Oybek Hakimov

Тадбиркорлар иштирокида семинар ўтказилди.

2020-06-23T12:59:07.110Z

Жорий йилнинг 22 июнь куни Шўрчи туман адлия бўлими томонидан "Ермулккадастр" давлат корхонаси билан ҳамкорликда Шўрчи туманида фаолият юритувчи тадбиркорлар иштирокида тадбиркорлик фаолияти учун ер майдонлари ажратишга оид барча жараёнларни тушунтириш бўйича семинар ўтказилди.

Семинарда, Ўзбекистон Республикаси Вазирлар Маҳкамасининг “Тадбиркорлик ва шаҳарсозлик фаолиятини амалга ошириш учун бўш турган ер участкаларини бериш тартиб-таомилларини янада такомиллаштириш чора-тадбирлари тўғрисида”ги 2019 йил 20 декабрдаги 1023-сонли қарори ҳамда «E-IJRO AUKSION» савдо майдончаси электрон онлайн-аукционда қатнашиш тартиби, қишлоқ хўжалигига мўлжалланмаган бўш турган ер участкаларини электрон онлайн-аукцион орқали доимий фойдаланишга бериш тартиби, “YERELEKTRON” ААТда аниқ инвестиция мажбуриятлари билан бирга ер участкаси ва режалаштирилаётган қурилиш объекти тўғрисидаги маълумотларни кейинчалик уларни аукционга қўйиш масаласини белгиланган тартибда кўриб чиқиш учун жойлаштириш бўйича таклифлар киритиш ҳуқуқи ва www.e-auksion.uz сайтида рўйхатдан ўтиш, лотга ариза бериш, аукционда иштирок этиш тушунтириб ўтилди.

Шунингдек, Шўрчи туман давлат хизматлари марказларида жисмоний шахслар "Е-IJRO AUKSION" савдо майдончасида электрон онлайн-аукционда иштирок этишлари учун зарур шароитлар ва имкониятларга эга бўлган алоҳида жой ажратилганлигини, давлат хизматлари маркази ходимлари томонидан фуқароларга электрон онлайн-аукционда иштирок этиш бўйича зарур тушунтириш ва ёрдам беришларини такидлаб ўтди.

Тадбиркорлик фаолияти учун ер участкалари олиш тартибларини тушунтириш бўйича тайёрланган видеоролик, буклет ва флаерлар ижтимоий тармоқлар орқали ҳам аҳоли эътиборига етказилмоқда.

Шўрчи туман адлия бўлими.

Тадбиркорлик билан шуғулланиш истагингизми мавжудми?

2020-06-19T09:17:13.589Z

Шўрчи туман адлия бўлимининг ташаббуси билан 2020 йил 19 июнь куни "Деҳқон (озиқ-овқат) бозори" МЧЖ маъмурий биносида жойлашган радиоузел орқали янги қабул қилинган қонун ҳужжатлари борасида бозор ҳудудидаги тадбиркорлар ва фуқароларга эшиттириш ташкил этилди.

Ўзбекистон Республикаси Вазирлар Маҳкамасининг “Тадбиркорлик ва шаҳарсозлик фаолиятини амалга ошириш учун бўш турган ер участкаларини бериш тартиб-таомилларини янада такомиллаштириш чора-тадбирлари тўғрисида”ги 2019 йил 20 декабрдаги 1023-сонли қарори ҳамда «E-IJRO AUKSION» савдо майдончаси электрон онлайн-аукционда қатнашиш тартиби, қишлоқ хўжалигига мўлжалланмаган бўш турган ер участкаларини электрон онлайн-аукцион орқали доимий фойдаланишга бериш тартиби, “YERELEKTRON” ААТда аниқ инвестиция мажбуриятлари билан бирга ер участкаси ва режалаштирилаётган қурилиш объекти тўғрисидаги маълумотларни кейинчалик уларни аукционга қўйиш масаласини белгиланган тартибда кўриб чиқиш учун жойлаштириш бўйича таклифлар киритиш ҳуқуқи ва бошқа масалалар юзасидан батафсил тушунтиришлар берилди.

Шунингдек,Сурхондарё вилоят адлия бошқармасининг ташаббуси билан 1 июндан - 30 июнга қадар ўтказилаётган“Сизнинг қонун билан кафолатланган ижтимоий нафақалар ва моддий ёрдам олишга бўлган ҳуқуқларингиз бузилаяптими?” номли акцияси борасида аҳолини кенгроқ жалб қилиш масаласида тарғибот қилиниб, фуқароларни қизиқтирган ва телефон орқали тушган саволларга батафсил жавоблар берилди.

- Кўпроқ саволлар Ўзбекистон Республикаси Президентининг “Коронавирус пандемияси даврида аҳоли ва тадбиркорлик субъектларини қўллаб-қувватлаш бўйича навбатдаги чора-тадбирлар тўғрисида” Президент Фармони (ПФ-5996-сон, 18.05.2020 й.) ва Ўзбекистон Республикаси Вазирлар Маҳкамасининг 2013 йил 15 февралдаги “Кам таъминланган оилаларга ижтимоий нафақалар ва моддий ёрдам тайинлаш ва тўлаш тартиби тўғрисидаги Низомни тасдиқлаш ҳақида”ги 44-сонли Қарори мазмун-моҳияти юзасидан тушди.

-Фуқароларимизнинг радиоузел орқали ҳуқуқий тарғиботимизга қизиқиши ортганлиги кузатилмоқда.

Меҳнат қонунчилиги тарғиботи давом этмоқда!

2020-03-02T12:22:28.822Z

Жорий йилнинг 2 март куни Шўрчи туман адлия бўлими ва туман аҳоли бандлигига кўмаклашиш маркази ходимлари билан биргаликда тумандаги мактабгача таълим бўлими ходимлари ва мактабгача таълим муассасалари мудиралари иштирокида тарғибот тадбири ўтказилди.

Тарғибот давомида Ўзбекистон Республикасининг "Коррупцияга қарши курашиш тўғрисида"ги Қонуни, Ўзбекистон Республикасининг “Одам савдосига қарши курашиш тўғрисида”ги Қонуни, Ўзбекистон Республикаси Президентининг 2019 йил 9-декабрда қабул қилинган “Бюрократик тўсиқларни янада қисқартириш ҳамда давлат органлари ва ташкилотлари фаолиятига замонавий бошқарув тамойилларини жорий қилиш чора-тадбирлари тўғрисида”ги ПҚ-4546-сон Қарори мазмун-моҳияти юзасидан тушунтиришлар берилди.

Шунингдек, “Ўзбекистон Республикаси молия вазирининг “Бюджет ташкилотларида ишловчи аёлларга ҳомиладорлик ва туғиш бўйича нафақа, фуқароларнинг айрим тоифаларига уй-жой-коммунал хизматлар ҳақини тўлаш бўйича имтиёзлар ўрнига қонун ҳужжатларида назарда тутилган ойлик компенсация пул тўловлари ҳамда бола туғилганида бериладиган бир йўла нафақани тўлаш бўйича харажатларни молиялаштириш тартиби тўғрисида низомни тасдиқлаш ҳақида” буйруғи, Ўзбекистон Республикаси Меҳнат ва аҳолини ижтимоий муҳофаза қилиш вазирлигининг 2002 йил 1 апрелдаги 21-сон буйруғи билан тасдиқланган “Давлат ижтимоий суғуртаси бўйича нафақалар тайинлаш ва тўлаш тартиби тўғрисида”ги Низом, “Меҳнат дафтарчаларини юритиш тартиби тўғрисида”ги Йўриқнома талаблари тушунтирилди.

Шўрчи туман адлия бўлими.

ЕР ҚОНУНЧИЛИГИ ТАРҒИБОТИ...

2020-02-19T08:09:15.360Z

Жорий йилнинг 19 февраль куни Шўрчи туман адлия бўлими, туман ҳокимлиги ва туман 3-сон ДНИ ходимлари томонидан "Ер қонунчилиги тарғиботи акцияси" доирасида туман ермулкадастр бўлимида, бўлим ходимлари, тумандаги фермер хўжалиги раҳбарларига ер тўғрисидадаги қонун ҳужжатларидаги ўзгаришлар, шунингдек ерларни ноқонуний сотиш, ўзбошимчалик билан эгаллаб олиш каби қонунбузилиш ҳолатлари учун белгиланган жавобгарлик ҳақида тушунтириш бўйича тарғибот тадбири ўтказилди.

Шунингдек, мазкур тадбир давомида янги қабул қилинган қонун ҳужжатлари мазмун моҳияти акс эттирилган буклет ва флаерлар тарқатилди.

Шўрчи туман адлия бўлими.

Манзилли ҳуқуқий тарғибот тадбирлари давом этмоқда

2020-02-18T07:27:31.421Z

Қабул қилинаётган қонун ҳужжатларининг моҳияти ва аҳамиятини аҳолининг турли қатламл арига, хусусан, ҳар бир фуқарога манзилли етказиш орқали ҳуқуқий саводхонлигини ошириш ҳамда ҳуқуқий маданиятини янада юксалтириш бўйича ҳуқуқий тарғибот тадбирларини ўтказиш ижросини таъминлаш мақсадида Шўрчи туман давлат архивига келган фуқаролар ва давлат архиви ходимлари ўртасида тарғибот тадбири ташкил этилди.

Тарғибот тадбирида фуқароларнинг ҳуқуқий маданиятини юксалтириш орқали турли мафкуравий таҳдидлар ҳамда бузғунчи ёт ғояларга қарши мустаҳкам иммунитетни шакллантириш ҳамда ватанпарварлик ҳиссини кучайтириш, ҳуқуқий нигилизимни бартараф қилиш бўйича ҳуқуқбузарликлар профилактиаси олиб бориш бўйича олиб борилди.

Шунингдек, Ўзбекистон Республикаси Адлия вазирининг 2019 йил 18 декабрдаги 390-ум-сон "Ўзбекистон Республикаси Президентининг 2019 йил 13 декабрдаги ПҚ-4551-сон "Конститутция ва қонун устуворлигини таъминлаш, бу борада жамоатчилик назоратини кучайтириш ҳамда жамиятда ҳуқуқий маданиятни юксалтириш бўйича қўшимча чора-тадбирлар тўғрисида"ги буйруғи ҳамда, Ўзбекистон Республикасининг “Қишлоқ хўжалгига мўлажалланмаган ер участкаларини хусусийлаштириш тўғрисида”ги Қонуни, Ўзбекистон Республикаси Президентининг 13.08.2019 йилдаги ПФ–5780-сон “Хусусий мулкни химоя қилиш ва мулкдорлар хуқуқларининг кафолатларини кучайтириш,тадбиркорлик ташаббусларини кўллаб қувватлаш борасидаги ишларни ташкил қилиш тизимини тубдан такомиллаштириш бўйича қўшимча чора-тадбирлар, шунингдек, тадбиркорлик субьектларининг молиявий ресурслар ва ишлаб чиқариш инфратузилмасидан фойдаланиш имкониятларини кенгайтириш тўғрисида”ги Фармони ҳамда Вазирлар Маҳкамасининг 16.11.2019 йилдаги 911-сон “Жисмоний ва юридик шахсларнинг мулк ҳуқуқлари кафолатларини таъминлаш ҳамда ер участкаларини олиб қўйиш ва компенсация бериш тартибини такомиллаштиришга доир қўшимча чора-тадбирлар тўғрисида”ги қарорлари юзасидан ҳуқуқий тушунтиришлар берилиб буклет ва флаерлар тарқатилди.

Шўрчи туман адлия бўлими.

Манзилли ҳуқуқий тарғибот тадбирлари давом этмоқда

2020-02-18T07:08:45.974Z

Шўрчи туман адлия бўлими.

“УЙИМИЗ “СНОС”ГА ТУШДИ”. БУ НИМА ДЕГАНИ?

2020-02-17T07:03:12.437Z

Кейинги пайтларда республикамизнинг деярли барча вилоятларида кўчмас мулкларнинг бузилиши ва бу ҳолатдан кўпчиликнинг норозилигига сабаб бўлаётган ҳолатларнинг гувоҳи бўлмоқдамиз.

Шу муносабат билан биз кейинги пайтларда энг қўп қўлланиладиган ва барча учун таниш бўлиб улгурган “снос” тушунчасига, “унинг ўзбошичалик билан қурилган уйларнинг бузилишидан фарқи қандай?” каби саволларга қонунчиликка асосан тушунтириш берамиз.

“Снос” – бу русча сўз бўлиб, “бузиш, бузилиш” деган маънони билдиради. Аниқроқ қили айтганда, “Снос” деганда жисмоний ва юридик шахсларга, шу жумладан якка тартибдаги тадбиркорларга эгалик қилиш, доимий фойдаланиш ёки вақтинчалик фойдаланиш ҳуқуқи билан тегишли бўлган ер участкаси ёки унинг бир қисми давлат ва жамоат эҳтиёжлари учун, шунингдек, инвестиция лойиҳаларини амалга ошириш доирасида олиб қўйилиши натижасида ушбу ер участкасида қурилган кучмас мулкларнинг бузилиши тушунилади.

Ўзбекистон Республикаси Вазирлар Маҳкамасининг 2019 йил 16 ноябрдаги ВМҚ-911-сонли қарори билан тасдиқланган “Ер участкалари олиб қўйилиши ва олиб қўйилаётган ер участкасида жойлашган кўчмас мулк объектлари мулкдорларига компенсация бериш тартиби тўғрисида”ги низомга асосан жисмоний ва юридик шахсларга, шу жумладан якка тартибдаги тадбиркорларга эгалик қилиш, доимий фойдаланиш ёки вақтинчалик фойдаланиш ҳуқуқи билан тегишли бўлган ер участкаси ёки унинг бир қисми

- мудофаа ва давлат хавфсизлиги, муҳофаза этиладиган табиий ҳудудлар эҳтиёжлари, эркин иқтисодий зоналарни ташкил қилиш ва уларнинг фаолият юритиши учун ерларни бериш;

- халқаро шартномалардан келиб чиқадиган мажбуриятларни бажариш;

- фойдали қазилмалар конларини аниқлаш ва қазиб чиқариш;

- автомобиль йўллари ва темир йўллар, аэропортлар, аэродромлар, аэронавигация объектлари ва авиатехника марказлари, темир йўл транспорти объектлари, кўприклар, метрополитенлар, туннеллар, энергетика тизими объектлари ва электр узатиш тармоқлари, алоқа тармоқлари, космик фаолият объектлари, магистрал қувурлар, муҳандислик-коммуникация тармоқларини қуриш (реконструкция қилиш);

- аҳоли пунктлари бош режаларини Ўзбекистон Республикаси Давлат бюджети маблағлари ҳисобига объектлар қуриш қисмида ижро этиш, шунингдек, қонунлар ва Ўзбекистон Республикаси Президенти қарорларида тўғридан-тўғри назарда тутилган бошқа ҳоллар;

- амалга оширилиши давлат дастурларида назарда тутилган, фуқароларнинг яшаш ва маиший шароитларини, шунингдек муайян ҳудудни ривожлантириш ва архитектура қиёфасини яхшилаш, инфратузилмани ривожлантириш ҳамда ижтимоий-иқтисодий аҳамиятга эга бўлган объектларни қуришни назарда тутувчи лойиҳаларни амалга ошириш мақсадларида олиб қўйилади.

Жисмоний ва юридик шахсларга, шу жумладан якка тартибдаги тадбиркорларга эгалик қилиш, доимий фойдаланиш ёки вақтинчалик фойдаланиш ҳуқуқи билан тегишли бўлган ер участкаси ёки унинг бир қисми олиб қўйилганда ер участкаси эгаларига, кўчмас мулк мулкдорларига

- олиб қўйилган ер участкасида жойлашган кўчмас мулк объектларининг бозор қиймати;

- олиб қўйилган ер участкасига бўлган ҳуқуқнинг бозор қиймати;

- кўчириш, шу жумладан, бошқа кўчмас мулк объектини вақтинчалик олиш билан боғлиқ харажатлар;

- жисмоний ва юридик шахсларнинг бой берилган фойдаси;

- қонун ҳужжатларида ёки келишувда назарда тутилган бошқа харажатлар ва зарарлар компенсация қилиб берилади.

Бир сўз билан айтганда, “Ер участкалари олиб қўйилиши ва олиб қўйилаётган ер участкасида жойлашган кўчмас мулк объектлари мулкдорларига компенсация бериш тартиби тўғрисида”ги низомга асосан жисмоний ва юридик шахсларга, шу жумладан якка тартибдаги тадбиркорларга эгалик қилиш, доимий фойдаланиш ёки вақтинчалик фойдаланиш ҳуқуқи билан тегишли бўлган ер участкаси ёки унинг бир қисми олиб қўйилганда ер участкаси эгаларига, кучмас мулк мулкдорларининг розилиги олиниб, уларга тегишли тартибда компенсация тўлаб берилади.

Биз халқ ичидаги “снос”нинг, яъни қонуний тил билан айтганда, жисмоний ва юридик шахсларга, шу жумладан якка тартибдаги тадбиркорларга эгалик қилиш, доимий фойдаланиш ёки вақтинчалик фойдаланиш ҳуқуқи билан тегишли бўлган ер участкаси ёки унинг бир қисми олиб қўйилганда кучмас мулк объектларининг бузилиши ҳақида батафсил тушунча бериб ўтдик.

Энди биз ўзбошимчалик билан қурилган уйлар, уларнинг ҳуқуқий оқибати ҳақида тушунча бериб ўтамиз.

Ўзбекистон Респуликаси Фуқаролик кодексининг 212-моддасига асосан қонун ҳужжатларида белгиланган тартибда қурилиш мақсадлари учун ажратилмаган ер участкаларида, шунингдек иморат қуриш учун зарур рухсатнома олмасдан ёки архитектура ва қурилиш нормалари ҳамда қоидаларини жиддий бузган ҳолда қурилган уй-жой, бошқа бино, иншоот ёки ўзга кўчмас мулк ўзбошимчалик билан қурилган иморат ҳисобланади. Ўзбошимчалик билан иморат қурган шахс унга мулк ҳуқуқини ололмайди. Бу шахс қурган иморатини тасарруф этишга — сотишга, ҳадя этишга, ижарага беришга, иморатга нисбатан бошқа битимлар тузишга ҳақли эмас. Бундан ташқари, ўзбошимчалик билан иморат қуриш натижасида ҳуқуқлари бузилган шахснинг ёки тегишли давлат органининг даъвоси билан бундай иморат суднинг қарорига биноан иморатни қурган шахс томонидан ёки унинг ҳисобидан бузиб ташланиши лозим.

Ўзбекистон Ресубликаси Маъмурий жавобгарлик тўғрисидаги кодексининг 60-моддасига асосан ер участкаларини ўзбошимчалик билан эгаллаб олиш, — фуқароларга базавий ҳисоблаш миқдорининг ўн бараваридан ўн беш бараваригача, мансабдор шахсларга эса — йигирма бараваридан ўттиз бараваригача миқдорда жарима солишга ёки ўн беш суткагача маъмурий қамоққа олишга сабаб бўлади.

Шунингдек, Ўзбекистон Ресубликаси Жиноят кодексининг 229-1-моддасига кўра ер участкаларини ўзбошимчалик билан эгаллаб олиш, агар худди шундай ҳаракатлар учун маъмурий жазо қўлланилганидан кейин содир этилган бўлса,— базавий ҳисоблаш миқдорининг эллик бараваридан юз бараваригача миқдорда жарима ёки уч йилгача ахлоқ тузатиш ишлари ёхуд бир йилгача озодликни чеклаш ёки бир йилгача озодликдан маҳрум қилиш билан жазоланади.

Юқоридагилардан келиб чиқиб, “снос”нинг, яъни жисмоний ва юридик шахсларга, шу жумладан якка тартибдаги тадбиркорларга эгалик қилиш, доимий фойдаланиш ёки вақтинчалик фойдаланиш ҳуқуқи билан тегишли бўлган ер участкаси ёки унинг бир қисми олиб қўйилганда кучмас мулк объектларининг бузилиши бузилиши билан ер участкаларини ўзбошичалик билан эгаллаб олинган ер участкасидаги кўчмас мулкларни бузилишининг ўртасидаги фарқлар қуйидагилардир:

биринчи, ер участкаси ёки унинг бир қисми давлат ва жамоат эҳтиёжлари, шунингдек, инвестиция лойиҳаларини амалга ошириш учун олиб қўйилиши Қорақалпоғистон Республикаси Жўқорғи Кенгеси ёки тегишли халқ депутатлари Кенгашлари қарорига биноан амалга оширилади. Ўзбошимчалик билан қурилган иморатни бузиб ташлаш эса суднинг қарорига биноан амалга оширилади.

иккинчидан, ер участкаси ёки унинг бир қисми давлат ва жамоат эҳтиёжлари, шунингдек, инвестиция лойиҳаларини амалга ошириш учун олиб қўйилиши натижасида тегишли тартибда ер участкаси эгаларига, кўчмас мулк мулк мулкдорларига компенсация тўлиқ тўлаб берилади. Ўзбошимчалик билан қурилган иморатни бузиб ташлашда эса ҳеч қандай компенсация тўлаб берилмайди.

учинчидан, Ўзбошимчалик билан иморат қурган шахсга ўзининг ҳисобидан ўзбошимчалик билан қурилган иморатни бузиб ташлаш мажбурияти юклатилади.

Ер участкаси ёки унинг бир қисми давлат ва жамоат эҳтиёжлари, шунингдек, инвестиция лойиҳаларини амалга ошириш учун олиб қўйилаётган ер участкаси эгаларига, кўчмас мулк мулк мулкдорларига эса бундай мажбурият юклатилмайди.

Шўрчи туман адлия бўлими.

Сайёр қабул давомида...

2020-02-17T05:20:49.602Z

Аҳоли муаммоларини жойларда ўрганиб, аҳолига ҳуқуқий кўмак бериш мақсадида Шўрчи туман адлия бўлими ходимлари томонидан сайёр қабуллар режа график асосида ўтказиб келинмоқда.

Хусусан, жорий йилнинг 15 феврал куни ана шундай қабуллардан бири туманинг энг олис ҳудудларидан бири бўлган "Хушчекка" шаҳарча фуқаролар йиғини ҳудудида ўтказилди. Сайёр қабулда фуқаролар томонидан билдирилган муаммолар юзасидан ҳуқуқий тушунтириш бериш билан бирга, маҳаллий ҳокимият ва бошқа давлат назорати идора ходимлари иштирок этиб, ШФЙда бир неча ойдан буён "Совжиронбобо" МФЙ фуқаролари ўртасида низолар келиб чиқиб, жиддий жан-жал тусига айланишига бўлган сабаб чуқур ўрганилганда, тумандаги "Совжиронбобо" МФЙ фуқаролари учун "Хушчекка" ШФЙ худудидаги, ҳокимият захирасидаги яйлов ер майдонидан қабристон учун ер майдони ажратиш тўғрисида туман ҳокими 2019 йил бошида чиқганлиги, ушбу қарор асосида туман ободонлаштириш маркази қабристон ҳудуди ва унга олиб борадиган йўл таъмирлаш ишлари олиб борилаётганлиги маълум қилинди. Сайёр қабул давомида қабристон учун ажратилаётган ер майдон ҳудудига барча назорат идоралари билан бирга фуқаролар билан бирга чиқилиб, қабристон ҳудуди аниқ ўлчаб кўрсатилиб, ушбу қабристонга олиб борувчи йўл чегаралари белгиланиб, тўлиқ берилган тушунтиришлардан сўнг тарафлардан фуқаролар ва уларнинг вакиллари томонидан ҳеч қандай эътирозлар тушмасдан балким чегара ва ер майдонларида тушунмовчилик ва турли фикр мулоҳазалар натижасида зиддиятлар келиб чиқаётганлигини, барча тушунмовчиликлар жойида ечилганлигидан миннатдорчиликлар билдириб қолишди.

Шўрчи туман адлия бўлими, туман ҳокимлиги, туман ИИБ, туман ободонлаштириш бошқармаси, туман ер ресурслари ва давлат кадастри бўлими ходимлари иштирокида, ушбу мурожаат атрофлича ўрганилиб, икки маҳалла ўртасидаги низоли жараёнга барҳам берилди, ҳамда жойига чиқган ҳолда 12 нафар фуқаронинг мурожаати қаноатлантирилди.

Ўтказилаган сайёр қабулда 8 нафар фуқарони мурожаатлари юзасидан ҳуқуқий кўмак - тушунтиришлар берилди, 1 нафар фуқароларнинг мурожаатлари ўрганиб чиқиш. фуқаро мурожаатини ижобий ҳал этиш мақсадида иш юритувга олинди.

Шунингдек, ушбу сайёр қабул давомида фуқароларга янги қабул қилинган қонун ҳужжатлари, шу жумладан, Ўзбекистон Республикасининг “Қишлоқ хўжалгига мўлажалланмаган ер участкаларини хусусийлаштириш тўғрисида”ги Қонуни, Ўзбекистон Республикаси Президентининг 13.08.2019 йилдаги ПФ–5780-сон “Хусусий мулкни химоя қилиш ва мулкдорлар хуқуқларининг кафолатларини кучайтириш,тадбиркорлик ташаббусларини кўллаб қувватлаш борасидаги ишларни ташкил қилиш тизимини тубдан такомиллаштириш бўйича қўшимча чора-тадбирлар, шунингдек, тадбиркорлик субьектларининг молиявий ресурслар ва ишлаб чиқариш инфратузилмасидан фойдаланиш имкониятларини кенгайтириш тўғрисида”ги Фармони ҳамда Вазирлар Маҳкамасининг 16.11.2019 йилдаги 911-сон “Жисмоний ва юридик шахсларнинг мулк ҳуқуқлари кафолатларини таъминлаш ҳамда ер участкаларини олиб қўйиш ва компенсация бериш тартибини такомиллаштиришга доир қўшимча чора-тадбирлар тўғрисида”ги қарорлари юзасидан ҳуқуқий тушунтиришлар берилди.

ШЎРЧИ ТУМАНИДА ТАДБИРКОРЛАР БИЛАН СУҲБАТ ТАШКИЛ ЭТИЛДИ

2020-02-12T04:53:59.605Z

Шўрчи туман адлия бўлими томонидан Бош вазир қабулхонаси билан ҳамкорликда туманда фаолият юритаётган тадбиркорлар иштирокида суҳбат бўлиб ўтди.

Суҳбат давомида Солиқ Кодексининг мазмун-моҳияти, унга киритилган ўзгаришлар, янги солиқ турлари, яратилган қулайликлар ва солиқ текширувларининг қисқартилиши ҳамда тадбиркорлар томонидан туман статистикага тақдим этиладиган ҳисоботларни тақдим этиш тартиби ва муддатлари ундаги янгиликлар ва тушунмовчиликлар юзасидан тадбиркорларга тушунтириш ишлари олиб борилди.

Шунингдек, Бугун ижтимоий ҳаётда кенг муҳокамаларга сабаб бўлаётган бош мавзулардан бири – “снос” масаласига ҳам тўҳталиб ўтилди. Албатта, уй тузишда ҳам, уй бузишда ҳам тартиб борлиги, уни амалдаги қонун миёрлари асосида амалга ошириш мақсадга мувофиқлиги борасида хам тухталиб, ҳукуматнинг 2019 йил 16 ноябридаги 911-сон қарори билан тасдиқланган низом талаблари тушунтириб ўтилди.

Шўрчи туман адлия бўлими.

Фуқаролар манфаатлари – қонун ҳимоясида

2020-02-03T13:55:46.240Z

Жорий йилнинг 3 февраль куни Шўрчи туман адлия бўлими, туман ИИБ, туман хотин-қизлар қўмитаси ҳамкорлигида туман ИИБ сектори штабида “Ўзбекистон Республикасида Хотин-қизлар фаолиятига оид норматив-ҳуқуқий ҳужжатлар” ва Ўзбекистон Республикасининг “Касаба уюшмалари тўғрисида”ги Қонуни, янги таҳрирдаги Солиқ кодекси, Ўзбекистон Республикаси Президентининг 2019 йил 9 декабрдаги ПҚ-4546-сон “Бюрократик тўсиқларни қисқартириш ҳамда давлат органлари ва ташкилотлари фаолиятига замонавий бошқарув тамойилларини жорий қилиш чора-тадбирлари тўғрисида”ги қарори, Ўзбекистон Республикаси Олий Мажлиси Сенати ва Қонунчилик палатаси Кенгашларининг 2019 йил 14 сентябрдаги “Тўй-ҳашамлар, оилавий тантаналар, маърака ва маросимлар, марҳумларнинг хотирасига бағишланган тадбирлар ўтказилишини тартибга солиш тизимини такомиллаштириш тўғрисида”ги қарорлари мазмун-моҳияти ҳақида таништириб ўтилди ва уларни қизиқтирган саволлари юзасидан тегишли ҳуқуқий тушунтиришлар берилди.

Шунингдек, ўқув семинарга сектордаги барча ташкилотларнинг ҳотин-қизлар ишлари бўйича маслахатчилари, ва маҳлла котиблари таклиф этилди.

Семинар баҳс-мунозара, мулоҳазаларга бой тарзда ўтиб, иштирокчиларнинг берган барча саволларига атрофлича жавоблар берилди.