ҳолатларини барвақт аниқлаш ва уларнинг олдини олишга қаратилган фаолиятни мувофиқлаштириш бўйича Республика кенгаши ва жойларда ҳудудий кенгашлар ташкил этилди (ишчи орган – прокуратура).

Кадастр органлари ердан мақсадсиз фойдаланишни аниқлаганда ушбу ерга бўлган ҳуқуқни бекор қилиш, ноқонуний қурилган иморатларни бартараф этиш юзасидан тўғридан-тўғри судга мурожаат қилиши мумкин.

Фармонга кўра, 2021 йил 1 августдан ҳокимликларнинг ерга оид қуйидаги ваколатлари бекор қилинади:

ерни тўғридан-тўғри ажратиш, фойдаланишга бериш, захиралаш, бириктириш, ободонлаштириш учун бериш ёки ерларни бошқача йўл билан тасарруф қилиш;

туман ва шаҳар ҳокимликлари томонидан ерга бўлган ҳуқуқларни белгилаш, эътироф этиш, ўзгартириш, бекор қилиш;

суғориладиган ерларни суғорилмайдиган ерлар тоифасига ёки бошқа ер тоифасига, суғорилмайдиган қишлоқ хўжалиги ерларини бошқа ер тоифасига ўтказиш;

жамоа боғдорчилиги, узумчилиги ва полизчилиги ҳамда ёрдамчи қишлоқ хўжалигини юритиш учун ер бериш;

хусусийлаштириладиган ерга нисбатан инвестиция мажбуриятлари ёки хусусий мулкни эркин тасарруф этишни чеклайдиган бошқа мажбуриятларни белгилаш;

2021 йил 1 августдан қонунчилик ҳужжатларида белгиланган бошқача тартибда ер участкаларини ажратишни назарда тутувчибарча тартиблар, имтиёз ва истиснолар тўлиқ бекор қилинади.

Давлат ҳокимияти органларининг ер участкаларини тўғридан-тўғри ажратиш ёки бошқача тарзда имтиёз ва истиснолар белгилаш ташаббуси билан чиқиш тақиқланади.

Bog'lanish uchun:

https://www.facebook.com/oltinkuladliya/

https://www.youtube.com/channel/UCTsVpc5JQJVTMitWKsyiI8w

"Фермерга мадад" ҳуқуқий акцияси жойларда

2021-06-08T13:49:27.219Z

Адлия вазирлиги томонидан 2021 йилнинг июнь-декабр ойлари давомида респуб-лика бўйлаб "Фермерга мадад" ҳуқуқий акцияси ўтказилади.

Мазкур акция доирасида фермерларга ҳуқуқлари тушунтирилади, уларнинг муро-жаатлари қабул қилинади, қишлоқ хўжалиги соҳасида ҳуқуқни қўллаш амалиёти ўрганилиб, соҳани тубдан ислоҳ қилиш ва қонунчиликни такомиллаштириш юза-сидан таклифлар тайёрланади.

Олтинкўл туман адлия бўлими томонидан ҳуқуқий акция доирасида Олтинкўл ту-манидаги С.Ашуров массивида жойлашган фермер хўжаликларида ҳуқуқий тар-ғибот тадбирлари ўтказилди.

С. Ашуров массивида фаолият юритувчи фермерлар.

Учрашувларда Адлия вазирлигининг бу ташаббуси ҳақида маълумот берилиб, фермерларга ҳуқуқлари ва уларнинг кафолатлари тушунтирилди. Уларнинг фикр-мулоҳазалари тингланди.

"Жалилбой саҳоват" ф/х шийпонида атрофдаги фермерлар йиғилганда.

Фермерлар билан бўлган учрашувларда уларнинг мурожаатлари ҳам қабул қилинди. Хусусан, "Жалилбой саҳоват" ф/х балиқчилик йўналишини ҳам йўлга қўйган. Энди етиштирилган балиқ маҳсулотларини бозорга чиқариш зарур. Фермер ушбу масалада ёрдам сўрамоқда. Мурожаат иш юритувига олинди.

Балиқчилик фермаси.

Олтинкўл тумани. 2021 йил, 8 июнь.

Фермерлар қишлоқ хўжалиги ривожининг драйвери

2021-06-04T06:10:40.282Z

"Фермерга мадад" ҳуқуқий акцияси 2021 йил июнь-декабрь ойларига қадар давом этади.

Акцияни ўтказишдан мақсад:
“Фермерлар қишлоқ хўжалиги ривожининг драйвери” сифатида уларнинг иқтисодиёт ва жамиятдаги мавқеини ошириш.

Акция давомида қуйидагилар амалга оширилади:
Ø ҳуқуқларини тушунтириш тадбирлари ўтказилади;

Ø фермерларнинг мурожаатлари ўрганилади;

Ø муаммоларини аниқлаш бўйича сўров ўтказилади;

Ø қонунчиликни такомиллаштириш юзасидан таклифлар ишлаб чиқилади.

Акция ўтказиш механизмлари:

1) Акцияни ўтказишни Мувофиқлаштирувчи гуруҳ ва тадбирлар йўналишлари бўйича ишчи гуруҳлар шакллантирилади;

2) Амалга ошириладиган тадбирлар бўйича материаллар тўплами тайёрланади;

3) Ишчи гуруҳ аъзолари акция ўтказиш бўйича ўқитилади;

4) Акция доирасида тадбирлар график асосида амалга оширилади.

5) Акция натижалари умумлаштирилади ва тегишли ҳисоботлар тайёрланади.

Акция доирасида тарғибот тадбирлари қуйидагилар орқали амалга оширилади:
Ø ОАВ

Ø ижтимоий тармоқлар

Ø манзилли ва сайёр тадбирлар

Ø интерактив усуллар

Ø онлайн ва офлайн мулоқот платформалари